| Library / Tipiṭaka / д̇ибидага • Tipiṭaka / ид̇ивуд̇д̇ага-адтагат̇аа • Itivuttaka-aṭṭhakathā |
9. д̇хаад̇усосам̣санд̣̇анасуд̇д̇аван̣н̣анаа
9. Dhātusosaṃsandanasuttavaṇṇanā
78. навамз д̇хаад̇усод̇и д̇хаад̇уд̇о. д̇хаад̇ууд̇и жа аж̇жхаасаяад̇хаад̇у аж̇жхаасаяасабхааво ад̇хиббзд̇о, яо ад̇химуд̇д̇ийд̇иби вужжад̇и. сам̣санд̣̇анд̇ийд̇и д̇ааяа д̇хаад̇усабхааг̇ад̇ааяа яат̇аад̇хаад̇у яат̇аааж̇жхаасаяам̣ аллийяанд̇и згад̇о хонд̇и. самзнд̇ийд̇и д̇ааяа зва самаанаж̇жхаасаяад̇ааяа згажид̇д̇аа худ̇ваа самааг̇ажчанд̇и ан̃н̃аман̃н̃ам̣ бхаж̇анд̇и убасан̇гаманд̇и, ад̇д̇ано ружибхааваканд̇ид̣̇идтияо ваа д̇ад̇т̇а д̇ад̇т̇а самз гаронд̇аа бавад̇д̇анд̇и. хийнаад̇химуд̇д̇игаад̇и хийнз гаамаг̇ун̣аад̣̇игз ад̇химуд̇д̇и зд̇зсанд̇и хийнаад̇химуд̇д̇игаа, хийнаж̇жхаасаяаа. галяаан̣аад̇химуд̇д̇игаад̇и галяаан̣з нзгкаммаад̣̇игз ад̇химуд̇д̇и зд̇зсанд̇и галяаан̣аад̇химуд̇д̇игаа, бан̣ийд̇аж̇жхаасаяаа. сажз хи аажарияубаж̇жхааяаа на сийлаванд̇о , анд̇зваасигасад̣̇д̇хивихааригаа жа сийлаванд̇о, д̇з аажарияубаж̇жхааязби на убасан̇гаманд̇и, ад̇д̇ано сад̣̇исз сааруббабхигкууязва убасан̇гаманд̇и. сажз бана аажарияубаж̇жхааяаа сийлаванд̇о, ид̇арз на сийлаванд̇о, д̇зби на аажарияубаж̇жхааяз убасан̇гаманд̇и, ад̇д̇ано сад̣̇исз хийнаад̇химуд̇д̇игзязва убасан̇гаманд̇и. звам̣ убасан̇гаманам̣ бана на гзвалам̣ зд̇арахи зва, ат̇а ко ад̇ийд̇аанааг̇ад̇збийд̇и д̣̇ассзнд̇о ‘‘ад̇ийд̇амби, бхигкавз’’д̇иаад̣̇имааха. сан̇кзбад̇о сам̣гилзсад̇хаммзсу абхинивидтаа хийнаад̇химуд̇д̇игаа , вод̣̇аанад̇хаммзсу абхинивидтаа галяаан̣аад̇химуд̇д̇игаа.
78. Navame dhātusoti dhātuto. Dhātūti ca ajjhāsayadhātu ajjhāsayasabhāvo adhippeto, yo adhimuttītipi vuccati. Saṃsandantīti tāya dhātusabhāgatāya yathādhātu yathāajjhāsayaṃ allīyanti ekato honti. Samentīti tāya eva samānajjhāsayatāya ekacittā hutvā samāgacchanti aññamaññaṃ bhajanti upasaṅkamanti, attano rucibhāvakhantidiṭṭhiyo vā tattha tattha same karontā pavattanti. Hīnādhimuttikāti hīne kāmaguṇādike adhimutti etesanti hīnādhimuttikā, hīnajjhāsayā. Kalyāṇādhimuttikāti kalyāṇe nekkhammādike adhimutti etesanti kalyāṇādhimuttikā, paṇītajjhāsayā. Sace hi ācariyupajjhāyā na sīlavanto , antevāsikasaddhivihārikā ca sīlavanto, te ācariyupajjhāyepi na upasaṅkamanti, attano sadise sāruppabhikkhūyeva upasaṅkamanti. Sace pana ācariyupajjhāyā sīlavanto, itare na sīlavanto, tepi na ācariyupajjhāye upasaṅkamanti, attano sadise hīnādhimuttikeyeva upasaṅkamanti. Evaṃ upasaṅkamanaṃ pana na kevalaṃ etarahi eva, atha kho atītānāgatepīti dassento ‘‘atītampi, bhikkhave’’tiādimāha. Saṅkhepato saṃkilesadhammesu abhiniviṭṭhā hīnādhimuttikā , vodānadhammesu abhiniviṭṭhā kalyāṇādhimuttikā.
ид̣̇ам̣ бана д̣̇уссийлаанам̣ д̣̇уссийласзванамзва, сийлаванд̇аанам̣ сийлаванд̇асзванамзва, д̣̇уббан̃н̃аанам̣ д̣̇уббан̃н̃асзванамзва, бан̃н̃аванд̇аанам̣ бан̃н̃аванд̇асзванамзва го нияаамзд̇ийд̇и? аж̇жхаасаяад̇хаад̇у нияаамзд̇и. самб̣ахулаа гира бхигкуу згасмим̣ г̇аамз бхигкаажаарам̣ жаранд̇и. д̇з мануссаа б̣ахум̣ бхад̇д̇ам̣ аахарид̇ваа бад̇д̇аани буурзд̇ваа ‘‘яат̇аасабхааг̇ам̣ барибхун̃ж̇ат̇аа’’д̇и вад̇ваа уяяож̇зсум̣. бхигкуу аахам̣су ‘‘аавусо, мануссаа д̇хаад̇усам̣яуд̇д̇агаммз баяож̇знд̇ий’’д̇и. звам̣ аж̇жхаасаяад̇хаад̇у нияаамзд̇ийд̇и. д̇хаад̇усам̣яуд̇д̇зна аяамад̇т̇о д̣̇ийбзд̇аб̣б̣о – г̇иж̇жхагуудабаб̣б̣ад̇асмин̃хи г̇илаанасзяяааяа нибанно бхаг̇аваа аарагкад̇т̇ааяа бариваарзд̇ваа васанд̇зсу саарибуд̇д̇амог̇г̇аллаанаад̣̇ийсу згамзгам̣ ад̇д̇ано барисааяа сад̣̇д̇хим̣ жан̇гаманд̇ам̣ ологзд̇ваа бхигкуу ааманд̇зси ‘‘бассат̇а но д̇умхз, бхигкавз, саарибуд̇д̇ам̣ самб̣ахулзхи бхигкуухи сад̣̇д̇хим̣ жан̇гаманд̇анд̇и. звам̣, бханд̇з. саб̣б̣з ко зд̇з, бхигкавз, бхигкуу махаабан̃н̃аа’’д̇и (сам̣. ни. 2.99) саб̣б̣ам̣ вид̇т̇аарзд̇аб̣б̣ам̣.
Idaṃ pana dussīlānaṃ dussīlasevanameva, sīlavantānaṃ sīlavantasevanameva, duppaññānaṃ duppaññasevanameva, paññavantānaṃ paññavantasevanameva ko niyāmetīti? Ajjhāsayadhātu niyāmeti. Sambahulā kira bhikkhū ekasmiṃ gāme bhikkhācāraṃ caranti. Te manussā bahuṃ bhattaṃ āharitvā pattāni pūretvā ‘‘yathāsabhāgaṃ paribhuñjathā’’ti vatvā uyyojesuṃ. Bhikkhū āhaṃsu ‘‘āvuso, manussā dhātusaṃyuttakamme payojentī’’ti. Evaṃ ajjhāsayadhātu niyāmetīti. Dhātusaṃyuttena ayamattho dīpetabbo – gijjhakūṭapabbatasmiñhi gilānaseyyāya nipanno bhagavā ārakkhatthāya parivāretvā vasantesu sāriputtamoggallānādīsu ekamekaṃ attano parisāya saddhiṃ caṅkamantaṃ oloketvā bhikkhū āmantesi ‘‘passatha no tumhe, bhikkhave, sāriputtaṃ sambahulehi bhikkhūhi saddhiṃ caṅkamantanti. Evaṃ, bhante. Sabbe kho ete, bhikkhave, bhikkhū mahāpaññā’’ti (saṃ. ni. 2.99) sabbaṃ vitthāretabbaṃ.
г̇аат̇аасу сам̣саг̇г̇аад̇и сам̣гилзсад̇о сахаваасаад̣̇ивасзна самааяог̇ад̇о, ат̇а ваа д̣̇ассанасам̣саг̇г̇о, саванасам̣саг̇г̇о, самуллаабасам̣саг̇г̇о, самбхог̇асам̣саг̇г̇о, гааяасам̣саг̇г̇од̇и звам̣ бан̃жавид̇хз сам̣саг̇г̇з яад̇о гуд̇ожи сам̣саг̇г̇ад̇о. ванат̇о ж̇аад̇од̇и гилзсо уббанно маг̇г̇зна асамуухад̇о. асам̣саг̇г̇зна чиж̇ж̇ад̇ийд̇и сам̣саг̇г̇абадигкзбзна гааяавивзгаад̣̇инаа буб̣б̣абхааг̇з чиж̇ж̇ид̇ваа буна ажжанд̇аасам̣саг̇г̇зна самужчзд̣̇авивзгзна чиж̇ж̇ад̇и бахийяад̇и. зд̇д̇аавад̇аа сан̇кзбад̇о хийнаад̇химуд̇д̇ияаа самуд̣̇аяо ад̇т̇ан̇г̇амо жа д̣̇ассид̇о ход̇и.
Gāthāsu saṃsaggāti saṃkilesato sahavāsādivasena samāyogato, atha vā dassanasaṃsaggo, savanasaṃsaggo, samullāpasaṃsaggo, sambhogasaṃsaggo, kāyasaṃsaggoti evaṃ pañcavidhe saṃsagge yato kutoci saṃsaggato. Vanatho jātoti kileso uppanno maggena asamūhato. Asaṃsaggena chijjatīti saṃsaggapaṭikkhepena kāyavivekādinā pubbabhāge chijjitvā puna accantāsaṃsaggena samucchedavivekena chijjati pahīyati. Ettāvatā saṅkhepato hīnādhimuttiyā samudayo atthaṅgamo ca dassito hoti.
яасмаа бана д̇з сам̣саг̇г̇аа д̇з жа гилзсаа госаж̇ж̇авасзна уббаж̇ж̇анд̇и жзва вад̣дханд̇и жа, на вийрияаарамбхавасзна, д̇асмаа хийнаад̇химуд̇д̇игз гусийд̇абуг̇г̇алз важ̇ж̇зд̇ваа галяаан̣аад̇химуд̇д̇игз аарад̣̇д̇хавийрияз сзванд̇зна асам̣саг̇г̇зна сам̣саг̇г̇аж̇о ванат̇о чинд̣̇ид̇аб̣б̣од̇и яат̇аавуд̇д̇амад̇т̇ам̣ вид̇т̇аарад̇о д̣̇ассзнд̇о гусийд̇асзванааяа д̇аава аад̣̇ийнавам̣ багаасзд̇ум̣ ‘‘барид̇д̇ам̣ д̣̇аару’’нд̇иаад̣̇имааха.
Yasmā pana te saṃsaggā te ca kilesā kosajjavasena uppajjanti ceva vaḍḍhanti ca, na vīriyārambhavasena, tasmā hīnādhimuttike kusītapuggale vajjetvā kalyāṇādhimuttike āraddhavīriye sevantena asaṃsaggena saṃsaggajo vanatho chinditabboti yathāvuttamatthaṃ vitthārato dassento kusītasevanāya tāva ādīnavaṃ pakāsetuṃ ‘‘parittaṃ dāru’’ntiādimāha.
д̇ад̇т̇а барид̇д̇ам̣ д̣̇аарунд̇и куд̣̇д̣̇агам̣ гадтамаяам̣ гуллам̣. яат̇аа сийд̣̇з махан̣н̣авзд̇и яат̇аа куд̣̇д̣̇агам̣ гуллам̣ аарухид̇ваа махаасамуд̣̇д̣̇ам̣ д̇арид̇угаамо д̇ийрам̣ аббад̇ваа самуд̣̇д̣̇амаж̇жхзязва сийд̣̇зяяа, бад̇ид̇ваа мажчагажчабабхагко бхавзяяа. звам̣ гусийд̇ам̣ ааг̇амма, саад̇хуж̇ийвийби сийд̣̇ад̇ийд̇и звамзва гусийд̇ам̣ вийрияаарамбхарахид̇ам̣ гилзсавасигам̣ буг̇г̇алам̣ ниссааяа д̇зна гад̇асам̣саг̇г̇о саад̇хуж̇ийвийби барисуд̣̇д̇хааж̇ийво барисуд̣̇д̇хасийлоби самаано хийнасам̣саг̇г̇ад̇о уббаннзхи гаамавид̇аггаад̣̇ийхи каж̇ж̇амаано баарам̣ г̇анд̇ум̣ асамад̇т̇о сам̣сааран̣н̣авзязва сийд̣̇ад̇и. д̇асмаад̇и яасмаа звам̣ анад̇т̇аавахо гусийд̇асам̣саг̇г̇о, д̇асмаа д̇ам̣ ааг̇амма ааласияаануяог̇зна гужчид̇ам̣ сийд̣̇ад̇ийд̇и гусийд̇ам̣. д̇ад̇о зва хийнавийрияам̣ ниб̣б̣ийрияам̣ агаляаан̣амид̇д̇ам̣ бариваж̇ж̇зяяа. зганд̇знзва бана гааяавивзгаад̣̇ийнан̃жзва д̇ад̣̇ан̇г̇авивзгаад̣̇ийнан̃жа васзна бавивид̇д̇зхи, д̇ад̇о зва гилзсзхи аарагад̇д̇аа ариязхи барисуд̣̇д̇хзхи ниб̣б̣аанам̣ бадибзсид̇ад̇д̇абхаавад̇о бахид̇ад̇д̇зхи аарамман̣алагкан̣уубаниж̇жхаанаанам̣ васзна жхааяанад̇о жхааяийхи саб̣б̣агаалам̣ баг̇г̇ахид̇авийрияад̇ааяа аарад̣̇д̇хавийриязхи бан̣д̣ид̇зхи саббан̃н̃зхиязва саха аавасзяяа сам̣васзяяаад̇и.
Tattha parittaṃ dārunti khuddakaṃ kaṭṭhamayaṃ kullaṃ. Yathā sīde mahaṇṇaveti yathā khuddakaṃ kullaṃ āruhitvā mahāsamuddaṃ taritukāmo tīraṃ appatvā samuddamajjheyeva sīdeyya, patitvā macchakacchapabhakkho bhaveyya. Evaṃ kusītaṃ āgamma, sādhujīvīpi sīdatīti evameva kusītaṃ vīriyārambharahitaṃ kilesavasikaṃ puggalaṃ nissāya tena katasaṃsaggo sādhujīvīpi parisuddhājīvo parisuddhasīlopi samāno hīnasaṃsaggato uppannehi kāmavitakkādīhi khajjamāno pāraṃ gantuṃ asamattho saṃsāraṇṇaveyeva sīdati. Tasmāti yasmā evaṃ anatthāvaho kusītasaṃsaggo, tasmā taṃ āgamma ālasiyānuyogena kucchitaṃ sīdatīti kusītaṃ. Tato eva hīnavīriyaṃ nibbīriyaṃ akalyāṇamittaṃ parivajjeyya. Ekanteneva pana kāyavivekādīnañceva tadaṅgavivekādīnañca vasena pavivittehi, tato eva kilesehi ārakattā ariyehi parisuddhehi nibbānaṃ paṭipesitattabhāvato pahitattehi ārammaṇalakkhaṇūpanijjhānānaṃ vasena jhāyanato jhāyīhi sabbakālaṃ paggahitavīriyatāya āraddhavīriyehi paṇḍitehi sappaññehiyeva saha āvaseyya saṃvaseyyāti.
навамасуд̇д̇аван̣н̣анаа нидтид̇аа.
Navamasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ид̇ивуд̇д̇агабаал̣и • Itivuttakapāḷi / 9. д̇хаад̇усосам̣санд̣̇анасуд̇д̇ам̣ • 9. Dhātusosaṃsandanasuttaṃ
