| Library / Tipiṭaka / තිපිටක • Tipiṭaka / අඞ්‌ගුත්‌තරනිකාය (අට්‌ඨකථා) • Aṅguttaranikāya (aṭṭhakathā) |
(9) 4. ධම්‌මවග්‌ගවණ්‌ණනා
(9) 4. Dhammavaggavaṇṇanā
88. චතුත්‌ථස්‌ස පඨමෙ චෙතොවිමුත්‌තීති ඵලසමාධි. පඤ්‌ඤාවිමුත්‌තීති ඵලපඤ්‌ඤා.
88. Catutthassa paṭhame cetovimuttīti phalasamādhi. Paññāvimuttīti phalapaññā.
89. දුතියෙ පග්‌ගාහොති වීරියං. අවික්‌ඛෙපොති චිත්‌තෙකග්‌ගතා.
89. Dutiye paggāhoti vīriyaṃ. Avikkhepoti cittekaggatā.
90. තතියෙ නාමන්‌ති චත්‌තාරො අරූපක්‌ඛන්‌ධා. රූපන්‌ති රූපක්‌ඛන්‌ධො. ඉති ඉමස්‌මිං සුත්‌තෙ ධම්‌මකොට්‌ඨාසපරිච්‌ඡෙදඤාණං නාම කථිතං.
90. Tatiye nāmanti cattāro arūpakkhandhā. Rūpanti rūpakkhandho. Iti imasmiṃ sutte dhammakoṭṭhāsaparicchedañāṇaṃ nāma kathitaṃ.
91. චතුත්‌ථෙ විජ්‌ජාති ඵලඤාණං. විමුත්‌තීති තංසම්‌පයුත්‌තා සෙසධම්‌මා.
91. Catutthe vijjāti phalañāṇaṃ. Vimuttīti taṃsampayuttā sesadhammā.
92. පඤ්‌චමෙ භවදිට්‌ඨීති සස්‌සතදිට්‌ඨි. විභවදිට්‌ඨීති උච්‌ඡෙදදිට්‌ඨි. ඡට්‌ඨසත්‌තමානි උත්‌තානත්‌ථානෙව.
92. Pañcame bhavadiṭṭhīti sassatadiṭṭhi. Vibhavadiṭṭhīti ucchedadiṭṭhi. Chaṭṭhasattamāni uttānatthāneva.
95. අට්‌ඨමෙ දොවචස්‌සතාති දුබ්‌බචභාවො. පාපමිත්‌තතාති පාපමිත්‌තසෙවනභාවො. නවමං වුත්‌තවිපරියායෙන වෙදිතබ්‌බං.
95. Aṭṭhame dovacassatāti dubbacabhāvo. Pāpamittatāti pāpamittasevanabhāvo. Navamaṃ vuttavipariyāyena veditabbaṃ.
97. දසමෙ ධාතුකුසලතාති අට්‌ඨාරස ධාතුයො ධාතූති ජානනං. මනසිකාරකුසලතාති තාසංයෙව ධාතූනං අනිච්‌චාදිවසෙන ලක්‌ඛණත්‌තයං ආරොපෙත්‌වා ජානනං.
97. Dasame dhātukusalatāti aṭṭhārasa dhātuyo dhātūti jānanaṃ. Manasikārakusalatāti tāsaṃyeva dhātūnaṃ aniccādivasena lakkhaṇattayaṃ āropetvā jānanaṃ.
98. එකාදසමෙ ආපත්‌තිකුසලතාති පඤ්‌චන්‌නඤ්‌ච සත්‌තන්‌නඤ්‌ච ආපත්‌තික්‌ඛන්‌ධානං ජානනං. ආපත්‌තිවුට්‌ඨානකුසලතාති දෙසනාය වා කම්‌මවාචාය වා ආපත්‌තීහි වුට්‌ඨානජානනන්‌ති.
98. Ekādasame āpattikusalatāti pañcannañca sattannañca āpattikkhandhānaṃ jānanaṃ. Āpattivuṭṭhānakusalatāti desanāya vā kammavācāya vā āpattīhi vuṭṭhānajānananti.
ධම්‌මවග්‌ගො චතුත්‌ථො.
Dhammavaggo catuttho.
Related texts:
තිපිටක (මූල) • Tipiṭaka (Mūla) / සුත්‌තපිටක • Suttapiṭaka / අඞ්‌ගුත්‌තරනිකාය • Aṅguttaranikāya / (9) 4. ධම්‌මවග්‌ගො • (9) 4. Dhammavaggo
ටීකා • Tīkā / සුත්‌තපිටක (ටීකා) • Suttapiṭaka (ṭīkā) / අඞ්‌ගුත්‌තරනිකාය (ටීකා) • Aṅguttaranikāya (ṭīkā) / (9) 4. ධම්‌මවග්‌ගවණ්‌ණනා • (9) 4. Dhammavaggavaṇṇanā
