| Library / Tipiṭaka / д̇ибидага • Tipiṭaka / маж̇жхиманигааяа (адтагат̇аа) • Majjhimanikāya (aṭṭhakathā) |
7. д̇ханан̃ж̇аанисуд̇д̇аван̣н̣анаа
7. Dhanañjānisuttavaṇṇanā
445. звам̣ мз суд̇анд̇и д̇ханан̃ж̇аанисуд̇д̇ам̣. д̇ад̇т̇а д̣̇агкин̣ааг̇ирисминд̇и г̇ирийд̇и баб̣б̣ад̇о, рааж̇аг̇ахам̣ баригкибид̇ваа тид̇абаб̣б̣ад̇асса д̣̇агкин̣ад̣̇исаабхааг̇з ж̇анабад̣̇ассзд̇ам̣ наамам̣. д̇ан̣д̣улабаалид̣̇ваарааяаад̇и рааж̇аг̇ахасса гира д̣̇вад̇д̇им̣самахаад̣̇ваараани жад̇усадтикуд̣̇д̣̇агад̣̇ваараани, д̇зсу згам̣ д̇ан̣д̣улабаалид̣̇ваарам̣ наама, д̇ам̣ санд̇хааязвамааха. рааж̇аанам̣ ниссааяаад̇и ‘‘г̇ажча мануссз абийл̣зд̇ваа сассабхааг̇ам̣ г̇ан̣хаахий’’д̇и ран̃н̃аа бзсид̇о г̇анд̇ваа саб̣б̣амзва сассам̣ г̇ан̣хаад̇и, ‘‘маа но, бханд̇з, наасзхий’’д̇и жа вуд̇д̇з – ‘‘рааж̇агулз вуд̇д̇ам̣ манд̣̇ам̣, ахам̣ ран̃н̃аа ааг̇аманагаалзязва звам̣ аан̣ад̇д̇о, маа ганд̣̇ид̇т̇аа’’д̇и звам̣ рааж̇аанам̣ ниссааяа б̣раахман̣аг̇ахабад̇игз вилумбад̇и. д̇хан̃н̃ам̣ язбхуяязна ад̇д̇ано гхарам̣ бавзсзд̇ваа аббагам̣ рааж̇агулз бавзсзд̇и. гим̣ б̣раахман̣аг̇ахабад̇игаанам̣ на бийл̣ам̣ агаасийд̇и жа вуд̇д̇о – ‘‘аама, махаарааж̇а, имасмим̣ ваарз кзд̇д̇аани манд̣̇асассаани ахзсум̣, д̇асмаа абийл̣знд̇асса мз г̇ан̣хад̇о на б̣ахум̣ ж̇аад̇а’’нд̇и звам̣ б̣раахман̣аг̇ахабад̇игз ниссааяа рааж̇аанам̣ вилумбад̇и.
445.Evaṃme sutanti dhanañjānisuttaṃ. Tattha dakkhiṇāgirisminti girīti pabbato, rājagahaṃ parikkhipitvā ṭhitapabbatassa dakkhiṇadisābhāge janapadassetaṃ nāmaṃ. Taṇḍulapālidvārāyāti rājagahassa kira dvattiṃsamahādvārāni catusaṭṭhikhuddakadvārāni, tesu ekaṃ taṇḍulapālidvāraṃ nāma, taṃ sandhāyevamāha. Rājānaṃ nissāyāti ‘‘gaccha manusse apīḷetvā sassabhāgaṃ gaṇhāhī’’ti raññā pesito gantvā sabbameva sassaṃ gaṇhāti, ‘‘mā no, bhante, nāsehī’’ti ca vutte – ‘‘rājakule vuttaṃ mandaṃ, ahaṃ raññā āgamanakāleyeva evaṃ āṇatto, mā kanditthā’’ti evaṃ rājānaṃ nissāya brāhmaṇagahapatike vilumpati. Dhaññaṃ yebhuyyena attano gharaṃ pavesetvā appakaṃ rājakule paveseti. Kiṃ brāhmaṇagahapatikānaṃ na pīḷaṃ akāsīti ca vutto – ‘‘āma, mahārāja, imasmiṃ vāre khettāni mandasassāni ahesuṃ, tasmā apīḷentassa me gaṇhato na bahuṃ jāta’’nti evaṃ brāhmaṇagahapatike nissāya rājānaṃ vilumpati.
446. баяо бийяад̇анд̇и д̇арун̣акийрам̣ бивад̇у. д̇аава бхад̇д̇ассаад̇и яаава кийрам̣ бивид̇ваа нисийд̣̇иссат̇а, д̇аавад̣̇зва бхад̇д̇асса гаало бхависсад̇и. ид̇хзва хи но баад̇араасабхад̇д̇ам̣ аахариссанд̇ийд̇и д̣̇ассзд̇и. маад̇аабид̇арод̇иаад̣̇ийсу махаллагаа маад̇аабид̇аро муд̣̇угаани ад̇т̇аран̣абаавуран̣аани сукумаани вад̇т̇аани мад̇хурабхож̇анам̣ суг̇анд̇хаг̇анд̇хамаалаад̣̇ийни жа бариязсид̇ваа босзд̇аб̣б̣аа. буд̇д̇ад̇хийд̇аанам̣ наамагаран̣аман̇г̇алаад̣̇ийни саб̣б̣агижжаани гаронд̇зна буд̇д̇ад̣̇ааро босзд̇аб̣б̣о. зван̃хи агарияамаанз г̇арахаа уббаж̇ж̇ад̇ийд̇и иминаа наязна ад̇т̇о взд̣̇ид̇аб̣б̣о.
446.Payo pīyatanti taruṇakhīraṃ pivatu. Tāva bhattassāti yāva khīraṃ pivitvā nisīdissatha, tāvadeva bhattassa kālo bhavissati. Idheva hi no pātarāsabhattaṃ āharissantīti dasseti. Mātāpitarotiādīsu mahallakā mātāpitaro mudukāni attharaṇapāvuraṇāni sukhumāni vatthāni madhurabhojanaṃ sugandhagandhamālādīni ca pariyesitvā posetabbā. Puttadhītānaṃ nāmakaraṇamaṅgalādīni sabbakiccāni karontena puttadāro posetabbo. Evañhi akariyamāne garahā uppajjatīti iminā nayena attho veditabbo.
447. ад̇хаммажаарийд̇и бан̃жа д̣̇уссийляагаммаани ваа д̣̇аса д̣̇уссийляагаммаани ваа ид̇ха ад̇хаммо наама. убагад̣дхзяяунд̇и бан̃жавид̇хаб̣анд̇ханаад̣̇игаммагаран̣ад̇т̇ам̣ д̇ам̣ д̇ам̣ нираяам̣ гад̣дхзяяум̣.
447.Adhammacārīti pañca dussīlyakammāni vā dasa dussīlyakammāni vā idha adhammo nāma. Upakaḍḍheyyunti pañcavidhabandhanādikammakaraṇatthaṃ taṃ taṃ nirayaṃ kaḍḍheyyuṃ.
448. д̇хаммажаарийд̇и д̇хаммигасивавиж̇ж̇аад̣̇игаммагаарий. бадиггаманд̇ийд̇и осаранд̇и барихааяанд̇и. абхиггаманд̇ийд̇и абхисаранд̇и вад̣дханд̇и. сзяяод̇и варад̇арам̣. хийнзд̇и нихийнз лаамагз. гаалан̇гад̇о жа саарибуд̇д̇аад̇и ид̣̇ам̣ бхаг̇аваа ‘‘д̇ад̇расса г̇анд̇ваа д̣̇зсзхий’’д̇и ад̇хиббааязна т̇зрамааха. т̇зроби д̇ам̣кан̣ам̣язва г̇анд̇ваа махааб̣рахмуно д̇хаммам̣ д̣̇зсзси, д̇ад̇о бадтааяа жаад̇уббад̣̇игам̣ г̇аат̇ам̣ гат̇знд̇оби жад̇усажжавимуд̇д̇ам̣ наама на гат̇зсийд̇и.
448.Dhammacārīti dhammikasivavijjādikammakārī. Paṭikkamantīti osaranti parihāyanti. Abhikkamantīti abhisaranti vaḍḍhanti. Seyyoti varataraṃ. Hīneti nihīne lāmake. Kālaṅkato ca sāriputtāti idaṃ bhagavā ‘‘tatrassa gantvā desehī’’ti adhippāyena theramāha. Theropi taṃkhaṇaṃyeva gantvā mahābrahmuno dhammaṃ desesi, tato paṭṭhāya cātuppadikaṃ gāthaṃ kathentopi catusaccavimuttaṃ nāma na kathesīti.
бабан̃жасууд̣̇анияаа маж̇жхиманигааяадтагат̇ааяа
Papañcasūdaniyā majjhimanikāyaṭṭhakathāya
д̇ханан̃ж̇аанисуд̇д̇аван̣н̣анаа нидтид̇аа.
Dhanañjānisuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / маж̇жхиманигааяа • Majjhimanikāya / 7. д̇ханан̃ж̇аанисуд̇д̇ам̣ • 7. Dhanañjānisuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / маж̇жхиманигааяа (дийгаа) • Majjhimanikāya (ṭīkā) / 7. д̇ханан̃ж̇аанисуд̇д̇аван̣н̣анаа • 7. Dhanañjānisuttavaṇṇanā
