| Library / Tipiṭaka / д̇ибидага • Tipiṭaka / суд̇д̇анибаад̇абаал̣и • Suttanipātapāḷi |
14. д̇хаммигасуд̇д̇ам̣
14. Dhammikasuttaṃ
звам̣ мз суд̇ам̣ – згам̣ самаяам̣ бхаг̇аваа саавад̇т̇ияам̣ вихарад̇и ж̇зд̇аванз анаат̇абин̣д̣игасса аараамз. ат̇а ко д̇хаммиго убаасаго бан̃жахи убаасагасад̇зхи сад̣̇д̇хим̣ язна бхаг̇аваа д̇знубасан̇гами; убасан̇гамид̇ваа бхаг̇аванд̇ам̣ абхиваад̣̇зд̇ваа згаманд̇ам̣ нисийд̣̇и. згаманд̇ам̣ нисинно ко д̇хаммиго убаасаго бхаг̇аванд̇ам̣ г̇аат̇аахи аж̇жхабхааси –
Evaṃ me sutaṃ – ekaṃ samayaṃ bhagavā sāvatthiyaṃ viharati jetavane anāthapiṇḍikassa ārāme. Atha kho dhammiko upāsako pañcahi upāsakasatehi saddhiṃ yena bhagavā tenupasaṅkami; upasaṅkamitvā bhagavantaṃ abhivādetvā ekamantaṃ nisīdi. Ekamantaṃ nisinno kho dhammiko upāsako bhagavantaṃ gāthāhi ajjhabhāsi –
378.
378.
‘‘бужчаами д̇ам̣ г̇од̇ама бхуурибан̃н̃а, гат̇ам̣гаро сааваго саад̇ху ход̇и;
‘‘Pucchāmi taṃ gotama bhūripañña, kathaṃkaro sāvako sādhu hoti;
яо ваа аг̇аараа анаг̇аарамзд̇и, аг̇аарино ваа банубаасагаасз.
Yo vā agārā anagārameti, agārino vā panupāsakāse.
379.
379.
‘‘д̇уван̃хи логасса сад̣̇звагасса, г̇ад̇им̣ баж̇аанааси барааяан̣ан̃жа;
‘‘Tuvañhi lokassa sadevakassa, gatiṃ pajānāsi parāyaṇañca;
на жад̇т̇и д̇уляо нибун̣ад̇т̇ад̣̇ассий, д̇уван̃хи б̣уд̣̇д̇хам̣ баварам̣ вад̣̇анд̇и.
Na catthi tulyo nipuṇatthadassī, tuvañhi buddhaṃ pavaraṃ vadanti.
380.
380.
‘‘саб̣б̣ам̣ д̇увам̣ н̃аан̣амавзжжа д̇хаммам̣, багаасзси сад̇д̇з анугамбамаано;
‘‘Sabbaṃ tuvaṃ ñāṇamavecca dhammaṃ, pakāsesi satte anukampamāno;
виваддажчад̣̇оси саманд̇ажагку, вирожаси вимало саб̣б̣алогз.
Vivaṭṭacchadosi samantacakkhu, virocasi vimalo sabbaloke.
381.
381.
‘‘ааг̇ан̃чи д̇з санд̇игз нааг̇арааж̇аа, зрааван̣о наама ж̇инод̇и суд̇ваа;
‘‘Āgañchi te santike nāgarājā, erāvaṇo nāma jinoti sutvā;
соби д̇аяаа манд̇аяид̇вааж̇жхаг̇амаа, саад̇хууд̇и суд̇ваана бад̇ийд̇аруубо.
Sopi tayā mantayitvājjhagamā, sādhūti sutvāna patītarūpo.
382.
382.
‘‘рааж̇ааби д̇ам̣ взссаван̣о гувзро, убзд̇и д̇хаммам̣ барибужчамаано;
‘‘Rājāpi taṃ vessavaṇo kuvero, upeti dhammaṃ paripucchamāno;
д̇ассааби д̇вам̣ бужчид̇о б̣рууси д̇хийра, со жааби суд̇ваана бад̇ийд̇аруубо.
Tassāpi tvaṃ pucchito brūsi dhīra, so cāpi sutvāna patītarūpo.
383.
383.
‘‘яз гзжимз д̇ид̇т̇ияаа ваад̣̇асийлаа, ааж̇ийвагаа ваа яад̣̇и ваа ниг̇ан̣таа;
‘‘Ye kecime titthiyā vādasīlā, ājīvakā vā yadi vā nigaṇṭhā;
бан̃н̃ааяа д̇ам̣ наад̇ид̇аранд̇и саб̣б̣з, тид̇о важ̇анд̇ам̣ вияа сийгхаг̇аамим̣.
Paññāya taṃ nātitaranti sabbe, ṭhito vajantaṃ viya sīghagāmiṃ.
384.
384.
‘‘яз гзжимз б̣раахман̣аа ваад̣̇асийлаа, вуд̣̇д̇хаа жааби б̣раахман̣аа санд̇и гзжи;
‘‘Ye kecime brāhmaṇā vādasīlā, vuddhā cāpi brāhmaṇā santi keci;
саб̣б̣з д̇аяи ад̇т̇аб̣ад̣̇д̇хаа бхаванд̇и, яз жааби ан̃н̃з ваад̣̇ино ман̃н̃амаанаа.
Sabbe tayi atthabaddhā bhavanti, ye cāpi aññe vādino maññamānā.
385.
385.
‘‘аяан̃хи д̇хаммо нибун̣о суко жа, яояам̣ д̇аяаа бхаг̇аваа суббавуд̇д̇о;
‘‘Ayañhi dhammo nipuṇo sukho ca, yoyaṃ tayā bhagavā suppavutto;
д̇амзва саб̣б̣зби 1 суссуусамаанаа, д̇ам̣ но вад̣̇а бужчид̇о б̣уд̣̇д̇хасздта.
Tameva sabbepi 2 sussūsamānā, taṃ no vada pucchito buddhaseṭṭha.
386.
386.
‘‘саб̣б̣зби мз бхигкаво саннисиннаа, убаасагаа жааби д̇ат̇зва сод̇ум̣;
‘‘Sabbepi me bhikkhavo sannisinnā, upāsakā cāpi tatheva sotuṃ;
сун̣анд̇у д̇хаммам̣ вималзнаануб̣уд̣̇д̇хам̣, субхаасид̇ам̣ ваасавассзва д̣̇зваа’’.
Suṇantu dhammaṃ vimalenānubuddhaṃ, subhāsitaṃ vāsavasseva devā’’.
387.
387.
‘‘сун̣аат̇а мз бхигкаво сааваяаами во, д̇хаммам̣ д̇худ̇ам̣ д̇ан̃жа жараат̇а саб̣б̣з;
‘‘Suṇātha me bhikkhavo sāvayāmi vo, dhammaṃ dhutaṃ tañca carātha sabbe;
ирияаабат̇ам̣ баб̣б̣аж̇ид̇аануломигам̣, сзвзт̇а нам̣ ад̇т̇ад̣̇асо муд̇иймаа.
Iriyāpathaṃ pabbajitānulomikaṃ, sevetha naṃ atthadaso mutīmā.
388.
388.
‘‘но вз вигаалз вижарзяяа бхигку, г̇аамз жа бин̣д̣ааяа жарзяяа гаалз;
‘‘No ve vikāle vicareyya bhikkhu, gāme ca piṇḍāya careyya kāle;
агаалажаарин̃хи саж̇анд̇и сан̇г̇аа, д̇асмаа вигаалз на жаранд̇и б̣уд̣̇д̇хаа.
Akālacāriñhi sajanti saṅgā, tasmā vikāle na caranti buddhā.
389.
389.
‘‘руубаа жа сад̣̇д̣̇аа жа расаа жа г̇анд̇хаа, пассаа жа яз саммад̣̇аяанд̇и сад̇д̇з;
‘‘Rūpā ca saddā ca rasā ca gandhā, phassā ca ye sammadayanti satte;
зд̇зсу д̇хаммзсу винзяяа чанд̣̇ам̣, гаалзна со бависз баад̇араасам̣.
Etesu dhammesu vineyya chandaṃ, kālena so pavise pātarāsaṃ.
390.
390.
‘‘бин̣д̣ан̃жа бхигку самаязна лад̣̇д̇хаа, зго бадиггамма рахо нисийд̣̇з;
‘‘Piṇḍañca bhikkhu samayena laddhā, eko paṭikkamma raho nisīde;
аж̇жхад̇д̇ажинд̇ий на мано б̣ахид̣̇д̇хаа, нижчаараяз сан̇г̇ахид̇ад̇д̇абхааво.
Ajjhattacintī na mano bahiddhā, nicchāraye saṅgahitattabhāvo.
391.
391.
‘‘сажзби со саллабз саавагзна, ан̃н̃зна ваа гзнажи бхигкунаа ваа;
‘‘Sacepi so sallape sāvakena, aññena vā kenaci bhikkhunā vā;
д̇хаммам̣ бан̣ийд̇ам̣ д̇амуд̣̇аахарзяяа, на бзсун̣ам̣ ноби баруубаваад̣̇ам̣.
Dhammaṃ paṇītaṃ tamudāhareyya, na pesuṇaṃ nopi parūpavādaṃ.
392.
392.
‘‘ваад̣̇ан̃хи згз бадисзнияанд̇и, на д̇з басам̣саама барид̇д̇абан̃н̃з;
‘‘Vādañhi eke paṭiseniyanti, na te pasaṃsāma parittapaññe;
д̇ад̇о д̇ад̇о нз басаж̇анд̇и сан̇г̇аа, жид̇д̇ан̃хи д̇з д̇ад̇т̇а г̇амзнд̇и д̣̇уурз.
Tato tato ne pasajanti saṅgā, cittañhi te tattha gamenti dūre.
393.
393.
‘‘бин̣д̣ам̣ вихаарам̣ саяанаасанан̃жа, аабан̃жа сан̇гхаадираж̇уубавааханам̣;
‘‘Piṇḍaṃ vihāraṃ sayanāsanañca, āpañca saṅghāṭirajūpavāhanaṃ;
суд̇ваана д̇хаммам̣ суг̇ад̇зна д̣̇зсид̇ам̣, сан̇кааяа сзвз варабан̃н̃асааваго.
Sutvāna dhammaṃ sugatena desitaṃ, saṅkhāya seve varapaññasāvako.
394.
394.
‘‘д̇асмаа хи бин̣д̣з саяанаасанз жа, аабз жа сан̇гхаадираж̇уубавааханз;
‘‘Tasmā hi piṇḍe sayanāsane ca, āpe ca saṅghāṭirajūpavāhane;
зд̇зсу д̇хаммзсу ануубалид̇д̇о, бхигку яат̇аа богкарз ваариб̣инд̣̇у.
Etesu dhammesu anūpalitto, bhikkhu yathā pokkhare vāribindu.
395.
395.
‘‘г̇ахадтавад̇д̇ам̣ бана во вад̣̇аами, яат̇аагаро сааваго саад̇ху ход̇и;
‘‘Gahaṭṭhavattaṃ pana vo vadāmi, yathākaro sāvako sādhu hoti;
на хзса 3 лаб̣бхаа сабариг̇г̇ахзна, пассзд̇ум̣ яо гзвало бхигкуд̇хаммо.
Na hesa 4 labbhā sapariggahena, phassetuṃ yo kevalo bhikkhudhammo.
396.
396.
‘‘баан̣ам̣ на ханз 5 на жа гхаад̇аязяяа, на жаануж̇ан̃н̃аа ханад̇ам̣ барзсам̣;
‘‘Pāṇaṃ na hane 6 na ca ghātayeyya, na cānujaññā hanataṃ paresaṃ;
саб̣б̣зсу бхууд̇зсу нид̇хааяа д̣̇ан̣д̣ам̣, яз т̇аавараа яз жа д̇асаа санд̇и 7 логз.
Sabbesu bhūtesu nidhāya daṇḍaṃ, ye thāvarā ye ca tasā santi 8 loke.
397.
397.
‘‘д̇ад̇о ад̣̇иннам̣ бариваж̇ж̇аязяяа, гин̃жи гважи сааваго б̣уж̇жхамаано;
‘‘Tato adinnaṃ parivajjayeyya, kiñci kvaci sāvako bujjhamāno;
на хаараяз харад̇ам̣ наануж̇ан̃н̃аа, саб̣б̣ам̣ ад̣̇иннам̣ бариваж̇ж̇аязяяа.
Na hāraye harataṃ nānujaññā, sabbaṃ adinnaṃ parivajjayeyya.
398.
398.
‘‘аб̣рахмажарияам̣ бариваж̇ж̇аязяяа, ан̇г̇аарагаасум̣ ж̇алид̇ам̣ва вин̃н̃уу;
‘‘Abrahmacariyaṃ parivajjayeyya, aṅgārakāsuṃ jalitaṃva viññū;
асамбхун̣анд̇о бана б̣рахмажарияам̣, барасса д̣̇аарам̣ на ад̇иггамзяяа.
Asambhuṇanto pana brahmacariyaṃ, parassa dāraṃ na atikkameyya.
399.
399.
‘‘сабхаг̇г̇ад̇о ваа барисаг̇г̇ад̇о ваа, згасса взго 9 на мусаа бхан̣зяяа;
‘‘Sabhaggato vā parisaggato vā, ekassa veko 10 na musā bhaṇeyya;
на бхаан̣аяз бхан̣ад̇ам̣ наануж̇ан̃н̃аа, саб̣б̣ам̣ абхууд̇ам̣ бариваж̇ж̇аязяяа.
Na bhāṇaye bhaṇataṃ nānujaññā, sabbaṃ abhūtaṃ parivajjayeyya.
400.
400.
‘‘маж̇ж̇ан̃жа баанам̣ на самаажарзяяа, д̇хаммам̣ имам̣ рожаяз яо г̇ахадто;
‘‘Majjañca pānaṃ na samācareyya, dhammaṃ imaṃ rocaye yo gahaṭṭho;
на бааяаяз бивад̇ам̣ наануж̇ан̃н̃аа, уммаад̣̇ананд̇ам̣ ид̇и нам̣ вид̣̇ид̇ваа.
Na pāyaye pivataṃ nānujaññā, ummādanantaṃ iti naṃ viditvā.
401.
401.
‘‘мад̣̇аа хи баабаани гаронд̇и б̣аалаа, гаарзнд̇и жан̃н̃зби ж̇анз бамад̇д̇з;
‘‘Madā hi pāpāni karonti bālā, kārenti caññepi jane pamatte;
зд̇ам̣ абун̃н̃ааяад̇анам̣ виваж̇ж̇аяз, уммаад̣̇анам̣ моханам̣ б̣аалаганд̇ам̣.
Etaṃ apuññāyatanaṃ vivajjaye, ummādanaṃ mohanaṃ bālakantaṃ.
402.
402.
‘‘баан̣ам̣ на ханз на жаад̣̇иннамаад̣̇ияз, мусаа на бхаасз на жа маж̇ж̇або сияаа;
‘‘Pāṇaṃ na hane na cādinnamādiye, musā na bhāse na ca majjapo siyā;
аб̣рахмажарияаа вирамзяяа мзт̇унаа, рад̇д̇им̣ на бхун̃ж̇зяяа вигаалабхож̇анам̣.
Abrahmacariyā virameyya methunā, rattiṃ na bhuñjeyya vikālabhojanaṃ.
403.
403.
‘‘маалам̣ на д̇хаарз на жа г̇анд̇хамаажарз, ман̃жз чамааяам̣ ва саязт̇а сант̇ад̇з;
‘‘Mālaṃ na dhāre na ca gandhamācare, mañce chamāyaṃ va sayetha santhate;
зд̇ан̃хи адтан̇г̇игамаахубосат̇ам̣, б̣уд̣̇д̇хзна д̣̇угканд̇аг̇унаа багаасид̇ам̣.
Etañhi aṭṭhaṅgikamāhuposathaṃ, buddhena dukkhantagunā pakāsitaṃ.
404.
404.
‘‘д̇ад̇о жа багкассубавассубосат̇ам̣, жаад̇уд̣̇д̣̇асим̣ бан̃жад̣̇асин̃жа адтамим̣;
‘‘Tato ca pakkhassupavassuposathaṃ, cātuddasiṃ pañcadasiñca aṭṭhamiṃ;
баадихаарияабагкан̃жа басаннамаанасо, адтан̇г̇убзд̇ам̣ сусамад̇д̇аруубам̣.
Pāṭihāriyapakkhañca pasannamānaso, aṭṭhaṅgupetaṃ susamattarūpaṃ.
405.
405.
‘‘д̇ад̇о жа баад̇о убавуд̇т̇убосат̇о, аннзна баанзна жа бхигкусан̇гхам̣;
‘‘Tato ca pāto upavutthuposatho, annena pānena ca bhikkhusaṅghaṃ;
басаннажид̇д̇о анумод̣̇амаано, яат̇аарахам̣ сам̣вибхаж̇зт̇а вин̃н̃уу.
Pasannacitto anumodamāno, yathārahaṃ saṃvibhajetha viññū.
406.
406.
‘‘д̇хаммзна маад̇аабид̇аро бхарзяяа, баяож̇аяз д̇хаммигам̣ со ван̣иж̇ж̇ам̣;
‘‘Dhammena mātāpitaro bhareyya, payojaye dhammikaṃ so vaṇijjaṃ;
зд̇ам̣ г̇ихий вад̇д̇аяамаббамад̇д̇о, саяамбабхз наама убзд̇и д̣̇звз’’д̇и.
Etaṃ gihī vattayamappamatto, sayampabhe nāma upeti deve’’ti.
д̇хаммигасуд̇д̇ам̣ жуд̣̇д̣̇асамам̣ нидтид̇ам̣.
Dhammikasuttaṃ cuddasamaṃ niṭṭhitaṃ.
жуул̣аваг̇г̇о д̣̇уд̇ияо нидтид̇о.
Cūḷavaggo dutiyo niṭṭhito.
д̇ассуд̣̇д̣̇аанам̣ –
Tassuddānaṃ –
рад̇анаамаг̇анд̇хо хири жа, ман̇г̇алам̣ суужиломзна;
Ratanāmagandho hiri ca, maṅgalaṃ sūcilomena;
д̇хаммажарияан̃жа б̣раахман̣о 11, нааваа гим̣сийламудтаанам̣.
Dhammacariyañca brāhmaṇo 12, nāvā kiṃsīlamuṭṭhānaṃ.
раахуло буна габбо жа, бариб̣б̣ааж̇анияам̣ д̇ат̇аа;
Rāhulo puna kappo ca, paribbājaniyaṃ tathā;
д̇хаммиган̃жа вид̣̇уно ааху, жуул̣аваг̇г̇анд̇и жуд̣̇д̣̇асаад̇и.
Dhammikañca viduno āhu, cūḷavagganti cuddasāti.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / куд̣̇д̣̇аганигааяа (адтагат̇аа) • Khuddakanikāya (aṭṭhakathā) / суд̇д̇анибаад̇а-адтагат̇аа • Suttanipāta-aṭṭhakathā / 14. д̇хаммигасуд̇д̇аван̣н̣анаа • 14. Dhammikasuttavaṇṇanā
