| Library / Tipiṭaka / д̇ибидага • Tipiṭaka / маж̇жхиманигааяа (адтагат̇аа) • Majjhimanikāya (aṭṭhakathā) |
10. д̇хаад̇увибхан̇г̇асуд̇д̇аван̣н̣анаа
10. Dhātuvibhaṅgasuttavaṇṇanā
342. звам̣ мз суд̇анд̇и д̇хаад̇увибхан̇г̇асуд̇д̇ам̣. д̇ад̇т̇а жаариганд̇и д̇урид̇аг̇аманажааригам̣. сажз д̇з бхаг̇г̇ава аг̇арууд̇и сажз д̇уяхам̣ бхаарияам̣ апаасугам̣ гин̃жи над̇т̇и. сажз со ануж̇аанаад̇ийд̇и бхаг̇г̇авасса гира зд̇ад̣̇ахоси – ‘‘баб̣б̣аж̇ид̇аа наама наанаааж̇жхаасаяаа, зго г̇ан̣аабхирад̇о ход̇и, зго згаабхирад̇о. сажз со згаабхирад̇о бхависсад̇и, ‘аавусо, маа баависи, маяаа саалаа лад̣̇д̇хаа’д̇и вагкад̇и. сажз аяам̣ згаабхирад̇о бхависсад̇и, ‘аавусо, нигкама, маяаа саалаа лад̣̇д̇хаа’д̇и вагкад̇и. звам̣ санд̇з ахам̣ убхиннам̣ виваад̣̇агаарзд̇аа наама бхависсаами, д̣̇иннам̣ наама д̣̇иннамзва ваддад̇и, гад̇ам̣ гад̇амзваа’’д̇и. д̇асмаа звамааха.
342.Evaṃme sutanti dhātuvibhaṅgasuttaṃ. Tattha cārikanti turitagamanacārikaṃ. Sace te bhaggava agarūti sace tuyhaṃ bhāriyaṃ aphāsukaṃ kiñci natthi. Sace so anujānātīti bhaggavassa kira etadahosi – ‘‘pabbajitā nāma nānāajjhāsayā, eko gaṇābhirato hoti, eko ekābhirato. Sace so ekābhirato bhavissati, ‘āvuso, mā pāvisi, mayā sālā laddhā’ti vakkhati. Sace ayaṃ ekābhirato bhavissati, ‘āvuso, nikkhama, mayā sālā laddhā’ti vakkhati. Evaṃ sante ahaṃ ubhinnaṃ vivādakāretā nāma bhavissāmi, dinnaṃ nāma dinnameva vaṭṭati, kataṃ katamevā’’ti. Tasmā evamāha.
гулабуд̇д̇од̇и ж̇аад̇игулабуд̇д̇оби аажаарагулабуд̇д̇оби. ваасуубаг̇ад̇од̇и ваасам̣ убаг̇ад̇о. гуд̇о ааг̇анд̇ваад̇и? д̇аггасийланаг̇арад̇о.
Kulaputtoti jātikulaputtopi ācārakulaputtopi. Vāsūpagatoti vāsaṃ upagato. Kuto āgantvāti? Takkasīlanagarato.
д̇ад̇рааяам̣ анубуб̣б̣игат̇аа – маж̇жхимаббад̣̇зсз гира рааж̇аг̇аханаг̇арз б̣имб̣исаарз раж̇ж̇ам̣ гаарзнд̇з бажжанд̇з д̇аггасийланаг̇арз буггусаад̇и рааж̇аа раж̇ж̇ам̣ гаарзси. ат̇а д̇аггасийлад̇о бхан̣д̣ам̣ г̇ахзд̇ваа ваан̣иж̇аа рааж̇аг̇ахам̣ ааг̇ад̇аа бан̣н̣аагаарам̣ г̇ахзд̇ваа рааж̇аанам̣ ад̣̇д̣̇асам̣су. рааж̇аа д̇з ванд̣̇ид̇ваа тид̇з ‘‘гад̇т̇аваасино д̇умхз’’д̇и бужчи. д̇аггасийлаваасино д̣̇зваад̇и. ат̇а нз рааж̇аа ж̇анабад̣̇асса кзмасубхигкад̇аад̣̇ийни наг̇арасса жа бавад̇д̇им̣ бужчид̇ваа ‘‘го наама д̇умхаагам̣ рааж̇аа’’д̇и бужчи. буггусаад̇и наама д̣̇зваад̇и. д̇хаммигод̇и? аама д̣̇зва д̇хаммиго. жад̇уухи сан̇г̇ахавад̇т̇уухи ж̇анам̣ сан̇г̇ан̣хаад̇и, логасса маад̇аабид̇идтаанз тид̇о, ан̇г̇з нибаннад̣̇аарагам̣ вияа ж̇анам̣ д̇осзд̇ийд̇и. гад̇арасмим̣ ваяз вад̇д̇ад̇ийд̇и? ат̇асса ваяам̣ аажигким̣су. ваязсуби б̣имб̣исаарзна самаваяо ж̇аад̇о. ат̇а д̇з рааж̇аа ааха – ‘‘д̇аад̇аа д̇умхаагам̣ рааж̇аа д̇хаммиго, ваязна жа мз самаано, саггун̣зяяаат̇а д̇умхаагам̣ рааж̇аанам̣ мама мид̇д̇ам̣ гаад̇у’’нд̇и. саггома д̣̇зваад̇и. рааж̇аа д̇зсам̣ сун̇гам̣ виссаж̇ж̇зд̇ваа г̇зхан̃жа д̣̇аабзд̇ваа – ‘‘г̇ажчат̇а бхан̣д̣ам̣ виггин̣ид̇ваа г̇аманагаалз мам̣ д̣̇исваа г̇ажчзяяаат̇аа’’д̇и ааха. д̇з д̇ат̇аа гад̇ваа г̇аманагаалз рааж̇аанам̣ ад̣̇д̣̇асам̣су. ‘‘г̇ажчат̇а д̇умхаагам̣ рааж̇аанам̣ мама важанзна бунаббунам̣ аарог̇яам̣ бужчид̇ваа ‘рааж̇аа д̇умхзхи сад̣̇д̇хим̣ мид̇д̇абхаавам̣ ижчад̇ий’д̇и вад̣̇ат̇аа’’д̇и ааха.
Tatrāyaṃ anupubbikathā – majjhimappadese kira rājagahanagare bimbisāre rajjaṃ kārente paccante takkasīlanagare pukkusāti rājā rajjaṃ kāresi. Atha takkasīlato bhaṇḍaṃ gahetvā vāṇijā rājagahaṃ āgatā paṇṇākāraṃ gahetvā rājānaṃ addasaṃsu. Rājā te vanditvā ṭhite ‘‘katthavāsino tumhe’’ti pucchi. Takkasīlavāsino devāti. Atha ne rājā janapadassa khemasubhikkhatādīni nagarassa ca pavattiṃ pucchitvā ‘‘ko nāma tumhākaṃ rājā’’ti pucchi. Pukkusāti nāma devāti. Dhammikoti? Āma deva dhammiko. Catūhi saṅgahavatthūhi janaṃ saṅgaṇhāti, lokassa mātāpitiṭṭhāne ṭhito, aṅge nipannadārakaṃ viya janaṃ tosetīti. Katarasmiṃ vaye vattatīti? Athassa vayaṃ ācikkhiṃsu. Vayesupi bimbisārena samavayo jāto. Atha te rājā āha – ‘‘tātā tumhākaṃ rājā dhammiko, vayena ca me samāno, sakkuṇeyyātha tumhākaṃ rājānaṃ mama mittaṃ kātu’’nti. Sakkoma devāti. Rājā tesaṃ suṅkaṃ vissajjetvā gehañca dāpetvā – ‘‘gacchatha bhaṇḍaṃ vikkiṇitvā gamanakāle maṃ disvā gaccheyyāthā’’ti āha. Te tathā katvā gamanakāle rājānaṃ addasaṃsu. ‘‘Gacchatha tumhākaṃ rājānaṃ mama vacanena punappunaṃ ārogyaṃ pucchitvā ‘rājā tumhehi saddhiṃ mittabhāvaṃ icchatī’ti vadathā’’ti āha.
д̇з саад̇хууд̇и бадиссун̣ид̇ваа г̇анд̇ваа бхан̣д̣ам̣ бадисаамзд̇ваа бхуд̇д̇абаад̇араасаа рааж̇аанам̣ убасан̇гамид̇ваа ванд̣̇им̣су. рааж̇аа ‘‘гахам̣ бхан̣з д̇умхз зд̇д̇агз имз д̣̇ивасз на д̣̇иссат̇аа’’д̇и бужчи. д̇з саб̣б̣ам̣ бавад̇д̇им̣ аарожзсум̣. рааж̇аа – ‘‘саад̇ху, д̇аад̇аа, д̇умхз ниссааяа маяаа маж̇жхимаббад̣̇зсз рааж̇аа мид̇д̇о лад̣̇д̇хо’’д̇и ад̇д̇амано ахоси. абарабхааг̇з рааж̇аг̇ахаваасиноби ваан̣иж̇аа д̇аггасийлам̣ аг̇амам̣су. д̇з бан̣н̣аагаарам̣ г̇ахзд̇ваа ааг̇ад̇з буггусаад̇и рааж̇аа ‘‘гуд̇о ааг̇ад̇ад̇т̇аа’’д̇и бужчид̇ваа ‘‘рааж̇аг̇ахад̇о’’д̇и суд̇ваа ‘‘маяхам̣ сахааяасса наг̇арад̇о ааг̇ад̇аа д̇умхз’’д̇и. аама д̣̇зваад̇и. аарог̇яам̣ мз сахааяассаад̇и аарог̇яам̣ бужчид̇ваа ‘‘аж̇ж̇а бадтааяа яз маяхам̣ сахааяасса наг̇арад̇о ж̇ан̇гхасад̇т̇зна ваа сагадасад̇т̇зна ваа ваан̣иж̇аа ааг̇ажчанд̇и, саб̣б̣зсам̣ мама висаяам̣ бавидтагаалад̇о бадтааяа васанаг̇зхаани, рааж̇агодтааг̇аарад̇о ниваабан̃жа д̣̇знд̇у, сун̇гам̣ виссаж̇ж̇знд̇у, гин̃жи убад̣̇д̣̇авам̣ маа гаронд̇уу’’д̇и бхзрим̣ жараабзси. б̣имб̣исаароби ад̇д̇ано наг̇арз д̇ат̇зва бхзрим̣ жараабзси.
Te sādhūti paṭissuṇitvā gantvā bhaṇḍaṃ paṭisāmetvā bhuttapātarāsā rājānaṃ upasaṅkamitvā vandiṃsu. Rājā ‘‘kahaṃ bhaṇe tumhe ettake ime divase na dissathā’’ti pucchi. Te sabbaṃ pavattiṃ ārocesuṃ. Rājā – ‘‘sādhu, tātā, tumhe nissāya mayā majjhimappadese rājā mitto laddho’’ti attamano ahosi. Aparabhāge rājagahavāsinopi vāṇijā takkasīlaṃ agamaṃsu. Te paṇṇākāraṃ gahetvā āgate pukkusāti rājā ‘‘kuto āgatatthā’’ti pucchitvā ‘‘rājagahato’’ti sutvā ‘‘mayhaṃ sahāyassa nagarato āgatā tumhe’’ti. Āma devāti. Ārogyaṃ me sahāyassāti ārogyaṃ pucchitvā ‘‘ajja paṭṭhāya ye mayhaṃ sahāyassa nagarato jaṅghasatthena vā sakaṭasatthena vā vāṇijā āgacchanti, sabbesaṃ mama visayaṃ paviṭṭhakālato paṭṭhāya vasanagehāni, rājakoṭṭhāgārato nivāpañca dentu, suṅkaṃ vissajjentu, kiñci upaddavaṃ mā karontū’’ti bheriṃ carāpesi. Bimbisāropi attano nagare tatheva bheriṃ carāpesi.
ат̇а б̣имб̣исааро буггусаад̇исса бан̣н̣ам̣ бахин̣и – ‘‘бажжанд̇ад̣̇зсз наама ман̣имуд̇д̇аад̣̇ийни рад̇анаани уббаж̇ж̇анд̇и, яам̣ маяхам̣ сахааяасса раж̇ж̇з д̣̇ассанийяам̣ ваа саванийяам̣ ваа рад̇анам̣ уббаж̇ж̇ад̇и, д̇ад̇т̇а мз маа мажчарааяад̇уу’’д̇и. буггусаад̇иби – ‘‘маж̇жхимад̣̇зсо наама махааж̇анабад̣̇о, яам̣ д̇ад̇т̇а зваруубам̣ рад̇анам̣ уббаж̇ж̇ад̇и, д̇ад̇т̇а мз сахааяо маа мажчарааяад̇уу’’д̇и бадибан̣н̣ам̣ бахин̣и. звам̣ д̇з г̇ажчанд̇з г̇ажчанд̇з гаалз ан̃н̃аман̃н̃ам̣ ад̣̇исвааби д̣̇ал̣хамид̇д̇аа ахзсум̣.
Atha bimbisāro pukkusātissa paṇṇaṃ pahiṇi – ‘‘paccantadese nāma maṇimuttādīni ratanāni uppajjanti, yaṃ mayhaṃ sahāyassa rajje dassanīyaṃ vā savanīyaṃ vā ratanaṃ uppajjati, tattha me mā maccharāyatū’’ti. Pukkusātipi – ‘‘majjhimadeso nāma mahājanapado, yaṃ tattha evarūpaṃ ratanaṃ uppajjati, tattha me sahāyo mā maccharāyatū’’ti paṭipaṇṇaṃ pahiṇi. Evaṃ te gacchante gacchante kāle aññamaññaṃ adisvāpi daḷhamittā ahesuṃ.
звам̣ д̇зсам̣ гад̇игам̣ гад̇ваа васанд̇аанам̣ батамад̇арам̣ буггусаад̇исса бан̣н̣аагааро уббаж̇ж̇и. рааж̇аа гира адта бан̃жаван̣н̣з анаг̇гхагамб̣алз лабхи. со – ‘‘ад̇исунд̣̇араа имз гамб̣алаа, ахам̣ сахааяасса бзсиссаамий’’д̇и лаакааг̇ул̣амад̇д̇з адта саарагаран̣д̣агз ликаабзд̇ваа д̇зсу д̇з гамб̣алз багкибид̇ваа лаакааяа ваддаабзд̇ваа сзд̇авад̇т̇зна взтзд̇ваа самуг̇г̇з багкибид̇ваа вад̇т̇зна взтзд̇ваа рааж̇амуд̣̇д̣̇игааяа лан̃чзд̇ваа ‘‘маяхам̣ сахааяасса д̣̇зт̇аа’’д̇и амажжз бзсзси. саасанан̃жа ад̣̇ааси – ‘‘аяам̣ бан̣н̣аагааро наг̇арамаж̇жхз амажжаад̣̇ибаривуд̇зна д̣̇адтаб̣б̣о’’д̇и. д̇з г̇анд̇ваа б̣имб̣исаарасса ад̣̇ам̣су.
Evaṃ tesaṃ katikaṃ katvā vasantānaṃ paṭhamataraṃ pukkusātissa paṇṇākāro uppajji. Rājā kira aṭṭha pañcavaṇṇe anagghakambale labhi. So – ‘‘atisundarā ime kambalā, ahaṃ sahāyassa pesissāmī’’ti lākhāguḷamatte aṭṭha sārakaraṇḍake likhāpetvā tesu te kambale pakkhipitvā lākhāya vaṭṭāpetvā setavatthena veṭhetvā samugge pakkhipitvā vatthena veṭhetvā rājamuddikāya lañchetvā ‘‘mayhaṃ sahāyassa dethā’’ti amacce pesesi. Sāsanañca adāsi – ‘‘ayaṃ paṇṇākāro nagaramajjhe amaccādiparivutena daṭṭhabbo’’ti. Te gantvā bimbisārassa adaṃsu.
со саасанам̣ суд̇ваа амажжаад̣̇аяо саннибад̇анд̇ууд̇и бхзрим̣ жараабзд̇ваа наг̇арамаж̇жхз амажжаад̣̇ибаривуд̇о сзд̇ажчад̇д̇зна д̇хаарияамаанзна баллан̇гаварз нисинно лан̃чанам̣ бхинд̣̇ид̇ваа вад̇т̇ам̣ абанзд̇ваа самуг̇г̇ам̣ виварид̇ваа анд̇о бхан̣д̣игам̣ мун̃жид̇ваа лаакааг̇ул̣з д̣̇исваа ‘‘маяхам̣ сахааяо буггусаад̇и ‘ж̇уд̇авид̇д̇аго мз сахааяо’д̇и ман̃н̃амаано ман̃н̃з имам̣ бан̣н̣аагаарам̣ бахин̣ий’’д̇и згам̣ г̇ул̣ам̣ г̇ахзд̇ваа хад̇т̇зна ваддзд̇ваа д̇улаяанд̇ова анд̇о д̣̇уссабхан̣д̣игам̣ ад̇т̇ийд̇и ан̃н̃ааси. ат̇а нам̣ баллан̇габаад̣̇з бахарид̇ваа д̇аавад̣̇зва лаакаа барибад̇и, со накзна гаран̣д̣агам̣ виварид̇ваа анд̇о гамб̣аларад̇анам̣ д̣̇исваа ид̇арзби вивараабзси, саб̣б̣зби гамб̣алаа ахзсум̣. ат̇а нз бад̇т̇араабзси, д̇з ван̣н̣асамбаннаа пассасамбаннаа д̣̇ийгхад̇о сол̣асахад̇т̇аа д̇ирияам̣ адтахад̇т̇аа ахзсум̣. махааж̇ано д̣̇исваа ан̇г̇улияо ботзси, жзлугкзбам̣ агааси, – ‘‘амхаагам̣ ран̃н̃о ад̣̇идтасахааяо буггусаад̇и ад̣̇исваава зваруубам̣ бан̣н̣аагаарам̣ бзсзси, яуд̇д̇ам̣ зваруубам̣ мид̇д̇ам̣ гаад̇у’’нд̇и ад̇д̇амано ахоси. рааж̇аа згамзгам̣ гамб̣алам̣ аг̇гхаабзси, саб̣б̣з анаг̇гхаа ахзсум̣. д̇зсу жад̇д̇ааро саммаасамб̣уд̣̇д̇хасса бзсзси, жад̇д̇ааро ад̇д̇ано гхарз агааси. д̇ад̇о жинд̇зси – ‘‘бажчаа бзсзнд̇зна батамам̣ бзсид̇абан̣н̣аагаарад̇о ад̇ирзгам̣ бзсзд̇ум̣ ваддад̇и, сахааязна жа мз анаг̇гхо бан̣н̣аагааро бзсид̇о, гим̣ ну ко бзсзмий’’д̇и?
So sāsanaṃ sutvā amaccādayo sannipatantūti bheriṃ carāpetvā nagaramajjhe amaccādiparivuto setacchattena dhāriyamānena pallaṅkavare nisinno lañchanaṃ bhinditvā vatthaṃ apanetvā samuggaṃ vivaritvā anto bhaṇḍikaṃ muñcitvā lākhāguḷe disvā ‘‘mayhaṃ sahāyo pukkusāti ‘jutavittako me sahāyo’ti maññamāno maññe imaṃ paṇṇākāraṃ pahiṇī’’ti ekaṃ guḷaṃ gahetvā hatthena vaṭṭetvā tulayantova anto dussabhaṇḍikaṃ atthīti aññāsi. Atha naṃ pallaṅkapāde paharitvā tāvadeva lākhā paripati, so nakhena karaṇḍakaṃ vivaritvā anto kambalaratanaṃ disvā itarepi vivarāpesi, sabbepi kambalā ahesuṃ. Atha ne pattharāpesi, te vaṇṇasampannā phassasampannā dīghato soḷasahatthā tiriyaṃ aṭṭhahatthā ahesuṃ. Mahājano disvā aṅguliyo poṭhesi, celukkhepaṃ akāsi, – ‘‘amhākaṃ rañño adiṭṭhasahāyo pukkusāti adisvāva evarūpaṃ paṇṇākāraṃ pesesi, yuttaṃ evarūpaṃ mittaṃ kātu’’nti attamano ahosi. Rājā ekamekaṃ kambalaṃ agghāpesi, sabbe anagghā ahesuṃ. Tesu cattāro sammāsambuddhassa pesesi, cattāro attano ghare akāsi. Tato cintesi – ‘‘pacchā pesentena paṭhamaṃ pesitapaṇṇākārato atirekaṃ pesetuṃ vaṭṭati, sahāyena ca me anaggho paṇṇākāro pesito, kiṃ nu kho pesemī’’ti?
гим̣ бана рааж̇аг̇ахз д̇ад̇о ад̇хигам̣ рад̇анам̣ над̇т̇ийд̇и? но над̇т̇и, махаабун̃н̃о рааж̇аа, абижа ко банасса сод̇аабаннагаалад̇о бадтааяа табзд̇ваа д̇ийн̣и рад̇анаани ан̃н̃ам̣ рад̇анам̣ соманассам̣ ж̇анзд̇ум̣ самад̇т̇ам̣ наама над̇т̇и . со рад̇анам̣ вижинид̇ум̣ аарад̣̇д̇хо – рад̇анам̣ наама савин̃н̃аан̣агам̣ авин̃н̃аан̣аганд̇и д̣̇увид̇хам̣. д̇ад̇т̇а авин̃н̃аан̣агам̣ суван̣н̣араж̇ад̇аад̣̇и, савин̃н̃аан̣агам̣ инд̣̇рияаб̣ад̣̇д̇хам̣. авин̃н̃аан̣агам̣ савин̃н̃аан̣агассзва алан̇гаараад̣̇ивасзна барибхог̇ам̣ ход̇и, ид̇и имзсу д̣̇вийсу рад̇анзсу савин̃н̃аан̣агам̣ сздтам̣. савин̃н̃аан̣агамби д̣̇увид̇хам̣ д̇иражчаанарад̇анам̣ мануссарад̇ананд̇и. д̇ад̇т̇а д̇иражчаанарад̇анам̣ хад̇т̇иассарад̇анам̣, д̇амби мануссаанам̣ убабхог̇ад̇т̇амзва ниб̣б̣ад̇д̇ад̇и , ид̇и имзсуби д̣̇вийсу мануссарад̇анам̣ сздтам̣. мануссарад̇анамби д̣̇увид̇хам̣ ид̇т̇ирад̇анам̣ бурисарад̇ананд̇и. д̇ад̇т̇а жаггавад̇д̇ино ран̃н̃о уббаннам̣ ид̇т̇ирад̇анамби бурисассзва убабхог̇ам̣. ид̇и имзсуби д̣̇вийсу бурисарад̇анамзва сздтам̣.
Kiṃ pana rājagahe tato adhikaṃ ratanaṃ natthīti? No natthi, mahāpuñño rājā, apica kho panassa sotāpannakālato paṭṭhāya ṭhapetvā tīṇi ratanāni aññaṃ ratanaṃ somanassaṃ janetuṃ samatthaṃ nāma natthi . So ratanaṃ vicinituṃ āraddho – ratanaṃ nāma saviññāṇakaṃ aviññāṇakanti duvidhaṃ. Tattha aviññāṇakaṃ suvaṇṇarajatādi, saviññāṇakaṃ indriyabaddhaṃ. Aviññāṇakaṃ saviññāṇakasseva alaṅkārādivasena paribhogaṃ hoti, iti imesu dvīsu ratanesu saviññāṇakaṃ seṭṭhaṃ. Saviññāṇakampi duvidhaṃ tiracchānaratanaṃ manussaratananti. Tattha tiracchānaratanaṃ hatthiassaratanaṃ, tampi manussānaṃ upabhogatthameva nibbattati , iti imesupi dvīsu manussaratanaṃ seṭṭhaṃ. Manussaratanampi duvidhaṃ itthiratanaṃ purisaratananti. Tattha cakkavattino rañño uppannaṃ itthiratanampi purisasseva upabhogaṃ. Iti imesupi dvīsu purisaratanameva seṭṭhaṃ.
бурисарад̇анамби д̣̇увид̇хам̣ аг̇аарияарад̇анам̣ анаг̇аарияарад̇анан̃жа. д̇ад̇т̇а аг̇аарияарад̇анзсуби жаггавад̇д̇ирааж̇аа аж̇ж̇а баб̣б̣аж̇ид̇асааман̣зрам̣ бан̃жабад̇идтид̇зна ванд̣̇ад̇и, ид̇и имзсуби д̣̇вийсу анаг̇аарияарад̇анамзва сздтам̣. анаг̇аарияарад̇анамби д̣̇увид̇хам̣ сзгкарад̇анан̃жа асзгкарад̇анан̃жа. д̇ад̇т̇а сад̇асахассамби сзгкаанам̣ асзгкасса бад̣̇зсам̣ на баабун̣аад̇и, ид̇и имзсуби д̣̇вийсу асзгкарад̇анамзва сздтам̣. д̇амби д̣̇увид̇хам̣ б̣уд̣̇д̇харад̇анам̣ саавагарад̇ананд̇и. д̇ад̇т̇а сад̇асахассамби саавагарад̇анаанам̣ б̣уд̣̇д̇харад̇анасса бад̣̇зсам̣ на баабун̣аад̇и, ид̇и имзсуби д̣̇вийсуу б̣уд̣̇д̇харад̇анамзва сздтам̣.
Purisaratanampi duvidhaṃ agāriyaratanaṃ anagāriyaratanañca. Tattha agāriyaratanesupi cakkavattirājā ajja pabbajitasāmaṇeraṃ pañcapatiṭṭhitena vandati, iti imesupi dvīsu anagāriyaratanameva seṭṭhaṃ. Anagāriyaratanampi duvidhaṃ sekkharatanañca asekkharatanañca. Tattha satasahassampi sekkhānaṃ asekkhassa padesaṃ na pāpuṇāti, iti imesupi dvīsu asekkharatanameva seṭṭhaṃ. Tampi duvidhaṃ buddharatanaṃ sāvakaratananti. Tattha satasahassampi sāvakaratanānaṃ buddharatanassa padesaṃ na pāpuṇāti, iti imesupi dvīsū buddharatanameva seṭṭhaṃ.
б̣уд̣̇д̇харад̇анамби д̣̇увид̇хам̣ бажжзгаб̣уд̣̇д̇харад̇анам̣ саб̣б̣ан̃н̃уб̣уд̣̇д̇харад̇ананд̇и. д̇ад̇т̇а сад̇асахассамби бажжзгаб̣уд̣̇д̇хаанам̣ саб̣б̣ан̃н̃уб̣уд̣̇д̇хасса бад̣̇зсам̣ на баабун̣аад̇и, ид̇и имзсуби д̣̇вийсу саб̣б̣ан̃н̃уб̣уд̣̇д̇харад̇анам̣язва сздтам̣. сад̣̇звагасмин̃хи логз б̣уд̣̇д̇харад̇анасамам̣ рад̇анам̣ наама над̇т̇и. д̇асмаа асад̣̇исамзва рад̇анам̣ маяхам̣ сахааяасса бзсзссаамийд̇и жинд̇зд̇ваа д̇аггасийлаваасино бужчи – ‘‘д̇аад̇аа д̇умхаагам̣ ж̇анабад̣̇з б̣уд̣̇д̇хо д̇хаммо сан̇гход̇и имаани д̇ийн̣и рад̇анаани д̣̇иссанд̇ий’’д̇и. гхособи со махаарааж̇а д̇аава д̇ад̇т̇а над̇т̇и, д̣̇ассанам̣ бана гуд̇од̇и.
Buddharatanampi duvidhaṃ paccekabuddharatanaṃ sabbaññubuddharatananti. Tattha satasahassampi paccekabuddhānaṃ sabbaññubuddhassa padesaṃ na pāpuṇāti, iti imesupi dvīsu sabbaññubuddharatanaṃyeva seṭṭhaṃ. Sadevakasmiñhi loke buddharatanasamaṃ ratanaṃ nāma natthi. Tasmā asadisameva ratanaṃ mayhaṃ sahāyassa pesessāmīti cintetvā takkasīlavāsino pucchi – ‘‘tātā tumhākaṃ janapade buddho dhammo saṅghoti imāni tīṇi ratanāni dissantī’’ti. Ghosopi so mahārāja tāva tattha natthi, dassanaṃ pana kutoti.
‘‘сунд̣̇арам̣ д̇аад̇аа’’д̇и рааж̇аа д̇удто жинд̇зси – ‘‘саггаа бхавзяяа ж̇анасан̇г̇ахад̇т̇ааяа маяхам̣ сахааяасса васанадтаанам̣ саммаасамб̣уд̣̇д̇хам̣ бзсзд̇ум̣, б̣уд̣̇д̇хаа бана бажжанд̇имзсу ж̇анабад̣̇зсу на арун̣ам̣ удтабзнд̇и. д̇асмаа сад̇т̇аараа г̇анд̇ум̣ на саггаа. саарибуд̇д̇амог̇г̇аллаанаад̣̇аяо махаасаавагз бзсзд̇ум̣ саггаа бхавзяяа. маяаа бана ‘т̇зраа бажжанд̇з васанд̇ий’д̇и суд̇вааби мануссз бзсзд̇ваа д̇з ад̇д̇ано самийбам̣ аан̣аабзд̇ваа убадтаад̇умзва яуд̇д̇ам̣. д̇асмаа на т̇зрзхиби саггаа г̇анд̇ум̣. язна банаагаарзна саасанз бзсид̇з сад̇т̇аа жа махаасаавагаа жа г̇ад̇аа вияа хонд̇и, д̇знаагаарзна саасанам̣ бахин̣иссаамий’’д̇и. жинд̇зд̇ваа жад̇урад̇анааяаамам̣ вид̣̇ад̇т̇имад̇д̇абут̇улам̣ наад̇ид̇анум̣ наад̇иб̣ахалам̣ суван̣н̣абаддам̣ гаараабзд̇ваа ‘‘д̇ад̇т̇а аж̇ж̇а агкараани ликиссаамий’’д̇и. баад̇ова сийсам̣ нхааяид̇ваа убосат̇ан̇г̇аани ад̇хидтааяа бхуд̇д̇абаад̇араасо абанийд̇аг̇анд̇хамаалаабхаран̣о суван̣н̣асарагзна ж̇аад̇ихин̇г̇улигам̣ аад̣̇ааяа хздтад̇о бадтааяа д̣̇ваараани бид̣̇аханд̇о баасаад̣̇амааруяха буб̣б̣ад̣̇исаамукам̣ сийхабан̃ж̇арам̣ виварид̇ваа аагаасад̇алз нисийд̣̇ид̇ваа суван̣н̣абаддз агкараани ликанд̇о – ‘‘ид̇ха д̇ат̇ааг̇ад̇о логз уббанно арахам̣ саммаасамб̣уд̣̇д̇хо виж̇ж̇аажаран̣асамбанно суг̇ад̇о логавид̣̇уу ануд̇д̇аро бурисад̣̇аммасаарат̇и сад̇т̇аа д̣̇звамануссаанам̣ б̣уд̣̇д̇хо бхаг̇аваа’’д̇и. б̣уд̣̇д̇хаг̇ун̣з д̇аава згад̣̇зсзна лики.
‘‘Sundaraṃ tātā’’ti rājā tuṭṭho cintesi – ‘‘sakkā bhaveyya janasaṅgahatthāya mayhaṃ sahāyassa vasanaṭṭhānaṃ sammāsambuddhaṃ pesetuṃ, buddhā pana paccantimesu janapadesu na aruṇaṃ uṭṭhapenti. Tasmā satthārā gantuṃ na sakkā. Sāriputtamoggallānādayo mahāsāvake pesetuṃ sakkā bhaveyya. Mayā pana ‘therā paccante vasantī’ti sutvāpi manusse pesetvā te attano samīpaṃ āṇāpetvā upaṭṭhātumeva yuttaṃ. Tasmā na therehipi sakkā gantuṃ. Yena panākārena sāsane pesite satthā ca mahāsāvakā ca gatā viya honti, tenākārena sāsanaṃ pahiṇissāmī’’ti. Cintetvā caturatanāyāmaṃ vidatthimattaputhulaṃ nātitanuṃ nātibahalaṃ suvaṇṇapaṭṭaṃ kārāpetvā ‘‘tattha ajja akkharāni likhissāmī’’ti. Pātova sīsaṃ nhāyitvā uposathaṅgāni adhiṭṭhāya bhuttapātarāso apanītagandhamālābharaṇo suvaṇṇasarakena jātihiṅgulikaṃ ādāya heṭṭhato paṭṭhāya dvārāni pidahanto pāsādamāruyha pubbadisāmukhaṃ sīhapañjaraṃ vivaritvā ākāsatale nisīditvā suvaṇṇapaṭṭe akkharāni likhanto – ‘‘idha tathāgato loke uppanno arahaṃ sammāsambuddho vijjācaraṇasampanno sugato lokavidū anuttaro purisadammasārathi satthā devamanussānaṃ buddho bhagavā’’ti. Buddhaguṇe tāva ekadesena likhi.
д̇ад̇о ‘‘звам̣ д̣̇аса баарамияо буурзд̇ваа д̇усид̇абхаванад̇о жавид̇ваа маад̇угужчимхи бадисанд̇хим̣ г̇ан̣хи , звам̣ логавиваран̣ам̣ ахоси, маад̇угужчияам̣ васамаанз ид̣̇ам̣ наама ахоси, аг̇аарамаж̇жхз васамаанз ид̣̇ам̣ наама ахоси, звам̣ махаабхинигкаманам̣ нигканд̇о звам̣ махаабад̇хаанам̣ бад̣̇ахи. звам̣ д̣̇уггарагааригам̣ гад̇ваа махааб̣од̇химан̣д̣ам̣ ааруяха абарааж̇ид̇абаллан̇гз нисинно саб̣б̣ан̃н̃уд̇ан̃н̃аан̣ам̣ бадивиж̇жхи, саб̣б̣ан̃н̃уд̇ан̃н̃аан̣ам̣ бадивиж̇жханд̇асса звам̣ логавиваран̣ам̣ ахоси. сад̣̇звагз логз ан̃н̃ам̣ зваруубам̣ рад̇анам̣ наама над̇т̇ийд̇и.
Tato ‘‘evaṃ dasa pāramiyo pūretvā tusitabhavanato cavitvā mātukucchimhi paṭisandhiṃ gaṇhi , evaṃ lokavivaraṇaṃ ahosi, mātukucchiyaṃ vasamāne idaṃ nāma ahosi, agāramajjhe vasamāne idaṃ nāma ahosi, evaṃ mahābhinikkhamanaṃ nikkhanto evaṃ mahāpadhānaṃ padahi. Evaṃ dukkarakārikaṃ katvā mahābodhimaṇḍaṃ āruyha aparājitapallaṅke nisinno sabbaññutaññāṇaṃ paṭivijjhi, sabbaññutaññāṇaṃ paṭivijjhantassa evaṃ lokavivaraṇaṃ ahosi. Sadevake loke aññaṃ evarūpaṃ ratanaṃ nāma natthīti.
яам̣гин̃жи вид̇д̇ам̣ ид̇ха ваа хурам̣ ваа,
Yaṃkiñci vittaṃ idha vā huraṃ vā,
саг̇г̇зсу ваа яам̣ рад̇анам̣ бан̣ийд̇ам̣;
Saggesu vā yaṃ ratanaṃ paṇītaṃ;
на но самам̣ ад̇т̇и д̇ат̇ааг̇ад̇зна,
Na no samaṃ atthi tathāgatena,
ид̣̇амби б̣уд̣̇д̇хз рад̇анам̣ бан̣ийд̇ам̣;
Idampi buddhe ratanaṃ paṇītaṃ;
зд̇зна сажжзна сувад̇т̇и ход̇уу’’д̇и. (ку. баа. 6.3; су. ни. 226) –
Etena saccena suvatthi hotū’’ti. (khu. pā. 6.3; su. ni. 226) –
звам̣ згад̣̇зсзна б̣уд̣̇д̇хаг̇ун̣зби ликид̇ваа д̣̇уд̇ияам̣ д̇хаммарад̇анам̣ т̇омзнд̇о – ‘‘сваагкаад̇о бхаг̇авад̇аа д̇хаммо…бз… бажжад̇д̇ам̣ взд̣̇ид̇аб̣б̣о вин̃н̃уухий’’д̇и. ‘‘жад̇д̇ааро сад̇ибадтаанаа…бз… арияо адтан̇г̇иго маг̇г̇о’’д̇и. ‘‘сад̇т̇аараа д̣̇зсид̇ад̇хаммо наама зваруубо жа зваруубо жаа’’д̇и сад̇д̇ад̇им̣са б̣од̇хибагкияз згад̣̇зсзна ликид̇ваа –
Evaṃ ekadesena buddhaguṇepi likhitvā dutiyaṃ dhammaratanaṃ thomento – ‘‘svākkhāto bhagavatā dhammo…pe… paccattaṃ veditabbo viññūhī’’ti. ‘‘Cattāro satipaṭṭhānā…pe… ariyo aṭṭhaṅgiko maggo’’ti. ‘‘Satthārā desitadhammo nāma evarūpo ca evarūpo cā’’ti sattatiṃsa bodhipakkhiye ekadesena likhitvā –
‘‘яам̣ б̣уд̣̇д̇хасздто бариван̣н̣аяий сужим̣,
‘‘Yaṃ buddhaseṭṭho parivaṇṇayī suciṃ,
самаад̇химаананд̇ариган̃н̃амааху;
Samādhimānantarikaññamāhu;
самаад̇хинаа д̇зна само на виж̇ж̇ад̇и,
Samādhinā tena samo na vijjati,
ид̣̇амби д̇хаммз рад̇анам̣ бан̣ийд̇ам̣;
Idampi dhamme ratanaṃ paṇītaṃ;
зд̇зна сажжзна сувад̇т̇и ход̇уу’’д̇и. (ку. баа. 6.5; су. ни. 228) –
Etena saccena suvatthi hotū’’ti. (khu. pā. 6.5; su. ni. 228) –
звам̣ згад̣̇зсзна д̇хаммаг̇ун̣з ликид̇ваа д̇ад̇ияам̣ сан̇гхарад̇анам̣ т̇омзнд̇о – ‘‘суббадибанно бхаг̇авад̇о саавагасан̇гхо…бз… бун̃н̃агкзд̇д̇ам̣ логассаа’’д̇и. ‘‘гулабуд̇д̇аа наама сад̇т̇у д̇хаммагат̇ам̣ суд̇ваа звам̣ нигкамид̇ваа баб̣б̣аж̇анд̇и, гзжи сзд̇ажчад̇д̇ам̣ бахааяа баб̣б̣аж̇анд̇и, гзжи убараж̇ж̇ам̣, гзжи сзнаабад̇идтаанаад̣̇ийни бахааяа баб̣б̣аж̇анд̇и. баб̣б̣аж̇ид̇ваа жа бана иман̃жа бадибад̇д̇им̣ буурзнд̇ий’’д̇и жуул̣асийламаж̇жхимасийламахаасийлаад̣̇ийни згад̣̇зсзна ликид̇ваа чад̣̇ваарасам̣варам̣ сад̇исамбаж̇ан̃н̃ам̣ жад̇убажжаяасанд̇осам̣ нававид̇хам̣ сзнаасанам̣, нийваран̣аббахаанам̣ баригаммам̣ жхаанаабхин̃н̃аа адтад̇им̣са гаммадтаанаани яаава аасавагкаяаа згад̣̇зсзна лики, сол̣асавид̇хам̣ аанаабаанассад̇игаммадтаанам̣ вид̇т̇аарзнзва ликид̇ваа ‘‘сад̇т̇у саавагасан̇гхо наама зваруубзхи жа г̇ун̣зхи саманнааг̇ад̇о.
Evaṃ ekadesena dhammaguṇe likhitvā tatiyaṃ saṅgharatanaṃ thomento – ‘‘suppaṭipanno bhagavato sāvakasaṅgho…pe… puññakkhettaṃ lokassā’’ti. ‘‘Kulaputtā nāma satthu dhammakathaṃ sutvā evaṃ nikkhamitvā pabbajanti, keci setacchattaṃ pahāya pabbajanti, keci uparajjaṃ, keci senāpatiṭṭhānādīni pahāya pabbajanti. Pabbajitvā ca pana imañca paṭipattiṃ pūrentī’’ti cūḷasīlamajjhimasīlamahāsīlādīni ekadesena likhitvā chadvārasaṃvaraṃ satisampajaññaṃ catupaccayasantosaṃ navavidhaṃ senāsanaṃ, nīvaraṇappahānaṃ parikammaṃ jhānābhiññā aṭṭhatiṃsa kammaṭṭhānāni yāva āsavakkhayā ekadesena likhi, soḷasavidhaṃ ānāpānassatikammaṭṭhānaṃ vitthāreneva likhitvā ‘‘satthu sāvakasaṅgho nāma evarūpehi ca guṇehi samannāgato.
яз буг̇г̇алаа адтасад̇ам̣ басадтаа,
Ye puggalā aṭṭhasataṃ pasaṭṭhā,
жад̇д̇аари зд̇аани яуг̇аани хонд̇и;
Cattāri etāni yugāni honti;
д̇з д̣̇агкин̣зяяаа суг̇ад̇асса саавагаа,
Te dakkhiṇeyyā sugatassa sāvakā,
зд̇зсу д̣̇иннаани махабпалаани;
Etesu dinnāni mahapphalāni;
ид̣̇амби сан̇гхз рад̇анам̣ бан̣ийд̇ам̣,
Idampi saṅghe ratanaṃ paṇītaṃ,
зд̇зна сажжзна сувад̇т̇и ход̇уу’’д̇и. (ку. баа. 6.6; су. ни. 229) –
Etena saccena suvatthi hotū’’ti. (khu. pā. 6.6; su. ni. 229) –
звам̣ згад̣̇зсзна сан̇гхаг̇ун̣з ликид̇ваа – ‘‘бхаг̇авад̇о саасанам̣ сваагкаад̇ам̣ нияяаанигам̣, сажз маяхам̣ сахааяо саггод̇и, нигкамид̇ваа баб̣б̣аж̇ад̇уу’’д̇и ликид̇ваа суван̣н̣абаддам̣ сам̣харид̇ваа сукумагамб̣алзна взтзд̇ваа саарасамуг̇г̇з багкибид̇ваа д̇ам̣ самуг̇г̇ам̣ суван̣н̣амаяз, суван̣н̣амаяам̣, раж̇ад̇амаяз раж̇ад̇амаяам̣ ман̣имаяз, ман̣имаяам̣ баваал̣амаяз, баваал̣амаяам̣ лохид̇ан̇гамаяз, лохид̇ан̇гамаяам̣ масаараг̇алламаяз, масаараг̇алламаяам̣ палигамаяз, палигамаяам̣ д̣̇анд̇амаяз, д̣̇анд̇амаяам̣ саб̣б̣арад̇анамаяз, саб̣б̣арад̇анамаяам̣ гилан̃ж̇амаяз, гилан̃ж̇амаяам̣ самуг̇г̇ам̣ саарагаран̣д̣агз табзси.
Evaṃ ekadesena saṅghaguṇe likhitvā – ‘‘bhagavato sāsanaṃ svākkhātaṃ niyyānikaṃ, sace mayhaṃ sahāyo sakkoti, nikkhamitvā pabbajatū’’ti likhitvā suvaṇṇapaṭṭaṃ saṃharitvā sukhumakambalena veṭhetvā sārasamugge pakkhipitvā taṃ samuggaṃ suvaṇṇamaye, suvaṇṇamayaṃ, rajatamaye rajatamayaṃ maṇimaye, maṇimayaṃ pavāḷamaye, pavāḷamayaṃ lohitaṅkamaye, lohitaṅkamayaṃ masāragallamaye, masāragallamayaṃ phalikamaye, phalikamayaṃ dantamaye, dantamayaṃ sabbaratanamaye, sabbaratanamayaṃ kilañjamaye, kilañjamayaṃ samuggaṃ sārakaraṇḍake ṭhapesi.
буна саарагаран̣д̣агам̣ суван̣н̣агаран̣д̣агзд̇и буриманаязнзва харид̇ваа саб̣б̣арад̇анамаяам̣ гаран̣д̣агам̣ гилан̃ж̇амаяз гаран̣д̣агз табзси. д̇ад̇о гилан̃ж̇амаяам̣ гаран̣д̣агам̣ саарамаяабзл̣ааяаад̇и буна вуд̇д̇анаязнзва харид̇ваа саб̣б̣арад̇анамаяам̣ бзл̣ам̣ гилан̃ж̇амаяабзл̣ааяа табзд̇ваа б̣ахи вад̇т̇зна взтзд̇ваа рааж̇амуд̣̇д̣̇игааяа лан̃чзд̇ваа амажжз аан̣аабзси – ‘‘мама аан̣аабавад̇д̇идтаанз маг̇г̇ам̣ алан̇гаараабзт̇а маг̇г̇о адтусабхавид̇т̇ад̇о ход̇у, жад̇уусабхадтаанам̣ сод̇хид̇амад̇д̇агамзва ход̇у, маж̇жхз жад̇уусабхам̣ рааж̇аанубхаавзна бадияаад̣̇зт̇аа’’д̇и. д̇ад̇о ман̇г̇алахад̇т̇им̣ алан̇гаараабзд̇ваа д̇асса убари баллан̇гам̣ бан̃н̃абзд̇ваа сзд̇ажчад̇д̇ам̣ уссаабзд̇ваа наг̇аравийт̇ияо сид̇д̇асаммадтаа самуссид̇ад̣̇д̇хаж̇абадаагаа гад̣̇алибун̣н̣агхадаг̇анд̇хад̇хуумабубпаад̣̇ийхи суббадиман̣д̣ид̇аа гаарзд̇ваа ‘‘ад̇д̇ано ад̇д̇ано висаяаббад̣̇зсз зваруубам̣ бууж̇ам̣ гаарзнд̇уу’’д̇и анд̇арабхог̇игаанам̣ ж̇аванад̣̇ууд̇з бзсзд̇ваа саяам̣ саб̣б̣аалан̇гаарзна алан̇гарид̇ваа – ‘‘саб̣б̣ад̇аал̣ааважарасаммиссаб̣алагааяабаривуд̇о бан̣н̣аагаарам̣ бзсзмий’’д̇и ад̇д̇ано висаяабарияанд̇ам̣ г̇анд̇ваа амажжасса мукасаасанам̣ ад̣̇ааси – ‘‘д̇аад̇а маяхам̣ сахааяо буггусаад̇и имам̣ бан̣н̣аагаарам̣ бадижчанд̇о ород̇хамаж̇жхз абадижчид̇ваа баасаад̣̇ам̣ ааруяха бадижчад̇уу’’д̇и. звам̣ саасанам̣ д̣̇ад̇ваа бажжанд̇ад̣̇зсам̣ сад̇т̇аа г̇ажчад̇ийд̇и бан̃жабад̇идтид̇зна ванд̣̇ид̇ваа нивад̇д̇и. анд̇арабхог̇игаа д̇знзва нияаамзна маг̇г̇ам̣ бадияаад̣̇зд̇ваа бан̣н̣аагаарам̣ наяим̣су.
Puna sārakaraṇḍakaṃ suvaṇṇakaraṇḍaketi purimanayeneva haritvā sabbaratanamayaṃ karaṇḍakaṃ kilañjamaye karaṇḍake ṭhapesi. Tato kilañjamayaṃ karaṇḍakaṃ sāramayapeḷāyāti puna vuttanayeneva haritvā sabbaratanamayaṃ peḷaṃ kilañjamayapeḷāya ṭhapetvā bahi vatthena veṭhetvā rājamuddikāya lañchetvā amacce āṇāpesi – ‘‘mama āṇāpavattiṭṭhāne maggaṃ alaṅkārāpetha maggo aṭṭhusabhavitthato hotu, catuusabhaṭṭhānaṃ sodhitamattakameva hotu, majjhe catuusabhaṃ rājānubhāvena paṭiyādethā’’ti. Tato maṅgalahatthiṃ alaṅkārāpetvā tassa upari pallaṅkaṃ paññapetvā setacchattaṃ ussāpetvā nagaravīthiyo sittasammaṭṭhā samussitaddhajapaṭākā kadalipuṇṇaghaṭagandhadhūmapupphādīhi suppaṭimaṇḍitā kāretvā ‘‘attano attano visayappadese evarūpaṃ pūjaṃ kārentū’’ti antarabhogikānaṃ javanadūte pesetvā sayaṃ sabbālaṅkārena alaṅkaritvā – ‘‘sabbatāḷāvacarasammissabalakāyaparivuto paṇṇākāraṃ pesemī’’ti attano visayapariyantaṃ gantvā amaccassa mukhasāsanaṃ adāsi – ‘‘tāta mayhaṃ sahāyo pukkusāti imaṃ paṇṇākāraṃ paṭicchanto orodhamajjhe apaṭicchitvā pāsādaṃ āruyha paṭicchatū’’ti. Evaṃ sāsanaṃ datvā paccantadesaṃ satthā gacchatīti pañcapatiṭṭhitena vanditvā nivatti. Antarabhogikā teneva niyāmena maggaṃ paṭiyādetvā paṇṇākāraṃ nayiṃsu.
буггусаад̇иби ад̇д̇ано раж̇ж̇асиймад̇о бадтааяа д̇знзва нияаамзна маг̇г̇ам̣ бадияаад̣̇зд̇ваа наг̇арам̣ алан̇гаараабзд̇ваа бан̣н̣аагаарасса бажжуг̇г̇аманам̣ агааси. бан̣н̣аагааро д̇аггасийлам̣ баабун̣анд̇о убосат̇ад̣̇ивасз баабун̣и, бан̣н̣аагаарам̣ г̇ахзд̇ваа г̇ад̇аамажжоби ран̃н̃о вуд̇д̇асаасанам̣ аарожзси. рааж̇аа д̇ам̣ суд̇ваа бан̣н̣аагаарзна сад̣̇д̇хим̣ ааг̇ад̇аанам̣ гад̇д̇аб̣б̣агижжам̣ вижаарзд̇ваа бан̣н̣аагаарам̣ аад̣̇ааяа баасаад̣̇ам̣ ааруяха ‘‘маа ид̇ха гожи бависад̇уу’’д̇и д̣̇ваарз аарагкам̣ гаарзд̇ваа сийхабан̃ж̇арам̣ виварид̇ваа бан̣н̣аагаарам̣ ужжаасанз табзд̇ваа саяам̣ нийжаасанз нисинно лан̃чанам̣ бхинд̣̇ид̇ваа ниваасанам̣ абанзд̇ваа гилан̃ж̇абзл̣ад̇о бадтааяа анубуб̣б̣зна виваранд̇о саарамаяам̣ самуг̇г̇ам̣ д̣̇исваа жинд̇зси – ‘‘махаабарихааро нааяам̣ ан̃н̃асса рад̇анасса бхависсад̇и, ад̣̇д̇хаа маж̇жхимад̣̇зсз сод̇аб̣б̣аяуд̇д̇агам̣ рад̇анам̣ уббанна’’нд̇и. ат̇а д̇ам̣ самуг̇г̇ам̣ виварид̇ваа рааж̇алан̃чанам̣ бхинд̣̇ид̇ваа сукумагамб̣алам̣ убхад̇о вияуухид̇ваа суван̣н̣абаддам̣ ад̣̇д̣̇аса.
Pukkusātipi attano rajjasīmato paṭṭhāya teneva niyāmena maggaṃ paṭiyādetvā nagaraṃ alaṅkārāpetvā paṇṇākārassa paccuggamanaṃ akāsi. Paṇṇākāro takkasīlaṃ pāpuṇanto uposathadivase pāpuṇi, paṇṇākāraṃ gahetvā gataamaccopi rañño vuttasāsanaṃ ārocesi. Rājā taṃ sutvā paṇṇākārena saddhiṃ āgatānaṃ kattabbakiccaṃ vicāretvā paṇṇākāraṃ ādāya pāsādaṃ āruyha ‘‘mā idha koci pavisatū’’ti dvāre ārakkhaṃ kāretvā sīhapañjaraṃ vivaritvā paṇṇākāraṃ uccāsane ṭhapetvā sayaṃ nīcāsane nisinno lañchanaṃ bhinditvā nivāsanaṃ apanetvā kilañjapeḷato paṭṭhāya anupubbena vivaranto sāramayaṃ samuggaṃ disvā cintesi – ‘‘mahāparihāro nāyaṃ aññassa ratanassa bhavissati, addhā majjhimadese sotabbayuttakaṃ ratanaṃ uppanna’’nti. Atha taṃ samuggaṃ vivaritvā rājalañchanaṃ bhinditvā sukhumakambalaṃ ubhato viyūhitvā suvaṇṇapaṭṭaṃ addasa.
со д̇ам̣ басаарзд̇ваа – ‘‘манаабаани вад̇а агкараани самасийсаани самабанд̇ийни жад̇урассааний’’д̇иаад̣̇ид̇о бадтааяа ваажзд̇ум̣ аарабхи. д̇асса – ‘‘ид̇ха д̇ат̇ааг̇ад̇о логз уббанно’’д̇и б̣уд̣̇д̇хаг̇ун̣з ваажзнд̇асса б̣алавасоманассам̣ уббаж̇ж̇и, наванавуд̇иломагуубасахассаани уд̣̇д̇хаг̇г̇аломаани ахзсум̣. ад̇д̇ано тид̇абхаавам̣ ваа нисиннабхаавам̣ ваа на ж̇аанаад̇и. ат̇асса – ‘‘габбагодисад̇асахассзхиби зд̇ам̣ д̣̇уллабхасаасанам̣ сахааяам̣ ниссааяа сод̇ум̣ лабхаамий’’д̇и бхияяо б̣алавабийд̇и уд̣̇абаад̣̇и. со хи убари ваажзд̇ум̣ асаггонд̇о яаава бийд̇ивзг̇абассад̣̇д̇хияаа нисийд̣̇ид̇ваа барад̇о – ‘‘сваагкаад̇о бхаг̇авад̇аа д̇хаммо’’д̇и д̇хаммаг̇ун̣з аарабхи. д̇ад̇раабисса д̇ат̇зва ахоси. со буна яаава бийд̇ивзг̇абассад̣̇д̇хияаа нисийд̣̇ид̇ваа барад̇о ‘‘суббадибанно’’д̇и сан̇гхаг̇ун̣з аарабхи . д̇ад̇раабисса д̇ат̇зва ахоси. ат̇а саб̣б̣абарияанд̇з аанаабаанассад̇игаммадтаанам̣ ваажзд̇ваа жад̇уггабан̃жагаж̇жхаанаани ниб̣б̣ад̇д̇зси, со жхаанасукзнзва вийд̇инаамзси. ан̃н̃о гожи д̣̇адтум̣ на лабхад̇и, згова жуул̣убадтааго бависад̇и. звам̣ ад̣̇д̇хамаасамад̇д̇ам̣ вийд̇инаамзси.
So taṃ pasāretvā – ‘‘manāpāni vata akkharāni samasīsāni samapantīni caturassānī’’tiādito paṭṭhāya vācetuṃ ārabhi. Tassa – ‘‘idha tathāgato loke uppanno’’ti buddhaguṇe vācentassa balavasomanassaṃ uppajji, navanavutilomakūpasahassāni uddhaggalomāni ahesuṃ. Attano ṭhitabhāvaṃ vā nisinnabhāvaṃ vā na jānāti. Athassa – ‘‘kappakoṭisatasahassehipi etaṃ dullabhasāsanaṃ sahāyaṃ nissāya sotuṃ labhāmī’’ti bhiyyo balavapīti udapādi. So hi upari vācetuṃ asakkonto yāva pītivegapassaddhiyā nisīditvā parato – ‘‘svākkhāto bhagavatā dhammo’’ti dhammaguṇe ārabhi. Tatrāpissa tatheva ahosi. So puna yāva pītivegapassaddhiyā nisīditvā parato ‘‘suppaṭipanno’’ti saṅghaguṇe ārabhi . Tatrāpissa tatheva ahosi. Atha sabbapariyante ānāpānassatikammaṭṭhānaṃ vācetvā catukkapañcakajjhānāni nibbattesi, so jhānasukheneva vītināmesi. Añño koci daṭṭhuṃ na labhati, ekova cūḷupaṭṭhāko pavisati. Evaṃ addhamāsamattaṃ vītināmesi.
нааг̇араа рааж̇ан̇г̇ан̣з саннибад̇ид̇ваа уггудтим̣ агам̣су ‘‘бан̣н̣аагаарам̣ бадижчид̇ад̣̇ивасад̇о бадтааяа б̣алад̣̇ассанам̣ ваа наадагад̣̇ассанам̣ ваа над̇т̇и, винижчаяад̣̇аанам̣ над̇т̇и, рааж̇аа сахааязна бахид̇ам̣ бан̣н̣аагаарам̣ яассижчад̇и д̇асса д̣̇ассзд̇у, рааж̇аано наама згажжасса бан̣н̣аагааравасзнаби ван̃жзд̇ваа раж̇ж̇ам̣ ад̇д̇ано гаад̇ум̣ вааяаманд̇и. гим̣ наама амхаагам̣ рааж̇аа гарод̇ий’’д̇и? рааж̇аа уггудтисад̣̇д̣̇ам̣ суд̇ваа – ‘‘раж̇ж̇ам̣ ну ко д̇хаарзми, уд̣̇ааху сад̇т̇аара’’нд̇и жинд̇зси. ат̇асса зд̇ад̣̇ахоси – ‘‘раж̇ж̇агаарид̇аад̇д̇абхааво наама нзва г̇ан̣агзна, на г̇ан̣агамахаамад̇д̇зна г̇ан̣зд̇ум̣ сагго. сад̇т̇усаасанам̣ д̇хаарзссаамий’’д̇и саяанз табид̇ам̣ асим̣ г̇ахзд̇ваа гзсз чинд̣̇ид̇ваа сийхабан̃ж̇арам̣ виварид̇ваа – ‘‘зд̇ам̣ г̇ахзд̇ваа раж̇ж̇ам̣ гаарзт̇аа’’д̇и сад̣̇д̇хим̣ жуул̣ааман̣инаа гзсагалаабам̣ барисамаж̇жхз баад̇зси, махааж̇ано д̇ам̣ угкибид̇ваа – ‘‘сахааяагасанд̇игаа лад̣̇д̇хабан̣н̣аагаараа наама рааж̇аано д̇умхаад̣̇исаа хонд̇и д̣̇зваа’’д̇и згаббахаарзнзва вирави. ран̃н̃оби д̣̇ван̇г̇уламад̇д̇ам̣ гзсамассу ахоси. б̣од̇хисад̇д̇асса баб̣б̣аж̇ж̇аасад̣̇исамзва гира ж̇аад̇ам̣.
Nāgarā rājaṅgaṇe sannipatitvā ukkuṭṭhiṃ akaṃsu ‘‘paṇṇākāraṃ paṭicchitadivasato paṭṭhāya baladassanaṃ vā nāṭakadassanaṃ vā natthi, vinicchayadānaṃ natthi, rājā sahāyena pahitaṃ paṇṇākāraṃ yassicchati tassa dassetu, rājāno nāma ekaccassa paṇṇākāravasenapi vañcetvā rajjaṃ attano kātuṃ vāyamanti. Kiṃ nāma amhākaṃ rājā karotī’’ti? Rājā ukkuṭṭhisaddaṃ sutvā – ‘‘rajjaṃ nu kho dhāremi, udāhu satthāra’’nti cintesi. Athassa etadahosi – ‘‘rajjakāritaattabhāvo nāma neva gaṇakena, na gaṇakamahāmattena gaṇetuṃ sakko. Satthusāsanaṃ dhāressāmī’’ti sayane ṭhapitaṃ asiṃ gahetvā kese chinditvā sīhapañjaraṃ vivaritvā – ‘‘etaṃ gahetvā rajjaṃ kārethā’’ti saddhiṃ cūḷāmaṇinā kesakalāpaṃ parisamajjhe pātesi, mahājano taṃ ukkhipitvā – ‘‘sahāyakasantikā laddhapaṇṇākārā nāma rājāno tumhādisā honti devā’’ti ekappahāreneva viravi. Raññopi dvaṅgulamattaṃ kesamassu ahosi. Bodhisattassa pabbajjāsadisameva kira jātaṃ.
д̇ад̇о жуул̣убадтаагам̣ бзсзд̇ваа анд̇араабан̣аа д̣̇вз гаасааяавад̇т̇аани мад̇д̇игаабад̇д̇ан̃жа аахараабзд̇ваа – ‘‘яз логз араханд̇о, д̇з уд̣̇д̣̇исса маяхам̣ баб̣б̣аж̇ж̇аа’’д̇и сад̇т̇аарам̣ уд̣̇д̣̇исса згам̣ гаасаавам̣ ниваасзд̇ваа згам̣ баарубид̇ваа бад̇д̇ам̣ ваамаам̣сагуудз гад̇ваа гад̇д̇арад̣̇ан̣д̣ам̣ г̇ахзд̇ваа – ‘‘собхад̇и ну ко мз баб̣б̣аж̇ж̇аа но ваа’’д̇и махаад̇алз гад̇ибаяаваарз абараабарам̣ жан̇гамид̇ваа – ‘‘собхад̇и мз баб̣б̣аж̇ж̇аа’’д̇и д̣̇ваарам̣ виварид̇ваа баасаад̣̇аа од̇ари. од̇аранд̇ам̣ бана нам̣ д̇ийсу д̣̇ваарзсу тид̇анаадагаад̣̇ийни д̣̇исвааби на сан̃ж̇ааним̣су. ‘‘зго бажжзгаб̣уд̣̇д̇хо амхаагам̣ ран̃н̃о д̇хаммагат̇ам̣ гат̇зд̇ум̣ ааг̇ад̇о’’д̇и гира жинд̇аяим̣су. убарибаасаад̣̇ам̣ бана ааруяха ран̃н̃о тид̇анисиннадтаанаани д̣̇исваа рааж̇аа г̇ад̇од̇и н̃ад̇ваа самуд̣̇д̣̇амаж̇жхз осийд̣̇амаанааяа наавааяа ж̇ано вияа згаббахаарзнзва виравим̣су. гулабуд̇д̇ам̣ бхуумид̇алам̣ од̇ин̣н̣амад̇д̇ам̣ адтаарасасзнияо саб̣б̣з нааг̇араа б̣алагааяаа жа бариваарзд̇ваа махаавиравам̣ виравим̣су. амажжааби д̇ам̣ зд̇ад̣̇авожум̣ – ‘‘д̣̇зва маж̇жхимад̣̇зсарааж̇аано наама б̣ахумааяаа, саасанам̣ бзсзд̇ваа б̣уд̣̇д̇харад̇анам̣ наама логз уббаннам̣ ваа но ваад̇и н̃ад̇ваа г̇амиссат̇а , нивад̇д̇ат̇а д̣̇зваа’’д̇и. сад̣̇д̣̇ахаамахам̣ маяхам̣ сахааяагасса, д̇асса маяаа сад̣̇д̇хим̣ д̣̇взж̇жхаважанам̣ наама над̇т̇и, д̇идтат̇а д̇умхзд̇и. д̇з ануг̇ажчанд̇иязва.
Tato cūḷupaṭṭhākaṃ pesetvā antarāpaṇā dve kāsāyavatthāni mattikāpattañca āharāpetvā – ‘‘ye loke arahanto, te uddissa mayhaṃ pabbajjā’’ti satthāraṃ uddissa ekaṃ kāsāvaṃ nivāsetvā ekaṃ pārupitvā pattaṃ vāmaaṃsakūṭe katvā kattaradaṇḍaṃ gahetvā – ‘‘sobhati nu kho me pabbajjā no vā’’ti mahātale katipayavāre aparāparaṃ caṅkamitvā – ‘‘sobhati me pabbajjā’’ti dvāraṃ vivaritvā pāsādā otari. Otarantaṃ pana naṃ tīsu dvāresu ṭhitanāṭakādīni disvāpi na sañjāniṃsu. ‘‘Eko paccekabuddho amhākaṃ rañño dhammakathaṃ kathetuṃ āgato’’ti kira cintayiṃsu. Uparipāsādaṃ pana āruyha rañño ṭhitanisinnaṭṭhānāni disvā rājā gatoti ñatvā samuddamajjhe osīdamānāya nāvāya jano viya ekappahāreneva viraviṃsu. Kulaputtaṃ bhūmitalaṃ otiṇṇamattaṃ aṭṭhārasaseniyo sabbe nāgarā balakāyā ca parivāretvā mahāviravaṃ viraviṃsu. Amaccāpi taṃ etadavocuṃ – ‘‘deva majjhimadesarājāno nāma bahumāyā, sāsanaṃ pesetvā buddharatanaṃ nāma loke uppannaṃ vā no vāti ñatvā gamissatha , nivattatha devā’’ti. Saddahāmahaṃ mayhaṃ sahāyakassa, tassa mayā saddhiṃ dvejjhavacanaṃ nāma natthi, tiṭṭhatha tumheti. Te anugacchantiyeva.
гулабуд̇д̇о гад̇д̇арад̣̇ан̣д̣зна лзкам̣ гад̇ваа – ‘‘ид̣̇ам̣ раж̇ж̇ам̣ гассаа’’д̇и ааха? д̇умхаагам̣ д̣̇зваад̇и. яо имам̣ лзкам̣ анд̇арам̣ гарод̇и, рааж̇аан̣ааяа гаарзд̇аб̣б̣од̇и. махааж̇анагаж̇аад̇агз б̣од̇хисад̇д̇зна гад̇алзкам̣ сийвалид̣̇звий анд̇арам̣ гаад̇ум̣ ависаханд̇ий вивад̇д̇амаанаа аг̇амааси. д̇ассаа г̇ад̇амаг̇г̇зна махааж̇ано аг̇амааси. д̇ам̣ бана лзкам̣ махааж̇ано анд̇арам̣ гаад̇ум̣ на висахи, лзкам̣ уссийсагам̣ гад̇ваа вивад̇д̇амаанаа виравим̣су. гулабуд̇д̇о ‘‘аяам̣ мз г̇ад̇адтаанз д̣̇анд̇агадтам̣ ваа мукод̣̇агам̣ ваа д̣̇ассад̇ий’’д̇и анд̇амасо згажздагамби аг̇г̇ахзд̇ваа баггаами. звам̣ гирасса ахоси ‘‘мама сад̇т̇аа жа махаабхинигкаманам̣ нигкамид̇ваа згагова баб̣б̣аж̇ид̇о’’д̇и згагова аг̇амааси. ‘‘сад̇т̇у лаж̇ж̇аамий’’д̇и жа – ‘‘сад̇т̇аа гира мз баб̣б̣аж̇ид̇ваа яаанам̣ наарул̣хо’’д̇и жа анд̇амасо згабадалигамби убааханам̣ наарухи, бан̣н̣ажчад̇д̇агамби на д̇хаарзси. махааж̇ано ругкабаагаараддаалагаад̣̇ийни ааруяха зса амхаагам̣ рааж̇аа г̇ажчад̇ийд̇и ологзси. гулабуд̇д̇о – ‘‘д̣̇уурам̣ г̇анд̇аб̣б̣ам̣, на саггаа згзна маг̇г̇о нид̇т̇арид̇у’’нд̇и згам̣ сад̇т̇аваахам̣ ануб̣анд̇хи. сукумааласса гулабуд̇д̇асса гатинад̇ад̇д̇ааяа бат̇авияаа г̇ачанд̇асса баад̣̇ад̇алзсу подаа удтахид̇ваа бхиж̇ж̇анд̇и, д̣̇угкаа взд̣̇анаа уббаж̇ж̇анд̇и. сад̇т̇аваахз канд̇хааваарам̣ б̣анд̇хид̇ваа нисиннз гулабуд̇д̇о маг̇г̇аа оггамма згасмим̣ ругкамуулз нисийд̣̇ад̇и. нисиннадтаанз баад̣̇абаригаммам̣ ваа бидтибаригаммам̣ ваа гад̇д̇аа наама над̇т̇и, гулабуд̇д̇о аанаабаанажад̇уд̇т̇аж̇жхаанам̣ самаабаж̇ж̇ид̇ваа маг̇г̇ад̣̇арат̇агиламат̇абарил̣аахам̣ вигкамбхзд̇ваа жхаанарад̇ияаа вийд̇инаамзд̇и.
Kulaputto kattaradaṇḍena lekhaṃ katvā – ‘‘idaṃ rajjaṃ kassā’’ti āha? Tumhākaṃ devāti. Yo imaṃ lekhaṃ antaraṃ karoti, rājāṇāya kāretabboti. Mahājanakajātake bodhisattena katalekhaṃ sīvalidevī antaraṃ kātuṃ avisahantī vivattamānā agamāsi. Tassā gatamaggena mahājano agamāsi. Taṃ pana lekhaṃ mahājano antaraṃ kātuṃ na visahi, lekhaṃ ussīsakaṃ katvā vivattamānā viraviṃsu. Kulaputto ‘‘ayaṃ me gataṭṭhāne dantakaṭṭhaṃ vā mukhodakaṃ vā dassatī’’ti antamaso ekaceṭakampi aggahetvā pakkāmi. Evaṃ kirassa ahosi ‘‘mama satthā ca mahābhinikkhamanaṃ nikkhamitvā ekakova pabbajito’’ti ekakova agamāsi. ‘‘Satthu lajjāmī’’ti ca – ‘‘satthā kira me pabbajitvā yānaṃ nāruḷho’’ti ca antamaso ekapaṭalikampi upāhanaṃ nāruhi, paṇṇacchattakampi na dhāresi. Mahājano rukkhapākāraṭṭālakādīni āruyha esa amhākaṃ rājā gacchatīti olokesi. Kulaputto – ‘‘dūraṃ gantabbaṃ, na sakkā ekena maggo nittharitu’’nti ekaṃ satthavāhaṃ anubandhi. Sukhumālassa kulaputtassa kaṭhinatattāya pathaviyā gachantassa pādatalesu phoṭā uṭṭhahitvā bhijjanti, dukkhā vedanā uppajjanti. Satthavāhe khandhāvāraṃ bandhitvā nisinne kulaputto maggā okkamma ekasmiṃ rukkhamūle nisīdati. Nisinnaṭṭhāne pādaparikammaṃ vā piṭṭhiparikammaṃ vā kattā nāma natthi, kulaputto ānāpānacatutthajjhānaṃ samāpajjitvā maggadarathakilamathapariḷāhaṃ vikkhambhetvā jhānaratiyā vītināmeti.
бунад̣̇ивасз удтид̇з арун̣з сарийрабадиж̇аг̇г̇анам̣ гад̇ваа буна сад̇т̇аваахам̣ ануб̣анд̇хад̇и. баад̇араасагаалз гулабуд̇д̇асса бад̇д̇ам̣ г̇ахзд̇ваа каад̣̇анийяам̣ бхож̇анийяам̣ бад̇д̇з багкибид̇ваа д̣̇знд̇и. д̇ам̣ уд̇д̇ан̣д̣уламби ход̇и гилиннамби самасагкарамби алон̣аад̇илон̣амби, гулабуд̇д̇о бависанадтаанам̣ бажжавзгкид̇ваа амад̇ам̣ вияа барибхун̃ж̇ид̇ваа зд̇зна нияаамзна адтахи уунагаани д̣̇вз яож̇анасад̇аани г̇ад̇о. ж̇зд̇аванад̣̇ваарагодтагасса бана самийбзна г̇ажчанд̇оби – ‘‘гахам̣ сад̇т̇аа васад̇ий’’д̇и наабужчи. гасмаа? сад̇т̇уг̇ааравзна жзва ран̃н̃о бзсид̇асаасанавасзна жа. ран̃н̃о хи – ‘‘ид̇ха д̇ат̇ааг̇ад̇о логз уббаж̇ж̇ад̇ий’’д̇и сад̇т̇аарам̣ рааж̇аг̇ахз уббаннам̣ вияа гад̇ваа саасанам̣ бзсид̇ам̣, д̇асмаа нам̣ абужчид̇ваава бан̃жажад̇д̇аалийсаяож̇анамад̇д̇ам̣ маг̇г̇ам̣ ад̇игганд̇о. со суурияад̇т̇ан̇г̇аманавзлааяа рааж̇аг̇ахам̣ бад̇ваа сад̇т̇аа гахам̣ васад̇ийд̇и бужчи. гуд̇о ну, бханд̇з, ааг̇ад̇од̇и? ид̇о уд̇д̇арад̇од̇и. сад̇т̇аа д̇уяхам̣ ааг̇ад̇амаг̇г̇з ид̇о бан̃жажад̇д̇аалийсаяож̇анамад̇д̇з саавад̇т̇и наама ад̇т̇и, д̇ад̇т̇а васад̇ийд̇и. гулабуд̇д̇о жинд̇зси – ‘‘ид̣̇аани агаало на саггаа г̇анд̇ум̣, аж̇ж̇а ид̇хзва васид̇ваа свз сад̇т̇у санд̇игам̣ г̇амиссаамий’’д̇и. д̇ад̇о – ‘‘вигаалз самбад̇д̇абаб̣б̣аж̇ид̇аа гахам̣ васанд̇ий’’д̇и бужчи. имааяа гумбхагаарасаалааяа, бханд̇зд̇и. ат̇а со д̇ам̣ гумбхагаарам̣ яаажид̇ваа д̇ад̇т̇а ваасад̇т̇ааяа бависид̇ваа нисийд̣̇и.
Punadivase uṭṭhite aruṇe sarīrapaṭijagganaṃ katvā puna satthavāhaṃ anubandhati. Pātarāsakāle kulaputtassa pattaṃ gahetvā khādanīyaṃ bhojanīyaṃ patte pakkhipitvā denti. Taṃ uttaṇḍulampi hoti kilinnampi samasakkharampi aloṇātiloṇampi, kulaputto pavisanaṭṭhānaṃ paccavekkhitvā amataṃ viya paribhuñjitvā etena niyāmena aṭṭhahi ūnakāni dve yojanasatāni gato. Jetavanadvārakoṭṭhakassa pana samīpena gacchantopi – ‘‘kahaṃ satthā vasatī’’ti nāpucchi. Kasmā? Satthugāravena ceva rañño pesitasāsanavasena ca. Rañño hi – ‘‘idha tathāgato loke uppajjatī’’ti satthāraṃ rājagahe uppannaṃ viya katvā sāsanaṃ pesitaṃ, tasmā naṃ apucchitvāva pañcacattālīsayojanamattaṃ maggaṃ atikkanto. So sūriyatthaṅgamanavelāya rājagahaṃ patvā satthā kahaṃ vasatīti pucchi. Kuto nu, bhante, āgatoti? Ito uttaratoti. Satthā tuyhaṃ āgatamagge ito pañcacattālīsayojanamatte sāvatthi nāma atthi, tattha vasatīti. Kulaputto cintesi – ‘‘idāni akālo na sakkā gantuṃ, ajja idheva vasitvā sve satthu santikaṃ gamissāmī’’ti. Tato – ‘‘vikāle sampattapabbajitā kahaṃ vasantī’’ti pucchi. Imāya kumbhakārasālāya, bhanteti. Atha so taṃ kumbhakāraṃ yācitvā tattha vāsatthāya pavisitvā nisīdi.
бхаг̇авааби д̇ам̣д̣̇ивасам̣ бажжуусагаалз логам̣ вологзнд̇о буггусаад̇им̣ д̣̇исваа жинд̇зси – ‘‘аяам̣ гулабуд̇д̇о сахааязна бзсид̇ам̣ саасанамад̇д̇агам̣ ваажзд̇ваа ад̇ирзгад̇ияож̇анасад̇игам̣ махаараж̇ж̇ам̣ бахааяа мам̣ уд̣̇д̣̇исса баб̣б̣аж̇ид̇ваа адтахи уунагаани д̣̇вз яож̇анасад̇аани ад̇иггамма рааж̇аг̇ахам̣ баабун̣иссад̇и, маяи аг̇ажчанд̇з бана д̇ийн̣и сааман̃н̃апалаани аббадивиж̇жхид̇ваа згарад̇д̇иваасзна анаат̇агаалагирияам̣ гариссад̇и, маяи бана г̇ад̇з д̇ийн̣и сааман̃н̃апалаани бадивиж̇жхиссад̇и. ж̇анасан̇г̇ахад̇т̇ааязва бана маяаа сад̇асахассагаббаад̇хигаани жад̇д̇аари асан̇кязяяаани баарамияо буурид̇аа, гариссаами д̇асса сан̇г̇аха’’нд̇и баад̇ова сарийрабадиж̇аг̇г̇анам̣ гад̇ваа бхигкусан̇гхабаривуд̇о саавад̇т̇ияам̣ бин̣д̣ааяа жарид̇ваа бажчаабхад̇д̇ам̣ бин̣д̣абаад̇аббадигганд̇о г̇анд̇хагудим̣ бависид̇ваа мухуд̇д̇ам̣ ад̇д̇ад̣̇арат̇агиламат̇ам̣ бадибассамбхзд̇ваа – ‘‘гулабуд̇д̇о маяи г̇ааравзна д̣̇уггарам̣ агааси, ад̇ирзгаяож̇анасад̇ам̣ раж̇ж̇ам̣ бахааяа анд̇амасо мукад̇хованад̣̇ааяагамби жздагам̣ аг̇г̇ахзд̇ваа згагова нигканд̇о’’д̇и саарибуд̇д̇амахаамог̇г̇аллаанаад̣̇ийсу ган̃жи анааманд̇зд̇ваа саяамзва ад̇д̇ано бад̇д̇ажийварам̣ г̇ахзд̇ваа згагова нигканд̇о. г̇ажчанд̇о жа нзва аагаасз уббад̇и, на бат̇авим̣ сам̣киби, – ‘‘гулабуд̇д̇о мама лаж̇ж̇амаано хад̇т̇иассарат̇асуван̣н̣асивигаад̣̇ийсу згаяаанзби анисийд̣̇ид̇ваа анд̇амасо згабадалигам̣ убааханамби анааруяха бан̣н̣ажчад̇д̇агамби аг̇г̇ахзд̇ваа нигканд̇о, маяааби бад̣̇асаава г̇анд̇ум̣ ваддад̇ий’’д̇и бана жинд̇зд̇ваа бад̣̇асаава аг̇амааси.
Bhagavāpi taṃdivasaṃ paccūsakāle lokaṃ volokento pukkusātiṃ disvā cintesi – ‘‘ayaṃ kulaputto sahāyena pesitaṃ sāsanamattakaṃ vācetvā atirekatiyojanasatikaṃ mahārajjaṃ pahāya maṃ uddissa pabbajitvā aṭṭhahi ūnakāni dve yojanasatāni atikkamma rājagahaṃ pāpuṇissati, mayi agacchante pana tīṇi sāmaññaphalāni appaṭivijjhitvā ekarattivāsena anāthakālakiriyaṃ karissati, mayi pana gate tīṇi sāmaññaphalāni paṭivijjhissati. Janasaṅgahatthāyeva pana mayā satasahassakappādhikāni cattāri asaṅkhyeyyāni pāramiyo pūritā, karissāmi tassa saṅgaha’’nti pātova sarīrapaṭijagganaṃ katvā bhikkhusaṅghaparivuto sāvatthiyaṃ piṇḍāya caritvā pacchābhattaṃ piṇḍapātappaṭikkanto gandhakuṭiṃ pavisitvā muhuttaṃ attadarathakilamathaṃ paṭipassambhetvā – ‘‘kulaputto mayi gāravena dukkaraṃ akāsi, atirekayojanasataṃ rajjaṃ pahāya antamaso mukhadhovanadāyakampi ceṭakaṃ aggahetvā ekakova nikkhanto’’ti sāriputtamahāmoggallānādīsu kañci anāmantetvā sayameva attano pattacīvaraṃ gahetvā ekakova nikkhanto. Gacchanto ca neva ākāse uppati, na pathaviṃ saṃkhipi, – ‘‘kulaputto mama lajjamāno hatthiassarathasuvaṇṇasivikādīsu ekayānepi anisīditvā antamaso ekapaṭalikaṃ upāhanampi anāruyha paṇṇacchattakampi aggahetvā nikkhanto, mayāpi padasāva gantuṃ vaṭṭatī’’ti pana cintetvā padasāva agamāsi.
со асийд̇и ануб̣яан̃ж̇анаани б̣яаамаббабхаа б̣аад̇д̇им̣са махаабурисалагкан̣аанийд̇и имам̣ б̣уд̣̇д̇хасирим̣ бадижчаад̣̇зд̇ваа валаахагабадижчанно бун̣н̣ажанд̣̇о вияа ан̃н̃ад̇арабхигкувзсзна г̇ажчанд̇о згабажчаабхад̇д̇знзва бан̃жажад̇д̇аалийса яож̇анаани ад̇иггамма суурияад̇т̇ан̇г̇амалийвзлааяа гулабуд̇д̇з бавидтамад̇д̇зязва д̇ам̣ гумбхагаарасаалам̣ баабун̣и. д̇ам̣ санд̇хааяа вуд̇д̇ам̣ – ‘‘д̇зна ко бана самаязна, буггусаад̇и, наама гулабуд̇д̇о бхаг̇аванд̇ам̣ уд̣̇д̣̇исса сад̣̇д̇хааяа аг̇аарасмаа анаг̇аарияам̣ баб̣б̣аж̇ид̇о, со д̇асмим̣ гумбхагаараавзсанз батамам̣ ваасуубаг̇ад̇о ход̇ий’’д̇и.
So asīti anubyañjanāni byāmappabhā bāttiṃsa mahāpurisalakkhaṇānīti imaṃ buddhasiriṃ paṭicchādetvā valāhakapaṭicchanno puṇṇacando viya aññatarabhikkhuvesena gacchanto ekapacchābhatteneva pañcacattālīsa yojanāni atikkamma sūriyatthaṅgamalīvelāya kulaputte paviṭṭhamatteyeva taṃ kumbhakārasālaṃ pāpuṇi. Taṃ sandhāya vuttaṃ – ‘‘tena kho pana samayena, pukkusāti, nāma kulaputto bhagavantaṃ uddissa saddhāya agārasmā anagāriyaṃ pabbajito, so tasmiṃ kumbhakārāvesane paṭhamaṃ vāsūpagato hotī’’ti.
звам̣ г̇анд̇вааби бана бхаг̇аваа – ‘‘ахам̣ саммаасамб̣уд̣̇д̇хо’’д̇и басаяха гумбхагаарасаалам̣ абависид̇ваа д̣̇ваарз тид̇ова гулабуд̇д̇ам̣ огаасам̣ гаарзнд̇о сажз д̇з бхигкууд̇иаад̣̇имааха. урунд̣̇анд̇и вивид̇д̇ам̣ асамб̣аад̇хам̣. вихарад̇ааяасмаа яат̇аасуканд̇и язна язна ирияаабат̇зна паасу ход̇и, д̇зна д̇зна яат̇аасукам̣ ааяасмаа вихарад̇ууд̇и огаасам̣ агааси. ад̇ирзгад̇ияож̇анасад̇ан̃хи раж̇ж̇ам̣ бахааяа баб̣б̣аж̇ид̇о гулабуд̇д̇о барасса чад̣д̣ид̇абад̇ид̇ам̣ гумбхагаарасаалам̣ гим̣ ан̃н̃асса саб̣рахмажаарино мажчарааяиссад̇и. згажжз бана могхабурисаа саасанз баб̣б̣аж̇ид̇ваа ааваасамажчарияаад̣̇ийхи абхибхууд̇аа ад̇д̇ано васанадтаанз маяхам̣ гуди маяхам̣ баривзн̣анд̇и ан̃н̃зсам̣ аваасааяа бараггаманд̇и. нисийд̣̇ийд̇и ажжанд̇асукумаало логанаат̇о д̣̇звавимаанасад̣̇исам̣ г̇анд̇хагудим̣ бахааяа д̇ад̇т̇а д̇ад̇т̇а виббагин̣н̣ачааригааяа бхиннабхааж̇анад̇ин̣абалаасагуггудасуугараважжаад̣̇исам̣гилидтааяа сан̇гаарадтаанасад̣̇исааяа гумбхагаарасаалааяа д̇ин̣асант̇аарам̣ сант̇арид̇ваа бам̣сугуулажийварам̣ бан̃н̃абзд̇ваа д̣̇звавимаанасад̣̇исам̣ д̣̇иб̣б̣аг̇анд̇хасуг̇анд̇хам̣ г̇анд̇хагудим̣ бависид̇ваа нисийд̣̇анд̇о вияа нисийд̣̇и.
Evaṃ gantvāpi pana bhagavā – ‘‘ahaṃ sammāsambuddho’’ti pasayha kumbhakārasālaṃ apavisitvā dvāre ṭhitova kulaputtaṃ okāsaṃ kārento sace te bhikkhūtiādimāha. Urundanti vivittaṃ asambādhaṃ. Viharatāyasmā yathāsukhanti yena yena iriyāpathena phāsu hoti, tena tena yathāsukhaṃ āyasmā viharatūti okāsaṃ akāsi. Atirekatiyojanasatañhi rajjaṃ pahāya pabbajito kulaputto parassa chaḍḍitapatitaṃ kumbhakārasālaṃ kiṃ aññassa sabrahmacārino maccharāyissati. Ekacce pana moghapurisā sāsane pabbajitvā āvāsamacchariyādīhi abhibhūtā attano vasanaṭṭhāne mayhaṃ kuṭi mayhaṃ pariveṇanti aññesaṃ avāsāya parakkamanti. Nisīdīti accantasukhumālo lokanātho devavimānasadisaṃ gandhakuṭiṃ pahāya tattha tattha vippakiṇṇachārikāya bhinnabhājanatiṇapalāsakukkuṭasūkaravaccādisaṃkiliṭṭhāya saṅkāraṭṭhānasadisāya kumbhakārasālāya tiṇasanthāraṃ santharitvā paṃsukūlacīvaraṃ paññapetvā devavimānasadisaṃ dibbagandhasugandhaṃ gandhakuṭiṃ pavisitvā nisīdanto viya nisīdi.
ид̇и бхаг̇авааби асамбхиннамахаасаммад̇авам̣сз уббанно, гулабуд̇д̇оби кад̇д̇ияаг̇аб̣бхз вад̣дхид̇о. бхаг̇авааби абхинийхаарасамбанно, гулабуд̇д̇оби абхинийхаарасамбанно. бхаг̇авааби раж̇ж̇ам̣ бахааяа баб̣б̣аж̇ид̇о, гулабуд̇д̇оби. бхаг̇авааби суван̣н̣аван̣н̣о, гулабуд̇д̇оби. бхаг̇авааби самаабад̇д̇илаабхий, гулабуд̇д̇оби. ид̇и д̣̇взби кад̇д̇ияаа д̣̇взби абхинийхаарасамбаннаа д̣̇взби рааж̇абаб̣б̣аж̇ид̇аа д̣̇взби суван̣н̣аван̣н̣аа д̣̇взби самаабад̇д̇илаабхино гумбхагаарасаалам̣ бависид̇ваа нисиннаад̇и д̇зхи гумбхагаарасаалаа ад̇ивияа собхад̇и, д̣̇вийхи сийхаад̣̇ийхи бавидтаг̇ухаад̣̇ийхи аахарид̇ваа д̣̇ийбзд̇аб̣б̣ам̣. д̇зсу бана д̣̇вийсу бхаг̇аваа – ‘‘сукумаало ахам̣ барамасукумаало згабажчаабхад̇д̇зна бан̃жажад̇д̇аалийса яож̇анаани ааг̇ад̇о, мухуд̇д̇ам̣ д̇аава сийхасзяяам̣ габбзд̇ваа маг̇г̇ад̣̇арат̇ам̣ бадибассамбхзмий’’д̇и жид̇д̇амби ануббаад̣̇зд̇ваа нисийд̣̇анд̇ова паласамаабад̇д̇им̣ самаабаж̇ж̇и. гулабуд̇д̇оби – ‘‘д̣̇ваанавуд̇ияож̇анасад̇ам̣ ааг̇ад̇омхи, мухуд̇д̇ам̣ д̇аава нибаж̇ж̇ид̇ваа маг̇г̇ад̣̇арат̇ам̣ винод̣̇змий’’д̇и жид̇д̇ам̣ ануббаад̣̇зд̇ваа нисийд̣̇амаанова аанаабаанажад̇уд̇т̇аж̇жхаанам̣ самаабаж̇ж̇и. ид̣̇ам̣ санд̇хааяа ат̇а ко бхаг̇аваа б̣ахуд̣̇зва рад̇д̇инд̇иаад̣̇и вуд̇д̇ам̣.
Iti bhagavāpi asambhinnamahāsammatavaṃse uppanno, kulaputtopi khattiyagabbhe vaḍḍhito. Bhagavāpi abhinīhārasampanno, kulaputtopi abhinīhārasampanno. Bhagavāpi rajjaṃ pahāya pabbajito, kulaputtopi. Bhagavāpi suvaṇṇavaṇṇo, kulaputtopi. Bhagavāpi samāpattilābhī, kulaputtopi. Iti dvepi khattiyā dvepi abhinīhārasampannā dvepi rājapabbajitā dvepi suvaṇṇavaṇṇā dvepi samāpattilābhino kumbhakārasālaṃ pavisitvā nisinnāti tehi kumbhakārasālā ativiya sobhati, dvīhi sīhādīhi paviṭṭhaguhādīhi āharitvā dīpetabbaṃ. Tesu pana dvīsu bhagavā – ‘‘sukhumālo ahaṃ paramasukhumālo ekapacchābhattena pañcacattālīsa yojanāni āgato, muhuttaṃ tāva sīhaseyyaṃ kappetvā maggadarathaṃ paṭipassambhemī’’ti cittampi anuppādetvā nisīdantova phalasamāpattiṃ samāpajji. Kulaputtopi – ‘‘dvānavutiyojanasataṃ āgatomhi, muhuttaṃ tāva nipajjitvā maggadarathaṃ vinodemī’’ti cittaṃ anuppādetvā nisīdamānova ānāpānacatutthajjhānaṃ samāpajji. Idaṃ sandhāya atha kho bhagavā bahudeva rattintiādi vuttaṃ.
нану жа бхаг̇аваа гулабуд̇д̇асса д̇хаммам̣ д̣̇зсзссаамийд̇и ааг̇ад̇о, гасмаа на д̣̇зсзсийд̇и? гулабуд̇д̇асса маг̇г̇ад̣̇арат̇о аббадибассад̣̇д̇хо, на сагкиссад̇и д̇хаммад̣̇зсанам̣ самбадижчид̇ум̣, со д̇аавасса бадибассамбхад̇ууд̇и на д̣̇зсзси. абарз – ‘‘рааж̇аг̇ахам̣ наама аагин̣н̣амануссам̣ авивид̇д̇ам̣ д̣̇асахи сад̣̇д̣̇зхи, со сад̣̇д̣̇о д̣̇ияад̣дхаяаамамад̇д̇зна саннисийд̣̇ад̇и, д̇ам̣ ааг̇амзнд̇о на д̣̇зсзсий’’д̇и вад̣̇анд̇и. д̇ам̣ агааран̣ам̣, б̣рахмалогаббамаан̣амби хи сад̣̇д̣̇ам̣ бхаг̇аваа ад̇д̇ано аанубхаавзна вуубасамзд̇ум̣ саггод̇и, маг̇г̇ад̣̇арат̇авуубасамам̣ ааг̇амзнд̇оязва бана на д̣̇зсзси.
Nanu ca bhagavā kulaputtassa dhammaṃ desessāmīti āgato, kasmā na desesīti? Kulaputtassa maggadaratho appaṭipassaddho, na sakkhissati dhammadesanaṃ sampaṭicchituṃ, so tāvassa paṭipassambhatūti na desesi. Apare – ‘‘rājagahaṃ nāma ākiṇṇamanussaṃ avivittaṃ dasahi saddehi, so saddo diyaḍḍhayāmamattena sannisīdati, taṃ āgamento na desesī’’ti vadanti. Taṃ akāraṇaṃ, brahmalokappamāṇampi hi saddaṃ bhagavā attano ānubhāvena vūpasametuṃ sakkoti, maggadarathavūpasamaṃ āgamentoyeva pana na desesi.
д̇ад̇т̇а б̣ахуд̣̇зва рад̇д̇инд̇и д̣̇ияад̣дхаяаамамад̇д̇ам̣. зд̇ад̣̇ахосийд̇и бхаг̇аваа паласамаабад̇д̇ид̇о вудтааяа суван̣н̣авимаанз ман̣исийхабан̃ж̇арам̣ виваранд̇о вияа бан̃жабасаад̣̇аббадиман̣д̣ид̇аани агкийни уммийлзд̇ваа ологзси, ат̇асса хад̇т̇агуггужжабаад̣̇агуггужжасийсагамбанавирахид̇ам̣ суникаад̇аинд̣̇акийлам̣ вияа нижжалам̣ авиб̣бханд̇ам̣ суван̣н̣абадимам̣ вияа нисиннам̣ гулабуд̇д̇ам̣ д̣̇исваа зд̇ам̣ – ‘‘баасаад̣̇игам̣ ко’’д̇иаад̣̇и ахоси. д̇ад̇т̇а баасаад̣̇иганд̇и басаад̣̇аавахам̣. бхааванабум̣сагам̣ банзд̇ам̣, баасаад̣̇игзна ирияаабат̇зна ирияад̇и. яат̇аа ирияад̇о ирияаабат̇о баасаад̣̇иго ход̇и, звам̣ ирияад̇ийд̇и аяамзд̇т̇а ад̇т̇о. жад̇уусу хи ирияаабат̇зсу д̇аяо ирияаабат̇аа на собханд̇и. г̇ажчанд̇асса хи бхигкуно хад̇т̇аа жаланд̇и, баад̣̇аа жаланд̇и, сийсам̣ жалад̇и, тид̇асса гааяо т̇ад̣̇д̇хо ход̇и, нибаннассааби ирияаабат̇о аманаабо ход̇и, бажчаабхад̇д̇з бана д̣̇иваадтаанам̣ саммаж̇ж̇ид̇ваа жаммакан̣д̣ам̣ бан̃н̃абзд̇ваа суд̇ход̇ахад̇т̇абаад̣̇асса жад̇усанд̇хигабаллан̇гам̣ аабхуж̇ид̇ваа нибаннассзва ирияаабат̇о собхад̇и. аяан̃жа гулабуд̇д̇о баллан̇гам̣ аабхуж̇ид̇ваа аанаабаанажад̇уд̇т̇аж̇жхаанам̣ аббзд̇ваа нисийд̣̇и. ид̇исса ирияаабат̇знзва басанно бхаг̇аваа – ‘‘баасаад̣̇игам̣ ко’’д̇и баривид̇аггзси.
Tattha bahudeva rattinti diyaḍḍhayāmamattaṃ. Etadahosīti bhagavā phalasamāpattito vuṭṭhāya suvaṇṇavimāne maṇisīhapañjaraṃ vivaranto viya pañcapasādappaṭimaṇḍitāni akkhīni ummīletvā olokesi, athassa hatthakukkuccapādakukkuccasīsakampanavirahitaṃ sunikhātaindakhīlaṃ viya niccalaṃ avibbhantaṃ suvaṇṇapaṭimaṃ viya nisinnaṃ kulaputtaṃ disvā etaṃ – ‘‘pāsādikaṃ kho’’tiādi ahosi. Tattha pāsādikanti pasādāvahaṃ. Bhāvanapuṃsakaṃ panetaṃ, pāsādikena iriyāpathena iriyati. Yathā iriyato iriyāpatho pāsādiko hoti, evaṃ iriyatīti ayamettha attho. Catūsu hi iriyāpathesu tayo iriyāpathā na sobhanti. Gacchantassa hi bhikkhuno hatthā calanti, pādā calanti, sīsaṃ calati, ṭhitassa kāyo thaddho hoti, nipannassāpi iriyāpatho amanāpo hoti, pacchābhatte pana divāṭṭhānaṃ sammajjitvā cammakhaṇḍaṃ paññapetvā sudhotahatthapādassa catusandhikapallaṅkaṃ ābhujitvā nipannasseva iriyāpatho sobhati. Ayañca kulaputto pallaṅkaṃ ābhujitvā ānāpānacatutthajjhānaṃ appetvā nisīdi. Itissa iriyāpatheneva pasanno bhagavā – ‘‘pāsādikaṃ kho’’ti parivitakkesi.
яам̣нуунаахам̣ бужчзяяанд̇и гасмаа бужчад̇и? гим̣ бхаг̇аваа ад̇д̇аанам̣ уд̣̇д̣̇исса баб̣б̣аж̇ид̇абхаавам̣ на ж̇аанаад̇ийд̇и? но на ж̇аанаад̇и, абужчид̇з бана гат̇аа на бад̇идтаад̇и, абад̇идтид̇ааяа гат̇ааяа гат̇аа на сан̃ж̇ааяад̇ийд̇и гат̇аабад̇идтаабанад̇т̇ам̣ бужчи.
Yaṃnūnāhaṃ puccheyyanti kasmā pucchati? Kiṃ bhagavā attānaṃ uddissa pabbajitabhāvaṃ na jānātīti? No na jānāti, apucchite pana kathā na patiṭṭhāti, apatiṭṭhitāya kathāya kathā na sañjāyatīti kathāpatiṭṭhāpanatthaṃ pucchi.
д̣̇исваа жа бана ж̇аанзяяаасийд̇и д̇ат̇ааг̇ад̇ам̣ б̣уд̣̇д̇хасирияаа вирожанд̇ам̣ аяам̣ б̣уд̣̇д̇ход̇и саб̣б̣з ж̇аананд̇и. анажчарияамзд̇ам̣ ж̇аананам̣, б̣уд̣̇д̇хасирим̣ бана бадижчаад̣̇зд̇ваа ан̃н̃ад̇арабин̣д̣абаад̇игавзсзна жаранд̇о д̣̇уж̇ж̇аано ход̇и. ижжааяасмаа, буггусаад̇и, ‘‘на ж̇аанзяяа’’нд̇и сабхаавамзва гат̇зд̇и. д̇ат̇аа хи нам̣ згагумбхагаарасаалааяа нисиннамби на ж̇аанаад̇и.
Disvāca pana jāneyyāsīti tathāgataṃ buddhasiriyā virocantaṃ ayaṃ buddhoti sabbe jānanti. Anacchariyametaṃ jānanaṃ, buddhasiriṃ pana paṭicchādetvā aññatarapiṇḍapātikavesena caranto dujjāno hoti. Iccāyasmā, pukkusāti, ‘‘na jāneyya’’nti sabhāvameva katheti. Tathā hi naṃ ekakumbhakārasālāya nisinnampi na jānāti.
зд̇ад̣̇ахосийд̇и маг̇г̇ад̣̇арат̇асса вуубасамабхаавам̣ н̃ад̇ваа ахоси. звамаавусод̇и гулабуд̇д̇о сахааязна бзсид̇ам̣ саасанамад̇д̇ам̣ ваажзд̇ваа раж̇ж̇ам̣ бахааяа баб̣б̣аж̇амаано – ‘‘д̣̇асаб̣аласса мад̇хурад̇хаммад̣̇зсанам̣ сод̇ум̣ лабхиссаамий’’д̇и. баб̣б̣аж̇ид̇о, баб̣б̣аж̇ид̇ваа зд̇д̇агам̣ ад̣̇д̇хаанам̣ ааг̇ажчанд̇о – ‘‘д̇хаммам̣ д̇з бхигку д̣̇зсзссаамий’’д̇и бад̣̇амад̇д̇асса вад̇д̇аарам̣ наалад̇т̇а, со ‘‘д̇хаммам̣ д̇з бхигку д̣̇зсзссаамий’’д̇и вуд̇д̇ам̣ гим̣ саггажжам̣ на сун̣иссад̇и. бибаасид̇асон̣д̣о вияа хи бибаасид̇ахад̇т̇ий вияа жааяам̣, д̇асмаа саггажжам̣ саванам̣ бадиж̇аананд̇о ‘‘звамаавусо’’д̇и ааха.
Etadahosīti maggadarathassa vūpasamabhāvaṃ ñatvā ahosi. Evamāvusoti kulaputto sahāyena pesitaṃ sāsanamattaṃ vācetvā rajjaṃ pahāya pabbajamāno – ‘‘dasabalassa madhuradhammadesanaṃ sotuṃ labhissāmī’’ti. Pabbajito, pabbajitvā ettakaṃ addhānaṃ āgacchanto – ‘‘dhammaṃ te bhikkhu desessāmī’’ti padamattassa vattāraṃ nālattha, so ‘‘dhammaṃ te bhikkhu desessāmī’’ti vuttaṃ kiṃ sakkaccaṃ na suṇissati. Pipāsitasoṇḍo viya hi pipāsitahatthī viya cāyaṃ, tasmā sakkaccaṃ savanaṃ paṭijānanto ‘‘evamāvuso’’ti āha.
343. чад̇хаад̇уро аяанд̇и бхаг̇аваа гулабуд̇д̇асса буб̣б̣абхааг̇абадибад̣̇ам̣ агат̇зд̇ваа аад̣̇ид̇ова арахад̇д̇асса бад̣̇адтаанабхууд̇ам̣ ажжанд̇асун̃н̃ад̇ам̣ вибассанаалагкан̣амзва аажигкид̇ум̣ аарад̣̇д̇хо. яасса хи буб̣б̣абхааг̇абадибад̣̇аа абарисуд̣̇д̇хаа ход̇и, д̇асса батамамзва сийласам̣варам̣ инд̣̇риязсу г̇уд̇д̇ад̣̇ваарад̇ам̣ бхож̇анз мад̇д̇ан̃н̃уд̇ам̣ ж̇ааг̇арияаануяог̇ам̣ сад̇д̇а сад̣̇д̇хаммз жад̇д̇аари жхаанаанийд̇и имам̣ буб̣б̣абхааг̇абадибад̣̇ам̣ аажигкад̇и. яасса банзсаа барисуд̣̇д̇хаа, д̇асса д̇ам̣ агат̇зд̇ваа арахад̇д̇асса бад̣̇адтаанабхууд̇ам̣ вибассанамзва аажигкад̇и. гулабуд̇д̇асса жа буб̣б̣абхааг̇абадибад̣̇аа барисуд̣̇д̇хаа. д̇ат̇аа хи анзна саасанам̣ ваажзд̇ваа баасаад̣̇авараг̇ад̇знзва аанаабаанажад̇уд̇т̇аж̇жхаанам̣ ниб̣б̣ад̇д̇ид̇ам̣, яад̣̇асса д̣̇ваанавуд̇ияож̇анасабхам̣ ааг̇ажчанд̇асса яаанагижжам̣ саад̇хзси, сааман̣зрасийламбисса барибун̣н̣ам̣. д̇асмаа буб̣б̣абхааг̇абадибад̣̇ам̣ агат̇зд̇ваа арахад̇д̇асса бад̣̇адтаанабхууд̇ам̣ ажжанд̇асун̃н̃ад̇ам̣ вибассанаалагкан̣амзвасса аажигкид̇ум̣ аарад̣̇д̇хо.
343.Chadhāturo ayanti bhagavā kulaputtassa pubbabhāgapaṭipadaṃ akathetvā āditova arahattassa padaṭṭhānabhūtaṃ accantasuññataṃ vipassanālakkhaṇameva ācikkhituṃ āraddho. Yassa hi pubbabhāgapaṭipadā aparisuddhā hoti, tassa paṭhamameva sīlasaṃvaraṃ indriyesu guttadvārataṃ bhojane mattaññutaṃ jāgariyānuyogaṃ satta saddhamme cattāri jhānānīti imaṃ pubbabhāgapaṭipadaṃ ācikkhati. Yassa panesā parisuddhā, tassa taṃ akathetvā arahattassa padaṭṭhānabhūtaṃ vipassanameva ācikkhati. Kulaputtassa ca pubbabhāgapaṭipadā parisuddhā. Tathā hi anena sāsanaṃ vācetvā pāsādavaragateneva ānāpānacatutthajjhānaṃ nibbattitaṃ, yadassa dvānavutiyojanasabhaṃ āgacchantassa yānakiccaṃ sādhesi, sāmaṇerasīlampissa paripuṇṇaṃ. Tasmā pubbabhāgapaṭipadaṃ akathetvā arahattassa padaṭṭhānabhūtaṃ accantasuññataṃ vipassanālakkhaṇamevassa ācikkhituṃ āraddho.
д̇ад̇т̇а чад̇хаад̇урод̇и д̇хаад̇уяо виж̇ж̇амаанаа, бурисо авиж̇ж̇амаано. бхаг̇аваа хи гад̇т̇ажи виж̇ж̇амаанзна авиж̇ж̇амаанам̣ д̣̇ассзд̇и, гад̇т̇ажи авиж̇ж̇амаанзна виж̇ж̇амаанам̣, гад̇т̇ажи виж̇ж̇амаанзна виж̇ж̇амаанам̣, гад̇т̇ажи авиж̇ж̇амаанзна авиж̇ж̇амаананд̇и саб̣б̣аасавз вуд̇д̇анаязнзва вид̇т̇аарзд̇аб̣б̣ам̣. ид̇ха бана виж̇ж̇амаанзна авиж̇ж̇амаанам̣ д̣̇ассзнд̇о звамааха. сажз хи бхаг̇аваа бурисод̇и бан̣н̣ад̇д̇им̣ виссаж̇ж̇зд̇ваа д̇хаад̇уяо ижжзва вад̇ваа жид̇д̇ам̣ убадтаабзяяа, гулабуд̇д̇о санд̣̇зхам̣ гарзяяа, саммохам̣ аабаж̇ж̇зяяа, д̣̇зсанам̣ самбадижчид̇ум̣ на саггун̣зяяа. д̇асмаа д̇ат̇ааг̇ад̇о анубуб̣б̣зна бурисод̇и бан̣н̣ад̇д̇им̣ бахааяа ‘‘сад̇д̇од̇и ваа бурисод̇и ваа буг̇г̇алод̇и ваа бан̣н̣ад̇д̇имад̇д̇амзва, барамад̇т̇ад̇о сад̇д̇о наама над̇т̇и, д̇хаад̇умад̇д̇зязва жид̇д̇ам̣ табаабзд̇ваа д̇ийн̣и палаани бадивиж̇жхаабзссаамий’’д̇и анан̇г̇ан̣асуд̇д̇з (ма. ни. 1.57 аад̣̇аяо) вуд̇д̇абхаасанд̇арагусало д̇ааяа д̇ааяа бхаасааяа сиббам̣ уг̇г̇ан̣хаабзнд̇о аажарияо вияа звамааха.
Tattha chadhāturoti dhātuyo vijjamānā, puriso avijjamāno. Bhagavā hi katthaci vijjamānena avijjamānaṃ dasseti, katthaci avijjamānena vijjamānaṃ, katthaci vijjamānena vijjamānaṃ, katthaci avijjamānena avijjamānanti sabbāsave vuttanayeneva vitthāretabbaṃ. Idha pana vijjamānena avijjamānaṃ dassento evamāha. Sace hi bhagavā purisoti paṇṇattiṃ vissajjetvā dhātuyo icceva vatvā cittaṃ upaṭṭhāpeyya, kulaputto sandehaṃ kareyya, sammohaṃ āpajjeyya, desanaṃ sampaṭicchituṃ na sakkuṇeyya. Tasmā tathāgato anupubbena purisoti paṇṇattiṃ pahāya ‘‘sattoti vā purisoti vā puggaloti vā paṇṇattimattameva, paramatthato satto nāma natthi, dhātumatteyeva cittaṃ ṭhapāpetvā tīṇi phalāni paṭivijjhāpessāmī’’ti anaṅgaṇasutte (ma. ni. 1.57 ādayo) vuttabhāsantarakusalo tāya tāya bhāsāya sippaṃ uggaṇhāpento ācariyo viya evamāha.
д̇ад̇т̇а ча д̇хаад̇уяо ассаад̇и чад̇хаад̇уро. ид̣̇ам̣ вуд̇д̇ам̣ ход̇и – яам̣ д̇вам̣ бурисод̇и сан̃ж̇аанааси, со чад̇хаад̇уго, на жзд̇т̇а барамад̇т̇ад̇о бурисо ад̇т̇и, бурисод̇и бана бан̣н̣ад̇д̇имад̇д̇амзваад̇и. сзсабад̣̇зсуби зсзва наяо. жад̇ураад̇хидтаанод̇и зд̇т̇а ад̇хидтаанам̣ вужжад̇и бад̇идтаа, жад̇убад̇идтаанод̇и ад̇т̇о. ид̣̇ам̣ вуд̇д̇ам̣ ход̇и – свааяам̣ бхигку бурисо чад̇хаад̇уро чапассааяад̇ано адтаарасаманобавижааро, со зд̇д̇ова виваддид̇ваа уд̇д̇амасид̣̇д̇хибхууд̇ам̣ арахад̇д̇ам̣ г̇ан̣хамаано имзсу жад̇уусу таанзсу бад̇идтааяа г̇ан̣хаад̇ийд̇и жад̇ураад̇хидтаанод̇и. яад̇т̇а тид̇анд̇и язсу ад̇хидтаанзсу бад̇идтид̇ам̣. ман̃н̃асса ваа наббавад̇д̇анд̇ийд̇и ман̃н̃асса ваа маанасса ваа наббавад̇д̇анд̇и. муни санд̇од̇и вужжад̇ийд̇и кийн̣аасавамуни убасанд̇о ниб̣б̣уд̇од̇и вужжад̇и. бан̃н̃ам̣ наббамаж̇ж̇зяяаад̇и арахад̇д̇апалабан̃н̃ааяа бадивиж̇жханад̇т̇ам̣ аад̣̇ид̇ова самаад̇хивибассанаабан̃н̃ам̣ наббамаж̇ж̇зяяа. сажжаманурагкзяяаад̇и барамад̇т̇асажжасса ниб̣б̣аанасса сажчигирияад̇т̇ам̣ аад̣̇ид̇ова важийсажжам̣ рагкзяяа. жааг̇амануб̣руухзяяаад̇и арахад̇д̇амаг̇г̇зна саб̣б̣агилзсабарижжааг̇агаран̣ад̇т̇ам̣ аад̣̇ид̇ова гилзсабарижжааг̇ам̣ б̣руухзяяа. санд̇имзва со сигкзяяаад̇и арахад̇д̇амаг̇г̇зна саб̣б̣агилзсавуубасаманад̇т̇ам̣ аад̣̇ид̇ова гилзсавуубасаманам̣ сигкзяяа. ид̇и бан̃н̃аад̇хидтаанаад̣̇ийнам̣ ад̇хиг̇амад̇т̇ааяа имаани самат̇авибассанаабан̃н̃аад̣̇ийни буб̣б̣абхааг̇аад̇хидтаанаани вуд̇д̇аани.
Tattha cha dhātuyo assāti chadhāturo. Idaṃ vuttaṃ hoti – yaṃ tvaṃ purisoti sañjānāsi, so chadhātuko, na cettha paramatthato puriso atthi, purisoti pana paṇṇattimattamevāti. Sesapadesupi eseva nayo. Caturādhiṭṭhānoti ettha adhiṭṭhānaṃ vuccati patiṭṭhā, catupatiṭṭhānoti attho. Idaṃ vuttaṃ hoti – svāyaṃ bhikkhu puriso chadhāturo chaphassāyatano aṭṭhārasamanopavicāro, so ettova vivaṭṭitvā uttamasiddhibhūtaṃ arahattaṃ gaṇhamāno imesu catūsu ṭhānesu patiṭṭhāya gaṇhātīti caturādhiṭṭhānoti. Yattha ṭhitanti yesu adhiṭṭhānesu patiṭṭhitaṃ. Maññassa vā nappavattantīti maññassa vā mānassa vā nappavattanti. Muni santoti vuccatīti khīṇāsavamuni upasanto nibbutoti vuccati. Paññaṃ nappamajjeyyāti arahattaphalapaññāya paṭivijjhanatthaṃ āditova samādhivipassanāpaññaṃ nappamajjeyya. Saccamanurakkheyyāti paramatthasaccassa nibbānassa sacchikiriyatthaṃ āditova vacīsaccaṃ rakkheyya. Cāgamanubrūheyyāti arahattamaggena sabbakilesapariccāgakaraṇatthaṃ āditova kilesapariccāgaṃ brūheyya. Santimeva so sikkheyyāti arahattamaggena sabbakilesavūpasamanatthaṃ āditova kilesavūpasamanaṃ sikkheyya. Iti paññādhiṭṭhānādīnaṃ adhigamatthāya imāni samathavipassanāpaññādīni pubbabhāgādhiṭṭhānāni vuttāni.
345. пассааяад̇ананд̇и пассасса ааяад̇анам̣, аагарод̇и ад̇т̇о. бан̃н̃аад̇хидтаананд̇иаад̣̇ийни буб̣б̣з вуд̇д̇аанам̣ арахад̇д̇апалабан̃н̃аад̣̇ийнам̣ васзна взд̣̇ид̇аб̣б̣аани.
345.Phassāyatananti phassassa āyatanaṃ, ākaroti attho. Paññādhiṭṭhānantiādīni pubbe vuttānaṃ arahattaphalapaññādīnaṃ vasena veditabbāni.
348. ид̣̇аани нигкид̇д̇амаад̇игаавасзна ‘‘яад̇т̇а тид̇ам̣ ман̃н̃асса ваа наббавад̇д̇анд̇ий’’д̇и вад̇д̇аб̣б̣ам̣ бхавзяяа, арахад̇д̇з бана бад̇д̇з буна ‘‘бан̃н̃ам̣ наббамаж̇ж̇зяяаа’’д̇иаад̣̇ийхи гижжам̣ над̇т̇и. ид̇и бхаг̇аваа маад̇игам̣ уббадибаадид̇хаад̇угам̣ табзд̇вааби яат̇аад̇хаммавасзнзва вибхан̇г̇ам̣ вибхаж̇анд̇о бан̃н̃ам̣ наббамаж̇ж̇зяяаад̇иаад̣̇имааха. д̇ад̇т̇а го бан̃н̃ам̣ бамаж̇ж̇ад̇и, го наббамаж̇ж̇ад̇и? яо д̇аава имасмим̣ саасанз баб̣б̣аж̇ид̇ваа взж̇ж̇агаммаад̣̇ивасзна згавийсад̇ивид̇хааяа анзсанааяа ж̇ийвигам̣ габбзнд̇о баб̣б̣аж̇ж̇аануруубзна жид̇д̇уббаад̣̇ам̣ табзд̇ум̣ на саггод̇и, аяам̣ бан̃н̃ам̣ бамаж̇ж̇ад̇и наама. яо бана саасанз баб̣б̣аж̇ид̇ваа сийлз бад̇идтааяа б̣уд̣̇д̇хаважанам̣ уг̇г̇ан̣хид̇ваа саббааяам̣ д̇худ̇ан̇г̇ам̣ самаад̣̇ааяа жид̇д̇аружид̇ам̣ гаммадтаанам̣ г̇ахзд̇ваа вивид̇д̇ам̣ сзнаасанам̣ ниссааяа гасин̣абаригаммам̣ гад̇ваа самаабад̇д̇им̣ бад̇ваа аж̇ж̇зва арахад̇д̇анд̇и вибассанам̣ вад̣дхзд̇ваа вижарад̇и, аяам̣ бан̃н̃ам̣ наббамаж̇ж̇ад̇и наама. имасмим̣ бана суд̇д̇з д̇хаад̇угаммадтаанавасзна зса бан̃н̃ааяа аббамаад̣̇о вуд̇д̇о. д̇хаад̇угаммадтаанз банзд̇т̇а яам̣ вад̇д̇аб̣б̣ам̣, д̇ам̣ хздтаа хад̇т̇ибад̣̇обамасуд̇д̇аад̣̇ийсу вуд̇д̇амзва.
348. Idāni nikkhittamātikāvasena ‘‘yattha ṭhitaṃ maññassa vā nappavattantī’’ti vattabbaṃ bhaveyya, arahatte pana patte puna ‘‘paññaṃ nappamajjeyyā’’tiādīhi kiccaṃ natthi. Iti bhagavā mātikaṃ uppaṭipāṭidhātukaṃ ṭhapetvāpi yathādhammavaseneva vibhaṅgaṃ vibhajanto paññaṃ nappamajjeyyātiādimāha. Tattha ko paññaṃ pamajjati, ko nappamajjati? Yo tāva imasmiṃ sāsane pabbajitvā vejjakammādivasena ekavīsatividhāya anesanāya jīvikaṃ kappento pabbajjānurūpena cittuppādaṃ ṭhapetuṃ na sakkoti, ayaṃ paññaṃ pamajjati nāma. Yo pana sāsane pabbajitvā sīle patiṭṭhāya buddhavacanaṃ uggaṇhitvā sappāyaṃ dhutaṅgaṃ samādāya cittarucitaṃ kammaṭṭhānaṃ gahetvā vivittaṃ senāsanaṃ nissāya kasiṇaparikammaṃ katvā samāpattiṃ patvā ajjeva arahattanti vipassanaṃ vaḍḍhetvā vicarati, ayaṃ paññaṃ nappamajjati nāma. Imasmiṃ pana sutte dhātukammaṭṭhānavasena esa paññāya appamādo vutto. Dhātukammaṭṭhāne panettha yaṃ vattabbaṃ, taṃ heṭṭhā hatthipadopamasuttādīsu vuttameva.
354. ат̇аабарам̣ вин̃н̃аан̣ам̣язва авасиссад̇ийд̇и аяамбзд̇т̇а баадиязгго анусанд̇хи. хздтад̇о хи руубагаммадтаанам̣ гат̇ид̇ам̣, ид̣̇аани аруубагаммадтаанам̣ взд̣̇анаавасзна ниб̣б̣ад̇д̇зд̇ваа д̣̇ассзд̇ум̣ аяам̣ д̣̇зсанаа аарад̣̇д̇хаа. яам̣ ваа банзд̇ам̣ имасса бхигкуно бат̇авийд̇хаад̇уаад̣̇ийсу ааг̇аманияавибассанаавасзна гаммагаарагавин̃н̃аан̣ам̣, д̇ам̣ вин̃н̃аан̣ад̇хаад̇увасзна бхааж̇зд̇ваа д̣̇ассзнд̇оби имам̣ д̣̇зсанам̣ аарабхи. д̇ад̇т̇а авасиссад̇ийд̇и гимад̇т̇ааяа авасиссад̇и? сад̇т̇у гат̇анад̇т̇ааяа гулабуд̇д̇асса жа бадивиж̇жханад̇т̇ааяа авасиссад̇и. барисуд̣̇д̇ханд̇и нирубаггилзсам̣. барияод̣̇аад̇анд̇и бабхассарам̣. суканд̇иби виж̇аанаад̇ийд̇и сукавзд̣̇анам̣ взд̣̇аяамаано сукавзд̣̇анам̣ взд̣̇аяаамийд̇и баж̇аанаад̇и. сзсабад̣̇ад̣̇ваязсуби зсзва наяо. сажз банааяам̣ взд̣̇анаагат̇аа хздтаа на гат̇ид̇аа бхавзяяа, ид̇ха тад̇ваа гат̇зд̇ум̣ ваддзяяа. сад̇ибадтаанз банзсаа гат̇ид̇ааваад̇и д̇ад̇т̇а гат̇ид̇анаязнзва взд̣̇ид̇аб̣б̣аа. сукавзд̣̇анияанд̇и звамаад̣̇и бажжаяавасзна уд̣̇аяад̇т̇ан̇г̇аманад̣̇ассанад̇т̇ам̣ вуд̇д̇ам̣. д̇ад̇т̇а сукавзд̣̇анияанд̇и сукавзд̣̇анааяа бажжаяабхууд̇ам̣. сзсабад̣̇зсуби зсзва наяо.
354.Athāparaṃviññāṇaṃyeva avasissatīti ayampettha pāṭiyekko anusandhi. Heṭṭhato hi rūpakammaṭṭhānaṃ kathitaṃ, idāni arūpakammaṭṭhānaṃ vedanāvasena nibbattetvā dassetuṃ ayaṃ desanā āraddhā. Yaṃ vā panetaṃ imassa bhikkhuno pathavīdhātuādīsu āgamaniyavipassanāvasena kammakārakaviññāṇaṃ, taṃ viññāṇadhātuvasena bhājetvā dassentopi imaṃ desanaṃ ārabhi. Tattha avasissatīti kimatthāya avasissati? Satthu kathanatthāya kulaputtassa ca paṭivijjhanatthāya avasissati. Parisuddhanti nirupakkilesaṃ. Pariyodātanti pabhassaraṃ. Sukhantipi vijānātīti sukhavedanaṃ vedayamāno sukhavedanaṃ vedayāmīti pajānāti. Sesapadadvayesupi eseva nayo. Sace panāyaṃ vedanākathā heṭṭhā na kathitā bhaveyya, idha ṭhatvā kathetuṃ vaṭṭeyya. Satipaṭṭhāne panesā kathitāvāti tattha kathitanayeneva veditabbā. Sukhavedaniyanti evamādi paccayavasena udayatthaṅgamanadassanatthaṃ vuttaṃ. Tattha sukhavedaniyanti sukhavedanāya paccayabhūtaṃ. Sesapadesupi eseva nayo.
360. убзгкааязва авасиссад̇ийд̇и зд̇д̇аавад̇аа хи яат̇аа наама чзгзна ман̣игаараажариязна важ̇ирасуужияаа виж̇жхид̇ваа жаммакан̣д̣з баад̇зд̇ваа баад̇зд̇ваа д̣̇иннамуд̇д̇ам̣ анд̇зваасиго г̇ахзд̇ваа г̇ахзд̇ваа суд̇д̇аг̇ад̇ам̣ гаронд̇о муд̇д̇оламб̣агамуд̇д̇аж̇аалаад̣̇ийни гарод̇и, звамзва бхаг̇авад̇аа гат̇зд̇ваа гат̇зд̇ваа д̣̇иннам̣ гаммадтаанам̣ аяам̣ гулабуд̇д̇о манасигаронд̇о манасигаронд̇о баг̇ун̣ам̣ агаасийд̇и руубагаммадтаанамбисса аруубагаммадтаанамби баг̇ун̣ам̣ ж̇аад̇ам̣, ат̇а бхаг̇аваа ‘‘ат̇аабарам̣ убзгкааязва авасиссад̇ий’’д̇и ааха.
360.Upekkhāyeva avasissatīti ettāvatā hi yathā nāma chekena maṇikārācariyena vajirasūciyā vijjhitvā cammakhaṇḍe pātetvā pātetvā dinnamuttaṃ antevāsiko gahetvā gahetvā suttagataṃ karonto muttolambakamuttajālādīni karoti, evameva bhagavatā kathetvā kathetvā dinnaṃ kammaṭṭhānaṃ ayaṃ kulaputto manasikaronto manasikaronto paguṇaṃ akāsīti rūpakammaṭṭhānampissa arūpakammaṭṭhānampi paguṇaṃ jātaṃ, atha bhagavā ‘‘athāparaṃ upekkhāyeva avasissatī’’ti āha.
гимад̇т̇ам̣ бана авасиссад̇ийд̇и? сад̇т̇у гат̇анад̇т̇ам̣. гулабуд̇д̇асса бадивиж̇жханад̇т̇анд̇иби вад̣̇анд̇и , д̇ам̣ на г̇ахзд̇аб̣б̣ам̣. гулабуд̇д̇зна хи сахааяасса саасанам̣ ваажзд̇ваа баасаад̣̇ад̇алз тид̇знзва аанаабаанажад̇уд̇т̇аж̇жхаанам̣ ниб̣б̣ад̇д̇ид̇ам̣, яад̣̇асса зд̇д̇агам̣ маг̇г̇ам̣ ааг̇ажчанд̇асса яаанагижжам̣ саад̇хзд̇и. сад̇т̇у гат̇анад̇т̇ам̣язва авасиссад̇и. имасмин̃хи таанз сад̇т̇аа гулабуд̇д̇асса руубааважараж̇жхаанз ван̣н̣ам̣ гат̇зси. ид̣̇ан̃хи вуд̇д̇ам̣ ход̇и ‘‘бхигку баг̇ун̣ам̣ д̇ава ид̣̇ам̣ руубааважаражад̇уд̇т̇аж̇жхаана’’нд̇и. барисуд̣̇д̇хаад̇иаад̣̇и д̇ассааязва убзгкааяа ван̣н̣абхан̣анам̣. уггам̣ б̣анд̇хзяяаад̇и ан̇г̇аарагабаллам̣ саж̇ж̇зяяа. аалимбзяяаад̇и д̇ад̇т̇а ан̇г̇аарз багкибид̇ваа аг̇г̇им̣ д̣̇ад̇ваа наал̣игааяа д̇хамзнд̇о аг̇г̇им̣ ж̇аалзяяа. уггаамукз багкибзяяаад̇и ан̇г̇аарз вияуухид̇ваа ан̇г̇аарамад̇т̇агз ваа табзяяа, д̇ад̇д̇агз ваа багкибзяяа. нийхаданд̇и нийхадад̣̇осам̣. ниннийд̇агасааванд̇и абанийд̇агасаавам̣. звамзва код̇и яат̇аа д̇ам̣ суван̣н̣ам̣ ижчид̇ижчид̇ааяа бил̣анд̇ханавигад̇ияаа сам̣вад̇д̇ад̇и, звамзва аяам̣ д̇аава жад̇уд̇т̇аж̇жхаанубзгкаа вибассанаа абхин̃н̃аа нирод̇хо бхавогганд̇ийд̇и имзсу яам̣ ижчад̇и, д̇ассад̇т̇ааяа ход̇ийд̇и ван̣н̣ам̣ гат̇зси.
Kimatthaṃ pana avasissatīti? Satthu kathanatthaṃ. Kulaputtassa paṭivijjhanatthantipi vadanti , taṃ na gahetabbaṃ. Kulaputtena hi sahāyassa sāsanaṃ vācetvā pāsādatale ṭhiteneva ānāpānacatutthajjhānaṃ nibbattitaṃ, yadassa ettakaṃ maggaṃ āgacchantassa yānakiccaṃ sādheti. Satthu kathanatthaṃyeva avasissati. Imasmiñhi ṭhāne satthā kulaputtassa rūpāvacarajjhāne vaṇṇaṃ kathesi. Idañhi vuttaṃ hoti ‘‘bhikkhu paguṇaṃ tava idaṃ rūpāvacaracatutthajjhāna’’nti. Parisuddhātiādi tassāyeva upekkhāya vaṇṇabhaṇanaṃ. Ukkaṃ bandheyyāti aṅgārakapallaṃ sajjeyya. Ālimpeyyāti tattha aṅgāre pakkhipitvā aggiṃ datvā nāḷikāya dhamento aggiṃ jāleyya. Ukkāmukhe pakkhipeyyāti aṅgāre viyūhitvā aṅgāramatthake vā ṭhapeyya, tattake vā pakkhipeyya. Nīhaṭanti nīhaṭadosaṃ. Ninnītakasāvanti apanītakasāvaṃ. Evameva khoti yathā taṃ suvaṇṇaṃ icchiticchitāya piḷandhanavikatiyā saṃvattati, evameva ayaṃ tāva catutthajjhānupekkhā vipassanā abhiññā nirodho bhavokkantīti imesu yaṃ icchati, tassatthāya hotīti vaṇṇaṃ kathesi.
гасмаа бана бхаг̇аваа имасмим̣ руубааважаражад̇уд̇т̇аж̇жхаанз ниганд̇ибарияаад̣̇аанад̇т̇ам̣ аван̣н̣ам̣ агат̇зд̇ваа ван̣н̣ам̣ гат̇зсийд̇и. гулабуд̇д̇асса хи жад̇уд̇т̇аж̇жхаанз ниганд̇ибарияудтаанам̣ б̣алавам̣. сажз аван̣н̣ам̣ гат̇зяяа, – ‘‘маяхам̣ баб̣б̣аж̇ид̇ваа д̣̇ваанавуд̇ияож̇анасад̇ам̣ ааг̇ажчанд̇асса имам̣ жад̇уд̇т̇аж̇жхаанам̣ яаанагижжам̣ саад̇хзси, ахам̣ зд̇д̇агам̣ маг̇г̇ам̣ ааг̇ажчанд̇о жхаанасукзна жхаанарад̇ияаа ааг̇ад̇о, зваруубасса наама бан̣ийд̇ад̇хаммасса аван̣н̣ам̣ гат̇зд̇и, ж̇аанам̣ ну ко гат̇зд̇и аж̇аана’’нд̇и гулабуд̇д̇о сам̣саяам̣ саммохам̣ аабаж̇ж̇зяяа, д̇асмаа бхаг̇аваа ван̣н̣ам̣ гат̇зси.
Kasmā pana bhagavā imasmiṃ rūpāvacaracatutthajjhāne nikantipariyādānatthaṃ avaṇṇaṃ akathetvā vaṇṇaṃ kathesīti. Kulaputtassa hi catutthajjhāne nikantipariyuṭṭhānaṃ balavaṃ. Sace avaṇṇaṃ katheyya, – ‘‘mayhaṃ pabbajitvā dvānavutiyojanasataṃ āgacchantassa imaṃ catutthajjhānaṃ yānakiccaṃ sādhesi, ahaṃ ettakaṃ maggaṃ āgacchanto jhānasukhena jhānaratiyā āgato, evarūpassa nāma paṇītadhammassa avaṇṇaṃ katheti, jānaṃ nu kho katheti ajāna’’nti kulaputto saṃsayaṃ sammohaṃ āpajjeyya, tasmā bhagavā vaṇṇaṃ kathesi.
361. д̇ад̣̇ануд̇хамманд̇и зд̇т̇а аруубааважараж̇жхаанам̣ д̇хаммо наама, д̇ам̣ ануг̇ад̇ад̇д̇аа руубааважараж̇жхаанам̣ ануд̇хаммод̇и вуд̇д̇ам̣. вибаагаж̇жхаанам̣ ваа д̇хаммо, гусалаж̇жхаанам̣ ануд̇хаммо. д̇ад̣̇убаад̣̇аанаад̇и д̇аг̇г̇ахан̣аа. жирам̣ д̣̇ийгхамад̣̇д̇хаананд̇и вийсад̇игаббасахассаани. вибаагавасзна хзд̇ам̣ вуд̇д̇ам̣. ид̇о уд̇д̇аримби зсзва наяо.
361.Tadanudhammanti ettha arūpāvacarajjhānaṃ dhammo nāma, taṃ anugatattā rūpāvacarajjhānaṃ anudhammoti vuttaṃ. Vipākajjhānaṃ vā dhammo, kusalajjhānaṃ anudhammo. Tadupādānāti taggahaṇā. Ciraṃ dīghamaddhānanti vīsatikappasahassāni. Vipākavasena hetaṃ vuttaṃ. Ito uttarimpi eseva nayo.
362. звам̣ жад̇уухи ваарзхи аруубааважараж̇жхаанасса ван̣н̣ам̣ гат̇зд̇ваа ид̣̇аани д̇ассзва аад̣̇ийнавам̣ д̣̇ассзнд̇о со звам̣ баж̇аанаад̇ийд̇иаад̣̇имааха. д̇ад̇т̇а сан̇кад̇амзд̇анд̇и гин̃жааби зд̇т̇а вийсад̇игаббасахассаани ааяу ад̇т̇и, зд̇ам̣ бана сан̇кад̇ам̣ багаббид̇ам̣ ааяуухид̇ам̣, гаронд̇зна гарийяад̇и, анижжам̣ ад̇хувам̣ асассад̇ам̣ д̇аавагаалигам̣, жаванабарибхзд̣̇анавид̣̇д̇хам̣санад̇хаммам̣, ж̇аад̇ияаа ануг̇ад̇ам̣, ж̇арааяа анусадам̣, маран̣зна аб̣бхаахад̇ам̣, д̣̇угкз бад̇идтид̇ам̣, ад̇аан̣ам̣ алзн̣ам̣ асаран̣ам̣ асаран̣ийбхууд̇анд̇и. вин̃н̃аан̣ан̃жааяад̇анаад̣̇ийсуби зсзва наяо.
362. Evaṃ catūhi vārehi arūpāvacarajjhānassa vaṇṇaṃ kathetvā idāni tasseva ādīnavaṃ dassento so evaṃ pajānātītiādimāha. Tattha saṅkhatametanti kiñcāpi ettha vīsatikappasahassāni āyu atthi, etaṃ pana saṅkhataṃ pakappitaṃ āyūhitaṃ, karontena karīyati, aniccaṃ adhuvaṃ asassataṃ tāvakālikaṃ, cavanaparibhedanaviddhaṃsanadhammaṃ, jātiyā anugataṃ, jarāya anusaṭaṃ, maraṇena abbhāhataṃ, dukkhe patiṭṭhitaṃ, atāṇaṃ aleṇaṃ asaraṇaṃ asaraṇībhūtanti. Viññāṇañcāyatanādīsupi eseva nayo.
ид̣̇аани арахад̇д̇анигуудзна д̣̇зсанам̣ г̇ан̣ханд̇о со нзва д̇ам̣ абхисан̇карод̇ийд̇иаад̣̇имааха. яат̇аа хи чзго бхисагго висавигаарам̣ д̣̇исваа ваманам̣ гаарзд̇ваа висам̣ таанад̇о жаавзд̇ваа убари ааробзд̇ваа канд̇хам̣ ваа сийсам̣ ваа г̇ахзд̇ум̣ ад̣̇ад̇ваа висам̣ од̇аарзд̇ваа бат̇авияам̣ баад̇зяяа, звамзва бхаг̇аваа гулабуд̇д̇асса аруубааважараж̇жхаанз ван̣н̣ам̣ гат̇зси. д̇ам̣ суд̇ваа гулабуд̇д̇о руубааважараж̇жхаанз ниганд̇им̣ барияаад̣̇ааяа аруубааважараж̇жхаанз бад̇т̇анам̣ табзси.
Idāni arahattanikūṭena desanaṃ gaṇhanto so neva taṃ abhisaṅkharotītiādimāha. Yathā hi cheko bhisakko visavikāraṃ disvā vamanaṃ kāretvā visaṃ ṭhānato cāvetvā upari āropetvā khandhaṃ vā sīsaṃ vā gahetuṃ adatvā visaṃ otāretvā pathaviyaṃ pāteyya, evameva bhagavā kulaputtassa arūpāvacarajjhāne vaṇṇaṃ kathesi. Taṃ sutvā kulaputto rūpāvacarajjhāne nikantiṃ pariyādāya arūpāvacarajjhāne patthanaṃ ṭhapesi.
бхаг̇аваа д̇ам̣ н̃ад̇ваа д̇ам̣ асамбад̇д̇асса аббадилад̣̇д̇хассзва бхигкуно ‘‘ад̇т̇зсаа аагаасаанан̃жааяад̇анаад̣̇ийсу самбад̇д̇и наама. д̇зсан̃хи батамаб̣рахмалогз вийсад̇игаббасахассаани ааяу, д̣̇уд̇ияз жад̇д̇аалийсам̣, д̇ад̇ияз садти, жад̇уд̇т̇з жад̇ураасийд̇и габбасахассаани ааяу. д̇ам̣ бана анижжам̣ ад̇хувам̣ асассад̇ам̣ д̇аавагаалигам̣, жаванабарибхзд̣̇анавид̣̇д̇хам̣санад̇хаммам̣, ж̇аад̇ияаа ануг̇ад̇ам̣, ж̇арааяа анусадам̣, маран̣зна аб̣бхаахад̇ам̣, д̣̇угкз бад̇идтид̇ам̣, ад̇аан̣ам̣ алзн̣ам̣ асаран̣ам̣ асаран̣ийбхууд̇ам̣, зд̇д̇агам̣ гаалам̣ д̇ад̇т̇а самбад̇д̇им̣ анубхавид̇вааби бут̇уж̇ж̇анагаалагирияам̣ гад̇ваа буна жад̇уусу абааязсу бад̇ид̇аб̣б̣а’’нд̇и саб̣б̣амзд̇ам̣ аад̣̇ийнавам̣ згабад̣̇знзва ‘‘сан̇кад̇амзд̇а’’нд̇и гат̇зси. гулабуд̇д̇о д̇ам̣ суд̇ваа аруубааважараж̇жхаанз ниганд̇им̣ барияаад̣̇ияи, бхаг̇аваа д̇асса руубааважарааруубааважарзсу ниганд̇ияаа барияаад̣̇иннабхаавам̣ н̃ад̇ваа арахад̇д̇анигуудам̣ г̇ан̣ханд̇о ‘‘со нзва д̇ам̣ абхисан̇карод̇ий’’д̇иаад̣̇имааха.
Bhagavā taṃ ñatvā taṃ asampattassa appaṭiladdhasseva bhikkhuno ‘‘atthesā ākāsānañcāyatanādīsu sampatti nāma. Tesañhi paṭhamabrahmaloke vīsatikappasahassāni āyu, dutiye cattālīsaṃ, tatiye saṭṭhi, catutthe caturāsīti kappasahassāni āyu. Taṃ pana aniccaṃ adhuvaṃ asassataṃ tāvakālikaṃ, cavanaparibhedanaviddhaṃsanadhammaṃ, jātiyā anugataṃ, jarāya anusaṭaṃ, maraṇena abbhāhataṃ, dukkhe patiṭṭhitaṃ, atāṇaṃ aleṇaṃ asaraṇaṃ asaraṇībhūtaṃ, ettakaṃ kālaṃ tattha sampattiṃ anubhavitvāpi puthujjanakālakiriyaṃ katvā puna catūsu apāyesu patitabba’’nti sabbametaṃ ādīnavaṃ ekapadeneva ‘‘saṅkhatameta’’nti kathesi. Kulaputto taṃ sutvā arūpāvacarajjhāne nikantiṃ pariyādiyi, bhagavā tassa rūpāvacarārūpāvacaresu nikantiyā pariyādinnabhāvaṃ ñatvā arahattanikūṭaṃ gaṇhanto ‘‘so neva taṃ abhisaṅkharotī’’tiādimāha.
яат̇аа ваа банзго махааяод̇хо згам̣ рааж̇аанам̣ аараад̇хзд̇ваа сад̇асахассудтаанагам̣ г̇аамаварам̣ лабхзяяа, буна рааж̇аа д̇ассаанубхаавам̣ сарид̇ваа – ‘‘махаанубхааво яод̇хо, аббагам̣ д̇зна лад̣̇д̇ха’’нд̇и – ‘‘нааяам̣ д̇аад̇а г̇аамо д̇уяхам̣ анужчавиго, ан̃н̃ам̣ жад̇усад̇асахассудтаанагам̣ г̇ан̣хаахий’’д̇и д̣̇ад̣̇зяяа со саад̇ху д̣̇зваад̇и д̇ам̣ виссаж̇ж̇зд̇ваа ид̇арам̣ г̇аамам̣ г̇ан̣хзяяа. рааж̇аа асамбад̇д̇амзва жа нам̣ баггосаабзд̇ваа – ‘‘гим̣ д̇з д̇зна, ахиваад̇арог̇о зд̇т̇а уббаж̇ж̇ад̇и? асугасмим̣ бана таанз маханд̇ам̣ наг̇арам̣ ад̇т̇и, д̇ад̇т̇а чад̇д̇ам̣ уссаабзд̇ваа раж̇ж̇ам̣ гаарзхий’’д̇и бахин̣зяяа, со д̇ат̇аа гарзяяа.
Yathā vā paneko mahāyodho ekaṃ rājānaṃ ārādhetvā satasahassuṭṭhānakaṃ gāmavaraṃ labheyya, puna rājā tassānubhāvaṃ saritvā – ‘‘mahānubhāvo yodho, appakaṃ tena laddha’’nti – ‘‘nāyaṃ tāta gāmo tuyhaṃ anucchaviko, aññaṃ catusatasahassuṭṭhānakaṃ gaṇhāhī’’ti dadeyya so sādhu devāti taṃ vissajjetvā itaraṃ gāmaṃ gaṇheyya. Rājā asampattameva ca naṃ pakkosāpetvā – ‘‘kiṃ te tena, ahivātarogo ettha uppajjati? Asukasmiṃ pana ṭhāne mahantaṃ nagaraṃ atthi, tattha chattaṃ ussāpetvā rajjaṃ kārehī’’ti pahiṇeyya, so tathā kareyya.
д̇ад̇т̇а рааж̇аа вияа саммаасамб̣уд̣̇д̇хо д̣̇адтаб̣б̣о, махааяод̇хо вияа буггусаад̇и гулабуд̇д̇о, батамалад̣̇д̇хаг̇аамо вияа аанаабаанажад̇уд̇т̇аж̇жхаанам̣, д̇ам̣ виссаж̇ж̇зд̇ваа ид̇арам̣ г̇аамам̣ г̇ан̣хаахийд̇и вуд̇д̇агаало вияа аанаабаанажад̇уд̇т̇аж̇жхаанз ниганд̇ибарияаад̣̇аанам̣ гад̇ваа ааруббагат̇анам̣, д̇ам̣ г̇аамам̣ асамбад̇д̇амзва баггосаабзд̇ваа ‘‘гим̣ д̇з д̇зна, ахиваад̇арог̇о зд̇т̇а уббаж̇ж̇ад̇и? асугасмим̣ таанз наг̇арам̣ ад̇т̇и, д̇ад̇т̇а чад̇д̇ам̣ уссаабзд̇ваа раж̇ж̇ам̣ гаарзхий’’д̇и вуд̇д̇агаало вияа аруубз сан̇кад̇амзд̇анд̇и аад̣̇ийнавагат̇анзна аббад̇д̇аасуязва д̇аасу самаабад̇д̇ийсу бад̇т̇анам̣ нивад̇т̇аабзд̇ваа убари арахад̇д̇анигуудзна д̣̇зсанааг̇ахан̣ам̣.
Tattha rājā viya sammāsambuddho daṭṭhabbo, mahāyodho viya pukkusāti kulaputto, paṭhamaladdhagāmo viya ānāpānacatutthajjhānaṃ, taṃ vissajjetvā itaraṃ gāmaṃ gaṇhāhīti vuttakālo viya ānāpānacatutthajjhāne nikantipariyādānaṃ katvā āruppakathanaṃ, taṃ gāmaṃ asampattameva pakkosāpetvā ‘‘kiṃ te tena, ahivātarogo ettha uppajjati? Asukasmiṃ ṭhāne nagaraṃ atthi, tattha chattaṃ ussāpetvā rajjaṃ kārehī’’ti vuttakālo viya arūpe saṅkhatametanti ādīnavakathanena appattāsuyeva tāsu samāpattīsu patthanaṃ nivatthāpetvā upari arahattanikūṭena desanāgahaṇaṃ.
д̇ад̇т̇а нзва абхисан̇карод̇ийд̇и нааяуухад̇и на раасим̣ гарод̇и. на абхисан̃жзд̇аяад̇ийд̇и на габбзд̇и. бхавааяа ваа вибхавааяа ваад̇и вуд̣̇д̇хияаа ваа барихаанияаа ваа, сассад̇ужчзд̣̇авасзнаби яож̇зд̇аб̣б̣ам̣. на гин̃жи логз убаад̣̇ияад̇ийд̇и логз руубаад̣̇ийсу гин̃жи згад̇хаммамби д̇ан̣хааяа на г̇ан̣хаад̇и, на бараамасад̇и. наабарам̣ ид̇т̇ад̇д̇ааяаад̇и баж̇аанаад̇ийд̇и бхаг̇аваа ад̇д̇ано б̣уд̣̇д̇хависаяз тад̇ваа д̣̇зсанааяа арахад̇д̇анигуудам̣ г̇ан̣хи. гулабуд̇д̇о бана ад̇д̇ано яат̇обаниссаязна д̇ийн̣и сааман̃н̃апалаани бадивиж̇жхи. яат̇аа наама рааж̇аа суван̣н̣абхааж̇анзна наанаарасабхож̇анам̣ бхун̃ж̇анд̇о ад̇д̇ано бамаан̣зна бин̣д̣ам̣ ваддзд̇ваа ан̇гз нисиннзна рааж̇агумаарзна бин̣д̣амхи аалаяз д̣̇ассид̇з д̇ам̣ бин̣д̣ам̣ убанаамзяяа, гумааро ад̇д̇ано мукаббамаан̣знзва габ̣ал̣ам̣ гарзяяа, сзсам̣ рааж̇аа саяам̣ ваа бхун̃ж̇зяяа, баад̇ияам̣ ваа багкибзяяа, звам̣ д̇хаммарааж̇аа д̇ат̇ааг̇ад̇о ад̇д̇ано бамаан̣зна арахад̇д̇анигуудам̣ г̇ан̣ханд̇о д̣̇зсанам̣ д̣̇зсзси, гулабуд̇д̇о ад̇д̇ано яат̇обаниссаязна д̇ийн̣и сааман̃н̃апалаани бадивиж̇жхи.
Tattha neva abhisaṅkharotīti nāyūhati na rāsiṃ karoti. Na abhisañcetayatīti na kappeti. Bhavāya vā vibhavāya vāti vuddhiyā vā parihāniyā vā, sassatucchedavasenapi yojetabbaṃ. Na kiñci loke upādiyatīti loke rūpādīsu kiñci ekadhammampi taṇhāya na gaṇhāti, na parāmasati. Nāparaṃ itthattāyāti pajānātīti bhagavā attano buddhavisaye ṭhatvā desanāya arahattanikūṭaṃ gaṇhi. Kulaputto pana attano yathopanissayena tīṇi sāmaññaphalāni paṭivijjhi. Yathā nāma rājā suvaṇṇabhājanena nānārasabhojanaṃ bhuñjanto attano pamāṇena piṇḍaṃ vaṭṭetvā aṅke nisinnena rājakumārena piṇḍamhi ālaye dassite taṃ piṇḍaṃ upanāmeyya, kumāro attano mukhappamāṇeneva kabaḷaṃ kareyya, sesaṃ rājā sayaṃ vā bhuñjeyya, pātiyaṃ vā pakkhipeyya, evaṃ dhammarājā tathāgato attano pamāṇena arahattanikūṭaṃ gaṇhanto desanaṃ desesi, kulaputto attano yathopanissayena tīṇi sāmaññaphalāni paṭivijjhi.
ид̇о буб̣б̣з банасса канд̇хаа д̇хаад̇уяо ааяад̇анаанийд̇и зваруубам̣ ажжанд̇асун̃н̃ад̇ам̣ д̇илагкан̣аахад̇ам̣ гат̇ам̣ гат̇знд̇асса нзва ган̇каа, на вимад̇и, нааби – ‘‘звам̣ гира д̇ам̣, звам̣ мз аажариязна вуд̇д̇а’’нд̇и ид̇и гира на д̣̇анд̇хааяид̇ад̇д̇ам̣ на вид̇т̇ааяид̇ад̇д̇ам̣ ад̇т̇и . згажжзсу жа гира таанзсу б̣уд̣̇д̇хаа ан̃н̃аад̇агавзсзна вижаранд̇и, саммаасамб̣уд̣̇д̇хо ну ко зсод̇и ахуд̣̇зва сам̣саяо, аху вимад̇и. яад̇о анзна анааг̇аамипалам̣ бадивид̣̇д̇хам̣, ат̇а аяам̣ мз сад̇т̇аад̇и нидтам̣ г̇ад̇о. яад̣̇и звам̣ гасмаа ажжаяам̣ на д̣̇зсзсийд̇и. огаасаабхаавад̇о. бхаг̇аваа хи яат̇аанигкид̇д̇ааяа маад̇игааяа ажчиннад̇хаарам̣ гад̇ваа аагаасаг̇ан̇г̇ам̣ од̇аарзнд̇о вияа д̣̇зсанам̣ д̣̇зсзсиязва.
Ito pubbe panassa khandhā dhātuyo āyatanānīti evarūpaṃ accantasuññataṃ tilakkhaṇāhataṃ kathaṃ kathentassa neva kaṅkhā, na vimati, nāpi – ‘‘evaṃ kira taṃ, evaṃ me ācariyena vutta’’nti iti kira na dandhāyitattaṃ na vitthāyitattaṃ atthi . Ekaccesu ca kira ṭhānesu buddhā aññātakavesena vicaranti, sammāsambuddho nu kho esoti ahudeva saṃsayo, ahu vimati. Yato anena anāgāmiphalaṃ paṭividdhaṃ, atha ayaṃ me satthāti niṭṭhaṃ gato. Yadi evaṃ kasmā accayaṃ na desesīti. Okāsābhāvato. Bhagavā hi yathānikkhittāya mātikāya acchinnadhāraṃ katvā ākāsagaṅgaṃ otārento viya desanaṃ desesiyeva.
363. сод̇и арахаа. анаж̇жхосид̇аад̇и г̇илид̇ваа баринидтаабзд̇ваа г̇ахзд̇ум̣ на яуд̇т̇аад̇и баж̇аанаад̇и. анабхинанд̣̇ид̇аад̇и д̇ан̣хаад̣̇идтивасзна абхинанд̣̇ид̇ум̣ на яуд̇д̇аад̇и баж̇аанаад̇и.
363.Soti arahā. Anajjhositāti gilitvā pariniṭṭhāpetvā gahetuṃ na yutthāti pajānāti. Anabhinanditāti taṇhādiṭṭhivasena abhinandituṃ na yuttāti pajānāti.
364. висам̣яуд̇д̇о нам̣ взд̣̇зд̇ийд̇и сажз хисса сукавзд̣̇анам̣ аараб̣бха рааг̇аанусаяо, д̣̇угкавзд̣̇анам̣ аараб̣бха бадигхаанусаяо, ид̇арам̣ аараб̣бха авиж̇ж̇аанусаяо уббаж̇ж̇зяяа, сам̣яуд̇д̇о взд̣̇иязяяа наама. ануббаж̇ж̇анад̇о бана висам̣яуд̇д̇о нам̣ взд̣̇зд̇и ниссадо виббамуд̇д̇о. гааяабарияанд̇иганд̇и гааяагодигам̣. яаава гааяабавад̇д̇аа уббаж̇ж̇ид̇ваа д̇ад̇о барам̣ ануббаж̇ж̇анавзд̣̇ананд̇и ад̇т̇о. д̣̇уд̇ияабад̣̇зби зсзва наяо. анабхинанд̣̇ид̇аани сийд̇ийбхависсанд̇ийд̇и д̣̇ваад̣̇асасу ааяад̇анзсу гилзсаанам̣ висзванасса над̇т̇ид̇ааяа анабхинанд̣̇ид̇аани худ̇ваа ид̇ха д̣̇ваад̣̇асасуязва ааяад̇анзсу нируж̇жхиссанд̇и. гилзсаа хи ниб̣б̣аанам̣ ааг̇амма нируд̣̇д̇хааби яад̇т̇а над̇т̇и, д̇ад̇т̇а нируд̣̇д̇хаад̇и вужжанд̇и. свааяамад̇т̇о – ‘‘зд̇т̇зсаа д̇ан̣хаа нируж̇жхамаанаа нируж̇жхад̇ий’’д̇и самуд̣̇аяабан̃хзна д̣̇ийбзд̇аб̣б̣о. д̇асмаа бхаг̇аваа ниб̣б̣аанам̣ ааг̇амма сийд̇ибхууд̇ааниби ид̇хзва сийд̇ийбхависсанд̇ийд̇и ааха. нану жа ид̇ха взд̣̇аяид̇аани вуд̇д̇аани, на гилзсаад̇и. взд̣̇аяид̇ааниби гилзсаабхаавзнзва сийд̇ийбхаванд̇и. ид̇арат̇аа нзсам̣ сийд̇ибхааво наама над̇т̇ийд̇и сувуд̇д̇амзд̇ам̣.
364.Visaṃyutto naṃ vedetīti sace hissa sukhavedanaṃ ārabbha rāgānusayo, dukkhavedanaṃ ārabbha paṭighānusayo, itaraṃ ārabbha avijjānusayo uppajjeyya, saṃyutto vediyeyya nāma. Anuppajjanato pana visaṃyutto naṃ vedeti nissaṭo vippamutto. Kāyapariyantikanti kāyakoṭikaṃ. Yāva kāyapavattā uppajjitvā tato paraṃ anuppajjanavedananti attho. Dutiyapadepi eseva nayo. Anabhinanditāni sītībhavissantīti dvādasasu āyatanesu kilesānaṃ visevanassa natthitāya anabhinanditāni hutvā idha dvādasasuyeva āyatanesu nirujjhissanti. Kilesā hi nibbānaṃ āgamma niruddhāpi yattha natthi, tattha niruddhāti vuccanti. Svāyamattho – ‘‘etthesā taṇhā nirujjhamānā nirujjhatī’’ti samudayapañhena dīpetabbo. Tasmā bhagavā nibbānaṃ āgamma sītibhūtānipi idheva sītībhavissantīti āha. Nanu ca idha vedayitāni vuttāni, na kilesāti. Vedayitānipi kilesābhāveneva sītībhavanti. Itarathā nesaṃ sītibhāvo nāma natthīti suvuttametaṃ.
365. звамзва код̇и зд̇т̇а ид̣̇ам̣ обаммасам̣санд̣̇анам̣ – яат̇аа хи зго бурисо д̇злабад̣̇ийбасса жхааяад̇о д̇злз кийн̣з д̇злам̣ аасин̃жад̇и, ваддияаа кийн̣ааяа ваддим̣ багкибад̇и, звам̣ д̣̇ийбасикааяа анубажчзд̣̇ова ход̇и, звамзва бут̇уж̇ж̇ано згасмим̣ бхавз тид̇о гусалаагусалам̣ гарод̇и, со д̇зна суг̇ад̇ияан̃жа абааязсу жа ниб̣б̣ад̇д̇ад̇иязва, звам̣ взд̣̇анаанам̣ анубажчзд̣̇ова ход̇и. яат̇аа банзго д̣̇ийбасикааяа угган̣тид̇о – ‘‘имам̣ бурисам̣ ааг̇амма д̣̇ийбасикаа на убажчиж̇ж̇ад̇ий’’д̇и нилийно д̇асса бурисасса сийсам̣ чинд̣̇зяяа, звам̣ ваддияаа жа д̇зласса жа анубахаараа д̣̇ийбасикаа анаахаараа ниб̣б̣ааяад̇и, звамзва ваддз угган̣тид̇о яог̇ааважаро арахад̇д̇амаг̇г̇зна гусалаагусалам̣ самужчинд̣̇ад̇и, д̇асса самужчиннад̇д̇аа кийн̣аасавасса бхигкуно гааяасса бхзд̣̇аа буна взд̣̇аяид̇аани на уббаж̇ж̇анд̇ийд̇и.
365.Evamevakhoti ettha idaṃ opammasaṃsandanaṃ – yathā hi eko puriso telapadīpassa jhāyato tele khīṇe telaṃ āsiñcati, vaṭṭiyā khīṇāya vaṭṭiṃ pakkhipati, evaṃ dīpasikhāya anupacchedova hoti, evameva puthujjano ekasmiṃ bhave ṭhito kusalākusalaṃ karoti, so tena sugatiyañca apāyesu ca nibbattatiyeva, evaṃ vedanānaṃ anupacchedova hoti. Yathā paneko dīpasikhāya ukkaṇṭhito – ‘‘imaṃ purisaṃ āgamma dīpasikhā na upacchijjatī’’ti nilīno tassa purisassa sīsaṃ chindeyya, evaṃ vaṭṭiyā ca telassa ca anupahārā dīpasikhā anāhārā nibbāyati, evameva vaṭṭe ukkaṇṭhito yogāvacaro arahattamaggena kusalākusalaṃ samucchindati, tassa samucchinnattā khīṇāsavassa bhikkhuno kāyassa bhedā puna vedayitāni na uppajjantīti.
д̇асмаад̇и яасмаа аад̣̇имхи самаад̇хивибассанаабан̃н̃аахи арахад̇д̇апалабан̃н̃аа уд̇д̇арид̇араа, д̇асмаа. звам̣ саманнааг̇ад̇од̇и иминаа уд̇д̇амзна арахад̇д̇апалабан̃н̃аад̇хидтаанзна саманнааг̇ад̇о. саб̣б̣ад̣̇угкагкаяз н̃аан̣ам̣ наама арахад̇д̇амаг̇г̇з н̃аан̣ам̣, имасмим̣ бана суд̇д̇з арахад̇д̇апалз н̃аан̣ам̣ ад̇хиббзд̇ам̣. д̇знзвааха д̇асса саа вимуд̇д̇и сажжз тид̇аа агуббаа ход̇ийд̇и.
Tasmāti yasmā ādimhi samādhivipassanāpaññāhi arahattaphalapaññā uttaritarā, tasmā. Evaṃ samannāgatoti iminā uttamena arahattaphalapaññādhiṭṭhānena samannāgato. Sabbadukkhakkhayeñāṇaṃ nāma arahattamagge ñāṇaṃ, imasmiṃ pana sutte arahattaphale ñāṇaṃ adhippetaṃ. Tenevāha tassa sā vimutti sacce ṭhitā akuppā hotīti.
366. зд̇т̇а хи вимуд̇д̇ийд̇и арахад̇д̇апалавимуд̇д̇и, сажжанд̇и барамад̇т̇асажжам̣ ниб̣б̣аанам̣. ид̇и агуббаарамман̣агаран̣зна агуббаад̇и вуд̇д̇аа. мусаад̇и вид̇ат̇ам̣. мосад̇хамманд̇и нассанасабхаавам̣. д̇ам̣ сажжанд̇и д̇ам̣ авид̇ат̇ам̣ сабхааво. амосад̇хамманд̇и анассанасабхаавам̣.
366. Ettha hi vimuttīti arahattaphalavimutti, saccanti paramatthasaccaṃ nibbānaṃ. Iti akuppārammaṇakaraṇena akuppāti vuttā. Musāti vitathaṃ. Mosadhammanti nassanasabhāvaṃ. Taṃ saccanti taṃ avitathaṃ sabhāvo. Amosadhammanti anassanasabhāvaṃ.
д̇асмаад̇и яасмаа аад̣̇ид̇о самат̇авибассанаавасзна важийсажжад̇о д̣̇угкасажжасамуд̣̇аяасажжзхи жа барамад̇т̇асажжам̣ ниб̣б̣аанамзва уд̇д̇арид̇арам̣, д̇асмаа. звам̣ саманнааг̇ад̇од̇и иминаа уд̇д̇амзна барамад̇т̇асажжаад̇хидтаанзна саманнааг̇ад̇о.
Tasmāti yasmā ādito samathavipassanāvasena vacīsaccato dukkhasaccasamudayasaccehi ca paramatthasaccaṃ nibbānameva uttaritaraṃ, tasmā. Evaṃ samannāgatoti iminā uttamena paramatthasaccādhiṭṭhānena samannāgato.
367. буб̣б̣зд̇и бут̇уж̇ж̇анагаалз. убад̇хий хонд̇ийд̇и канд̇хуубад̇хи гилзсуубад̇хи абхисан̇кааруубад̇хи бан̃жагаамаг̇ун̣уубад̇хийд̇и имз убад̇хаяо хонд̇и. самад̇д̇аа самаад̣̇иннаад̇и барибуураа г̇ахид̇аа барамадтаа. д̇асмаад̇и яасмаа аад̣̇ид̇о самат̇авибассанаавасзна гилзсабарижжааг̇ад̇о, сод̇аабад̇д̇имаг̇г̇аад̣̇ийхи жа гилзсабарижжааг̇ад̇о арахад̇д̇амаг̇г̇знзва гилзсабарижжааг̇о уд̇д̇арид̇аро, д̇асмаа. звам̣ саманнааг̇ад̇од̇и иминаа уд̇д̇амзна жааг̇аад̇хидтаанзна саманнааг̇ад̇о.
367.Pubbeti puthujjanakāle. Upadhīhontīti khandhūpadhi kilesūpadhi abhisaṅkhārūpadhi pañcakāmaguṇūpadhīti ime upadhayo honti. Samattā samādinnāti paripūrā gahitā paramaṭṭhā. Tasmāti yasmā ādito samathavipassanāvasena kilesapariccāgato, sotāpattimaggādīhi ca kilesapariccāgato arahattamaggeneva kilesapariccāgo uttaritaro, tasmā. Evaṃ samannāgatoti iminā uttamena cāgādhiṭṭhānena samannāgato.
368. аагхаад̇од̇иаад̣̇ийсу аагхаад̇агаран̣авасзна аагхаад̇о, б̣яаабаж̇ж̇анавасзна б̣яаабаад̣̇о, самбад̣̇уссанавасзна самбад̣̇осод̇и д̇ийхи бад̣̇зхи д̣̇осаагусаламууламзва вуд̇д̇ам̣. д̇асмаад̇и яасмаа аад̣̇ид̇о самат̇авибассанаавасзна гилзсавуубасамад̇о, сод̇аабад̇д̇имаг̇г̇аад̣̇ийхи гилзсавуубасамад̇о жа арахад̇д̇амаг̇г̇знзва гилзсавуубасамо уд̇д̇арид̇аро, д̇асмаа. звам̣ саманнааг̇ад̇од̇и иминаа уд̇д̇амзна убасамаад̇хидтаанзна саманнааг̇ад̇о.
368.Āghātotiādīsu āghātakaraṇavasena āghāto, byāpajjanavasena byāpādo, sampadussanavasena sampadosoti tīhi padehi dosākusalamūlameva vuttaṃ. Tasmāti yasmā ādito samathavipassanāvasena kilesavūpasamato, sotāpattimaggādīhi kilesavūpasamato ca arahattamaggeneva kilesavūpasamo uttaritaro, tasmā. Evaṃ samannāgatoti iminā uttamena upasamādhiṭṭhānena samannāgato.
369. ман̃н̃ид̇амзд̇анд̇и д̇ан̣хааман̃н̃ид̇ам̣ маанаман̃н̃ид̇ам̣ д̣̇идтиман̃н̃ид̇анд̇и д̇ивид̇хамби ваддад̇и. аяамахамасмийд̇и зд̇т̇а бана аяамаханд̇и згам̣ д̇ан̣хааман̃н̃ид̇амзва ваддад̇и. рог̇од̇иаад̣̇ийсу ааб̣аад̇хадтзна рог̇о, анд̇од̣̇осадтзна г̇ан̣д̣о, анубавидтадтзна саллам̣. муни санд̇од̇и вужжад̇ийд̇и кийн̣аасавамуни санд̇о ниб̣б̣уд̇од̇и вужжад̇и. яад̇т̇а тид̇анд̇и яасмим̣ таанз тид̇ам̣. сам̣кид̇д̇знаад̇и б̣уд̣̇д̇хаанам̣ гира саб̣б̣ааби д̇хаммад̣̇зсанаа сам̣кид̇д̇аава, вид̇т̇аарад̣̇зсанаа наама над̇т̇и, саманд̇абадтаанагат̇ааби сам̣кид̇д̇ааязва. ид̇и бхаг̇аваа д̣̇зсанам̣ яат̇аанусанд̇хим̣ баабзси. уг̇гхаадид̇ан̃н̃ууд̇иаад̣̇ийсу бана жад̇уусу буг̇г̇алзсу буггусаад̇и гулабуд̇д̇о вибан̃жид̇ан̃н̃уу, ид̇и вибан̃жид̇ан̃н̃увасзна бхаг̇аваа имам̣ д̇хаад̇увибхан̇г̇асуд̇д̇ам̣ гат̇зси.
369.Maññitametanti taṇhāmaññitaṃ mānamaññitaṃ diṭṭhimaññitanti tividhampi vaṭṭati. Ayamahamasmīti ettha pana ayamahanti ekaṃ taṇhāmaññitameva vaṭṭati. Rogotiādīsu ābādhaṭṭhena rogo, antodosaṭṭhena gaṇḍo, anupaviṭṭhaṭṭhena sallaṃ. Muni santoti vuccatīti khīṇāsavamuni santo nibbutoti vuccati. Yattha ṭhitanti yasmiṃ ṭhāne ṭhitaṃ. Saṃkhittenāti buddhānaṃ kira sabbāpi dhammadesanā saṃkhittāva, vitthāradesanā nāma natthi, samantapaṭṭhānakathāpi saṃkhittāyeva. Iti bhagavā desanaṃ yathānusandhiṃ pāpesi. Ugghāṭitaññūtiādīsu pana catūsu puggalesu pukkusāti kulaputto vipañcitaññū, iti vipañcitaññuvasena bhagavā imaṃ dhātuvibhaṅgasuttaṃ kathesi.
370. на ко мз, бханд̇з, барибун̣н̣ам̣ бад̇д̇ажийваранд̇и гасмаа гулабуд̇д̇асса ид̣̇д̇химаяабад̇д̇ажийварам̣ на ниб̣б̣ад̇д̇анд̇и. буб̣б̣з адтаннам̣ баригкаараанам̣ ад̣̇иннад̇д̇аа. гулабуд̇д̇о хи д̣̇иннад̣̇аано гад̇аабхинийхааро, на д̣̇иннад̇д̇аад̇и на вад̇д̇аб̣б̣ам̣. ид̣̇д̇химаяабад̇д̇ажийварам̣ бана бажчимабхавигаанам̣язва ниб̣б̣ад̇д̇ад̇и, аяан̃жа бунабадисанд̇хиго, д̇асмаа на ниб̣б̣ад̇д̇анд̇и. ат̇а бхаг̇аваа саяам̣ бариязсид̇ваа гасмаа на убасамбаад̣̇зсийд̇и. огаасаабхаавад̇о. гулабуд̇д̇асса ааяу баригкийн̣ам̣, суд̣̇д̇хааваасиго анааг̇аамий махааб̣рахмаа гумбхагаарасаалам̣ ааг̇анд̇ваа нисинно вияа ахоси. д̇асмаа саяам̣ на бариязси.
370.Na kho me, bhante, paripuṇṇaṃ pattacīvaranti kasmā kulaputtassa iddhimayapattacīvaraṃ na nibbattanti. Pubbe aṭṭhannaṃ parikkhārānaṃ adinnattā. Kulaputto hi dinnadāno katābhinīhāro, na dinnattāti na vattabbaṃ. Iddhimayapattacīvaraṃ pana pacchimabhavikānaṃyeva nibbattati, ayañca punapaṭisandhiko, tasmā na nibbattanti. Atha bhagavā sayaṃ pariyesitvā kasmā na upasampādesīti. Okāsābhāvato. Kulaputtassa āyu parikkhīṇaṃ, suddhāvāsiko anāgāmī mahābrahmā kumbhakārasālaṃ āgantvā nisinno viya ahosi. Tasmā sayaṃ na pariyesi.
бад̇д̇ажийварабариязсанам̣ баггаамийд̇и гааяа взлааяа баггаами? удтид̇з арун̣з. бхаг̇авад̇о гира д̇хаммад̣̇зсанаабаринидтаанан̃жа арун̣удтаанан̃жа расмивиссаж̇ж̇анан̃жа згагкан̣з ахоси. бхаг̇аваа гира д̣̇зсанам̣ нидтабзд̇ваава чаб̣б̣ан̣н̣арасмияо виссаж̇ж̇и, сагалагумбхагааранивзсанам̣ згабаж̇ж̇од̇ам̣ ахоси, чаб̣б̣ан̣н̣арасмияо ж̇аалаж̇аалаа бун̃ж̇абун̃ж̇аа худ̇ваа вид̇хааванд̇ияо саб̣б̣ад̣̇исаабхааг̇з суван̣н̣абадабарияонад̣̇д̇хз вияа жа наанааван̣н̣агусумарад̇анависарасамуж̇ж̇алз вияа жа агам̣су. бхаг̇аваа ‘‘наг̇араваасино мам̣ бассанд̇уу’’д̇и ад̇хидтааси. наг̇араваасино бхаг̇аванд̇ам̣ д̣̇исваава ‘‘сад̇т̇аа гира ааг̇ад̇о, гумбхагаарасаалааяа гира нисинно’’д̇и ан̃н̃аман̃н̃асса аарожзд̇ваа ран̃н̃о аарожзсум̣.
Pattacīvarapariyesanaṃ pakkāmīti kāya velāya pakkāmi? Uṭṭhite aruṇe. Bhagavato kira dhammadesanāpariniṭṭhānañca aruṇuṭṭhānañca rasmivissajjanañca ekakkhaṇe ahosi. Bhagavā kira desanaṃ niṭṭhapetvāva chabbaṇṇarasmiyo vissajji, sakalakumbhakāranivesanaṃ ekapajjotaṃ ahosi, chabbaṇṇarasmiyo jālajālā puñjapuñjā hutvā vidhāvantiyo sabbadisābhāge suvaṇṇapaṭapariyonaddhe viya ca nānāvaṇṇakusumaratanavisarasamujjale viya ca akaṃsu. Bhagavā ‘‘nagaravāsino maṃ passantū’’ti adhiṭṭhāsi. Nagaravāsino bhagavantaṃ disvāva ‘‘satthā kira āgato, kumbhakārasālāya kira nisinno’’ti aññamaññassa ārocetvā rañño ārocesuṃ.
рааж̇аа ааг̇анд̇ваа сад̇т̇аарам̣ ванд̣̇ид̇ваа, ‘‘бханд̇з, гааяа взлааяа ааг̇ад̇ад̇т̇аа’’д̇и бужчи. хияяо суурияад̇т̇ан̇г̇аманавзлааяа махаарааж̇аад̇и. гзна гаммзна бхаг̇аваад̇и? д̇умхаагам̣ сахааяо буггусаад̇и рааж̇аа д̇умхзхи бахид̇ам̣ саасанам̣ суд̇ваа нигкамид̇ваа баб̣б̣аж̇ид̇ваа мам̣ уд̣̇д̣̇исса ааг̇ажчанд̇о саавад̇т̇им̣ ад̇иггамма бан̃жажад̇д̇аалийса яож̇анаани ааг̇анд̇ваа имам̣ гумбхагаарасаалам̣ бависид̇ваа нисийд̣̇и, ахам̣ д̇асса сан̇г̇ахад̇т̇ам̣ ааг̇анд̇ваа д̇хаммагат̇ам̣ гат̇зсим̣, гулабуд̇д̇о д̇ийн̣и палаани бадивиж̇жхи махаарааж̇аад̇и. ид̣̇аани гахам̣, бханд̇зд̇и? убасамбад̣̇ам̣ яаажид̇ваа абарибун̣н̣абад̇д̇ажийварад̇ааяа бад̇д̇ажийварабариязсанад̇т̇ам̣ г̇ад̇о махаарааж̇аад̇и. рааж̇аа гулабуд̇д̇асса г̇ад̇ад̣̇исаабхааг̇зна аг̇амааси. бхаг̇авааби аагаасзнааг̇анд̇ваа ж̇зд̇аванаг̇анд̇хагудимхиязва баад̇урахоси.
Rājā āgantvā satthāraṃ vanditvā, ‘‘bhante, kāya velāya āgatatthā’’ti pucchi. Hiyyo sūriyatthaṅgamanavelāya mahārājāti. Kena kammena bhagavāti? Tumhākaṃ sahāyo pukkusāti rājā tumhehi pahitaṃ sāsanaṃ sutvā nikkhamitvā pabbajitvā maṃ uddissa āgacchanto sāvatthiṃ atikkamma pañcacattālīsa yojanāni āgantvā imaṃ kumbhakārasālaṃ pavisitvā nisīdi, ahaṃ tassa saṅgahatthaṃ āgantvā dhammakathaṃ kathesiṃ, kulaputto tīṇi phalāni paṭivijjhi mahārājāti. Idāni kahaṃ, bhanteti? Upasampadaṃ yācitvā aparipuṇṇapattacīvaratāya pattacīvarapariyesanatthaṃ gato mahārājāti. Rājā kulaputtassa gatadisābhāgena agamāsi. Bhagavāpi ākāsenāgantvā jetavanagandhakuṭimhiyeva pāturahosi.
гулабуд̇д̇оби бад̇д̇ажийварам̣ бариязсамаано нзва б̣имб̣исаараран̃н̃о на д̇аггасийлагаанам̣ ж̇ан̇гхаваан̣иж̇аанам̣ санд̇игам̣ аг̇амааси. звам̣ гирасса ахоси – ‘‘на ко мз гуггудасса вияа д̇ад̇т̇а д̇ад̇т̇а манаабааманаабамзва вижинид̇ваа бад̇д̇ажийварам̣ бариязсид̇ум̣ яуд̇д̇ам̣, маханд̇ам̣ наг̇арам̣ важ̇ж̇ид̇ваа уд̣̇агад̇ид̇т̇асусаанасан̇гаарадтаанаанд̇аравийт̇ийсу бариязсиссаамий’’д̇и анд̇аравийт̇ияам̣ сан̇гаарагуудзсу д̇аава билод̇игам̣ бариязсид̇ум̣ аарад̣̇д̇хо.
Kulaputtopi pattacīvaraṃ pariyesamāno neva bimbisārarañño na takkasīlakānaṃ jaṅghavāṇijānaṃ santikaṃ agamāsi. Evaṃ kirassa ahosi – ‘‘na kho me kukkuṭassa viya tattha tattha manāpāmanāpameva vicinitvā pattacīvaraṃ pariyesituṃ yuttaṃ, mahantaṃ nagaraṃ vajjitvā udakatitthasusānasaṅkāraṭṭhānaantaravīthīsu pariyesissāmī’’ti antaravīthiyaṃ saṅkārakūṭesu tāva pilotikaṃ pariyesituṃ āraddho.
ж̇ийвид̇аа воробзсийд̇и зд̇асмим̣ сан̇гаарагуудз билод̇игам̣ ологзнд̇ам̣ виб̣бханд̇аа д̇арун̣аважчаа г̇аавий убад̇хаавид̇ваа син̇г̇зна виж̇жхид̇ваа гхаад̇зси. чаад̇агаж̇жхад̇д̇о гулабуд̇д̇о аагаасзязва ааяугкаяам̣ бад̇ваа бад̇ид̇о. сан̇гаарадтаанз ад̇хомукадтабид̇аа суван̣н̣абадимаа вияа ахоси, гаалан̇гад̇о жа бана авихааб̣рахмалогз ниб̣б̣ад̇д̇и, ниб̣б̣ад̇д̇амад̇д̇ова арахад̇д̇ам̣ баабун̣и. авихааб̣рахмалогз гира ниб̣б̣ад̇д̇амад̇д̇аава сад̇д̇а ж̇анаа арахад̇д̇ам̣ баабун̣им̣су. вуд̇д̇ан̃хзд̇ам̣ –
Jīvitā voropesīti etasmiṃ saṅkārakūṭe pilotikaṃ olokentaṃ vibbhantā taruṇavacchā gāvī upadhāvitvā siṅgena vijjhitvā ghātesi. Chātakajjhatto kulaputto ākāseyeva āyukkhayaṃ patvā patito. Saṅkāraṭṭhāne adhomukhaṭṭhapitā suvaṇṇapaṭimā viya ahosi, kālaṅkato ca pana avihābrahmaloke nibbatti, nibbattamattova arahattaṃ pāpuṇi. Avihābrahmaloke kira nibbattamattāva satta janā arahattaṃ pāpuṇiṃsu. Vuttañhetaṃ –
‘‘авихам̣ убабаннаасз, вимуд̇д̇аа сад̇д̇а бхигкаво;
‘‘Avihaṃ upapannāse, vimuttā satta bhikkhavo;
рааг̇ад̣̇осабаригкийн̣аа, д̇ин̣н̣аа логз висад̇д̇игам̣.
Rāgadosaparikkhīṇā, tiṇṇā loke visattikaṃ.
гз жа д̇з ад̇арум̣ бан̇гам̣, мажжуд̇хзяяам̣ суд̣̇уд̇д̇арам̣;
Ke ca te ataruṃ paṅkaṃ, maccudheyyaṃ suduttaraṃ;
гз хид̇ваа маанусам̣ д̣̇зхам̣, д̣̇иб̣б̣аяог̇ам̣ убажжаг̇ум̣.
Ke hitvā mānusaṃ dehaṃ, dibbayogaṃ upaccaguṃ.
убаго балаг̇ан̣д̣о жа, буггусаад̇и жа д̇з д̇аяо;
Upako palagaṇḍo ca, pukkusāti ca te tayo;
бхад̣̇д̣̇ияо кан̣д̣ад̣̇зво жа, б̣аахураг̇г̇и жа син̇г̇ияо;
Bhaddiyo khaṇḍadevo ca, bāhuraggi ca siṅgiyo;
д̇з хид̇ваа маанусам̣ д̣̇зхам̣, д̣̇иб̣б̣аяог̇ам̣ убажжаг̇у’’нд̇и. (сам̣. ни. 1.50, 105);
Te hitvā mānusaṃ dehaṃ, dibbayogaṃ upaccagu’’nti. (saṃ. ni. 1.50, 105);
б̣имб̣исаароби ‘‘маяхам̣ сахааяо маяаа бзсид̇асаасанамад̇д̇ам̣ ваажзд̇ваа хад̇т̇аг̇ад̇ам̣ раж̇ж̇ам̣ бахааяа зд̇д̇агам̣ ад̣̇д̇хаанам̣ ааг̇ад̇о, д̣̇уггарам̣ гад̇ам̣ гулабуд̇д̇зна, баб̣б̣аж̇ид̇асаггаарзна д̇ам̣ саггариссаамий’’д̇и ‘‘бариязсат̇а мз сахааяага’’нд̇и д̇ад̇т̇а д̇ад̇т̇а бзсзси. бзсид̇аа д̇ам̣ ад̣̇д̣̇асам̣су сан̇гаарадтаанз бад̇ид̇ам̣, д̣̇исваа ааг̇амма ран̃н̃о аарожзсум̣. рааж̇аа г̇анд̇ваа гулабуд̇д̇ам̣ д̣̇исваа – ‘‘на вад̇а, бхо, лабхимхаа сахааяагасса саггаарам̣ гаад̇ум̣, анаат̇о мз ж̇аад̇о сахааяаго’’д̇и. барид̣̇звид̇ваа гулабуд̇д̇ам̣ ман̃жагзна г̇ан̣хаабзд̇ваа яуд̇д̇огаасз табзд̇ваа анубасамбаннасса саггаарам̣ гаад̇ум̣ ж̇аананаабхаавзна нхаабагагаббагаад̣̇аяо баггосаабзд̇ваа гулабуд̇д̇ам̣ сийсам̣ нхаабзд̇ваа суд̣̇д̇хавад̇т̇аани ниваасаабзд̇ваа рааж̇авзсзна алан̇гаараабзд̇ваа сован̣н̣асивигам̣ ааробзд̇ваа саб̣б̣ад̇аал̣ааважараг̇анд̇хамаалаад̣̇ийхи бууж̇ам̣ гаронд̇о наг̇араа нийхарид̇ваа б̣ахуухи г̇анд̇хагадтзхи махаажид̇агам̣ гаарзд̇ваа гулабуд̇д̇асса сарийрагижжам̣ гад̇ваа д̇хаад̇уяо аад̣̇ааяа жзд̇ияам̣ бад̇идтабзси. сзсам̣ саб̣б̣ад̇т̇а уд̇д̇аанамзваад̇и.
Bimbisāropi ‘‘mayhaṃ sahāyo mayā pesitasāsanamattaṃ vācetvā hatthagataṃ rajjaṃ pahāya ettakaṃ addhānaṃ āgato, dukkaraṃ kataṃ kulaputtena, pabbajitasakkārena taṃ sakkarissāmī’’ti ‘‘pariyesatha me sahāyaka’’nti tattha tattha pesesi. Pesitā taṃ addasaṃsu saṅkāraṭṭhāne patitaṃ, disvā āgamma rañño ārocesuṃ. Rājā gantvā kulaputtaṃ disvā – ‘‘na vata, bho, labhimhā sahāyakassa sakkāraṃ kātuṃ, anātho me jāto sahāyako’’ti. Paridevitvā kulaputtaṃ mañcakena gaṇhāpetvā yuttokāse ṭhapetvā anupasampannassa sakkāraṃ kātuṃ jānanābhāvena nhāpakakappakādayo pakkosāpetvā kulaputtaṃ sīsaṃ nhāpetvā suddhavatthāni nivāsāpetvā rājavesena alaṅkārāpetvā sovaṇṇasivikaṃ āropetvā sabbatāḷāvacaragandhamālādīhi pūjaṃ karonto nagarā nīharitvā bahūhi gandhakaṭṭhehi mahācitakaṃ kāretvā kulaputtassa sarīrakiccaṃ katvā dhātuyo ādāya cetiyaṃ patiṭṭhapesi. Sesaṃ sabbattha uttānamevāti.
бабан̃жасууд̣̇анияаа маж̇жхиманигааяадтагат̇ааяа
Papañcasūdaniyā majjhimanikāyaṭṭhakathāya
д̇хаад̇увибхан̇г̇асуд̇д̇аван̣н̣анаа нидтид̇аа.
Dhātuvibhaṅgasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / маж̇жхиманигааяа • Majjhimanikāya / 10. д̇хаад̇увибхан̇г̇асуд̇д̇ам̣ • 10. Dhātuvibhaṅgasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / маж̇жхиманигааяа (дийгаа) • Majjhimanikāya (ṭīkā) / 10. д̇хаад̇увибхан̇г̇асуд̇д̇аван̣н̣анаа • 10. Dhātuvibhaṅgasuttavaṇṇanā
