| Library / Tipiṭaka / திபிடக • Tipiṭaka / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) |
3. தா⁴துஸங்யுத்தங்
3. Dhātusaṃyuttaṃ
1. நானத்தவக்³கோ³
1. Nānattavaggo
1.தா⁴துனானத்தஸுத்தவண்ணனா
1. Dhātunānattasuttavaṇṇanā
85. தா⁴துஸங்யுத்தஸ்ஸ பட²மே நிஸ்ஸத்தட்ட²ஸுஞ்ஞதட்ட²ஸங்கா²தேன ஸபா⁴வட்டே²ன தா⁴தூதி லத்³த⁴னாமானங் த⁴ம்மானங் நானாஸபா⁴வோ தா⁴துனானத்தங். சக்கு²தா⁴தூதிஆதீ³ஸு சக்கு²பஸாதோ³ சக்கு²தா⁴து, ரூபாரம்மணங் ரூபதா⁴து, சக்கு²பஸாத³வத்து²கங் சித்தங் சக்கு²விஞ்ஞாணதா⁴து. ஸோதபஸாதோ³ ஸோததா⁴து, ஸத்³தா³ரம்மணங் ஸத்³த³தா⁴து, ஸோதபஸாத³வத்து²கங் சித்தங் ஸோதவிஞ்ஞாணதா⁴து. கா⁴னபஸாதோ³ கா⁴னதா⁴து, க³ந்தா⁴ரம்மணங் க³ந்த⁴தா⁴து, கா⁴னபஸாத³வத்து²கங் சித்தங் கா⁴னவிஞ்ஞாணதா⁴து. ஜிவ்ஹாபஸாதோ³ ஜிவ்ஹாதா⁴து, ரஸாரம்மணங் ரஸதா⁴து, ஜிவ்ஹாபஸாத³வத்து²கங் சித்தங் ஜிவ்ஹாவிஞ்ஞாணதா⁴து. காயபஸாதோ³ காயதா⁴து, பொ²ட்ட²ப்³பா³ரம்மணங் பொ²ட்ட²ப்³ப³தா⁴து, காயபஸாத³வத்து²கங் சித்தங் காயவிஞ்ஞாணதா⁴து. திஸ்ஸோ மனோதா⁴துயோ மனோதா⁴து, வேத³னாத³யோ தயோ க²ந்தா⁴ ஸுகு²மரூபானி நிப்³பா³னஞ்ச த⁴ம்மதா⁴து, ஸப்³ப³ம்பி மனோவிஞ்ஞாணங் மனோவிஞ்ஞாணதா⁴தூதி. எத்த² ச ஸோளஸ தா⁴துயோ காமாவசரா, அவஸானே த்³வே சதுபூ⁴மிகாதி. பட²மங்.
85. Dhātusaṃyuttassa paṭhame nissattaṭṭhasuññataṭṭhasaṅkhātena sabhāvaṭṭhena dhātūti laddhanāmānaṃ dhammānaṃ nānāsabhāvo dhātunānattaṃ. Cakkhudhātūtiādīsu cakkhupasādo cakkhudhātu, rūpārammaṇaṃ rūpadhātu, cakkhupasādavatthukaṃ cittaṃ cakkhuviññāṇadhātu. Sotapasādo sotadhātu, saddārammaṇaṃ saddadhātu, sotapasādavatthukaṃ cittaṃ sotaviññāṇadhātu. Ghānapasādo ghānadhātu, gandhārammaṇaṃ gandhadhātu, ghānapasādavatthukaṃ cittaṃ ghānaviññāṇadhātu. Jivhāpasādo jivhādhātu, rasārammaṇaṃ rasadhātu, jivhāpasādavatthukaṃ cittaṃ jivhāviññāṇadhātu. Kāyapasādo kāyadhātu, phoṭṭhabbārammaṇaṃ phoṭṭhabbadhātu, kāyapasādavatthukaṃ cittaṃ kāyaviññāṇadhātu. Tisso manodhātuyo manodhātu, vedanādayo tayo khandhā sukhumarūpāni nibbānañca dhammadhātu, sabbampi manoviññāṇaṃ manoviññāṇadhātūti. Ettha ca soḷasa dhātuyo kāmāvacarā, avasāne dve catubhūmikāti. Paṭhamaṃ.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / ஸங்யுத்தனிகாய • Saṃyuttanikāya / 1. தா⁴துனானத்தஸுத்தங் • 1. Dhātunānattasuttaṃ
டீகா • Tīkā / ஸுத்தபிடக (டீகா) • Suttapiṭaka (ṭīkā) / ஸங்யுத்தனிகாய (டீகா) • Saṃyuttanikāya (ṭīkā) / 1. தா⁴துனானத்தஸுத்தவண்ணனா • 1. Dhātunānattasuttavaṇṇanā
