| Library / Tipiṭaka / д̇ибидага • Tipiṭaka / сам̣яуд̇д̇анигааяа (дийгаа) • Saṃyuttanikāya (ṭīkā) |
7. б̣раахман̣асам̣яуд̇д̇ам̣
7. Brāhmaṇasaṃyuttaṃ
1. араханд̇аваг̇г̇о
1. Arahantavaggo
1. д̇ханан̃ж̇аанийсуд̇д̇аван̣н̣анаа
1. Dhanañjānīsuttavaṇṇanā
187. д̇ханан̃ж̇ааниг̇од̇д̇аад̇и зд̇т̇а буб̣б̣абурисад̇о ааг̇ад̇асса гулавам̣сасса наамаабхид̇хаанасан̇каад̇ам̣ г̇ам̣ д̇ааяад̇ийд̇и г̇од̇д̇ам̣. (гим̣ бана д̇анд̇и? ан̃н̃агулабарамбараасаад̇хааран̣ам̣ д̇асса гуласса аад̣̇ибурисасамуд̣̇ааг̇ад̇ам̣ д̇ам̣гулабарияаабаннасаад̇хааран̣ам̣ сааман̃н̃аруубанд̇и д̣̇адтаб̣б̣ам̣.) д̇ханан̃ж̇ааниг̇од̇д̇ам̣ зд̇иссанд̇и д̇ханан̃ж̇ааниг̇од̇д̇аа. д̇ассаа уд̣̇аанасса гааран̣ам̣ бужчид̇ваа аад̣̇ид̇о бадтааяа вибхаавзд̇ум̣ ‘‘со гираа’’д̇иаад̣̇и вуд̇д̇ам̣. наанаарасабхож̇анам̣ д̣̇зд̇ийд̇и яож̇анаа. бан̃жаг̇орасасамбаад̣̇ид̇ам̣ саалибхад̇д̇ам̣ суубасаагаб̣яан̃ж̇анам̣ наанаарасам̣ б̣раахман̣абхож̇анам̣. ман̣д̣алаг̇г̇акаг̇г̇анд̇и ман̣д̣алаг̇г̇асан̇каад̇ам̣ каг̇г̇ам̣. д̣̇увид̇хо хи каг̇г̇о ман̣д̣алаг̇г̇о д̣̇ийгхаг̇г̇од̇и. д̇ад̇т̇а яасса аг̇г̇о ман̣д̣алаагаарзна тид̇о, со ман̣д̣алаг̇г̇о. яасса бана асибуд̇д̇игаа вияа д̣̇ийгхо, со д̣̇ийгхаг̇г̇о.
187.Dhanañjānigottāti ettha pubbapurisato āgatassa kulavaṃsassa nāmābhidhānasaṅkhātaṃ gaṃ tāyatīti gottaṃ. (Kiṃ pana tanti? Aññakulaparamparāsādhāraṇaṃ tassa kulassa ādipurisasamudāgataṃ taṃkulapariyāpannasādhāraṇaṃ sāmaññarūpanti daṭṭhabbaṃ.) Dhanañjānigottaṃ etissanti dhanañjānigottā. Tassā udānassa kāraṇaṃ pucchitvā ādito paṭṭhāya vibhāvetuṃ ‘‘so kirā’’tiādi vuttaṃ. Nānārasabhojanaṃ detīti yojanā. Pañcagorasasampāditaṃ sālibhattaṃ sūpasākabyañjanaṃ nānārasaṃ brāhmaṇabhojanaṃ. Maṇḍalaggakhagganti maṇḍalaggasaṅkhātaṃ khaggaṃ. Duvidho hi khaggo maṇḍalaggo dīghaggoti. Tattha yassa aggo maṇḍalākārena ṭhito, so maṇḍalaggo. Yassa pana asiputtikā viya dīgho, so dīghaggo.
саасанаад̇и анусаасанаа. ‘‘намо…бз… самб̣уд̣̇д̇хассаа’’д̇и звам̣ вуд̇д̇аа бан̃жабад̣̇игаг̇аат̇аа. сад̇т̇усаасанз хи логияажчанд̣̇ам̣ анабзгкид̇ваа зсаа бан̃жабад̣̇игаг̇аат̇аад̇и д̣̇адтаб̣б̣аа. оггааварад̇хараад̇и буб̣б̣абурисасан̇каад̇ауггаагавам̣саварад̇хааригаа. саггаад̇и саггун̣зяяам̣.
Sāsanāti anusāsanā. ‘‘Namo…pe… sambuddhassā’’ti evaṃ vuttā pañcapadikagāthā. Satthusāsane hi lokiyacchandaṃ anapekkhitvā esā pañcapadikagāthāti daṭṭhabbā. Okkāvaradharāti pubbapurisasaṅkhātaukkākavaṃsavaradhārikā. Sakkāti sakkuṇeyyaṃ.
званд̇и ‘‘сажз мз ан̇г̇аман̇г̇ааний’’д̇иаад̣̇инаа иминаа багаарзна. ‘‘бан̃жа г̇аат̇аасад̇аани бана адтагат̇ам̣ аарул̣хаани, ид̇ха бана д̣̇вз зва уд̣̇д̇хадаа’’д̇и вад̣̇анд̇и. бахарид̇ум̣ ваад̇и згаваарамби хад̇т̇зна ваа баад̣̇зна ваа бахарид̇умби бараамасид̇умби асаггонд̇од̇и ад̇т̇о. со хи д̇ассаа арияасаавигааяа аанубхаавзна ад̇д̇ано саамад̇т̇иязна васз вад̇д̇аабанад̇т̇ам̣ санд̇аж̇ж̇ид̇вааби д̇ад̣̇анувад̇д̇анд̇о ниб̣б̣исо ахоси. д̇знааха ‘‘бход̇ий’’д̇иаад̣̇и.
Evanti ‘‘sace me aṅgamaṅgānī’’tiādinā iminā pakārena. ‘‘Pañca gāthāsatāni pana aṭṭhakathaṃ āruḷhāni, idha pana dve eva uddhaṭā’’ti vadanti. Paharituṃ vāti ekavārampi hatthena vā pādena vā paharitumpi parāmasitumpi asakkontoti attho. So hi tassā ariyasāvikāya ānubhāvena attano sāmatthiyena vase vattāpanatthaṃ santajjitvāpi tadanuvattanto nibbiso ahosi. Tenāha ‘‘bhotī’’tiādi.
д̇асса б̣раахман̣ассаад̇и ад̇д̇ано саамигаб̣раахман̣асса. убасам̣харанд̇ийд̇и убанзнд̇ий. д̇асмим̣ самаязд̇и д̇асмим̣ д̣̇угкуббад̇д̇игаалз ‘‘саб̣б̣з сан̇каараа д̣̇угкаа’’д̇и бхаг̇авад̇о важанам̣ ануссарид̇ваа ‘‘д̣̇асаб̣аласса бхаг̇авад̇о’’д̇иаад̣̇ийсу яат̇аабарижид̇ам̣ г̇ун̣абад̣̇ам̣ ануссари. д̇знааха ‘‘д̣̇асаб̣алам̣ сарий’’д̇и.
Tassa brāhmaṇassāti attano sāmikabrāhmaṇassa. Upasaṃharantīti upanentī. Tasmiṃ samayeti tasmiṃ dukkhuppattikāle ‘‘sabbe saṅkhārā dukkhā’’ti bhagavato vacanaṃ anussaritvā ‘‘dasabalassa bhagavato’’tiādīsu yathāparicitaṃ guṇapadaṃ anussari. Tenāha ‘‘dasabalaṃ sarī’’ti.
канд̇исоражжарахид̇ад̇ааяа гуж̇жхид̇ваа. бхиж̇ж̇ид̇ваад̇и сам̣яад̇аабхаавад̇о д̇асса б̣раахман̣асса анд̇арз мзд̇д̇ибхзд̣̇зна бхиж̇ж̇ид̇ваа. звамзваад̇и яат̇аа зд̇арахи агааран̣зна, звамзва ан̃н̃ад̣̇ааби агааран̣знаад̇и ад̇т̇о. ниггааран̣ад̇аад̣̇ийбанз звам̣-сад̣̇д̣̇о, зва-сад̣̇д̣̇о бана авад̇хааран̣ад̇т̇о. ниггааран̣ад̇аа жа наама нирад̇т̇агад̇аа, нирад̇т̇агавиббалаабабхаавзнзд̇т̇а звам̣-сад̣̇д̣̇асса г̇ахан̣з бавад̇д̇и г̇авзсид̇аб̣б̣аа. г̇арахад̇т̇о вааяам̣ звам̣-сад̣̇д̣̇о анзгад̇т̇ад̇д̇аа нибаад̇аанам̣. г̇арахад̇т̇ад̇аа жасса васалисад̣̇д̣̇асаннид̇хаанад̇о баагадаа зва.
Khantisoraccarahitatāya kujjhitvā. Bhijjitvāti saṃyatābhāvato tassa brāhmaṇassa antare mettibhedena bhijjitvā. Evamevāti yathā etarahi akāraṇena, evameva aññadāpi akāraṇenāti attho. Nikkāraṇatādīpane evaṃ-saddo, eva-saddo pana avadhāraṇattho. Nikkāraṇatā ca nāma niratthakatā, niratthakavippalāpabhāvenettha evaṃ-saddassa gahaṇe pavatti gavesitabbā. Garahattho vāyaṃ evaṃ-saddo anekatthattā nipātānaṃ. Garahatthatā cassa vasalisaddasannidhānato pākaṭā eva.
г̇ааманиг̇амарадтабууж̇ид̇од̇и иминаа г̇ааманиг̇амарадтасаамигзхи бууж̇ид̇абхааво д̣̇ийбид̇о г̇аамаад̣̇ийнам̣ д̇зсам̣ васз вад̇д̇анад̇о. асугасса наама буг̇г̇аласса. сзсанд̇и абхигганд̇анд̇иаад̣̇и, яамби жан̃н̃ам̣ ид̇хааг̇ад̇ам̣ хздтаа ван̣н̣ид̇ан̃жа.
Gāmanigamaraṭṭhapūjitoti iminā gāmanigamaraṭṭhasāmikehi pūjitabhāvo dīpito gāmādīnaṃ tesaṃ vase vattanato. Asukassa nāma puggalassa. Sesanti abhikkantantiādi, yampi caññaṃ idhāgataṃ heṭṭhā vaṇṇitañca.
д̇ханан̃ж̇аанийсуд̇д̇аван̣н̣анаа нидтид̇аа.
Dhanañjānīsuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 1. д̇ханан̃ж̇аанийсуд̇д̇ам̣ • 1. Dhanañjānīsuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 1. д̇ханан̃ж̇аанийсуд̇д̇аван̣н̣анаа • 1. Dhanañjānīsuttavaṇṇanā
