| Library / Tipiṭaka / д̇ибидага • Tipiṭaka / бзд̇авад̇т̇у-адтагат̇аа • Petavatthu-aṭṭhakathā |
7. д̇ханабааласздтибзд̇авад̇т̇уван̣н̣анаа
7. Dhanapālaseṭṭhipetavatthuvaṇṇanā
наг̇г̇о д̣̇уб̣б̣ан̣н̣аруубосийд̇и ид̣̇ам̣ сад̇т̇ари ж̇зд̇аванз вихаранд̇з д̇ханабаалабзд̇ам̣ аараб̣бха вуд̇д̇ам̣. ануббаннз гира б̣уд̣̇д̇хз бан̣н̣арадтз зрагажчанаг̇арз д̇ханабаалаго наама сздти ахоси ассад̣̇д̇хо аббасанно гад̣̇арияо над̇т̇игад̣̇идтиго. д̇асса гирияаа баал̣ид̇о зва вин̃н̃ааяад̇и. со гаалам̣ гад̇ваа маруганд̇аарз бзд̇о худ̇ваа ниб̣б̣ад̇д̇и. д̇асса д̇аалагканд̇хаббамаан̣о гааяо ахоси, самудтид̇ажчави парусо, вируубагзсо, бхаяаанаго, д̣̇уб̣б̣ан̣н̣о ад̇ивияа вируубо б̣ийбхажчад̣̇ассано. со бан̃жабан̣н̣ааса вассаани бхад̇д̇асид̇т̇ам̣ ваа уд̣̇агаб̣инд̣̇ум̣ ваа алабханд̇о висугкаган̣тодтаж̇ивхо ж̇игхажчаабибаасаабхибхууд̇о ид̇о жид̇о жа бариб̣бхамад̇и.
Naggo dubbaṇṇarūposīti idaṃ satthari jetavane viharante dhanapālapetaṃ ārabbha vuttaṃ. Anuppanne kira buddhe paṇṇaraṭṭhe erakacchanagare dhanapālako nāma seṭṭhi ahosi assaddho appasanno kadariyo natthikadiṭṭhiko. Tassa kiriyā pāḷito eva viññāyati. So kālaṃ katvā marukantāre peto hutvā nibbatti. Tassa tālakkhandhappamāṇo kāyo ahosi, samuṭṭhitacchavi pharuso, virūpakeso, bhayānako, dubbaṇṇo ativiya virūpo bībhacchadassano. So pañcapaṇṇāsa vassāni bhattasitthaṃ vā udakabinduṃ vā alabhanto visukkhakaṇṭhoṭṭhajivho jighacchāpipāsābhibhūto ito cito ca paribbhamati.
ат̇а амхаагам̣ бхаг̇авад̇и логз уббаж̇ж̇ид̇ваа бавад̇д̇ид̇аварад̇хаммажаггз ануггамзна саавад̇т̇ияам̣ вихаранд̇з саавад̇т̇иваасино ваан̣иж̇аа бан̃жамад̇д̇аани сагадасад̇аани бхан̣д̣асса буурзд̇ваа уд̇д̇араабат̇ам̣ г̇анд̇ваа бхан̣д̣ам̣ виггин̣ид̇ваа бадилад̣̇д̇хабхан̣д̣ам̣ сагадзсу ааробзд̇ваа бадинивад̇д̇амаанаа сааяанхасамаяз ан̃н̃ад̇арам̣ сугканад̣̇им̣ баабун̣ид̇ваа д̇ад̇т̇а яаанам̣ мун̃жид̇ваа рад̇д̇ияам̣ ваасам̣ габбзсум̣. ат̇а со бзд̇о бибаасаабхибхууд̇о баанийяассад̇т̇ааяа ааг̇анд̇ваа д̇ад̇т̇а б̣инд̣̇умад̇д̇амби баанийяам̣ алабхид̇ваа виг̇ад̇аасо чиннамууло вияа д̇аало чиннабаад̣̇о бад̇и. д̇ам̣ д̣̇исваа ваан̣иж̇аа –
Atha amhākaṃ bhagavati loke uppajjitvā pavattitavaradhammacakke anukkamena sāvatthiyaṃ viharante sāvatthivāsino vāṇijā pañcamattāni sakaṭasatāni bhaṇḍassa pūretvā uttarāpathaṃ gantvā bhaṇḍaṃ vikkiṇitvā paṭiladdhabhaṇḍaṃ sakaṭesu āropetvā paṭinivattamānā sāyanhasamaye aññataraṃ sukkhanadiṃ pāpuṇitvā tattha yānaṃ muñcitvā rattiyaṃ vāsaṃ kappesuṃ. Atha so peto pipāsābhibhūto pānīyassatthāya āgantvā tattha bindumattampi pānīyaṃ alabhitvā vigatāso chinnamūlo viya tālo chinnapādo pati. Taṃ disvā vāṇijā –
227.
227.
‘‘наг̇г̇о д̣̇уб̣б̣ан̣н̣аруубоси, гисо д̇хаманисант̇ад̇о;
‘‘Naggo dubbaṇṇarūposi, kiso dhamanisanthato;
убпаасулиго гисиго, го ну д̇вамаси маарисаа’’д̇и. –
Upphāsuliko kisiko, ko nu tvamasi mārisā’’ti. –
имааяа г̇аат̇ааяа бужчим̣су. д̇ад̇о бзд̇о –
Imāya gāthāya pucchiṃsu. Tato peto –
228.
228.
‘‘ахам̣ бхад̣̇анд̇з бзд̇омхи, д̣̇уг̇г̇ад̇о яамалогиго;
‘‘Ahaṃ bhadante petomhi, duggato yamalokiko;
баабагаммам̣ гарид̇ваана, бзд̇алогам̣ ид̇о г̇ад̇о’’д̇и. –
Pāpakammaṃ karitvāna, petalokaṃ ito gato’’ti. –
ад̇д̇аанам̣ аавигад̇ваа буна д̇зхи –
Attānaṃ āvikatvā puna tehi –
229.
229.
‘‘гим̣ ну гааязна ваажааяа, манасаа д̣̇уггадам̣ гад̇ам̣;
‘‘Kiṃ nu kāyena vācāya, manasā dukkaṭaṃ kataṃ;
гиссагаммавибаагзна, бзд̇алогам̣ ид̇о г̇ад̇о’’д̇и. –
Kissakammavipākena, petalokaṃ ito gato’’ti. –
гад̇агаммам̣ бужчид̇о буб̣б̣з ниб̣б̣ад̇д̇адтаанад̇о бадтааяа ад̇ийд̇ам̣ бажжуббаннам̣ анааг̇ад̇ан̃жа ад̇д̇ано бавад̇д̇им̣ д̣̇ассзнд̇о д̇зсан̃жа оваад̣̇ам̣ д̣̇знд̇о –
Katakammaṃ pucchito pubbe nibbattaṭṭhānato paṭṭhāya atītaṃ paccuppannaṃ anāgatañca attano pavattiṃ dassento tesañca ovādaṃ dento –
230.
230.
‘‘наг̇арам̣ ад̇т̇и бан̣н̣аанам̣, зрагажчанд̇и виссуд̇ам̣;
‘‘Nagaraṃ atthi paṇṇānaṃ, erakacchanti vissutaṃ;
д̇ад̇т̇а сздти бурз аасим̣, д̇ханабаалод̇и мам̣ вид̣̇уу.
Tattha seṭṭhi pure āsiṃ, dhanapāloti maṃ vidū.
231.
231.
‘‘асийд̇и сагадаваахаанам̣, хиран̃н̃асса ахоси мз;
‘‘Asīti sakaṭavāhānaṃ, hiraññassa ahosi me;
бахууд̇ам̣ мз ж̇аад̇аруубам̣, муд̇д̇аа взл̣урияаа б̣ахуу.
Pahūtaṃ me jātarūpaṃ, muttā veḷuriyā bahū.
232.
232.
‘‘д̇аава махад̣̇д̇ханассааби, на мз д̣̇аад̇ум̣ бияам̣ аху;
‘‘Tāva mahaddhanassāpi, na me dātuṃ piyaṃ ahu;
бид̣̇ахид̇ваа д̣̇ваарам̣ бхун̃ж̇им̣, маа мам̣ яаажанагаад̣̇д̣̇асум̣.
Pidahitvā dvāraṃ bhuñjiṃ, mā maṃ yācanakāddasuṃ.
233.
233.
‘‘ассад̣̇д̇хо мажчарий жаасим̣, гад̣̇арияо барибхаасаго;
‘‘Assaddho maccharī cāsiṃ, kadariyo paribhāsako;
д̣̇ад̣̇анд̇аанам̣ гаронд̇аанам̣, ваараяиссам̣ б̣ахуу ж̇анз.
Dadantānaṃ karontānaṃ, vārayissaṃ bahū jane.
234.
234.
‘‘вибааго над̇т̇и д̣̇аанасса, сам̣яамасса гуд̇о палам̣;
‘‘Vipāko natthi dānassa, saṃyamassa kuto phalaṃ;
богкаран̃н̃од̣̇абаанаани, аараамаани жа робид̇з;
Pokkharaññodapānāni, ārāmāni ca ropite;
бабааяо жа винаасзсим̣, д̣̇уг̇г̇з сан̇гаманаани жа.
Papāyo ca vināsesiṃ, dugge saṅkamanāni ca.
235.
235.
‘‘сваахам̣ агад̇агаляаан̣о, гад̇абаабо д̇ад̇о жуд̇о;
‘‘Svāhaṃ akatakalyāṇo, katapāpo tato cuto;
убабанно бзд̇д̇ивисаяам̣, куббибаасасамаббид̇о.
Upapanno pettivisayaṃ, khuppipāsasamappito.
236.
236.
‘‘бан̃жабан̣н̣ааса вассаани, яад̇о гаалан̇гад̇о ахам̣;
‘‘Pañcapaṇṇāsa vassāni, yato kālaṅkato ahaṃ;
наабхиж̇аанаами бхуд̇д̇ам̣ ваа, бийд̇ам̣ ваа бана баанияам̣.
Nābhijānāmi bhuttaṃ vā, pītaṃ vā pana pāniyaṃ.
237.
237.
‘‘яо сам̣яамо со винаасо, яо винаасо со сам̣яамо;
‘‘Yo saṃyamo so vināso, yo vināso so saṃyamo;
бзд̇аа хи гира ж̇аананд̇и, яо сам̣яамо со винаасо.
Petā hi kira jānanti, yo saṃyamo so vināso.
238.
238.
‘‘ахам̣ бурз сам̣яамиссам̣, наад̣̇аасим̣ б̣ахугз д̇ханз;
‘‘Ahaṃ pure saṃyamissaṃ, nādāsiṃ bahuke dhane;
санд̇зсу д̣̇зяяад̇хаммзсу, д̣̇ийбам̣ наагаасимад̇д̇ано;
Santesu deyyadhammesu, dīpaṃ nākāsimattano;
сваахам̣ бажчаануд̇аббаами, ад̇д̇агаммапалуубаг̇о.
Svāhaṃ pacchānutappāmi, attakammaphalūpago.
239.
239.
‘‘уд̣̇д̇хам̣ жад̇уухи маасзхи, гаалагирияаа бхависсад̇и;
‘‘Uddhaṃ catūhi māsehi, kālakiriyā bhavissati;
зганд̇агадугам̣ гхорам̣, нираяам̣ бабад̇иссахам̣.
Ekantakaṭukaṃ ghoraṃ, nirayaṃ papatissahaṃ.
240.
240.
‘‘жад̇угган̣н̣ам̣ жад̇уд̣̇ваарам̣, вибхад̇д̇ам̣ бхааг̇асо мид̇ам̣;
‘‘Catukkaṇṇaṃ catudvāraṃ, vibhattaṃ bhāgaso mitaṃ;
аяобаагаарабарияанд̇ам̣, аяасаа бадигуж̇ж̇ид̇ам̣.
Ayopākārapariyantaṃ, ayasā paṭikujjitaṃ.
241.
241.
‘‘д̇асса аяомаяаа бхууми, ж̇алид̇аа д̇зж̇асаа яуд̇аа;
‘‘Tassa ayomayā bhūmi, jalitā tejasā yutā;
саманд̇аа яож̇анасад̇ам̣, парид̇ваа д̇идтад̇и саб̣б̣ад̣̇аа.
Samantā yojanasataṃ, pharitvā tiṭṭhati sabbadā.
242.
242.
‘‘д̇ад̇т̇аахам̣ д̣̇ийгхамад̣̇д̇хаанам̣, д̣̇угкам̣ взд̣̇исса взд̣̇анам̣;
‘‘Tatthāhaṃ dīghamaddhānaṃ, dukkhaṃ vedissa vedanaṃ;
палам̣ баабасса гаммасса, д̇асмаа сожаамахам̣ бхусам̣.
Phalaṃ pāpassa kammassa, tasmā socāmahaṃ bhusaṃ.
243.
243.
‘‘д̇ам̣ ваа вад̣̇аами бхад̣̇д̣̇ам̣ во, яааванд̇зд̇т̇а самааг̇ад̇аа;
‘‘Taṃ vā vadāmi bhaddaṃ vo, yāvantettha samāgatā;
маагад̇т̇а баабагам̣ гаммам̣, аави ваа яад̣̇и ваа рахо.
Mākattha pāpakaṃ kammaṃ, āvi vā yadi vā raho.
244.
244.
‘‘сажз д̇ам̣ баабагам̣ гаммам̣, гариссат̇а гарот̇а ваа;
‘‘Sace taṃ pāpakaṃ kammaṃ, karissatha karotha vā;
на во д̣̇угкаа бамуд̇яад̇т̇и, уббажжааби балааяад̇ам̣.
Na vo dukkhā pamutyatthi, uppaccāpi palāyataṃ.
245.
245.
‘‘мад̇д̇зяяаа хот̇а бзд̇д̇зяяаа, гулз ж̇здтаабажааяигаа;
‘‘Matteyyā hotha petteyyā, kule jeṭṭhāpacāyikā;
сааман̃н̃аа хот̇а б̣рахман̃н̃аа, звам̣ саг̇г̇ам̣ г̇амиссат̇аа’’д̇и. –
Sāmaññā hotha brahmaññā, evaṃ saggaṃ gamissathā’’ti. –
имаа г̇аат̇аа абхааси.
Imā gāthā abhāsi.
230-231. д̇ад̇т̇а бан̣н̣аананд̇и бан̣н̣аанаамарадтасса звам̣наамагаанам̣ рааж̇уунам̣. зрагажчанд̇и д̇асса наг̇арасса наамам̣. д̇ад̇т̇аад̇и д̇асмим̣ наг̇арз. бурзд̇и буб̣б̣з ад̇ийд̇ад̇д̇абхаавз . д̇ханабаалод̇и мам̣ вид̣̇ууд̇и ‘‘д̇ханабааласздтий’’д̇и мам̣ ж̇аананд̇и. д̇аяид̣̇ам̣ наамам̣ д̇ад̣̇аа маяхам̣ ад̇т̇аануг̇ад̇амзваад̇и д̣̇ассзнд̇о ‘‘асийд̇ий’’д̇и г̇аат̇амааха. д̇ад̇т̇а асийд̇и сагадаваахаананд̇и вийсад̇икаариго ваахо, яо сагаданд̇и вужжад̇и. д̇зсам̣ сагадаваахаанам̣ асийд̇и хиран̃н̃асса д̇ат̇аа гахаабан̣асса жа мз ахосийд̇и яож̇анаа. бахууд̇ам̣ мз ж̇аад̇аруубанд̇и суван̣н̣амби бахууд̇ам̣ анзгабхаарабаримаан̣ам̣ ахосийд̇и самб̣анд̇хо.
230-231. Tattha paṇṇānanti paṇṇānāmaraṭṭhassa evaṃnāmakānaṃ rājūnaṃ. Erakacchanti tassa nagarassa nāmaṃ. Tatthāti tasmiṃ nagare. Pureti pubbe atītattabhāve . Dhanapāloti maṃ vidūti ‘‘dhanapālaseṭṭhī’’ti maṃ jānanti. Tayidaṃ nāmaṃ tadā mayhaṃ atthānugatamevāti dassento ‘‘asītī’’ti gāthamāha. Tattha asīti sakaṭavāhānanti vīsatikhāriko vāho, yo sakaṭanti vuccati. Tesaṃ sakaṭavāhānaṃ asīti hiraññassa tathā kahāpaṇassa ca me ahosīti yojanā. Pahūtaṃ me jātarūpanti suvaṇṇampi pahūtaṃ anekabhāraparimāṇaṃ ahosīti sambandho.
232-233. на мз д̣̇аад̇ум̣ бияам̣ ахууд̇и д̣̇аанам̣ д̣̇аад̇ум̣ маяхам̣ бияам̣ наахоси. маа мам̣ яаажанагаад̣̇д̣̇асунд̇и ‘‘яаажагаа маа мам̣ бассим̣суу’’д̇и бид̣̇ахид̇ваа г̇зхад̣̇ваарам̣ бхун̃ж̇аами. гад̣̇арияод̇и т̇ад̣̇д̇хамажчарий. барибхаасагод̇и д̣̇аанам̣ д̣̇знд̇з д̣̇исваа бхаязна санд̇аж̇ж̇аго. д̣̇ад̣̇анд̇аанам̣ гаронд̇аананд̇и убаяог̇ад̇т̇з саамиважанам̣, д̣̇аанаани д̣̇ад̣̇анд̇з бун̃н̃аани гаронд̇з. б̣ахуу ж̇анзд̇и б̣ахуу сад̇д̇з. д̣̇ад̣̇анд̇аанам̣ ваа гаронд̇аанам̣ ваа самуд̣̇ааяабхууд̇ам̣ б̣ахум̣ ж̇анам̣ бун̃н̃агаммад̇о ваараяиссам̣ ниваарзсим̣.
232-233.Name dātuṃ piyaṃ ahūti dānaṃ dātuṃ mayhaṃ piyaṃ nāhosi. Mā maṃ yācanakāddasunti ‘‘yācakā mā maṃ passiṃsū’’ti pidahitvā gehadvāraṃ bhuñjāmi. Kadariyoti thaddhamaccharī. Paribhāsakoti dānaṃ dente disvā bhayena santajjako. Dadantānaṃ karontānanti upayogatthe sāmivacanaṃ, dānāni dadante puññāni karonte. Bahū janeti bahū satte. Dadantānaṃ vā karontānaṃ vā samudāyabhūtaṃ bahuṃ janaṃ puññakammato vārayissaṃ nivāresiṃ.
234-236. вибааго над̇т̇и д̣̇аанассаад̇иаад̣̇и д̣̇аанаад̣̇ийнам̣ нивааран̣з гааран̣ад̣̇ассанам̣. д̇ад̇т̇а вибааго над̇т̇и д̣̇аанассаад̇и д̣̇аанагаммасса палам̣ наама над̇т̇и, гзвалам̣ бун̃н̃ам̣ бун̃н̃анд̇и д̇ханавинаасо зваад̇и д̣̇ийбзд̇и. сам̣яамассаад̇и сийласам̣яамасса. гуд̇о паланд̇и гуд̇о наама палам̣ лаб̣бхад̇и, нирад̇т̇агамзва сийларагкан̣анд̇и ад̇хиббааяо. аараамаанийд̇и аараамуубаванаанийд̇и ад̇т̇о. бабааяод̇и баанийяасаалаа. д̣̇уг̇г̇зд̇и уд̣̇агажигкаллаанам̣ васзна д̣̇уг̇г̇амадтаанаани. сан̇гаманаанийд̇и сзд̇уяо. д̇ад̇о жуд̇од̇и д̇ад̇о мануссалогад̇о жуд̇о. бан̃жабан̣н̣аасаад̇и бан̃жабан̃н̃ааса. яад̇о гаалан̇гад̇о аханд̇и яад̣̇аа гаалагад̇аа ахам̣, д̇ад̇о бадтааяа. наабхиж̇аанаамийд̇и зд̇д̇агам̣ гаалам̣ бхуд̇д̇ам̣ ваа бийд̇ам̣ ваа гин̃жи на ж̇аанаами.
234-236.Vipāko natthi dānassātiādi dānādīnaṃ nivāraṇe kāraṇadassanaṃ. Tattha vipāko natthi dānassāti dānakammassa phalaṃ nāma natthi, kevalaṃ puññaṃ puññanti dhanavināso evāti dīpeti. Saṃyamassāti sīlasaṃyamassa. Kuto phalanti kuto nāma phalaṃ labbhati, niratthakameva sīlarakkhaṇanti adhippāyo. Ārāmānīti ārāmūpavanānīti attho. Papāyoti pānīyasālā. Duggeti udakacikkhallānaṃ vasena duggamaṭṭhānāni. Saṅkamanānīti setuyo. Tato cutoti tato manussalokato cuto. Pañcapaṇṇāsāti pañcapaññāsa. Yato kālaṅkato ahanti yadā kālakatā ahaṃ, tato paṭṭhāya. Nābhijānāmīti ettakaṃ kālaṃ bhuttaṃ vā pītaṃ vā kiñci na jānāmi.
237-38. яо сам̣яамо со винаасод̇и лобхаад̣̇ивасзна яам̣ сам̣яаманам̣ гассажи ад̣̇аанам̣, со имзсам̣ сад̇д̇аанам̣ винаасо наама бзд̇аяонияам̣ ниб̣б̣ад̇д̇абзд̇аанам̣ махааб̣яасанасса хзд̇убхаавад̇о. ‘‘яо винаасо со сам̣яамо’’д̇и иминаа яат̇аавуд̇д̇асса ад̇т̇асса зганд̇игабхаавам̣ вад̣̇ад̇и. бзд̇аа хи гира ж̇аананд̇ийд̇и зд̇т̇а хи-сад̣̇д̣̇о авад̇хааран̣з, гира-сад̣̇д̣̇о аружисуужанз. ‘‘сам̣яамо д̣̇зяяад̇хаммасса абарижжааг̇о винаасахзд̇уу’’д̇и имамад̇т̇ам̣ бзд̇аа зва гира ж̇аананд̇и бажжагкад̇о анубхуяяамаанад̇д̇аа, на мануссаад̇и. наяид̣̇ам̣ яуд̇д̇ам̣ мануссаанамби бзд̇аанам̣ вияа куббибаасаад̣̇ийхи абхибхуяяамаанаанам̣ д̣̇иссамаанад̇д̇аа. бзд̇аа бана буримад̇д̇абхаавз гад̇агаммасса баагадабхаавад̇о д̇амад̇т̇ам̣ судтуд̇арам̣ ж̇аананд̇и. д̇знааха – ‘‘ахам̣ бурз сам̣яамисса’’нд̇иаад̣̇и. д̇ад̇т̇а сам̣яамиссанд̇и саяамби д̣̇аанаад̣̇ибун̃н̃агирияад̇о сам̣яаманам̣ сан̇гожам̣ агаасим̣. б̣ахугз д̇ханзд̇и маханд̇з д̇ханз виж̇ж̇амаанз.
237-38.Yo saṃyamo so vināsoti lobhādivasena yaṃ saṃyamanaṃ kassaci adānaṃ, so imesaṃ sattānaṃ vināso nāma petayoniyaṃ nibbattapetānaṃ mahābyasanassa hetubhāvato. ‘‘Yo vināso so saṃyamo’’ti iminā yathāvuttassa atthassa ekantikabhāvaṃ vadati. Petā hi kira jānantīti ettha hi-saddo avadhāraṇe, kira-saddo arucisūcane. ‘‘Saṃyamo deyyadhammassa apariccāgo vināsahetū’’ti imamatthaṃ petā eva kira jānanti paccakkhato anubhuyyamānattā, na manussāti. Nayidaṃ yuttaṃ manussānampi petānaṃ viya khuppipāsādīhi abhibhuyyamānānaṃ dissamānattā. Petā pana purimattabhāve katakammassa pākaṭabhāvato tamatthaṃ suṭṭhutaraṃ jānanti. Tenāha – ‘‘ahaṃ pure saṃyamissa’’ntiādi. Tattha saṃyamissanti sayampi dānādipuññakiriyato saṃyamanaṃ saṅkocaṃ akāsiṃ. Bahuke dhaneti mahante dhane vijjamāne.
243. д̇анд̇и д̇асмаа. вод̇и д̇умхз. бхад̣̇д̣̇ам̣ вод̇и бхад̣̇д̣̇ам̣ галяаан̣ам̣ сунд̣̇арам̣ д̇умхаагам̣ ход̇ууд̇и важанасзсо. яааванд̇зд̇т̇а самааг̇ад̇аад̇и яааванд̇о яаавад̇агаа зд̇т̇а самааг̇ад̇аа, д̇з саб̣б̣з мама важанам̣ сун̣аат̇аад̇и ад̇хиббааяо. аавийд̇и багаасанам̣ барзсам̣ баагадавасзна. раход̇и бадижчаннам̣ абаагадавасзна. аави ваа баан̣аад̇ибаад̇аад̣̇имусааваад̣̇аад̣̇игааяаважийбаяог̇авасзна, яад̣̇и ваа рахо абхиж̇жхаад̣̇ивасзна баабагам̣ лаамагам̣ агусалагаммам̣ маагад̇т̇а маа гарид̇т̇а.
243.Tanti tasmā. Voti tumhe. Bhaddaṃ voti bhaddaṃ kalyāṇaṃ sundaraṃ tumhākaṃ hotūti vacanaseso. Yāvantettha samāgatāti yāvanto yāvatakā ettha samāgatā, te sabbe mama vacanaṃ suṇāthāti adhippāyo. Āvīti pakāsanaṃ paresaṃ pākaṭavasena. Rahoti paṭicchannaṃ apākaṭavasena. Āvi vā pāṇātipātādimusāvādādikāyavacīpayogavasena, yadi vā raho abhijjhādivasena pāpakaṃ lāmakaṃ akusalakammaṃ mākattha mā karittha.
244. сажз д̇ам̣ баабагам̣ гамманд̇и ат̇а бана д̇ам̣ баабагаммам̣ ааяад̇им̣ гариссат̇а, зд̇арахи ваа гарот̇а, нираяаад̣̇ийсу жад̇уусу абааязсу мануссзсу жа аббааяугад̇аад̣̇ивасзна д̇асса палабхууд̇аа д̣̇угкад̇о бамуд̇д̇и бамогко наама над̇т̇и. уббажжааби балааяад̇анд̇и уббад̇ид̇ваа аагаасзна г̇ажчанд̇аанамби могко над̇т̇иязваад̇и ад̇т̇о. ‘‘убзжжаа’’д̇иби баал̣и, ид̇о ваа зд̇д̇о ваа балааяанд̇з д̇умхз ануб̣анд̇хиссад̇ийд̇и ад̇хиббааязна убзжжа сан̃жижжа балааяанд̇аанамби д̇умхаагам̣ д̇ад̇о могко над̇т̇и, г̇ад̇игаалаад̣̇ибажжаяанд̇арасамавааяз бана сад̇и вибажжад̇иязваад̇и ад̇т̇о. аяан̃жа ад̇т̇о –
244.Sace taṃ pāpakaṃ kammanti atha pana taṃ pāpakammaṃ āyatiṃ karissatha, etarahi vā karotha, nirayādīsu catūsu apāyesu manussesu ca appāyukatādivasena tassa phalabhūtā dukkhato pamutti pamokkho nāma natthi. Uppaccāpi palāyatanti uppatitvā ākāsena gacchantānampi mokkho natthiyevāti attho. ‘‘Upeccā’’tipi pāḷi, ito vā etto vā palāyante tumhe anubandhissatīti adhippāyena upecca sañcicca palāyantānampi tumhākaṃ tato mokkho natthi, gatikālādipaccayantarasamavāye pana sati vipaccatiyevāti attho. Ayañca attho –
‘‘на анд̇алигкз на самуд̣̇д̣̇амаж̇жхз, на баб̣б̣ад̇аанам̣ виварам̣ бависса;
‘‘Na antalikkhe na samuddamajjhe, na pabbatānaṃ vivaraṃ pavissa;
на виж̇ж̇ад̇ий со ж̇аг̇ад̇иббад̣̇зсо, яад̇т̇адтид̇о мужжзяяа баабагаммаа’’д̇и. (д̇ха. ба. 127; ми. ба. 4.2.4) –
Na vijjatī so jagatippadeso, yatthaṭṭhito mucceyya pāpakammā’’ti. (dha. pa. 127; mi. pa. 4.2.4) –
имааяа г̇аат̇ааяа д̣̇ийбзд̇аб̣б̣о.
Imāya gāthāya dīpetabbo.
245. мад̇д̇зяяаад̇и маад̇ухид̇аа. хот̇аад̇и д̇зсам̣ убадтаанаад̣̇ийни гарот̇а. д̇ат̇аа бзд̇д̇зяяаад̇и взд̣̇ид̇аб̣б̣аа. гулз ж̇здтаабажааяигаад̇и гулз ж̇здтагаанам̣ абажааяанагараа. сааман̃н̃аад̇и саман̣абууж̇агаа. д̇ат̇аа б̣рахман̃н̃аад̇и б̣аахид̇абаабабууж̇агаад̇и ад̇т̇о. звам̣ саг̇г̇ам̣ г̇амиссат̇аад̇и иминаа маяаа вуд̇д̇анаязна бун̃н̃аани гад̇ваа д̣̇звалогам̣ убабаж̇ж̇иссат̇аад̇и ад̇т̇о. яам̣ банзд̇т̇а ад̇т̇ад̇о на вибхад̇д̇ам̣, д̇ам̣ хздтаа каллаадияабзд̇авад̇т̇уаад̣̇ийсу вуд̇д̇анаязнзва взд̣̇ид̇аб̣б̣ам̣.
245.Matteyyāti mātuhitā. Hothāti tesaṃ upaṭṭhānādīni karotha. Tathā petteyyāti veditabbā. Kule jeṭṭhāpacāyikāti kule jeṭṭhakānaṃ apacāyanakarā. Sāmaññāti samaṇapūjakā. Tathā brahmaññāti bāhitapāpapūjakāti attho. Evaṃ saggaṃ gamissathāti iminā mayā vuttanayena puññāni katvā devalokaṃ upapajjissathāti attho. Yaṃ panettha atthato na vibhattaṃ, taṃ heṭṭhā khallāṭiyapetavatthuādīsu vuttanayeneva veditabbaṃ.
д̇з ваан̣иж̇аа д̇асса важанам̣ суд̇ваа сам̣взг̇аж̇аад̇аа д̇ам̣ анугамбамаанаа бхааж̇анзхи баанийяам̣ г̇ахзд̇ваа д̇ам̣ саяаабзд̇ваа мукз аасин̃жим̣су. д̇ад̇о махааж̇анзна б̣ахувзлам̣ аасид̇д̇ам̣ уд̣̇агам̣ д̇асса бзд̇асса баабаб̣алзна ад̇хог̇ал̣ам̣ на од̇ин̣н̣ам̣, гуд̇о бибаасам̣ бадивинзссад̇и. д̇з д̇ам̣ бужчим̣су – ‘‘аби д̇з гаажи ассаасамад̇д̇аа лад̣̇д̇хаа’’д̇и. со ааха – ‘‘яад̣̇и мз зд̇д̇агзхи ж̇анзхи зд̇д̇агам̣ взлам̣ аасин̃жамаанам̣ уд̣̇агам̣ згаб̣инд̣̇умад̇д̇амби бараг̇ал̣ам̣ бавидтам̣, ид̇о бзд̇аяонид̇о могко маа ход̇уу’’д̇и. ат̇а д̇з ваан̣иж̇аа д̇ам̣ суд̇ваа ад̇ивияа сам̣взг̇аж̇аад̇аа ‘‘ад̇т̇и бана гожи убааяо бибаасаавуубасамааяаа’’д̇и аахам̣су. со ааха – ‘‘имасмим̣ баабагаммз кийн̣з д̇ат̇ааг̇ад̇асса ваа д̇ат̇ааг̇ад̇асаавагаанам̣ ваа д̣̇аанз д̣̇иннз мама д̣̇аанамуд̣̇д̣̇исиссад̇и, ахам̣ ид̇о бзд̇ад̇д̇ад̇о мужжиссаамий’’д̇и. д̇ам̣ суд̇ваа ваан̣иж̇аа саавад̇т̇им̣ г̇анд̇ваа бхаг̇аванд̇ам̣ убасан̇гамид̇ваа д̇ам̣ бавад̇д̇им̣ аарожзд̇ваа саран̣аани сийлаани жа г̇ахзд̇ваа б̣уд̣̇д̇хаббамукасса бхигкусан̇гхасса сад̇д̇аахам̣ д̣̇аанам̣ д̣̇ад̇ваа д̇асса бзд̇асса д̣̇агкин̣ам̣ аад̣̇исим̣су. бхаг̇аваа д̇амад̇т̇ам̣ адтуббад̇д̇им̣ гад̇ваа жад̇уннам̣ барисаанам̣ д̇хаммам̣ д̣̇зсзси. махааж̇ано жа лобхаад̣̇имажчзрамалам̣ бахааяа д̣̇аанаад̣̇ибун̃н̃аабхирад̇о ахосийд̇и.
Te vāṇijā tassa vacanaṃ sutvā saṃvegajātā taṃ anukampamānā bhājanehi pānīyaṃ gahetvā taṃ sayāpetvā mukhe āsiñciṃsu. Tato mahājanena bahuvelaṃ āsittaṃ udakaṃ tassa petassa pāpabalena adhogaḷaṃ na otiṇṇaṃ, kuto pipāsaṃ paṭivinessati. Te taṃ pucchiṃsu – ‘‘api te kāci assāsamattā laddhā’’ti. So āha – ‘‘yadi me ettakehi janehi ettakaṃ velaṃ āsiñcamānaṃ udakaṃ ekabindumattampi paragaḷaṃ paviṭṭhaṃ, ito petayonito mokkho mā hotū’’ti. Atha te vāṇijā taṃ sutvā ativiya saṃvegajātā ‘‘atthi pana koci upāyo pipāsāvūpasamāyā’’ti āhaṃsu. So āha – ‘‘imasmiṃ pāpakamme khīṇe tathāgatassa vā tathāgatasāvakānaṃ vā dāne dinne mama dānamuddisissati, ahaṃ ito petattato muccissāmī’’ti. Taṃ sutvā vāṇijā sāvatthiṃ gantvā bhagavantaṃ upasaṅkamitvā taṃ pavattiṃ ārocetvā saraṇāni sīlāni ca gahetvā buddhappamukhassa bhikkhusaṅghassa sattāhaṃ dānaṃ datvā tassa petassa dakkhiṇaṃ ādisiṃsu. Bhagavā tamatthaṃ aṭṭhuppattiṃ katvā catunnaṃ parisānaṃ dhammaṃ desesi. Mahājano ca lobhādimaccheramalaṃ pahāya dānādipuññābhirato ahosīti.
д̇ханабааласздтибзд̇авад̇т̇уван̣н̣анаа нидтид̇аа.
Dhanapālaseṭṭhipetavatthuvaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / бзд̇авад̇т̇убаал̣и • Petavatthupāḷi / 7. д̇ханабааласздтибзд̇авад̇т̇у • 7. Dhanapālaseṭṭhipetavatthu
