| Library / Tipiṭaka / д̇ибидага • Tipiṭaka / ид̇ивуд̇д̇ага-адтагат̇аа • Itivuttaka-aṭṭhakathā |
2. д̇хаад̇усуд̇д̇аван̣н̣анаа
2. Dhātusuttavaṇṇanā
51. д̣̇уд̇ияз д̇хаад̇уяод̇и ад̇д̇ано паласса сабхаавасса жа д̇хааран̣адтзна д̇хаад̇уяо. яан̃жзд̇т̇а паланиб̣б̣ад̇д̇агам̣, д̇ам̣ ад̇д̇ано паласса сабхаавасса жа, ид̇арам̣ сабхаавассзва д̇хааран̣адтзна д̇хаад̇у. руубад̇хаад̇ууд̇и руубабхаво. д̇хаад̇уяаа ааг̇ад̇адтаанз бхавзна барижчинд̣̇ид̇аб̣б̣ам̣, бхавасса ааг̇ад̇адтаанз д̇хаад̇уяаа барижчинд̣̇ид̇аб̣б̣анд̇и ид̇ха бхавзна барижчзд̣̇о гат̇ид̇о. д̇асмаа –
51. Dutiye dhātuyoti attano phalassa sabhāvassa ca dhāraṇaṭṭhena dhātuyo. Yañcettha phalanibbattakaṃ, taṃ attano phalassa sabhāvassa ca, itaraṃ sabhāvasseva dhāraṇaṭṭhena dhātu. Rūpadhātūti rūpabhavo. Dhātuyā āgataṭṭhāne bhavena paricchinditabbaṃ, bhavassa āgataṭṭhāne dhātuyā paricchinditabbanti idha bhavena paricchedo kathito. Tasmā –
‘‘гад̇амз д̇хаммаа руубааважараа? хздтад̇о б̣рахмалогам̣ барияанд̇ам̣ гарид̇ваа убарид̇о аганидтз д̣̇звз анд̇о гарид̇ваа зд̇т̇ааважараа зд̇т̇а барияаабаннаа канд̇хад̇хаад̇уааяад̇анаа, имз д̇хаммаа руубааважараа’’д̇и (д̇ха. са. 1289) –
‘‘Katame dhammā rūpāvacarā? Heṭṭhato brahmalokaṃ pariyantaṃ karitvā uparito akaniṭṭhe deve anto karitvā etthāvacarā ettha pariyāpannā khandhadhātuāyatanā, ime dhammā rūpāvacarā’’ti (dha. sa. 1289) –
звам̣ вуд̇д̇аа руубааважарад̇хаммаа руубад̇хаад̇у. аруубад̇хаад̇ууд̇и аруубабхаво. ид̇хааби бхавзна барижчзд̣̇о гат̇ид̇од̇и –
Evaṃ vuttā rūpāvacaradhammā rūpadhātu. Arūpadhātūti arūpabhavo. Idhāpi bhavena paricchedo kathitoti –
‘‘гад̇амз д̇хаммаа аруубааважараа? хздтад̇о аагаасаанан̃жааяад̇ануубаг̇з д̣̇звз анд̇о гарид̇ваа, убарид̇о нзвасан̃н̃аанаасан̃н̃ааяад̇ануубаг̇з д̣̇звз анд̇о гарид̇ваа, зд̇т̇ааважараа зд̇т̇а барияаабаннаа канд̇хад̇хаад̇уааяад̇анаа, имз д̇хаммаа аруубааважараа’’д̇и (д̇ха. са. 1291) –
‘‘Katame dhammā arūpāvacarā? Heṭṭhato ākāsānañcāyatanūpage deve anto karitvā, uparito nevasaññānāsaññāyatanūpage deve anto karitvā, etthāvacarā ettha pariyāpannā khandhadhātuāyatanā, ime dhammā arūpāvacarā’’ti (dha. sa. 1291) –
звам̣ вуд̇д̇аа аруубааважарад̇хаммаа аруубад̇хаад̇у. нирод̇хад̇хаад̇ууд̇и ниб̣б̣аанам̣ взд̣̇ид̇аб̣б̣ам̣.
Evaṃ vuttā arūpāvacaradhammā arūpadhātu. Nirodhadhātūti nibbānaṃ veditabbaṃ.
абаро наяо – руубасахид̇аа, руубабадиб̣ад̣̇д̇хаа, д̇хаммаббавад̇д̇и руубад̇хаад̇у, бан̃жавогаарабхаво, згавогаарабхаво жа, д̇зна сагало гаамабхаво руубабхаво жа сан̇г̇ахид̇о. руубарахид̇аа д̇хаммаббавад̇д̇и аруубад̇хаад̇у, жад̇увогаарабхаво, д̇зна аруубабхаво сан̇г̇ахид̇о. ид̇и д̣̇вийхи бад̣̇зхи д̇аяо бхаваа саб̣б̣аа сам̣саараббавад̇д̇и д̣̇ассид̇аа. д̇ад̇ияабад̣̇зна бана асан̇кад̇ад̇хаад̇уязва сан̇г̇ахид̇аад̇и маг̇г̇апалаани ид̇ха д̇игавинимуд̇д̇ад̇хаммаа наама ж̇аад̇аа. гзжи бана ‘‘руубад̇хаад̇ууд̇и руубасабхааваа д̇хаммаа, аруубад̇хаад̇ууд̇и аруубасабхааваа д̇хаммаад̇и бад̣̇ад̣̇ваязна анавасзсад̇о бан̃жагканд̇хаа г̇ахид̇аа’’д̇и. ‘‘руубад̇ан̣хааяа висаяабхууд̇аа д̇хаммаа руубад̇хаад̇у, аруубад̇ан̣хааяа висаяабхууд̇аа аруубад̇хаад̇уу’’д̇и жа вад̣̇анд̇и, д̇ам̣ саб̣б̣ам̣ ид̇ха наад̇хиббзд̇ам̣. д̇асмаа вуд̇д̇анаязнзва ад̇т̇о взд̣̇ид̇аб̣б̣о.
Aparo nayo – rūpasahitā, rūpapaṭibaddhā, dhammappavatti rūpadhātu, pañcavokārabhavo, ekavokārabhavo ca, tena sakalo kāmabhavo rūpabhavo ca saṅgahito. Rūparahitā dhammappavatti arūpadhātu, catuvokārabhavo, tena arūpabhavo saṅgahito. Iti dvīhi padehi tayo bhavā sabbā saṃsārappavatti dassitā. Tatiyapadena pana asaṅkhatadhātuyeva saṅgahitāti maggaphalāni idha tikavinimuttadhammā nāma jātā. Keci pana ‘‘rūpadhātūti rūpasabhāvā dhammā, arūpadhātūti arūpasabhāvā dhammāti padadvayena anavasesato pañcakkhandhā gahitā’’ti. ‘‘Rūpataṇhāya visayabhūtā dhammā rūpadhātu, arūpataṇhāya visayabhūtā arūpadhātū’’ti ca vadanti, taṃ sabbaṃ idha nādhippetaṃ. Tasmā vuttanayeneva attho veditabbo.
г̇аат̇аасу руубад̇хаад̇ум̣ барин̃н̃ааяаад̇и руубабадиб̣ад̣̇д̇хад̇хаммабавад̇д̇им̣ н̃аад̇абарин̃н̃аад̣̇ийхи д̇ийхи барин̃н̃аахи бариж̇аанид̇ваа. ааруббзсу асан̣тид̇аад̇и аруубааважарад̇хаммзсу бхаварааг̇авасзна бхавад̣̇идтивасзна жа на бад̇идтид̇аа аналлийнаа. ‘‘аруубзсу асан̣тид̇аа’’д̇и жа батанд̇и, со зва ад̇т̇о. зд̇д̇аавад̇аа д̇збхуумагад̇хаммаанам̣ барин̃н̃аа вуд̇д̇аа. нирод̇хз яз вимужжанд̇ийд̇и яз ниб̣б̣аанз аарамман̣абхууд̇з аг̇г̇амаг̇г̇апалавасзна самужчзд̣̇абадиббассад̣̇д̇хийхи анавасзсагилзсад̇о вимужжанд̇и. д̇з ж̇анаа мажжухааяинод̇и д̇з кийн̣аасаваж̇анаа маран̣ам̣ самад̇ийд̇аа.
Gāthāsu rūpadhātuṃ pariññāyāti rūpapaṭibaddhadhammapavattiṃ ñātapariññādīhi tīhi pariññāhi parijānitvā. Āruppesu asaṇṭhitāti arūpāvacaradhammesu bhavarāgavasena bhavadiṭṭhivasena ca na patiṭṭhitā anallīnā. ‘‘Arūpesu asaṇṭhitā’’ti ca paṭhanti, so eva attho. Ettāvatā tebhūmakadhammānaṃ pariññā vuttā. Nirodhe ye vimuccantīti ye nibbāne ārammaṇabhūte aggamaggaphalavasena samucchedapaṭippassaddhīhi anavasesakilesato vimuccanti. Te janā maccuhāyinoti te khīṇāsavajanā maraṇaṃ samatītā.
звам̣ д̇хаад̇уд̇д̇аяасамад̇иггамзна амад̇аад̇хиг̇амам̣ д̣̇ассзд̇ваа ‘‘аяан̃жа бадибад̣̇аа маяаа г̇ад̇амаг̇г̇о жа д̇умхаагам̣ д̣̇ассид̇о’’д̇и д̇ад̇т̇а нзсам̣ уссаахам̣ ж̇анзнд̇о д̣̇уд̇ияам̣ г̇аат̇амааха. д̇ад̇т̇а гааязнаад̇и наамагааязна маг̇г̇апалзхи. пусаяид̇ваад̇и бад̇ваа. нируубад̇хинд̇и канд̇хаад̣̇исаб̣б̣уубад̇хирахид̇ам̣. убад̇хиббадиниссаг̇г̇анд̇и д̇зсам̣язва жа убад̇хийнам̣ бадиниссаж̇ж̇анагааран̣ам̣. ниб̣б̣аанасса хи маг̇г̇ан̃аан̣зна сажчигирияааяа саб̣б̣з убад̇хаяо бадиниссадтаа хонд̇ийд̇и д̇ам̣ д̇зсам̣ бадиниссаж̇ж̇анагааран̣ам̣. сажчигад̇ваад̇и гаалзна гаалам̣ паласамаабад̇д̇исамаабаж̇ж̇анзна ад̇д̇абажжагкам̣ гад̇ваа анаасаво саммаасамб̣уд̣̇д̇хо д̇амзва асогам̣ вираж̇ам̣ ниб̣б̣аанабад̣̇ам̣ д̣̇зсзд̇и. д̇асмаа д̇ад̣̇ад̇хиг̇амааяа уссуггам̣ гаад̇аб̣б̣анд̇и.
Evaṃ dhātuttayasamatikkamena amatādhigamaṃ dassetvā ‘‘ayañca paṭipadā mayā gatamaggo ca tumhākaṃ dassito’’ti tattha nesaṃ ussāhaṃ janento dutiyaṃ gāthamāha. Tattha kāyenāti nāmakāyena maggaphalehi. Phusayitvāti patvā. Nirūpadhinti khandhādisabbūpadhirahitaṃ. Upadhippaṭinissagganti tesaṃyeva ca upadhīnaṃ paṭinissajjanakāraṇaṃ. Nibbānassa hi maggañāṇena sacchikiriyāya sabbe upadhayo paṭinissaṭṭhā hontīti taṃ tesaṃ paṭinissajjanakāraṇaṃ. Sacchikatvāti kālena kālaṃ phalasamāpattisamāpajjanena attapaccakkhaṃ katvā anāsavo sammāsambuddho tameva asokaṃ virajaṃ nibbānapadaṃ deseti. Tasmā tadadhigamāya ussukkaṃ kātabbanti.
д̣̇уд̇ияасуд̇д̇аван̣н̣анаа нидтид̇аа.
Dutiyasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ид̇ивуд̇д̇агабаал̣и • Itivuttakapāḷi / 2. д̇хаад̇усуд̇д̇ам̣ • 2. Dhātusuttaṃ
