| Library / Tipiṭaka / തിപിടക • Tipiṭaka / സംയുത്തനികായ • Saṃyuttanikāya |
൯. ധാതുസുത്തം
9. Dhātusuttaṃ
൩൩൦. സാവത്ഥിനിദാനം. ‘‘യോ, ഭിക്ഖവേ, പഥവീധാതുയാ ഛന്ദരാഗോ, ചിത്തസ്സേസോ ഉപക്കിലേസോ. യോ ആപോധാതുയാ… യോ തേജോധാതുയാ… യോ വായോധാതുയാ… യോ ആകാസധാതുയാ… യോ വിഞ്ഞാണധാതുയാ ഛന്ദരാഗോ, ചിത്തസ്സേസോ ഉപക്കിലേസോ. യതോ ഖോ, ഭിക്ഖവേ, ഭിക്ഖുനോ ഇമേസു ഛസു ഠാനേസു ചേതസോ ഉപക്കിലേസോ പഹീനോ ഹോതി, നേക്ഖമ്മനിന്നഞ്ചസ്സ ചിത്തം ഹോതി. നേക്ഖമ്മപരിഭാവിതം ചിത്തം കമ്മനിയം ഖായതി, അഭിഞ്ഞാ സച്ഛികരണീയേസു ധമ്മേസൂ’’തി. നവമം.
330. Sāvatthinidānaṃ. ‘‘Yo, bhikkhave, pathavīdhātuyā chandarāgo, cittasseso upakkileso. Yo āpodhātuyā… yo tejodhātuyā… yo vāyodhātuyā… yo ākāsadhātuyā… yo viññāṇadhātuyā chandarāgo, cittasseso upakkileso. Yato kho, bhikkhave, bhikkhuno imesu chasu ṭhānesu cetaso upakkileso pahīno hoti, nekkhammaninnañcassa cittaṃ hoti. Nekkhammaparibhāvitaṃ cittaṃ kammaniyaṃ khāyati, abhiññā sacchikaraṇīyesu dhammesū’’ti. Navamaṃ.
Related texts:
അട്ഠകഥാ • Aṭṭhakathā / സുത്തപിടക (അട്ഠകഥാ) • Suttapiṭaka (aṭṭhakathā) / സംയുത്തനികായ (അട്ഠകഥാ) • Saṃyuttanikāya (aṭṭhakathā) / ൬. കിലേസസംയുത്തവണ്ണനാ • 6. Kilesasaṃyuttavaṇṇanā
ടീകാ • Tīkā / സുത്തപിടക (ടീകാ) • Suttapiṭaka (ṭīkā) / സംയുത്തനികായ (ടീകാ) • Saṃyuttanikāya (ṭīkā) / ൬. കിലേസസംയുത്തവണ്ണനാ • 6. Kilesasaṃyuttavaṇṇanā
