| Library / Tipiṭaka / д̇ибидага • Tipiṭaka / сам̣яуд̇д̇анигааяа (дийгаа) • Saṃyuttanikāya (ṭīkā) |
3. д̇хаад̇усам̣яуд̇д̇ам̣
3. Dhātusaṃyuttaṃ
1. наанад̇д̇аваг̇г̇о
1. Nānattavaggo
1. д̇хаад̇унаанад̇д̇асуд̇д̇аван̣н̣анаа
1. Dhātunānattasuttavaṇṇanā
85. батаманд̇и имасмим̣ нид̣̇аанаваг̇г̇з сам̣яуд̇д̇аанам̣ батамам̣ сам̣г̇ийд̇ад̇д̇аа. ниссад̇д̇адтасун̃н̃ад̇адтасан̇каад̇знаад̇и д̇хаммамад̇д̇ад̇ааяа ниссад̇д̇ад̇аасан̇каад̇зна нижжасубхасукаад̇д̇асун̃н̃ад̇ад̇т̇асан̇каад̇зна. сабхаавадтзнаад̇и яат̇аабхууд̇асабхаавадтзна. д̇ад̇о зва сабхаавасса д̇хааран̣адтзна д̇хаад̇ууд̇и лад̣̇д̇ханаамаанам̣. наанаасабхааво ан̃н̃аман̃н̃ависад̣̇исад̇аа д̇хаад̇унаанад̇д̇ам̣. жагкусан̇каад̇о басаад̣̇о жагкубасаад̣̇о. со зва жагканадтзна жагку, ниссад̇д̇асун̃н̃ад̇адтзна д̇хаад̇у жаад̇и жагкуд̇хаад̇у. жагкубасаад̣̇авад̇т̇ум̣ ад̇хидтаанам̣ гад̇ваа бавад̇д̇ам̣ жагкубасаад̣̇авад̇т̇угам̣. сзсабад̣̇зсуби зсзва наяо. д̣̇вз самбадижчанаманод̇хаад̇уяо, згаа гирияаа манод̇хаад̇ууд̇и д̇иссо манод̇хаад̇уяо манод̇хаад̇у ‘‘мананамад̇д̇аа д̇хаад̇уу’’д̇и гад̇ваа. взд̣̇анаад̣̇аяо…бз… ниб̣б̣аанан̃жа д̇хаммад̇хаад̇у висзсасан̃н̃аабарихаарзна сааман̃н̃асан̃н̃ааяа бавад̇д̇анад̇о. д̇ат̇аа хзд̇з д̇хаммаа ааяад̇анад̣̇зсанааяа ‘‘д̇хаммааяад̇ана’’нд̇зва д̣̇зсид̇аа. на хи нзсам̣ руубааяад̇анаад̣̇ийнам̣ вияа вин̃н̃аан̣зхи ан̃н̃авин̃н̃аан̣зна г̇ахзд̇аб̣б̣ад̇аагааро ад̇т̇и. саб̣б̣амбийд̇и часад̇д̇ад̇ивид̇хам̣ мановин̃н̃аан̣ам̣. гаамааважараа гаамад̇хаад̇убарияаабаннад̇д̇аа. авасаанз д̣̇взд̇и д̇хаммад̇хаад̇умановин̃н̃аан̣ад̇хаад̇уяо. аяамзд̇т̇а сан̇кзбо, вид̇т̇ааро бана висуд̣̇д̇химаг̇г̇з д̇ам̣сам̣ван̣н̣анаасу д̣̇адтаб̣б̣о.
85.Paṭhamanti imasmiṃ nidānavagge saṃyuttānaṃ paṭhamaṃ saṃgītattā. Nissattaṭṭhasuññataṭṭhasaṅkhātenāti dhammamattatāya nissattatāsaṅkhātena niccasubhasukhaattasuññatatthasaṅkhātena. Sabhāvaṭṭhenāti yathābhūtasabhāvaṭṭhena. Tato eva sabhāvassa dhāraṇaṭṭhena dhātūti laddhanāmānaṃ. Nānāsabhāvo aññamaññavisadisatā dhātunānattaṃ. Cakkhusaṅkhāto pasādo cakkhupasādo. So eva cakkhanaṭṭhena cakkhu, nissattasuññataṭṭhena dhātu cāti cakkhudhātu. Cakkhupasādavatthuṃ adhiṭṭhānaṃ katvā pavattaṃ cakkhupasādavatthukaṃ. Sesapadesupi eseva nayo. Dve sampaṭicchanamanodhātuyo, ekā kiriyā manodhātūti tisso manodhātuyo manodhātu ‘‘mananamattā dhātū’’ti katvā. Vedanādayo…pe… nibbānañca dhammadhātu visesasaññāparihārena sāmaññasaññāya pavattanato. Tathā hete dhammā āyatanadesanāya ‘‘dhammāyatana’’nteva desitā. Na hi nesaṃ rūpāyatanādīnaṃ viya viññāṇehi aññaviññāṇena gahetabbatākāro atthi. Sabbampīti chasattatividhaṃ manoviññāṇaṃ. Kāmāvacarā kāmadhātupariyāpannattā. Avasāne dveti dhammadhātumanoviññāṇadhātuyo. Ayamettha saṅkhepo, vitthāro pana visuddhimagge taṃsaṃvaṇṇanāsu daṭṭhabbo.
д̇хаад̇унаанад̇д̇асуд̇д̇аван̣н̣анаа нидтид̇аа.
Dhātunānattasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 1. д̇хаад̇унаанад̇д̇асуд̇д̇ам̣ • 1. Dhātunānattasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 1.д̇хаад̇унаанад̇д̇асуд̇д̇аван̣н̣анаа • 1. Dhātunānattasuttavaṇṇanā
