| Library / Tipiṭaka / ཏིཔིཊཀ • Tipiṭaka / སཾཡུཏྟནིཀཱཡ (ཨཊྛཀཐཱ) • Saṃyuttanikāya (aṭṭhakathā) |
༣. དྷཱཏུསཾཡུཏྟཾ
3. Dhātusaṃyuttaṃ
༡. ནཱནཏྟཝགྒོ
1. Nānattavaggo
༡.དྷཱཏུནཱནཏྟསུཏྟཝཎྞནཱ
1. Dhātunānattasuttavaṇṇanā
༨༥. དྷཱཏུསཾཡུཏྟསྶ པཋམེ ནིསྶཏྟཊྛསུཉྙཏཊྛསངྑཱཏེན སབྷཱཝཊྛེན དྷཱཏཱུཏི ལདྡྷནཱམཱནཾ དྷམྨཱནཾ ནཱནཱསབྷཱཝོ དྷཱཏུནཱནཏྟཾ། ཙཀྑུདྷཱཏཱུཏིཨཱདཱིསུ ཙཀྑུཔསཱདོ ཙཀྑུདྷཱཏུ, རཱུཔཱརམྨཎཾ རཱུཔདྷཱཏུ, ཙཀྑུཔསཱདཝཏྠུཀཾ ཙིཏྟཾ ཙཀྑུཝིཉྙཱཎདྷཱཏུ། སོཏཔསཱདོ སོཏདྷཱཏུ, སདྡཱརམྨཎཾ སདྡདྷཱཏུ, སོཏཔསཱདཝཏྠུཀཾ ཙིཏྟཾ སོཏཝིཉྙཱཎདྷཱཏུ། གྷཱནཔསཱདོ གྷཱནདྷཱཏུ, གནྡྷཱརམྨཎཾ གནྡྷདྷཱཏུ, གྷཱནཔསཱདཝཏྠུཀཾ ཙིཏྟཾ གྷཱནཝིཉྙཱཎདྷཱཏུ། ཛིཝ྄ཧཱཔསཱདོ ཛིཝ྄ཧཱདྷཱཏུ, རསཱརམྨཎཾ རསདྷཱཏུ, ཛིཝ྄ཧཱཔསཱདཝཏྠུཀཾ ཙིཏྟཾ ཛིཝ྄ཧཱཝིཉྙཱཎདྷཱཏུ། ཀཱཡཔསཱདོ ཀཱཡདྷཱཏུ, ཕོཊྛབྦཱརམྨཎཾ ཕོཊྛབྦདྷཱཏུ, ཀཱཡཔསཱདཝཏྠུཀཾ ཙིཏྟཾ ཀཱཡཝིཉྙཱཎདྷཱཏུ། ཏིསྶོ མནོདྷཱཏུཡོ མནོདྷཱཏུ, ཝེདནཱདཡོ ཏཡོ ཁནྡྷཱ སུཁུམརཱུཔཱནི ནིབྦཱནཉྩ དྷམྨདྷཱཏུ, སབྦམྤི མནོཝིཉྙཱཎཾ མནོཝིཉྙཱཎདྷཱཏཱུཏི། ཨེཏྠ ཙ སོལ༹ས དྷཱཏུཡོ ཀཱམཱཝཙརཱ, ཨཝསཱནེ དྭེ ཙཏུབྷཱུམིཀཱཏི། པཋམཾ།
85. Dhātusaṃyuttassa paṭhame nissattaṭṭhasuññataṭṭhasaṅkhātena sabhāvaṭṭhena dhātūti laddhanāmānaṃ dhammānaṃ nānāsabhāvo dhātunānattaṃ. Cakkhudhātūtiādīsu cakkhupasādo cakkhudhātu, rūpārammaṇaṃ rūpadhātu, cakkhupasādavatthukaṃ cittaṃ cakkhuviññāṇadhātu. Sotapasādo sotadhātu, saddārammaṇaṃ saddadhātu, sotapasādavatthukaṃ cittaṃ sotaviññāṇadhātu. Ghānapasādo ghānadhātu, gandhārammaṇaṃ gandhadhātu, ghānapasādavatthukaṃ cittaṃ ghānaviññāṇadhātu. Jivhāpasādo jivhādhātu, rasārammaṇaṃ rasadhātu, jivhāpasādavatthukaṃ cittaṃ jivhāviññāṇadhātu. Kāyapasādo kāyadhātu, phoṭṭhabbārammaṇaṃ phoṭṭhabbadhātu, kāyapasādavatthukaṃ cittaṃ kāyaviññāṇadhātu. Tisso manodhātuyo manodhātu, vedanādayo tayo khandhā sukhumarūpāni nibbānañca dhammadhātu, sabbampi manoviññāṇaṃ manoviññāṇadhātūti. Ettha ca soḷasa dhātuyo kāmāvacarā, avasāne dve catubhūmikāti. Paṭhamaṃ.
Related texts:
ཏིཔིཊཀ (མཱུལ) • Tipiṭaka (Mūla) / སུཏྟཔིཊཀ • Suttapiṭaka / སཾཡུཏྟནིཀཱཡ • Saṃyuttanikāya / ༡. དྷཱཏུནཱནཏྟསུཏྟཾ • 1. Dhātunānattasuttaṃ
ཊཱིཀཱ • Tīkā / སུཏྟཔིཊཀ (ཊཱིཀཱ) • Suttapiṭaka (ṭīkā) / སཾཡུཏྟནིཀཱཡ (ཊཱིཀཱ) • Saṃyuttanikāya (ṭīkā) / ༡. དྷཱཏུནཱནཏྟསུཏྟཝཎྞནཱ • 1. Dhātunānattasuttavaṇṇanā
