| Library / Tipiṭaka / д̇ибидага • Tipiṭaka / бадисамбхид̣̇аамаг̇г̇а-адтагат̇аа • Paṭisambhidāmagga-aṭṭhakathā |
2. д̇хаммуд̣̇д̇хажжавааранид̣̇д̣̇зсаван̣н̣анаа
2. Dhammuddhaccavāraniddesavaṇṇanā
6. д̇хаммуд̣̇д̇хажжаваарз анижжад̇о манасигарод̇о обхаасо уббаж̇ж̇ад̇ийд̇и уд̣̇аяаб̣б̣аяаанубассанааяа тид̇асса д̇ийхи анубассанаахи бунаббунам̣ сан̇каарз вибассанд̇асса вибассанд̇асса вибассанаан̃аан̣зсу барибаагаг̇ад̇зсу д̇ад̣̇ан̇г̇авасзна гилзсаббахаанзна барисуд̣̇д̇хажид̇д̇асса анижжад̇о ваа д̣̇угкад̇о ваа анад̇д̇ад̇о ваа манасигаарагкан̣з вибассанаан̃аан̣аанубхаавзна багад̇ияаава обхаасо уббаж̇ж̇ад̇ийд̇и батамам̣ д̇аава анижжад̇о манасигарод̇о обхаасо гат̇ид̇о. агусало вибассаго д̇асмим̣ обхаасз уббаннз ‘‘на жа вад̇а мз ид̇о буб̣б̣з зваруубо обхаасо уббаннабуб̣б̣о, ад̣̇д̇хаа маг̇г̇ам̣ бад̇д̇омхи, палам̣ бад̇д̇омхий’’д̇и амаг̇г̇ам̣язва ‘‘маг̇г̇о’’д̇и, апаламзва ‘‘пала’’нд̇и г̇ан̣хаад̇и. д̇асса амаг̇г̇ам̣ ‘‘маг̇г̇о’’д̇и, апалам̣ ‘‘пала’’нд̇и г̇ан̣хад̇о вибассанаавийт̇и угганд̇аа ход̇и. со ад̇д̇ано вибассанаавийт̇им̣ виссаж̇ж̇зд̇ваа вигкзбамаабанно ваа обхаасамзва д̇ан̣хаад̣̇идтиман̃н̃анаахи ман̃н̃амаано ваа нисийд̣̇ад̇и. со ко банааяам̣ обхаасо гассажи бхигкуно баллан̇гадтаанамад̇д̇амзва обхаасзнд̇о уббаж̇ж̇ад̇и, гассажи анд̇ог̇аб̣бхам̣, гассажи б̣ахиг̇аб̣бхамби, гассажи сагалавихаарам̣, г̇аавуд̇ам̣ ад̣дхаяож̇анам̣ яож̇анам̣ д̣̇вияож̇анам̣…бз… гассажи бат̇авид̇алад̇о яаава аганидтаб̣рахмалогаа згаалогам̣ гурумаано. бхаг̇авад̇о бана д̣̇асасахассилогад̇хаад̇ум̣ обхаасзнд̇о уд̣̇абаад̣̇и. аяан̃хи обхаасо жад̇уран̇г̇асаманнааг̇ад̇зби анд̇хагаарз д̇ам̣ д̇ам̣ таанам̣ обхаасзнд̇о уббаж̇ж̇ад̇и.
6. Dhammuddhaccavāre aniccato manasikaroto obhāso uppajjatīti udayabbayānupassanāya ṭhitassa tīhi anupassanāhi punappunaṃ saṅkhāre vipassantassa vipassantassa vipassanāñāṇesu paripākagatesu tadaṅgavasena kilesappahānena parisuddhacittassa aniccato vā dukkhato vā anattato vā manasikārakkhaṇe vipassanāñāṇānubhāvena pakatiyāva obhāso uppajjatīti paṭhamaṃ tāva aniccato manasikaroto obhāso kathito. Akusalo vipassako tasmiṃ obhāse uppanne ‘‘na ca vata me ito pubbe evarūpo obhāso uppannapubbo, addhā maggaṃ pattomhi, phalaṃ pattomhī’’ti amaggaṃyeva ‘‘maggo’’ti, aphalameva ‘‘phala’’nti gaṇhāti. Tassa amaggaṃ ‘‘maggo’’ti, aphalaṃ ‘‘phala’’nti gaṇhato vipassanāvīthi ukkantā hoti. So attano vipassanāvīthiṃ vissajjetvā vikkhepamāpanno vā obhāsameva taṇhādiṭṭhimaññanāhi maññamāno vā nisīdati. So kho panāyaṃ obhāso kassaci bhikkhuno pallaṅkaṭṭhānamattameva obhāsento uppajjati, kassaci antogabbhaṃ, kassaci bahigabbhampi, kassaci sakalavihāraṃ, gāvutaṃ aḍḍhayojanaṃ yojanaṃ dviyojanaṃ…pe… kassaci pathavitalato yāva akaniṭṭhabrahmalokā ekālokaṃ kurumāno. Bhagavato pana dasasahassilokadhātuṃ obhāsento udapādi. Ayañhi obhāso caturaṅgasamannāgatepi andhakāre taṃ taṃ ṭhānaṃ obhāsento uppajjati.
обхаасо д̇хаммод̇и обхаасам̣ ааваж̇ж̇ад̇ийд̇и аяам̣ обхаасо маг̇г̇ад̇хаммо палад̇хаммод̇и ваа д̇ам̣ д̇ам̣ обхаасам̣ манаси гарод̇и. д̇ад̇о вигкзбо уд̣̇д̇хажжанд̇и д̇ад̇о обхаасад̇о д̇хаммод̇и ааваж̇ж̇анагаран̣ад̇о ваа яо уббаж̇ж̇ад̇и вигкзбо, со уд̣̇д̇хажжам̣ наамаад̇и ад̇т̇о. д̇зна уд̣̇д̇хажжзна виг̇г̇ахид̇амаанасод̇и д̇зна звам̣ уббаж̇ж̇амаанзна уд̣̇д̇хажжзна вирод̇хид̇ажид̇д̇о, д̇зна ваа уд̣̇д̇хажжзна гааран̣абхууд̇зна д̇аммуулагагилзсуббад̇д̇ияаа вирод̇хид̇ажид̇д̇о вибассаго вибассанаавийт̇им̣ оггамид̇ваа вигкзбам̣ ваа д̇аммуулагагилзсзсу ваа тид̇ад̇д̇аа анижжад̇о д̣̇угкад̇о анад̇д̇ад̇о убадтаанаани яат̇аабхууд̇ам̣ наббаж̇аанаад̇и. ‘‘д̇зна вужжад̇и д̇хаммуд̣̇д̇хажжавиг̇г̇ахид̇амаанасо’’д̇и звам̣ ид̇и-сад̣̇д̣̇о яож̇зд̇аб̣б̣о. ход̇и со самаяод̇и звам̣ ассаад̣̇авасзна убаггилидтажид̇д̇ассааби яог̇ино сажз убабаригкаа уббаж̇ж̇ад̇и, со звам̣ баж̇аанаад̇и – ‘‘вибассанаа наама сан̇каараарамман̣аа, маг̇г̇апалаани ниб̣б̣аанаарамман̣аани, имаани жа жид̇д̇аани сан̇каараарамман̣аани, д̇асмаа нааяамобхаасо маг̇г̇о, уд̣̇аяаб̣б̣аяаанубассанааязва ниб̣б̣аанасса логиго маг̇г̇о’’д̇и маг̇г̇аамаг̇г̇ам̣ вавад̇т̇абзд̇ваа д̇ам̣ вигкзбам̣ бариваж̇ж̇аяид̇ваа уд̣̇аяаб̣б̣аяаанубассанааяа тад̇ваа саад̇хугам̣ сан̇каарз анижжад̇о д̣̇угкад̇о анад̇д̇ад̇о вибассад̇и. звам̣ убабаригканд̇асса со самаяо ход̇и. звам̣ абассанд̇о бана ‘‘маг̇г̇апалаббад̇д̇омхий’’д̇и ад̇химааниго ход̇и.
Obhāso dhammoti obhāsaṃ āvajjatīti ayaṃ obhāso maggadhammo phaladhammoti vā taṃ taṃ obhāsaṃ manasi karoti. Tato vikkhepo uddhaccanti tato obhāsato dhammoti āvajjanakaraṇato vā yo uppajjati vikkhepo, so uddhaccaṃ nāmāti attho. Tena uddhaccena viggahitamānasoti tena evaṃ uppajjamānena uddhaccena virodhitacitto, tena vā uddhaccena kāraṇabhūtena tammūlakakilesuppattiyā virodhitacitto vipassako vipassanāvīthiṃ okkamitvā vikkhepaṃ vā tammūlakakilesesu vā ṭhitattā aniccato dukkhato anattato upaṭṭhānāni yathābhūtaṃ nappajānāti. ‘‘Tena vuccati dhammuddhaccaviggahitamānaso’’ti evaṃ iti-saddo yojetabbo. Hoti so samayoti evaṃ assādavasena upakkiliṭṭhacittassāpi yogino sace upaparikkhā uppajjati, so evaṃ pajānāti – ‘‘vipassanā nāma saṅkhārārammaṇā, maggaphalāni nibbānārammaṇāni, imāni ca cittāni saṅkhārārammaṇāni, tasmā nāyamobhāso maggo, udayabbayānupassanāyeva nibbānassa lokiko maggo’’ti maggāmaggaṃ vavatthapetvā taṃ vikkhepaṃ parivajjayitvā udayabbayānupassanāya ṭhatvā sādhukaṃ saṅkhāre aniccato dukkhato anattato vipassati. Evaṃ upaparikkhantassa so samayo hoti. Evaṃ apassanto pana ‘‘maggaphalappattomhī’’ti adhimāniko hoti.
яам̣ д̇ам̣ жид̇д̇анд̇и яам̣ д̇ам̣ вибассанаажид̇д̇ам̣. аж̇жхад̇д̇амзваад̇и анижжаанубассанааяа аарамман̣з г̇ожараж̇жхад̇д̇зязва. н̃аан̣ам̣ уббаж̇ж̇ад̇ийд̇и д̇ассзва яог̇ааважарасса руубааруубад̇хаммз д̇улаяанд̇асса д̇ийраяанд̇асса виссадтаинд̣̇аваж̇ирамива авихад̇авзг̇ам̣ д̇икин̣ам̣ суурамад̇ивисад̣̇ам̣ вибассанаан̃аан̣ам̣ уббаж̇ж̇ад̇и. бийд̇и уббаж̇ж̇ад̇ийд̇и д̇ассзва д̇асмим̣ самаяз куд̣̇д̣̇игаа бийд̇и, кан̣игаа бийд̇и, огганд̇игаа бийд̇и, уб̣б̣зг̇аа бийд̇и, паран̣аа бийд̇ийд̇и аяам̣ бан̃жавид̇хаа вибассанаасамбаяуд̇д̇аа бийд̇и сагаласарийрам̣ буураяамаанаа уббаж̇ж̇ад̇и. бассад̣̇д̇хи уббаж̇ж̇ад̇ийд̇и д̇ассзва д̇асмим̣ самаяз гааяажид̇д̇аанам̣ нзва д̣̇арат̇о, на г̇ааравад̇аа, на гагкал̣ад̇аа , на агамман̃н̃ад̇аа, на г̇злан̃н̃ад̇аа, на ван̇гад̇аа ход̇и. ат̇а ко банасса гааяажид̇д̇аани бассад̣̇д̇хаани лахууни муд̣̇ууни гамман̃н̃аани баг̇ун̣аани сувисад̣̇аани уж̇угааниязва хонд̇и. со имзхи бассад̣̇д̇хаад̣̇ийхи ануг̇г̇ахид̇агааяажид̇д̇о д̇асмим̣ самаяз амаанусим̣ наама рад̇им̣ анубхавад̇и. яам̣ санд̇хааяа вуд̇д̇ам̣ –
Yaṃ taṃ cittanti yaṃ taṃ vipassanācittaṃ. Ajjhattamevāti aniccānupassanāya ārammaṇe gocarajjhatteyeva. Ñāṇaṃ uppajjatīti tasseva yogāvacarassa rūpārūpadhamme tulayantassa tīrayantassa vissaṭṭhaindavajiramiva avihatavegaṃ tikhiṇaṃ sūramativisadaṃ vipassanāñāṇaṃ uppajjati. Pīti uppajjatīti tasseva tasmiṃ samaye khuddikā pīti, khaṇikā pīti, okkantikā pīti, ubbegā pīti, pharaṇā pītīti ayaṃ pañcavidhā vipassanāsampayuttā pīti sakalasarīraṃ pūrayamānā uppajjati. Passaddhi uppajjatīti tasseva tasmiṃ samaye kāyacittānaṃ neva daratho, na gāravatā, na kakkhaḷatā , na akammaññatā, na gelaññatā, na vaṅkatā hoti. Atha kho panassa kāyacittāni passaddhāni lahūni mudūni kammaññāni paguṇāni suvisadāni ujukāniyeva honti. So imehi passaddhādīhi anuggahitakāyacitto tasmiṃ samaye amānusiṃ nāma ratiṃ anubhavati. Yaṃ sandhāya vuttaṃ –
‘‘сун̃н̃ааг̇аарам̣ бавидтасса, санд̇ажид̇д̇асса бхигкуно;
‘‘Suññāgāraṃ paviṭṭhassa, santacittassa bhikkhuno;
амаанусий рад̇ий ход̇и, саммаа д̇хаммам̣ вибассад̇о.
Amānusī ratī hoti, sammā dhammaṃ vipassato.
‘‘яад̇о яад̇о саммасад̇и, канд̇хаанам̣ уд̣̇аяаб̣б̣аяам̣;
‘‘Yato yato sammasati, khandhānaṃ udayabbayaṃ;
лабхад̇ий бийд̇ибаамож̇ж̇ам̣, амад̇ам̣ д̇ам̣ виж̇аанад̇а’’нд̇и. (д̇ха. ба. 373-4) –
Labhatī pītipāmojjaṃ, amataṃ taṃ vijānata’’nti. (dha. pa. 373-4) –
звамасса имам̣ амаанусим̣ рад̇им̣ саад̇хаяамаанаа лахуд̇аад̣̇ийхи сахид̇аа вибассанаасамбаяуд̇д̇аа гааяажид̇д̇абассад̣̇д̇хи уббаж̇ж̇ад̇и. сукам̣ уббаж̇ж̇ад̇ийд̇и д̇ассзва д̇асмим̣ самаяз сагаласарийрам̣ абхисанд̣̇аяамаанам̣ вибассанаасамбаяуд̇д̇ам̣ сукам̣ уббаж̇ж̇ад̇и. ад̇химогко уббаж̇ж̇ад̇ийд̇и д̇ассзва д̇асмим̣ самаяз жид̇д̇ажзд̇асигаанам̣ ад̇исаяабасаад̣̇абхууд̇аа вибассанаасамбаяуд̇д̇аа сад̣̇д̇хаа уббаж̇ж̇ад̇и. баг̇г̇ахо уббаж̇ж̇ад̇ийд̇и д̇ассзва д̇асмим̣ самаяз асит̇иламанажжаарад̣̇д̇хам̣ субаг̇г̇ахид̇ам̣ вибассанаасамбаяуд̇д̇ам̣ вийрияам̣ уббаж̇ж̇ад̇и. убадтаанам̣ уббаж̇ж̇ад̇ийд̇и д̇ассзва д̇асмим̣ самаяз суубадтид̇аа суббад̇идтид̇аа никаад̇аа ажалаа баб̣б̣ад̇арааж̇асад̣̇исаа вибассанаасамбаяуд̇д̇аа сад̇и уббаж̇ж̇ад̇и. со яам̣ яам̣ таанам̣ ааваж̇ж̇ад̇и саманнаахарад̇и манаси гарод̇и бажжавзгкад̇и, д̇ам̣ д̇ам̣ таанамасса огганд̇ид̇ваа багканд̣̇ид̇ваа д̣̇иб̣б̣ажагкуно баралого вияа сад̇ияаа убадтаад̇и (висуд̣̇д̇хи. 2.734).
Evamassa imaṃ amānusiṃ ratiṃ sādhayamānā lahutādīhi sahitā vipassanāsampayuttā kāyacittapassaddhi uppajjati. Sukhaṃ uppajjatīti tasseva tasmiṃ samaye sakalasarīraṃ abhisandayamānaṃ vipassanāsampayuttaṃ sukhaṃ uppajjati. Adhimokkho uppajjatīti tasseva tasmiṃ samaye cittacetasikānaṃ atisayapasādabhūtā vipassanāsampayuttā saddhā uppajjati. Paggaho uppajjatīti tasseva tasmiṃ samaye asithilamanaccāraddhaṃ supaggahitaṃ vipassanāsampayuttaṃ vīriyaṃ uppajjati. Upaṭṭhānaṃ uppajjatīti tasseva tasmiṃ samaye sūpaṭṭhitā suppatiṭṭhitā nikhātā acalā pabbatarājasadisā vipassanāsampayuttā sati uppajjati. So yaṃ yaṃ ṭhānaṃ āvajjati samannāharati manasi karoti paccavekkhati, taṃ taṃ ṭhānamassa okkantitvā pakkhanditvā dibbacakkhuno paraloko viya satiyā upaṭṭhāti (visuddhi. 2.734).
убзгкаад̇и вибассанубзгкаа жзва ааваж̇ж̇анубзгкаа жа. д̇асмин̃хи самаяз саб̣б̣асан̇каарзсу маж̇жхад̇д̇абхууд̇аа вибассанубзгкааби б̣алавад̇ий уббаж̇ж̇ад̇и, манод̣̇ваарз ааваж̇ж̇анубзгкааби. саа хисса д̇ам̣ д̇ам̣ таанам̣ ааваж̇ж̇анд̇асса виссадтаинд̣̇аваж̇ирамива бад̇д̇абудз багканд̣̇ад̇ад̇д̇анаараажо вияа жа суураа д̇икин̣аа худ̇ваа вахад̇и . зван̃хи висуд̣̇д̇химаг̇г̇з (висуд̣̇д̇хи. 2.734) вуд̇д̇ам̣. вибассанубзгкаад̇и жзд̇т̇а ‘‘вибассанаасамбаяуд̇д̇аа д̇ад̇рамаж̇жхад̇д̇убзгкаа’’д̇и аажарияаа вад̣̇анд̇и. вибассанаан̃аан̣з хи г̇аяхамаанз ‘‘н̃аан̣ам̣ уббаж̇ж̇ад̇ий’’д̇и вибассанаан̃аан̣асса ааг̇ад̇ад̇д̇аа бунаруд̇д̇ид̣̇осо ход̇и. д̇ад̇ияаж̇жхаанаван̣н̣анааяан̃жа ‘‘сан̇каарубзгкаавибассанубзгкаанамби ад̇т̇ад̇о згийбхааво. бан̃н̃аа зва хи саа, гижжавасзна д̣̇вид̇хаа бхиннаа’’д̇и вуд̇д̇ам̣. д̇асмаа вибассанаасамбаяуд̇д̇ааяа д̇ад̇рамаж̇жхад̇д̇убзгкааяа вужжамаанааяа бунаруд̇д̇ид̣̇осо жа на ход̇и, д̇ад̇ияаж̇жхаанаван̣н̣анааяа жа самзд̇и. яасмаа жа бан̃жасу инд̣̇риязсу ‘‘н̃аан̣ам̣ ад̇химогко баг̇г̇ахо убадтаана’’нд̇и бан̃н̃инд̣̇рияасад̣̇д̇хинд̣̇рияавийрияинд̣̇рияасад̇инд̣̇рияаани нид̣̇д̣̇идтаани, самаад̇хинд̣̇рияам̣ бана анид̣̇д̣̇идтам̣ ход̇и, яуг̇анад̣̇д̇хавасзнааби жа самаад̇хинд̣̇рияам̣ нид̣̇д̣̇исид̇аб̣б̣амзва ход̇и, д̇асмаа самаббавад̇д̇о самаад̇хи буна самаад̇хаанз б̣яаабаараббахаанагаран̣зна ‘‘убзгкаа’’д̇и вуд̇д̇од̇и взд̣̇ид̇аб̣б̣ам̣.
Upekkhāti vipassanupekkhā ceva āvajjanupekkhā ca. Tasmiñhi samaye sabbasaṅkhāresu majjhattabhūtā vipassanupekkhāpi balavatī uppajjati, manodvāre āvajjanupekkhāpi. Sā hissa taṃ taṃ ṭhānaṃ āvajjantassa vissaṭṭhaindavajiramiva pattapuṭe pakkhandatattanārāco viya ca sūrā tikhiṇā hutvā vahati . Evañhi visuddhimagge (visuddhi. 2.734) vuttaṃ. Vipassanupekkhāti cettha ‘‘vipassanāsampayuttā tatramajjhattupekkhā’’ti ācariyā vadanti. Vipassanāñāṇe hi gayhamāne ‘‘ñāṇaṃ uppajjatī’’ti vipassanāñāṇassa āgatattā punaruttidoso hoti. Tatiyajjhānavaṇṇanāyañca ‘‘saṅkhārupekkhāvipassanupekkhānampi atthato ekībhāvo. Paññā eva hi sā, kiccavasena dvidhā bhinnā’’ti vuttaṃ. Tasmā vipassanāsampayuttāya tatramajjhattupekkhāya vuccamānāya punaruttidoso ca na hoti, tatiyajjhānavaṇṇanāya ca sameti. Yasmā ca pañcasu indriyesu ‘‘ñāṇaṃ adhimokkho paggaho upaṭṭhāna’’nti paññindriyasaddhindriyavīriyindriyasatindriyāni niddiṭṭhāni, samādhindriyaṃ pana aniddiṭṭhaṃ hoti, yuganaddhavasenāpi ca samādhindriyaṃ niddisitabbameva hoti, tasmā samappavatto samādhi puna samādhāne byāpārappahānakaraṇena ‘‘upekkhā’’ti vuttoti veditabbaṃ.
ниганд̇и уббаж̇ж̇ад̇ийд̇и звам̣ обхаасаад̣̇ибадиман̣д̣ид̇ааяа вибассанааяа аалаяам̣ гурумаанаа сукумаа санд̇аагаараа ниганд̇и уббаж̇ж̇ад̇и, яаа гилзсод̇и бариг̇г̇ахзд̇умби на саггаа ход̇и. яат̇аа жа обхаасз, звам̣ зд̇зсуби ан̃н̃ад̇арасмим̣ уббаннз яог̇ааважаро ‘‘на жа вад̇а мз ид̇о буб̣б̣з зваруубам̣ н̃аан̣ам̣ уббаннабуб̣б̣ам̣, зваруубаа бийд̇и бассад̣̇д̇хи сукам̣ ад̇химогко баг̇г̇ахо убадтаанам̣ убзгкаа ниганд̇и уббаннабуб̣б̣аа, ад̣̇д̇хаа маг̇г̇ам̣ бад̇д̇омхи, палам̣ бад̇д̇омхий’’д̇и амаг̇г̇амзва ‘‘маг̇г̇о’’д̇и, апаламзва ‘‘пала’’нд̇и г̇ан̣хаад̇и. д̇асса амаг̇г̇ам̣ ‘‘маг̇г̇о’’д̇и, апалан̃жа ‘‘пала’’нд̇и г̇ан̣хад̇о вибассанаавийт̇и угганд̇аа ход̇и. со ад̇д̇ано муулагаммадтаанам̣ виссаж̇ж̇зд̇ваа ниганд̇имзва ассаад̣̇знд̇о нисийд̣̇ад̇и. зд̇т̇а жа обхаасаад̣̇аяо убаггилзсавад̇т̇уд̇ааяа убаггилзсаад̇и вуд̇д̇аа, на агусалад̇д̇аа. ниганд̇и бана убаггилзсо жзва убаггилзсавад̇т̇у жа. вад̇т̇увасзнзва жзд̇з д̣̇аса, г̇аахавасзна бана самад̇им̣са хонд̇и. гат̇ам̣? ‘‘мама обхаасо уббанно’’д̇и г̇ан̣хад̇о хи д̣̇идтиг̇г̇аахо ход̇и, ‘‘манаабо вад̇а обхаасо уббанно’’д̇и г̇ан̣хад̇о маанаг̇г̇аахо, обхаасам̣ ассаад̣̇аяад̇о д̇ан̣хааг̇г̇аахо. ид̇и обхаасз д̣̇идтимаанад̇ан̣хаавасзна д̇аяо г̇аахаа. д̇ат̇аа сзсзсубийд̇и звам̣ г̇аахавасзна самад̇им̣са убаггилзсаа хонд̇и. д̣̇угкад̇о манасигарод̇о, анад̇д̇ад̇о манасигарод̇од̇и ваарзсуби иминаава наязна ад̇т̇о взд̣̇ид̇аб̣б̣о. згзгаанубассанаавасзна хзд̇т̇а згзгасса вибассанубаггилзсуббад̇д̇и взд̣̇ид̇аб̣б̣аа, на згассзва.
Nikantiuppajjatīti evaṃ obhāsādipaṭimaṇḍitāya vipassanāya ālayaṃ kurumānā sukhumā santākārā nikanti uppajjati, yā kilesoti pariggahetumpi na sakkā hoti. Yathā ca obhāse, evaṃ etesupi aññatarasmiṃ uppanne yogāvacaro ‘‘na ca vata me ito pubbe evarūpaṃ ñāṇaṃ uppannapubbaṃ, evarūpā pīti passaddhi sukhaṃ adhimokkho paggaho upaṭṭhānaṃ upekkhā nikanti uppannapubbā, addhā maggaṃ pattomhi, phalaṃ pattomhī’’ti amaggameva ‘‘maggo’’ti, aphalameva ‘‘phala’’nti gaṇhāti. Tassa amaggaṃ ‘‘maggo’’ti, aphalañca ‘‘phala’’nti gaṇhato vipassanāvīthi ukkantā hoti. So attano mūlakammaṭṭhānaṃ vissajjetvā nikantimeva assādento nisīdati. Ettha ca obhāsādayo upakkilesavatthutāya upakkilesāti vuttā, na akusalattā. Nikanti pana upakkileso ceva upakkilesavatthu ca. Vatthuvaseneva cete dasa, gāhavasena pana samatiṃsa honti. Kathaṃ? ‘‘Mama obhāso uppanno’’ti gaṇhato hi diṭṭhiggāho hoti, ‘‘manāpo vata obhāso uppanno’’ti gaṇhato mānaggāho, obhāsaṃ assādayato taṇhāggāho. Iti obhāse diṭṭhimānataṇhāvasena tayo gāhā. Tathā sesesupīti evaṃ gāhavasena samatiṃsa upakkilesā honti. Dukkhato manasikaroto, anattato manasikarototi vāresupi imināva nayena attho veditabbo. Ekekaanupassanāvasena hettha ekekassa vipassanupakkilesuppatti veditabbā, na ekasseva.
д̇ийсу анубассанаасу. звам̣ абхзд̣̇ад̇о вибассанаавасзна убаггилзсз д̣̇ассзд̇ваа буна бхзд̣̇авасзна д̣̇ассзнд̇о руубам̣ анижжад̇о манасигарод̇од̇иаад̣̇имааха. д̇ад̇т̇а ж̇араамаран̣ам̣ анижжад̇о убадтаананд̇и ж̇араамаран̣асса анижжад̇о убадтаанам̣.
Tīsu anupassanāsu. Evaṃ abhedato vipassanāvasena upakkilese dassetvā puna bhedavasena dassento rūpaṃ aniccato manasikarototiādimāha. Tattha jarāmaraṇaṃ aniccato upaṭṭhānanti jarāmaraṇassa aniccato upaṭṭhānaṃ.
7. яасмаа буб̣б̣з вуд̇д̇аанам̣ самад̇им̣сааяа убаггилзсаанам̣ васзна агусало аб̣яад̇д̇о яог̇ааважаро обхаасаад̣̇ийсу вигамбад̇и, обхаасаад̣̇ийсу згзгам̣ ‘‘зд̇ам̣ мама, зсохамасми, зсо мз ад̇д̇аа’’д̇и саманубассад̇и, д̇асмаа д̇амад̇т̇ам̣ д̣̇ассзнд̇о обхаасз жзва н̃аан̣з жаад̇иаад̣̇иг̇аат̇аад̣̇ваяамааха. д̇ад̇т̇а вигамбад̇ийд̇и обхаасаад̣̇игз аарамман̣з наанаагилзсавасзна вивид̇хаа гамбад̇и взд̇хад̇и. язхи жид̇д̇ам̣ бавзд̇хад̇ийд̇и язхи бассад̣̇д̇хисукзхи жид̇д̇ам̣ наанаагилзсавасзна наанаббагаарзна взд̇хад̇и гамбад̇и. д̇асмаа бассад̣̇д̇хияаа сукз жзва яог̇ааважаро вигамбад̇ийд̇и самб̣анд̇хо взд̣̇ид̇аб̣б̣о. убзгкааваж̇ж̇анааяа жзваад̇и убзгкаасан̇каад̇ааяа ааваж̇ж̇анааяа жзва вигамбад̇и, ааваж̇ж̇анубзгкааяа жзва вигамбад̇ийд̇и ад̇т̇о. висуд̣̇д̇химаг̇г̇з (висуд̣̇д̇хи. 2.736) бана ‘‘убзгкааваж̇ж̇анааяан̃жаа’’д̇и вуд̇д̇ам̣. убзгкааяа жаад̇и хздтаа вуд̇д̇аббагаарааяа убзгкааяа жа вигамбад̇и, ниганд̇ияаа жа вигамбад̇ийд̇и ад̇т̇о. зд̇т̇а жа д̣̇виннам̣ убзгкаанам̣ нид̣̇д̣̇идтад̇д̇аа хздтаа ‘‘убзгкаа уббаж̇ж̇ад̇ий’’д̇и вуд̇д̇адтаанз жа убхаяат̇аа ад̇т̇о вуд̇д̇о. анижжаанубассанаад̣̇ийсу жа згзгиссааязва ааваж̇ж̇анубзгкааяа саб̣бхаавад̇о згзгааязва анубассанаа анижжам̣ анижжам̣, д̣̇угкам̣ д̣̇угкам̣, анад̇д̇аа анад̇д̇аад̇и бунаббунам̣ бхаавийяад̇ийд̇и вуд̇д̇ам̣ ход̇и. яасмаа бана гусало бан̣д̣ид̇о б̣яад̇д̇о б̣уд̣̇д̇хисамбанно яог̇ааважаро обхаасаад̣̇ийсу уббаннзсу ‘‘аяам̣ ко мз обхаасо уббанно, со ко банааяам̣ анижжо сан̇кад̇о бадижжасамуббанно каяад̇хаммо ваяад̇хаммо вирааг̇ад̇хаммо нирод̇хад̇хаммо’’д̇и ид̇и ваа нам̣ бан̃н̃ааяа барижчинд̣̇ад̇и убабаригкад̇и. ат̇а ваа банасса звам̣ ход̇и – сажз обхаасо ад̇д̇аа бхавзяяа, ‘‘ад̇д̇аа’’д̇и г̇ахзд̇ум̣ ваддзяяа. анад̇д̇аава банааяам̣ ‘‘ад̇д̇аа’’д̇и г̇ахид̇о. д̇асмааяам̣ авасавад̇д̇анадтзна анад̇д̇аад̇и бассанд̇о д̣̇идтим̣ уг̇гхаадзд̇и. сажз обхаасо нижжо бхавзяяа, ‘‘нижжо’’д̇и г̇ахзд̇ум̣ ваддзяяа. анижжова банааяам̣ ‘‘нижжо’’д̇и г̇ахид̇о. д̇асмааяам̣ худ̇ваа абхаавадтзна анижжод̇и бассанд̇о маанам̣ самуг̇гхаадзд̇и. сажз обхаасо суко бхавзяяа, ‘‘суко’’д̇и г̇ахзд̇ум̣ ваддзяяа. д̣̇угкова банааяам̣ ‘‘суко’’д̇и г̇ахид̇о. д̇асмааяам̣ уббаад̣̇аваяабадибийл̣анадтзна д̣̇угкод̇и бассанд̇о ниганд̇им̣ барияаад̣̇ияад̇и. яат̇аа жа обхаасз, звам̣ сзсзсуби.
7. Yasmā pubbe vuttānaṃ samatiṃsāya upakkilesānaṃ vasena akusalo abyatto yogāvacaro obhāsādīsu vikampati, obhāsādīsu ekekaṃ ‘‘etaṃ mama, esohamasmi, eso me attā’’ti samanupassati, tasmā tamatthaṃ dassento obhāse ceva ñāṇe cātiādigāthādvayamāha. Tattha vikampatīti obhāsādike ārammaṇe nānākilesavasena vividhā kampati vedhati. Yehi cittaṃ pavedhatīti yehi passaddhisukhehi cittaṃ nānākilesavasena nānappakārena vedhati kampati. Tasmā passaddhiyā sukhe ceva yogāvacaro vikampatīti sambandho veditabbo. Upekkhāvajjanāya cevāti upekkhāsaṅkhātāya āvajjanāya ceva vikampati, āvajjanupekkhāya ceva vikampatīti attho. Visuddhimagge (visuddhi. 2.736) pana ‘‘upekkhāvajjanāyañcā’’ti vuttaṃ. Upekkhāya cāti heṭṭhā vuttappakārāya upekkhāya ca vikampati, nikantiyā ca vikampatīti attho. Ettha ca dvinnaṃ upekkhānaṃ niddiṭṭhattā heṭṭhā ‘‘upekkhā uppajjatī’’ti vuttaṭṭhāne ca ubhayathā attho vutto. Aniccānupassanādīsu ca ekekissāyeva āvajjanupekkhāya sabbhāvato ekekāyeva anupassanā aniccaṃ aniccaṃ, dukkhaṃ dukkhaṃ, anattā anattāti punappunaṃ bhāvīyatīti vuttaṃ hoti. Yasmā pana kusalo paṇḍito byatto buddhisampanno yogāvacaro obhāsādīsu uppannesu ‘‘ayaṃ kho me obhāso uppanno, so kho panāyaṃ anicco saṅkhato paṭiccasamuppanno khayadhammo vayadhammo virāgadhammo nirodhadhammo’’ti iti vā naṃ paññāya paricchindati upaparikkhati. Atha vā panassa evaṃ hoti – sace obhāso attā bhaveyya, ‘‘attā’’ti gahetuṃ vaṭṭeyya. Anattāva panāyaṃ ‘‘attā’’ti gahito. Tasmāyaṃ avasavattanaṭṭhena anattāti passanto diṭṭhiṃ ugghāṭeti. Sace obhāso nicco bhaveyya, ‘‘nicco’’ti gahetuṃ vaṭṭeyya. Aniccova panāyaṃ ‘‘nicco’’ti gahito. Tasmāyaṃ hutvā abhāvaṭṭhena aniccoti passanto mānaṃ samugghāṭeti. Sace obhāso sukho bhaveyya, ‘‘sukho’’ti gahetuṃ vaṭṭeyya. Dukkhova panāyaṃ ‘‘sukho’’ti gahito. Tasmāyaṃ uppādavayapaṭipīḷanaṭṭhena dukkhoti passanto nikantiṃ pariyādiyati. Yathā ca obhāse, evaṃ sesesupi.
звам̣ убабаригкид̇ваа обхаасам̣ ‘‘нзд̇ам̣ мама, нзсохамасми, на мзсо ад̇д̇аа’’д̇и саманубассад̇и. н̃аан̣ам̣…бз… ниганд̇им̣ ‘‘нзд̇ам̣ мама, нзсохамасми, на мзсо ад̇д̇аа’’д̇и саманубассад̇и. звам̣ саманубассанд̇о обхаасаад̣̇ийсу на гамбад̇и на взд̇хад̇и. д̇асмаа д̇амад̇т̇ам̣ д̣̇ассзнд̇о имаани д̣̇аса таанаанийд̇и г̇аат̇амааха. д̇ад̇т̇а д̣̇аса таанаанийд̇и обхаасаад̣̇ийни. бан̃н̃аа яасса барижжид̇аад̇и яасса убаггилзсавимуд̇д̇ааяа бан̃н̃ааяа барижид̇аани бунаббунам̣ пудтаани барибхаавид̇аани. д̇хаммуд̣̇д̇хажжагусало ход̇ийд̇и со бан̃н̃ааяа барижид̇ад̣̇асадтаано яог̇ааважаро буб̣б̣з вуд̇д̇аббагаарасса д̇хаммуд̣̇д̇хажжасса яат̇аасабхаавабадивзд̇хзна чзго ход̇и. на жа саммоха г̇ажчад̇ийд̇и д̇хаммуд̣̇д̇хажжагусалад̇д̇ааязва д̇ан̣хаамаанад̣̇идтуг̇гхаадавасзна саммохан̃жа на г̇ажчад̇и.
Evaṃ upaparikkhitvā obhāsaṃ ‘‘netaṃ mama, nesohamasmi, na meso attā’’ti samanupassati. Ñāṇaṃ…pe… nikantiṃ ‘‘netaṃ mama, nesohamasmi, na meso attā’’ti samanupassati. Evaṃ samanupassanto obhāsādīsu na kampati na vedhati. Tasmā tamatthaṃ dassento imāni dasa ṭhānānīti gāthamāha. Tattha dasa ṭhānānīti obhāsādīni. Paññā yassa pariccitāti yassa upakkilesavimuttāya paññāya paricitāni punappunaṃ phuṭṭhāni paribhāvitāni. Dhammuddhaccakusalo hotīti so paññāya paricitadasaṭṭhāno yogāvacaro pubbe vuttappakārassa dhammuddhaccassa yathāsabhāvapaṭivedhena cheko hoti. Na ca sammoha gacchatīti dhammuddhaccakusalattāyeva taṇhāmānadiṭṭhugghāṭavasena sammohañca na gacchati.
ид̣̇аани буб̣б̣з вуд̇д̇амзва вид̇хим̣ абарзна барияааязна вибхаавзд̇ваа д̣̇ассзнд̇о вигкибад̇и жзва гилиссад̇и жаад̇иаад̣̇иг̇аат̇амааха. д̇ад̇т̇а манд̣̇абан̃н̃о яог̇ааважаро обхаасаад̣̇ийсу вигкзбан̃жа авасзсагилзсуббад̇д̇ин̃жа баабун̣аад̇и. маж̇жхимабан̃н̃о вигкзбамзва баабун̣аад̇и, наавасзсагилзсуббад̇д̇им̣, со ад̇химааниго ход̇и. д̇игкабан̃н̃о вигкзбам̣ баабун̣ид̇вааби д̇ам̣ ад̇химаанам̣ бахааяа вибассанам̣ аарабхад̇и. ад̇ид̇игкабан̃н̃о на вигкзбам̣ баабун̣аад̇и, на жаавасзсагилзсуббад̇д̇им̣. вигкиббад̇и жзваад̇и д̇зсу манд̣̇абан̃н̃о д̇хаммуд̣̇д̇хажжасан̇каад̇ам̣ вигкзбан̃жзва баабун̣ийяад̇и. гилиссад̇и жаад̇и д̇ан̣хаамаанад̣̇идтигилзсзхи гилзсийяад̇и жа, убад̇аабийяад̇и виб̣аад̇хийяад̇ийд̇и ад̇т̇о. жавад̇и жид̇д̇абхааванаад̇и д̇асса манд̣̇абан̃н̃асса вибассанаажид̇д̇абхааванаа гилзсзсуязва таанад̇о бадибагкаавихад̇ад̇д̇аа жавад̇и, барибад̇ад̇ийд̇и ад̇т̇о. вигкибад̇и на гилиссад̇ийд̇и маж̇жхимабан̃н̃о вигкзбзна вигкибад̇и, гилзсзхи на гилиссад̇и. бхааванаа барихааяад̇ийд̇и д̇асса маж̇жхимабан̃н̃асса ад̇химаанигад̇д̇аа вибассанаарамбхаабхаавзна вибассанаа барихааяад̇и, наббавад̇д̇ад̇ийд̇и ад̇т̇о. вигкибад̇и на гилиссад̇ийд̇и д̇игкабан̃н̃оби вигкзбзна вигкибад̇и, гилзсзхи на гилиссад̇и. бхааванаа на барихааяад̇ийд̇и д̇асса д̇игкабан̃н̃асса санд̇зби вигкзбз д̇ам̣ ад̇химаанавигкзбам̣ бахааяа вибассанаарамбхасаб̣бхаавзна вибассанаабхааванаа на барихааяад̇и, бавад̇д̇ад̇ийд̇и ад̇т̇о. на жа вигкибад̇з жид̇д̇ам̣ на гилиссад̇ийд̇и ад̇ид̇игкабан̃н̃асса жид̇д̇ам̣ на вигкзбзна вигкибад̇и, на жа гилзсзхи гилиссад̇и. на жавад̇и жид̇д̇абхааванаад̇и д̇асса вибассанаажид̇д̇абхааванаа на жавад̇и, вигкзбагилзсаабхаавзна яат̇аатаанз д̇идтад̇ийд̇и ад̇т̇о.
Idāni pubbe vuttameva vidhiṃ aparena pariyāyena vibhāvetvā dassento vikkhipati ceva kilissati cātiādigāthamāha. Tattha mandapañño yogāvacaro obhāsādīsu vikkhepañca avasesakilesuppattiñca pāpuṇāti. Majjhimapañño vikkhepameva pāpuṇāti, nāvasesakilesuppattiṃ, so adhimāniko hoti. Tikkhapañño vikkhepaṃ pāpuṇitvāpi taṃ adhimānaṃ pahāya vipassanaṃ ārabhati. Atitikkhapañño na vikkhepaṃ pāpuṇāti, na cāvasesakilesuppattiṃ. Vikkhippati cevāti tesu mandapañño dhammuddhaccasaṅkhātaṃ vikkhepañceva pāpuṇīyati. Kilissati cāti taṇhāmānadiṭṭhikilesehi kilesīyati ca, upatāpīyati vibādhīyatīti attho. Cavati cittabhāvanāti tassa mandapaññassa vipassanācittabhāvanā kilesesuyeva ṭhānato paṭipakkhāvihatattā cavati, paripatatīti attho. Vikkhipati na kilissatīti majjhimapañño vikkhepena vikkhipati, kilesehi na kilissati. Bhāvanā parihāyatīti tassa majjhimapaññassa adhimānikattā vipassanārambhābhāvena vipassanā parihāyati, nappavattatīti attho. Vikkhipati na kilissatīti tikkhapaññopi vikkhepena vikkhipati, kilesehi na kilissati. Bhāvanā na parihāyatīti tassa tikkhapaññassa santepi vikkhepe taṃ adhimānavikkhepaṃ pahāya vipassanārambhasabbhāvena vipassanābhāvanā na parihāyati, pavattatīti attho. Na ca vikkhipate cittaṃ na kilissatīti atitikkhapaññassa cittaṃ na vikkhepena vikkhipati, na ca kilesehi kilissati. Na cavati cittabhāvanāti tassa vipassanācittabhāvanā na cavati, vikkhepakilesābhāvena yathāṭhāne tiṭṭhatīti attho.
имзхи жад̇уухи таанзхийд̇иаад̣̇ийсу ид̣̇аани вуд̇д̇зхи имзхи жад̇уухи таанзхи хзд̇убхууд̇зхи, гаран̣абхууд̇зхи ваа обхаасаад̣̇игз д̣̇аса таанз жид̇д̇асса сан̇кзбзна жа вигкзбзна жа виг̇г̇ахид̇ам̣ маанасам̣ вигкзбагилзсуббад̇д̇ивирахид̇о жад̇уд̇т̇о гусало махаабан̃н̃о яог̇ааважаро манд̣̇абан̃н̃аад̣̇ийнам̣ д̇ин̣н̣ам̣ яог̇ааважараанам̣ маанасам̣ зван̃жа зван̃жа ход̇ийд̇и наанаббагаарад̇о ж̇аанаад̇ийд̇и самб̣анд̇хад̇о ад̇т̇аван̣н̣анаа взд̣̇ид̇аб̣б̣аа. сан̇кзбод̇и жзд̇т̇а вигкзбасса жзва гилзсаанан̃жа уббад̇д̇ивасзна жид̇д̇асса лийнабхааво взд̣̇ид̇аб̣б̣о. вигкзбод̇и ‘‘вигкибад̇и на гилиссад̇ий’’д̇и д̣̇вийсу таанзсу вуд̇д̇авигкзбавасзна жид̇д̇асса уд̣̇д̇хад̇абхааво взд̣̇ид̇аб̣б̣од̇и.
Imehi catūhi ṭhānehītiādīsu idāni vuttehi imehi catūhi ṭhānehi hetubhūtehi, karaṇabhūtehi vā obhāsādike dasa ṭhāne cittassa saṅkhepena ca vikkhepena ca viggahitaṃ mānasaṃ vikkhepakilesuppattivirahito catuttho kusalo mahāpañño yogāvacaro mandapaññādīnaṃ tiṇṇaṃ yogāvacarānaṃ mānasaṃ evañca evañca hotīti nānappakārato jānātīti sambandhato atthavaṇṇanā veditabbā. Saṅkhepoti cettha vikkhepassa ceva kilesānañca uppattivasena cittassa līnabhāvo veditabbo. Vikkhepoti ‘‘vikkhipati na kilissatī’’ti dvīsu ṭhānesu vuttavikkhepavasena cittassa uddhatabhāvo veditabboti.
яуг̇анад̣̇д̇хагат̇ааван̣н̣анаа нидтид̇аа.
Yuganaddhakathāvaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / бадисамбхид̣̇аамаг̇г̇абаал̣и • Paṭisambhidāmaggapāḷi / 2. д̇хаммуд̣̇д̇хажжавааранид̣̇д̣̇зсо • 2. Dhammuddhaccavāraniddeso
