| Library / Tipiṭaka / д̇ибидага • Tipiṭaka / т̇зраг̇аат̇аа-адтагат̇аа • Theragāthā-aṭṭhakathā |
10. д̇хаммигад̇т̇зраг̇аат̇ааван̣н̣анаа
10. Dhammikattheragāthāvaṇṇanā
д̇хаммо хавзд̇иаад̣̇игаа ааяасмад̇о д̇хаммигад̇т̇зрасса г̇аат̇аа. гаа уббад̇д̇и? аяамби буримаб̣уд̣̇д̇хзсу гад̇аад̇хигааро д̇ад̇т̇а д̇ад̇т̇а бхавз бун̃н̃аани убажинанд̇о сикисса бхаг̇авад̇о гаалз миг̇алуд̣̇д̣̇аго худ̇ваа згад̣̇ивасам̣ аран̃н̃ааяад̇анз д̣̇звабарисааяа сад̇т̇у д̇хаммам̣ д̣̇зсзнд̇асса ‘‘д̇хаммо зсо вужжад̇ий’’д̇и д̣̇зсанааяа нимид̇д̇ам̣ г̇ан̣хи. со д̇зна бун̃н̃агаммзна д̣̇звамануссзсу сам̣саранд̇о имасмим̣ б̣уд̣̇д̇хуббаад̣̇з госаларадтз б̣раахман̣агулз ниб̣б̣ад̇д̇ид̇ваа д̇хаммигод̇и лад̣̇д̇ханаамо ваяаббад̇д̇о ж̇зд̇аванабадиг̇г̇ахан̣з лад̣̇д̇хаббасаад̣̇о баб̣б̣аж̇ид̇ваа ан̃н̃ад̇арасмим̣ г̇аамагааваасз ааваасиго худ̇ваа вихаранд̇о ааг̇анд̇угаанам̣ бхигкуунам̣ вад̇д̇аавад̇д̇зсу уж̇жхаанаб̣ахуло агкамо ахоси. д̇зна бхигкуу д̇ам̣ вихаарам̣ чад̣д̣зд̇ваа баггамим̣су. со згагова ахоси. вихаарасаамиго убаасаго д̇ам̣ гааран̣ам̣ суд̇ваа бхаг̇авад̇о д̇ам̣ бавад̇д̇им̣ аарожзси. сад̇т̇аа д̇ам̣ бхигкум̣ баггосзд̇ваа д̇амад̇т̇ам̣ бужчид̇ваа д̇зна ‘‘звам̣, бханд̇з’’д̇и вуд̇д̇з – ‘‘нааяам̣ ид̣̇аанзва агкамо, буб̣б̣зби агкамо ахосий’’д̇и вад̇ваа бхигкуухи яаажид̇о ругкад̇хаммам̣ (ж̇аа. 1.1.74) гат̇зд̇ваа убари д̇асса оваад̣̇ам̣ д̣̇знд̇о –
Dhammo havetiādikā āyasmato dhammikattherassa gāthā. Kā uppatti? Ayampi purimabuddhesu katādhikāro tattha tattha bhave puññāni upacinanto sikhissa bhagavato kāle migaluddako hutvā ekadivasaṃ araññāyatane devaparisāya satthu dhammaṃ desentassa ‘‘dhammo eso vuccatī’’ti desanāya nimittaṃ gaṇhi. So tena puññakammena devamanussesu saṃsaranto imasmiṃ buddhuppāde kosalaraṭṭhe brāhmaṇakule nibbattitvā dhammikoti laddhanāmo vayappatto jetavanapaṭiggahaṇe laddhappasādo pabbajitvā aññatarasmiṃ gāmakāvāse āvāsiko hutvā viharanto āgantukānaṃ bhikkhūnaṃ vattāvattesu ujjhānabahulo akkhamo ahosi. Tena bhikkhū taṃ vihāraṃ chaḍḍetvā pakkamiṃsu. So ekakova ahosi. Vihārasāmiko upāsako taṃ kāraṇaṃ sutvā bhagavato taṃ pavattiṃ ārocesi. Satthā taṃ bhikkhuṃ pakkosetvā tamatthaṃ pucchitvā tena ‘‘evaṃ, bhante’’ti vutte – ‘‘nāyaṃ idāneva akkhamo, pubbepi akkhamo ahosī’’ti vatvā bhikkhūhi yācito rukkhadhammaṃ (jā. 1.1.74) kathetvā upari tassa ovādaṃ dento –
303.
303.
‘‘д̇хаммо хавз рагкад̇и д̇хаммажаарим̣, д̇хаммо сужин̣н̣о сукамаавахаад̇и;
‘‘Dhammo have rakkhati dhammacāriṃ, dhammo suciṇṇo sukhamāvahāti;
зсаанисам̣со д̇хаммз сужин̣н̣з, на д̣̇уг̇г̇ад̇им̣ г̇ажчад̇и д̇хаммажаарий.
Esānisaṃso dhamme suciṇṇe, na duggatiṃ gacchati dhammacārī.
304.
304.
‘‘на хи д̇хаммо ад̇хаммо жа, убхо самавибаагино;
‘‘Na hi dhammo adhammo ca, ubho samavipākino;
ад̇хаммо нираяам̣ нзд̇и, д̇хаммо баабзд̇и суг̇г̇ад̇им̣.
Adhammo nirayaṃ neti, dhammo pāpeti suggatiṃ.
305.
305.
‘‘д̇асмаа хи д̇хаммзсу гарзяяа чанд̣̇ам̣, ид̇и мод̣̇амаано суг̇ад̇зна д̇аад̣̇инаа;
‘‘Tasmā hi dhammesu kareyya chandaṃ, iti modamāno sugatena tādinā;
д̇хаммз тид̇аа суг̇ад̇аварасса саавагаа, нийяанд̇и д̇хийраа саран̣авараг̇г̇аг̇аамино.
Dhamme ṭhitā sugatavarassa sāvakā, nīyanti dhīrā saraṇavaraggagāmino.
306.
306.
‘‘вибподид̇о г̇ан̣д̣амууло, д̇ан̣хааж̇аало самуухад̇о;
‘‘Vipphoṭito gaṇḍamūlo, taṇhājālo samūhato;
со кийн̣асам̣сааро на жад̇т̇и гин̃жанам̣,
So khīṇasaṃsāro na catthi kiñcanaṃ,
жанд̣̇о яат̇аа д̣̇осинаа бун̣н̣амаасияа’’нд̇и. – жад̇ассо г̇аат̇аа абхааси;
Cando yathā dosinā puṇṇamāsiya’’nti. – catasso gāthā abhāsi;
д̇ад̇т̇а д̇хаммод̇и логияалогуд̇д̇аро сужарид̇ад̇хаммо. рагкад̇ийд̇и абааяад̣̇угкад̇о рагкад̇и, сам̣саарад̣̇угкад̇о жа виваддуубаниссаяабхууд̇о рагкад̇иязва. д̇хаммажааринд̇и д̇ам̣ д̇хаммам̣ жаранд̇ам̣ бадибаж̇ж̇анд̇ам̣. сужин̣н̣од̇и судту жин̣н̣о гаммапалаани сад̣̇д̣̇ахид̇ваа саггажжам̣ жид̇д̇ийгад̇ваа убажид̇о. суканд̇и логияалогуд̇д̇арасукам̣. д̇ад̇т̇а логияам̣ д̇аава гаамааважараад̣̇ибхзд̣̇о д̇хаммо яат̇аасагам̣ сукам̣ д̣̇идтз ваа д̇хаммз убабаж̇ж̇з ваа абарз ваа барияааяз аавахад̇и нибпаад̣̇зд̇и, ид̇арам̣ бана виваддуубаниссаяз тад̇ваа жин̣н̣о барамбарааяа аавахад̇ийд̇и вад̇д̇ум̣ ваддад̇и анубаниссаяасса д̇ад̣̇абхаавад̇о. зсаанисам̣со д̇хаммз сужин̣н̣з, на д̣̇уг̇г̇ад̇им̣ г̇ажчад̇и д̇хаммажаарийд̇и д̇хаммажаарий буг̇г̇ало д̇хаммз сужин̣н̣з д̇ам̣нимид̇д̇ам̣ д̣̇уг̇г̇ад̇им̣ на г̇ажчад̇ийд̇и зсо д̇хаммз сужин̣н̣з аанисам̣со уд̣̇раяод̇и ад̇т̇о.
Tattha dhammoti lokiyalokuttaro sucaritadhammo. Rakkhatīti apāyadukkhato rakkhati, saṃsāradukkhato ca vivaṭṭūpanissayabhūto rakkhatiyeva. Dhammacārinti taṃ dhammaṃ carantaṃ paṭipajjantaṃ. Suciṇṇoti suṭṭhu ciṇṇo kammaphalāni saddahitvā sakkaccaṃ cittīkatvā upacito. Sukhanti lokiyalokuttarasukhaṃ. Tattha lokiyaṃ tāva kāmāvacarādibhedo dhammo yathāsakaṃ sukhaṃ diṭṭhe vā dhamme upapajje vā apare vā pariyāye āvahati nipphādeti, itaraṃ pana vivaṭṭūpanissaye ṭhatvā ciṇṇo paramparāya āvahatīti vattuṃ vaṭṭati anupanissayassa tadabhāvato. Esānisaṃso dhamme suciṇṇe, na duggatiṃ gacchati dhammacārīti dhammacārī puggalo dhamme suciṇṇe taṃnimittaṃ duggatiṃ na gacchatīti eso dhamme suciṇṇe ānisaṃso udrayoti attho.
яасмаа д̇хаммзнзва суг̇ад̇иг̇аманам̣, ад̇хаммзнзва жа д̣̇уг̇г̇ад̇иг̇аманам̣, д̇асмаа ‘‘д̇хаммо ад̇хаммо’’д̇и имз ан̃н̃аман̃н̃ам̣ асам̣гин̣н̣апалаад̇и д̣̇ассзд̇ум̣ ‘‘на хи д̇хаммо’’д̇иаад̣̇инаа д̣̇уд̇ияам̣ г̇аат̇амааха. д̇ад̇т̇а ад̇хаммод̇и д̇хаммабадибагко д̣̇ужжарид̇ам̣. самавибаагинод̇и сад̣̇исавибаагаа самаанапалаа.
Yasmā dhammeneva sugatigamanaṃ, adhammeneva ca duggatigamanaṃ, tasmā ‘‘dhammo adhammo’’ti ime aññamaññaṃ asaṃkiṇṇaphalāti dassetuṃ ‘‘na hi dhammo’’tiādinā dutiyaṃ gāthamāha. Tattha adhammoti dhammapaṭipakkho duccaritaṃ. Samavipākinoti sadisavipākā samānaphalā.
д̇асмаад̇и яасмаа д̇хаммаад̇хаммаанам̣ аяам̣ яат̇аавуд̇д̇о вибаагабхзд̣̇о, д̇асмаа. чанд̣̇анд̇и гад̇д̇угамяад̇аачанд̣̇ам̣. ид̇и мод̣̇амаано суг̇ад̇зна д̇аад̣̇инаад̇и ид̇и звам̣ вуд̇д̇аббагаарзна оваад̣̇ад̣̇аанзна суг̇ад̇зна саммаг̇г̇ад̇зна саммаабадибаннзна идтаад̣̇ийсу д̇аад̣̇ибхааваббад̇д̇ияаа д̇аад̣̇инаамавад̇аа хзд̇убхууд̇зна мод̣̇амаано д̇удтим̣ аабаж̇ж̇амаано д̇хаммзсу чанд̣̇ам̣ гарзяяаад̇и яож̇анаа. зд̇д̇аавад̇аа ваддам̣ д̣̇ассзд̇ваа ид̣̇аани виваддам̣ д̣̇ассзнд̇о ‘‘д̇хаммз тид̇аа’’д̇иаад̣̇имааха. д̇ассад̇т̇о – яасмаа суг̇ад̇асса варасса суг̇ад̇зсу жа варасса саммаасамб̣уд̣̇д̇хасса саавагаа д̇асса д̇хаммз тид̇аа д̇хийраа ад̇ивияа аг̇г̇абхууд̇асаран̣аг̇аамино д̇знзва саран̣аг̇аманасан̇каад̇з д̇хаммз тид̇абхаавзна сагалаваддад̣̇угкад̇оби нийяанд̇и ниссаранд̇и, д̇асмаа хи д̇хаммзсу гарзяяа чанд̣̇анд̇и.
Tasmāti yasmā dhammādhammānaṃ ayaṃ yathāvutto vipākabhedo, tasmā. Chandanti kattukamyatāchandaṃ. Iti modamāno sugatena tādināti iti evaṃ vuttappakārena ovādadānena sugatena sammaggatena sammāpaṭipannena iṭṭhādīsu tādibhāvappattiyā tādināmavatā hetubhūtena modamāno tuṭṭhiṃ āpajjamāno dhammesu chandaṃ kareyyāti yojanā. Ettāvatā vaṭṭaṃ dassetvā idāni vivaṭṭaṃ dassento ‘‘dhamme ṭhitā’’tiādimāha. Tassattho – yasmā sugatassa varassa sugatesu ca varassa sammāsambuddhassa sāvakā tassa dhamme ṭhitā dhīrā ativiya aggabhūtasaraṇagāmino teneva saraṇagamanasaṅkhāte dhamme ṭhitabhāvena sakalavaṭṭadukkhatopi nīyanti nissaranti, tasmā hi dhammesu kareyya chandanti.
звам̣ сад̇т̇аараа д̇ийхи г̇аат̇аахи д̇хаммз д̣̇зсид̇з д̣̇зсанаанусаарзна яат̇аанисиннова вибассанам̣ вад̣дхзд̇ваа арахад̇д̇ам̣ баабун̣и. д̇зна вуд̇д̇ам̣ абад̣̇аанз (аба. т̇зра 2.52.44-50) –
Evaṃ satthārā tīhi gāthāhi dhamme desite desanānusārena yathānisinnova vipassanaṃ vaḍḍhetvā arahattaṃ pāpuṇi. Tena vuttaṃ apadāne (apa. thera 2.52.44-50) –
‘‘миг̇алуд̣̇д̣̇о бурз аасим̣, аран̃н̃з вибинз ахам̣;
‘‘Migaluddo pure āsiṃ, araññe vipine ahaṃ;
ад̣̇д̣̇асам̣ вираж̇ам̣ б̣уд̣̇д̇хам̣, д̣̇звасан̇гхабурагкад̇ам̣.
Addasaṃ virajaṃ buddhaṃ, devasaṅghapurakkhataṃ.
‘‘жад̇усажжам̣ багаасзнд̇ам̣, д̣̇зсзнд̇ам̣ амад̇ам̣ бад̣̇ам̣;
‘‘Catusaccaṃ pakāsentaṃ, desentaṃ amataṃ padaṃ;
ассосим̣ мад̇хурам̣ д̇хаммам̣, сикино логаб̣анд̇хуно.
Assosiṃ madhuraṃ dhammaṃ, sikhino lokabandhuno.
‘‘гхосз жид̇д̇ам̣ басаад̣̇зсим̣, асамаббадибуг̇г̇алз;
‘‘Ghose cittaṃ pasādesiṃ, asamappaṭipuggale;
д̇ад̇т̇а жид̇д̇ам̣ басаад̣̇зд̇ваа, уд̇д̇арим̣ д̣̇уд̇д̇арам̣ бхавам̣.
Tattha cittaṃ pasādetvā, uttariṃ duttaraṃ bhavaṃ.
‘‘згад̇им̣сз ид̇о габбз, яам̣ сан̃н̃амалабхим̣ д̇ад̣̇аа;
‘‘Ekatiṃse ito kappe, yaṃ saññamalabhiṃ tadā;
д̣̇уг̇г̇ад̇им̣ наабхиж̇аанаами, гхосасан̃н̃ааяид̣̇ам̣ палам̣.
Duggatiṃ nābhijānāmi, ghosasaññāyidaṃ phalaṃ.
‘‘гилзсаа жхаабид̇аа маяхам̣…бз… гад̇ам̣ б̣уд̣̇д̇хасса саасана’’нд̇и.
‘‘Kilesā jhāpitā mayhaṃ…pe… kataṃ buddhassa sāsana’’nti.
д̇ат̇аа арахад̇д̇з бад̇идтид̇о. арахад̇д̇ам̣ бана бад̇ваа ад̇д̇анаа ад̇хиг̇ад̇ам̣ висзсам̣ сад̇т̇у нивзд̣̇знд̇о жаримаг̇аат̇ааяа ан̃н̃ам̣ б̣яаагааси.
Tathā arahatte patiṭṭhito. Arahattaṃ pana patvā attanā adhigataṃ visesaṃ satthu nivedento carimagāthāya aññaṃ byākāsi.
д̇ад̇т̇а вибподид̇од̇и вид̇худ̇о, маг̇г̇ан̃аан̣зна бадиниссадтод̇и ад̇т̇о. г̇ан̣д̣амуулод̇и авиж̇ж̇аа. саа хи г̇ан̣д̣ад̇и савад̇и. ‘‘г̇ан̣д̣од̇и ко, бхигку, бан̃жаннзд̇ам̣ убаад̣̇аанагканд̇хаанам̣ ад̇хиважана’’нд̇и (сам̣. ни. 4.103; а. ни. 6.23; 8.56; 9.15; жуул̣ани. каг̇г̇ависаан̣асуд̇д̇анид̣̇д̣̇зса 137) звам̣ сад̇т̇аараа вуд̇д̇асса д̣̇угкамуулаяог̇ад̇о, гилзсаасужибаг̇гхаран̣ад̇о, уббаад̣̇аж̇араабхан̇г̇зхи уд̣̇д̇хумаад̇абаггабабхиж̇ж̇анад̇о жа, г̇ан̣д̣аабхид̇хаанасса убаад̣̇аанагканд̇хабан̃жагасса муулам̣ гааран̣ам̣ д̇ан̣хааж̇аало самуухад̇од̇и д̇ан̣хаасан̇каад̇о ж̇аало маг̇г̇зна самуг̇гхаадид̇о. со кийн̣асам̣сааро на жад̇т̇и гин̃жананд̇и со ахам̣ звам̣ бахийнад̇ан̣хаавиж̇ж̇ад̇ааяа баригкийн̣асам̣сааро бахийнабхавамуулад̇д̇аа зва на жад̇т̇и, на жа убалаб̣бхад̇и рааг̇аад̣̇игин̃жанам̣. жанд̣̇о яат̇аа д̣̇осинаа бун̣н̣амаасияанд̇и яат̇аа наама жанд̣̇о аб̣бхамахигаад̣̇ид̣̇осарахид̇о бун̣н̣амаасияам̣ барибун̣н̣агаалз звам̣ ахамби арахад̇д̇аад̇хиг̇амзна абзд̇арааг̇аад̣̇игин̃жано барибун̣н̣ад̇хаммагодтаасо ахосинд̇и.
Tattha vipphoṭitoti vidhuto, maggañāṇena paṭinissaṭṭhoti attho. Gaṇḍamūloti avijjā. Sā hi gaṇḍati savati. ‘‘Gaṇḍoti kho, bhikkhu, pañcannetaṃ upādānakkhandhānaṃ adhivacana’’nti (saṃ. ni. 4.103; a. ni. 6.23; 8.56; 9.15; cūḷani. khaggavisāṇasuttaniddesa 137) evaṃ satthārā vuttassa dukkhamūlayogato, kilesāsucipaggharaṇato, uppādajarābhaṅgehi uddhumātapakkapabhijjanato ca, gaṇḍābhidhānassa upādānakkhandhapañcakassa mūlaṃ kāraṇaṃ taṇhājālo samūhatoti taṇhāsaṅkhāto jālo maggena samugghāṭito. So khīṇasaṃsāro na catthi kiñcananti so ahaṃ evaṃ pahīnataṇhāvijjatāya parikkhīṇasaṃsāro pahīnabhavamūlattā eva na catthi, na ca upalabbhati rāgādikiñcanaṃ. Cando yathā dosinā puṇṇamāsiyanti yathā nāma cando abbhamahikādidosarahito puṇṇamāsiyaṃ paripuṇṇakāle evaṃ ahampi arahattādhigamena apetarāgādikiñcano paripuṇṇadhammakoṭṭhāso ahosinti.
д̇хаммигад̇т̇зраг̇аат̇ааван̣н̣анаа нидтид̇аа.
Dhammikattheragāthāvaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / т̇зраг̇аат̇аабаал̣и • Theragāthāpāḷi / 10. д̇хаммигад̇т̇зраг̇аат̇аа • 10. Dhammikattheragāthā
