| Library / Tipiṭaka / တိပိဋက • Tipiṭaka / စူဠဝဂ္ဂ-အဋ္ဌကထာ • Cūḷavagga-aṭṭhakathā |
ဓမ္မိကာဓမ္မိကပာတိမောက္ခဋ္ဌပနကထာ
Dhammikādhammikapātimokkhaṭṭhapanakathā
၃၈၇. အမူလိကာယ သီလဝိပတ္တိယာ ပာတိမောက္ခံ ဌပေတိ အကတာယာတိ တေန ပုဂ္ဂလေန သာ ဝိပတ္တိ ကတာ ဝာ ဟောတု အကတာ ဝာ, ပာတိမောက္ခဋ္ဌပနကသ္သ သညာအမူလိကဝသေန အမူလိကာ ဟောတိ။ ကတာကတာယာတိ ကတဉ္စ အကတဉ္စ ဥဘယံ ဂဟေတ္ဝာ ဝုတ္တံ။
387.Amūlikāyasīlavipattiyā pātimokkhaṃ ṭhapeti akatāyāti tena puggalena sā vipatti katā vā hotu akatā vā, pātimokkhaṭṭhapanakassa saññāamūlikavasena amūlikā hoti. Katākatāyāti katañca akatañca ubhayaṃ gahetvā vuttaṃ.
ဓမ္မိကံ သာမဂ္ဂိံ န ဥပေတီတိ ကမ္မံ ကောပေတုကာမတာယ သင္ဃသ္သ ကမ္မေ ကရီယမာနေ နေဝ အာဂစ္ဆတိ, န ဆန္ဒံ ဒေတိ, သမ္မုခီဘူတောဝ ပဋိက္ကောသတိ, တေန ဒုက္ကဋံ အာပဇ္ဇတိ။ ဣစ္စသ္သာပိ သာပတ္တိကသ္သေဝ ပာတိမောက္ခံ ဌပိတံ ဟောတိ။ ပစ္စာဒိယတီတိ ‘‘ပုန ကာတဗ္ဗံ ကမ္မ’’န္တိ ပစ္စာဒိယတိ, တေန ဥက္ကောဋနကေန ပာစိတ္တိယံ အာပဇ္ဇတိ။ ဣစ္စသ္သာပိ သာပတ္တိကသ္သေဝ ပာတိမောက္ခံ ဌပိတံ ဟောတိ။
Dhammikaṃ sāmaggiṃ na upetīti kammaṃ kopetukāmatāya saṅghassa kamme karīyamāne neva āgacchati, na chandaṃ deti, sammukhībhūtova paṭikkosati, tena dukkaṭaṃ āpajjati. Iccassāpi sāpattikasseva pātimokkhaṃ ṭhapitaṃ hoti. Paccādiyatīti ‘‘puna kātabbaṃ kamma’’nti paccādiyati, tena ukkoṭanakena pācittiyaṃ āpajjati. Iccassāpi sāpattikasseva pātimokkhaṃ ṭhapitaṃ hoti.
ဓမ္မိကာဓမ္မိကပာတိမောက္ခဋ္ဌပနကထာ နိဋ္ဌိတာ။
Dhammikādhammikapātimokkhaṭṭhapanakathā niṭṭhitā.
Related texts:
တိပိဋက (မူလ) • Tipiṭaka (Mūla) / ဝိနယပိဋက • Vinayapiṭaka / စူဠဝဂ္ဂပာဠိ • Cūḷavaggapāḷi / ၅. ဓမ္မိကာဓမ္မိကပာတိမောက္ခဋ္ဌပနံ • 5. Dhammikādhammikapātimokkhaṭṭhapanaṃ
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / သာရတ္ထဒီပနီ-ဋီကာ • Sāratthadīpanī-ṭīkā / ဓမ္မိကာဓမ္မိကပာတိမောက္ခဋ္ဌပနကထာဝဏ္ဏနာ • Dhammikādhammikapātimokkhaṭṭhapanakathāvaṇṇanā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / ဝိမတိဝိနောဒနီ-ဋီကာ • Vimativinodanī-ṭīkā / ပာတိမောက္ခသဝနာရဟကထာဒိဝဏ္ဏနာ • Pātimokkhasavanārahakathādivaṇṇanā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / ပာစိတ္ယာဒိယောဇနာပာဠိ • Pācityādiyojanāpāḷi / ၅. ဓမ္မိကာဓမ္မိကပာတိမောက္ခဋ္ဌပနကထာ • 5. Dhammikādhammikapātimokkhaṭṭhapanakathā
