| Library / Tipiṭaka / ติปิฎก • Tipiṭaka / อปทานปาฬิ • Apadānapāḷi |
๗. ธาตุปูชกเตฺถรอปทานํ
7. Dhātupūjakattheraapadānaṃ
๒๓.
23.
‘‘นิพฺพุเต โลกนาถมฺหิ, สิทฺธตฺถมฺหิ นรุตฺตเม;
‘‘Nibbute lokanāthamhi, siddhatthamhi naruttame;
เอกา ธาตุ มยา ลทฺธา, ทฺวิปทินฺทสฺส ตาทิโนฯ
Ekā dhātu mayā laddhā, dvipadindassa tādino.
๒๔.
24.
‘‘ตาหํ ธาตุํ คเหตฺวาน, พุทฺธสฺสาทิจฺจพนฺธุโน;
‘‘Tāhaṃ dhātuṃ gahetvāna, buddhassādiccabandhuno;
ปญฺจวเสฺส ปริจริํ, ติฎฺฐนฺตํว นรุตฺตมํฯ
Pañcavasse paricariṃ, tiṭṭhantaṃva naruttamaṃ.
๒๕.
25.
‘‘จตุนฺนวุติโต กเปฺป, ยํ ธาตุํ ปูชยิํ ตทา;
‘‘Catunnavutito kappe, yaṃ dhātuṃ pūjayiṃ tadā;
ทุคฺคติํ นาภิชานามิ, ธาตุปฎฺฐหเน ผลํฯ
Duggatiṃ nābhijānāmi, dhātupaṭṭhahane phalaṃ.
๒๖.
26.
‘‘ปฎิสมฺภิทา จตโสฺส…เป.… กตํ พุทฺธสฺส สาสนํ’’ฯ
‘‘Paṭisambhidā catasso…pe… kataṃ buddhassa sāsanaṃ’’.
อิตฺถํ สุทํ อายสฺมา ธาตุปูชโก เถโร อิมา คาถาโย อภาสิตฺถาติฯ
Itthaṃ sudaṃ āyasmā dhātupūjako thero imā gāthāyo abhāsitthāti.
ธาตุปูชกเตฺถรสฺสาปทานํ สตฺตมํฯ
Dhātupūjakattherassāpadānaṃ sattamaṃ.
