| Library / Tipiṭaka / д̇ибидага • Tipiṭaka / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) |
3. д̇хаад̇усам̣яуд̇д̇ам̣
3. Dhātusaṃyuttaṃ
1. наанад̇д̇аваг̇г̇о
1. Nānattavaggo
1.д̇хаад̇унаанад̇д̇асуд̇д̇аван̣н̣анаа
1. Dhātunānattasuttavaṇṇanā
85. д̇хаад̇усам̣яуд̇д̇асса батамз ниссад̇д̇адтасун̃н̃ад̇адтасан̇каад̇зна сабхаавадтзна д̇хаад̇ууд̇и лад̣̇д̇ханаамаанам̣ д̇хаммаанам̣ наанаасабхааво д̇хаад̇унаанад̇д̇ам̣. жагкуд̇хаад̇ууд̇иаад̣̇ийсу жагкубасаад̣̇о жагкуд̇хаад̇у, руубаарамман̣ам̣ руубад̇хаад̇у, жагкубасаад̣̇авад̇т̇угам̣ жид̇д̇ам̣ жагкувин̃н̃аан̣ад̇хаад̇у. сод̇абасаад̣̇о сод̇ад̇хаад̇у, сад̣̇д̣̇аарамман̣ам̣ сад̣̇д̣̇ад̇хаад̇у, сод̇абасаад̣̇авад̇т̇угам̣ жид̇д̇ам̣ сод̇авин̃н̃аан̣ад̇хаад̇у. гхаанабасаад̣̇о гхаанад̇хаад̇у, г̇анд̇хаарамман̣ам̣ г̇анд̇хад̇хаад̇у, гхаанабасаад̣̇авад̇т̇угам̣ жид̇д̇ам̣ гхаанавин̃н̃аан̣ад̇хаад̇у. ж̇ивхаабасаад̣̇о ж̇ивхаад̇хаад̇у, расаарамман̣ам̣ расад̇хаад̇у, ж̇ивхаабасаад̣̇авад̇т̇угам̣ жид̇д̇ам̣ ж̇ивхаавин̃н̃аан̣ад̇хаад̇у. гааяабасаад̣̇о гааяад̇хаад̇у, подтаб̣б̣аарамман̣ам̣ подтаб̣б̣ад̇хаад̇у, гааяабасаад̣̇авад̇т̇угам̣ жид̇д̇ам̣ гааяавин̃н̃аан̣ад̇хаад̇у. д̇иссо манод̇хаад̇уяо манод̇хаад̇у, взд̣̇анаад̣̇аяо д̇аяо канд̇хаа сукумаруубаани ниб̣б̣аанан̃жа д̇хаммад̇хаад̇у, саб̣б̣амби мановин̃н̃аан̣ам̣ мановин̃н̃аан̣ад̇хаад̇ууд̇и. зд̇т̇а жа сол̣аса д̇хаад̇уяо гаамааважараа, авасаанз д̣̇вз жад̇убхуумигаад̇и. батамам̣.
85. Dhātusaṃyuttassa paṭhame nissattaṭṭhasuññataṭṭhasaṅkhātena sabhāvaṭṭhena dhātūti laddhanāmānaṃ dhammānaṃ nānāsabhāvo dhātunānattaṃ. Cakkhudhātūtiādīsu cakkhupasādo cakkhudhātu, rūpārammaṇaṃ rūpadhātu, cakkhupasādavatthukaṃ cittaṃ cakkhuviññāṇadhātu. Sotapasādo sotadhātu, saddārammaṇaṃ saddadhātu, sotapasādavatthukaṃ cittaṃ sotaviññāṇadhātu. Ghānapasādo ghānadhātu, gandhārammaṇaṃ gandhadhātu, ghānapasādavatthukaṃ cittaṃ ghānaviññāṇadhātu. Jivhāpasādo jivhādhātu, rasārammaṇaṃ rasadhātu, jivhāpasādavatthukaṃ cittaṃ jivhāviññāṇadhātu. Kāyapasādo kāyadhātu, phoṭṭhabbārammaṇaṃ phoṭṭhabbadhātu, kāyapasādavatthukaṃ cittaṃ kāyaviññāṇadhātu. Tisso manodhātuyo manodhātu, vedanādayo tayo khandhā sukhumarūpāni nibbānañca dhammadhātu, sabbampi manoviññāṇaṃ manoviññāṇadhātūti. Ettha ca soḷasa dhātuyo kāmāvacarā, avasāne dve catubhūmikāti. Paṭhamaṃ.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 1. д̇хаад̇унаанад̇д̇асуд̇д̇ам̣ • 1. Dhātunānattasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 1. д̇хаад̇унаанад̇д̇асуд̇д̇аван̣н̣анаа • 1. Dhātunānattasuttavaṇṇanā
