| Library / Tipiṭaka / တိပိဋက • Tipiṭaka / ပာစိတ္ယာဒိယောဇနာပာဠိ • Pācityādiyojanāpāḷi |
၅. ဓမ္မိကာဓမ္မိကပာတိမောက္ခဋ္ဌပနကထာ
5. Dhammikādhammikapātimokkhaṭṭhapanakathā
၃၈၇. တေန ပုဂ္ဂလေနာတိ တေန စုဒိတကေန ပုဂ္ဂလေန။ သာ ဝိပတ္တီတိ သီလဝိပတ္တိအာဒိသင္ခာတာ သာ ဝိပတ္တိ။ သညာအမူလိကဝသေနာတိ ‘‘ကတာ’’ ဣတိ သညာယ အမူလိကဝသေန။ ကတဉ္စာတိ ဧကန္တေန ကတဉ္စ။ အကတဉ္စာတိ ဧကန္တေန အကတဉ္စ။
387.Tena puggalenāti tena cuditakena puggalena. Sā vipattīti sīlavipattiādisaṅkhātā sā vipatti. Saññāamūlikavasenāti ‘‘katā’’ iti saññāya amūlikavasena. Katañcāti ekantena katañca. Akatañcāti ekantena akatañca.
ကောပေတုကာမတာယ နေဝ အာဂစ္ဆတီတိ သမ္ဗန္ဓော။ တေနာတိ အနာဂမနာဒိကာရဏေန။ အာပဇ္ဇတီတိ ပာတိမောက္ခဋ္ဌပနကော အာပဇ္ဇတိ။ ဣစ္စသ္သာပီတိ ဣတိ ဧဝံ အသ္သ ပာတိမောက္ခဋ္ဌပနကသ္သာပိ ။ ပစ္စာဒိယတီတိ ပတိ အာဒိယတိ, ‘‘အကတံ ကမ္မံ, ပုန ကာတဗ္ဗံ ကမ္မ’’န္တိအာဒိနာ ပုန အာဒီယတိ, ပုန အာရဘတီတိ အတ္ထော။
Kopetukāmatāya neva āgacchatīti sambandho. Tenāti anāgamanādikāraṇena. Āpajjatīti pātimokkhaṭṭhapanako āpajjati. Iccassāpīti iti evaṃ assa pātimokkhaṭṭhapanakassāpi . Paccādiyatīti pati ādiyati, ‘‘akataṃ kammaṃ, puna kātabbaṃ kamma’’ntiādinā puna ādīyati, puna ārabhatīti attho.
Related texts:
တိပိဋက (မူလ) • Tipiṭaka (Mūla) / ဝိနယပိဋက • Vinayapiṭaka / စူဠဝဂ္ဂပာဠိ • Cūḷavaggapāḷi / ၅. ဓမ္မိကာဓမ္မိကပာတိမောက္ခဋ္ဌပနံ • 5. Dhammikādhammikapātimokkhaṭṭhapanaṃ
အဋ္ဌကထာ • Aṭṭhakathā / ဝိနယပိဋက (အဋ္ဌကထာ) • Vinayapiṭaka (aṭṭhakathā) / စူဠဝဂ္ဂ-အဋ္ဌကထာ • Cūḷavagga-aṭṭhakathā / ဓမ္မိကာဓမ္မိကပာတိမောက္ခဋ္ဌပနကထာ • Dhammikādhammikapātimokkhaṭṭhapanakathā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / သာရတ္ထဒီပနီ-ဋီကာ • Sāratthadīpanī-ṭīkā / ဓမ္မိကာဓမ္မိကပာတိမောက္ခဋ္ဌပနကထာဝဏ္ဏနာ • Dhammikādhammikapātimokkhaṭṭhapanakathāvaṇṇanā
