| Library / Tipiṭaka / д̇ибидага • Tipiṭaka / бадисамбхид̣̇аамаг̇г̇абаал̣и • Paṭisambhidāmaggapāḷi |
2. д̇хаммуд̣̇д̇хажжавааранид̣̇д̣̇зсо
2. Dhammuddhaccavāraniddeso
6. гат̇ам̣ д̇хаммуд̣̇д̇хажжавиг̇г̇ахид̇ам̣ маанасам̣ ход̇и? анижжад̇о манасигарод̇о обхаасо уббаж̇ж̇ад̇и, обхаасо д̇хаммод̇и обхаасам̣ ааваж̇ж̇ад̇и, д̇ад̇о вигкзбо уд̣̇д̇хажжам̣. д̇зна уд̣̇д̇хажжзна виг̇г̇ахид̇амаанасо анижжад̇о убадтаанам̣ яат̇аабхууд̇ам̣ наббаж̇аанаад̇и, д̣̇угкад̇о убадтаанам̣ яат̇аабхууд̇ам̣ наббаж̇аанаад̇и, анад̇д̇ад̇о убадтаанам̣ яат̇аабхууд̇ам̣ наббаж̇аанаад̇и. д̇зна вужжад̇и – ‘‘д̇хаммуд̣̇д̇хажжавиг̇г̇ахид̇амаанасо ход̇и со самаяо, яам̣ д̇ам̣ жид̇д̇ам̣ аж̇жхад̇д̇амзва санд̇идтад̇и саннисийд̣̇ад̇и згод̣̇и ход̇и самаад̇хияад̇и . д̇асса маг̇г̇о сан̃ж̇ааяад̇ий’’д̇и гат̇ам̣ маг̇г̇о сан̃ж̇ааяад̇и…бз… звам̣ маг̇г̇о сан̃ж̇ааяад̇и, звам̣ сан̃н̃ож̇анаани бахийяанд̇и, анусаяаа б̣яанд̇ийхонд̇и.
6. Kathaṃ dhammuddhaccaviggahitaṃ mānasaṃ hoti? Aniccato manasikaroto obhāso uppajjati, obhāso dhammoti obhāsaṃ āvajjati, tato vikkhepo uddhaccaṃ. Tena uddhaccena viggahitamānaso aniccato upaṭṭhānaṃ yathābhūtaṃ nappajānāti, dukkhato upaṭṭhānaṃ yathābhūtaṃ nappajānāti, anattato upaṭṭhānaṃ yathābhūtaṃ nappajānāti. Tena vuccati – ‘‘dhammuddhaccaviggahitamānaso hoti so samayo, yaṃ taṃ cittaṃ ajjhattameva santiṭṭhati sannisīdati ekodi hoti samādhiyati . Tassa maggo sañjāyatī’’ti kathaṃ maggo sañjāyati…pe… evaṃ maggo sañjāyati, evaṃ saññojanāni pahīyanti, anusayā byantīhonti.
анижжад̇о манасигарод̇о н̃аан̣ам̣ уббаж̇ж̇ад̇и, бийд̇и уббаж̇ж̇ад̇и, бассад̣̇д̇хи уббаж̇ж̇ад̇и, сукам̣ уббаж̇ж̇ад̇и, ад̇химогко уббаж̇ж̇ад̇и, баг̇г̇ахо уббаж̇ж̇ад̇и, убадтаанам̣ уббаж̇ж̇ад̇и, убзгкаа уббаж̇ж̇ад̇и, ниганд̇и уббаж̇ж̇ад̇и, ‘ниганд̇и д̇хаммо’д̇и ниганд̇им̣ ааваж̇ж̇ад̇и. д̇ад̇о вигкзбо уд̣̇д̇хажжам̣. д̇зна уд̣̇д̇хажжзна виг̇г̇ахид̇амаанасо анижжад̇о убадтаанам̣ яат̇аабхууд̇ам̣ наббаж̇аанаад̇и, д̣̇угкад̇о убадтаанам̣ яат̇аабхууд̇ам̣ наббаж̇аанаад̇и, анад̇д̇ад̇о убадтаанам̣ яат̇аабхууд̇ам̣ наббаж̇аанаад̇и. д̇зна вужжад̇и – ‘‘д̇хаммуд̣̇д̇хажжавиг̇г̇ахид̇амаанасо ход̇и со самаяо, яам̣ д̇ам̣ жид̇д̇ам̣ аж̇жхад̇д̇амзва санд̇идтад̇и саннисийд̣̇ад̇и згод̣̇и ход̇и самаад̇хияад̇и. д̇асса маг̇г̇о сан̃ж̇ааяад̇ий’’д̇и. гат̇ам̣ маг̇г̇о сан̃ж̇ааяад̇и…бз… звам̣ маг̇г̇о сан̃ж̇ааяад̇и, звам̣ сан̃н̃ож̇анаани бахийяанд̇и, анусаяаа б̣яанд̇ийхонд̇и.
Aniccato manasikaroto ñāṇaṃ uppajjati, pīti uppajjati, passaddhi uppajjati, sukhaṃ uppajjati, adhimokkho uppajjati, paggaho uppajjati, upaṭṭhānaṃ uppajjati, upekkhā uppajjati, nikanti uppajjati, ‘nikanti dhammo’ti nikantiṃ āvajjati. Tato vikkhepo uddhaccaṃ. Tena uddhaccena viggahitamānaso aniccato upaṭṭhānaṃ yathābhūtaṃ nappajānāti, dukkhato upaṭṭhānaṃ yathābhūtaṃ nappajānāti, anattato upaṭṭhānaṃ yathābhūtaṃ nappajānāti. Tena vuccati – ‘‘dhammuddhaccaviggahitamānaso hoti so samayo, yaṃ taṃ cittaṃ ajjhattameva santiṭṭhati sannisīdati ekodi hoti samādhiyati. Tassa maggo sañjāyatī’’ti. Kathaṃ maggo sañjāyati…pe… evaṃ maggo sañjāyati, evaṃ saññojanāni pahīyanti, anusayā byantīhonti.
д̣̇угкад̇о манасигарод̇о…бз… анад̇д̇ад̇о манасигарод̇о обхаасо уббаж̇ж̇ад̇и…бз… н̃аан̣ам̣ уббаж̇ж̇ад̇и, бийд̇и уббаж̇ж̇ад̇и, бассад̣̇д̇хи уббаж̇ж̇ад̇и, сукам̣ уббаж̇ж̇ад̇и, ад̇химогко уббаж̇ж̇ад̇и, баг̇г̇ахо уббаж̇ж̇ад̇и, убадтаанам̣ уббаж̇ж̇ад̇и, убзгкаа уббаж̇ж̇ад̇и, ниганд̇и уббаж̇ж̇ад̇и, ‘ниганд̇и д̇хаммо’д̇и ниганд̇им̣ ааваж̇ж̇ад̇и. д̇ад̇о вигкзбо уд̣̇д̇хажжам̣. д̇зна уд̣̇д̇хажжзна виг̇г̇ахид̇амаанасо анад̇д̇ад̇о убадтаанам̣, анижжад̇о убадтаанам̣, д̣̇угкад̇о убадтаанам̣ яат̇аабхууд̇ам̣ наббаж̇аанаад̇и . д̇зна вужжад̇и – ‘‘д̇хаммуд̣̇д̇хажжавиг̇г̇ахид̇амаанасо…бз… звам̣ сан̃н̃ож̇анаани бахийяанд̇и, анусаяаа б̣яанд̇ийхонд̇и’’.
Dukkhato manasikaroto…pe… anattato manasikaroto obhāso uppajjati…pe… ñāṇaṃ uppajjati, pīti uppajjati, passaddhi uppajjati, sukhaṃ uppajjati, adhimokkho uppajjati, paggaho uppajjati, upaṭṭhānaṃ uppajjati, upekkhā uppajjati, nikanti uppajjati, ‘nikanti dhammo’ti nikantiṃ āvajjati. Tato vikkhepo uddhaccaṃ. Tena uddhaccena viggahitamānaso anattato upaṭṭhānaṃ, aniccato upaṭṭhānaṃ, dukkhato upaṭṭhānaṃ yathābhūtaṃ nappajānāti . Tena vuccati – ‘‘dhammuddhaccaviggahitamānaso…pe… evaṃ saññojanāni pahīyanti, anusayā byantīhonti’’.
руубам̣ анижжад̇о манасигарод̇о…бз… руубам̣ д̣̇угкад̇о манасигарод̇о… руубам̣ анад̇д̇ад̇о манасигарод̇о… взд̣̇анам̣…бз… сан̃н̃ам̣… сан̇каарз… вин̃н̃аан̣ам̣… жагкум̣…бз… ж̇араамаран̣ам̣ анижжад̇о манасигарод̇о…бз… ж̇араамаран̣ам̣ д̣̇угкад̇о манасигарод̇о, ж̇араамаран̣ам̣ анад̇д̇ад̇о манасигарод̇о обхаасо уббаж̇ж̇ад̇и…бз… н̃аан̣ам̣ уббаж̇ж̇ад̇и, бийд̇и уббаж̇ж̇ад̇и, бассад̣̇д̇хи уббаж̇ж̇ад̇и, сукам̣ уббаж̇ж̇ад̇и, ад̇химогко уббаж̇ж̇ад̇и, баг̇г̇ахо уббаж̇ж̇ад̇и, убадтаанам̣ уббаж̇ж̇ад̇и, убзгкаа уббаж̇ж̇ад̇и, ниганд̇и уббаж̇ж̇ад̇и, ‘ниганд̇и д̇хаммо’д̇и ниганд̇им̣ ааваж̇ж̇ад̇и. д̇ад̇о вигкзбо уд̣̇д̇хажжам̣. д̇зна уд̣̇д̇хажжзна виг̇г̇ахид̇амаанасо. ж̇араамаран̣ам̣ анад̇д̇ад̇о убадтаанам̣ яат̇аабхууд̇ам̣ наббаж̇аанаад̇и. ж̇араамаран̣ам̣ анижжад̇о убадтаанам̣ яат̇аабхууд̇ам̣ наббаж̇аанаад̇и, ж̇араамаран̣ам̣ д̣̇угкад̇о убадтаанам̣ яат̇аабхууд̇ам̣ наббаж̇аанаад̇и. д̇зна вужжад̇и – ‘‘д̇хаммуд̣̇д̇хажжавиг̇г̇ахид̇амаанасо ход̇и. со самаяо, яам̣ д̇ам̣ жид̇д̇ам̣ аж̇жхад̇д̇амзва санд̇идтад̇и саннисийд̣̇ад̇и згод̣̇и ход̇и самаад̇хияад̇и. д̇асса маг̇г̇о сан̃ж̇ааяад̇ий’’д̇и. гат̇ам̣ маг̇г̇о сан̃ж̇ааяад̇и…бз… звам̣ маг̇г̇о сан̃ж̇ааяад̇и. звам̣ сан̃н̃ож̇анаани бахийяанд̇и, анусаяаа б̣яанд̇ийхонд̇и. звам̣ д̇хаммуд̣̇д̇хажжавиг̇г̇ахид̇ам̣ маанасам̣ ход̇и.
Rūpaṃ aniccato manasikaroto…pe… rūpaṃ dukkhato manasikaroto… rūpaṃ anattato manasikaroto… vedanaṃ…pe… saññaṃ… saṅkhāre… viññāṇaṃ… cakkhuṃ…pe… jarāmaraṇaṃ aniccato manasikaroto…pe… jarāmaraṇaṃ dukkhato manasikaroto, jarāmaraṇaṃ anattato manasikaroto obhāso uppajjati…pe… ñāṇaṃ uppajjati, pīti uppajjati, passaddhi uppajjati, sukhaṃ uppajjati, adhimokkho uppajjati, paggaho uppajjati, upaṭṭhānaṃ uppajjati, upekkhā uppajjati, nikanti uppajjati, ‘nikanti dhammo’ti nikantiṃ āvajjati. Tato vikkhepo uddhaccaṃ. Tena uddhaccena viggahitamānaso. Jarāmaraṇaṃ anattato upaṭṭhānaṃ yathābhūtaṃ nappajānāti. Jarāmaraṇaṃ aniccato upaṭṭhānaṃ yathābhūtaṃ nappajānāti, jarāmaraṇaṃ dukkhato upaṭṭhānaṃ yathābhūtaṃ nappajānāti. Tena vuccati – ‘‘dhammuddhaccaviggahitamānaso hoti. So samayo, yaṃ taṃ cittaṃ ajjhattameva santiṭṭhati sannisīdati ekodi hoti samādhiyati. Tassa maggo sañjāyatī’’ti. Kathaṃ maggo sañjāyati…pe… evaṃ maggo sañjāyati. Evaṃ saññojanāni pahīyanti, anusayā byantīhonti. Evaṃ dhammuddhaccaviggahitaṃ mānasaṃ hoti.
7.
7.
обхаасз жзва н̃аан̣з жа, бийд̇ияаа жа вигамбад̇и;
Obhāse ceva ñāṇe ca, pītiyā ca vikampati;
бассад̣̇д̇хияаа сукз жзва, язхи жид̇д̇ам̣ бавзд̇хад̇и.
Passaddhiyā sukhe ceva, yehi cittaṃ pavedhati.
ад̇химогкз жа баг̇г̇аахз, убадтаанз жа гамбад̇и;
Adhimokkhe ca paggāhe, upaṭṭhāne ca kampati;
убзгкааваж̇ж̇анааяа жзва, убзгкааяа жа ниганд̇ияаа.
Upekkhāvajjanāya ceva, upekkhāya ca nikantiyā.
имаани д̣̇аса таанаани, бан̃н̃аа яасса барижжид̇аа;
Imāni dasa ṭhānāni, paññā yassa pariccitā;
д̇хаммуд̣̇д̇хажжагусало ход̇и, на жа саммоха г̇ажчад̇и.
Dhammuddhaccakusalo hoti, na ca sammoha gacchati.
вигкибад̇и жзва гилиссад̇и жа, жавад̇и жид̇д̇абхааванаа;
Vikkhipati ceva kilissati ca, cavati cittabhāvanā;
вигкибад̇и на гилиссад̇и, бхааванаа барихааяад̇и.
Vikkhipati na kilissati, bhāvanā parihāyati.
вигкибад̇и на гилиссад̇и, бхааванаа на барихааяад̇и;
Vikkhipati na kilissati, bhāvanā na parihāyati;
на жа вигкибад̇з жид̇д̇ам̣ на гилиссад̇и, на жавад̇и жид̇д̇абхааванаа.
Na ca vikkhipate cittaṃ na kilissati, na cavati cittabhāvanā.
имзхи жад̇уухи таанзхи жид̇д̇асса сан̇кзбавигкзбавиг̇г̇ахид̇ам̣ 1 д̣̇аса таанз самбаж̇аанаад̇ийд̇и.
Imehi catūhi ṭhānehi cittassa saṅkhepavikkhepaviggahitaṃ 2 dasa ṭhāne sampajānātīti.
яуг̇анад̣̇д̇хагат̇аа нидтид̇аа.
Yuganaddhakathā niṭṭhitā.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / куд̣̇д̣̇аганигааяа (адтагат̇аа) • Khuddakanikāya (aṭṭhakathā) / бадисамбхид̣̇аамаг̇г̇а-адтагат̇аа • Paṭisambhidāmagga-aṭṭhakathā / 2. д̇хаммуд̣̇д̇хажжавааранид̣̇д̣̇зсаван̣н̣анаа • 2. Dhammuddhaccavāraniddesavaṇṇanā
