| Library / Tipiṭaka / д̇ибидага • Tipiṭaka / маж̇жхиманигааяа • Majjhimanikāya |
10. д̇хаад̇увибхан̇г̇асуд̇д̇ам̣
10. Dhātuvibhaṅgasuttaṃ
342. звам̣ мз суд̇ам̣ – згам̣ самаяам̣ бхаг̇аваа маг̇ад̇хзсу жааригам̣ жарамаано язна рааж̇аг̇ахам̣ д̇ад̣̇авасари; язна бхаг̇г̇аво гумбхагааро д̇знубасан̇гами; убасан̇гамид̇ваа бхаг̇г̇авам̣ гумбхагаарам̣ зд̇ад̣̇авожа – ‘‘сажз д̇з, бхаг̇г̇ава, аг̇ару вихарзму аавзсанз 1 згарад̇д̇а’’нд̇и. ‘‘на ко мз, бханд̇з, г̇ару. ад̇т̇и жзд̇т̇а баб̣б̣аж̇ид̇о батамам̣ ваасуубаг̇ад̇о. сажз со ануж̇аанаад̇и, вихарат̇а 2, бханд̇з, яат̇аасука’’нд̇и.
342. Evaṃ me sutaṃ – ekaṃ samayaṃ bhagavā magadhesu cārikaṃ caramāno yena rājagahaṃ tadavasari; yena bhaggavo kumbhakāro tenupasaṅkami; upasaṅkamitvā bhaggavaṃ kumbhakāraṃ etadavoca – ‘‘sace te, bhaggava, agaru viharemu āvesane 3 ekaratta’’nti. ‘‘Na kho me, bhante, garu. Atthi cettha pabbajito paṭhamaṃ vāsūpagato. Sace so anujānāti, viharatha 4, bhante, yathāsukha’’nti.
д̇зна ко бана самаязна буггусаад̇и наама гулабуд̇д̇о бхаг̇аванд̇ам̣ уд̣̇д̣̇исса сад̣̇д̇хааяа аг̇аарасмаа анаг̇аарияам̣ баб̣б̣аж̇ид̇о. со д̇асмим̣ гумбхагаараавзсанз 5 батамам̣ ваасуубаг̇ад̇о ход̇и. ат̇а ко бхаг̇аваа язнааяасмаа буггусаад̇и д̇знубасан̇гами; убасан̇гамид̇ваа ааяасманд̇ам̣ буггусаад̇им̣ зд̇ад̣̇авожа – ‘‘сажз д̇з, бхигку, аг̇ару вихарзму аавзсанз згарад̇д̇а’’нд̇и. ‘‘урунд̣̇ам̣, аавусо 6, гумбхагаараавзсанам̣. вихарад̇ааяасмаа яат̇аасука’’нд̇и.
Tena kho pana samayena pukkusāti nāma kulaputto bhagavantaṃ uddissa saddhāya agārasmā anagāriyaṃ pabbajito. So tasmiṃ kumbhakārāvesane 7 paṭhamaṃ vāsūpagato hoti. Atha kho bhagavā yenāyasmā pukkusāti tenupasaṅkami; upasaṅkamitvā āyasmantaṃ pukkusātiṃ etadavoca – ‘‘sace te, bhikkhu, agaru viharemu āvesane ekaratta’’nti. ‘‘Urundaṃ, āvuso 8, kumbhakārāvesanaṃ. Viharatāyasmā yathāsukha’’nti.
ат̇а ко бхаг̇аваа гумбхагаараавзсанам̣ бависид̇ваа згаманд̇ам̣ д̇ин̣асант̇аарагам̣ 9 бан̃н̃аабзд̇ваа нисийд̣̇и баллан̇гам̣ аабхуж̇ид̇ваа уж̇ум̣ гааяам̣ бан̣ид̇хааяа баримукам̣ сад̇им̣ убадтабзд̇ваа. ат̇а ко бхаг̇аваа б̣ахуд̣̇зва рад̇д̇им̣ нисаж̇ж̇ааяа вийд̇инаамзси. ааяасмааби ко буггусаад̇и б̣ахуд̣̇зва рад̇д̇им̣ нисаж̇ж̇ааяа вийд̇инаамзси.
Atha kho bhagavā kumbhakārāvesanaṃ pavisitvā ekamantaṃ tiṇasanthārakaṃ 10 paññāpetvā nisīdi pallaṅkaṃ ābhujitvā ujuṃ kāyaṃ paṇidhāya parimukhaṃ satiṃ upaṭṭhapetvā. Atha kho bhagavā bahudeva rattiṃ nisajjāya vītināmesi. Āyasmāpi kho pukkusāti bahudeva rattiṃ nisajjāya vītināmesi.
ат̇а ко бхаг̇авад̇о зд̇ад̣̇ахоси – ‘‘баасаад̣̇игам̣ ко аяам̣ гулабуд̇д̇о ирияад̇и. яам̣нуунаахам̣ бужчзяяа’’нд̇и. ат̇а ко бхаг̇аваа ааяасманд̇ам̣ буггусаад̇им̣ зд̇ад̣̇авожа – ‘‘гам̣си д̇вам̣, бхигку, уд̣̇д̣̇исса баб̣б̣аж̇ид̇о? го ваа д̇з сад̇т̇аа? гасса ваа д̇вам̣ д̇хаммам̣ рожзсий’’д̇и? ‘‘ад̇т̇аавусо, саман̣о г̇од̇амо сагяабуд̇д̇о сагяагулаа баб̣б̣аж̇ид̇о. д̇ам̣ ко бана бхаг̇аванд̇ам̣ г̇од̇амам̣ звам̣ галяаан̣о гид̇д̇исад̣̇д̣̇о аб̣бхуг̇г̇ад̇о – ‘ид̇иби со бхаг̇аваа арахам̣ саммаасамб̣уд̣̇д̇хо виж̇ж̇аажаран̣асамбанно суг̇ад̇о логавид̣̇уу ануд̇д̇аро бурисад̣̇аммасаарат̇и сад̇т̇аа д̣̇звамануссаанам̣ б̣уд̣̇д̇хо бхаг̇аваа’д̇и . д̇аахам̣ бхаг̇аванд̇ам̣ уд̣̇д̣̇исса баб̣б̣аж̇ид̇о. со жа мз бхаг̇аваа сад̇т̇аа. д̇асса жаахам̣ бхаг̇авад̇о д̇хаммам̣ рожзмий’’д̇и. ‘‘гахам̣ бана, бхигку, зд̇арахи со бхаг̇аваа вихарад̇и арахам̣ саммаасамб̣уд̣̇д̇хо’’д̇и. ‘‘ад̇т̇аавусо, уд̇д̇арзсу ж̇анабад̣̇зсу саавад̇т̇и наама наг̇арам̣. д̇ад̇т̇а со бхаг̇аваа зд̇арахи вихарад̇и арахам̣ саммаасамб̣уд̣̇д̇хо’’д̇и. ‘‘д̣̇идтабуб̣б̣о бана д̇з, бхигку, со бхаг̇аваа; д̣̇исваа жа бана ж̇аанзяяаасий’’д̇и? ‘‘на ко мз, аавусо, д̣̇идтабуб̣б̣о со бхаг̇аваа; д̣̇исваа жаахам̣ на ж̇аанзяяа’’нд̇и.
Atha kho bhagavato etadahosi – ‘‘pāsādikaṃ kho ayaṃ kulaputto iriyati. Yaṃnūnāhaṃ puccheyya’’nti. Atha kho bhagavā āyasmantaṃ pukkusātiṃ etadavoca – ‘‘kaṃsi tvaṃ, bhikkhu, uddissa pabbajito? Ko vā te satthā? Kassa vā tvaṃ dhammaṃ rocesī’’ti? ‘‘Atthāvuso, samaṇo gotamo sakyaputto sakyakulā pabbajito. Taṃ kho pana bhagavantaṃ gotamaṃ evaṃ kalyāṇo kittisaddo abbhuggato – ‘itipi so bhagavā arahaṃ sammāsambuddho vijjācaraṇasampanno sugato lokavidū anuttaro purisadammasārathi satthā devamanussānaṃ buddho bhagavā’ti . Tāhaṃ bhagavantaṃ uddissa pabbajito. So ca me bhagavā satthā. Tassa cāhaṃ bhagavato dhammaṃ rocemī’’ti. ‘‘Kahaṃ pana, bhikkhu, etarahi so bhagavā viharati arahaṃ sammāsambuddho’’ti. ‘‘Atthāvuso, uttaresu janapadesu sāvatthi nāma nagaraṃ. Tattha so bhagavā etarahi viharati arahaṃ sammāsambuddho’’ti. ‘‘Diṭṭhapubbo pana te, bhikkhu, so bhagavā; disvā ca pana jāneyyāsī’’ti? ‘‘Na kho me, āvuso, diṭṭhapubbo so bhagavā; disvā cāhaṃ na jāneyya’’nti.
ат̇а ко бхаг̇авад̇о зд̇ад̣̇ахоси – ‘‘маман̃жа квааяам̣ 11 гулабуд̇д̇о уд̣̇д̣̇исса баб̣б̣аж̇ид̇о. яам̣нуунассаахам̣ д̇хаммам̣ д̣̇зсзяяа’’нд̇и. ат̇а ко бхаг̇аваа ааяасманд̇ам̣ буггусаад̇им̣ ааманд̇зси – ‘‘д̇хаммам̣ д̇з, бхигку, д̣̇зсзссаами. д̇ам̣ сун̣аахи, саад̇хугам̣ манаси гарохи; бхаасиссаамий’’д̇и. ‘‘звамаавусо’’д̇и ко ааяасмаа буггусаад̇и бхаг̇авад̇о бажжассоси. бхаг̇аваа зд̇ад̣̇авожа –
Atha kho bhagavato etadahosi – ‘‘mamañca khvāyaṃ 12 kulaputto uddissa pabbajito. Yaṃnūnassāhaṃ dhammaṃ deseyya’’nti. Atha kho bhagavā āyasmantaṃ pukkusātiṃ āmantesi – ‘‘dhammaṃ te, bhikkhu, desessāmi. Taṃ suṇāhi, sādhukaṃ manasi karohi; bhāsissāmī’’ti. ‘‘Evamāvuso’’ti kho āyasmā pukkusāti bhagavato paccassosi. Bhagavā etadavoca –
343. ‘‘‘чад̇хаад̇уро 13 аяам̣, бхигку, бурисо чапассааяад̇ано адтаарасаманобавижааро жад̇ураад̇хидтаано; яад̇т̇а тид̇ам̣ ман̃н̃ассаваа наббавад̇д̇анд̇и, ман̃н̃ассавз ко бана наббавад̇д̇амаанз муни санд̇од̇и вужжад̇и. бан̃н̃ам̣ наббамаж̇ж̇зяяа, сажжаманурагкзяяа, жааг̇амануб̣руухзяяа, санд̇имзва со сигкзяяаа’д̇и – аяамуд̣̇д̣̇зсо д̇хаад̇увибхан̇г̇асса 14.
343. ‘‘‘Chadhāturo 15 ayaṃ, bhikkhu, puriso chaphassāyatano aṭṭhārasamanopavicāro caturādhiṭṭhāno; yattha ṭhitaṃ maññassavā nappavattanti, maññassave kho pana nappavattamāne muni santoti vuccati. Paññaṃ nappamajjeyya, saccamanurakkheyya, cāgamanubrūheyya, santimeva so sikkheyyā’ti – ayamuddeso dhātuvibhaṅgassa 16.
344. ‘‘‘чад̇хаад̇уро аяам̣, бхигку, бурисо’д̇и – ид̇и ко банзд̇ам̣ вуд̇д̇ам̣. гин̃жзд̇ам̣ бадижжа вуд̇д̇ам̣? (чаяимаа, бхигку, д̇хаад̇уяо) 17 – бат̇авийд̇хаад̇у, аабод̇хаад̇у, д̇зж̇од̇хаад̇у, вааяод̇хаад̇у, аагаасад̇хаад̇у, вин̃н̃аан̣ад̇хаад̇у. ‘чад̇хаад̇уро аяам̣, бхигку, бурисо’д̇и – ид̇и яам̣ д̇ам̣ вуд̇д̇ам̣, ид̣̇амзд̇ам̣ бадижжа вуд̇д̇ам̣.
344. ‘‘‘Chadhāturo ayaṃ, bhikkhu, puriso’ti – iti kho panetaṃ vuttaṃ. Kiñcetaṃ paṭicca vuttaṃ? (Chayimā, bhikkhu, dhātuyo) 18 – pathavīdhātu, āpodhātu, tejodhātu, vāyodhātu, ākāsadhātu, viññāṇadhātu. ‘Chadhāturo ayaṃ, bhikkhu, puriso’ti – iti yaṃ taṃ vuttaṃ, idametaṃ paṭicca vuttaṃ.
345. ‘‘‘чапассааяад̇ано аяам̣, бхигку, бурисо’д̇и – ид̇и ко банзд̇ам̣ вуд̇д̇ам̣. гин̃жзд̇ам̣ бадижжа вуд̇д̇ам̣? жагкусампассааяад̇анам̣, сод̇асампассааяад̇анам̣, гхаанасампассааяад̇анам̣, ж̇ивхаасампассааяад̇анам̣, гааяасампассааяад̇анам̣, маносампассааяад̇анам̣. ‘чапассааяад̇ано аяам̣, бхигку, бурисо’д̇и – ид̇и яам̣ д̇ам̣ вуд̇д̇ам̣, ид̣̇амзд̇ам̣ бадижжа вуд̇д̇ам̣.
345. ‘‘‘Chaphassāyatano ayaṃ, bhikkhu, puriso’ti – iti kho panetaṃ vuttaṃ. Kiñcetaṃ paṭicca vuttaṃ? Cakkhusamphassāyatanaṃ, sotasamphassāyatanaṃ, ghānasamphassāyatanaṃ, jivhāsamphassāyatanaṃ, kāyasamphassāyatanaṃ, manosamphassāyatanaṃ. ‘Chaphassāyatano ayaṃ, bhikkhu, puriso’ti – iti yaṃ taṃ vuttaṃ, idametaṃ paṭicca vuttaṃ.
346. ‘‘‘адтаарасаманобавижааро аяам̣, бхигку, бурисо’д̇и – ид̇и ко банзд̇ам̣ вуд̇д̇ам̣. гин̃жзд̇ам̣ бадижжа вуд̇д̇ам̣? жагкунаа руубам̣ д̣̇исваа соманассадтаанийяам̣ руубам̣ убавижарад̇и, д̣̇оманассадтаанийяам̣ руубам̣ убавижарад̇и, убзгкаадтаанийяам̣ руубам̣ убавижарад̇и; сод̇зна сад̣̇д̣̇ам̣ суд̇ваа…бз… гхаанзна г̇анд̇хам̣ гхааяид̇ваа… ж̇ивхааяа расам̣ сааяид̇ваа… гааязна подтаб̣б̣ам̣ пусид̇ваа… манасаа д̇хаммам̣ вин̃н̃ааяа соманассадтаанийяам̣ д̇хаммам̣ убавижарад̇и, д̣̇оманассадтаанийяам̣ д̇хаммам̣ убавижарад̇и , убзгкаадтаанийяам̣ д̇хаммам̣ убавижарад̇и – ид̇и ча соманассубавижаараа, ча д̣̇оманассубавижаараа, ча убзгкубавижаараа. ‘адтаарасаманобавижааро аяам̣, бхигку, бурисо’д̇и – ид̇и яам̣ д̇ам̣ вуд̇д̇ам̣, ид̣̇амзд̇ам̣ бадижжа вуд̇д̇ам̣.
346. ‘‘‘Aṭṭhārasamanopavicāro ayaṃ, bhikkhu, puriso’ti – iti kho panetaṃ vuttaṃ. Kiñcetaṃ paṭicca vuttaṃ? Cakkhunā rūpaṃ disvā somanassaṭṭhānīyaṃ rūpaṃ upavicarati, domanassaṭṭhānīyaṃ rūpaṃ upavicarati, upekkhāṭṭhānīyaṃ rūpaṃ upavicarati; sotena saddaṃ sutvā…pe… ghānena gandhaṃ ghāyitvā… jivhāya rasaṃ sāyitvā… kāyena phoṭṭhabbaṃ phusitvā… manasā dhammaṃ viññāya somanassaṭṭhānīyaṃ dhammaṃ upavicarati, domanassaṭṭhānīyaṃ dhammaṃ upavicarati , upekkhāṭṭhānīyaṃ dhammaṃ upavicarati – iti cha somanassupavicārā, cha domanassupavicārā, cha upekkhupavicārā. ‘Aṭṭhārasamanopavicāro ayaṃ, bhikkhu, puriso’ti – iti yaṃ taṃ vuttaṃ, idametaṃ paṭicca vuttaṃ.
347. ‘‘‘жад̇ураад̇хидтаано аяам̣, бхигку, бурисо’д̇и – ид̇и ко банзд̇ам̣ вуд̇д̇ам̣. гин̃жзд̇ам̣ бадижжа вуд̇д̇ам̣? бан̃н̃аад̇хидтаано, сажжаад̇хидтаано, жааг̇аад̇хидтаано, убасамаад̇хидтаано. ‘жад̇ураад̇хидтаано аяам̣, бхигку, бурисо’д̇и – ид̇и яам̣ д̇ам̣ вуд̇д̇ам̣ ид̣̇амзд̇ам̣ бадижжа вуд̇д̇ам̣.
347. ‘‘‘Caturādhiṭṭhāno ayaṃ, bhikkhu, puriso’ti – iti kho panetaṃ vuttaṃ. Kiñcetaṃ paṭicca vuttaṃ? Paññādhiṭṭhāno, saccādhiṭṭhāno, cāgādhiṭṭhāno, upasamādhiṭṭhāno. ‘Caturādhiṭṭhāno ayaṃ, bhikkhu, puriso’ti – iti yaṃ taṃ vuttaṃ idametaṃ paṭicca vuttaṃ.
348. ‘‘‘бан̃н̃ам̣ наббамаж̇ж̇зяяа, сажжаманурагкзяяа, жааг̇амануб̣руухзяяа, санд̇имзва со сигкзяяаа’д̇и – ид̇и ко банзд̇ам̣ вуд̇д̇ам̣. гин̃жзд̇ам̣ бадижжа вуд̇д̇ам̣? гат̇ан̃жа, бхигку, бан̃н̃ам̣ наббамаж̇ж̇ад̇и? чаяимаа, бхигку, д̇хаад̇уяо – бат̇авийд̇хаад̇у, аабод̇хаад̇у, д̇зж̇од̇хаад̇у, вааяод̇хаад̇у, аагаасад̇хаад̇у, вин̃н̃аан̣ад̇хаад̇у.
348. ‘‘‘Paññaṃ nappamajjeyya, saccamanurakkheyya, cāgamanubrūheyya, santimeva so sikkheyyā’ti – iti kho panetaṃ vuttaṃ. Kiñcetaṃ paṭicca vuttaṃ? Kathañca, bhikkhu, paññaṃ nappamajjati? Chayimā, bhikkhu, dhātuyo – pathavīdhātu, āpodhātu, tejodhātu, vāyodhātu, ākāsadhātu, viññāṇadhātu.
349. ‘‘гад̇амаа жа, бхигку, бат̇авийд̇хаад̇у? бат̇авийд̇хаад̇у сияаа аж̇жхад̇д̇игаа сияаа б̣аахираа. гад̇амаа жа, бхигку, аж̇жхад̇д̇игаа бат̇авийд̇хаад̇у? яам̣ аж̇жхад̇д̇ам̣ бажжад̇д̇ам̣ гагкал̣ам̣ кариг̇ад̇ам̣ убаад̣̇иннам̣ 19, сзяяат̇ид̣̇ам̣ – гзсаа ломаа накаа д̣̇анд̇аа д̇ажо мам̣сам̣ нхаару адти адтимин̃ж̇ам̣ 20 ваггам̣ хад̣̇аяам̣ яаганам̣ гиломагам̣ бихагам̣ бабпаасам̣ анд̇ам̣ анд̇аг̇ун̣ам̣ уд̣̇арияам̣ гарийсам̣, яам̣ ваа банан̃н̃амби гин̃жи аж̇жхад̇д̇ам̣ бажжад̇д̇ам̣ гагкал̣ам̣ кариг̇ад̇ам̣ убаад̣̇иннам̣ – аяам̣ вужжад̇и, бхигку, аж̇жхад̇д̇игаа бат̇авийд̇хаад̇у. яаа жзва ко бана аж̇жхад̇д̇игаа бат̇авийд̇хаад̇у яаа жа б̣аахираа бат̇авийд̇хаад̇у бат̇авийд̇хаад̇урзвзсаа . ‘д̇ам̣ нзд̇ам̣ мама нзсохамасми на мзсо ад̇д̇аа’д̇и – звамзд̇ам̣ яат̇аабхууд̇ам̣ саммаббан̃н̃ааяа д̣̇адтаб̣б̣ам̣. звамзд̇ам̣ яат̇аабхууд̇ам̣ саммаббан̃н̃ааяа д̣̇исваа бат̇авийд̇хаад̇уяаа ниб̣б̣инд̣̇ад̇и, бат̇авийд̇хаад̇уяаа жид̇д̇ам̣ вирааж̇зд̇и.
349. ‘‘Katamā ca, bhikkhu, pathavīdhātu? Pathavīdhātu siyā ajjhattikā siyā bāhirā. Katamā ca, bhikkhu, ajjhattikā pathavīdhātu? Yaṃ ajjhattaṃ paccattaṃ kakkhaḷaṃ kharigataṃ upādinnaṃ 21, seyyathidaṃ – kesā lomā nakhā dantā taco maṃsaṃ nhāru aṭṭhi aṭṭhimiñjaṃ 22 vakkaṃ hadayaṃ yakanaṃ kilomakaṃ pihakaṃ papphāsaṃ antaṃ antaguṇaṃ udariyaṃ karīsaṃ, yaṃ vā panaññampi kiñci ajjhattaṃ paccattaṃ kakkhaḷaṃ kharigataṃ upādinnaṃ – ayaṃ vuccati, bhikkhu, ajjhattikā pathavīdhātu. Yā ceva kho pana ajjhattikā pathavīdhātu yā ca bāhirā pathavīdhātu pathavīdhāturevesā . ‘Taṃ netaṃ mama nesohamasmi na meso attā’ti – evametaṃ yathābhūtaṃ sammappaññāya daṭṭhabbaṃ. Evametaṃ yathābhūtaṃ sammappaññāya disvā pathavīdhātuyā nibbindati, pathavīdhātuyā cittaṃ virājeti.
350. ‘‘гад̇амаа жа, бхигку, аабод̇хаад̇у? аабод̇хаад̇у сияаа аж̇жхад̇д̇игаа сияаа б̣аахираа. гад̇амаа жа, бхигку, аж̇жхад̇д̇игаа аабод̇хаад̇у? яам̣ аж̇жхад̇д̇ам̣ бажжад̇д̇ам̣ аабо аабог̇ад̇ам̣ убаад̣̇иннам̣ сзяяат̇ид̣̇ам̣ – бид̇д̇ам̣ сзмхам̣ буб̣б̣о лохид̇ам̣ сзд̣̇о мзд̣̇о ассу васаа кзл̣о син̇гхаан̣игаа ласигаа муд̇д̇ам̣, яам̣ ваа банан̃н̃амби гин̃жи аж̇жхад̇д̇ам̣ бажжад̇д̇ам̣ аабо аабог̇ад̇ам̣ убаад̣̇иннам̣ – аяам̣ вужжад̇и, бхигку, аж̇жхад̇д̇игаа аабод̇хаад̇у. яаа жзва ко бана аж̇жхад̇д̇игаа аабод̇хаад̇у яаа жа б̣аахираа аабод̇хаад̇у аабод̇хаад̇урзвзсаа. ‘д̇ам̣ нзд̇ам̣ мама, нзсохамасми, на мзсо ад̇д̇аа’д̇и – звамзд̇ам̣ яат̇аабхууд̇ам̣ саммаббан̃н̃ааяа д̣̇адтаб̣б̣ам̣. звамзд̇ам̣ яат̇аабхууд̇ам̣ саммаббан̃н̃ааяа д̣̇исваа аабод̇хаад̇уяаа ниб̣б̣инд̣̇ад̇и, аабод̇хаад̇уяаа жид̇д̇ам̣ вирааж̇зд̇и.
350. ‘‘Katamā ca, bhikkhu, āpodhātu? Āpodhātu siyā ajjhattikā siyā bāhirā. Katamā ca, bhikkhu, ajjhattikā āpodhātu? Yaṃ ajjhattaṃ paccattaṃ āpo āpogataṃ upādinnaṃ seyyathidaṃ – pittaṃ semhaṃ pubbo lohitaṃ sedo medo assu vasā kheḷo siṅghāṇikā lasikā muttaṃ, yaṃ vā panaññampi kiñci ajjhattaṃ paccattaṃ āpo āpogataṃ upādinnaṃ – ayaṃ vuccati, bhikkhu, ajjhattikā āpodhātu. Yā ceva kho pana ajjhattikā āpodhātu yā ca bāhirā āpodhātu āpodhāturevesā. ‘Taṃ netaṃ mama, nesohamasmi, na meso attā’ti – evametaṃ yathābhūtaṃ sammappaññāya daṭṭhabbaṃ. Evametaṃ yathābhūtaṃ sammappaññāya disvā āpodhātuyā nibbindati, āpodhātuyā cittaṃ virājeti.
351. ‘‘гад̇амаа жа, бхигку, д̇зж̇од̇хаад̇у? д̇зж̇од̇хаад̇у сияаа аж̇жхад̇д̇игаа сияаа б̣аахираа. гад̇амаа жа, бхигку, аж̇жхад̇д̇игаа д̇зж̇од̇хаад̇у? яам̣ аж̇жхад̇д̇ам̣ бажжад̇д̇ам̣ д̇зж̇о д̇зж̇ог̇ад̇ам̣ убаад̣̇иннам̣, сзяяат̇ид̣̇ам̣ – язна жа санд̇аббад̇и, язна жа ж̇ийрийяад̇и, язна жа барид̣аяхад̇и, язна жа асид̇абийд̇акааяид̇асааяид̇ам̣ саммаа барин̣аамам̣ г̇ажчад̇и, яам̣ ваа банан̃н̃амби гин̃жи аж̇жхад̇д̇ам̣ бажжад̇д̇ам̣ д̇зж̇о д̇зж̇ог̇ад̇ам̣ убаад̣̇иннам̣ – аяам̣ вужжад̇и, бхигку, аж̇жхад̇д̇игаа д̇зж̇од̇хаад̇у. яаа жзва ко бана аж̇жхад̇д̇игаа д̇зж̇од̇хаад̇у яаа жа б̣аахираа д̇зж̇од̇хаад̇у д̇зж̇од̇хаад̇урзвзсаа. ‘д̇ам̣ нзд̇ам̣ мама, нзсохамасми, на мзсо ад̇д̇аа’д̇и – звамзд̇ам̣ яат̇аабхууд̇ам̣ саммаббан̃н̃ааяа д̣̇адтаб̣б̣ам̣. звамзд̇ам̣ яат̇аабхууд̇ам̣ саммаббан̃н̃ааяа д̣̇исваа д̇зж̇од̇хаад̇уяаа ниб̣б̣инд̣̇ад̇и, д̇зж̇од̇хаад̇уяаа жид̇д̇ам̣ вирааж̇зд̇и.
351. ‘‘Katamā ca, bhikkhu, tejodhātu? Tejodhātu siyā ajjhattikā siyā bāhirā. Katamā ca, bhikkhu, ajjhattikā tejodhātu? Yaṃ ajjhattaṃ paccattaṃ tejo tejogataṃ upādinnaṃ, seyyathidaṃ – yena ca santappati, yena ca jīrīyati, yena ca pariḍayhati, yena ca asitapītakhāyitasāyitaṃ sammā pariṇāmaṃ gacchati, yaṃ vā panaññampi kiñci ajjhattaṃ paccattaṃ tejo tejogataṃ upādinnaṃ – ayaṃ vuccati, bhikkhu, ajjhattikā tejodhātu. Yā ceva kho pana ajjhattikā tejodhātu yā ca bāhirā tejodhātu tejodhāturevesā. ‘Taṃ netaṃ mama, nesohamasmi, na meso attā’ti – evametaṃ yathābhūtaṃ sammappaññāya daṭṭhabbaṃ. Evametaṃ yathābhūtaṃ sammappaññāya disvā tejodhātuyā nibbindati, tejodhātuyā cittaṃ virājeti.
352. ‘‘гад̇амаа жа, бхигку, вааяод̇хаад̇у? вааяод̇хаад̇у сияаа аж̇жхад̇д̇игаа сияаа б̣аахираа. гад̇амаа жа, бхигку, аж̇жхад̇д̇игаа вааяод̇хаад̇у? яам̣ аж̇жхад̇д̇ам̣ бажжад̇д̇ам̣ вааяо вааяог̇ад̇ам̣ убаад̣̇иннам̣, сзяяат̇ид̣̇ам̣ – уд̣̇д̇хан̇г̇амаа ваад̇аа ад̇хог̇амаа ваад̇аа гужчисаяаа ваад̇аа годтаасаяаа 23 ваад̇аа ан̇г̇аман̇г̇аанусаарино ваад̇аа ассаасо бассаасо ид̇и, яам̣ ваа банан̃н̃амби гин̃жи аж̇жхад̇д̇ам̣ бажжад̇д̇ам̣ вааяо вааяог̇ад̇ам̣ убаад̣̇иннам̣ – аяам̣ вужжад̇и, бхигку, аж̇жхад̇д̇игаа вааяод̇хаад̇у. яаа жзва ко бана аж̇жхад̇д̇игаа вааяод̇хаад̇у яаа жа б̣аахираа вааяод̇хаад̇у вааяод̇хаад̇урзвзсаа. ‘д̇ам̣ нзд̇ам̣ мама , нзсохамасми , на мзсо ад̇д̇аа’д̇и – звамзд̇ам̣ яат̇аабхууд̇ам̣ саммаббан̃н̃ааяа д̣̇адтаб̣б̣ам̣. звамзд̇ам̣ яат̇аабхууд̇ам̣ саммаббан̃н̃ааяа д̣̇исваа вааяод̇хаад̇уяаа ниб̣б̣инд̣̇ад̇и, вааяод̇хаад̇уяаа жид̇д̇ам̣ вирааж̇зд̇и.
352. ‘‘Katamā ca, bhikkhu, vāyodhātu? Vāyodhātu siyā ajjhattikā siyā bāhirā. Katamā ca, bhikkhu, ajjhattikā vāyodhātu? Yaṃ ajjhattaṃ paccattaṃ vāyo vāyogataṃ upādinnaṃ, seyyathidaṃ – uddhaṅgamā vātā adhogamā vātā kucchisayā vātā koṭṭhāsayā 24 vātā aṅgamaṅgānusārino vātā assāso passāso iti, yaṃ vā panaññampi kiñci ajjhattaṃ paccattaṃ vāyo vāyogataṃ upādinnaṃ – ayaṃ vuccati, bhikkhu, ajjhattikā vāyodhātu. Yā ceva kho pana ajjhattikā vāyodhātu yā ca bāhirā vāyodhātu vāyodhāturevesā. ‘Taṃ netaṃ mama , nesohamasmi , na meso attā’ti – evametaṃ yathābhūtaṃ sammappaññāya daṭṭhabbaṃ. Evametaṃ yathābhūtaṃ sammappaññāya disvā vāyodhātuyā nibbindati, vāyodhātuyā cittaṃ virājeti.
353. ‘‘гад̇амаа жа, бхигку, аагаасад̇хаад̇у? аагаасад̇хаад̇у сияаа аж̇жхад̇д̇игаа сияаа б̣аахираа. гад̇амаа жа, бхигку, аж̇жхад̇д̇игаа аагаасад̇хаад̇у ? яам̣ аж̇жхад̇д̇ам̣ бажжад̇д̇ам̣ аагаасам̣ аагаасаг̇ад̇ам̣ убаад̣̇иннам̣, сзяяат̇ид̣̇ам̣ – ган̣н̣ажчид̣̇д̣̇ам̣ наасажчид̣̇д̣̇ам̣ мукад̣̇ваарам̣ язна жа асид̇абийд̇акааяид̇асааяид̇ам̣ аж̇жхохарад̇и, яад̇т̇а жа асид̇абийд̇акааяид̇асааяид̇ам̣ санд̇идтад̇и, язна жа асид̇абийд̇акааяид̇асааяид̇ам̣ ад̇хобхааг̇ам̣ 25 нигкамад̇и, яам̣ ваа банан̃н̃амби гин̃жи аж̇жхад̇д̇ам̣ бажжад̇д̇ам̣ аагаасам̣ аагаасаг̇ад̇ам̣ агхам̣ агхаг̇ад̇ам̣ виварам̣ вивараг̇ад̇ам̣ асампудтам̣ мам̣салохид̇зхи убаад̣̇иннам̣ – аяам̣ вужжад̇и бхигку аж̇жхад̇д̇игаа аагаасад̇хаад̇у. яаа жзва ко бана аж̇жхад̇д̇игаа аагаасад̇хаад̇у яаа жа б̣аахираа аагаасад̇хаад̇у аагаасад̇хаад̇урзвзсаа. ‘д̇ам̣ нзд̇ам̣ мама, нзсохамасми, на мзсо ад̇д̇аа’д̇и – звамзд̇ам̣ яат̇аабхууд̇ам̣ саммаббан̃н̃ааяа д̣̇адтаб̣б̣ам̣. звамзд̇ам̣ яат̇аабхууд̇ам̣ саммаббан̃н̃ааяа д̣̇исваа аагаасад̇хаад̇уяаа ниб̣б̣инд̣̇ад̇и, аагаасад̇хаад̇уяаа жид̇д̇ам̣ вирааж̇зд̇и.
353. ‘‘Katamā ca, bhikkhu, ākāsadhātu? Ākāsadhātu siyā ajjhattikā siyā bāhirā. Katamā ca, bhikkhu, ajjhattikā ākāsadhātu ? Yaṃ ajjhattaṃ paccattaṃ ākāsaṃ ākāsagataṃ upādinnaṃ, seyyathidaṃ – kaṇṇacchiddaṃ nāsacchiddaṃ mukhadvāraṃ yena ca asitapītakhāyitasāyitaṃ ajjhoharati, yattha ca asitapītakhāyitasāyitaṃ santiṭṭhati, yena ca asitapītakhāyitasāyitaṃ adhobhāgaṃ 26 nikkhamati, yaṃ vā panaññampi kiñci ajjhattaṃ paccattaṃ ākāsaṃ ākāsagataṃ aghaṃ aghagataṃ vivaraṃ vivaragataṃ asamphuṭṭhaṃ maṃsalohitehi upādinnaṃ – ayaṃ vuccati bhikkhu ajjhattikā ākāsadhātu. Yā ceva kho pana ajjhattikā ākāsadhātu yā ca bāhirā ākāsadhātu ākāsadhāturevesā. ‘Taṃ netaṃ mama, nesohamasmi, na meso attā’ti – evametaṃ yathābhūtaṃ sammappaññāya daṭṭhabbaṃ. Evametaṃ yathābhūtaṃ sammappaññāya disvā ākāsadhātuyā nibbindati, ākāsadhātuyā cittaṃ virājeti.
354. ‘‘ат̇аабарам̣ вин̃н̃аан̣ам̣язва авасиссад̇и барисуд̣̇д̇хам̣ барияод̣̇аад̇ам̣. д̇зна жа вин̃н̃аан̣зна гим̣ 27 виж̇аанаад̇и? ‘сука’нд̇иби виж̇аанаад̇и, ‘д̣̇угка’нд̇иби виж̇аанаад̇и, ‘ад̣̇угкамасука’нд̇иби виж̇аанаад̇и. сукавзд̣̇анияам̣, бхигку, пассам̣ бадижжа уббаж̇ж̇ад̇и сукаа взд̣̇анаа. со сукам̣ взд̣̇анам̣ взд̣̇аяамаано ‘сукам̣ взд̣̇анам̣ взд̣̇аяаамий’д̇и баж̇аанаад̇и. ‘д̇ассзва сукавзд̣̇анияасса пассасса нирод̇хаа яам̣ д̇аж̇ж̇ам̣ взд̣̇аяид̇ам̣ сукавзд̣̇анияам̣ пассам̣ бадижжа уббаннаа сукаа взд̣̇анаа саа нируж̇жхад̇и, саа вуубасаммад̇ий’д̇и баж̇аанаад̇и.
354. ‘‘Athāparaṃ viññāṇaṃyeva avasissati parisuddhaṃ pariyodātaṃ. Tena ca viññāṇena kiṃ 28 vijānāti? ‘Sukha’ntipi vijānāti, ‘dukkha’ntipi vijānāti, ‘adukkhamasukha’ntipi vijānāti. Sukhavedaniyaṃ, bhikkhu, phassaṃ paṭicca uppajjati sukhā vedanā. So sukhaṃ vedanaṃ vedayamāno ‘sukhaṃ vedanaṃ vedayāmī’ti pajānāti. ‘Tasseva sukhavedaniyassa phassassa nirodhā yaṃ tajjaṃ vedayitaṃ sukhavedaniyaṃ phassaṃ paṭicca uppannā sukhā vedanā sā nirujjhati, sā vūpasammatī’ti pajānāti.
355. ‘‘д̣̇угкавзд̣̇анияам̣, бхигку, пассам̣ бадижжа уббаж̇ж̇ад̇и д̣̇угкаа взд̣̇анаа. со д̣̇угкам̣ взд̣̇анам̣ взд̣̇аяамаано ‘д̣̇угкам̣ взд̣̇анам̣ взд̣̇аяаамий’д̇и баж̇аанаад̇и. ‘д̇ассзва д̣̇угкавзд̣̇анияасса пассасса нирод̇хаа яам̣ д̇аж̇ж̇ам̣ взд̣̇аяид̇ам̣ д̣̇угкавзд̣̇анияам̣ пассам̣ бадижжа уббаннаа д̣̇угкаа взд̣̇анаа саа нируж̇жхад̇и, саа вуубасаммад̇ий’д̇и баж̇аанаад̇и.
355. ‘‘Dukkhavedaniyaṃ, bhikkhu, phassaṃ paṭicca uppajjati dukkhā vedanā. So dukkhaṃ vedanaṃ vedayamāno ‘dukkhaṃ vedanaṃ vedayāmī’ti pajānāti. ‘Tasseva dukkhavedaniyassa phassassa nirodhā yaṃ tajjaṃ vedayitaṃ dukkhavedaniyaṃ phassaṃ paṭicca uppannā dukkhā vedanā sā nirujjhati, sā vūpasammatī’ti pajānāti.
356. ‘‘ад̣̇угкамасукавзд̣̇анияам̣, бхигку, пассам̣ бадижжа уббаж̇ж̇ад̇и ад̣̇угкамасукаа взд̣̇анаа. со ад̣̇угкамасукам̣ взд̣̇анам̣ взд̣̇аяамаано ‘ад̣̇угкамасукам̣ взд̣̇анам̣ взд̣̇аяаамий’д̇и баж̇аанаад̇и. ‘д̇ассзва ад̣̇угкамасукавзд̣̇анияасса пассасса нирод̇хаа яам̣ д̇аж̇ж̇ам̣ взд̣̇аяид̇ам̣ ад̣̇угкамасукавзд̣̇анияам̣ пассам̣ бадижжа уббаннаа ад̣̇угкамасукаа взд̣̇анаа саа нируж̇жхад̇и, саа вуубасаммад̇ий’д̇и баж̇аанаад̇и.
356. ‘‘Adukkhamasukhavedaniyaṃ, bhikkhu, phassaṃ paṭicca uppajjati adukkhamasukhā vedanā. So adukkhamasukhaṃ vedanaṃ vedayamāno ‘adukkhamasukhaṃ vedanaṃ vedayāmī’ti pajānāti. ‘Tasseva adukkhamasukhavedaniyassa phassassa nirodhā yaṃ tajjaṃ vedayitaṃ adukkhamasukhavedaniyaṃ phassaṃ paṭicca uppannā adukkhamasukhā vedanā sā nirujjhati, sā vūpasammatī’ti pajānāti.
357. ‘‘сзяяат̇ааби, бхигку, д̣̇виннам̣ гадтаанам̣ сан̇гхаддаа 29 самод̇хаанаа усмаа ж̇ааяад̇и, д̇зж̇о абхиниб̣б̣ад̇д̇ад̇и, д̇зсам̣язва д̣̇виннам̣ гадтаанам̣ наанаабхааваа вигкзбаа яаа д̇аж̇ж̇аа усмаа саа нируж̇жхад̇и, саа вуубасаммад̇и; звамзва ко, бхигку, сукавзд̣̇анияам̣ пассам̣ бадижжа уббаж̇ж̇ад̇и сукаа взд̣̇анаа. со сукам̣ взд̣̇анам̣ взд̣̇аяамаано ‘сукам̣ взд̣̇анам̣ взд̣̇аяаамий’д̇и баж̇аанаад̇и. ‘д̇ассзва сукавзд̣̇анияасса пассасса нирод̇хаа яам̣ д̇аж̇ж̇ам̣ взд̣̇аяид̇ам̣ сукавзд̣̇анияам̣ пассам̣ бадижжа уббаннаа сукаа взд̣̇анаа саа нируж̇жхад̇и, саа вуубасаммад̇ий’д̇и баж̇аанаад̇и.
357. ‘‘Seyyathāpi, bhikkhu, dvinnaṃ kaṭṭhānaṃ saṅghaṭṭā 30 samodhānā usmā jāyati, tejo abhinibbattati, tesaṃyeva dvinnaṃ kaṭṭhānaṃ nānābhāvā vikkhepā yā tajjā usmā sā nirujjhati, sā vūpasammati; evameva kho, bhikkhu, sukhavedaniyaṃ phassaṃ paṭicca uppajjati sukhā vedanā. So sukhaṃ vedanaṃ vedayamāno ‘sukhaṃ vedanaṃ vedayāmī’ti pajānāti. ‘Tasseva sukhavedaniyassa phassassa nirodhā yaṃ tajjaṃ vedayitaṃ sukhavedaniyaṃ phassaṃ paṭicca uppannā sukhā vedanā sā nirujjhati, sā vūpasammatī’ti pajānāti.
358. ‘‘д̣̇угкавзд̣̇анияам̣, бхигку, пассам̣ бадижжа уббаж̇ж̇ад̇и д̣̇угкаа взд̣̇анаа. со д̣̇угкам̣ взд̣̇анам̣ взд̣̇аяамаано ‘д̣̇угкам̣ взд̣̇анам̣ взд̣̇аяаамий’д̇и баж̇аанаад̇и. ‘д̇ассзва д̣̇угкавзд̣̇анияасса пассасса нирод̇хаа яам̣ д̇аж̇ж̇ам̣ взд̣̇аяид̇ам̣ д̣̇угкавзд̣̇анияам̣ пассам̣ бадижжа уббаннаа д̣̇угкаа взд̣̇анаа саа нируж̇жхад̇и, саа вуубасаммад̇ий’д̇и баж̇аанаад̇и.
358. ‘‘Dukkhavedaniyaṃ, bhikkhu, phassaṃ paṭicca uppajjati dukkhā vedanā. So dukkhaṃ vedanaṃ vedayamāno ‘dukkhaṃ vedanaṃ vedayāmī’ti pajānāti. ‘Tasseva dukkhavedaniyassa phassassa nirodhā yaṃ tajjaṃ vedayitaṃ dukkhavedaniyaṃ phassaṃ paṭicca uppannā dukkhā vedanā sā nirujjhati, sā vūpasammatī’ti pajānāti.
359. ‘‘ад̣̇угкамасукавзд̣̇анияам̣ , бхигку, пассам̣ бадижжа уббаж̇ж̇ад̇и ад̣̇угкамасукаа взд̣̇анаа. со ад̣̇угкамасукам̣ взд̣̇анам̣ взд̣̇аяамаано ‘ад̣̇угкамасукам̣ взд̣̇анам̣ взд̣̇аяаамий’д̇и баж̇аанаад̇и. ‘д̇ассзва ад̣̇угкамасукавзд̣̇анияасса пассасса нирод̇хаа яам̣ д̇аж̇ж̇ам̣ взд̣̇аяид̇ам̣ ад̣̇угкамасукавзд̣̇анияам̣ пассам̣ бадижжа уббаннаа ад̣̇угкамасукаа взд̣̇анаа саа нируж̇жхад̇и, саа вуубасаммад̇ий’д̇и баж̇аанаад̇и.
359. ‘‘Adukkhamasukhavedaniyaṃ , bhikkhu, phassaṃ paṭicca uppajjati adukkhamasukhā vedanā. So adukkhamasukhaṃ vedanaṃ vedayamāno ‘adukkhamasukhaṃ vedanaṃ vedayāmī’ti pajānāti. ‘Tasseva adukkhamasukhavedaniyassa phassassa nirodhā yaṃ tajjaṃ vedayitaṃ adukkhamasukhavedaniyaṃ phassaṃ paṭicca uppannā adukkhamasukhā vedanā sā nirujjhati, sā vūpasammatī’ti pajānāti.
360. ‘‘ат̇аабарам̣ убзгкааязва авасиссад̇и барисуд̣̇д̇хаа барияод̣̇аад̇аа муд̣̇у жа гамман̃н̃аа жа бабхассараа жа. сзяяат̇ааби, бхигку, д̣̇агко суван̣н̣агааро ваа суван̣н̣агааранд̇зваасий ваа уггам̣ б̣анд̇хзяяа, уггам̣ б̣анд̇хид̇ваа уггаамукам̣ аалимбзяяа, уггаамукам̣ аалимбзд̇ваа сан̣д̣аасзна ж̇аад̇аруубам̣ г̇ахзд̇ваа уггаамукз багкибзяяа, д̇амзнам̣ гаалзна гаалам̣ абхид̇хамзяяа, гаалзна гаалам̣ уд̣̇агзна барибпосзяяа, гаалзна гаалам̣ аж̇жхубзгкзяяа, д̇ам̣ ход̇и ж̇аад̇аруубам̣ 31 суд̇ханд̇ам̣ нид̣̇д̇ханд̇ам̣ нийхадам̣ 32 ниннийд̇агасаавам̣ 33 муд̣̇у жа гамман̃н̃ан̃жа бабхассаран̃жа, яассаа яассаа жа бил̣анд̇ханавигад̇ияаа ааган̇кад̇и – яад̣̇и баддигааяа 34 яад̣̇и гун̣д̣алааяа яад̣̇и г̇ийвзяяагааяа яад̣̇и суван̣н̣амаалааяа д̇ан̃жасса ад̇т̇ам̣ анубход̇и; звамзва ко, бхигку, ат̇аабарам̣ убзгкааязва авасиссад̇и барисуд̣̇д̇хаа барияод̣̇аад̇аа муд̣̇у жа гамман̃н̃аа жа бабхассараа жа.
360. ‘‘Athāparaṃ upekkhāyeva avasissati parisuddhā pariyodātā mudu ca kammaññā ca pabhassarā ca. Seyyathāpi, bhikkhu, dakkho suvaṇṇakāro vā suvaṇṇakārantevāsī vā ukkaṃ bandheyya, ukkaṃ bandhitvā ukkāmukhaṃ ālimpeyya, ukkāmukhaṃ ālimpetvā saṇḍāsena jātarūpaṃ gahetvā ukkāmukhe pakkhipeyya, tamenaṃ kālena kālaṃ abhidhameyya, kālena kālaṃ udakena paripphoseyya, kālena kālaṃ ajjhupekkheyya, taṃ hoti jātarūpaṃ 35 sudhantaṃ niddhantaṃ nīhaṭaṃ 36 ninnītakasāvaṃ 37 mudu ca kammaññañca pabhassarañca, yassā yassā ca piḷandhanavikatiyā ākaṅkhati – yadi paṭṭikāya 38 yadi kuṇḍalāya yadi gīveyyakāya yadi suvaṇṇamālāya tañcassa atthaṃ anubhoti; evameva kho, bhikkhu, athāparaṃ upekkhāyeva avasissati parisuddhā pariyodātā mudu ca kammaññā ca pabhassarā ca.
361. ‘‘со звам̣ баж̇аанаад̇и – ‘иман̃жз ахам̣ убзгкам̣ звам̣ барисуд̣̇д̇хам̣ звам̣ барияод̣̇аад̇ам̣ аагаасаанан̃жааяад̇анам̣ убасам̣харзяяам̣, д̇ад̣̇ануд̇хамман̃жа жид̇д̇ам̣ бхаавзяяам̣. звам̣ мз аяам̣ убзгкаа д̇ам̣ниссид̇аа д̇ад̣̇убаад̣̇аанаа жирам̣ д̣̇ийгхамад̣̇д̇хаанам̣ д̇идтзяяа. иман̃жз ахам̣ убзгкам̣ звам̣ барисуд̣̇д̇хам̣ звам̣ барияод̣̇аад̇ам̣ вин̃н̃аан̣ан̃жааяад̇анам̣ убасам̣харзяяам̣, д̇ад̣̇ануд̇хамман̃жа жид̇д̇ам̣ бхаавзяяам̣. звам̣ мз аяам̣ убзгкаа д̇ам̣ниссид̇аа д̇ад̣̇убаад̣̇аанаа жирам̣ д̣̇ийгхамад̣̇д̇хаанам̣ д̇идтзяяа. иман̃жз ахам̣ убзгкам̣ звам̣ барисуд̣̇д̇хам̣ звам̣ барияод̣̇аад̇ам̣ аагин̃жан̃н̃ааяад̇анам̣ убасам̣харзяяам̣, д̇ад̣̇ануд̇хамман̃жа жид̇д̇ам̣ бхаавзяяам̣. звам̣ мз аяам̣ убзгкаа д̇ам̣ниссид̇аа д̇ад̣̇убаад̣̇аанаа жирам̣ д̣̇ийгхамад̣̇д̇хаанам̣ д̇идтзяяа. иман̃жз ахам̣ убзгкам̣ звам̣ барисуд̣̇д̇хам̣ звам̣ барияод̣̇аад̇ам̣ нзвасан̃н̃аанаасан̃н̃ааяад̇анам̣ убасам̣харзяяам̣, д̇ад̣̇ануд̇хамман̃жа жид̇д̇ам̣ бхаавзяяам̣. звам̣ мз аяам̣ убзгкаа д̇ам̣ниссид̇аа д̇ад̣̇убаад̣̇аанаа жирам̣ д̣̇ийгхамад̣̇д̇хаанам̣ д̇идтзяяаа’’’д̇и.
361. ‘‘So evaṃ pajānāti – ‘imañce ahaṃ upekkhaṃ evaṃ parisuddhaṃ evaṃ pariyodātaṃ ākāsānañcāyatanaṃ upasaṃhareyyaṃ, tadanudhammañca cittaṃ bhāveyyaṃ. Evaṃ me ayaṃ upekkhā taṃnissitā tadupādānā ciraṃ dīghamaddhānaṃ tiṭṭheyya. Imañce ahaṃ upekkhaṃ evaṃ parisuddhaṃ evaṃ pariyodātaṃ viññāṇañcāyatanaṃ upasaṃhareyyaṃ, tadanudhammañca cittaṃ bhāveyyaṃ. Evaṃ me ayaṃ upekkhā taṃnissitā tadupādānā ciraṃ dīghamaddhānaṃ tiṭṭheyya. Imañce ahaṃ upekkhaṃ evaṃ parisuddhaṃ evaṃ pariyodātaṃ ākiñcaññāyatanaṃ upasaṃhareyyaṃ, tadanudhammañca cittaṃ bhāveyyaṃ. Evaṃ me ayaṃ upekkhā taṃnissitā tadupādānā ciraṃ dīghamaddhānaṃ tiṭṭheyya. Imañce ahaṃ upekkhaṃ evaṃ parisuddhaṃ evaṃ pariyodātaṃ nevasaññānāsaññāyatanaṃ upasaṃhareyyaṃ, tadanudhammañca cittaṃ bhāveyyaṃ. Evaṃ me ayaṃ upekkhā taṃnissitā tadupādānā ciraṃ dīghamaddhānaṃ tiṭṭheyyā’’’ti.
362. ‘‘со звам̣ баж̇аанаад̇и – ‘иман̃жз ахам̣ убзгкам̣ звам̣ барисуд̣̇д̇хам̣ звам̣ барияод̣̇аад̇ам̣ аагаасаанан̃жааяад̇анам̣ убасам̣харзяяам̣, д̇ад̣̇ануд̇хамман̃жа жид̇д̇ам̣ бхаавзяяам̣; сан̇кад̇амзд̇ам̣. иман̃жз ахам̣ убзгкам̣ звам̣ барисуд̣̇д̇хам̣ звам̣ барияод̣̇аад̇ам̣ вин̃н̃аан̣ан̃жааяад̇анам̣ убасам̣харзяяам̣, д̇ад̣̇ануд̇хамман̃жа жид̇д̇ам̣ бхаавзяяам̣; сан̇кад̇амзд̇ам̣. иман̃жз ахам̣ убзгкам̣ звам̣ барисуд̣̇д̇хам̣ звам̣ барияод̣̇аад̇ам̣ аагин̃жан̃н̃ааяад̇анам̣ убасам̣харзяяам̣, д̇ад̣̇ануд̇хамман̃жа жид̇д̇ам̣ бхаавзяяам̣; сан̇кад̇амзд̇ам̣. иман̃жз ахам̣ убзгкам̣ звам̣ барисуд̣̇д̇хам̣ звам̣ барияод̣̇аад̇ам̣ нзвасан̃н̃аанаасан̃н̃ааяад̇анам̣ убасам̣харзяяам̣, д̇ад̣̇ануд̇хамман̃жа жид̇д̇ам̣ бхаавзяяам̣; сан̇кад̇амзд̇а’’’нд̇и.
362. ‘‘So evaṃ pajānāti – ‘imañce ahaṃ upekkhaṃ evaṃ parisuddhaṃ evaṃ pariyodātaṃ ākāsānañcāyatanaṃ upasaṃhareyyaṃ, tadanudhammañca cittaṃ bhāveyyaṃ; saṅkhatametaṃ. Imañce ahaṃ upekkhaṃ evaṃ parisuddhaṃ evaṃ pariyodātaṃ viññāṇañcāyatanaṃ upasaṃhareyyaṃ, tadanudhammañca cittaṃ bhāveyyaṃ; saṅkhatametaṃ. Imañce ahaṃ upekkhaṃ evaṃ parisuddhaṃ evaṃ pariyodātaṃ ākiñcaññāyatanaṃ upasaṃhareyyaṃ, tadanudhammañca cittaṃ bhāveyyaṃ; saṅkhatametaṃ. Imañce ahaṃ upekkhaṃ evaṃ parisuddhaṃ evaṃ pariyodātaṃ nevasaññānāsaññāyatanaṃ upasaṃhareyyaṃ, tadanudhammañca cittaṃ bhāveyyaṃ; saṅkhatameta’’’nti.
‘‘со нзва д̇ам̣ абхисан̇карод̇и, на абхисан̃жзд̇аяад̇и бхавааяа ваа вибхавааяа ваа. со анабхисан̇каронд̇о анабхисан̃жзд̇аяанд̇о бхавааяа ваа вибхавааяа ваа на гин̃жи логз убаад̣̇ияад̇и, анубаад̣̇ияам̣ на барид̇ассад̇и, абарид̇ассам̣ бажжад̇д̇ам̣язва бариниб̣б̣ааяад̇и. ‘кийн̣аа ж̇аад̇и, вусид̇ам̣ б̣рахмажарияам̣, гад̇ам̣ гаран̣ийяам̣, наабарам̣ ид̇т̇ад̇д̇ааяаа’д̇и баж̇аанаад̇и.
‘‘So neva taṃ abhisaṅkharoti, na abhisañcetayati bhavāya vā vibhavāya vā. So anabhisaṅkharonto anabhisañcetayanto bhavāya vā vibhavāya vā na kiñci loke upādiyati, anupādiyaṃ na paritassati, aparitassaṃ paccattaṃyeva parinibbāyati. ‘Khīṇā jāti, vusitaṃ brahmacariyaṃ, kataṃ karaṇīyaṃ, nāparaṃ itthattāyā’ti pajānāti.
363. ‘‘со сукан̃жз взд̣̇анам̣ взд̣̇зд̇и, ‘саа анижжаа’д̇и баж̇аанаад̇и, ‘анаж̇жхосид̇аа’д̇и баж̇аанаад̇и, ‘анабхинанд̣̇ид̇аа’д̇и баж̇аанаад̇и. д̣̇угкан̃жз взд̣̇анам̣ взд̣̇зд̇и , ‘саа анижжаа’д̇и баж̇аанаад̇и, ‘анаж̇жхосид̇аа’д̇и баж̇аанаад̇и, ‘анабхинанд̣̇ид̇аа’д̇и баж̇аанаад̇и. ад̣̇угкамасукан̃жз взд̣̇анам̣ взд̣̇зд̇и, ‘саа анижжаа’д̇и баж̇аанаад̇и, ‘анаж̇жхосид̇аа’д̇и баж̇аанаад̇и, ‘анабхинанд̣̇ид̇аа’д̇и баж̇аанаад̇и.
363. ‘‘So sukhañce vedanaṃ vedeti, ‘sā aniccā’ti pajānāti, ‘anajjhositā’ti pajānāti, ‘anabhinanditā’ti pajānāti. Dukkhañce vedanaṃ vedeti , ‘sā aniccā’ti pajānāti, ‘anajjhositā’ti pajānāti, ‘anabhinanditā’ti pajānāti. Adukkhamasukhañce vedanaṃ vedeti, ‘sā aniccā’ti pajānāti, ‘anajjhositā’ti pajānāti, ‘anabhinanditā’ti pajānāti.
364. ‘‘со сукан̃жз взд̣̇анам̣ взд̣̇зд̇и, висам̣яуд̇д̇о нам̣ взд̣̇зд̇и; д̣̇угкан̃жз взд̣̇анам̣ взд̣̇зд̇и, висам̣яуд̇д̇о нам̣ взд̣̇зд̇и; ад̣̇угкамасукан̃жз взд̣̇анам̣ взд̣̇зд̇и, висам̣яуд̇д̇о нам̣ взд̣̇зд̇и. со гааяабарияанд̇игам̣ взд̣̇анам̣ взд̣̇аяамаано ‘гааяабарияанд̇игам̣ взд̣̇анам̣ взд̣̇аяаамий’д̇и баж̇аанаад̇и, ж̇ийвид̇абарияанд̇игам̣ взд̣̇анам̣ взд̣̇аяамаано ‘ж̇ийвид̇абарияанд̇игам̣ взд̣̇анам̣ взд̣̇аяаамий’д̇и баж̇аанаад̇и, ‘гааяасса бхзд̣̇аа барам̣ маран̣аа уд̣̇д̇хам̣ ж̇ийвид̇абарияаад̣̇аанаа ид̇хзва саб̣б̣авзд̣̇аяид̇аани анабхинанд̣̇ид̇аани сийд̇ийбхависсанд̇ий’д̇и баж̇аанаад̇и.
364. ‘‘So sukhañce vedanaṃ vedeti, visaṃyutto naṃ vedeti; dukkhañce vedanaṃ vedeti, visaṃyutto naṃ vedeti; adukkhamasukhañce vedanaṃ vedeti, visaṃyutto naṃ vedeti. So kāyapariyantikaṃ vedanaṃ vedayamāno ‘kāyapariyantikaṃ vedanaṃ vedayāmī’ti pajānāti, jīvitapariyantikaṃ vedanaṃ vedayamāno ‘jīvitapariyantikaṃ vedanaṃ vedayāmī’ti pajānāti, ‘kāyassa bhedā paraṃ maraṇā uddhaṃ jīvitapariyādānā idheva sabbavedayitāni anabhinanditāni sītībhavissantī’ti pajānāti.
365. ‘‘сзяяат̇ааби, бхигку, д̇злан̃жа бадижжа ваддин̃жа бадижжа д̇злаббад̣̇ийбо жхааяад̇и; д̇ассзва д̇зласса жа ваддияаа жа барияаад̣̇аанаа ан̃н̃асса жа анубахаараа 39 анаахааро ниб̣б̣ааяад̇и; звамзва ко, бхигку, гааяабарияанд̇игам̣ взд̣̇анам̣ взд̣̇аяамаано ‘гааяабарияанд̇игам̣ взд̣̇анам̣ взд̣̇аяаамий’д̇и баж̇аанаад̇и, ж̇ийвид̇абарияанд̇игам̣ взд̣̇анам̣ взд̣̇аяамаано ‘ж̇ийвид̇абарияанд̇игам̣ взд̣̇анам̣ взд̣̇аяаамий’д̇и баж̇аанаад̇и, ‘гааяасса бхзд̣̇аа барам̣ маран̣аа уд̣̇д̇хам̣ ж̇ийвид̇абарияаад̣̇аанаа ид̇хзва саб̣б̣авзд̣̇аяид̇аани анабхинанд̣̇ид̇аани сийд̇ийбхависсанд̇ий’д̇и баж̇аанаад̇и. д̇асмаа звам̣ саманнааг̇ад̇о бхигку иминаа барамзна бан̃н̃аад̇хидтаанзна саманнааг̇ад̇о ход̇и. зсаа хи, бхигку, барамаа арияаа бан̃н̃аа яад̣̇ид̣̇ам̣ – саб̣б̣ад̣̇угкагкаяз н̃аан̣ам̣.
365. ‘‘Seyyathāpi, bhikkhu, telañca paṭicca vaṭṭiñca paṭicca telappadīpo jhāyati; tasseva telassa ca vaṭṭiyā ca pariyādānā aññassa ca anupahārā 40 anāhāro nibbāyati; evameva kho, bhikkhu, kāyapariyantikaṃ vedanaṃ vedayamāno ‘kāyapariyantikaṃ vedanaṃ vedayāmī’ti pajānāti, jīvitapariyantikaṃ vedanaṃ vedayamāno ‘jīvitapariyantikaṃ vedanaṃ vedayāmī’ti pajānāti, ‘kāyassa bhedā paraṃ maraṇā uddhaṃ jīvitapariyādānā idheva sabbavedayitāni anabhinanditāni sītībhavissantī’ti pajānāti. Tasmā evaṃ samannāgato bhikkhu iminā paramena paññādhiṭṭhānena samannāgato hoti. Esā hi, bhikkhu, paramā ariyā paññā yadidaṃ – sabbadukkhakkhaye ñāṇaṃ.
366. ‘‘д̇асса саа вимуд̇д̇и сажжз тид̇аа агуббаа ход̇и. д̇ан̃хи, бхигку, мусаа яам̣ мосад̇хаммам̣, д̇ам̣ сажжам̣ яам̣ амосад̇хаммам̣ ниб̣б̣аанам̣. д̇асмаа звам̣ саманнааг̇ад̇о бхигку иминаа барамзна сажжаад̇хидтаанзна саманнааг̇ад̇о ход̇и. зд̇ан̃хи, бхигку, барамам̣ арияасажжам̣ яад̣̇ид̣̇ам̣ – амосад̇хаммам̣ ниб̣б̣аанам̣.
366. ‘‘Tassa sā vimutti sacce ṭhitā akuppā hoti. Tañhi, bhikkhu, musā yaṃ mosadhammaṃ, taṃ saccaṃ yaṃ amosadhammaṃ nibbānaṃ. Tasmā evaṃ samannāgato bhikkhu iminā paramena saccādhiṭṭhānena samannāgato hoti. Etañhi, bhikkhu, paramaṃ ariyasaccaṃ yadidaṃ – amosadhammaṃ nibbānaṃ.
367. ‘‘д̇ассзва ко бана буб̣б̣з авид̣̇д̣̇асуно убад̇хий хонд̇и самад̇д̇аа самаад̣̇иннаа. д̇яаасса бахийнаа хонд̇и ужчиннамуулаа д̇аалаавад̇т̇угад̇аа анабхаавам̣гад̇аа ааяад̇им̣ ануббаад̣̇ад̇хаммаа. д̇асмаа звам̣ саманнааг̇ад̇о бхигку иминаа барамзна жааг̇аад̇хидтаанзна саманнааг̇ад̇о ход̇и. зсо хи, бхигку, барамо арияо жааг̇о яад̣̇ид̣̇ам̣ – саб̣б̣уубад̇хибадиниссаг̇г̇о.
367. ‘‘Tasseva kho pana pubbe aviddasuno upadhī honti samattā samādinnā. Tyāssa pahīnā honti ucchinnamūlā tālāvatthukatā anabhāvaṃkatā āyatiṃ anuppādadhammā. Tasmā evaṃ samannāgato bhikkhu iminā paramena cāgādhiṭṭhānena samannāgato hoti. Eso hi, bhikkhu, paramo ariyo cāgo yadidaṃ – sabbūpadhipaṭinissaggo.
368. ‘‘д̇ассзва ко бана буб̣б̣з авид̣̇д̣̇асуно абхиж̇жхаа ход̇и чанд̣̇о саарааг̇о. сваасса бахийно ход̇и ужчиннамууло д̇аалаавад̇т̇угад̇о анабхаавам̣гад̇о ааяад̇им̣ ануббаад̣̇ад̇хаммо. д̇ассзва ко бана буб̣б̣з авид̣̇д̣̇асуно аагхаад̇о ход̇и б̣яаабаад̣̇о самбад̣̇осо. сваасса бахийно ход̇и ужчиннамууло д̇аалаавад̇т̇угад̇о анабхаавам̣гад̇о ааяад̇им̣ ануббаад̣̇ад̇хаммо. д̇ассзва ко бана буб̣б̣з авид̣̇д̣̇асуно авиж̇ж̇аа ход̇и саммохо. сваасса бахийно ход̇и ужчиннамууло д̇аалаавад̇т̇угад̇о анабхаавам̣гад̇о ааяад̇им̣ ануббаад̣̇ад̇хаммо. д̇асмаа звам̣ саманнааг̇ад̇о бхигку иминаа барамзна убасамаад̇хидтаанзна саманнааг̇ад̇о ход̇и. зсо хи, бхигку, барамо арияо убасамо яад̣̇ид̣̇ам̣ – рааг̇ад̣̇осамохаанам̣ убасамо. ‘бан̃н̃ам̣ наббамаж̇ж̇зяяа, сажжаманурагкзяяа, жааг̇амануб̣руухзяяа, санд̇имзва со сигкзяяаа’д̇и – ид̇и яам̣ д̇ам̣ вуд̇д̇ам̣, ид̣̇амзд̇ам̣ бадижжа вуд̇д̇ам̣.
368. ‘‘Tasseva kho pana pubbe aviddasuno abhijjhā hoti chando sārāgo. Svāssa pahīno hoti ucchinnamūlo tālāvatthukato anabhāvaṃkato āyatiṃ anuppādadhammo. Tasseva kho pana pubbe aviddasuno āghāto hoti byāpādo sampadoso. Svāssa pahīno hoti ucchinnamūlo tālāvatthukato anabhāvaṃkato āyatiṃ anuppādadhammo. Tasseva kho pana pubbe aviddasuno avijjā hoti sammoho. Svāssa pahīno hoti ucchinnamūlo tālāvatthukato anabhāvaṃkato āyatiṃ anuppādadhammo. Tasmā evaṃ samannāgato bhikkhu iminā paramena upasamādhiṭṭhānena samannāgato hoti. Eso hi, bhikkhu, paramo ariyo upasamo yadidaṃ – rāgadosamohānaṃ upasamo. ‘Paññaṃ nappamajjeyya, saccamanurakkheyya, cāgamanubrūheyya, santimeva so sikkheyyā’ti – iti yaṃ taṃ vuttaṃ, idametaṃ paṭicca vuttaṃ.
369. ‘‘‘яад̇т̇а тид̇ам̣ ман̃н̃ассаваа наббавад̇д̇анд̇и, ман̃н̃ассавз ко бана наббавад̇д̇амаанз муни санд̇од̇и вужжад̇ий’д̇и – ид̇и ко банзд̇ам̣ вуд̇д̇ам̣. гин̃жзд̇ам̣ бадижжа вуд̇д̇ам̣? ‘асмий’д̇и, бхигку, ман̃н̃ид̇амзд̇ам̣, ‘аяамахамасмий’д̇и ман̃н̃ид̇амзд̇ам̣, ‘бхависса’нд̇и ман̃н̃ид̇амзд̇ам̣, ‘на бхависса’нд̇и ман̃н̃ид̇амзд̇ам̣, ‘руубий бхависса’нд̇и ман̃н̃ид̇амзд̇ам̣, ‘аруубий бхависса’нд̇и ман̃н̃ид̇амзд̇ам̣, ‘сан̃н̃ий бхависса’нд̇и ман̃н̃ид̇амзд̇ам̣, ‘асан̃н̃ий бхависса’нд̇и ман̃н̃ид̇амзд̇ам̣, ‘нзвасан̃н̃ийнаасан̃н̃ий бхависса’нд̇и ман̃н̃ид̇амзд̇ам̣. ман̃н̃ид̇ам̣, бхигку, рог̇о ман̃н̃ид̇ам̣ г̇ан̣д̣о ман̃н̃ид̇ам̣ саллам̣. саб̣б̣аман̃н̃ид̇аанам̣ д̇взва, бхигку, самад̇иггамаа муни санд̇од̇и вужжад̇и. муни ко бана, бхигку, санд̇о на ж̇ааяад̇и, на ж̇ийяад̇и, на мийяад̇и, на губбад̇и, на бихзд̇и. д̇ан̃хисса, бхигку, над̇т̇и язна ж̇ааязт̇а, аж̇ааяамаано гим̣ ж̇ийяиссад̇и, аж̇ийяамаано гим̣ мийяиссад̇и, амийяамаано гим̣ губбиссад̇и, агуббамаано гисса 41 бихзссад̇и? ‘яад̇т̇а тид̇ам̣ ман̃н̃ассаваа наббавад̇д̇анд̇и, ман̃н̃ассавз ко бана наббавад̇д̇амаанз муни санд̇од̇и вужжад̇ий’д̇и – ид̇и яам̣ д̇ам̣ вуд̇д̇ам̣, ид̣̇амзд̇ам̣ бадижжа вуд̇д̇ам̣. имам̣ ко мз д̇вам̣, бхигку, сам̣кид̇д̇зна чад̇хаад̇увибхан̇г̇ам̣ д̇хаарзхий’’д̇и.
369. ‘‘‘Yattha ṭhitaṃ maññassavā nappavattanti, maññassave kho pana nappavattamāne muni santoti vuccatī’ti – iti kho panetaṃ vuttaṃ. Kiñcetaṃ paṭicca vuttaṃ? ‘Asmī’ti, bhikkhu, maññitametaṃ, ‘ayamahamasmī’ti maññitametaṃ, ‘bhavissa’nti maññitametaṃ, ‘na bhavissa’nti maññitametaṃ, ‘rūpī bhavissa’nti maññitametaṃ, ‘arūpī bhavissa’nti maññitametaṃ, ‘saññī bhavissa’nti maññitametaṃ, ‘asaññī bhavissa’nti maññitametaṃ, ‘nevasaññīnāsaññī bhavissa’nti maññitametaṃ. Maññitaṃ, bhikkhu, rogo maññitaṃ gaṇḍo maññitaṃ sallaṃ. Sabbamaññitānaṃ tveva, bhikkhu, samatikkamā muni santoti vuccati. Muni kho pana, bhikkhu, santo na jāyati, na jīyati, na mīyati, na kuppati, na piheti. Tañhissa, bhikkhu, natthi yena jāyetha, ajāyamāno kiṃ jīyissati, ajīyamāno kiṃ mīyissati, amīyamāno kiṃ kuppissati, akuppamāno kissa 42 pihessati? ‘Yattha ṭhitaṃ maññassavā nappavattanti, maññassave kho pana nappavattamāne muni santoti vuccatī’ti – iti yaṃ taṃ vuttaṃ, idametaṃ paṭicca vuttaṃ. Imaṃ kho me tvaṃ, bhikkhu, saṃkhittena chadhātuvibhaṅgaṃ dhārehī’’ti.
370. ат̇а ко ааяасмаа буггусаад̇и – ‘‘сад̇т̇аа гира мз ануббад̇д̇о, суг̇ад̇о гира мз ануббад̇д̇о саммаасамб̣уд̣̇д̇хо гира мз ануббад̇д̇о’’д̇и удтааяаасанаа згам̣сам̣ жийварам̣ гад̇ваа бхаг̇авад̇о баад̣̇зсу сирасаа нибад̇ид̇ваа бхаг̇аванд̇ам̣ зд̇ад̣̇авожа – ‘‘ажжаяо мам̣, бханд̇з, ажжаг̇амаа яат̇ааб̣аалам̣ яат̇аамуул̣хам̣ яат̇ааагусалам̣, яохам̣ бхаг̇аванд̇ам̣ аавусоваад̣̇зна самуд̣̇аажарид̇аб̣б̣ам̣ аман̃н̃иссам̣. д̇асса мз, бханд̇з, бхаг̇аваа ажжаяам̣ ажжаяад̇о бадиг̇г̇ан̣хаад̇у ааяад̇им̣ сам̣варааяаа’’д̇и. ‘‘д̇аг̇гха д̇вам̣, бхигку, ажжаяо ажжаг̇амаа яат̇ааб̣аалам̣ яат̇аамуул̣хам̣ яат̇ааагусалам̣ , яам̣ мам̣ д̇вам̣ аавусоваад̣̇зна самуд̣̇аажарид̇аб̣б̣ам̣ аман̃н̃ид̇т̇а. яад̇о жа ко д̇вам̣, бхигку, ажжаяам̣ ажжаяад̇о д̣̇исваа яат̇аад̇хаммам̣ бадигароси, д̇ам̣ д̇з маяам̣ бадиг̇г̇ан̣хаама. вуд̣̇д̇хихзсаа, бхигку, арияасса винаяз яо ажжаяам̣ ажжаяад̇о д̣̇исваа яат̇аад̇хаммам̣ бадигарод̇и, ааяад̇им̣ сам̣варам̣ аабаж̇ж̇ад̇ий’’д̇и. ‘‘лабхзяяаахам̣, бханд̇з, бхаг̇авад̇о санд̇игз убасамбад̣̇а’’нд̇и. ‘‘барибун̣н̣ам̣ бана д̇з, бхигку, бад̇д̇ажийвара’’нд̇и? ‘‘на ко мз, бханд̇з, барибун̣н̣ам̣ бад̇д̇ажийвара’’нд̇и. ‘‘на ко, бхигку, д̇ат̇ааг̇ад̇аа абарибун̣н̣абад̇д̇ажийварам̣ убасамбаад̣̇знд̇ий’’д̇и.
370. Atha kho āyasmā pukkusāti – ‘‘satthā kira me anuppatto, sugato kira me anuppatto sammāsambuddho kira me anuppatto’’ti uṭṭhāyāsanā ekaṃsaṃ cīvaraṃ katvā bhagavato pādesu sirasā nipatitvā bhagavantaṃ etadavoca – ‘‘accayo maṃ, bhante, accagamā yathābālaṃ yathāmūḷhaṃ yathāakusalaṃ, yohaṃ bhagavantaṃ āvusovādena samudācaritabbaṃ amaññissaṃ. Tassa me, bhante, bhagavā accayaṃ accayato paṭiggaṇhātu āyatiṃ saṃvarāyā’’ti. ‘‘Taggha tvaṃ, bhikkhu, accayo accagamā yathābālaṃ yathāmūḷhaṃ yathāakusalaṃ , yaṃ maṃ tvaṃ āvusovādena samudācaritabbaṃ amaññittha. Yato ca kho tvaṃ, bhikkhu, accayaṃ accayato disvā yathādhammaṃ paṭikarosi, taṃ te mayaṃ paṭiggaṇhāma. Vuddhihesā, bhikkhu, ariyassa vinaye yo accayaṃ accayato disvā yathādhammaṃ paṭikaroti, āyatiṃ saṃvaraṃ āpajjatī’’ti. ‘‘Labheyyāhaṃ, bhante, bhagavato santike upasampada’’nti. ‘‘Paripuṇṇaṃ pana te, bhikkhu, pattacīvara’’nti? ‘‘Na kho me, bhante, paripuṇṇaṃ pattacīvara’’nti. ‘‘Na kho, bhikkhu, tathāgatā aparipuṇṇapattacīvaraṃ upasampādentī’’ti.
ат̇а ко ааяасмаа буггусаад̇и бхаг̇авад̇о бхаасид̇ам̣ абхинанд̣̇ид̇ваа анумод̣̇ид̇ваа удтааяаасанаа бхаг̇аванд̇ам̣ абхиваад̣̇зд̇ваа бад̣̇агкин̣ам̣ гад̇ваа бад̇д̇ажийварабариязсанам̣ баггаами. ат̇а ко ааяасманд̇ам̣ буггусаад̇им̣ бад̇д̇ажийварабариязсанам̣ жаранд̇ам̣ виб̣бханд̇аа г̇аавий 43 ж̇ийвид̇аа воробзси. ат̇а ко самб̣ахулаа бхигкуу язна бхаг̇аваа д̇знубасан̇гамим̣су; убасан̇гамид̇ваа бхаг̇аванд̇ам̣ абхиваад̣̇зд̇ваа згаманд̇ам̣ нисийд̣̇им̣су. згаманд̇ам̣ нисиннаа ко д̇з бхигкуу бхаг̇аванд̇ам̣ зд̇ад̣̇авожум̣ – ‘‘яо со, бханд̇з, буггусаад̇и наама гулабуд̇д̇о бхаг̇авад̇аа сам̣кид̇д̇зна оваад̣̇зна овад̣̇ид̇о со гаалан̇гад̇о. д̇асса гаа г̇ад̇и, го абхисамбарааяо’’д̇и? ‘‘бан̣д̣ид̇о, бхигкавз, буггусаад̇и гулабуд̇д̇о бажжабаад̣̇и д̇хаммассаануд̇хаммам̣, на жа мам̣ д̇хаммаад̇хигаран̣ам̣ вихзсзси 44. буггусаад̇и, бхигкавз, гулабуд̇д̇о бан̃жаннам̣ орамбхааг̇ияаанам̣ сам̣яож̇анаанам̣ баригкаяаа обабаад̇иго д̇ад̇т̇а бариниб̣б̣ааяий анаавад̇д̇ид̇хаммо д̇асмаа логаа’’д̇и.
Atha kho āyasmā pukkusāti bhagavato bhāsitaṃ abhinanditvā anumoditvā uṭṭhāyāsanā bhagavantaṃ abhivādetvā padakkhiṇaṃ katvā pattacīvarapariyesanaṃ pakkāmi. Atha kho āyasmantaṃ pukkusātiṃ pattacīvarapariyesanaṃ carantaṃ vibbhantā gāvī 45 jīvitā voropesi. Atha kho sambahulā bhikkhū yena bhagavā tenupasaṅkamiṃsu; upasaṅkamitvā bhagavantaṃ abhivādetvā ekamantaṃ nisīdiṃsu. Ekamantaṃ nisinnā kho te bhikkhū bhagavantaṃ etadavocuṃ – ‘‘yo so, bhante, pukkusāti nāma kulaputto bhagavatā saṃkhittena ovādena ovadito so kālaṅkato. Tassa kā gati, ko abhisamparāyo’’ti? ‘‘Paṇḍito, bhikkhave, pukkusāti kulaputto paccapādi dhammassānudhammaṃ, na ca maṃ dhammādhikaraṇaṃ vihesesi 46. Pukkusāti, bhikkhave, kulaputto pañcannaṃ orambhāgiyānaṃ saṃyojanānaṃ parikkhayā opapātiko tattha parinibbāyī anāvattidhammo tasmā lokā’’ti.
ид̣̇амавожа бхаг̇аваа. ад̇д̇аманаа д̇з бхигкуу бхаг̇авад̇о бхаасид̇ам̣ абхинанд̣̇унд̇и.
Idamavoca bhagavā. Attamanā te bhikkhū bhagavato bhāsitaṃ abhinandunti.
д̇хаад̇увибхан̇г̇асуд̇д̇ам̣ нидтид̇ам̣ д̣̇асамам̣.
Dhātuvibhaṅgasuttaṃ niṭṭhitaṃ dasamaṃ.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / маж̇жхиманигааяа (адтагат̇аа) • Majjhimanikāya (aṭṭhakathā) / 10. д̇хаад̇увибхан̇г̇асуд̇д̇аван̣н̣анаа • 10. Dhātuvibhaṅgasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / маж̇жхиманигааяа (дийгаа) • Majjhimanikāya (ṭīkā) / 10. д̇хаад̇увибхан̇г̇асуд̇д̇аван̣н̣анаа • 10. Dhātuvibhaṅgasuttavaṇṇanā
