| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа • Aṅguttaranikāya |
12. д̇хаммигасуд̇д̇ам̣
12. Dhammikasuttaṃ
54. згам̣ самаяам̣ бхаг̇аваа рааж̇аг̇ахз вихарад̇и г̇иж̇жхагуудз баб̣б̣ад̇з. д̇зна ко бана самаязна ааяасмаа д̇хаммиго ж̇аад̇ибхуумияам̣ ааваасиго ход̇и саб̣б̣асо ж̇аад̇ибхуумияам̣ сад̇д̇асу ааваасзсу. д̇ад̇ра суд̣̇ам̣ ааяасмаа д̇хаммиго ааг̇анд̇угз бхигкуу аггосад̇и барибхаасад̇и вихим̣сад̇и вид̇уд̣̇ад̇и росзд̇и ваажааяа. д̇з жа ааг̇анд̇угаа бхигкуу ааяасмад̇аа д̇хаммигзна аггосияамаанаа барибхаасияамаанаа вихзсияамаанаа вид̇уд̣̇ияамаанаа росияамаанаа ваажааяа баггаманд̇и, на сан̣танд̇и 1, рин̃жанд̇и ааваасам̣.
54. Ekaṃ samayaṃ bhagavā rājagahe viharati gijjhakūṭe pabbate. Tena kho pana samayena āyasmā dhammiko jātibhūmiyaṃ āvāsiko hoti sabbaso jātibhūmiyaṃ sattasu āvāsesu. Tatra sudaṃ āyasmā dhammiko āgantuke bhikkhū akkosati paribhāsati vihiṃsati vitudati roseti vācāya. Te ca āgantukā bhikkhū āyasmatā dhammikena akkosiyamānā paribhāsiyamānā vihesiyamānā vitudiyamānā rosiyamānā vācāya pakkamanti, na saṇṭhanti 2, riñcanti āvāsaṃ.
ат̇а ко ж̇аад̇ибхуумагаанам̣ 3 убаасагаанам̣ зд̇ад̣̇ахоси – ‘‘маяам̣ ко бхигкусан̇гхам̣ бажжубадтид̇аа жийварабин̣д̣абаад̇асзнаасанаг̇илаанаббажжаяабхзсаж̇ж̇абаригкаарзна. ат̇а жа бана ааг̇анд̇угаа бхигкуу баггаманд̇и, на сан̣танд̇и, рин̃жанд̇и ааваасам̣. го ну ко хзд̇у го бажжаяо язна ааг̇анд̇угаа бхигкуу баггаманд̇и, на сан̣танд̇и, рин̃жанд̇и аавааса’’нд̇и? ат̇а ко ж̇аад̇ибхуумагаанам̣ убаасагаанам̣ зд̇ад̣̇ахоси – ‘‘аяам̣ ко ааяасмаа д̇хаммиго ааг̇анд̇угз бхигкуу аггосад̇и барибхаасад̇и вихим̣сад̇и вид̇уд̣̇ад̇и росзд̇и ваажааяа. д̇з жа ааг̇анд̇угаа бхигкуу ааяасмад̇аа д̇хаммигзна аггосияамаанаа барибхаасияамаанаа вихзсияамаанаа вид̇уд̣̇ияамаанаа росияамаанаа ваажааяа баггаманд̇и , на сан̣танд̇и, рин̃жанд̇и ааваасам̣. яам̣нууна маяам̣ ааяасманд̇ам̣ д̇хаммигам̣ баб̣б̣ааж̇зяяаамаа’’д̇и.
Atha kho jātibhūmakānaṃ 4 upāsakānaṃ etadahosi – ‘‘mayaṃ kho bhikkhusaṅghaṃ paccupaṭṭhitā cīvarapiṇḍapātasenāsanagilānappaccayabhesajjaparikkhārena. Atha ca pana āgantukā bhikkhū pakkamanti, na saṇṭhanti, riñcanti āvāsaṃ. Ko nu kho hetu ko paccayo yena āgantukā bhikkhū pakkamanti, na saṇṭhanti, riñcanti āvāsa’’nti? Atha kho jātibhūmakānaṃ upāsakānaṃ etadahosi – ‘‘ayaṃ kho āyasmā dhammiko āgantuke bhikkhū akkosati paribhāsati vihiṃsati vitudati roseti vācāya. Te ca āgantukā bhikkhū āyasmatā dhammikena akkosiyamānā paribhāsiyamānā vihesiyamānā vitudiyamānā rosiyamānā vācāya pakkamanti , na saṇṭhanti, riñcanti āvāsaṃ. Yaṃnūna mayaṃ āyasmantaṃ dhammikaṃ pabbājeyyāmā’’ti.
ат̇а ко ж̇аад̇ибхуумагаа убаасагаа язна ааяасмаа д̇хаммиго д̇знубасан̇гамим̣су; убасан̇гамид̇ваа ааяасманд̇ам̣ д̇хаммигам̣ зд̇ад̣̇авожум̣ – ‘‘баггамад̇у, бханд̇з, ааяасмаа д̇хаммиго имамхаа ааваасаа; алам̣ д̇з ид̇ха ваасзнаа’’д̇и. ат̇а ко ааяасмаа д̇хаммиго д̇амхаа ааваасаа ан̃н̃ам̣ ааваасам̣ аг̇амааси. д̇ад̇раби суд̣̇ам̣ ааяасмаа д̇хаммиго ааг̇анд̇угз бхигкуу аггосад̇и барибхаасад̇и вихим̣сад̇и вид̇уд̣̇ад̇и росзд̇и ваажааяа. д̇з жа ааг̇анд̇угаа бхигкуу ааяасмад̇аа д̇хаммигзна аггосияамаанаа барибхаасияамаанаа вихзсияамаанаа вид̇уд̣̇ияамаанаа росияамаанаа ваажааяа баггаманд̇и, на сан̣танд̇и, рин̃жанд̇и ааваасам̣.
Atha kho jātibhūmakā upāsakā yena āyasmā dhammiko tenupasaṅkamiṃsu; upasaṅkamitvā āyasmantaṃ dhammikaṃ etadavocuṃ – ‘‘pakkamatu, bhante, āyasmā dhammiko imamhā āvāsā; alaṃ te idha vāsenā’’ti. Atha kho āyasmā dhammiko tamhā āvāsā aññaṃ āvāsaṃ agamāsi. Tatrapi sudaṃ āyasmā dhammiko āgantuke bhikkhū akkosati paribhāsati vihiṃsati vitudati roseti vācāya. Te ca āgantukā bhikkhū āyasmatā dhammikena akkosiyamānā paribhāsiyamānā vihesiyamānā vitudiyamānā rosiyamānā vācāya pakkamanti, na saṇṭhanti, riñcanti āvāsaṃ.
ат̇а ко ж̇аад̇ибхуумагаанам̣ убаасагаанам̣ зд̇ад̣̇ахоси – ‘‘маяам̣ ко бхигкусан̇гхам̣ бажжубадтид̇аа жийварабин̣д̣абаад̇асзнаасанаг̇илаанаббажжаяабхзсаж̇ж̇абаригкаарзна. ат̇а жа бана ааг̇анд̇угаа бхигкуу баггаманд̇и, на сан̣танд̇и, рин̃жанд̇и ааваасам̣. го ну ко хзд̇у го бажжаяо язна ааг̇анд̇угаа бхигкуу баггаманд̇и, на сан̣танд̇и, рин̃жанд̇и аавааса’’нд̇и? ат̇а ко ж̇аад̇ибхуумагаанам̣ убаасагаанам̣ зд̇ад̣̇ахоси – ‘‘аяам̣ ко ааяасмаа д̇хаммиго ааг̇анд̇угз бхигкуу аггосад̇и барибхаасад̇и вихим̣сад̇и вид̇уд̣̇ад̇и росзд̇и ваажааяа. д̇з жа ааг̇анд̇угаа бхигкуу ааяасмад̇аа д̇хаммигзна аггосияамаанаа барибхаасияамаанаа вихзсияамаанаа вид̇уд̣̇ияамаанаа росияамаанаа ваажааяа баггаманд̇и, на сан̣танд̇и, рин̃жанд̇и ааваасам̣. яам̣нууна маяам̣ ааяасманд̇ам̣ д̇хаммигам̣ баб̣б̣ааж̇зяяаамаа’’д̇и.
Atha kho jātibhūmakānaṃ upāsakānaṃ etadahosi – ‘‘mayaṃ kho bhikkhusaṅghaṃ paccupaṭṭhitā cīvarapiṇḍapātasenāsanagilānappaccayabhesajjaparikkhārena. Atha ca pana āgantukā bhikkhū pakkamanti, na saṇṭhanti, riñcanti āvāsaṃ. Ko nu kho hetu ko paccayo yena āgantukā bhikkhū pakkamanti, na saṇṭhanti, riñcanti āvāsa’’nti? Atha kho jātibhūmakānaṃ upāsakānaṃ etadahosi – ‘‘ayaṃ kho āyasmā dhammiko āgantuke bhikkhū akkosati paribhāsati vihiṃsati vitudati roseti vācāya. Te ca āgantukā bhikkhū āyasmatā dhammikena akkosiyamānā paribhāsiyamānā vihesiyamānā vitudiyamānā rosiyamānā vācāya pakkamanti, na saṇṭhanti, riñcanti āvāsaṃ. Yaṃnūna mayaṃ āyasmantaṃ dhammikaṃ pabbājeyyāmā’’ti.
ат̇а ко ж̇аад̇ибхуумагаа убаасагаа язнааяасмаа д̇хаммиго д̇знубасан̇гамим̣су; убасан̇гамид̇ваа ааяасманд̇ам̣ д̇хаммигам̣ зд̇ад̣̇авожум̣ – ‘‘баггамад̇у, бханд̇з, ааяасмаа д̇хаммиго имамхааби ааваасаа; алам̣ д̇з ид̇ха ваасзнаа’’д̇и. ат̇а ко ааяасмаа д̇хаммиго д̇амхааби ааваасаа ан̃н̃ам̣ ааваасам̣ аг̇амааси . д̇ад̇раби суд̣̇ам̣ ааяасмаа д̇хаммиго ааг̇анд̇угз бхигкуу аггосад̇и барибхаасад̇и вихим̣сад̇и вид̇уд̣̇ад̇и росзд̇и ваажааяа. д̇з жа ааг̇анд̇угаа бхигкуу ааяасмад̇аа д̇хаммигзна аггосияамаанаа барибхаасияамаанаа вихзсияамаанаа вид̇уд̣̇ияамаанаа росияамаанаа ваажааяа баггаманд̇и, на сан̣танд̇и, рин̃жанд̇и ааваасам̣.
Atha kho jātibhūmakā upāsakā yenāyasmā dhammiko tenupasaṅkamiṃsu; upasaṅkamitvā āyasmantaṃ dhammikaṃ etadavocuṃ – ‘‘pakkamatu, bhante, āyasmā dhammiko imamhāpi āvāsā; alaṃ te idha vāsenā’’ti. Atha kho āyasmā dhammiko tamhāpi āvāsā aññaṃ āvāsaṃ agamāsi . Tatrapi sudaṃ āyasmā dhammiko āgantuke bhikkhū akkosati paribhāsati vihiṃsati vitudati roseti vācāya. Te ca āgantukā bhikkhū āyasmatā dhammikena akkosiyamānā paribhāsiyamānā vihesiyamānā vitudiyamānā rosiyamānā vācāya pakkamanti, na saṇṭhanti, riñcanti āvāsaṃ.
ат̇а ко ж̇аад̇ибхуумагаанам̣ убаасагаанам̣ зд̇ад̣̇ахоси – ‘‘маяам̣ ко бхигкусан̇гхам̣ бажжубадтид̇аа жийварабин̣д̣абаад̇асзнаасанаг̇илаанаббажжаяабхзсаж̇ж̇абаригкаарзна. ат̇а жа бана ааг̇анд̇угаа бхигкуу баггаманд̇и , на сан̣танд̇и, рин̃жанд̇и ааваасам̣. го ну ко хзд̇у го бажжаяо язна ааг̇анд̇угаа бхигкуу баггаманд̇и, на сан̣танд̇и, рин̃жанд̇и аавааса’’нд̇и? ат̇а ко ж̇аад̇ибхуумагаанам̣ убаасагаанам̣ зд̇ад̣̇ахоси – ‘‘аяам̣ ко ааяасмаа д̇хаммиго ааг̇анд̇угз бхигкуу аггосад̇и…бз… . яам̣нууна маяам̣ ааяасманд̇ам̣ д̇хаммигам̣ баб̣б̣ааж̇зяяаама саб̣б̣асо ж̇аад̇ибхуумияам̣ сад̇д̇ахи ааваасзхий’’д̇и. ат̇а ко ж̇аад̇ибхуумагаа убаасагаа язнааяасмаа д̇хаммиго д̇знубасан̇гамим̣су; убасан̇гамид̇ваа ааяасманд̇ам̣ д̇хаммигам̣ зд̇ад̣̇авожум̣ – ‘‘баггамад̇у, бханд̇з, ааяасмаа д̇хаммиго саб̣б̣асо ж̇аад̇ибхуумияам̣ сад̇д̇ахи ааваасзхий’’д̇и. ат̇а ко ааяасмад̇о д̇хаммигасса зд̇ад̣̇ахоси – ‘‘баб̣б̣ааж̇ид̇о комхи ж̇аад̇ибхуумагзхи убаасагзхи саб̣б̣асо ж̇аад̇ибхуумияам̣ сад̇д̇ахи ааваасзхи. гахам̣ ну ко д̣̇аани г̇ажчаамий’’д̇и? ат̇а ко ааяасмад̇о д̇хаммигасса зд̇ад̣̇ахоси – ‘‘яам̣нуунаахам̣ язна бхаг̇аваа д̇знубасан̇гамзяяа’’нд̇и.
Atha kho jātibhūmakānaṃ upāsakānaṃ etadahosi – ‘‘mayaṃ kho bhikkhusaṅghaṃ paccupaṭṭhitā cīvarapiṇḍapātasenāsanagilānappaccayabhesajjaparikkhārena. Atha ca pana āgantukā bhikkhū pakkamanti , na saṇṭhanti, riñcanti āvāsaṃ. Ko nu kho hetu ko paccayo yena āgantukā bhikkhū pakkamanti, na saṇṭhanti, riñcanti āvāsa’’nti? Atha kho jātibhūmakānaṃ upāsakānaṃ etadahosi – ‘‘ayaṃ kho āyasmā dhammiko āgantuke bhikkhū akkosati…pe… . Yaṃnūna mayaṃ āyasmantaṃ dhammikaṃ pabbājeyyāma sabbaso jātibhūmiyaṃ sattahi āvāsehī’’ti. Atha kho jātibhūmakā upāsakā yenāyasmā dhammiko tenupasaṅkamiṃsu; upasaṅkamitvā āyasmantaṃ dhammikaṃ etadavocuṃ – ‘‘pakkamatu, bhante, āyasmā dhammiko sabbaso jātibhūmiyaṃ sattahi āvāsehī’’ti. Atha kho āyasmato dhammikassa etadahosi – ‘‘pabbājito khomhi jātibhūmakehi upāsakehi sabbaso jātibhūmiyaṃ sattahi āvāsehi. Kahaṃ nu kho dāni gacchāmī’’ti? Atha kho āyasmato dhammikassa etadahosi – ‘‘yaṃnūnāhaṃ yena bhagavā tenupasaṅkameyya’’nti.
ат̇а ко ааяасмаа д̇хаммиго бад̇д̇ажийварамаад̣̇ааяа язна рааж̇аг̇ахам̣ д̇зна баггаами. анубуб̣б̣зна язна рааж̇аг̇ахам̣ г̇иж̇жхагуудо баб̣б̣ад̇о язна бхаг̇аваа д̇знубасан̇гами; убасан̇гамид̇ваа бхаг̇аванд̇ам̣ абхиваад̣̇зд̇ваа згаманд̇ам̣ нисийд̣̇и. згаманд̇ам̣ нисиннам̣ ко ааяасманд̇ам̣ д̇хаммигам̣ бхаг̇аваа зд̇ад̣̇авожа – ‘‘ханд̣̇а гуд̇о ну д̇вам̣, б̣раахман̣а д̇хаммига, ааг̇ажчасий’’д̇и? ‘‘баб̣б̣ааж̇ид̇о ахам̣, бханд̇з, ж̇аад̇ибхуумагзхи убаасагзхи саб̣б̣асо ж̇аад̇ибхуумияам̣ сад̇д̇ахи ааваасзхий’’д̇и. ‘‘алам̣, б̣раахман̣а д̇хаммига, гим̣ д̇з иминаа, яам̣ д̇ам̣ д̇ад̇о д̇ад̇о баб̣б̣ааж̇знд̇и, со д̇вам̣ д̇ад̇о д̇ад̇о баб̣б̣ааж̇ид̇о мамзва санд̇игз ааг̇ажчаси’’.
Atha kho āyasmā dhammiko pattacīvaramādāya yena rājagahaṃ tena pakkāmi. Anupubbena yena rājagahaṃ gijjhakūṭo pabbato yena bhagavā tenupasaṅkami; upasaṅkamitvā bhagavantaṃ abhivādetvā ekamantaṃ nisīdi. Ekamantaṃ nisinnaṃ kho āyasmantaṃ dhammikaṃ bhagavā etadavoca – ‘‘handa kuto nu tvaṃ, brāhmaṇa dhammika, āgacchasī’’ti? ‘‘Pabbājito ahaṃ, bhante, jātibhūmakehi upāsakehi sabbaso jātibhūmiyaṃ sattahi āvāsehī’’ti. ‘‘Alaṃ, brāhmaṇa dhammika, kiṃ te iminā, yaṃ taṃ tato tato pabbājenti, so tvaṃ tato tato pabbājito mameva santike āgacchasi’’.
‘‘бхууд̇абуб̣б̣ам̣, б̣раахман̣а д̇хаммига, саамуд̣̇д̣̇игаа ваан̣иж̇аа д̇ийрад̣̇ассим̣ сагун̣ам̣ г̇ахзд̇ваа наавааяа самуд̣̇д̣̇ам̣ аж̇жхог̇ааханд̇и. д̇з ад̇ийрад̣̇агкин̣ияаа 5 наавааяа д̇ийрад̣̇ассим̣ сагун̣ам̣ мун̃жанд̇и. со г̇ажчад̇зва бурад̇т̇имам̣ д̣̇исам̣, г̇ажчад̇и бажчимам̣ д̣̇исам̣, г̇ажчад̇и уд̇д̇арам̣ д̣̇исам̣, г̇ажчад̇и д̣̇агкин̣ам̣ д̣̇исам̣, г̇ажчад̇и уд̣̇д̇хам̣, г̇ажчад̇и ануд̣̇исам̣. сажз со саманд̇аа д̇ийрам̣ бассад̇и, д̇ат̇ааг̇ад̇агова 6 ход̇и. сажз бана со саманд̇аа д̇ийрам̣ на бассад̇и д̇амзва наавам̣ бажжааг̇ажчад̇и. звамзвам̣ ко, б̣раахман̣а д̇хаммига, яам̣ д̇ам̣ д̇ад̇о д̇ад̇о баб̣б̣ааж̇знд̇и со д̇вам̣ д̇ад̇о д̇ад̇о баб̣б̣ааж̇ид̇о мамзва санд̇игз ааг̇ажчаси.
‘‘Bhūtapubbaṃ, brāhmaṇa dhammika, sāmuddikā vāṇijā tīradassiṃ sakuṇaṃ gahetvā nāvāya samuddaṃ ajjhogāhanti. Te atīradakkhiṇiyā 7 nāvāya tīradassiṃ sakuṇaṃ muñcanti. So gacchateva puratthimaṃ disaṃ, gacchati pacchimaṃ disaṃ, gacchati uttaraṃ disaṃ, gacchati dakkhiṇaṃ disaṃ, gacchati uddhaṃ, gacchati anudisaṃ. Sace so samantā tīraṃ passati, tathāgatakova 8 hoti. Sace pana so samantā tīraṃ na passati tameva nāvaṃ paccāgacchati. Evamevaṃ kho, brāhmaṇa dhammika, yaṃ taṃ tato tato pabbājenti so tvaṃ tato tato pabbājito mameva santike āgacchasi.
‘‘бхууд̇абуб̣б̣ам̣ , б̣раахман̣а д̇хаммига, ран̃н̃о гораб̣яасса суббад̇идто наама ниг̇род̇харааж̇аа ахоси бан̃жасаако сийд̇ажчааяо манорамо. суббад̇идтасса ко бана, б̣раахман̣а д̇хаммига, ниг̇род̇харааж̇асса д̣̇ваад̣̇асаяож̇анаани абхинивзсо ахоси, бан̃жа яож̇анаани мууласанд̇аанагаанам̣. суббад̇идтасса ко бана , б̣раахман̣а д̇хаммига, ниг̇род̇харааж̇асса д̇аава маханд̇аани палаани ахзсум̣; сзяяат̇ааби наама аал̣хагат̇аалигаа. звамасса саад̣̇ууни палаани ахзсум̣; сзяяат̇ааби наама куд̣̇д̣̇ам̣ мад̇хум̣ анзлагам̣. суббад̇идтасса ко бана, б̣раахман̣а д̇хаммига, ниг̇род̇харааж̇асса згам̣ канд̇хам̣ рааж̇аа барибхун̃ж̇ад̇и сад̣̇д̇хим̣ ид̇т̇ааг̇аарзна, згам̣ канд̇хам̣ б̣алагааяо барибхун̃ж̇ад̇и, згам̣ канд̇хам̣ нзг̇амаж̇аанабад̣̇аа барибхун̃ж̇анд̇и, згам̣ канд̇хам̣ саман̣аб̣раахман̣аа барибхун̃ж̇анд̇и, згам̣ канд̇хам̣ миг̇аа 9 барибхун̃ж̇анд̇и. суббад̇идтасса ко бана, б̣раахман̣а д̇хаммига, ниг̇род̇харааж̇асса на гожи палаани рагкад̇и, на жа суд̣̇ам̣ 10 ан̃н̃аман̃н̃асса палаани хим̣санд̇и.
‘‘Bhūtapubbaṃ , brāhmaṇa dhammika, rañño korabyassa suppatiṭṭho nāma nigrodharājā ahosi pañcasākho sītacchāyo manoramo. Suppatiṭṭhassa kho pana, brāhmaṇa dhammika, nigrodharājassa dvādasayojanāni abhiniveso ahosi, pañca yojanāni mūlasantānakānaṃ. Suppatiṭṭhassa kho pana , brāhmaṇa dhammika, nigrodharājassa tāva mahantāni phalāni ahesuṃ; seyyathāpi nāma āḷhakathālikā. Evamassa sādūni phalāni ahesuṃ; seyyathāpi nāma khuddaṃ madhuṃ anelakaṃ. Suppatiṭṭhassa kho pana, brāhmaṇa dhammika, nigrodharājassa ekaṃ khandhaṃ rājā paribhuñjati saddhiṃ itthāgārena, ekaṃ khandhaṃ balakāyo paribhuñjati, ekaṃ khandhaṃ negamajānapadā paribhuñjanti, ekaṃ khandhaṃ samaṇabrāhmaṇā paribhuñjanti, ekaṃ khandhaṃ migā 11 paribhuñjanti. Suppatiṭṭhassa kho pana, brāhmaṇa dhammika, nigrodharājassa na koci phalāni rakkhati, na ca sudaṃ 12 aññamaññassa phalāni hiṃsanti.
‘‘ат̇а ко, б̣раахман̣а д̇хаммига, ан̃н̃ад̇аро бурисо суббад̇идтасса ниг̇род̇харааж̇асса яаавад̣̇ад̇т̇ам̣ палаани бхагкид̇ваа саакам̣ бхан̃ж̇ид̇ваа баггаами. ат̇а ко, б̣раахман̣а д̇хаммига, суббад̇идтз ниг̇род̇харааж̇з ад̇хивад̇т̇ааяа д̣̇звад̇ааяа зд̇ад̣̇ахоси – ‘ажчарияам̣ вад̇а, бхо, аб̣бхуд̇ам̣ вад̇а, бхо! яаава баабо мануссо 13, яад̇ра хи наама суббад̇идтасса ниг̇род̇харааж̇асса яаавад̣̇ад̇т̇ам̣ палаани бхагкид̇ваа саакам̣ бхан̃ж̇ид̇ваа баггамиссад̇и, яам̣нууна суббад̇идто ниг̇род̇харааж̇аа ааяад̇им̣ палам̣ на д̣̇ад̣̇зяяаа’д̇и. ат̇а ко, б̣раахман̣а д̇хаммига, суббад̇идто ниг̇род̇харааж̇аа ааяад̇им̣ палам̣ на ад̣̇ааси.
‘‘Atha kho, brāhmaṇa dhammika, aññataro puriso suppatiṭṭhassa nigrodharājassa yāvadatthaṃ phalāni bhakkhitvā sākhaṃ bhañjitvā pakkāmi. Atha kho, brāhmaṇa dhammika, suppatiṭṭhe nigrodharāje adhivatthāya devatāya etadahosi – ‘acchariyaṃ vata, bho, abbhutaṃ vata, bho! Yāva pāpo manusso 14, yatra hi nāma suppatiṭṭhassa nigrodharājassa yāvadatthaṃ phalāni bhakkhitvā sākhaṃ bhañjitvā pakkamissati, yaṃnūna suppatiṭṭho nigrodharājā āyatiṃ phalaṃ na dadeyyā’ti. Atha kho, brāhmaṇa dhammika, suppatiṭṭho nigrodharājā āyatiṃ phalaṃ na adāsi.
‘‘ат̇а ко, б̣раахман̣а д̇хаммига, рааж̇аа гораб̣яо язна сагго д̣̇зваанаминд̣̇о д̇знубасан̇гами; убасан̇гамид̇ваа саггам̣ д̣̇зваанаминд̣̇ам̣ зд̇ад̣̇авожа – ‘яаг̇гхз, маариса, ж̇аанзяяааси суббад̇идто ниг̇род̇харааж̇аа палам̣ на д̣̇зд̇ий’д̇и? ат̇а ко, б̣раахман̣а д̇хаммига, сагго д̣̇зваанаминд̣̇о д̇ат̇ааруубам̣ ид̣̇д̇хаабхисан̇каарам̣ абхисан̇кааси 15, яат̇аа бхусаа ваад̇авудти ааг̇анд̇ваа суббад̇идтам̣ ниг̇род̇харааж̇ам̣ бавад̇д̇зси 16 уммууламагааси. ат̇а ко, б̣раахман̣а д̇хаммига, суббад̇идтз ниг̇род̇харааж̇з ад̇хивад̇т̇аа д̣̇звад̇аа д̣̇угкий д̣̇умманаа ассумукий руд̣̇амаанаа згаманд̇ам̣ адтааси.
‘‘Atha kho, brāhmaṇa dhammika, rājā korabyo yena sakko devānamindo tenupasaṅkami; upasaṅkamitvā sakkaṃ devānamindaṃ etadavoca – ‘yagghe, mārisa, jāneyyāsi suppatiṭṭho nigrodharājā phalaṃ na detī’ti? Atha kho, brāhmaṇa dhammika, sakko devānamindo tathārūpaṃ iddhābhisaṅkhāraṃ abhisaṅkhāsi 17, yathā bhusā vātavuṭṭhi āgantvā suppatiṭṭhaṃ nigrodharājaṃ pavattesi 18 ummūlamakāsi. Atha kho, brāhmaṇa dhammika, suppatiṭṭhe nigrodharāje adhivatthā devatā dukkhī dummanā assumukhī rudamānā ekamantaṃ aṭṭhāsi.
‘‘ат̇а ко, б̣раахман̣а д̇хаммига, сагго д̣̇зваанаминд̣̇о язна суббад̇идтз ниг̇род̇харааж̇з ад̇хивад̇т̇аа д̣̇звад̇аа д̇знубасан̇гами; убасан̇гамид̇ваа суббад̇идтз ниг̇род̇харааж̇з ад̇хивад̇т̇ам̣ д̣̇звад̇ам̣ зд̇ад̣̇авожа – ‘гим̣ ну д̇вам̣, д̣̇звад̇з, д̣̇угкий д̣̇умманаа ассумукий руд̣̇амаанаа згаманд̇ам̣ тид̇аа’д̇и? ‘д̇ат̇аа хи бана мз, маариса, бхусаа ваад̇авудти ааг̇анд̇ваа бхаванам̣ бавад̇д̇зси уммууламагаасий’д̇и. ‘аби ну д̇вам̣, д̣̇звад̇з, ругкад̇хаммз тид̇ааяа бхусаа ваад̇авудти ааг̇анд̇ваа бхаванам̣ бавад̇д̇зси уммууламагаасий’д̇и? ‘гат̇ам̣ бана, маариса , ругко ругкад̇хаммз тид̇о ход̇ий’д̇и? ‘ид̇ха, д̣̇звад̇з, ругкасса муулам̣ муулад̇т̇игаа харанд̇и, д̇ажам̣ д̇ажад̇т̇игаа харанд̇и, бад̇д̇ам̣ бад̇д̇ад̇т̇игаа харанд̇и, бубпам̣ бубпад̇т̇игаа харанд̇и, палам̣ палад̇т̇игаа харанд̇и. на жа д̇зна д̣̇звад̇ааяа анад̇д̇аманад̇аа ваа анабхинанд̣̇и 19 ваа гаран̣ийяаа. звам̣ ко, д̣̇звад̇з, ругко ругкад̇хаммз тид̇о ход̇ий’д̇и. ‘адтид̇ааязва ко мз, маариса, ругкад̇хаммз бхусаа ваад̇авудти ааг̇анд̇ваа бхаванам̣ бавад̇д̇зси уммууламагаасий’д̇и. ‘сажз ко д̇вам̣, д̣̇звад̇з, ругкад̇хаммз д̇идтзяяааси, сияаа 20 д̇з бхаванам̣ яат̇аабурз’д̇и? ‘тассаамахам̣, 21 маариса , ругкад̇хаммз, ход̇у мз бхаванам̣ яат̇аабурз’’’д̇и.
‘‘Atha kho, brāhmaṇa dhammika, sakko devānamindo yena suppatiṭṭhe nigrodharāje adhivatthā devatā tenupasaṅkami; upasaṅkamitvā suppatiṭṭhe nigrodharāje adhivatthaṃ devataṃ etadavoca – ‘kiṃ nu tvaṃ, devate, dukkhī dummanā assumukhī rudamānā ekamantaṃ ṭhitā’ti? ‘Tathā hi pana me, mārisa, bhusā vātavuṭṭhi āgantvā bhavanaṃ pavattesi ummūlamakāsī’ti. ‘Api nu tvaṃ, devate, rukkhadhamme ṭhitāya bhusā vātavuṭṭhi āgantvā bhavanaṃ pavattesi ummūlamakāsī’ti? ‘Kathaṃ pana, mārisa , rukkho rukkhadhamme ṭhito hotī’ti? ‘Idha, devate, rukkhassa mūlaṃ mūlatthikā haranti, tacaṃ tacatthikā haranti, pattaṃ pattatthikā haranti, pupphaṃ pupphatthikā haranti, phalaṃ phalatthikā haranti. Na ca tena devatāya anattamanatā vā anabhinandi 22 vā karaṇīyā. Evaṃ kho, devate, rukkho rukkhadhamme ṭhito hotī’ti. ‘Aṭṭhitāyeva kho me, mārisa, rukkhadhamme bhusā vātavuṭṭhi āgantvā bhavanaṃ pavattesi ummūlamakāsī’ti. ‘Sace kho tvaṃ, devate, rukkhadhamme tiṭṭheyyāsi, siyā 23 te bhavanaṃ yathāpure’ti? ‘Ṭhassāmahaṃ, 24 mārisa , rukkhadhamme, hotu me bhavanaṃ yathāpure’’’ti.
‘‘ат̇а ко, б̣раахман̣а д̇хаммига, сагго д̣̇зваанаминд̣̇о д̇ат̇ааруубам̣ ид̣̇д̇хаабхисан̇каарам̣ абхисан̇кааси 25, яат̇аа бхусаа ваад̇авудти ааг̇анд̇ваа суббад̇идтам̣ ниг̇род̇харааж̇ам̣ уссаабзси, сажчавийни муулаани ахзсум̣. звамзвам̣ ко, б̣раахман̣а д̇хаммига, аби ну д̇ам̣ саман̣ад̇хаммз тид̇ам̣ ж̇аад̇ибхуумагаа убаасагаа баб̣б̣ааж̇зсум̣ саб̣б̣асо ж̇аад̇ибхуумияам̣ сад̇д̇ахи ааваасзхий’’д̇и? ‘‘гат̇ам̣ бана, бханд̇з, саман̣о саман̣ад̇хаммз тид̇о ход̇ий’’д̇и? ‘‘ид̇ха, б̣раахман̣а д̇хаммига, саман̣о аггосанд̇ам̣ на бажжаггосад̇и, росанд̇ам̣ на бадиросад̇и, бхан̣д̣анд̇ам̣ на бадибхан̣д̣ад̇и. звам̣ ко, б̣раахман̣а д̇хаммига, саман̣о саман̣ад̇хаммз тид̇о ход̇ий’’д̇и. ‘‘адтид̇ам̣язва мам̣, бханд̇з, саман̣ад̇хаммз ж̇аад̇ибхуумагаа убаасагаа баб̣б̣ааж̇зсум̣ саб̣б̣асо ж̇аад̇ибхуумияам̣ сад̇д̇ахи ааваасзхий’’д̇и.
‘‘Atha kho, brāhmaṇa dhammika, sakko devānamindo tathārūpaṃ iddhābhisaṅkhāraṃ abhisaṅkhāsi 26, yathā bhusā vātavuṭṭhi āgantvā suppatiṭṭhaṃ nigrodharājaṃ ussāpesi, sacchavīni mūlāni ahesuṃ. Evamevaṃ kho, brāhmaṇa dhammika, api nu taṃ samaṇadhamme ṭhitaṃ jātibhūmakā upāsakā pabbājesuṃ sabbaso jātibhūmiyaṃ sattahi āvāsehī’’ti? ‘‘Kathaṃ pana, bhante, samaṇo samaṇadhamme ṭhito hotī’’ti? ‘‘Idha, brāhmaṇa dhammika, samaṇo akkosantaṃ na paccakkosati, rosantaṃ na paṭirosati, bhaṇḍantaṃ na paṭibhaṇḍati. Evaṃ kho, brāhmaṇa dhammika, samaṇo samaṇadhamme ṭhito hotī’’ti. ‘‘Aṭṭhitaṃyeva maṃ, bhante, samaṇadhamme jātibhūmakā upāsakā pabbājesuṃ sabbaso jātibhūmiyaṃ sattahi āvāsehī’’ti.
27 ‘‘бхууд̇абуб̣б̣ам̣ , б̣раахман̣а д̇хаммига, сунзд̇д̇о наама сад̇т̇аа ахоси д̇ид̇т̇агаро гаамзсу вийд̇арааг̇о. сунзд̇д̇асса ко бана, б̣раахман̣а д̇хаммига, сад̇т̇уно анзгаани саавагасад̇аани ахзсум̣. сунзд̇д̇о сад̇т̇аа саавагаанам̣ б̣рахмалогасахаб̣яад̇ааяа д̇хаммам̣ д̣̇зсзси. яз ко бана, б̣раахман̣а д̇хаммига, сунзд̇д̇асса сад̇т̇уно б̣рахмалогасахаб̣яад̇ааяа д̇хаммам̣ д̣̇зсзнд̇асса жид̇д̇аани на басаад̣̇зсум̣ д̇з гааяасса бхзд̣̇аа барам̣ маран̣аа абааяам̣ д̣̇уг̇г̇ад̇им̣ винибаад̇ам̣ нираяам̣ убабаж̇ж̇им̣су. яз ко бана, б̣раахман̣а д̇хаммига, сунзд̇д̇асса сад̇т̇уно б̣рахмалогасахаб̣яад̇ааяа д̇хаммам̣ д̣̇зсзнд̇асса жид̇д̇аани басаад̣̇зсум̣ д̇з гааяасса бхзд̣̇аа барам̣ маран̣аа суг̇ад̇им̣ саг̇г̇ам̣ логам̣ убабаж̇ж̇им̣су.
28 ‘‘Bhūtapubbaṃ , brāhmaṇa dhammika, sunetto nāma satthā ahosi titthakaro kāmesu vītarāgo. Sunettassa kho pana, brāhmaṇa dhammika, satthuno anekāni sāvakasatāni ahesuṃ. Sunetto satthā sāvakānaṃ brahmalokasahabyatāya dhammaṃ desesi. Ye kho pana, brāhmaṇa dhammika, sunettassa satthuno brahmalokasahabyatāya dhammaṃ desentassa cittāni na pasādesuṃ te kāyassa bhedā paraṃ maraṇā apāyaṃ duggatiṃ vinipātaṃ nirayaṃ upapajjiṃsu. Ye kho pana, brāhmaṇa dhammika, sunettassa satthuno brahmalokasahabyatāya dhammaṃ desentassa cittāni pasādesuṃ te kāyassa bhedā paraṃ maraṇā sugatiṃ saggaṃ lokaṃ upapajjiṃsu.
‘‘бхууд̇абуб̣б̣ам̣, б̣раахман̣а д̇хаммига, мууг̇абагко наама сад̇т̇аа ахоси…бз… аранзми наама сад̇т̇аа ахоси… гуд̣̇д̣̇аалаго наама сад̇т̇аа ахоси… хад̇т̇ибаало наама сад̇т̇аа ахоси… ж̇од̇ибаало наама сад̇т̇аа ахоси д̇ид̇т̇агаро гаамзсу вийд̇арааг̇о. ж̇од̇ибааласса ко бана, б̣раахман̣а д̇хаммига, сад̇т̇уно анзгаани саавагасад̇аани ахзсум̣. ж̇од̇ибаало сад̇т̇аа саавагаанам̣ б̣рахмалогасахаб̣яад̇ааяа д̇хаммам̣ д̣̇зсзси. яз ко бана, б̣раахман̣а д̇хаммига, ж̇од̇ибааласса сад̇т̇уно б̣рахмалогасахаб̣яад̇ааяа д̇хаммам̣ д̣̇зсзнд̇асса жид̇д̇аани на басаад̣̇зсум̣ д̇з гааяасса бхзд̣̇аа барам̣ маран̣аа абааяам̣ д̣̇уг̇г̇ад̇им̣ винибаад̇ам̣ нираяам̣ убабаж̇ж̇им̣су. яз ко бана, б̣раахман̣а д̇хаммига, ж̇од̇ибааласса сад̇т̇уно б̣рахмалогасахаб̣яад̇ааяа д̇хаммам̣ д̣̇зсзнд̇асса жид̇д̇аани басаад̣̇зсум̣ д̇з гааяасса бхзд̣̇аа барам̣ маран̣аа суг̇ад̇им̣ саг̇г̇ам̣ логам̣ убабаж̇ж̇им̣су.
‘‘Bhūtapubbaṃ, brāhmaṇa dhammika, mūgapakkho nāma satthā ahosi…pe… aranemi nāma satthā ahosi… kuddālako nāma satthā ahosi… hatthipālo nāma satthā ahosi… jotipālo nāma satthā ahosi titthakaro kāmesu vītarāgo. Jotipālassa kho pana, brāhmaṇa dhammika, satthuno anekāni sāvakasatāni ahesuṃ. Jotipālo satthā sāvakānaṃ brahmalokasahabyatāya dhammaṃ desesi. Ye kho pana, brāhmaṇa dhammika, jotipālassa satthuno brahmalokasahabyatāya dhammaṃ desentassa cittāni na pasādesuṃ te kāyassa bhedā paraṃ maraṇā apāyaṃ duggatiṃ vinipātaṃ nirayaṃ upapajjiṃsu. Ye kho pana, brāhmaṇa dhammika, jotipālassa satthuno brahmalokasahabyatāya dhammaṃ desentassa cittāni pasādesuṃ te kāyassa bhedā paraṃ maraṇā sugatiṃ saggaṃ lokaṃ upapajjiṃsu.
‘‘д̇ам̣ гим̣ ман̃н̃аси, б̣раахман̣а д̇хаммига, яо имз ча сад̇т̇аарз д̇ид̇т̇агарз гаамзсу вийд̇арааг̇з, анзгасад̇абариваарз сасаавагасан̇гхз бад̣̇удтажид̇д̇о аггосзяяа барибхаасзяяа, б̣ахум̣ со абун̃н̃ам̣ басавзяяаа’’д̇и? ‘‘звам̣, бханд̇з’’. ‘‘яо ко, б̣раахман̣а д̇хаммига, имз ча сад̇т̇аарз д̇ид̇т̇агарз гаамзсу вийд̇арааг̇з анзгасад̇абариваарз сасаавагасан̇гхз бад̣̇удтажид̇д̇о аггосзяяа барибхаасзяяа, б̣ахум̣ со абун̃н̃ам̣ басавзяяа. яо згам̣ д̣̇идтисамбаннам̣ буг̇г̇алам̣ бад̣̇удтажид̇д̇о аггосад̇и барибхаасад̇и, аяам̣ д̇ад̇о б̣ахуд̇арам̣ абун̃н̃ам̣ басавад̇и. д̇ам̣ гисса хзд̇у? наахам̣, б̣раахман̣а д̇хаммига, ид̇о б̣ахид̣̇д̇хаа зваруубим̣ канд̇им̣ 29 вад̣̇аами, яат̇аамам̣ саб̣рахмажаарийсу. д̇асмаад̇иха, б̣раахман̣а д̇хаммига , звам̣ сигкид̇аб̣б̣ам̣ – ‘на но самасаб̣рахмажаарийсу 30 жид̇д̇аани бад̣̇удтаани бхависсанд̇ий’’’д̇и. зван̃хи д̇з, б̣раахман̣а д̇хаммига, сигкид̇аб̣б̣анд̇и.
‘‘Taṃ kiṃ maññasi, brāhmaṇa dhammika, yo ime cha satthāre titthakare kāmesu vītarāge, anekasataparivāre sasāvakasaṅghe paduṭṭhacitto akkoseyya paribhāseyya, bahuṃ so apuññaṃ pasaveyyā’’ti? ‘‘Evaṃ, bhante’’. ‘‘Yo kho, brāhmaṇa dhammika, ime cha satthāre titthakare kāmesu vītarāge anekasataparivāre sasāvakasaṅghe paduṭṭhacitto akkoseyya paribhāseyya, bahuṃ so apuññaṃ pasaveyya. Yo ekaṃ diṭṭhisampannaṃ puggalaṃ paduṭṭhacitto akkosati paribhāsati, ayaṃ tato bahutaraṃ apuññaṃ pasavati. Taṃ kissa hetu? Nāhaṃ, brāhmaṇa dhammika, ito bahiddhā evarūpiṃ khantiṃ 31 vadāmi, yathāmaṃ sabrahmacārīsu. Tasmātiha, brāhmaṇa dhammika , evaṃ sikkhitabbaṃ – ‘na no samasabrahmacārīsu 32 cittāni paduṭṭhāni bhavissantī’’’ti. Evañhi te, brāhmaṇa dhammika, sikkhitabbanti.
‘‘сунзд̇д̇о мууг̇абагко жа, аранзми жа б̣раахман̣о;
‘‘Sunetto mūgapakkho ca, aranemi ca brāhmaṇo;
гуд̣̇д̣̇аалаго аху сад̇т̇аа, хад̇т̇ибаало жа маан̣аво.
Kuddālako ahu satthā, hatthipālo ca māṇavo.
‘‘ж̇од̇ибаало жа г̇овинд̣̇о, аху сад̇д̇абурохид̇о;
‘‘Jotipālo ca govindo, ahu sattapurohito;
гаамарааг̇ам̣ вирааж̇зд̇ваа, б̣рахмалогуубаг̇аа ахум̣ 39.
Kāmarāgaṃ virājetvā, brahmalokūpagā ahuṃ 40.
‘‘ахзсум̣ саавагаа д̇зсам̣, анзгаани сад̇ааниби;
‘‘Ahesuṃ sāvakā tesaṃ, anekāni satānipi;
нираамаг̇анд̇хаа гарун̣зд̇химуд̇д̇аа, гаамасам̣яож̇анаад̇иг̇аа;
Nirāmagandhā karuṇedhimuttā, kāmasaṃyojanātigā;
гаамарааг̇ам̣ вирааж̇зд̇ваа, б̣рахмалогуубаг̇аа ахум̣ 41.
Kāmarāgaṃ virājetvā, brahmalokūpagā ahuṃ 42.
‘‘язд̇з исий б̣аахирагз, вийд̇арааг̇з самаахид̇з;
‘‘Yete isī bāhirake, vītarāge samāhite;
бад̣̇удтаманасан̇габбо, яо наро барибхаасад̇и;
Paduṭṭhamanasaṅkappo, yo naro paribhāsati;
б̣ахун̃жа со басавад̇и, абун̃н̃ам̣ д̇аад̣̇исо наро.
Bahuñca so pasavati, apuññaṃ tādiso naro.
‘‘яо жзгам̣ д̣̇идтисамбаннам̣, бхигкум̣ б̣уд̣̇д̇хасса саавагам̣;
‘‘Yo cekaṃ diṭṭhisampannaṃ, bhikkhuṃ buddhassa sāvakaṃ;
бад̣̇удтаманасан̇габбо , яо наро барибхаасад̇и;
Paduṭṭhamanasaṅkappo , yo naro paribhāsati;
аяам̣ д̇ад̇о б̣ахуд̇арам̣, абун̃н̃ам̣ басавз наро.
Ayaṃ tato bahutaraṃ, apuññaṃ pasave naro.
‘‘на саад̇хуруубам̣ аасийд̣̇з, д̣̇идтидтаанаббахааяинам̣;
‘‘Na sādhurūpaṃ āsīde, diṭṭhiṭṭhānappahāyinaṃ;
сад̇д̇амо буг̇г̇ало зсо, арияасан̇гхасса вужжад̇и.
Sattamo puggalo eso, ariyasaṅghassa vuccati.
‘‘авийд̇арааг̇о гаамзсу, яасса бан̃жинд̣̇рияаа муд̣̇уу;
‘‘Avītarāgo kāmesu, yassa pañcindriyā mudū;
сад̣̇д̇хаа сад̇и жа вийрияам̣, самат̇о жа вибассанаа.
Saddhā sati ca vīriyaṃ, samatho ca vipassanā.
‘‘д̇аад̣̇исам̣ бхигкумаасаж̇ж̇а, буб̣б̣зва убахан̃н̃ад̇и;
‘‘Tādisaṃ bhikkhumāsajja, pubbeva upahaññati;
ад̇д̇аанам̣ убаханд̇ваана, бажчаа ан̃н̃ам̣ вихим̣сад̇и.
Attānaṃ upahantvāna, pacchā aññaṃ vihiṃsati.
‘‘яо жа рагкад̇и ад̇д̇аанам̣, рагкид̇о д̇асса б̣аахиро;
‘‘Yo ca rakkhati attānaṃ, rakkhito tassa bāhiro;
д̇асмаа рагкзяяа ад̇д̇аанам̣, агкад̇о бан̣д̣ид̇о сад̣̇аа’’д̇и. д̣̇ваад̣̇асамам̣;
Tasmā rakkheyya attānaṃ, akkhato paṇḍito sadā’’ti. dvādasamaṃ;
д̇хаммигаваг̇г̇о бан̃жамо.
Dhammikavaggo pañcamo.
д̇ассуд̣̇д̣̇аанам̣ –
Tassuddānaṃ –
нааг̇амиг̇асаалаа ин̣ам̣, жунд̣̇ам̣ д̣̇вз санд̣̇идтигаа д̣̇увз;
Nāgamigasālā iṇaṃ, cundaṃ dve sandiṭṭhikā duve;
кзмаинд̣̇рияа аананд̣̇а, кад̇д̇ияаа аббамаад̣̇зна д̇хаммигод̇и.
Khemaindriya ānanda, khattiyā appamādena dhammikoti.
батамабан̣н̣аасагам̣ самад̇д̇ам̣.
Paṭhamapaṇṇāsakaṃ samattaṃ.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) / 12. д̇хаммигасуд̇д̇аван̣н̣анаа • 12. Dhammikasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 12. д̇хаммигасуд̇д̇аван̣н̣анаа • 12. Dhammikasuttavaṇṇanā
