| Library / Tipiṭaka / තිපිටක • Tipiṭaka / අපදානපාළි • Apadānapāḷi |
7. ධාතුපූජකත්‌ථෙරඅපදානං
7. Dhātupūjakattheraapadānaṃ
23.
23.
‘‘නිබ්‌බුතෙ ලොකනාථම්‌හි, සිද්‌ධත්‌ථම්‌හි නරුත්‌තමෙ;
‘‘Nibbute lokanāthamhi, siddhatthamhi naruttame;
එකා ධාතු මයා ලද්‌ධා, ද්‌විපදින්‌දස්‌ස තාදිනො.
Ekā dhātu mayā laddhā, dvipadindassa tādino.
24.
24.
‘‘තාහං ධාතුං ගහෙත්‌වාන, බුද්‌ධස්‌සාදිච්‌චබන්‌ධුනො;
‘‘Tāhaṃ dhātuṃ gahetvāna, buddhassādiccabandhuno;
පඤ්‌චවස්‌සෙ පරිචරිං, තිට්‌ඨන්‌තංව නරුත්‌තමං.
Pañcavasse paricariṃ, tiṭṭhantaṃva naruttamaṃ.
25.
25.
‘‘චතුන්‌නවුතිතො කප්‌පෙ, යං ධාතුං පූජයිං තදා;
‘‘Catunnavutito kappe, yaṃ dhātuṃ pūjayiṃ tadā;
දුග්‌ගතිං නාභිජානාමි, ධාතුපට්‌ඨහනෙ ඵලං.
Duggatiṃ nābhijānāmi, dhātupaṭṭhahane phalaṃ.
26.
26.
‘‘පටිසම්‌භිදා චතස්‌සො…පෙ.… කතං බුද්‌ධස්‌ස සාසනං’’.
‘‘Paṭisambhidā catasso…pe… kataṃ buddhassa sāsanaṃ’’.
ඉත්‌ථං සුදං ආයස්‌මා ධාතුපූජකො ථෙරො ඉමා ගාථායො අභාසිත්‌ථාති.
Itthaṃ sudaṃ āyasmā dhātupūjako thero imā gāthāyo abhāsitthāti.
ධාතුපූජකත්‌ථෙරස්‌සාපදානං සත්‌තමං.
Dhātupūjakattherassāpadānaṃ sattamaṃ.
