| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) |
੩. ਧਾਤੁਸਂਯੁਤ੍ਤਂ
3. Dhātusaṃyuttaṃ
੧. ਨਾਨਤ੍ਤવਗ੍ਗੋ
1. Nānattavaggo
੧.ਧਾਤੁਨਾਨਤ੍ਤਸੁਤ੍ਤવਣ੍ਣਨਾ
1. Dhātunānattasuttavaṇṇanā
੮੫. ਧਾਤੁਸਂਯੁਤ੍ਤਸ੍ਸ ਪਠਮੇ ਨਿਸ੍ਸਤ੍ਤਟ੍ਠਸੁਞ੍ਞਤਟ੍ਠਸਙ੍ਖਾਤੇਨ ਸਭਾવਟ੍ਠੇਨ ਧਾਤੂਤਿ ਲਦ੍ਧਨਾਮਾਨਂ ਧਮ੍ਮਾਨਂ ਨਾਨਾਸਭਾવੋ ਧਾਤੁਨਾਨਤ੍ਤਂ। ਚਕ੍ਖੁਧਾਤੂਤਿਆਦੀਸੁ ਚਕ੍ਖੁਪਸਾਦੋ ਚਕ੍ਖੁਧਾਤੁ, ਰੂਪਾਰਮ੍ਮਣਂ ਰੂਪਧਾਤੁ, ਚਕ੍ਖੁਪਸਾਦવਤ੍ਥੁਕਂ ਚਿਤ੍ਤਂ ਚਕ੍ਖੁવਿਞ੍ਞਾਣਧਾਤੁ। ਸੋਤਪਸਾਦੋ ਸੋਤਧਾਤੁ, ਸਦ੍ਦਾਰਮ੍ਮਣਂ ਸਦ੍ਦਧਾਤੁ, ਸੋਤਪਸਾਦવਤ੍ਥੁਕਂ ਚਿਤ੍ਤਂ ਸੋਤવਿਞ੍ਞਾਣਧਾਤੁ। ਘਾਨਪਸਾਦੋ ਘਾਨਧਾਤੁ, ਗਨ੍ਧਾਰਮ੍ਮਣਂ ਗਨ੍ਧਧਾਤੁ, ਘਾਨਪਸਾਦવਤ੍ਥੁਕਂ ਚਿਤ੍ਤਂ ਘਾਨવਿਞ੍ਞਾਣਧਾਤੁ। ਜਿવ੍ਹਾਪਸਾਦੋ ਜਿવ੍ਹਾਧਾਤੁ, ਰਸਾਰਮ੍ਮਣਂ ਰਸਧਾਤੁ, ਜਿવ੍ਹਾਪਸਾਦવਤ੍ਥੁਕਂ ਚਿਤ੍ਤਂ ਜਿવ੍ਹਾવਿਞ੍ਞਾਣਧਾਤੁ। ਕਾਯਪਸਾਦੋ ਕਾਯਧਾਤੁ, ਫੋਟ੍ਠਬ੍ਬਾਰਮ੍ਮਣਂ ਫੋਟ੍ਠਬ੍ਬਧਾਤੁ, ਕਾਯਪਸਾਦવਤ੍ਥੁਕਂ ਚਿਤ੍ਤਂ ਕਾਯવਿਞ੍ਞਾਣਧਾਤੁ। ਤਿਸ੍ਸੋ ਮਨੋਧਾਤੁਯੋ ਮਨੋਧਾਤੁ, વੇਦਨਾਦਯੋ ਤਯੋ ਖਨ੍ਧਾ ਸੁਖੁਮਰੂਪਾਨਿ ਨਿਬ੍ਬਾਨਞ੍ਚ ਧਮ੍ਮਧਾਤੁ, ਸਬ੍ਬਮ੍ਪਿ ਮਨੋવਿਞ੍ਞਾਣਂ ਮਨੋવਿਞ੍ਞਾਣਧਾਤੂਤਿ। ਏਤ੍ਥ ਚ ਸੋਲ਼ਸ ਧਾਤੁਯੋ ਕਾਮਾવਚਰਾ, ਅવਸਾਨੇ ਦ੍વੇ ਚਤੁਭੂਮਿਕਾਤਿ। ਪਠਮਂ।
85. Dhātusaṃyuttassa paṭhame nissattaṭṭhasuññataṭṭhasaṅkhātena sabhāvaṭṭhena dhātūti laddhanāmānaṃ dhammānaṃ nānāsabhāvo dhātunānattaṃ. Cakkhudhātūtiādīsu cakkhupasādo cakkhudhātu, rūpārammaṇaṃ rūpadhātu, cakkhupasādavatthukaṃ cittaṃ cakkhuviññāṇadhātu. Sotapasādo sotadhātu, saddārammaṇaṃ saddadhātu, sotapasādavatthukaṃ cittaṃ sotaviññāṇadhātu. Ghānapasādo ghānadhātu, gandhārammaṇaṃ gandhadhātu, ghānapasādavatthukaṃ cittaṃ ghānaviññāṇadhātu. Jivhāpasādo jivhādhātu, rasārammaṇaṃ rasadhātu, jivhāpasādavatthukaṃ cittaṃ jivhāviññāṇadhātu. Kāyapasādo kāyadhātu, phoṭṭhabbārammaṇaṃ phoṭṭhabbadhātu, kāyapasādavatthukaṃ cittaṃ kāyaviññāṇadhātu. Tisso manodhātuyo manodhātu, vedanādayo tayo khandhā sukhumarūpāni nibbānañca dhammadhātu, sabbampi manoviññāṇaṃ manoviññāṇadhātūti. Ettha ca soḷasa dhātuyo kāmāvacarā, avasāne dve catubhūmikāti. Paṭhamaṃ.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਸਂਯੁਤ੍ਤਨਿਕਾਯ • Saṃyuttanikāya / ੧. ਧਾਤੁਨਾਨਤ੍ਤਸੁਤ੍ਤਂ • 1. Dhātunānattasuttaṃ
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) / ੧. ਧਾਤੁਨਾਨਤ੍ਤਸੁਤ੍ਤવਣ੍ਣਨਾ • 1. Dhātunānattasuttavaṇṇanā
