| Library / Tipiṭaka / д̇ибидага • Tipiṭaka / суд̇д̇анибаад̇абаал̣и • Suttanipātapāḷi |
2. д̇ханияасуд̇д̇ам̣
2. Dhaniyasuttaṃ
18.
18.
‘‘баггод̣̇ано д̣̇уд̣̇д̇хакийрохамасми, (ид̇и д̇ханияо г̇обо)
‘‘Pakkodano duddhakhīrohamasmi, (iti dhaniyo gopo)
ануд̇ийрз махияаа самаанаваасо;
Anutīre mahiyā samānavāso;
чаннаа гуди аахид̇о г̇ини, ат̇а жз бад̇т̇аяасий бавасса д̣̇зва’’.
Channā kuṭi āhito gini, atha ce patthayasī pavassa deva’’.
19.
19.
‘‘аггод̇хано виг̇ад̇акилохамасми 1, (ид̇и бхаг̇аваа)
‘‘Akkodhano vigatakhilohamasmi 2, (iti bhagavā)
ануд̇ийрз махиязгарад̇д̇иваасо;
Anutīre mahiyekarattivāso;
вивадаа гуди ниб̣б̣уд̇о г̇ини, ат̇а жз бад̇т̇аяасий бавасса д̣̇зва’’.
Vivaṭā kuṭi nibbuto gini, atha ce patthayasī pavassa deva’’.
20.
20.
‘‘анд̇хагамагасаа на виж̇ж̇арз, (ид̇и д̇ханияо г̇обо)
‘‘Andhakamakasā na vijjare, (iti dhaniyo gopo)
гажчз руул̣хад̇ин̣з жаранд̇и г̇ааво;
Kacche rūḷhatiṇe caranti gāvo;
вудтимби сахзяяумааг̇ад̇ам̣, ат̇а жз бад̇т̇аяасий бавасса д̣̇зва’’.
Vuṭṭhimpi saheyyumāgataṃ, atha ce patthayasī pavassa deva’’.
21.
21.
‘‘б̣ад̣̇д̇хааси бхисий сусан̇кад̇аа, (ид̇и бхаг̇аваа)
‘‘Baddhāsi bhisī susaṅkhatā, (iti bhagavā)
д̇ин̣н̣о баараг̇ад̇о винзяяа огхам̣;
Tiṇṇo pāragato vineyya oghaṃ;
ад̇т̇о бхисияаа на виж̇ж̇ад̇и, ат̇а жз бад̇т̇аяасий бавасса д̣̇зва’’.
Attho bhisiyā na vijjati, atha ce patthayasī pavassa deva’’.
22.
22.
‘‘г̇обий мама ассаваа алолаа, (ид̇и д̇ханияо г̇обо)
‘‘Gopī mama assavā alolā, (iti dhaniyo gopo)
д̇ассаа на сун̣аами гин̃жи баабам̣, ат̇а жз бад̇т̇аяасий бавасса д̣̇зва’’.
Tassā na suṇāmi kiñci pāpaṃ, atha ce patthayasī pavassa deva’’.
23.
23.
‘‘жид̇д̇ам̣ мама ассавам̣ вимуд̇д̇ам̣, (ид̇и бхаг̇аваа)
‘‘Cittaṃ mama assavaṃ vimuttaṃ, (iti bhagavā)
д̣̇ийгхарад̇д̇ам̣ барибхаавид̇ам̣ суд̣̇анд̇ам̣;
Dīgharattaṃ paribhāvitaṃ sudantaṃ;
баабам̣ бана мз на виж̇ж̇ад̇и, ат̇а жз бад̇т̇аяасий бавасса д̣̇зва’’.
Pāpaṃ pana me na vijjati, atha ce patthayasī pavassa deva’’.
24.
24.
‘‘ад̇д̇авзд̇анабхад̇охамасми , (ид̇и д̇ханияо г̇обо)
‘‘Attavetanabhatohamasmi , (iti dhaniyo gopo)
буд̇д̇аа жа мз самаанияаа арог̇аа;
Puttā ca me samāniyā arogā;
д̇зсам̣ на сун̣аами гин̃жи баабам̣, ат̇а жз бад̇т̇аяасий бавасса д̣̇зва’’.
Tesaṃ na suṇāmi kiñci pāpaṃ, atha ce patthayasī pavassa deva’’.
25.
25.
‘‘наахам̣ бхад̇агосми гассажи, (ид̇и бхаг̇аваа)
‘‘Nāhaṃ bhatakosmi kassaci, (iti bhagavā)
ниб̣б̣идтзна жараами саб̣б̣алогз;
Nibbiṭṭhena carāmi sabbaloke;
ад̇т̇о бхад̇ияаа на виж̇ж̇ад̇и, ат̇а жз бад̇т̇аяасий бавасса д̣̇зва’’.
Attho bhatiyā na vijjati, atha ce patthayasī pavassa deva’’.
26.
26.
‘‘ад̇т̇и васаа ад̇т̇и д̇хзнубаа, (ид̇и д̇ханияо г̇обо)
‘‘Atthi vasā atthi dhenupā, (iti dhaniyo gopo)
г̇од̇харан̣ияо бавзн̣ияоби ад̇т̇и;
Godharaṇiyo paveṇiyopi atthi;
усабхоби г̇авамбад̇ийд̇ха ад̇т̇и, ат̇а жз бад̇т̇аяасий бавасса д̣̇зва’’.
Usabhopi gavampatīdha atthi, atha ce patthayasī pavassa deva’’.
27.
27.
‘‘над̇т̇и васаа над̇т̇и д̇хзнубаа, (ид̇и бхаг̇аваа)
‘‘Natthi vasā natthi dhenupā, (iti bhagavā)
г̇од̇харан̣ияо бавзн̣ияоби над̇т̇и;
Godharaṇiyo paveṇiyopi natthi;
усабхоби г̇авамбад̇ийд̇ха над̇т̇и, ат̇а жз бад̇т̇аяасий бавасса д̣̇зва’’.
Usabhopi gavampatīdha natthi, atha ce patthayasī pavassa deva’’.
28.
28.
‘‘килаа никаад̇аа асамбавзд̇хий, (ид̇и д̇ханияо г̇обо)
‘‘Khilā nikhātā asampavedhī, (iti dhaniyo gopo)
д̣̇аамаа мун̃ж̇амаяаа наваа сусан̣таанаа;
Dāmā muñjamayā navā susaṇṭhānā;
на хи сагкинд̇и д̇хзнубааби чзд̇д̇ум̣ 5, ат̇а жз бад̇т̇аяасий бавасса д̣̇зва’’.
Na hi sakkhinti dhenupāpi chettuṃ 6, atha ce patthayasī pavassa deva’’.
29.
29.
‘‘усабхорива чзд̇ва 7 б̣анд̇ханаани, (ид̇и бхаг̇аваа)
‘‘Usabhoriva chetva 8 bandhanāni, (iti bhagavā)
наахам̣ бунубзссам̣ 11 г̇аб̣бхасзяяам̣, ат̇а жз бад̇т̇аяасий бавасса д̣̇зва’’.
Nāhaṃ punupessaṃ 12 gabbhaseyyaṃ, atha ce patthayasī pavassa deva’’.
30.
30.
‘‘ниннан̃жа т̇алан̃жа буураяанд̇о, махаамзгхо бавасси д̇аавад̣̇зва;
‘‘Ninnañca thalañca pūrayanto, mahāmegho pavassi tāvadeva;
суд̇ваа д̣̇звасса вассад̇о, имамад̇т̇ам̣ д̇ханияо абхаасат̇а.
Sutvā devassa vassato, imamatthaṃ dhaniyo abhāsatha.
31.
31.
‘‘лаабхаа вад̇а но анаббагаа, яз маяам̣ бхаг̇аванд̇ам̣ ад̣̇д̣̇асаама;
‘‘Lābhā vata no anappakā, ye mayaṃ bhagavantaṃ addasāma;
саран̣ам̣ д̇ам̣ убзма жагкума, сад̇т̇аа но хохи д̇увам̣ махаамуни.
Saraṇaṃ taṃ upema cakkhuma, satthā no hohi tuvaṃ mahāmuni.
32.
32.
‘‘г̇обий жа ахан̃жа ассаваа, б̣рахмажарияам̣ 13 суг̇ад̇з жараамасз;
‘‘Gopī ca ahañca assavā, brahmacariyaṃ 14 sugate carāmase;
ж̇аад̇имаран̣асса баараг̇уу 15, д̣̇угкассанд̇агараа бхаваамасз’’.
Jātimaraṇassa pāragū 16, dukkhassantakarā bhavāmase’’.
33.
33.
‘‘нанд̣̇ад̇и буд̇д̇зхи буд̇д̇имаа, (ид̇и мааро баабимаа)
‘‘Nandati puttehi puttimā, (iti māro pāpimā)
убад̇хий хи нарасса нанд̣̇анаа, на хи со нанд̣̇ад̇и яо нируубад̇хи’’.
Upadhī hi narassa nandanā, na hi so nandati yo nirūpadhi’’.
34.
34.
‘‘сожад̇и буд̇д̇зхи буд̇д̇имаа, (ид̇и бхаг̇аваа)
‘‘Socati puttehi puttimā, (iti bhagavā)
г̇обияо г̇охи д̇ат̇зва сожад̇и;
Gopiyo gohi tatheva socati;
убад̇хий хи нарасса сожанаа, на хи со сожад̇и яо нируубад̇хий’’д̇и.
Upadhī hi narassa socanā, na hi so socati yo nirūpadhī’’ti.
д̇ханияасуд̇д̇ам̣ д̣̇уд̇ияам̣ нидтид̇ам̣.
Dhaniyasuttaṃ dutiyaṃ niṭṭhitaṃ.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / куд̣̇д̣̇аганигааяа (адтагат̇аа) • Khuddakanikāya (aṭṭhakathā) / суд̇д̇анибаад̇а-адтагат̇аа • Suttanipāta-aṭṭhakathā / 2. д̇ханияасуд̇д̇аван̣н̣анаа • 2. Dhaniyasuttavaṇṇanā
