1. д̇ханан̃ж̇аанийсуд̇д̇аван̣н̣анаа

1. Dhanañjānīsuttavaṇṇanā

187. б̣раахман̣асам̣яуд̇д̇асса батамз д̇ханан̃ж̇аанийд̇и д̇ханан̃ж̇ааниг̇од̇д̇аа. уггадтаг̇од̇д̇аа гирзсаа. сзсаб̣раахман̣аа гира б̣рахмуно мукад̇о ж̇аад̇аа, д̇ханан̃ж̇ааниг̇од̇д̇аа мад̇т̇агам̣ бхинд̣̇ид̇ваа нигканд̇аад̇и д̇зсам̣ лад̣̇д̇хи. уд̣̇аанам̣ уд̣̇аанзсийд̇и гасмаа уд̣̇аанзси? со гира б̣раахман̣о мижчаад̣̇идтиго ‘‘б̣уд̣̇д̇хо д̇хаммо сан̇гхо’’д̇и вуд̇д̇з ган̣н̣з бид̣̇ахад̇и, т̇ад̣̇д̇хо кад̣̇иракаан̣усад̣̇исо. б̣раахман̣ий бана сод̇аабаннаа арияасаавигаа. б̣раахман̣о д̣̇аанам̣ д̣̇знд̇о бан̃жасад̇аанам̣ б̣раахман̣аанам̣ аббод̣̇агам̣ бааяаасам̣ д̣̇зд̇и, б̣раахман̣ий б̣уд̣̇д̇хаббамукасса сан̇гхасса наанаарасабхож̇анам̣. б̣раахман̣асса д̣̇аанад̣̇ивасз б̣раахман̣ий д̇асса васавад̇д̇ид̇ааяа бахийнамажчзрад̇ааяа жа сахад̇т̇аа баривисад̇и. б̣раахман̣ияаа бана д̣̇аанад̣̇ивасз б̣раахман̣о баад̇ова гхараа нигкамид̇ваа балааяад̇и. ат̇згад̣̇ивасам̣ б̣раахман̣о б̣раахман̣ияаа сад̣̇д̇хим̣ асамманд̇зд̇ваа бан̃жасад̇з б̣раахман̣з ниманд̇зд̇ваа б̣раахман̣им̣ ааха – ‘‘свз бход̇и амхаагам̣ гхарз бан̃жасад̇аа б̣раахман̣аа бхун̃ж̇иссанд̇ий’’д̇и. маяаа гим̣ гаад̇аб̣б̣ам̣ б̣раахман̣аад̇и? д̇аяаа ан̃н̃ам̣ гин̃жи гаад̇аб̣б̣ам̣ над̇т̇и, саб̣б̣ам̣ бажанабаривзсанам̣ ан̃н̃з гариссанд̇и. яам̣ бана д̇вам̣ тид̇ааби нисиннааби кибид̇вааби уггаасид̇вааби ‘‘намо б̣уд̣̇д̇хассаа’’д̇и д̇асса мун̣д̣агасса саман̣агасса намаггаарам̣ гароси, д̇ам̣ свз згад̣̇ивасамад̇д̇ам̣ маа агааси. д̇ам̣ хи суд̇ваа б̣раахман̣аа анад̇д̇аманаа хонд̇и, маа мам̣ б̣раахман̣зхи бхинд̣̇асийд̇и. д̇вам̣ б̣раахман̣зхи ваа бхиж̇ж̇а д̣̇звзхи ваа, ахам̣ бана сад̇т̇аарам̣ ануссарид̇ваа на саггоми анамассамаанаа сан̣таад̇унд̇и. бход̇и гуласад̇игз г̇аамз г̇аамад̣̇ваарамби д̇аава бид̣̇ахид̇ум̣ вааяаманд̇и, д̇вам̣ д̣̇вийхан̇г̇улзхи бид̣̇ахид̇аб̣б̣ам̣ мукам̣ б̣раахман̣аанам̣ бхож̇анагааламад̇д̇ам̣ бид̣̇ахид̇ум̣ на саггосийд̇и. звам̣ бунаббунам̣ гат̇зд̇вааби со ниваарзд̇ум̣ асаггонд̇о уссийсагз табид̇ам̣ ман̣д̣алаг̇г̇акаг̇г̇ам̣ г̇ахзд̇ваа – ‘‘бход̇и сажз свз б̣раахман̣зсу нисиннзсу д̇ам̣ мун̣д̣асаман̣агам̣ намассаси, иминаа д̇ам̣ каг̇г̇зна баад̣̇ад̇алад̇о бадтааяа яаава гзсамад̇т̇агаа гал̣ийрам̣ вияа годдзд̇ваа раасим̣ гариссаамий’’д̇и имам̣ г̇аат̇ам̣ абхааси –

187. Brāhmaṇasaṃyuttassa paṭhame dhanañjānīti dhanañjānigottā. Ukkaṭṭhagottā kiresā. Sesabrāhmaṇā kira brahmuno mukhato jātā, dhanañjānigottā matthakaṃ bhinditvā nikkhantāti tesaṃ laddhi. Udānaṃ udānesīti kasmā udānesi? So kira brāhmaṇo micchādiṭṭhiko ‘‘buddho dhammo saṅgho’’ti vutte kaṇṇe pidahati, thaddho khadirakhāṇusadiso. Brāhmaṇī pana sotāpannā ariyasāvikā. Brāhmaṇo dānaṃ dento pañcasatānaṃ brāhmaṇānaṃ appodakaṃ pāyāsaṃ deti, brāhmaṇī buddhappamukhassa saṅghassa nānārasabhojanaṃ. Brāhmaṇassa dānadivase brāhmaṇī tassa vasavattitāya pahīnamaccheratāya ca sahatthā parivisati. Brāhmaṇiyā pana dānadivase brāhmaṇo pātova gharā nikkhamitvā palāyati. Athekadivasaṃ brāhmaṇo brāhmaṇiyā saddhiṃ asammantetvā pañcasate brāhmaṇe nimantetvā brāhmaṇiṃ āha – ‘‘sve bhoti amhākaṃ ghare pañcasatā brāhmaṇā bhuñjissantī’’ti. Mayā kiṃ kātabbaṃ brāhmaṇāti? Tayā aññaṃ kiñci kātabbaṃ natthi, sabbaṃ pacanaparivesanaṃ aññe karissanti. Yaṃ pana tvaṃ ṭhitāpi nisinnāpi khipitvāpi ukkāsitvāpi ‘‘namo buddhassā’’ti tassa muṇḍakassa samaṇakassa namakkāraṃ karosi, taṃ sve ekadivasamattaṃ mā akāsi. Taṃ hi sutvā brāhmaṇā anattamanā honti, mā maṃ brāhmaṇehi bhindasīti. Tvaṃ brāhmaṇehi vā bhijja devehi vā, ahaṃ pana satthāraṃ anussaritvā na sakkomi anamassamānā saṇṭhātunti. Bhoti kulasatike gāme gāmadvārampi tāva pidahituṃ vāyamanti, tvaṃ dvīhaṅgulehi pidahitabbaṃ mukhaṃ brāhmaṇānaṃ bhojanakālamattaṃ pidahituṃ na sakkosīti. Evaṃ punappunaṃ kathetvāpi so nivāretuṃ asakkonto ussīsake ṭhapitaṃ maṇḍalaggakhaggaṃ gahetvā – ‘‘bhoti sace sve brāhmaṇesu nisinnesu taṃ muṇḍasamaṇakaṃ namassasi, iminā taṃ khaggena pādatalato paṭṭhāya yāva kesamatthakā kaḷīraṃ viya koṭṭetvā rāsiṃ karissāmī’’ti imaṃ gāthaṃ abhāsi –

‘‘иминаа ман̣д̣алаг̇г̇зна, баад̣̇ад̇о яаава мад̇т̇агаа;

‘‘Iminā maṇḍalaggena, pādato yāva matthakā;

гал̣ийрамива чзж̇ж̇аами, яад̣̇и мижчам̣ на гаахаси.

Kaḷīramiva chejjāmi, yadi micchaṃ na kāhasi.

‘‘сажз б̣уд̣̇д̇ход̇и бхан̣аси, сажз д̇хаммод̇и бхаасаси;

‘‘Sace buddhoti bhaṇasi, sace dhammoti bhāsasi;

сажз сан̇гход̇и гид̇д̇зси, ж̇ийванд̇ий мз нивзсанз’’д̇и.

Sace saṅghoti kittesi, jīvantī me nivesane’’ti.

арияасаавигаа бана бат̇авий вияа д̣̇уббагамбаа, синзру вияа д̣̇уббаривад̇д̇ияаа. саа д̇зна нам̣ звамааха –

Ariyasāvikā pana pathavī viya duppakampā, sineru viya dupparivattiyā. Sā tena naṃ evamāha –

‘‘сажз мз ан̇г̇аман̇г̇аани, гаамам̣ чзж̇ж̇аси б̣раахман̣а;

‘‘Sace me aṅgamaṅgāni, kāmaṃ chejjasi brāhmaṇa;

нзваахам̣ вирамиссаами, б̣уд̣̇д̇хасздтасса саасанаа.

Nevāhaṃ viramissāmi, buddhaseṭṭhassa sāsanā.

‘‘наахам̣ оггаа варад̇хараа, саггаа род̇хаяид̇ум̣ ж̇инаа;

‘‘Nāhaṃ okkā varadharā, sakkā rodhayituṃ jinā;

д̇хийд̇аахам̣ б̣уд̣̇д̇хасздтасса, чинд̣̇а ваа мам̣ вад̇хассу ваа’’д̇и.

Dhītāhaṃ buddhaseṭṭhassa, chinda vā maṃ vadhassu vā’’ti.

звам̣ д̇ханан̃ж̇ааниг̇аж̇ж̇ид̇ам̣ наама г̇аж̇ж̇анд̇ий бан̃жа г̇аат̇аасад̇аани абхааси. б̣раахман̣о б̣раахман̣им̣ бараамасид̇ум̣ ваа бахарид̇ум̣ ваа асаггонд̇о ‘‘бход̇и яам̣ д̇з ружжад̇и, д̇ам̣ гарохий’’д̇и вад̇ваа каг̇г̇ам̣ саяанз киби. бунад̣̇ивасз г̇зхам̣ харид̇убалид̇д̇ам̣ гаараабзд̇ваа лааж̇аабун̣н̣агхадамаалааг̇анд̇хаад̣̇ийхи д̇ад̇т̇а д̇ад̇т̇а алан̇гаараабзд̇ваа бан̃жаннам̣ б̣раахман̣асад̇аанам̣ навасаббисагкарамад̇хуяуд̇д̇ам̣ аббод̣̇агабааяаасам̣ бадияаад̣̇аабзд̇ваа гаалам̣ аарожаабзси.

Evaṃ dhanañjānigajjitaṃ nāma gajjantī pañca gāthāsatāni abhāsi. Brāhmaṇo brāhmaṇiṃ parāmasituṃ vā paharituṃ vā asakkonto ‘‘bhoti yaṃ te ruccati, taṃ karohī’’ti vatvā khaggaṃ sayane khipi. Punadivase gehaṃ haritupalittaṃ kārāpetvā lājāpuṇṇaghaṭamālāgandhādīhi tattha tattha alaṅkārāpetvā pañcannaṃ brāhmaṇasatānaṃ navasappisakkharamadhuyuttaṃ appodakapāyāsaṃ paṭiyādāpetvā kālaṃ ārocāpesi.

б̣раахман̣ийби баад̇ова г̇анд̇ход̣̇агзна саяам̣ нхааяид̇ваа сахассаг̇гханагам̣ ахад̇авад̇т̇ам̣ ниваасзд̇ваа бан̃жасад̇аг̇гханагам̣ згам̣сам̣ гад̇ваа саб̣б̣аалан̇гаарабадиман̣д̣ид̇аа суван̣н̣агадажчум̣ г̇ахзд̇ваа бхад̇д̇аг̇г̇з б̣раахман̣з баривисамаанаа д̇зхи сад̣̇д̇хим̣ згабанд̇ияам̣ нисиннасса д̇асса б̣раахман̣асса бхад̇д̇ам̣ убасам̣харанд̇ий д̣̇уннигкид̇д̇з д̣̇аарубхан̣д̣з багкали. багкаланагхадданааяа д̣̇угкаа взд̣̇анаа уббаж̇ж̇и. д̇асмим̣ самаяз д̣̇асаб̣алам̣ сари. сад̇исамбаннад̇ааяа бана бааяаасабаад̇им̣ ачад̣д̣зд̇ваа сан̣игам̣ од̇аарзд̇ваа бхуумияам̣ сан̣табзд̇ваа бан̃жаннам̣ б̣раахман̣асад̇аанам̣ маж̇жхз сираси ан̃ж̇алим̣ табзд̇ваа язна взл̣уванам̣, д̇знан̃ж̇алим̣ бан̣аамзд̇ваа имам̣ уд̣̇аанам̣ уд̣̇аанзси.

Brāhmaṇīpi pātova gandhodakena sayaṃ nhāyitvā sahassagghanakaṃ ahatavatthaṃ nivāsetvā pañcasatagghanakaṃ ekaṃsaṃ katvā sabbālaṅkārapaṭimaṇḍitā suvaṇṇakaṭacchuṃ gahetvā bhattagge brāhmaṇe parivisamānā tehi saddhiṃ ekapantiyaṃ nisinnassa tassa brāhmaṇassa bhattaṃ upasaṃharantī dunnikkhitte dārubhaṇḍe pakkhali. Pakkhalanaghaṭṭanāya dukkhā vedanā uppajji. Tasmiṃ samaye dasabalaṃ sari. Satisampannatāya pana pāyāsapātiṃ achaḍḍetvā saṇikaṃ otāretvā bhūmiyaṃ saṇṭhapetvā pañcannaṃ brāhmaṇasatānaṃ majjhe sirasi añjaliṃ ṭhapetvā yena veḷuvanaṃ, tenañjaliṃ paṇāmetvā imaṃ udānaṃ udānesi.

д̇асмин̃жа самаяз д̇зсу б̣раахман̣зсу гзжи бхуд̇д̇аа хонд̇и, гзжи бхун̃ж̇амаанаа, гзжи хад̇т̇з од̇аарид̇амад̇д̇аа, гзсан̃жи бхож̇анам̣ бурад̇о табид̇амад̇д̇ам̣ ход̇и. д̇з д̇ам̣ сад̣̇д̣̇ам̣ суд̇ваава синзрумад̇д̇зна муг̇г̇арзна сийсз бахадаа вияа ган̣н̣зсу суулзна вид̣̇д̇хаа вияа д̣̇угкад̣̇оманассам̣ бадисам̣взд̣̇ияамаанаа ‘‘иминаа ан̃н̃алад̣̇д̇хигзна маяам̣ гхарам̣ бавзсид̇аа’’д̇и гуж̇жхид̇ваа хад̇т̇з бин̣д̣ам̣ чад̣д̣зд̇ваа мукзна г̇ахид̇ам̣ нидтубхид̇ваа д̇ханум̣ д̣̇исваа гаагаа вияа б̣раахман̣ам̣ аггосамаанаа д̣̇исаавид̣̇исаа баггамим̣су. б̣раахман̣о звам̣ бхиж̇ж̇ид̇ваа г̇ажчанд̇з б̣раахман̣з д̣̇исваа б̣раахман̣им̣ сийсад̇о бадтааяа ологзд̇ваа, ‘‘ид̣̇амзва бхаяам̣ самбассамаанаа маяам̣ хияяо бадтааяа бход̇им̣ яаажанд̇аа на лабхимхаа’’д̇и наанаббагаарзхи б̣раахман̣им̣ аггосид̇ваа, зд̇ам̣ ‘‘звамзвам̣ банаа’’д̇иаад̣̇иважанам̣ авожа.

Tasmiñca samaye tesu brāhmaṇesu keci bhuttā honti, keci bhuñjamānā, keci hatthe otāritamattā, kesañci bhojanaṃ purato ṭhapitamattaṃ hoti. Te taṃ saddaṃ sutvāva sinerumattena muggarena sīse pahaṭā viya kaṇṇesu sūlena viddhā viya dukkhadomanassaṃ paṭisaṃvediyamānā ‘‘iminā aññaladdhikena mayaṃ gharaṃ pavesitā’’ti kujjhitvā hatthe piṇḍaṃ chaḍḍetvā mukhena gahitaṃ niṭṭhubhitvā dhanuṃ disvā kākā viya brāhmaṇaṃ akkosamānā disāvidisā pakkamiṃsu. Brāhmaṇo evaṃ bhijjitvā gacchante brāhmaṇe disvā brāhmaṇiṃ sīsato paṭṭhāya oloketvā, ‘‘idameva bhayaṃ sampassamānā mayaṃ hiyyo paṭṭhāya bhotiṃ yācantā na labhimhā’’ti nānappakārehi brāhmaṇiṃ akkositvā, etaṃ ‘‘evamevaṃ panā’’tiādivacanaṃ avoca.

убасан̇гамийд̇и ‘‘саман̣о г̇од̇амо г̇ааманиг̇амарадтабууж̇ид̇о, на саггаа г̇анд̇ваа яам̣ ваа д̇ам̣ ваа вад̇ваа санд̇аж̇ж̇зд̇ум̣, згамзва нам̣ бан̃хам̣ бужчиссаамий’’д̇и г̇ажчанд̇ова ‘‘гим̣су чзд̇ваа’’д̇и г̇аат̇ам̣ абхисан̇карид̇ваа – ‘‘сажз ‘асугасса наама вад̇хам̣ рожзмий’д̇и вагкад̇и, ат̇а нам̣ ‘яз д̇уяхам̣ на ружжанд̇и, д̇з маарзд̇угаамоси, логавад̇хааяа уббанно, гим̣ д̇уяхам̣ саман̣абхаавзнаа’д̇и? ниг̇г̇ахзссаами. сажз ‘на гассажи вад̇хам̣ рожзмий’д̇и вагкад̇и, ат̇а нам̣ ‘д̇вам̣ рааг̇аад̣̇ийнамби вад̇хам̣ на ижчаси. гасмаа саман̣о худ̇ваа аахин̣д̣асий’д̇и? ниг̇г̇ахзссаамий. ид̇и имам̣ убхад̇огодигам̣ бан̃хам̣ саман̣о г̇од̇амо нзва г̇илид̇ум̣ на уг̇г̇илид̇ум̣ сагкиссад̇ий’’д̇и жинд̇зд̇ваа убасан̇гами . саммод̣̇ийд̇и ад̇д̇ано бан̣д̣ид̇ад̇ааяа гуд̣̇д̇хабхаавам̣ ад̣̇ассзд̇ваа мад̇хурагат̇ам̣ гат̇знд̇о саммод̣̇и. бан̃хо д̣̇звад̇аасам̣яуд̇д̇з гат̇ид̇о. сзсамби хздтаа вид̇т̇аарид̇амзваад̇и. батамам̣.

Upasaṅkamīti ‘‘samaṇo gotamo gāmanigamaraṭṭhapūjito, na sakkā gantvā yaṃ vā taṃ vā vatvā santajjetuṃ, ekameva naṃ pañhaṃ pucchissāmī’’ti gacchantova ‘‘kiṃsu chetvā’’ti gāthaṃ abhisaṅkharitvā – ‘‘sace ‘asukassa nāma vadhaṃ rocemī’ti vakkhati, atha naṃ ‘ye tuyhaṃ na ruccanti, te māretukāmosi, lokavadhāya uppanno, kiṃ tuyhaṃ samaṇabhāvenā’ti? Niggahessāmi. Sace ‘na kassaci vadhaṃ rocemī’ti vakkhati, atha naṃ ‘tvaṃ rāgādīnampi vadhaṃ na icchasi. Kasmā samaṇo hutvā āhiṇḍasī’ti? Niggahessāmī. Iti imaṃ ubhatokoṭikaṃ pañhaṃ samaṇo gotamo neva gilituṃ na uggilituṃ sakkhissatī’’ti cintetvā upasaṅkami . Sammodīti attano paṇḍitatāya kuddhabhāvaṃ adassetvā madhurakathaṃ kathento sammodi. Pañho devatāsaṃyutte kathito. Sesampi heṭṭhā vitthāritamevāti. Paṭhamaṃ.

Next: 2. аггосасуд̇д̇аван̣н̣анаа • 2. Akkosasuttavaṇṇanā

Related texts:

д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 1. д̇ханан̃ж̇аанийсуд̇д̇ам̣ • 1. Dhanañjānīsuttaṃ

дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 1. д̇ханан̃ж̇аанийсуд̇д̇аван̣н̣анаа • 1. Dhanañjānīsuttavaṇṇanā

© 1991-2023 The Titi Tudorancea Bulletin | Titi Tudorancea^® is a Registered Trademark | Terms of use and privacy policy
Contact