| Library / Tipiṭaka / ติปิฎก • Tipiṭaka / จูฬวคฺค-อฎฺฐกถา • Cūḷavagga-aṭṭhakathā |
ธมฺมิกาธมฺมิกปาติโมกฺขฎฺฐปนกถา
Dhammikādhammikapātimokkhaṭṭhapanakathā
๓๘๗. อมูลิกาย สีลวิปตฺติยา ปาติโมกฺขํ ฐเปติ อกตายาติ เตน ปุคฺคเลน สา วิปตฺติ กตา วา โหตุ อกตา วา, ปาติโมกฺขฎฺฐปนกสฺส สญฺญาอมูลิกวเสน อมูลิกา โหติฯ กตากตายาติ กตญฺจ อกตญฺจ อุภยํ คเหตฺวา วุตฺตํฯ
387.Amūlikāyasīlavipattiyā pātimokkhaṃ ṭhapeti akatāyāti tena puggalena sā vipatti katā vā hotu akatā vā, pātimokkhaṭṭhapanakassa saññāamūlikavasena amūlikā hoti. Katākatāyāti katañca akatañca ubhayaṃ gahetvā vuttaṃ.
ธมฺมิกํ สามคฺคิํ น อุเปตีติ กมฺมํ โกเปตุกามตาย สงฺฆสฺส กเมฺม กรียมาเน เนว อาคจฺฉติ, น ฉนฺทํ เทติ, สมฺมุขีภูโตว ปฎิโกฺกสติ, เตน ทุกฺกฎํ อาปชฺชติฯ อิจฺจสฺสาปิ สาปตฺติกเสฺสว ปาติโมกฺขํ ฐปิตํ โหติฯ ปจฺจาทิยตีติ ‘‘ปุน กาตพฺพํ กมฺม’’นฺติ ปจฺจาทิยติ, เตน อุโกฺกฎนเกน ปาจิตฺติยํ อาปชฺชติฯ อิจฺจสฺสาปิ สาปตฺติกเสฺสว ปาติโมกฺขํ ฐปิตํ โหติฯ
Dhammikaṃ sāmaggiṃ na upetīti kammaṃ kopetukāmatāya saṅghassa kamme karīyamāne neva āgacchati, na chandaṃ deti, sammukhībhūtova paṭikkosati, tena dukkaṭaṃ āpajjati. Iccassāpi sāpattikasseva pātimokkhaṃ ṭhapitaṃ hoti. Paccādiyatīti ‘‘puna kātabbaṃ kamma’’nti paccādiyati, tena ukkoṭanakena pācittiyaṃ āpajjati. Iccassāpi sāpattikasseva pātimokkhaṃ ṭhapitaṃ hoti.
ธมฺมิกาธมฺมิกปาติโมกฺขฎฺฐปนกถา นิฎฺฐิตาฯ
Dhammikādhammikapātimokkhaṭṭhapanakathā niṭṭhitā.
Related texts:
ติปิฎก (มูล) • Tipiṭaka (Mūla) / วินยปิฎก • Vinayapiṭaka / จูฬวคฺคปาฬิ • Cūḷavaggapāḷi / ๕. ธมฺมิกาธมฺมิกปาติโมกฺขฎฺฐปนํ • 5. Dhammikādhammikapātimokkhaṭṭhapanaṃ
ฎีกา • Tīkā / วินยปิฎก (ฎีกา) • Vinayapiṭaka (ṭīkā) / สารตฺถทีปนี-ฎีกา • Sāratthadīpanī-ṭīkā / ธมฺมิกาธมฺมิกปาติโมกฺขฎฺฐปนกถาวณฺณนา • Dhammikādhammikapātimokkhaṭṭhapanakathāvaṇṇanā
ฎีกา • Tīkā / วินยปิฎก (ฎีกา) • Vinayapiṭaka (ṭīkā) / วิมติวิโนทนี-ฎีกา • Vimativinodanī-ṭīkā / ปาติโมกฺขสวนารหกถาทิวณฺณนา • Pātimokkhasavanārahakathādivaṇṇanā
ฎีกา • Tīkā / วินยปิฎก (ฎีกา) • Vinayapiṭaka (ṭīkā) / ปาจิตฺยาทิโยชนาปาฬิ • Pācityādiyojanāpāḷi / ๕. ธมฺมิกาธมฺมิกปาติโมกฺขฎฺฐปนกถา • 5. Dhammikādhammikapātimokkhaṭṭhapanakathā
