| Library / Tipiṭaka / ติปิฎก • Tipiṭaka / ปาจิตฺยาทิโยชนาปาฬิ • Pācityādiyojanāpāḷi |
๕. ธมฺมิกาธมฺมิกปาติโมกฺขฎฺฐปนกถา
5. Dhammikādhammikapātimokkhaṭṭhapanakathā
๓๘๗. เตน ปุคฺคเลนาติ เตน จุทิตเกน ปุคฺคเลนฯ สา วิปตฺตีติ สีลวิปตฺติอาทิสงฺขาตา สา วิปตฺติฯ สญฺญาอมูลิกวเสนาติ ‘‘กตา’’ อิติ สญฺญาย อมูลิกวเสนฯ กตญฺจาติ เอกเนฺตน กตญฺจฯ อกตญฺจาติ เอกเนฺตน อกตญฺจฯ
387.Tena puggalenāti tena cuditakena puggalena. Sā vipattīti sīlavipattiādisaṅkhātā sā vipatti. Saññāamūlikavasenāti ‘‘katā’’ iti saññāya amūlikavasena. Katañcāti ekantena katañca. Akatañcāti ekantena akatañca.
โกเปตุกามตาย เนว อาคจฺฉตีติ สมฺพโนฺธฯ เตนาติ อนาคมนาทิการเณนฯ อาปชฺชตีติ ปาติโมกฺขฎฺฐปนโก อาปชฺชติฯ อิจฺจสฺสาปีติ อิติ เอวํ อสฺส ปาติโมกฺขฎฺฐปนกสฺสาปิ ฯ ปจฺจาทิยตีติ ปติ อาทิยติ, ‘‘อกตํ กมฺมํ, ปุน กาตพฺพํ กมฺม’’นฺติอาทินา ปุน อาทียติ, ปุน อารภตีติ อโตฺถฯ
Kopetukāmatāya neva āgacchatīti sambandho. Tenāti anāgamanādikāraṇena. Āpajjatīti pātimokkhaṭṭhapanako āpajjati. Iccassāpīti iti evaṃ assa pātimokkhaṭṭhapanakassāpi . Paccādiyatīti pati ādiyati, ‘‘akataṃ kammaṃ, puna kātabbaṃ kamma’’ntiādinā puna ādīyati, puna ārabhatīti attho.
Related texts:
ติปิฎก (มูล) • Tipiṭaka (Mūla) / วินยปิฎก • Vinayapiṭaka / จูฬวคฺคปาฬิ • Cūḷavaggapāḷi / ๕. ธมฺมิกาธมฺมิกปาติโมกฺขฎฺฐปนํ • 5. Dhammikādhammikapātimokkhaṭṭhapanaṃ
อฎฺฐกถา • Aṭṭhakathā / วินยปิฎก (อฎฺฐกถา) • Vinayapiṭaka (aṭṭhakathā) / จูฬวคฺค-อฎฺฐกถา • Cūḷavagga-aṭṭhakathā / ธมฺมิกาธมฺมิกปาติโมกฺขฎฺฐปนกถา • Dhammikādhammikapātimokkhaṭṭhapanakathā
ฎีกา • Tīkā / วินยปิฎก (ฎีกา) • Vinayapiṭaka (ṭīkā) / สารตฺถทีปนี-ฎีกา • Sāratthadīpanī-ṭīkā / ธมฺมิกาธมฺมิกปาติโมกฺขฎฺฐปนกถาวณฺณนา • Dhammikādhammikapātimokkhaṭṭhapanakathāvaṇṇanā
