| Library / Tipiṭaka / д̇ибидага • Tipiṭaka / т̇зраг̇аат̇аа-адтагат̇аа • Theragāthā-aṭṭhakathā |
4. д̇ханияад̇т̇зраг̇аат̇ааван̣н̣анаа
4. Dhaniyattheragāthāvaṇṇanā
сукан̃жз ж̇ийвид̇ум̣ ижчзд̇и ааяасмад̇о д̇ханияад̇т̇зрасса г̇аат̇аа. гаа уббад̇д̇и? аяамби буримаб̣уд̣̇д̇хзсу гад̇аад̇хигааро д̇ад̇т̇а д̇ад̇т̇а бхавз бун̃н̃аани убажинанд̇о сикисса бхаг̇авад̇о гаалз гулаг̇зхз ниб̣б̣ад̇д̇ид̇ваа вин̃н̃уд̇ам̣ бад̇д̇о згад̣̇ивасам̣ сад̇т̇аарам̣ д̣̇исваа басаннамаанасо нал̣амаалааяа бууж̇ам̣ агааси. со д̇зна бун̃н̃агаммзна д̣̇звамануссзсу сам̣саранд̇о имасмим̣ б̣уд̣̇д̇хуббаад̣̇з рааж̇аг̇ахз гумбхагаарагулз ниб̣б̣ад̇д̇ид̇ваа д̇ханияод̇и лад̣̇д̇ханаамо ваяаббад̇д̇о гумбхагаарагаммзна ж̇ийвад̇и. д̇зна жа самаязна сад̇т̇аа д̇ханияасса гумбхагаарасса саалааяам̣ нисийд̣̇ид̇ваа буггусаад̇исса гулабуд̇д̇асса чад̇хаад̇увибхан̇г̇асуд̇д̇ам̣ (ма. ни. 3.342 аад̣̇аяо) д̣̇зсзси. со д̇ам̣ суд̇ваа гад̇агижжо ахоси. д̇ханияо д̇асса бариниб̣б̣уд̇абхаавам̣ суд̇ваа ‘‘нияяаанигам̣ вад̇а б̣уд̣̇д̇хасаасанам̣, яад̇т̇а згарад̇д̇ибарижаязнааби ваддад̣̇угкад̇о мун̃жид̇ум̣ саггаа’’д̇и бадилад̣̇д̇хасад̣̇д̇хо баб̣б̣аж̇ид̇ваа гудиман̣д̣анаануяуд̇д̇о вихаранд̇о гудигаран̣ам̣ бадижжа бхаг̇авад̇аа г̇арахид̇о сан̇гхигз сзнаасанз васанд̇о вибассанам̣ вад̣дхзд̇ваа арахад̇д̇ам̣ баабун̣и. д̇зна вуд̇д̇ам̣ абад̣̇аанз (аба. т̇зра 2.48.1-7) –
Sukhañcejīvituṃ iccheti āyasmato dhaniyattherassa gāthā. Kā uppatti? Ayampi purimabuddhesu katādhikāro tattha tattha bhave puññāni upacinanto sikhissa bhagavato kāle kulagehe nibbattitvā viññutaṃ patto ekadivasaṃ satthāraṃ disvā pasannamānaso naḷamālāya pūjaṃ akāsi. So tena puññakammena devamanussesu saṃsaranto imasmiṃ buddhuppāde rājagahe kumbhakārakule nibbattitvā dhaniyoti laddhanāmo vayappatto kumbhakārakammena jīvati. Tena ca samayena satthā dhaniyassa kumbhakārassa sālāyaṃ nisīditvā pukkusātissa kulaputtassa chadhātuvibhaṅgasuttaṃ (ma. ni. 3.342 ādayo) desesi. So taṃ sutvā katakicco ahosi. Dhaniyo tassa parinibbutabhāvaṃ sutvā ‘‘niyyānikaṃ vata buddhasāsanaṃ, yattha ekarattiparicayenāpi vaṭṭadukkhato muñcituṃ sakkā’’ti paṭiladdhasaddho pabbajitvā kuṭimaṇḍanānuyutto viharanto kuṭikaraṇaṃ paṭicca bhagavatā garahito saṅghike senāsane vasanto vipassanaṃ vaḍḍhetvā arahattaṃ pāpuṇi. Tena vuttaṃ apadāne (apa. thera 2.48.1-7) –
‘‘суван̣н̣аван̣н̣ам̣ самб̣уд̣̇д̇хам̣, аахуд̇ийнам̣ бадиг̇г̇ахам̣;
‘‘Suvaṇṇavaṇṇaṃ sambuddhaṃ, āhutīnaṃ paṭiggahaṃ;
вибинаг̇г̇зна г̇ажчанд̇ам̣, ад̣̇д̣̇асам̣ логанааяагам̣.
Vipinaggena gacchantaṃ, addasaṃ lokanāyakaṃ.
‘‘нал̣амаалам̣ г̇ахзд̇ваана, нигкаманд̇о жа д̇аавад̣̇з;
‘‘Naḷamālaṃ gahetvāna, nikkhamanto ca tāvade;
д̇ад̇т̇ад̣̇д̣̇асаасим̣ самб̣уд̣̇д̇хам̣, огхад̇ин̣н̣аманаасавам̣.
Tatthaddasāsiṃ sambuddhaṃ, oghatiṇṇamanāsavaṃ.
‘‘басаннажид̇д̇о сумано, нал̣амааламабууж̇аяим̣;
‘‘Pasannacitto sumano, naḷamālamapūjayiṃ;
д̣̇агкин̣зяяам̣ махаавийрам̣, саб̣б̣алогаанугамбагам̣.
Dakkhiṇeyyaṃ mahāvīraṃ, sabbalokānukampakaṃ.
‘‘згад̇им̣сз ид̇о габбз, яам̣ мааламабхиробаяим̣;
‘‘Ekatiṃse ito kappe, yaṃ mālamabhiropayiṃ;
д̣̇уг̇г̇ад̇им̣ наабхиж̇аанаами, б̣уд̣̇д̇хабууж̇ааяид̣̇ам̣ палам̣.
Duggatiṃ nābhijānāmi, buddhapūjāyidaṃ phalaṃ.
‘‘гилзсаа жхаабид̇аа маяхам̣…бз… гад̇ам̣ б̣уд̣̇д̇хасса саасана’’нд̇и.
‘‘Kilesā jhāpitā mayhaṃ…pe… kataṃ buddhassa sāsana’’nti.
арахад̇д̇ам̣ бана бад̇ваа яз бхигкуу д̇худ̇ан̇г̇асамаад̇хаанзна ад̇д̇аанам̣ уггам̣сзд̇ваа сан̇гхабхад̇д̇аад̣̇им̣ саад̣̇ияанд̇з ан̃н̃з бхигкуу аваж̇аананд̇и, д̇зсам̣ оваад̣̇ад̣̇аанамукзна ан̃н̃ам̣ б̣яаагаронд̇о –
Arahattaṃ pana patvā ye bhikkhū dhutaṅgasamādhānena attānaṃ ukkaṃsetvā saṅghabhattādiṃ sādiyante aññe bhikkhū avajānanti, tesaṃ ovādadānamukhena aññaṃ byākaronto –
228.
228.
‘‘сукан̃жз ж̇ийвид̇ум̣ ижчз, сааман̃н̃асмим̣ абзгкаваа;
‘‘Sukhañce jīvituṃ icche, sāmaññasmiṃ apekkhavā;
сан̇гхигам̣ наад̇иман̃н̃зяяа, жийварам̣ баанабхож̇анам̣.
Saṅghikaṃ nātimaññeyya, cīvaraṃ pānabhojanaṃ.
229.
229.
сукан̃жз ж̇ийвид̇ум̣ ижчз, сааман̃н̃асмим̣ абзгкаваа;
Sukhañce jīvituṃ icche, sāmaññasmiṃ apekkhavā;
ахи муусигасоб̣бхам̣ва, сзвзт̇а саяанаасанам̣.
Ahi mūsikasobbhaṃva, sevetha sayanāsanaṃ.
230.
230.
сукан̃жз ж̇ийвид̇ум̣ ижчз, сааман̃н̃асмим̣ абзгкаваа;
Sukhañce jīvituṃ icche, sāmaññasmiṃ apekkhavā;
ид̇арийд̇арзна д̇уссзяяа, згад̇хамман̃жа бхааваяз’’д̇и. – д̇иссо г̇аат̇аа абхааси;
Itarītarena tusseyya, ekadhammañca bhāvaye’’ti. – tisso gāthā abhāsi;
д̇ад̇т̇а сукан̃жз ж̇ийвид̇ум̣ ижчз, сааман̃н̃асмим̣ абзгкаваад̇и сааман̃н̃асмим̣ саман̣абхаавз абзгкаваа сигкааяа д̇иб̣б̣аг̇аараво худ̇ваа сукам̣ ж̇ийвид̇ум̣ ижчзяяа жз, анзсанам̣ бахааяа сааман̃н̃асукзна сажз ж̇ийвид̇угаамод̇и ад̇т̇о . сан̇гхигам̣ наад̇иман̃н̃зяяа, жийварам̣ баанабхож̇ананд̇и сан̇гхад̇о аабхад̇ам̣ жийварам̣ аахаарам̣ на аваман̃н̃зяяа, сан̇гхасса уббаж̇ж̇анагалаабхо наама барисуд̣̇д̇хуббаад̣̇о ход̇ийд̇и д̇ам̣ барибхун̃ж̇анд̇асса ааж̇ийвабаарисуд̣̇д̇хисамбхавзна сааман̃н̃асукам̣ хад̇т̇аг̇ад̇амзваад̇и ад̇хиббааяо. ахи муусигасоб̣бхам̣ваад̇и ахи вияа муусигааяа кад̇аб̣илам̣ сзвзт̇а сзвзяяа сзнаасанам̣. яат̇аа наама саббо саяамад̇д̇ано аасаяам̣ агад̇ваа муусигааяа ан̃н̃зна ваа гад̇з аасаяз васид̇ваа язна гаамам̣ баггамад̇и, звамзвам̣ бхигку саяам̣ сзнаасанагаран̣аа сам̣гилзсам̣ анаабаж̇ж̇ид̇ваа яад̇т̇а гад̇т̇ажи васид̇ваа баггамзяяаад̇и ад̇т̇о.
Tattha sukhañce jīvituṃ icche, sāmaññasmiṃ apekkhavāti sāmaññasmiṃ samaṇabhāve apekkhavā sikkhāya tibbagāravo hutvā sukhaṃ jīvituṃ iccheyya ce, anesanaṃ pahāya sāmaññasukhena sace jīvitukāmoti attho . Saṅghikaṃ nātimaññeyya, cīvaraṃ pānabhojananti saṅghato ābhataṃ cīvaraṃ āhāraṃ na avamaññeyya, saṅghassa uppajjanakalābho nāma parisuddhuppādo hotīti taṃ paribhuñjantassa ājīvapārisuddhisambhavena sāmaññasukhaṃ hatthagatamevāti adhippāyo. Ahi mūsikasobbhaṃvāti ahi viya mūsikāya khatabilaṃ sevetha seveyya senāsanaṃ. Yathā nāma sappo sayamattano āsayaṃ akatvā mūsikāya aññena vā kate āsaye vasitvā yena kāmaṃ pakkamati, evamevaṃ bhikkhu sayaṃ senāsanakaraṇā saṃkilesaṃ anāpajjitvā yattha katthaci vasitvā pakkameyyāti attho.
ид̣̇аани вуд̇д̇з авуд̇д̇з жа бажжаяз яат̇аалаабхасанд̇осзнзва сааман̃н̃асукам̣ ход̇и, на ан̃н̃ат̇аад̇и д̣̇ассзнд̇о ааха ‘‘ид̇арийд̇арзна д̇уссзяяаа’’д̇и, язна гзнажи хийнзна ваа бан̣ийд̇зна ваа яат̇аалад̣̇д̇хзна бажжаязна санд̇осам̣ аабаж̇ж̇зяяаад̇и ад̇т̇о. згад̇хамманд̇и аббамаад̣̇абхаавам̣, д̇ан̃хи ануяун̃ж̇анд̇асса анаваж̇ж̇ам̣ саб̣б̣ам̣ логияасукам̣ логуд̇д̇арасукан̃жа хад̇т̇аг̇ад̇амзва ход̇и. д̇знааха бхаг̇аваа – ‘‘аббамад̇д̇о хи жхааяанд̇о, баббод̇и вибулам̣ сука’’нд̇и (ма. ни. 2.352; д̇ха. ба. 27).
Idāni vutte avutte ca paccaye yathālābhasantoseneva sāmaññasukhaṃ hoti, na aññathāti dassento āha ‘‘itarītarena tusseyyā’’ti, yena kenaci hīnena vā paṇītena vā yathāladdhena paccayena santosaṃ āpajjeyyāti attho. Ekadhammanti appamādabhāvaṃ, tañhi anuyuñjantassa anavajjaṃ sabbaṃ lokiyasukhaṃ lokuttarasukhañca hatthagatameva hoti. Tenāha bhagavā – ‘‘appamatto hi jhāyanto, pappoti vipulaṃ sukha’’nti (ma. ni. 2.352; dha. pa. 27).
д̇ханияад̇т̇зраг̇аат̇ааван̣н̣анаа нидтид̇аа.
Dhaniyattheragāthāvaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / т̇зраг̇аат̇аабаал̣и • Theragāthāpāḷi / 4. д̇ханияад̇т̇зраг̇аат̇аа • 4. Dhaniyattheragāthā
