| Library / Tipiṭaka / திபிடக • Tipiṭaka / ஸங்யுத்தனிகாய • Saṃyuttanikāya |
6. த⁴னுக்³க³ஹஸுத்தங்
6. Dhanuggahasuttaṃ
228. ஸாவத்தி²யங் விஹரதி…பே॰… ‘‘ஸெய்யதா²பி, பி⁴க்க²வே, சத்தாரோ த³ள்ஹத⁴ம்மா த⁴னுக்³க³ஹா ஸுஸிக்கி²தா கதஹத்தா² கதூபாஸனா சதுத்³தி³ஸா டி²தா அஸ்ஸு. அத² புரிஸோ ஆக³ச்செ²ய்ய – ‘அஹங் இமேஸங் சதுன்னங் த³ள்ஹத⁴ம்மானங் த⁴னுக்³க³ஹானங் ஸுஸிக்கி²தானங் கதஹத்தா²னங் கதூபாஸனானங் சதுத்³தி³ஸா கண்டே³ கி²த்தே அப்பதிட்டி²தே பத²வியங் க³ஹெத்வா ஆஹரிஸ்ஸாமீ’தி. தங் கிங் மஞ்ஞத², பி⁴க்க²வே, ‘ஜவனோ புரிஸோ பரமேன ஜவேன ஸமன்னாக³தோ’தி அலங் வசனாயா’’தி?
228. Sāvatthiyaṃ viharati…pe… ‘‘seyyathāpi, bhikkhave, cattāro daḷhadhammā dhanuggahā susikkhitā katahatthā katūpāsanā catuddisā ṭhitā assu. Atha puriso āgaccheyya – ‘ahaṃ imesaṃ catunnaṃ daḷhadhammānaṃ dhanuggahānaṃ susikkhitānaṃ katahatthānaṃ katūpāsanānaṃ catuddisā kaṇḍe khitte appatiṭṭhite pathaviyaṃ gahetvā āharissāmī’ti. Taṃ kiṃ maññatha, bhikkhave, ‘javano puriso paramena javena samannāgato’ti alaṃ vacanāyā’’ti?
‘‘ஏகஸ்ஸ சேபி, ப⁴ந்தே, த³ள்ஹத⁴ம்மஸ்ஸ த⁴னுக்³க³ஹஸ்ஸ ஸுஸிக்கி²தஸ்ஸ கதஹத்த²ஸ்ஸ கதூபாஸனஸ்ஸ கண்ட³ங் கி²த்தங் அப்பதிட்டி²தங் பத²வியங் க³ஹெத்வா ஆஹரெய்ய – ‘ஜவனோ புரிஸோ பரமேன ஜவேன ஸமன்னாக³தோ’தி அலங் வசனாய, கோ பன வாதோ³ சதுன்னங் த³ள்ஹத⁴ம்மானங் த⁴னுக்³க³ஹானங் ஸுஸிக்கி²தானங் கதஹத்தா²னங் கதூபாஸனான’’ந்தி?
‘‘Ekassa cepi, bhante, daḷhadhammassa dhanuggahassa susikkhitassa katahatthassa katūpāsanassa kaṇḍaṃ khittaṃ appatiṭṭhitaṃ pathaviyaṃ gahetvā āhareyya – ‘javano puriso paramena javena samannāgato’ti alaṃ vacanāya, ko pana vādo catunnaṃ daḷhadhammānaṃ dhanuggahānaṃ susikkhitānaṃ katahatthānaṃ katūpāsanāna’’nti?
‘‘யதா² ச, பி⁴க்க²வே, தஸ்ஸ புரிஸஸ்ஸ ஜவோ, யதா² ச சந்தி³மஸூரியானங் ஜவோ, ததோ ஸீக⁴தரோ. யதா² ச, பி⁴க்க²வே, தஸ்ஸ புரிஸஸ்ஸ ஜவோ யதா² ச சந்தி³மஸூரியானங் ஜவோ யதா² ச யா தே³வதா சந்தி³மஸூரியானங் புரதோ தா⁴வந்தி தாஸங் தே³வதானங் ஜவோ, ( ) 1 ததோ ஸீக⁴தரங் ஆயுஸங்கா²ரா கி²யந்தி. தஸ்மாதிஹ , பி⁴க்க²வே, ஏவங் ஸிக்கி²தப்³ப³ங் – ‘அப்பமத்தா விஹரிஸ்ஸாமா’தி. ஏவஞ்ஹி வோ, பி⁴க்க²வே, ஸிக்கி²தப்³ப³’’ந்தி. ச²ட்ட²ங்.
‘‘Yathā ca, bhikkhave, tassa purisassa javo, yathā ca candimasūriyānaṃ javo, tato sīghataro. Yathā ca, bhikkhave, tassa purisassa javo yathā ca candimasūriyānaṃ javo yathā ca yā devatā candimasūriyānaṃ purato dhāvanti tāsaṃ devatānaṃ javo, ( ) 2 tato sīghataraṃ āyusaṅkhārā khiyanti. Tasmātiha , bhikkhave, evaṃ sikkhitabbaṃ – ‘appamattā viharissāmā’ti. Evañhi vo, bhikkhave, sikkhitabba’’nti. Chaṭṭhaṃ.
Footnotes:
Related texts:
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) / 6. த⁴னுக்³க³ஹஸுத்தவண்ணனா • 6. Dhanuggahasuttavaṇṇanā
டீகா • Tīkā / ஸுத்தபிடக (டீகா) • Suttapiṭaka (ṭīkā) / ஸங்யுத்தனிகாய (டீகா) • Saṃyuttanikāya (ṭīkā) / 6. த⁴னுக்³க³ஹஸுத்தவண்ணனா • 6. Dhanuggahasuttavaṇṇanā
