| Library / Tipiṭaka / д̇ибидага • Tipiṭaka / вимад̇ивинод̣̇аний-дийгаа • Vimativinodanī-ṭīkā |
д̇ханияавад̇т̇уван̣н̣анаа
Dhaniyavatthuvaṇṇanā
84. рааж̇уухи г̇ахид̇анд̇и рааж̇аг̇аханд̇и ааха ‘‘манд̇хаад̇уу’’д̇и. рааж̇абурохид̇зна бариг̇г̇ахид̇амби рааж̇абариг̇г̇ахид̇амзваад̇и махааг̇овинд̣̇аг̇г̇ахан̣ам̣, наг̇арасад̣̇д̣̇аабзгкааяа жзд̇т̇а ‘‘рааж̇аг̇аха’’нд̇и набум̣саганид̣̇д̣̇зсо. ан̃н̃збзд̇т̇а багаарзд̇и сусам̣вихид̇аарагкад̇д̇аа рааж̇уунам̣ г̇ахам̣ г̇зхабхууд̇анд̇и рааж̇аг̇аханд̇иаад̣̇игз багаарз. васанд̇авананд̇и гийл̣ааванам̣, васанд̇агаалз гийл̣ааяа язбхуяяад̇д̇аа бана васанд̇авананд̇и вуд̇д̇ам̣.
84. Rājūhi gahitanti rājagahanti āha ‘‘mandhātū’’ti. Rājapurohitena pariggahitampi rājapariggahitamevāti mahāgovindaggahaṇaṃ, nagarasaddāpekkhāya cettha ‘‘rājagaha’’nti napuṃsakaniddeso. Aññepettha pakāreti susaṃvihitārakkhattā rājūnaṃ gahaṃ gehabhūtanti rājagahantiādike pakāre. Vasantavananti kīḷāvanaṃ, vasantakāle kīḷāya yebhuyyattā pana vasantavananti vuttaṃ.
сад̣̇ваараб̣анд̇хаад̇и вассуубаг̇аманаяог̇г̇ад̇аад̣̇ассанам̣. наалагабадибад̣̇анд̇и суд̇д̇анибаад̇з (су. ни. 684 аад̣̇аяо) наалагад̇т̇зрасса д̣̇зсид̇ам̣ монзяяабадибад̣̇ам̣. бан̃жаннам̣ чад̣̇анаананд̇и д̇ин̣абан̣н̣аидтагасилаасуд̇хаасан̇каад̇аанам̣ бан̃жаннам̣. но жз лабхад̇и…бз… саамамби гаад̇аб̣б̣анд̇и иминаа нааваасад̇т̇аваж̇з табзд̇ваа ан̃н̃ад̇т̇а ‘‘асзнаасаниго аха’’нд̇и аалаяагаран̣амад̇д̇зна убаг̇аманам̣ на ваддад̇и. сзнаасанам̣ бариязсид̇ваа важийбхзд̣̇ам̣ гад̇ваа вассам̣ убаг̇анд̇аб̣б̣амзваад̇и д̣̇ассзд̇и. ‘‘на, бхигкавз, асзнаасанигзнаа’’д̇иаад̣̇инаа (махаава. 204) хи баал̣ияам̣ ‘‘наалагабадибад̣̇ам̣ бадибаннзнаабий’’д̇и адтагат̇ааяан̃жа ависзсзна д̣̇ал̣хам̣ гад̇ваа вуд̇д̇ам̣, нааваасад̇т̇аваж̇зсуязва жа ‘‘ануж̇аанаами, бхигкавз, наавааяа вассам̣ убаг̇анд̇у’’нд̇иаад̣̇инаа (махаава. 203) асад̇иби сзнаасанз аалаяагаран̣авасзна вассуубаг̇аманам̣ анун̃н̃аад̇ам̣, наан̃н̃ад̇т̇аад̇и г̇ахзд̇аб̣б̣ам̣. аяамануд̇хаммад̇аад̇и саамийживад̇д̇ам̣. гад̇игавад̇д̇аанийд̇и бхассаараамад̇аад̣̇им̣ вихааяа саб̣б̣ад̣̇аа аббамад̇д̇зхи бхавид̇аб̣б̣анд̇иаад̣̇игад̇игавад̇д̇аани. канд̇хагавад̇д̇аанийд̇и ‘‘ааг̇анд̇угаад̣̇иканд̇хагавад̇д̇ам̣ буурзд̇аб̣б̣а’’нд̇и звам̣ канд̇хагавад̇д̇аани жа ад̇хидтахид̇ваа.
Sadvārabandhāti vassūpagamanayoggatādassanaṃ. Nālakapaṭipadanti suttanipāte (su. ni. 684 ādayo) nālakattherassa desitaṃ moneyyapaṭipadaṃ. Pañcannaṃ chadanānanti tiṇapaṇṇaiṭṭhakasilāsudhāsaṅkhātānaṃ pañcannaṃ. No ce labhati…pe… sāmampi kātabbanti iminā nāvāsatthavaje ṭhapetvā aññattha ‘‘asenāsaniko aha’’nti ālayakaraṇamattena upagamanaṃ na vaṭṭati. Senāsanaṃ pariyesitvā vacībhedaṃ katvā vassaṃ upagantabbamevāti dasseti. ‘‘Na, bhikkhave, asenāsanikenā’’tiādinā (mahāva. 204) hi pāḷiyaṃ ‘‘nālakapaṭipadaṃ paṭipannenāpī’’ti aṭṭhakathāyañca avisesena daḷhaṃ katvā vuttaṃ, nāvāsatthavajesuyeva ca ‘‘anujānāmi, bhikkhave, nāvāya vassaṃ upagantu’’ntiādinā (mahāva. 203) asatipi senāsane ālayakaraṇavasena vassūpagamanaṃ anuññātaṃ, nāññatthāti gahetabbaṃ. Ayamanudhammatāti sāmīcivattaṃ. Katikavattānīti bhassārāmatādiṃ vihāya sabbadā appamattehi bhavitabbantiādikatikavattāni. Khandhakavattānīti ‘‘āgantukādikhandhakavattaṃ pūretabba’’nti evaṃ khandhakavattāni ca adhiṭṭhahitvā.
вассам̣вуд̇т̇аад̇и бад̣̇асса адтагат̇ааяам̣ ‘‘буримигааяа убаг̇ад̇аа махаабавааран̣ааяа баваарид̇аа баадибад̣̇ад̣̇ивасад̇о бадтааяа ‘вуд̇т̇авассаа’д̇и вужжанд̇ий’’д̇и вуд̇д̇ад̇д̇аа махаабавааран̣аад̣̇ивасз баваарзд̇ваа ваа аббаваарзд̇ваа ваа ан̃н̃ад̇т̇а г̇ажчанд̇зхи сад̇д̇аахагаран̣ийяанимид̇д̇з сад̇и зва г̇анд̇аб̣б̣ам̣, наасад̇и, ид̇арат̇аа вассажчзд̣̇о д̣̇уггадан̃жа ход̇ийд̇и взд̣̇ид̇аб̣б̣ам̣. ‘‘имам̣ д̇змаасам̣ вассам̣ убзмий’’д̇и хи ‘‘на, бхигкавз, вассам̣ убаг̇анд̇ваа буримам̣ ваа д̇змаасам̣ бажчимам̣ ваа д̇змаасам̣ авасид̇ваа жааригаа баггамид̇аб̣б̣аа’’д̇и (махаава. 185) жа вуд̇д̇ам̣. ид̇хзва жа вассам̣вуд̇т̇аа д̇змаасажжаязна…бз… баггамим̣сууд̇и вуд̇д̇ам̣. бавааран̣аад̣̇ивасоби д̇змаасабарияаабаннова. гзжи бана ‘‘ануж̇аанаами, бхигкавз, вассам̣вуд̇т̇аанам̣ бхигкуунам̣ д̇ийхи таанзхи баваарзд̇унд̇и (махаава. 209) бавааран̣аагаммасса буб̣б̣зязва вассам̣вуд̇т̇аананд̇и вуд̇т̇авассад̇ааяа вуд̇д̇ад̇д̇аа махаабавааран̣аад̣̇ивасз сад̇д̇аахагаран̣ийяанимид̇д̇ам̣ винааби яат̇аасукам̣ г̇анд̇ум̣ ваддад̇ий’’д̇и вад̣̇анд̇и, д̇ам̣ д̇зсам̣ мад̇имад̇д̇ам̣, вуд̇т̇авассаанан̃хи бавааран̣аануж̇аананам̣ анубаг̇ад̇ачиннавассаад̣̇ийнам̣ нивад̇д̇анад̇т̇ам̣ гад̇ам̣, на бана бавааран̣аад̣̇ивасз авасид̇ваа баггамид̇аб̣б̣анд̇и д̣̇ассанад̇т̇ам̣ д̇ад̣̇ад̇т̇асса ид̇ха басан̇г̇аабхааваа, бавааран̣ам̣ гаад̇ум̣ анужчавигаанам̣ бавааран̣аа ид̇ха вид̇хийяад̇и, яз жа вассам̣ убаг̇анд̇ваа вассажчзд̣̇ан̃жа агад̇ваа яаава бавааран̣аад̣̇ивасаа васим̣су, д̇з д̇ад̇д̇агзна бавааран̣аагаммам̣ бад̇и барияааяад̇о вуд̇т̇авассаад̇и вужжанд̇и, аббагам̣ уунамад̇хигам̣ ваа г̇ан̣ануубаг̇ам̣ на ход̇ийд̇и н̃ааяад̇о, на гат̇инагаммам̣ бад̇и д̇змаасасса абарибун̣н̣ад̇д̇аа, ид̇арат̇аа д̇асмим̣ махаабавааран̣аад̣̇ивасзби гат̇инад̇т̇аараббасан̇г̇ад̇о. ‘‘ануж̇аанаами, бхигкавз, вассам̣вуд̇т̇аанам̣ бхигкуунам̣ гат̇инам̣ ад̇т̇арид̇у’’нд̇и (махаава. 306) ид̣̇ам̣ бана ‘‘на, бхигкавз, вассам̣ убаг̇анд̇ваа буримам̣ ваа д̇змаасам̣ бажчимам̣ ваа д̇змаасам̣ авасид̇ваа жааригаа баггамид̇аб̣б̣аа’’д̇иаад̣̇и (махаава. 185) жа ниббарияааяад̇о махаабавааран̣ааяа ананд̇арабаадибад̣̇ад̣̇ивасад̇о бадтааяа гат̇инад̇т̇аарам̣ баггаманан̃жа санд̇хааяа вуд̇д̇ам̣, бариваарз жа ‘‘гат̇инасса ад̇т̇аарамаасо ж̇аанид̇аб̣б̣о’’д̇и (бари. 412) вад̇ваа ‘‘вассаанасса бажчимо маасо ж̇аанид̇аб̣б̣о’’д̇и (бари. 412) вуд̇д̇ам̣. яо хи гат̇инад̇т̇аарасса гаало, д̇ад̇о бадтааязва жааригаабаггаманассааби гаало, на д̇ад̇о бурз вассам̣вуд̇т̇аанам̣язва гат̇инад̇т̇аараарахад̇д̇аа. яад̣̇аг̇г̇зна хи бавааран̣аад̣̇ивасз гат̇инад̇т̇ааро на ваддад̇и, д̇ад̣̇аг̇г̇зна бхигкууби вуд̇т̇авассаа на хонд̇и бавааран̣аад̣̇ивасасса авуд̇т̇ад̇д̇аа.
Vassaṃvutthāti padassa aṭṭhakathāyaṃ ‘‘purimikāya upagatā mahāpavāraṇāya pavāritā pāṭipadadivasato paṭṭhāya ‘vutthavassā’ti vuccantī’’ti vuttattā mahāpavāraṇādivase pavāretvā vā appavāretvā vā aññattha gacchantehi sattāhakaraṇīyanimitte sati eva gantabbaṃ, nāsati, itarathā vassacchedo dukkaṭañca hotīti veditabbaṃ. ‘‘Imaṃ temāsaṃ vassaṃ upemī’’ti hi ‘‘na, bhikkhave, vassaṃ upagantvā purimaṃ vā temāsaṃ pacchimaṃ vā temāsaṃ avasitvā cārikā pakkamitabbā’’ti (mahāva. 185) ca vuttaṃ. Idheva ca vassaṃvutthā temāsaccayena…pe… pakkamiṃsūti vuttaṃ. Pavāraṇādivasopi temāsapariyāpannova. Keci pana ‘‘anujānāmi, bhikkhave, vassaṃvutthānaṃ bhikkhūnaṃ tīhi ṭhānehi pavāretunti (mahāva. 209) pavāraṇākammassa pubbeyeva vassaṃvutthānanti vutthavassatāya vuttattā mahāpavāraṇādivase sattāhakaraṇīyanimittaṃ vināpi yathāsukhaṃ gantuṃ vaṭṭatī’’ti vadanti, taṃ tesaṃ matimattaṃ, vutthavassānañhi pavāraṇānujānanaṃ anupagatachinnavassādīnaṃ nivattanatthaṃ kataṃ, na pana pavāraṇādivase avasitvā pakkamitabbanti dassanatthaṃ tadatthassa idha pasaṅgābhāvā, pavāraṇaṃ kātuṃ anucchavikānaṃ pavāraṇā idha vidhīyati, ye ca vassaṃ upagantvā vassacchedañca akatvā yāva pavāraṇādivasā vasiṃsu, te tattakena pavāraṇākammaṃ pati pariyāyato vutthavassāti vuccanti, appakaṃ ūnamadhikaṃ vā gaṇanūpagaṃ na hotīti ñāyato, na kathinakammaṃ pati temāsassa aparipuṇṇattā, itarathā tasmiṃ mahāpavāraṇādivasepi kathinatthārappasaṅgato. ‘‘Anujānāmi, bhikkhave, vassaṃvutthānaṃ bhikkhūnaṃ kathinaṃ attharitu’’nti (mahāva. 306) idaṃ pana ‘‘na, bhikkhave, vassaṃ upagantvā purimaṃ vā temāsaṃ pacchimaṃ vā temāsaṃ avasitvā cārikā pakkamitabbā’’tiādi (mahāva. 185) ca nippariyāyato mahāpavāraṇāya anantarapāṭipadadivasato paṭṭhāya kathinatthāraṃ pakkamanañca sandhāya vuttaṃ, parivāre ca ‘‘kathinassa atthāramāso jānitabbo’’ti (pari. 412) vatvā ‘‘vassānassa pacchimo māso jānitabbo’’ti (pari. 412) vuttaṃ. Yo hi kathinatthārassa kālo, tato paṭṭhāyeva cārikāpakkamanassāpi kālo, na tato pure vassaṃvutthānaṃyeva kathinatthārārahattā. Yadaggena hi pavāraṇādivase kathinatthāro na vaṭṭati, tadaggena bhikkhūpi vutthavassā na honti pavāraṇādivasassa avutthattā.
яам̣ бана саарад̇т̇ад̣̇ийбанияам̣ (саарад̇т̇а. дий. баарааж̇игаган̣д̣а 2.84) ‘‘згад̣̇зсзна авуд̇т̇амби д̇ам̣ д̣̇ивасам̣ вуд̇т̇абхааг̇аабзгкааяа вуд̇т̇амзва ход̇ий’’д̇иаад̣̇и вуд̇д̇ам̣, д̇ам̣ на яуд̇д̇ам̣, д̇ам̣д̣̇ивасабарияосаанз арун̣уг̇г̇аманагаалз васанд̇ова хи д̇ам̣ д̣̇ивасам̣ вуд̇т̇о наама ход̇и бариваасааран̃н̃аваасаад̣̇ийсу вияа, аяан̃жа вижааран̣аа убари вассуубанааяигагканд̇хагз аави бхависсад̇ийд̇и д̇ад̇т̇зва д̇ам̣ баагадам̣ гариссаама.
Yaṃ pana sāratthadīpaniyaṃ (sārattha. ṭī. pārājikakaṇḍa 2.84) ‘‘ekadesena avutthampi taṃ divasaṃ vutthabhāgāpekkhāya vutthameva hotī’’tiādi vuttaṃ, taṃ na yuttaṃ, taṃdivasapariyosāne aruṇuggamanakāle vasantova hi taṃ divasaṃ vuttho nāma hoti parivāsaaraññavāsādīsu viya, ayañca vicāraṇā upari vassūpanāyikakkhandhake āvi bhavissatīti tattheva taṃ pākaṭaṃ karissāma.
махаабавааран̣ааяа баваарид̇аад̇и буримигааяа вассам̣ убаг̇анд̇ваа ажчиннавассад̇аад̣̇ассанабарам̣ зд̇ам̣ гзнажи анд̇арааязна аббаваарид̇аанамби вуд̇т̇авассад̇д̇аа. на овассияад̇ийд̇и ановассаганд̇и гаммасаад̇ханам̣ д̣̇адтаб̣б̣ам̣, яат̇аа на д̇змияад̇и, д̇ат̇аа гад̇ваад̇и ад̇т̇о. анаваяод̇и зд̇т̇а анусад̣̇д̣̇о вижчааяам̣ вад̇д̇ад̇ийд̇и ааха ану ану аваяод̇иаад̣̇и. аажарияасса гаммам̣ аажарияаганд̇и ааха ‘‘аажарияагаммз’’д̇и. гадтагаммам̣ т̇амбхаад̣̇и. д̇злад̇амб̣амад̇д̇игааяаад̇и д̇зламиссааяа д̇амб̣амад̇д̇игааяа.
Mahāpavāraṇāyapavāritāti purimikāya vassaṃ upagantvā acchinnavassatādassanaparaṃ etaṃ kenaci antarāyena appavāritānampi vutthavassattā. Na ovassiyatīti anovassakanti kammasādhanaṃ daṭṭhabbaṃ, yathā na temiyati, tathā katvāti attho. Anavayoti ettha anusaddo vicchāyaṃ vattatīti āha anu anu avayotiādi. Ācariyassa kammaṃ ācariyakanti āha ‘‘ācariyakamme’’ti. Kaṭṭhakammaṃ thambhādi. Telatambamattikāyāti telamissāya tambamattikāya.
85. гудигааяа гаран̣абхааванд̇и гудияаа гад̇абхаавам̣. гим̣-сад̣̇д̣̇аббаяог̇з анааг̇ад̇аббажжаяавид̇хаанам̣ санд̇хааяа д̇асса лагкан̣анд̇иаад̣̇и вуд̇д̇ам̣. гин̃жааби т̇зрасса баан̣агхаад̇аад̇хиббааяо над̇т̇и, анубабаригкид̇ваа гаран̣зна бана б̣ахуунам̣ баан̣аанам̣ маран̣ад̇д̇аа баан̣з б̣яааб̣аад̇хзнд̇ассаад̇иаад̣̇и вуд̇д̇ам̣. баад̇аб̣яабхааванд̇и винаасзд̇аб̣б̣ад̇ам̣. баан̣аад̇ибаад̇ам̣ гаронд̇аананд̇и т̇зрзна агад̇зби баан̣аад̇ибаад̇з баан̣агаанам̣ маран̣амад̇д̇зна бажчимаанам̣ лзсзна г̇ахан̣аагаарам̣ д̣̇ассзд̇и, д̇зна жа ‘‘мама д̇аад̣̇исам̣ агусалам̣ над̇т̇ий’’д̇и бажчимаанам̣ вибаллаасалзсаг̇г̇ахан̣анимид̇д̇агижжам̣ на гад̇д̇аб̣б̣анд̇и д̣̇ийбид̇ам̣ ход̇и. д̣̇идтаануг̇ад̇инд̇и д̣̇идтасса гаммасса анубаг̇аманам̣ анугирияам̣, д̣̇идтияаа ваа лад̣̇д̇хияаа ануг̇аманам̣ г̇аахам̣. гхам̣сид̇аб̣б̣зд̇и мад̣̇д̣̇ид̇аб̣б̣з, винаасид̇аб̣б̣зд̇и ад̇т̇о. гад̇ам̣ лабхид̇ваа д̇ад̇т̇а васанд̇аанамби д̣̇уггадамзваад̇и ид̣̇ам̣ бхаг̇авад̇аа гудияаа бхзд̣̇аабанаважанзна сид̣̇д̇хам̣, сааби д̇ин̣ад̣̇аб̣б̣асамбхаарзхи д̇улаат̇амбхаад̣̇ийхи амиссаа суд̣̇д̇хамад̇д̇игаамаяааби идтагаахи гад̇аа ваддад̇и. гзжи хи идтагаахиязва т̇амбхз жинид̇ваа д̇ад̣̇убари идтагаахиязва вид̇аанаад̣̇исан̣таанзна д̇улаад̣̇ид̣̇аарусамбхааравирахид̇ам̣ чад̣̇анамби б̣анд̇хид̇ваа идтагаамаяамзва аавасат̇ам̣ гаронд̇и, д̇аад̣̇исам̣ ваддад̇и. г̇ин̃ж̇агаавасат̇асан̇кзбзна гад̇аад̇и зд̇т̇а г̇ин̃ж̇агаа вужжанд̇и идтагаа, д̇аахиязва гад̇о аавасат̇о г̇ин̃ж̇агаавасат̇о. ваяагаммамбийд̇и мад̇д̇игуд̣̇д̇хааран̣аидтагад̣̇ааружчзд̣̇анаад̣̇игаарагаанам̣ д̣̇иннабхад̇д̇авзд̇д̇анаад̣̇ивад̇т̇уб̣б̣аязна нибпаннагаммамби ад̇т̇и, зд̇зна гудибхзд̣̇агаанам̣ г̇ийваад̣̇ибхаавам̣ барисан̇гад̇и. д̇ид̇т̇ияад̇хаж̇од̇и д̇ид̇т̇ияаанамзва сан̃н̃аан̣абхууд̇ад̇д̇аа вуд̇д̇ам̣. д̇з хи ийд̣̇исзсу жаадиаад̣̇ийсу васанд̇и. ан̃н̃аанибийд̇и би-сад̣̇д̣̇зна ад̇д̇анаа вуд̇д̇агааран̣ад̣̇ваяамби махааадтагат̇ааяамзва вуд̇д̇анд̇и д̣̇ассзд̇и. яасмаа саб̣б̣амад̇д̇игаамаяаа гуди сийд̇агаалз ад̇исийд̇аа ун̣хагаалз жа ун̣хаа сугараа жа ход̇и жорзхи бхинд̣̇ид̇ум̣, д̇асмаа д̇ад̇т̇а табид̇абад̇д̇ажийвараад̣̇игам̣ сийд̇ун̣хажораад̣̇ийхи винассад̇ийд̇и вуд̇д̇ам̣ ‘‘бад̇д̇ажийвараг̇уд̇д̇ад̇т̇ааяаа’’д̇и. чинд̣̇аабзяяа ваа бхинд̣̇аабзяяа ваа анубаваж̇ж̇од̇и ид̣̇ам̣ аяам̣ гуди вияа саб̣б̣ат̇аа анубаяог̇аарахам̣ санд̇хааяа вуд̇д̇ам̣. яам̣ бана бан̃жаван̣н̣асуд̇д̇зхи винад̣̇д̇хачад̇д̇аад̣̇игам̣, д̇ад̇т̇а агаббияабхааг̇ова чинд̣̇ид̇аб̣б̣о, на д̇ад̣̇авасзсо д̇асса габбияад̇д̇аа, д̇ам̣ чинд̣̇анд̇о убаваж̇ж̇ова ход̇и. д̇знзва вагкад̇и ‘‘гхадагамби ваал̣аруубамби бхинд̣̇ид̇ваа д̇хаарзд̇аб̣б̣а’’нд̇иаад̣̇и.
85.Kuṭikāya karaṇabhāvanti kuṭiyā katabhāvaṃ. Kiṃ-saddappayoge anāgatappaccayavidhānaṃ sandhāya tassa lakkhaṇantiādi vuttaṃ. Kiñcāpi therassa pāṇaghātādhippāyo natthi, anupaparikkhitvā karaṇena pana bahūnaṃ pāṇānaṃ maraṇattā pāṇe byābādhentassātiādi vuttaṃ. Pātabyabhāvanti vināsetabbataṃ. Pāṇātipātaṃ karontānanti therena akatepi pāṇātipāte pāṇakānaṃ maraṇamattena pacchimānaṃ lesena gahaṇākāraṃ dasseti, tena ca ‘‘mama tādisaṃ akusalaṃ natthī’’ti pacchimānaṃ vipallāsalesaggahaṇanimittakiccaṃ na kattabbanti dīpitaṃ hoti. Diṭṭhānugatinti diṭṭhassa kammassa anupagamanaṃ anukiriyaṃ, diṭṭhiyā vā laddhiyā anugamanaṃ gāhaṃ. Ghaṃsitabbeti madditabbe, vināsitabbeti attho. Kataṃ labhitvā tattha vasantānampi dukkaṭamevāti idaṃ bhagavatā kuṭiyā bhedāpanavacanena siddhaṃ, sāpi tiṇadabbasambhārehi tulāthambhādīhi amissā suddhamattikāmayāpi iṭṭhakāhi katā vaṭṭati. Keci hi iṭṭhakāhiyeva thambhe cinitvā tadupari iṭṭhakāhiyeva vitānādisaṇṭhānena tulādidārusambhāravirahitaṃ chadanampi bandhitvā iṭṭhakāmayameva āvasathaṃ karonti, tādisaṃ vaṭṭati. Giñjakāvasathasaṅkhepena katāti ettha giñjakā vuccanti iṭṭhakā, tāhiyeva kato āvasatho giñjakāvasatho. Vayakammampīti mattikuddhāraṇaiṭṭhakadārucchedanādikārakānaṃ dinnabhattavettanādivatthubbayena nipphannakammampi atthi, etena kuṭibhedakānaṃ gīvādibhāvaṃ parisaṅkati. Titthiyadhajoti titthiyānameva saññāṇabhūtattā vuttaṃ. Te hi īdisesu cāṭiādīsu vasanti. Aññānipīti pi-saddena attanā vuttakāraṇadvayampi mahāaṭṭhakathāyameva vuttanti dasseti. Yasmā sabbamattikāmayā kuṭi sītakāle atisītā uṇhakāle ca uṇhā sukarā ca hoti corehi bhindituṃ, tasmā tattha ṭhapitapattacīvarādikaṃ sītuṇhacorādīhi vinassatīti vuttaṃ ‘‘pattacīvaraguttatthāyā’’ti. Chindāpeyya vā bhindāpeyya vā anupavajjoti idaṃ ayaṃ kuṭi viya sabbathā anupayogārahaṃ sandhāya vuttaṃ. Yaṃ pana pañcavaṇṇasuttehi vinaddhachattādikaṃ, tattha akappiyabhāgova chinditabbo, na tadavaseso tassa kappiyattā, taṃ chindanto upavajjova hoti. Teneva vakkhati ‘‘ghaṭakampi vāḷarūpampi bhinditvā dhāretabba’’ntiādi.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махаавибхан̇г̇а • Mahāvibhaṅga / 2. д̣̇уд̇ияабаарааж̇игам̣ • 2. Dutiyapārājikaṃ
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махаавибхан̇г̇а-адтагат̇аа • Mahāvibhaṅga-aṭṭhakathā / 2. д̣̇уд̇ияабаарааж̇игам̣ • 2. Dutiyapārājikaṃ
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / д̇ханияавад̇т̇уван̣н̣анаа • Dhaniyavatthuvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / д̇ханияавад̇т̇уван̣н̣анаа • Dhaniyavatthuvaṇṇanā
