| Library / Tipiṭaka / д̇ибидага • Tipiṭaka / бан̃жабагаран̣а-мууладийгаа • Pañcapakaraṇa-mūlaṭīkā |
9. д̇хаммаяамагам̣
9. Dhammayamakaṃ
1. бан̣н̣ад̇д̇ивааро
1. Paṇṇattivāro
уд̣̇д̣̇зсаваараван̣н̣анаа
Uddesavāravaṇṇanā
1-16. д̇хаммаяамагаван̣н̣анааяам̣ гусалаад̣̇ид̇хаммаанам̣ маад̇игам̣ табзд̇ваад̇и яат̇аа муулаяамагз гусалаад̣̇ид̇хаммаа д̣̇зсид̇аа, яат̇аа жа канд̇хаяамагаад̣̇ийсу ‘‘бан̃жагканд̇хаа’’д̇иаад̣̇инаа ан̃н̃ат̇аа сан̇г̇ахзд̇ваа д̣̇зсид̇аа, д̇ат̇аа ад̣̇зсзд̇ваа яаа гусалаад̣̇ийнам̣ д̇хаммаанам̣ ‘‘гусалаагусалаа д̇хаммаа’’д̇иаад̣̇игаа маад̇игаа, д̇ам̣ ид̇ха аад̣̇имхи табзд̇ваа д̣̇зсид̇ассаад̇и ад̇т̇о.
1-16. Dhammayamakavaṇṇanāyaṃ kusalādidhammānaṃ mātikaṃ ṭhapetvāti yathā mūlayamake kusalādidhammā desitā, yathā ca khandhayamakādīsu ‘‘pañcakkhandhā’’tiādinā aññathā saṅgahetvā desitā, tathā adesetvā yā kusalādīnaṃ dhammānaṃ ‘‘kusalākusalā dhammā’’tiādikā mātikā, taṃ idha ādimhi ṭhapetvā desitassāti attho.
уд̣̇д̣̇зсаваараван̣н̣анаа нидтид̇аа.
Uddesavāravaṇṇanā niṭṭhitā.
2. бавад̇д̇иваараван̣н̣анаа
2. Pavattivāravaṇṇanā
33-34. ‘‘яасса гусалаа д̇хаммаа уббаж̇ж̇анд̇и, д̇асса аб̣яаагад̇аа д̇хаммаа уббаж̇ж̇анд̇ий’’д̇и зд̇асса виссаж̇ж̇анз ‘‘аб̣яаагад̇аа жаад̇и жид̇д̇асамудтаанаруубавасзна вуд̇д̇а’’нд̇и адтагат̇ааяам̣ вуд̇д̇ам̣, имасмим̣ бана бан̃хз гаммасамудтаанаад̣̇ируубан̃жа лаб̣бхад̇и, д̇ам̣ бана бадиломаваарасса виссаж̇ж̇анз саб̣б̣зсам̣ жаванд̇аанам̣, бавад̇д̇з жид̇д̇асса бхан̇г̇агкан̣з, ааруббз агусалаанам̣ уббаад̣̇агкан̣з д̇зсам̣ гусалаа жа д̇хаммаа на уббаж̇ж̇анд̇и аб̣яаагад̇аа жа д̇хаммаа на уббаж̇ж̇анд̇ийд̇и зд̇т̇а бавад̇д̇з жид̇д̇асса бхан̇г̇агкан̣з уббаж̇ж̇амаанамби гаммасамудтаанаад̣̇ируубам̣ аг̇г̇ахзд̇ваа ‘‘аб̣яаагад̇аа жа д̇хаммаа на уббаж̇ж̇анд̇ий’’д̇и вуд̇д̇ад̇д̇аа жид̇д̇асамудтаанаруубамзва ид̇хаад̇хиббзд̇ам̣. гаммасамудтаанаад̣̇ируубз на вид̇хаанам̣, нааби бадисзд̇ход̇и гзжи вад̣̇анд̇и, д̇ат̇аа жид̇д̇асамудтаанаруубамзва санд̇хааяа ‘‘яасса гусалаа д̇хаммаа уббаж̇ж̇анд̇и, д̇асса аб̣яаагад̇аа д̇хаммаа нируж̇жханд̇ийд̇и? но’’д̇и (яама. 3.д̇хаммаяамага.163) вуд̇д̇анд̇и. д̇ам̣ банзд̇ам̣ звам̣ на саггаа вад̇д̇ум̣ жид̇д̇асса бхан̇г̇агкан̣з гаммасамудтаанаруубаад̣̇ийнамби уббаад̣̇асса уббаад̣̇агкан̣з жа нирод̇хасса звамаад̣̇ийхи зва баал̣ийхи бадисзд̇хасид̣̇д̇хид̇о.
33-34. ‘‘Yassa kusalā dhammā uppajjanti, tassa abyākatā dhammā uppajjantī’’ti etassa vissajjane ‘‘abyākatā cāti cittasamuṭṭhānarūpavasena vutta’’nti aṭṭhakathāyaṃ vuttaṃ, imasmiṃ pana pañhe kammasamuṭṭhānādirūpañca labbhati, taṃ pana paṭilomavārassa vissajjane sabbesaṃ cavantānaṃ, pavatte cittassa bhaṅgakkhaṇe, āruppe akusalānaṃ uppādakkhaṇe tesaṃ kusalā ca dhammā na uppajjanti abyākatā ca dhammā na uppajjantīti ettha pavatte cittassa bhaṅgakkhaṇe uppajjamānampi kammasamuṭṭhānādirūpaṃ aggahetvā ‘‘abyākatā ca dhammā na uppajjantī’’ti vuttattā cittasamuṭṭhānarūpameva idhādhippetaṃ. Kammasamuṭṭhānādirūpe na vidhānaṃ, nāpi paṭisedhoti keci vadanti, tathā cittasamuṭṭhānarūpameva sandhāya ‘‘yassa kusalā dhammā uppajjanti, tassa abyākatā dhammā nirujjhantīti? No’’ti (yama. 3.dhammayamaka.163) vuttanti. Taṃ panetaṃ evaṃ na sakkā vattuṃ cittassa bhaṅgakkhaṇe kammasamuṭṭhānarūpādīnampi uppādassa uppādakkhaṇe ca nirodhassa evamādīhi eva pāḷīhi paṭisedhasiddhito.
яз жа вад̣̇анд̇и ‘‘яат̇аа бадисамбхид̣̇аамаг̇г̇з нирод̇хагат̇ааяам̣ ‘сод̇аабад̇д̇имаг̇г̇агкан̣з ж̇аад̇аа д̇хаммаа табзд̇ваа жид̇д̇асамудтаанаруубам̣ саб̣б̣зби вирааг̇аа жзва хонд̇и вирааг̇аарамман̣аа вирааг̇аг̇ожараа вирааг̇асамуд̣̇ааг̇ад̇аа вирааг̇абад̇идтаа’д̇иаад̣̇ийсу ‘табзд̇ваа рууба’нд̇и авад̇ваа жид̇д̇абадиб̣ад̣̇д̇хад̇д̇аа жид̇д̇аж̇аруубаанам̣ ‘табзд̇ваа жид̇д̇асамудтаанарууба’нд̇и вуд̇д̇ам̣, звамид̇хааби жид̇д̇абадиб̣ад̣̇д̇хад̇д̇аа жид̇д̇аж̇аруубамзва гат̇ид̇а’’нд̇и, д̇ан̃жа д̇ат̇аа на ход̇и. язсан̃хи сод̇аабад̇д̇имаг̇г̇о сахаж̇аад̇абажжаяо ход̇и, язсу жа вирааг̇аад̣̇иаасан̇гаа ход̇и, д̇з сод̇аабад̇д̇имаг̇г̇асахаж̇аад̇аа д̇хаммаа сод̇аабад̇д̇имаг̇г̇агкан̣з ж̇аад̇аа д̇хаммаад̇и д̇ад̇т̇а вуд̇д̇аа. сод̇аабад̇д̇имаг̇г̇агкан̣з ж̇аад̇аад̇и хи важанам̣ маг̇г̇з ж̇аад̇ад̇ам̣ д̣̇ийбзд̇и, на жа гаммаж̇аад̣̇ийни амаг̇г̇з ж̇ааяамаанаани маг̇г̇агкан̣з ж̇аад̇авохаарам̣ араханд̇и д̇зсам̣ д̇асса сод̇аабад̇д̇имаг̇г̇агкан̣з сахаж̇аад̇абажжаяад̇д̇аабхаавад̇о, д̇асмаа маг̇г̇агкан̣з д̇ам̣сахаж̇аад̇ад̇хаммзсу табзд̇аб̣б̣ам̣ табзд̇ум̣ ‘‘табзд̇ваа жид̇д̇асамудтаанарууба’’нд̇и вуд̇д̇ам̣, ид̇ха бана гусалаад̣̇ид̇хаммаа яасса яад̇т̇а уббаж̇ж̇анд̇и нируж̇жханд̇и жа, д̇асса буг̇г̇аласса д̇асмин̃жа огаасз аб̣яаагад̇ад̇хаммаанам̣ уббаад̣̇анирод̇хаанам̣ гусалаад̣̇ибадиб̣ад̣̇д̇хад̇аа аббадиб̣ад̣̇д̇хад̇аа жа аамадтаа, на жа гаммаж̇аад̣̇ируубам̣ аб̣яаагад̇ам̣ на ход̇и, д̇асмаа саннидтаанзна г̇ахид̇асса буг̇г̇аласса огаасз ваа уббаад̣̇анирод̇хзсу виж̇ж̇амаанзсу аб̣яаагад̇аанам̣ д̇з взд̣̇ид̇аб̣б̣аа, авиж̇ж̇амаанзсу жа бадисзд̇хзд̇аб̣б̣аа, на жа ажид̇д̇абадиб̣ад̣̇д̇хаа аб̣яаагад̇аад̇и зд̇т̇а на г̇ахид̇аад̇и саггаа вад̇д̇ум̣ нирод̇хасамаабаннаанам̣ асан̃н̃асад̇д̇аанан̃жа уббаад̣̇анирод̇хаважанад̇од̇и.
Ye ca vadanti ‘‘yathā paṭisambhidāmagge nirodhakathāyaṃ ‘sotāpattimaggakkhaṇe jātā dhammā ṭhapetvā cittasamuṭṭhānarūpaṃ sabbepi virāgā ceva honti virāgārammaṇā virāgagocarā virāgasamudāgatā virāgapatiṭṭhā’tiādīsu ‘ṭhapetvā rūpa’nti avatvā cittapaṭibaddhattā cittajarūpānaṃ ‘ṭhapetvā cittasamuṭṭhānarūpa’nti vuttaṃ, evamidhāpi cittapaṭibaddhattā cittajarūpameva kathita’’nti, tañca tathā na hoti. Yesañhi sotāpattimaggo sahajātapaccayo hoti, yesu ca virāgādiāsaṅkā hoti, te sotāpattimaggasahajātā dhammā sotāpattimaggakkhaṇe jātā dhammāti tattha vuttā. Sotāpattimaggakkhaṇe jātāti hi vacanaṃ magge jātataṃ dīpeti, na ca kammajādīni amagge jāyamānāni maggakkhaṇe jātavohāraṃ arahanti tesaṃ tassa sotāpattimaggakkhaṇe sahajātapaccayattābhāvato, tasmā maggakkhaṇe taṃsahajātadhammesu ṭhapetabbaṃ ṭhapetuṃ ‘‘ṭhapetvā cittasamuṭṭhānarūpa’’nti vuttaṃ, idha pana kusalādidhammā yassa yattha uppajjanti nirujjhanti ca, tassa puggalassa tasmiñca okāse abyākatadhammānaṃ uppādanirodhānaṃ kusalādipaṭibaddhatā appaṭibaddhatā ca āmaṭṭhā, na ca kammajādirūpaṃ abyākataṃ na hoti, tasmā sanniṭṭhānena gahitassa puggalassa okāse vā uppādanirodhesu vijjamānesu abyākatānaṃ te veditabbā, avijjamānesu ca paṭisedhetabbā, na ca acittapaṭibaddhā abyākatāti ettha na gahitāti sakkā vattuṃ nirodhasamāpannānaṃ asaññasattānañca uppādanirodhavacanatoti.
жад̇уд̇т̇абан̃хз бавад̇д̇з агусалааб̣яаагад̇ажид̇д̇асса уббаад̣̇агкан̣зд̇и ид̣̇ам̣ ‘‘яасса ваа бана аб̣яаагад̇аа д̇хаммаа уббаж̇ж̇анд̇ий’’д̇и зд̇зна саннидтаанзна г̇ахид̇зсу бан̃жавогаарз агусалааб̣яаагад̇ажид̇д̇аанам̣ жад̇увогаарз жа аб̣яаагад̇ажид̇д̇ассзва уббаад̣̇агкан̣асаман̇г̇ино санд̇хааяа вуд̇д̇ам̣. звам̣ саб̣б̣ад̇т̇а саннидтаанавасзна висзсо взд̣̇ид̇аб̣б̣о.
Catutthapañhe pavatte akusalābyākatacittassa uppādakkhaṇeti idaṃ ‘‘yassa vā pana abyākatā dhammā uppajjantī’’ti etena sanniṭṭhānena gahitesu pañcavokāre akusalābyākatacittānaṃ catuvokāre ca abyākatacittasseva uppādakkhaṇasamaṅgino sandhāya vuttaṃ. Evaṃ sabbattha sanniṭṭhānavasena viseso veditabbo.
79. ‘‘згааваж̇ж̇анзна 166 уббаннассаа’’д̇и вуд̇д̇ам̣, наанааваж̇ж̇анзнаби бана д̇ад̇о буримад̇араж̇аванавийт̇ийсу уббаннасса ‘‘уббаад̣̇агкан̣з д̇зсам̣ агусалаа д̇хаммаа нуббаж̇ж̇иссанд̇и, но жа д̇зсам̣ гусалаа д̇хаммаа нуббаж̇ж̇анд̇ий’’д̇и ид̣̇ам̣ лагкан̣ам̣ лаб̣бхад̇зва, д̇асмаа зд̇зна лагкан̣зна самааналагкан̣ам̣ саб̣б̣ам̣ яасса жид̇д̇асса ананд̇араа аг̇г̇амаг̇г̇ам̣ бадилабхиссанд̇и, д̇асса жид̇д̇асса уббаад̣̇агкан̣зд̇и зд̇знзва гусалаанааг̇ад̇абхаавабарияосаанзна д̇ааяа зва самааналагкан̣ад̇ааяа д̣̇ийбид̇ам̣ ход̇ийд̇и д̣̇адтаб̣б̣ам̣. зса наяо агусалаад̇ийд̇абхаавасса аб̣яаагад̇аад̇ийд̇абхаавасса жа аад̣̇имхи ‘‘д̣̇уд̇ияз агусалз’’д̇и, ‘‘д̣̇уд̇ияз жид̇д̇з’’д̇и жа вуд̇д̇адтаанз. яат̇аа хи бхааванааваарз бхааванаабахаанаанам̣ барияосаанзна аг̇г̇амаг̇г̇зна д̇ад̇о буримад̇арааниби бхааванаабахаанаани д̣̇ассид̇аани хонд̇и, звамид̇хааби д̇ам̣ д̇ам̣ д̇зна д̇зна аад̣̇инаа анд̇зна жа д̣̇ассид̇анд̇и.
79. ‘‘Ekāvajjanena 166 uppannassā’’ti vuttaṃ, nānāvajjanenapi pana tato purimatarajavanavīthīsu uppannassa ‘‘uppādakkhaṇe tesaṃ akusalā dhammā nuppajjissanti, no ca tesaṃ kusalā dhammā nuppajjantī’’ti idaṃ lakkhaṇaṃ labbhateva, tasmā etena lakkhaṇena samānalakkhaṇaṃ sabbaṃ yassa cittassa anantarā aggamaggaṃ paṭilabhissanti, tassa cittassa uppādakkhaṇeti eteneva kusalānāgatabhāvapariyosānena tāya eva samānalakkhaṇatāya dīpitaṃ hotīti daṭṭhabbaṃ. Esa nayo akusalātītabhāvassa abyākatātītabhāvassa ca ādimhi ‘‘dutiye akusale’’ti, ‘‘dutiye citte’’ti ca vuttaṭṭhāne. Yathā hi bhāvanāvāre bhāvanāpahānānaṃ pariyosānena aggamaggena tato purimatarānipi bhāvanāpahānāni dassitāni honti, evamidhāpi taṃ taṃ tena tena ādinā antena ca dassitanti.
100. бан̃жавогаарз агусалаанам̣ бхан̇г̇агкан̣з д̇зсам̣ агусалаа жа д̇хаммаа нируж̇жханд̇и аб̣яаагад̇аа жа д̇хаммаа нируж̇жханд̇ийд̇и важанзна бадисанд̇хижид̇д̇ад̇о сол̣асамам̣, д̇ад̇о барамби ваа бхаваниганд̇ижид̇д̇ам̣ ход̇и, на д̇ад̇о оранд̇и вин̃н̃ааяад̇ийд̇и.
100. Pañcavokāre akusalānaṃ bhaṅgakkhaṇe tesaṃ akusalā ca dhammā nirujjhanti abyākatā ca dhammā nirujjhantīti vacanena paṭisandhicittato soḷasamaṃ, tato parampi vā bhavanikanticittaṃ hoti, na tato oranti viññāyatīti.
бавад̇д̇иваараван̣н̣анаа нидтид̇аа.
Pavattivāravaṇṇanā niṭṭhitā.
д̇хаммаяамагаван̣н̣анаа нидтид̇аа.
Dhammayamakavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / абхид̇хаммабидага • Abhidhammapiṭaka / яамагабаал̣и • Yamakapāḷi / 7. анусаяаяамагам̣ • 7. Anusayayamakaṃ
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / бан̃жабагаран̣а-анудийгаа • Pañcapakaraṇa-anuṭīkā / 9. д̇хаммаяамагам̣ • 9. Dhammayamakaṃ
