| Library / Tipiṭaka / д̇ибидага • Tipiṭaka / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) |
6. д̇хануг̇г̇ахасуд̇д̇аван̣н̣анаа
6. Dhanuggahasuttavaṇṇanā
228. чадтз д̣̇ал̣хад̇хаммаа д̇хануг̇г̇ахаад̇и д̣̇ал̣хад̇хануно иссаасаа. д̣̇ал̣хад̇хану наама д̣̇висахассат̇аамам̣ вужжад̇и, д̣̇висахассат̇аамам̣ наама яасса ааробид̇асса ж̇ияааб̣ад̣̇д̇хо лохасийсаад̣̇ийнам̣ бхааро д̣̇ан̣д̣з г̇ахзд̇ваа яаава ган̣д̣аббамаан̣аа угкид̇д̇асса бат̇авид̇о мужжад̇и. сусигкид̇аад̇и д̣̇асад̣̇ваад̣̇асавассаани аажарияагулз уг̇г̇ахид̇асиббаа. гад̇ахад̇т̇аад̇и яо сиббамзва уг̇г̇ан̣хаад̇и, со гад̇ахад̇т̇о на ход̇и, имз бана гад̇ахад̇т̇аа жин̣н̣авасийбхааваа. гад̇уубаасанаад̇и рааж̇агулаад̣̇ийсу д̣̇ассид̇асиббаа.
228. Chaṭṭhe daḷhadhammā dhanuggahāti daḷhadhanuno issāsā. Daḷhadhanu nāma dvisahassathāmaṃ vuccati, dvisahassathāmaṃ nāma yassa āropitassa jiyābaddho lohasīsādīnaṃ bhāro daṇḍe gahetvā yāva kaṇḍappamāṇā ukkhittassa pathavito muccati. Susikkhitāti dasadvādasavassāni ācariyakule uggahitasippā. Katahatthāti yo sippameva uggaṇhāti, so katahattho na hoti, ime pana katahatthā ciṇṇavasībhāvā. Katūpāsanāti rājakulādīsu dassitasippā.
д̇асса бурисасса ж̇авод̇и зваруубо ан̃н̃о бурисо наама на бхууд̇абуб̣б̣о, б̣од̇хисад̇д̇ассзва бана ж̇аванахам̣сагаало наама ааси. д̇ад̣̇аа б̣од̇хисад̇д̇о жад̇д̇аари ган̣д̣аани аахари. д̇ад̣̇аа гирасса ганидтабхаад̇аро ‘‘маяам̣, бхаад̇ига, сууриязна сад̣̇д̇хим̣ ж̇ависсаамаа’’д̇и аарожзсум̣. б̣од̇хисад̇д̇о ааха – ‘‘суурияо сийгхаж̇аво, на сагкиссат̇а д̇умхз д̇зна сад̣̇д̇хим̣ ж̇авид̇у’’нд̇и. д̇з д̣̇уд̇ияам̣ д̇ад̇ияамби д̇ат̇зва вад̇ваа згад̣̇ивасам̣ ‘‘г̇ажчаамаа’’д̇и яуг̇анд̇харабаб̣б̣ад̇ам̣ аарухид̇ваа нисийд̣̇им̣су. б̣од̇хисад̇д̇о ‘‘гахам̣ мз бхаад̇аро’’д̇и? бужчид̇ваа, ‘‘сууриязна сад̣̇д̇хим̣ ж̇авид̇ум̣ г̇ад̇аа’’д̇и вуд̇д̇з, ‘‘винассиссанд̇и д̇абассино’’д̇и д̇з анугамбамаано саяамби г̇анд̇ваа д̇зсам̣ санд̇игз нисийд̣̇и. ат̇а суурияз уг̇г̇ажчанд̇з д̣̇взби бхаад̇аро сууриязна сад̣̇д̇хим̣язва аагаасам̣ багканд̇аа, б̣од̇хисад̇д̇оби д̇зхи сад̣̇д̇хим̣язва багканд̇о. д̇зсу згасса абад̇д̇зязва анд̇арабхад̇д̇асамаяз багканд̇арзсу аг̇г̇и удтахи, со бхаад̇арам̣ баггосид̇ваа ‘‘на саггомий’’д̇и ааха. д̇амзнам̣ б̣од̇хисад̇д̇о ‘‘маа бхааяий’’д̇и самассаасзд̇ваа багкабан̃ж̇арзна баливзтзд̇ваа д̣̇арат̇ам̣ винод̣̇зд̇ваа ‘‘г̇ажчаа’’д̇и бзсзси.
Tassa purisassa javoti evarūpo añño puriso nāma na bhūtapubbo, bodhisattasseva pana javanahaṃsakālo nāma āsi. Tadā bodhisatto cattāri kaṇḍāni āhari. Tadā kirassa kaniṭṭhabhātaro ‘‘mayaṃ, bhātika, sūriyena saddhiṃ javissāmā’’ti ārocesuṃ. Bodhisatto āha – ‘‘sūriyo sīghajavo, na sakkhissatha tumhe tena saddhiṃ javitu’’nti. Te dutiyaṃ tatiyampi tatheva vatvā ekadivasaṃ ‘‘gacchāmā’’ti yugandharapabbataṃ āruhitvā nisīdiṃsu. Bodhisatto ‘‘kahaṃ me bhātaro’’ti? Pucchitvā, ‘‘sūriyena saddhiṃ javituṃ gatā’’ti vutte, ‘‘vinassissanti tapassino’’ti te anukampamāno sayampi gantvā tesaṃ santike nisīdi. Atha sūriye uggacchante dvepi bhātaro sūriyena saddhiṃyeva ākāsaṃ pakkhantā, bodhisattopi tehi saddhiṃyeva pakkhanto. Tesu ekassa apatteyeva antarabhattasamaye pakkhantaresu aggi uṭṭhahi, so bhātaraṃ pakkositvā ‘‘na sakkomī’’ti āha. Tamenaṃ bodhisatto ‘‘mā bhāyī’’ti samassāsetvā pakkhapañjarena paliveṭhetvā darathaṃ vinodetvā ‘‘gacchā’’ti pesesi.
д̣̇уд̇ияо яаава анд̇арабхад̇д̇аа ж̇авид̇ваа багканд̇арзсу аг̇г̇имхи удтахид̇з д̇ат̇звааха. д̇амби со д̇ат̇зва гад̇ваа ‘‘г̇ажчаа’’д̇и бзсзси. саяам̣ бана яаава маж̇жханхигаа ж̇авид̇ваа, ‘‘зд̇з б̣аалаад̇и маяааби б̣аалзна на бхавид̇аб̣б̣а’’нд̇и нивад̇д̇ид̇ваа – ‘‘ад̣̇идтасахааяагам̣ б̣аараан̣асирааж̇ам̣ бассиссаамий’’д̇и б̣аараан̣асим̣ аг̇амааси. д̇асмим̣ наг̇арамад̇т̇агз бариб̣бхаманд̇з д̣̇ваад̣̇асаяож̇анам̣ наг̇арам̣ бад̇д̇агадаахзна од̇т̇адабад̇д̇о вияа ахоси. ат̇а бариб̣бхаманд̇асса бариб̣бхаманд̇асса д̇ад̇т̇а д̇ад̇т̇а чид̣̇д̣̇аани бан̃н̃ааяим̣су. саяамби анзгахам̣сасахассасад̣̇исо бан̃н̃ааяи. со взг̇ам̣ бадисам̣харид̇ваа рааж̇аг̇зхаабхимуко ахоси. рааж̇аа ологзд̇ваа – ‘‘ааг̇ад̇о гира мз бияасахааяо ж̇аванахам̣со’’д̇и ваад̇абаанам̣ виварид̇ваа рад̇анабийтам̣ бан̃н̃аабзд̇ваа ологзнд̇о адтааси. б̣од̇хисад̇д̇о рад̇анабийтз нисийд̣̇и.
Dutiyo yāva antarabhattā javitvā pakkhantaresu aggimhi uṭṭhahite tathevāha. Tampi so tatheva katvā ‘‘gacchā’’ti pesesi. Sayaṃ pana yāva majjhanhikā javitvā, ‘‘ete bālāti mayāpi bālena na bhavitabba’’nti nivattitvā – ‘‘adiṭṭhasahāyakaṃ bārāṇasirājaṃ passissāmī’’ti bārāṇasiṃ agamāsi. Tasmiṃ nagaramatthake paribbhamante dvādasayojanaṃ nagaraṃ pattakaṭāhena otthaṭapatto viya ahosi. Atha paribbhamantassa paribbhamantassa tattha tattha chiddāni paññāyiṃsu. Sayampi anekahaṃsasahassasadiso paññāyi. So vegaṃ paṭisaṃharitvā rājagehābhimukho ahosi. Rājā oloketvā – ‘‘āgato kira me piyasahāyo javanahaṃso’’ti vātapānaṃ vivaritvā ratanapīṭhaṃ paññāpetvā olokento aṭṭhāsi. Bodhisatto ratanapīṭhe nisīdi.
ат̇асса рааж̇аа сахассабаагзна д̇злзна багканд̇араани магкзд̇ваа, мад̇хулааж̇з жзва мад̇хурабаанаган̃жа ад̣̇ааси. д̇ад̇о нам̣ гад̇абарибхог̇ам̣ ‘‘самма, гахам̣ аг̇амаасий’’д̇и? бужчи. со д̇ам̣ бавад̇д̇им̣ аарожзд̇ваа ‘‘ат̇аахам̣, махаарааж̇а, яаава маж̇жханхигаа ж̇авид̇ваа – ‘над̇т̇и ж̇авид̇зна ад̇т̇о’д̇и нивад̇д̇о’’д̇и аажигки. ат̇а рааж̇аа ааха – ‘‘ахам̣, саами, д̇умхаагам̣ сууриязна сад̣̇д̇хим̣ ж̇аванавзг̇ам̣ бассид̇угаамо’’д̇и . д̣̇уггарам̣, махаарааж̇а, на саггаа д̇аяаа бассид̇унд̇и. д̇зна хи, саами, саригкагамад̇д̇амби д̣̇ассзхийд̇и. аама, махаарааж̇а, д̇хануг̇г̇ахз саннибаад̇зхийд̇и. рааж̇аа саннибаад̇зси. хам̣со д̇ад̇о жад̇д̇ааро г̇ахзд̇ваа наг̇арамаж̇жхз д̇оран̣ам̣ гаарзд̇ваа ад̇д̇ано г̇ийвааяа гхан̣д̣ам̣ бил̣анд̇хаабзд̇ваа д̇оран̣асса убари нисийд̣̇ид̇ваа – ‘‘жад̇д̇ааро ж̇анаа д̇оран̣ам̣ ниссааяа жад̇уд̣̇исаабхимукаа згзгам̣ ган̣д̣ам̣ кибанд̇уу’’д̇и вад̇ваа, саяам̣ батамаган̣д̣знзва сад̣̇д̇хим̣ уббад̇ид̇ваа, д̇ам̣ ган̣д̣ам̣ аг̇г̇ахзд̇ваава, д̣̇агкин̣аабхимукам̣ г̇ад̇аган̣д̣ам̣ д̇хануд̇о рад̇анамад̇д̇аабаг̇ад̇ам̣ г̇ан̣хи. д̣̇уд̇ияам̣ д̣̇вирад̇анамад̇д̇аабаг̇ад̇ам̣, д̇ад̇ияам̣ д̇ирад̇анамад̇д̇аабаг̇ад̇ам̣, жад̇уд̇т̇ам̣ бхуумим̣ аббад̇д̇амзва г̇ан̣хи. ат̇а нам̣ жад̇д̇аари ган̣д̣аани г̇ахзд̇ваа д̇оран̣з нисиннагаалзязва ад̣̇д̣̇асам̣су. со рааж̇аанам̣ ааха – ‘‘басса, махаарааж̇а, звам̣сийгхо амхаагам̣ ж̇аво’’д̇и. звам̣ б̣од̇хисад̇д̇знзва ж̇аванахам̣сагаалз д̇аани ган̣д̣аани аахарид̇аанийд̇и взд̣̇ид̇аб̣б̣аани.
Athassa rājā sahassapākena telena pakkhantarāni makkhetvā, madhulāje ceva madhurapānakañca adāsi. Tato naṃ kataparibhogaṃ ‘‘samma, kahaṃ agamāsī’’ti? Pucchi. So taṃ pavattiṃ ārocetvā ‘‘athāhaṃ, mahārāja, yāva majjhanhikā javitvā – ‘natthi javitena attho’ti nivatto’’ti ācikkhi. Atha rājā āha – ‘‘ahaṃ, sāmi, tumhākaṃ sūriyena saddhiṃ javanavegaṃ passitukāmo’’ti . Dukkaraṃ, mahārāja, na sakkā tayā passitunti. Tena hi, sāmi, sarikkhakamattampi dassehīti. Āma, mahārāja, dhanuggahe sannipātehīti. Rājā sannipātesi. Haṃso tato cattāro gahetvā nagaramajjhe toraṇaṃ kāretvā attano gīvāya ghaṇḍaṃ piḷandhāpetvā toraṇassa upari nisīditvā – ‘‘cattāro janā toraṇaṃ nissāya catudisābhimukhā ekekaṃ kaṇḍaṃ khipantū’’ti vatvā, sayaṃ paṭhamakaṇḍeneva saddhiṃ uppatitvā, taṃ kaṇḍaṃ aggahetvāva, dakkhiṇābhimukhaṃ gatakaṇḍaṃ dhanuto ratanamattāpagataṃ gaṇhi. Dutiyaṃ dviratanamattāpagataṃ, tatiyaṃ tiratanamattāpagataṃ, catutthaṃ bhūmiṃ appattameva gaṇhi. Atha naṃ cattāri kaṇḍāni gahetvā toraṇe nisinnakāleyeva addasaṃsu. So rājānaṃ āha – ‘‘passa, mahārāja, evaṃsīgho amhākaṃ javo’’ti. Evaṃ bodhisatteneva javanahaṃsakāle tāni kaṇḍāni āharitānīti veditabbāni.
бурад̇о д̇хааванд̇ийд̇и аг̇г̇ад̇о ж̇аванд̇и. на банзд̇аа саб̣б̣агаалам̣ бурад̇ова хонд̇и, гад̣̇аажи бурад̇о, гад̣̇аажи бажчад̇о хонд̇и. аагаасадтагавимаанзсу хи уяяаанааниби хонд̇и богкаран̣ияоби, д̇аа д̇ад̇т̇а нахааяанд̇и, уд̣̇агагийл̣ам̣ гийл̣амаанаа бажчад̇оби хонд̇и, взг̇зна бана г̇анд̇ваа буна бурад̇ова д̇хааванд̇и. ааяусан̇каараад̇и руубаж̇ийвид̇инд̣̇рияам̣ санд̇хааяа вуд̇д̇ам̣. д̇ан̃хи д̇ад̇о сийгхад̇арам̣ кийяад̇и. аруубад̇хаммаанам̣ бана бхзд̣̇о на саггаа бан̃н̃аабзд̇ум̣. чадтам̣.
Purato dhāvantīti aggato javanti. Na panetā sabbakālaṃ puratova honti, kadāci purato, kadāci pacchato honti. Ākāsaṭṭhakavimānesu hi uyyānānipi honti pokkharaṇiyopi, tā tattha nahāyanti, udakakīḷaṃ kīḷamānā pacchatopi honti, vegena pana gantvā puna puratova dhāvanti. Āyusaṅkhārāti rūpajīvitindriyaṃ sandhāya vuttaṃ. Tañhi tato sīghataraṃ khīyati. Arūpadhammānaṃ pana bhedo na sakkā paññāpetuṃ. Chaṭṭhaṃ.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 6. д̇хануг̇г̇ахасуд̇д̇ам̣ • 6. Dhanuggahasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 6. д̇хануг̇г̇ахасуд̇д̇аван̣н̣анаа • 6. Dhanuggahasuttavaṇṇanā
