| Library / Tipiṭaka / তিপিটক • Tipiṭaka / সংযুত্তনিকায (অট্ঠকথা) • Saṃyuttanikāya (aṭṭhakathā) |
৩. ধাতুসংযুত্তং
3. Dhātusaṃyuttaṃ
১. নানত্তৰগ্গো
1. Nānattavaggo
১.ধাতুনানত্তসুত্তৰণ্ণনা
1. Dhātunānattasuttavaṇṇanā
৮৫. ধাতুসংযুত্তস্স পঠমে নিস্সত্তট্ঠসুঞ্ঞতট্ঠসঙ্খাতেন সভাৰট্ঠেন ধাতূতি লদ্ধনামানং ধম্মানং নানাসভাৰো ধাতুনানত্তং। চক্খুধাতূতিআদীসু চক্খুপসাদো চক্খুধাতু, রূপারম্মণং রূপধাতু, চক্খুপসাদৰত্থুকং চিত্তং চক্খুৰিঞ্ঞাণধাতু। সোতপসাদো সোতধাতু, সদ্দারম্মণং সদ্দধাতু, সোতপসাদৰত্থুকং চিত্তং সোতৰিঞ্ঞাণধাতু। ঘানপসাদো ঘানধাতু, গন্ধারম্মণং গন্ধধাতু, ঘানপসাদৰত্থুকং চিত্তং ঘানৰিঞ্ঞাণধাতু। জিৰ্হাপসাদো জিৰ্হাধাতু, রসারম্মণং রসধাতু, জিৰ্হাপসাদৰত্থুকং চিত্তং জিৰ্হাৰিঞ্ঞাণধাতু। কাযপসাদো কাযধাতু, ফোট্ঠব্বারম্মণং ফোট্ঠব্বধাতু, কাযপসাদৰত্থুকং চিত্তং কাযৰিঞ্ঞাণধাতু। তিস্সো মনোধাতুযো মনোধাতু, ৰেদনাদযো তযো খন্ধা সুখুমরূপানি নিব্বানঞ্চ ধম্মধাতু, সব্বম্পি মনোৰিঞ্ঞাণং মনোৰিঞ্ঞাণধাতূতি। এত্থ চ সোল়স ধাতুযো কামাৰচরা, অৰসানে দ্ৰে চতুভূমিকাতি। পঠমং।
85. Dhātusaṃyuttassa paṭhame nissattaṭṭhasuññataṭṭhasaṅkhātena sabhāvaṭṭhena dhātūti laddhanāmānaṃ dhammānaṃ nānāsabhāvo dhātunānattaṃ. Cakkhudhātūtiādīsu cakkhupasādo cakkhudhātu, rūpārammaṇaṃ rūpadhātu, cakkhupasādavatthukaṃ cittaṃ cakkhuviññāṇadhātu. Sotapasādo sotadhātu, saddārammaṇaṃ saddadhātu, sotapasādavatthukaṃ cittaṃ sotaviññāṇadhātu. Ghānapasādo ghānadhātu, gandhārammaṇaṃ gandhadhātu, ghānapasādavatthukaṃ cittaṃ ghānaviññāṇadhātu. Jivhāpasādo jivhādhātu, rasārammaṇaṃ rasadhātu, jivhāpasādavatthukaṃ cittaṃ jivhāviññāṇadhātu. Kāyapasādo kāyadhātu, phoṭṭhabbārammaṇaṃ phoṭṭhabbadhātu, kāyapasādavatthukaṃ cittaṃ kāyaviññāṇadhātu. Tisso manodhātuyo manodhātu, vedanādayo tayo khandhā sukhumarūpāni nibbānañca dhammadhātu, sabbampi manoviññāṇaṃ manoviññāṇadhātūti. Ettha ca soḷasa dhātuyo kāmāvacarā, avasāne dve catubhūmikāti. Paṭhamaṃ.
Related texts:
তিপিটক (মূল) • Tipiṭaka (Mūla) / সুত্তপিটক • Suttapiṭaka / সংযুত্তনিকায • Saṃyuttanikāya / ১. ধাতুনানত্তসুত্তং • 1. Dhātunānattasuttaṃ
টীকা • Tīkā / সুত্তপিটক (টীকা) • Suttapiṭaka (ṭīkā) / সংযুত্তনিকায (টীকা) • Saṃyuttanikāya (ṭīkā) / ১. ধাতুনানত্তসুত্তৰণ্ণনা • 1. Dhātunānattasuttavaṇṇanā
