| Library / Tipiṭaka / ತಿಪಿಟಕ • Tipiṭaka / ಅಙ್ಗುತ್ತರನಿಕಾಯ (ಅಟ್ಠಕಥಾ) • Aṅguttaranikāya (aṭṭhakathā) |
(೯) ೪. ಧಮ್ಮವಗ್ಗವಣ್ಣನಾ
(9) 4. Dhammavaggavaṇṇanā
೮೮. ಚತುತ್ಥಸ್ಸ ಪಠಮೇ ಚೇತೋವಿಮುತ್ತೀತಿ ಫಲಸಮಾಧಿ। ಪಞ್ಞಾವಿಮುತ್ತೀತಿ ಫಲಪಞ್ಞಾ।
88. Catutthassa paṭhame cetovimuttīti phalasamādhi. Paññāvimuttīti phalapaññā.
೮೯. ದುತಿಯೇ ಪಗ್ಗಾಹೋತಿ ವೀರಿಯಂ। ಅವಿಕ್ಖೇಪೋತಿ ಚಿತ್ತೇಕಗ್ಗತಾ।
89. Dutiye paggāhoti vīriyaṃ. Avikkhepoti cittekaggatā.
೯೦. ತತಿಯೇ ನಾಮನ್ತಿ ಚತ್ತಾರೋ ಅರೂಪಕ್ಖನ್ಧಾ। ರೂಪನ್ತಿ ರೂಪಕ್ಖನ್ಧೋ। ಇತಿ ಇಮಸ್ಮಿಂ ಸುತ್ತೇ ಧಮ್ಮಕೋಟ್ಠಾಸಪರಿಚ್ಛೇದಞಾಣಂ ನಾಮ ಕಥಿತಂ।
90. Tatiye nāmanti cattāro arūpakkhandhā. Rūpanti rūpakkhandho. Iti imasmiṃ sutte dhammakoṭṭhāsaparicchedañāṇaṃ nāma kathitaṃ.
೯೧. ಚತುತ್ಥೇ ವಿಜ್ಜಾತಿ ಫಲಞಾಣಂ। ವಿಮುತ್ತೀತಿ ತಂಸಮ್ಪಯುತ್ತಾ ಸೇಸಧಮ್ಮಾ।
91. Catutthe vijjāti phalañāṇaṃ. Vimuttīti taṃsampayuttā sesadhammā.
೯೨. ಪಞ್ಚಮೇ ಭವದಿಟ್ಠೀತಿ ಸಸ್ಸತದಿಟ್ಠಿ। ವಿಭವದಿಟ್ಠೀತಿ ಉಚ್ಛೇದದಿಟ್ಠಿ। ಛಟ್ಠಸತ್ತಮಾನಿ ಉತ್ತಾನತ್ಥಾನೇವ।
92. Pañcame bhavadiṭṭhīti sassatadiṭṭhi. Vibhavadiṭṭhīti ucchedadiṭṭhi. Chaṭṭhasattamāni uttānatthāneva.
೯೫. ಅಟ್ಠಮೇ ದೋವಚಸ್ಸತಾತಿ ದುಬ್ಬಚಭಾವೋ। ಪಾಪಮಿತ್ತತಾತಿ ಪಾಪಮಿತ್ತಸೇವನಭಾವೋ। ನವಮಂ ವುತ್ತವಿಪರಿಯಾಯೇನ ವೇದಿತಬ್ಬಂ।
95. Aṭṭhame dovacassatāti dubbacabhāvo. Pāpamittatāti pāpamittasevanabhāvo. Navamaṃ vuttavipariyāyena veditabbaṃ.
೯೭. ದಸಮೇ ಧಾತುಕುಸಲತಾತಿ ಅಟ್ಠಾರಸ ಧಾತುಯೋ ಧಾತೂತಿ ಜಾನನಂ। ಮನಸಿಕಾರಕುಸಲತಾತಿ ತಾಸಂಯೇವ ಧಾತೂನಂ ಅನಿಚ್ಚಾದಿವಸೇನ ಲಕ್ಖಣತ್ತಯಂ ಆರೋಪೇತ್ವಾ ಜಾನನಂ।
97. Dasame dhātukusalatāti aṭṭhārasa dhātuyo dhātūti jānanaṃ. Manasikārakusalatāti tāsaṃyeva dhātūnaṃ aniccādivasena lakkhaṇattayaṃ āropetvā jānanaṃ.
೯೮. ಏಕಾದಸಮೇ ಆಪತ್ತಿಕುಸಲತಾತಿ ಪಞ್ಚನ್ನಞ್ಚ ಸತ್ತನ್ನಞ್ಚ ಆಪತ್ತಿಕ್ಖನ್ಧಾನಂ ಜಾನನಂ। ಆಪತ್ತಿವುಟ್ಠಾನಕುಸಲತಾತಿ ದೇಸನಾಯ ವಾ ಕಮ್ಮವಾಚಾಯ ವಾ ಆಪತ್ತೀಹಿ ವುಟ್ಠಾನಜಾನನನ್ತಿ।
98. Ekādasame āpattikusalatāti pañcannañca sattannañca āpattikkhandhānaṃ jānanaṃ. Āpattivuṭṭhānakusalatāti desanāya vā kammavācāya vā āpattīhi vuṭṭhānajānananti.
ಧಮ್ಮವಗ್ಗೋ ಚತುತ್ಥೋ।
Dhammavaggo catuttho.
Related texts:
ತಿಪಿಟಕ (ಮೂಲ) • Tipiṭaka (Mūla) / ಸುತ್ತಪಿಟಕ • Suttapiṭaka / ಅಙ್ಗುತ್ತರನಿಕಾಯ • Aṅguttaranikāya / (೯) ೪. ಧಮ್ಮವಗ್ಗೋ • (9) 4. Dhammavaggo
ಟೀಕಾ • Tīkā / ಸುತ್ತಪಿಟಕ (ಟೀಕಾ) • Suttapiṭaka (ṭīkā) / ಅಙ್ಗುತ್ತರನಿಕಾಯ (ಟೀಕಾ) • Aṅguttaranikāya (ṭīkā) / (೯) ೪. ಧಮ್ಮವಗ್ಗವಣ್ಣನಾ • (9) 4. Dhammavaggavaṇṇanā
