| Library / Tipiṭaka / д̇ибидага • Tipiṭaka / маж̇жхиманигааяа (дийгаа) • Majjhimanikāya (ṭīkā) |
10. д̇хаад̇увибхан̇г̇асуд̇д̇аван̣н̣анаа
10. Dhātuvibhaṅgasuttavaṇṇanā
342. абаригкийн̣ааяугам̣ буггусаад̇игулабуд̇д̇ам̣ уд̣̇д̣̇исса г̇амананд̇и гад̇ваа вуд̇д̇ам̣ ‘‘д̇урид̇аг̇аманажаарига’’нд̇и. мама ваасубаг̇аманзна д̇ава жид̇д̇асса апаасугам̣ анидтам̣ сажз над̇т̇и. сод̇и буб̣б̣убаг̇ад̇о. д̣̇иннам̣ д̣̇иннамзва ваддад̇ийд̇и згаваарам̣ д̣̇иннам̣ д̣̇иннамзва яуд̇д̇ам̣, на буна д̣̇аад̇аб̣б̣анд̇и ад̇хиббааяо. гад̇ам̣ гад̇амзваад̇и сан̇г̇ахад̇т̇ам̣ гад̇ам̣ анужчавигагаммам̣ гад̇амзва, на д̇ам̣ буна вибаривад̇д̇зд̇аб̣б̣анд̇и ад̇хиббааяо.
342. Aparikkhīṇāyukaṃ pukkusātikulaputtaṃ uddissa gamananti katvā vuttaṃ ‘‘turitagamanacārika’’nti. Mama vāsupagamanena tava cittassa aphāsukaṃ aniṭṭhaṃ sace natthi. Soti pubbupagato. Dinnaṃ dinnameva vaṭṭatīti ekavāraṃ dinnaṃ dinnameva yuttaṃ, na puna dātabbanti adhippāyo. Kataṃ katamevāti saṅgahatthaṃ kataṃ anucchavikakammaṃ katameva, na taṃ puna viparivattetabbanti adhippāyo.
буггусаад̇имхи убхаяат̇ааби гулабуд̇д̇абхааво барибун̣н̣о зваад̇и ааха – ‘‘ж̇аад̇игулабуд̇д̇оби аажаарагулабуд̇д̇обий’’д̇и. д̇ад̇раад̇и д̇асмим̣ д̇аггасийлад̇о ааг̇аманз. ан̇гз нибаннад̣̇аарагам̣ вияа ж̇анам̣ д̇осзд̇и д̇удтим̣ баабзд̇и. рад̇анаани уббаж̇ж̇анд̇и баб̣б̣ад̇асамуд̣̇д̣̇аад̣̇исанниссид̇ад̇д̇аа бажжанд̇ад̣̇зсасса. д̣̇ассанийяанд̇и д̣̇ассанзнзва сукаавахам̣. зваруубанд̇и д̣̇ассанийяам̣ саванийяан̃жа.
Pukkusātimhi ubhayathāpi kulaputtabhāvo paripuṇṇo evāti āha – ‘‘jātikulaputtopi ācārakulaputtopī’’ti. Tatrāti tasmiṃ takkasīlato āgamane. Aṅke nipannadārakaṃ viya janaṃ toseti tuṭṭhiṃ pāpeti. Ratanāni uppajjanti pabbatasamuddādisannissitattā paccantadesassa. Dassanīyanti dassaneneva sukhāvahaṃ. Evarūpanti dassanīyaṃ savanīyañca.
анаг̇гхагамб̣алз махаг̇гхагамб̣алз. саарагаран̣д̣агзд̇и жанд̣̇анасаараад̣̇исаарамаяагаран̣д̣агз. ликаабзд̇ваа уггираабзд̇ваа. лаакааяа ваддаабзд̇ваад̇и мукам̣ бид̣̇ахид̇ваа лаакаабаригаммам̣ гаарзд̇ваа.
Anagghakambale mahagghakambale. Sārakaraṇḍaketi candanasārādisāramayakaraṇḍake. Likhāpetvā ukkirāpetvā. Lākhāya vaṭṭāpetvāti mukhaṃ pidahitvā lākhāparikammaṃ kāretvā.
анд̇о д̣̇уссабхан̣д̣игам̣ ад̇т̇ийд̇и ан̃н̃ааси наад̇иг̇аругабхаавад̇о. анаг̇гхаа ахзсунд̇и ван̣н̣асамбад̇д̇ипассасамбад̇д̇ибамаан̣амахад̇д̇ад̣̇унниммаабияад̇аахи махаг̇гхаа ахзсум̣, махаабун̃н̃о рааж̇аа д̇асса ад̇т̇зваад̇и ад̇хиббааяо.
Anto dussabhaṇḍikaṃ atthīti aññāsi nātigarukabhāvato. Anagghā ahesunti vaṇṇasampattiphassasampattipamāṇamahattadunnimmāpiyatāhi mahagghā ahesuṃ, mahāpuñño rājā tassa atthevāti adhippāyo.
яад̣̇и звам̣, ‘‘гинну ко бзсзмий’’д̇и гасмаа виймам̣сам̣ аабаж̇ж̇ийд̇и ааха – ‘‘абижа ко банаа’’д̇иаад̣̇и. сод̇и б̣имб̣исааро рааж̇аа. вижинид̇ум̣ аарад̣̇д̇хо рад̇анасса анзгавид̇хад̇д̇аа уд̇д̇аруд̇д̇арин̃жа бан̣ийд̇ад̇араад̣̇ибхаавад̇о. суван̣н̣араж̇ад̇аад̣̇ийд̇и суван̣н̣араж̇ад̇абаваал̣аман̣имуд̇д̇аавзл̣урияаад̣̇и. инд̣̇рияаб̣ад̣̇д̇ханд̇и жагкаад̣̇иинд̣̇рияабадиб̣ад̣̇д̇хам̣. бад̣̇зсанд̇и г̇ун̣авасзна згад̣̇зсам̣ на баабун̣аад̇и.
Yadi evaṃ, ‘‘kinnu kho pesemī’’ti kasmā vīmaṃsaṃ āpajjīti āha – ‘‘apica kho panā’’tiādi. Soti bimbisāro rājā. Vicinituṃ āraddho ratanassa anekavidhattā uttaruttariñca paṇītatarādibhāvato. Suvaṇṇarajatādīti suvaṇṇarajatapavāḷamaṇimuttāveḷuriyādi. Indriyabaddhanti cakkhādiindriyapaṭibaddhaṃ. Padesanti guṇavasena ekadesaṃ na pāpuṇāti.
саамам̣ сажжаанам̣ абхисамб̣уд̣̇д̇хад̇аасааман̃н̃зна, ‘‘б̣уд̣̇д̇харад̇анамби д̣̇увид̇ха’’нд̇и вуд̇д̇ам̣. б̣уд̣̇д̇харад̇анасамам̣ рад̇анам̣ наама над̇т̇и, яасмаа бана имасмим̣ логз барасмим̣ ваа бана б̣уд̣̇д̇хзна сад̣̇исо на виж̇ж̇ад̇ийд̇и. батамаб̣од̇хияам̣язва бавад̇д̇ад̇ийд̇и гад̇ваа вуд̇д̇ам̣ ‘‘гхособий’’д̇иаад̣̇и.
Sāmaṃ saccānaṃ abhisambuddhatāsāmaññena, ‘‘buddharatanampi duvidha’’nti vuttaṃ. Buddharatanasamaṃ ratanaṃ nāma natthi, yasmā pana imasmiṃ loke parasmiṃ vā pana buddhena sadiso na vijjatīti. Paṭhamabodhiyaṃyeva pavattatīti katvā vuttaṃ ‘‘ghosopī’’tiādi.
рааж̇аа д̇удто жинд̇зси, ‘‘д̇ад̇т̇а авиж̇ж̇амаанам̣язва бзсзд̇ум̣ лад̣̇д̇ха’’нд̇и. д̇асмаад̇и яасмаа барибун̣н̣ам̣ згад̣̇ивасамби д̇асмим̣ бад̣̇зсз б̣уд̣̇д̇хаанам̣ ааваасабариг̇г̇ахо над̇т̇и, д̇асмаа. буб̣б̣ад̣̇исаамуканд̇и буб̣б̣ад̣̇исаабхимукам̣ сийхабан̃ж̇арам̣. д̇знасса сувибхууд̇аалогад̇ам̣ д̣̇ассзд̇и.
Rājātuṭṭho cintesi, ‘‘tattha avijjamānaṃyeva pesetuṃ laddha’’nti. Tasmāti yasmā paripuṇṇaṃ ekadivasampi tasmiṃ padese buddhānaṃ āvāsapariggaho natthi, tasmā. Pubbadisāmukhanti pubbadisābhimukhaṃ sīhapañjaraṃ. Tenassa suvibhūtālokataṃ dasseti.
звам̣ анан̃н̃асаад̇хааран̣асса бхаг̇авад̇о ийд̣̇исо самуд̣̇ааг̇амод̇и д̣̇ассзд̇ум̣, ‘‘звам̣ д̣̇аса баарамияо буурзд̇ваа’’д̇иаад̣̇и вуд̇д̇ам̣. звам̣ самбаннасамуд̣̇ааг̇амасса д̇ад̣̇ануруубаа аяам̣ паласамбад̣̇аад̇и д̣̇ассзд̇ум̣, ‘‘д̇усид̇абхаванад̇о’’д̇иаад̣̇и вуд̇д̇ам̣.
Evaṃ anaññasādhāraṇassa bhagavato īdiso samudāgamoti dassetuṃ, ‘‘evaṃ dasa pāramiyo pūretvā’’tiādi vuttaṃ. Evaṃ sampannasamudāgamassa tadanurūpā ayaṃ phalasampadāti dassetuṃ, ‘‘tusitabhavanato’’tiādi vuttaṃ.
арияад̇хаммо наама арияамаг̇г̇аббад̇хаано, арияамаг̇г̇о жа сад̇д̇ад̇им̣саб̣од̇хибагкияасан̇г̇ахо, д̇з жа уд̣̇д̣̇зсамад̇д̇знзва г̇ахид̇аад̇и ааха – ‘‘сад̇д̇ад̇им̣саб̣од̇хибагкияз згад̣̇зсзна ликид̇ваа’’д̇и. жуул̣асийлаад̣̇ийни б̣рахмаж̇аалз (д̣̇ий. ни. 1.8-9) ааг̇ад̇анаязна взд̣̇ид̇аб̣б̣аани. чад̣̇ваарасам̣варам̣ сад̇исамбаж̇ан̃н̃анд̇и манажчадтаанам̣ д̣̇ваараанам̣ сам̣варан̣авасзна сад̇д̇адтаанигам̣ сад̇исамбаж̇ан̃н̃ам̣. д̣̇ваад̣̇асаббабхзд̣̇ам̣ жийвараад̣̇ижад̇уббажжаяасанд̇осам̣. аран̃н̃аругкамуулаад̣̇ийнан̃жа вибхан̇г̇ам̣ бхааванаанугуулам̣ сзнаасанам̣. ‘‘абхиж̇жхам̣ логз бахааяаа’’д̇иаад̣̇инаа вуд̇д̇ам̣ нийваран̣аббахаанам̣. баригамманд̇и гасин̣аад̣̇ибаригаммам̣. баал̣ияам̣ ааг̇ад̇анаязна адтад̇им̣са гаммадтаанаани. висуд̣̇д̇хибадибаадияаа яаава аасавагкаяаа имам̣ бадибад̇д̇им̣ згад̣̇зсзна лики. сол̣асавид̇ханд̇и сол̣асавид̇хабхааванааяа баяог̇ам̣.
Ariyadhammo nāma ariyamaggappadhāno, ariyamaggo ca sattatiṃsabodhipakkhiyasaṅgaho, te ca uddesamatteneva gahitāti āha – ‘‘sattatiṃsabodhipakkhiye ekadesena likhitvā’’ti. Cūḷasīlādīni brahmajāle (dī. ni. 1.8-9) āgatanayena veditabbāni. Chadvārasaṃvaraṃ satisampajaññanti manacchaṭṭhānaṃ dvārānaṃ saṃvaraṇavasena sattaṭṭhānikaṃ satisampajaññaṃ. Dvādasappabhedaṃ cīvarādicatuppaccayasantosaṃ. Araññarukkhamūlādīnañca vibhaṅgaṃ bhāvanānukūlaṃ senāsanaṃ. ‘‘Abhijjhaṃ loke pahāyā’’tiādinā vuttaṃ nīvaraṇappahānaṃ. Parikammanti kasiṇādiparikammaṃ. Pāḷiyaṃ āgatanayena aṭṭhatiṃsa kammaṭṭhānāni. Visuddhipaṭipāṭiyā yāva āsavakkhayā imaṃ paṭipattiṃ ekadesena likhi. Soḷasavidhanti soḷasavidhabhāvanāya payogaṃ.
гилан̃ж̇амаязд̇и наанаавид̇хабхид̇д̇ивибхад̇д̇з сан̣хасукумарад̇анабарисиб̣б̣ид̇з гилан̃ж̇амаяасамуг̇г̇з. б̣ахи вад̇т̇зна взтзд̇ваад̇и батамам̣ сукумагамб̣алзна взтзд̇ваа бадибаадияаа д̇зд̇д̇им̣сааяа самуг̇г̇зсу багкибид̇ваа д̇ад̇о б̣ахи сукумавад̇т̇зна взтзд̇ваа чаад̣̇зд̇ваа. д̇ин̣аг̇ажчабахаанасаммаж̇ж̇анаад̣̇инаа сод̇хид̇амад̇д̇агамзва ход̇у, гад̣̇алибун̣н̣агхадатабанад̇хаж̇абадаагуссаабанаад̣̇иалан̇гаран̣зна маа нидтаабзт̇аад̇и ад̇т̇о. рааж̇аанубхаавзна бадияаад̣̇зт̇аад̇и мама рааж̇аануруубам̣ саж̇ж̇зт̇а, алан̇гарот̇аад̇и ад̇т̇о. анд̇арабхог̇игаананд̇и ануяуд̇д̇арааж̇амахаамад̇д̇аанам̣. ж̇аванад̣̇ууд̇зд̇и киббам̣ г̇ажчанд̇агад̣̇ууд̇абурисз. д̇аал̣зхи саха аважаранд̇ийд̇и д̇аал̣ааважараа.
Kilañjamayeti nānāvidhabhittivibhatte saṇhasukhumaratanaparisibbite kilañjamayasamugge. Bahi vatthena veṭhetvāti paṭhamaṃ sukhumakambalena veṭhetvā paṭipāṭiyā tettiṃsāya samuggesu pakkhipitvā tato bahi sukhumavatthena veṭhetvā chādetvā. Tiṇagacchapahānasammajjanādinā sodhitamattakameva hotu, kadalipuṇṇaghaṭaṭhapanadhajapaṭākussāpanādialaṅkaraṇena mā niṭṭhāpethāti attho. Rājānubhāvena paṭiyādethāti mama rājānurūpaṃ sajjetha, alaṅkarothāti attho. Antarabhogikānanti anuyuttarājamahāmattānaṃ. Javanadūteti khippaṃ gacchantakadūtapurise. Tāḷehi saha avacarantīti tāḷāvacarā.
ран̃н̃аа бан̣н̣аагаарам̣ уд̣̇д̣̇исса гад̇абууж̇аасаггаарасса амажжад̇о суд̇ад̇д̇аа бан̣н̣аагаарам̣ ужжадтаанз табзд̇ваа саяам̣ нийжаасанз нисинно. нааяам̣ ан̃н̃асса рад̇анасса бхависсад̇ийд̇и аяам̣ барихааро ан̃н̃асса ман̣имуд̇д̇аад̣̇ибхзд̣̇асса рад̇анасса на бхависсад̇и ман̣имуд̇д̇аад̣̇ийхи абхисан̇кад̇ад̇д̇аа. б̣алавасоманассам̣ уббаж̇ж̇и жирад̇анагаалам̣ б̣уд̣̇д̇хасаасанз бхаавид̇абхааванад̇ааяа ваасид̇аваасанад̇ааяа гхадз д̣̇ийбо вияа аб̣бханд̇арз зва самуж̇ж̇аламаанабарибаггад̇ихзд̇угабхаавад̇о.
Raññā paṇṇākāraṃ uddissa katapūjāsakkārassa amaccato sutattā paṇṇākāraṃ uccaṭṭhāne ṭhapetvā sayaṃ nīcāsane nisinno. Nāyaṃ aññassa ratanassa bhavissatīti ayaṃ parihāro aññassa maṇimuttādibhedassa ratanassa na bhavissati maṇimuttādīhi abhisaṅkhatattā. Balavasomanassaṃuppajji ciratanakālaṃ buddhasāsane bhāvitabhāvanatāya vāsitavāsanatāya ghaṭe dīpo viya abbhantare eva samujjalamānaparipakkatihetukabhāvato.
д̇хаарзмийд̇и ижчаами, г̇ан̣хаамийд̇и ад̇т̇о. д̣̇взж̇жхаважананд̇и д̣̇взл̣хагабхааво. анд̇арам̣ гарод̇ийд̇и д̣̇виннам̣ баад̣̇аанам̣ анд̇арам̣ д̇ам̣ лзкам̣ гарод̇и, згзна баад̣̇зна ад̇иггамийд̇и ад̇т̇о. д̇ассаа г̇ад̇амаг̇г̇знаад̇и д̇ааяа д̣̇звияаа виваддамаанааяа наасид̇ааяа г̇ад̇амаг̇г̇зна. д̇ам̣ бана лзканд̇и буггусаад̇инаа гад̇алзкам̣. бан̣н̣ажчад̇д̇аганд̇и д̇аалабад̇д̇амудтим̣.
Dhāremīti icchāmi, gaṇhāmīti attho. Dvejjhavacananti dveḷhakabhāvo. Antaraṃ karotīti dvinnaṃ pādānaṃ antaraṃ taṃ lekhaṃ karoti, ekena pādena atikkamīti attho. Tassā gatamaggenāti tāya deviyā vivaṭṭamānāya nāsitāya gatamaggena. Taṃ pana lekhanti pukkusātinā katalekhaṃ. Paṇṇacchattakanti tālapattamuṭṭhiṃ.
сад̇т̇уг̇ааравзнаад̇и сад̇т̇ари уббаннабасаад̣̇абзмаб̣ахумаанасамбхавзна. д̇ад̣̇аа сад̇т̇аарам̣язва манаси гад̇ваа д̇анниннабхаавзна г̇ажчанд̇о, ‘‘бужчиссаамий’’д̇иби жид̇д̇ам̣ на уббаад̣̇зси, ‘‘зд̇т̇а ну ко сад̇т̇аа васад̇ий’’д̇и баривид̇аггассзва абхаавад̇о; рааж̇аг̇ахам̣ бана бад̇ваа ран̃н̃о бзсид̇асаасанавасзна д̇ад̇т̇а жа вихаарасса б̣ахубхаавад̇о сад̇т̇аа гахам̣ васад̇ийд̇и бужчи. сад̇т̇у згагассзва нигкаманам̣ бан̃жажад̇д̇аалийса яож̇анаани бад̣̇асаа г̇аманан̃жа д̇хаммабууж̇аавасзна гад̇анд̇и д̣̇адтаб̣б̣ам̣. д̇хаммабууж̇ааяа жа б̣уд̣̇д̇хаанам̣ аажин̣н̣абхааво хздтаа вид̇т̇аарид̇оязва. б̣уд̣̇д̇хасобхам̣ бана бадижчаад̣̇зд̇ваа ан̃н̃аад̇агавзсзна д̇ад̇т̇а г̇аманам̣ д̇асса гулабуд̇д̇асса виссад̇т̇авасзна маг̇г̇ад̣̇арат̇абадибассамбханад̇т̇ам̣. аббадибассад̣̇д̇хамаг̇г̇ад̣̇арат̇о хи д̇хаммад̣̇зсанааяа бхааж̇анам̣ на ход̇ийд̇и. д̇ат̇аахи вагкад̇и, ‘‘нану жа бхаг̇аваа’’д̇иаад̣̇и.
Satthugāravenāti satthari uppannapasādapemabahumānasambhavena. Tadā satthāraṃyeva manasi katvā tanninnabhāvena gacchanto, ‘‘pucchissāmī’’tipi cittaṃ na uppādesi, ‘‘ettha nu kho satthā vasatī’’ti parivitakkasseva abhāvato; rājagahaṃ pana patvā rañño pesitasāsanavasena tattha ca vihārassa bahubhāvato satthā kahaṃ vasatīti pucchi. Satthu ekakasseva nikkhamanaṃ pañcacattālīsa yojanāni padasā gamanañca dhammapūjāvasena katanti daṭṭhabbaṃ. Dhammapūjāya ca buddhānaṃ āciṇṇabhāvo heṭṭhā vitthāritoyeva. Buddhasobhaṃ pana paṭicchādetvā aññātakavesena tattha gamanaṃ tassa kulaputtassa vissatthavasena maggadarathapaṭipassambhanatthaṃ. Appaṭipassaddhamaggadaratho hi dhammadesanāya bhājanaṃ na hotīti. Tathāhi vakkhati, ‘‘nanu ca bhagavā’’tiādi.
уруд̣̇д̇ханд̇и висааланд̇и гзжи. ад̇ирзгад̇ияож̇анасад̇анд̇иаад̣̇инаа анваяад̇о б̣яад̇ирзгад̇о жа мажчзравинаяанз саб̣рахмажаарийнам̣ оваад̣̇ад̣̇аанам̣. ажжанд̇асукумаалод̇иаад̣̇инаа сад̇т̇у д̇хаммаг̇ааравзна сад̣̇д̇хим̣ гулабуд̇д̇ассаби д̇хаммаг̇ааравам̣ сам̣санд̣̇ад̇и самзд̇ийд̇и д̣̇ассзд̇и. д̇зна бхаг̇авад̇о гад̇асса бажжуг̇г̇аманасса таанаг̇ад̇абхаавам̣ вибхаавзнд̇о ан̃н̃зсамби бхаб̣б̣аруубаанам̣ гулабуд̇д̇аанам̣ яат̇аарахам̣ сан̇г̇ахо гаад̇аб̣б̣од̇и д̣̇ассзд̇и.
Uruddhanti visālanti keci. Atirekatiyojanasatantiādinā anvayato byatirekato ca maccheravinayane sabrahmacārīnaṃ ovādadānaṃ. Accantasukhumālotiādinā satthu dhammagāravena saddhiṃ kulaputtassapi dhammagāravaṃ saṃsandati sametīti dasseti. Tena bhagavato katassa paccuggamanassa ṭhānagatabhāvaṃ vibhāvento aññesampi bhabbarūpānaṃ kulaputtānaṃ yathārahaṃ saṅgaho kātabboti dasseti.
б̣рахмалогаббамаан̣анд̇и ужжабхаавзна. аанубхаавзнаад̇и ид̣̇д̇хаанубхаавзна яат̇аа со сод̇абат̇ам̣ на убаг̇ажчад̇и, звам̣ вуубасамзд̇ум̣ саггод̇и. авиб̣бханд̇анд̇и виб̣бхамарахид̇ам̣ ниллолуббам̣. ‘‘бхааванабум̣сагам̣ банзд̇а’’нд̇и вад̇ваа д̇асса виваран̣ад̇т̇ам̣, ‘‘баасаад̣̇игзна ирияаабат̇знаа’’д̇и вуд̇д̇ам̣. ид̇т̇амбхууд̇алагкан̣з зд̇ам̣ гаран̣аважанам̣ д̣̇адтаб̣б̣ам̣. д̇знааха ‘‘яат̇аа ирияад̇о’’д̇иаад̣̇и. аманаабо ход̇и бассанд̇аанам̣. сийхасзяяааяа нибаннассаби хи згажжз сарийрааваяаваа ад̇хокид̇д̇авигкид̇д̇аа вияа д̣̇иссанд̇и. гадияам̣ д̣̇виннам̣ уурусанд̇хийнам̣ д̣̇виннан̃жа ж̇аан̣усанд̇хийнам̣ васзна жад̇усанд̇хигабаллан̇гам̣. на бад̇идтаад̇ийд̇и наббавад̇д̇ад̇и, ‘‘гам̣си д̇ва’’нд̇иаад̣̇инаа абужчид̇з гат̇аабавад̇д̇и зва на ход̇и. аббад̇идтид̇ааяа гат̇ааяа на сан̃ж̇ааяад̇ийд̇и д̇ат̇аа бана бужчаавасзна гат̇ааяа аббавад̇д̇ид̇ааяа убари д̇хаммагат̇аа на сан̃ж̇ааяад̇и на уббаж̇ж̇ад̇и. ид̇ийд̇и д̇асмаа. гат̇аабад̇идтаабанад̇т̇ам̣ гат̇аабавад̇д̇анад̇т̇ам̣ гат̇аасамудтаабанад̇т̇ам̣ ваа бужчи.
Brahmalokappamāṇanti uccabhāvena. Ānubhāvenāti iddhānubhāvena yathā so sotapathaṃ na upagacchati, evaṃ vūpasametuṃ sakkoti. Avibbhantanti vibbhamarahitaṃ nilloluppaṃ. ‘‘Bhāvanapuṃsakaṃ paneta’’nti vatvā tassa vivaraṇatthaṃ, ‘‘pāsādikena iriyāpathenā’’ti vuttaṃ. Itthambhūtalakkhaṇe etaṃ karaṇavacanaṃ daṭṭhabbaṃ. Tenāha ‘‘yathā iriyato’’tiādi. Amanāpohoti passantānaṃ. Sīhaseyyāya nipannassapi hi ekacce sarīrāvayavā adhokhittavikkhittā viya dissanti. Kaṭiyaṃ dvinnaṃ ūrusandhīnaṃ dvinnañca jāṇusandhīnaṃ vasena catusandhikapallaṅkaṃ. Na patiṭṭhātīti nappavattati, ‘‘kaṃsi tva’’ntiādinā apucchite kathāpavatti eva na hoti. Appatiṭṭhitāya kathāya na sañjāyatīti tathā pana pucchāvasena kathāya appavattitāya upari dhammakathā na sañjāyati na uppajjati. Itīti tasmā. Kathāpatiṭṭhāpanatthaṃ kathāpavattanatthaṃ kathāsamuṭṭhāpanatthaṃ vā pucchi.
сабхаавамзва гат̇зд̇ийд̇и ад̇д̇ано бхаг̇авад̇о ад̣̇идтабуб̣б̣ад̇д̇аа ‘‘ад̣̇идтабуб̣б̣агам̣ гат̇амахам̣ ж̇аанзяяа’’нд̇и сабхаавамзва гзвалам̣ ад̇д̇ано аж̇жхаасаяамзва гат̇зд̇и; на бана сад̣̇звагасса логасса субаагадам̣ сабхаавасид̣̇д̇хам̣ б̣уд̣̇д̇харуубагааяасабхаавам̣. ат̇а ваа сабхаавамзва гат̇зд̇ийд̇и ‘‘ид̣̇амзва’’нд̇и ж̇аананд̇оби д̇ад̣̇аа бхаг̇авад̇о ружияаа д̇ат̇аабавад̇д̇амаанам̣ руубагааяасабхаавамзва гат̇зд̇и аббавигкамбханд̇и ад̇хиббааяо. д̇знааха – ‘‘д̇ат̇аа хи на’’нд̇иаад̣̇и, вибассанаалагкан̣амзва бадибад̣̇анд̇и ад̇хиббааяо.
Sabhāvamevakathetīti attano bhagavato adiṭṭhapubbattā ‘‘adiṭṭhapubbakaṃ kathamahaṃ jāneyya’’nti sabhāvameva kevalaṃ attano ajjhāsayameva katheti; na pana sadevakassa lokassa supākaṭaṃ sabhāvasiddhaṃ buddharūpakāyasabhāvaṃ. Atha vā sabhāvameva kathetīti ‘‘idameva’’nti jānantopi tadā bhagavato ruciyā tathāpavattamānaṃ rūpakāyasabhāvameva katheti appavikkhambhanti adhippāyo. Tenāha – ‘‘tathā hi na’’ntiādi, vipassanālakkhaṇameva paṭipadanti adhippāyo.
343. ‘‘буб̣б̣абхааг̇абадибад̣̇ам̣ агат̇зд̇ваа’’д̇и вад̇ваа буб̣б̣абхааг̇абадибад̣̇ааяа агат̇анз гааран̣ам̣ буб̣б̣абхааг̇абадибад̣̇ан̃жа саруубад̇о д̣̇ассзд̇ум̣, ‘‘яасса хий’’д̇иаад̣̇и вуд̇д̇ам̣. абарисуд̣̇д̇хааяаби буб̣б̣абхааг̇абадибад̣̇ааяа вибассанаа д̇ат̇аа на гижжагаарий, баг̇зва авиж̇ж̇амаанааяаад̇и, ‘‘яасса хи…бз… абарисуд̣̇д̇хаа ход̇и’’жжзва вуд̇д̇ам̣. буб̣б̣абхааг̇абадибад̣̇аа жа наама сан̇кзбад̇о баннараса жаран̣ад̇хаммаад̇и ааха – ‘‘сийласам̣варам̣…бз… имам̣ буб̣б̣абхааг̇абадибад̣̇ам̣ аажигкад̇ий’’д̇и. яаанагижжам̣ саад̇хзд̇и маг̇г̇аг̇аманзна агиланд̇абхаавасаад̇ханад̇д̇аа. жирагаалам̣ барибхаавид̇ааяа барибаггаг̇ад̇ааяа хзд̇усамбад̣̇ааяа убадтаабид̇ам̣ сааман̣зрасийламби барибун̣н̣ам̣ акан̣д̣аад̣̇ибхааваббад̇д̇ияаа, яам̣ буб̣б̣ахзд̇уд̇д̇аа ‘‘сийла’’нд̇и вужжад̇и.
343.‘‘Pubbabhāgapaṭipadaṃ akathetvā’’ti vatvā pubbabhāgapaṭipadāya akathane kāraṇaṃ pubbabhāgapaṭipadañca sarūpato dassetuṃ, ‘‘yassa hī’’tiādi vuttaṃ. Aparisuddhāyapi pubbabhāgapaṭipadāya vipassanā tathā na kiccakārī, pageva avijjamānāyāti, ‘‘yassa hi…pe… aparisuddhā hoti’’cceva vuttaṃ. Pubbabhāgapaṭipadā ca nāma saṅkhepato pannarasa caraṇadhammāti āha – ‘‘sīlasaṃvaraṃ…pe… imaṃ pubbabhāgapaṭipadaṃ ācikkhatī’’ti. Yānakiccaṃ sādheti maggagamanena akilantabhāvasādhanattā. Cirakālaṃ paribhāvitāya paripakkagatāya hetusampadāya upaṭṭhāpitaṃ sāmaṇerasīlampi paripuṇṇaṃ akhaṇḍādibhāvappattiyā, yaṃ pubbahetuttā ‘‘sīla’’nti vuccati.
д̇хаад̇уяо барамад̇т̇ад̇о виж̇ж̇амаанаа, бан̃н̃ад̇д̇имад̇т̇о бурисо авиж̇ж̇амаано. ат̇а гасмаа бхаг̇аваа арахад̇д̇асса бад̣̇адтаанабхууд̇ам̣ вибассанам̣ гат̇знд̇о ‘‘чад̇хаад̇уро’’д̇и авиж̇ж̇амаанаббад̇хаанам̣ д̣̇зсанам̣ аарабхийд̇и ааха – ‘‘бхаг̇аваа хий’’д̇иаад̣̇и. гад̇т̇ажи ‘‘д̇звиж̇ж̇о чал̣абхин̃н̃о’’д̇иаад̣̇ийсу виж̇ж̇амаанзна авиж̇ж̇амаанам̣ д̣̇ассзд̇и. гад̇т̇ажи – ‘‘ид̇т̇ируубам̣, бхигкавз, бурисасса жид̇д̇ам̣ барияаад̣̇ааяа д̇идтад̇ий’’д̇иаад̣̇ийсу (а. ни. 1.1) авиж̇ж̇амаанзна виж̇ж̇амаанам̣ д̣̇ассзд̇и. гад̇т̇ажи ‘‘жагкувин̃н̃аан̣ам̣ сод̇авин̃н̃аан̣а’’нд̇иаад̣̇ийсу (вибха. 121) виж̇ж̇амаанзна виж̇ж̇амаанам̣ д̣̇ассзд̇и. гад̇т̇ажи – ‘‘кад̇д̇ияагумааро б̣раахман̣аган̃н̃ааяа сад̣̇д̇хим̣ сам̣ваасам̣ габбзд̇ий’’д̇иаад̣̇ийсу (д̣̇ий. ни. 1.275) авиж̇ж̇амаанзна авиж̇ж̇амаанам̣ д̣̇ассзд̇и. ид̇ха бана виж̇ж̇амаанзна авиж̇ж̇амаанам̣ д̣̇ассзд̇и. ‘‘чад̇хаад̇уро’’д̇и хи самаасад̇т̇о авиж̇ж̇амаано буг̇г̇алависаяад̇д̇аа, д̇асса бад̣̇асса аваяавад̇т̇о бана аббад̇хаанад̇т̇о виж̇ж̇амаано, со сад̣̇д̣̇аггамзна аббад̇хааноби ад̇т̇аггамзна бад̇хаанод̇и ааха – ‘‘виж̇ж̇амаанзна авиж̇ж̇амаанам̣ д̣̇ассзнд̇о’’д̇и. буг̇г̇алаад̇хидтаанааязд̇т̇а д̣̇зсанааяа гааран̣ам̣ д̣̇ассзд̇ум̣, ‘‘сажз хий’’д̇иаад̣̇и вуд̇д̇ам̣. убадтаабзяяаад̇и – ‘‘д̇хаад̇уяо’’ижжзва гулабуд̇д̇асса жид̇д̇ам̣ нивзсзяяа д̇ат̇аа сан̃ж̇аанзяяа, звам̣ д̇хаммам̣ д̣̇зсзяяаад̇и ад̇т̇о. санд̣̇зхам̣ гарзяяаад̇и асад̇и бурисз го гарод̇и? го бадисам̣взд̣̇зд̇и, д̇хаад̇уяо зваад̇и гим̣ ну ко ид̣̇ам̣, гат̇ам̣ ну ко ид̣̇анд̇и сам̣саяам̣ уббаад̣̇зяяа? саммохам̣ аабаж̇ж̇зяяаад̇и жад̇уран̇г̇асаманнааг̇ад̇з анд̇хагаарз вад̇д̇амаанам̣ вияа д̣̇зсияамаанз ад̇т̇з саммохам̣ аабаж̇ж̇зяяа . д̇ат̇аабхууд̇о жа д̣̇зсанааяа абхааж̇анабхууд̇ад̇д̇аа д̣̇зсанам̣ самбадижчид̇ум̣ на саггун̣зяяа. звамаахаад̇и звам̣ ‘‘чад̇хаад̇уро’’д̇и ааха.
Dhātuyo paramatthato vijjamānā, paññattimattho puriso avijjamāno. Atha kasmā bhagavā arahattassa padaṭṭhānabhūtaṃ vipassanaṃ kathento ‘‘chadhāturo’’ti avijjamānappadhānaṃ desanaṃ ārabhīti āha – ‘‘bhagavā hī’’tiādi. Katthaci ‘‘tevijjo chaḷabhiñño’’tiādīsu vijjamānena avijjamānaṃ dasseti. Katthaci – ‘‘itthirūpaṃ, bhikkhave, purisassa cittaṃ pariyādāya tiṭṭhatī’’tiādīsu (a. ni. 1.1) avijjamānena vijjamānaṃ dasseti. Katthaci ‘‘cakkhuviññāṇaṃ sotaviññāṇa’’ntiādīsu (vibha. 121) vijjamānena vijjamānaṃ dasseti. Katthaci – ‘‘khattiyakumāro brāhmaṇakaññāya saddhiṃ saṃvāsaṃ kappetī’’tiādīsu (dī. ni. 1.275) avijjamānena avijjamānaṃ dasseti. Idha pana vijjamānena avijjamānaṃ dasseti. ‘‘Chadhāturo’’ti hi samāsattho avijjamāno puggalavisayattā, tassa padassa avayavattho pana appadhānattho vijjamāno, so saddakkamena appadhānopi atthakkamena padhānoti āha – ‘‘vijjamānena avijjamānaṃ dassento’’ti. Puggalādhiṭṭhānāyettha desanāya kāraṇaṃ dassetuṃ, ‘‘sace hī’’tiādi vuttaṃ. Upaṭṭhāpeyyāti – ‘‘dhātuyo’’icceva kulaputtassa cittaṃ niveseyya tathā sañjāneyya, evaṃ dhammaṃ deseyyāti attho. Sandehaṃ kareyyāti asati purise ko karoti? Ko paṭisaṃvedeti, dhātuyo evāti kiṃ nu kho idaṃ, kathaṃ nu kho idanti saṃsayaṃ uppādeyya? Sammohaṃ āpajjeyyāti caturaṅgasamannāgate andhakāre vattamānaṃ viya desiyamāne atthe sammohaṃ āpajjeyya . Tathābhūto ca desanāya abhājanabhūtattā desanaṃ sampaṭicchituṃ na sakkuṇeyya. Evamāhāti evaṃ ‘‘chadhāturo’’ti āha.
яам̣ д̇вам̣ бурисод̇и сан̃ж̇аанаасийд̇и яам̣ руубааруубад̇хаммасамуухам̣ баб̣анд̇хавасзна бавад̇д̇амаанам̣ ад̇хидтаанависзсависидтам̣ – ‘‘бурисо сад̇д̇о ид̇т̇ий’’д̇иаад̣̇инаа д̇вам̣ сан̃ж̇аанааси, со чад̇хаад̇уро. санд̇зсуби чад̇хаад̇увинимуд̇д̇зсу д̇хаад̇ванд̇арзсу сукааваг̇г̇ахан̣ад̇т̇ам̣ д̇ат̇аа вуд̇д̇ам̣ д̇аг̇г̇ахан̣знзва жа д̇зсам̣ г̇ахзд̇аб̣б̣ад̇о, свааяамад̇т̇о хздтаа д̣̇ассид̇о зва. сзсабад̣̇зсууд̇и ‘‘чапассааяад̇ано’’д̇иаад̣̇ибад̣̇зсуби. жад̇д̇аари ад̇хидтаанаани жад̇ассо бад̇идтаа зд̇ассаад̇и жад̇ураад̇хидтаано, ад̇хид̇идтад̇и бад̇идтахад̇и зд̇знаад̇и ад̇хидтаанам̣, язсу бад̇идтааяа уд̇д̇амад̇т̇ам̣ арахад̇д̇ам̣ ад̇хиг̇ажчад̇и, д̇зсам̣ бан̃н̃аад̣̇ийнам̣ зд̇ам̣ ад̇хиважанам̣. д̇знааха ‘‘свааяам̣ бхигкуу’’д̇иаад̣̇и. зд̇д̇од̇и ваддад̇о. виваддид̇ваад̇и виниваддид̇ваа абасаггид̇ваа. зд̇д̇од̇и ваа зд̇зхи чад̇хаад̇уаад̣̇ийхи. зд̇т̇а хи нивидтасса ааяад̇д̇асса уд̇д̇амааяа сид̣̇д̇хияаа асамбхавод̇и. бад̇идтид̇анд̇и арияамаг̇г̇аад̇хиг̇амавасзна суббад̇идтид̇ам̣. зван̃хи саб̣б̣асо бадибагкасамужчинд̣̇анзна д̇ад̇т̇а бад̇идтид̇о ход̇и. ман̃н̃ассаваа наббавад̇д̇анд̇ийд̇и чахиби д̣̇ваарзхи бавад̇д̇амаанасод̇ааяа маг̇г̇зна висосид̇ааяа саб̣б̣асо виг̇ад̇ааяа саб̣б̣асо вижчзд̣̇аббад̇д̇ияаа на санд̣̇анд̇и. д̇знааха ‘‘наббавад̇д̇анд̇ий’’д̇и. яасмаа маанз саб̣б̣асо самужчиннз асамужчинно анубасанд̇о гилзсо наама над̇т̇и, д̇асмаа ааха – ‘‘муни санд̇од̇и вужжад̇ий’’д̇и рааг̇аг̇г̇иаад̣̇ийнам̣ ниб̣б̣аанзна ниб̣б̣уд̇о.
Yaṃ tvaṃ purisoti sañjānāsīti yaṃ rūpārūpadhammasamūhaṃ pabandhavasena pavattamānaṃ adhiṭṭhānavisesavisiṭṭhaṃ – ‘‘puriso satto itthī’’tiādinā tvaṃ sañjānāsi, so chadhāturo. Santesupi chadhātuvinimuttesu dhātvantaresu sukhāvaggahaṇatthaṃ tathā vuttaṃ taggahaṇeneva ca tesaṃ gahetabbato, svāyamattho heṭṭhā dassito eva. Sesapadesūti ‘‘chaphassāyatano’’tiādipadesupi. Cattāri adhiṭṭhānāni catasso patiṭṭhā etassāti caturādhiṭṭhāno, adhitiṭṭhati patiṭṭhahati etenāti adhiṭṭhānaṃ, yesu patiṭṭhāya uttamatthaṃ arahattaṃ adhigacchati, tesaṃ paññādīnaṃ etaṃ adhivacanaṃ. Tenāha ‘‘svāyaṃ bhikkhū’’tiādi. Ettoti vaṭṭato. Vivaṭṭitvāti vinivaṭṭitvā apasakkitvā. Ettoti vā etehi chadhātuādīhi. Ettha hi niviṭṭhassa āyattassa uttamāya siddhiyā asambhavoti. Patiṭṭhitanti ariyamaggādhigamavasena suppatiṭṭhitaṃ. Evañhi sabbaso paṭipakkhasamucchindanena tattha patiṭṭhito hoti. Maññassavā nappavattantīti chahipi dvārehi pavattamānasotāya maggena visositāya sabbaso vigatāya sabbaso vicchedappattiyā na sandanti. Tenāha ‘‘nappavattantī’’ti. Yasmā māne sabbaso samucchinne asamucchinno anupasanto kileso nāma natthi, tasmā āha – ‘‘muni santoti vuccatī’’ti rāgaggiādīnaṃ nibbānena nibbuto.
бан̃н̃ам̣ наббамаж̇ж̇зяяаад̇и, ‘‘д̣̇ивасам̣ жан̇гамзна нисаж̇ж̇ааяа ааваран̣ийязхи д̇хаммзхи жид̇д̇ам̣ барисод̇хзд̇ий’’д̇иаад̣̇инаяаббавад̇д̇ааяа (ма. ни. 1.423; 2.24; 3.75; сам̣. ни. 4.120; а. ни. 3.15; вибха. 519; махаани. 161) аббамаад̣̇аббадибад̇д̇ияаа самаад̇хивибассанаабан̃н̃ам̣ наббамаж̇ж̇зяяа. зд̇зна буб̣б̣абхааг̇ияам̣ самат̇авибассанаабхааванамааха. сажжаманурагкзяяаад̇и сажжаанурагканаабад̣̇зсзна сийлависод̇ханамааха; сажжз тид̇о самаад̣̇иннасийлам̣ авигобзд̇ваа барибуурзнд̇о самаад̇хисам̣вад̇д̇анияад̇ам̣ гарод̇и. д̇знааха ‘‘важийсажжам̣ рагкзяяаа’’д̇и. гилзсабарижжааг̇ам̣ б̣руухзяяаад̇и д̇ад̣̇ан̇г̇аад̣̇ивасзна гилзсаанам̣ барижжаж̇анавид̇хим̣ вад̣дхзяяа. гилзсавуубасаманам̣ сигкзяяаад̇и яат̇аа д̇з гилзсаа д̇ад̣̇ан̇г̇аад̣̇ивасзна барижжад̇д̇аа яат̇аасамуд̣̇аажаараббавад̇д̇ияаа санд̇аанз барил̣аахам̣ на ж̇анзнд̇и; звам̣ гилзсаанам̣ вуубасаманавид̇хим̣ сигкзяяа бан̃н̃аад̇хидтаанаад̣̇ийнанд̇и логуд̇д̇араанам̣ бан̃н̃аад̇хидтаанаад̣̇ийнам̣. ад̇хиг̇амад̇т̇ааяаад̇и бадилаабхад̇т̇ааяа.
Paññaṃ nappamajjeyyāti, ‘‘divasaṃ caṅkamena nisajjāya āvaraṇīyehi dhammehi cittaṃ parisodhetī’’tiādinayappavattāya (ma. ni. 1.423; 2.24; 3.75; saṃ. ni. 4.120; a. ni. 3.15; vibha. 519; mahāni. 161) appamādappaṭipattiyā samādhivipassanāpaññaṃ nappamajjeyya. Etena pubbabhāgiyaṃ samathavipassanābhāvanamāha. Saccamanurakkheyyāti saccānurakkhanāpadesena sīlavisodhanamāha; sacce ṭhito samādinnasīlaṃ avikopetvā paripūrento samādhisaṃvattaniyataṃ karoti. Tenāha ‘‘vacīsaccaṃ rakkheyyā’’ti. Kilesapariccāgaṃ brūheyyāti tadaṅgādivasena kilesānaṃ pariccajanavidhiṃ vaḍḍheyya. Kilesavūpasamanaṃ sikkheyyāti yathā te kilesā tadaṅgādivasena pariccattā yathāsamudācārappavattiyā santāne pariḷāhaṃ na janenti; evaṃ kilesānaṃ vūpasamanavidhiṃ sikkheyya paññādhiṭṭhānādīnanti lokuttarānaṃ paññādhiṭṭhānādīnaṃ. Adhigamatthāyāti paṭilābhatthāya.
347. буб̣б̣з вуд̇д̇аананд̇и, ‘‘жад̇ураад̇хидтаано, яад̇т̇а тид̇ам̣ ман̃н̃ассаваа наббавад̇д̇анд̇ий’’д̇и (ма. ни. 3.343) звам̣ буб̣б̣з вуд̇д̇аанам̣.
347.Pubbevuttānanti, ‘‘caturādhiṭṭhāno, yattha ṭhitaṃ maññassavā nappavattantī’’ti (ma. ni. 3.343) evaṃ pubbe vuttānaṃ.
348. вад̇д̇аб̣б̣ам̣ бхавзяяаад̇и нид̣̇д̣̇зсавасзна вад̇д̇аб̣б̣ам̣ бхавзяяа. аад̣̇ийхийд̇и звамаад̣̇ийхи. гижжам̣ над̇т̇и гижжаабхаавад̇о. уббадибаадид̇хаад̇уганд̇и аяат̇аанубуб̣б̣игам̣. яат̇аад̇хаммавасзнзваад̇и д̣̇зсзд̇аб̣б̣ад̇хаммаанам̣ яат̇аасабхаавзнзва. саббааяам̣ д̇худ̇ан̇г̇анд̇и ад̇д̇ано гилзсаниг̇г̇ан̣ханаяог̇г̇ам̣ д̇худ̇ан̇г̇ам̣. жид̇д̇аружид̇анд̇и ад̇д̇ано жид̇д̇абагад̇ияаа аажариязхи вирожзд̇аб̣б̣ам̣, жарияаанугууланд̇и ад̇т̇о. хад̇т̇ибад̣̇обамасуд̇д̇аад̣̇ийсууд̇и аад̣̇и-сад̣̇д̣̇зна висуд̣̇д̇химаг̇г̇ад̇хаад̇увибхан̇г̇аад̣̇им̣ сан̇г̇ан̣хаад̇и.
348.Vattabbaṃ bhaveyyāti niddesavasena vattabbaṃ bhaveyya. Ādīhīti evamādīhi. Kiccaṃ natthi kiccābhāvato. Uppaṭipāṭidhātukanti ayathānupubbikaṃ. Yathādhammavasenevāti desetabbadhammānaṃ yathāsabhāveneva. Sappāyaṃ dhutaṅganti attano kilesaniggaṇhanayoggaṃ dhutaṅgaṃ. Cittarucitanti attano cittapakatiyā ācariyehi virocetabbaṃ, cariyānukūlanti attho. Hatthipadopamasuttādīsūti ādi-saddena visuddhimaggadhātuvibhaṅgādiṃ saṅgaṇhāti.
354. аяамбзд̇т̇аад̇и би-сад̣̇д̣̇о самбин̣д̣анад̇т̇о. д̇зна ‘‘ат̇аабарам̣ убзгкааязва авасиссад̇ий’’д̇и убарид̣̇зсанам̣ самбин̣д̣зд̇и. соби хи баадиязгго анусанд̇хийд̇и. нану жааяам̣ яат̇аауд̣̇д̣̇идтааяа вин̃н̃аан̣ад̇хаад̇уяаа нид̣̇д̣̇зсоби бхависсад̇ийд̇и яат̇аанусанд̇хинаяо виж̇ж̇ад̇ийд̇и? на, вин̃н̃аан̣ад̇хаад̇унид̣̇д̣̇зсанаязна д̣̇зсанааяа аббавад̇д̇ад̇д̇аа д̇знааха ‘‘хздтад̇о’’д̇иаад̣̇и. яам̣ ваа банаад̇иаад̣̇инаа бана д̣̇зсанааяа саанусанд̇хид̇ам̣ вибхаавзд̇и. на хи б̣уд̣̇д̇хаа бхаг̇аванд̇о ананусанд̇хигам̣ д̣̇зсанам̣ д̣̇зсзнд̇и. ааг̇аманийяавибассанаавасзнаад̇и яассаа буб̣б̣з бавад̇д̇ад̇д̇аа ааг̇аманийяадтаанз тид̇аа вибассанаа, д̇ассаа васзна. гаммагаарагавин̃н̃аан̣анд̇и ‘‘нзд̇ам̣ мама нзсохамасми, на мзсо ад̇д̇аа’’д̇и звам̣ вибассанаагижжагаарагам̣ вибассанаасахид̇ам̣ вин̃н̃аан̣ам̣. вин̃н̃аан̣ад̇хаад̇увасзнаад̇и яат̇аауд̣̇д̣̇идтааяа вин̃н̃аан̣ад̇хаад̇уяаа бхааж̇анавасзна. сад̇т̇у гат̇анад̇т̇ааяаад̇и сад̇т̇аараа уд̣̇д̣̇зсамзва гад̇ваа табид̇ад̇д̇аа нид̣̇д̣̇зсавасзна гат̇анад̇т̇ааяа. агат̇ид̇абхааво зва хисса авасидтад̇аа гат̇анад̇т̇ааяа бадивиж̇жханад̇т̇ааяа жа. бадибагкавиг̇амзна д̇асса жид̇д̇асса барисуд̣̇д̇хад̇аад̇и ааха ‘‘нирубаггилзса’’нд̇и. убаггилзсаанам̣ бана бахийнабхаавад̇о барияод̣̇аад̇ам̣. самуд̣̇аяавасзна уд̣̇аяад̣̇ассанад̇т̇ан̃жзва бажжаяанирод̇хавасзна ад̇т̇ан̇г̇амад̣̇ассанад̇т̇ан̃жа. гааран̣абхаавзна сукааяа взд̣̇анааяа хид̇анд̇и сукавзд̣̇анияам̣. д̇знааха ‘‘сукавзд̣̇анааяа бажжаяабхууд̇а’’нд̇и.
354.Ayampetthāti pi-saddo sampiṇḍanattho. Tena ‘‘athāparaṃ upekkhāyeva avasissatī’’ti uparidesanaṃ sampiṇḍeti. Sopi hi pāṭiyekko anusandhīti. Nanu cāyaṃ yathāuddiṭṭhāya viññāṇadhātuyā niddesopi bhavissatīti yathānusandhinayo vijjatīti? Na, viññāṇadhātuniddesanayena desanāya appavattattā tenāha ‘‘heṭṭhato’’tiādi. Yaṃ vā panātiādinā pana desanāya sānusandhitaṃ vibhāveti. Na hi buddhā bhagavanto ananusandhikaṃ desanaṃ desenti. Āgamanīyavipassanāvasenāti yassā pubbe pavattattā āgamanīyaṭṭhāne ṭhitā vipassanā, tassā vasena. Kammakārakaviññāṇanti ‘‘netaṃ mama nesohamasmi, na meso attā’’ti evaṃ vipassanākiccakārakaṃ vipassanāsahitaṃ viññāṇaṃ. Viññāṇadhātuvasenāti yathāuddiṭṭhāya viññāṇadhātuyā bhājanavasena. Satthu kathanatthāyāti satthārā uddesameva katvā ṭhapitattā niddesavasena kathanatthāya. Akathitabhāvo eva hissa avasiṭṭhatā kathanatthāya paṭivijjhanatthāya ca. Paṭipakkhavigamena tassa cittassa parisuddhatāti āha ‘‘nirupakkilesa’’nti. Upakkilesānaṃ pana pahīnabhāvato pariyodātaṃ. Samudayavasena udayadassanatthañceva paccayanirodhavasena atthaṅgamadassanatthañca. Kāraṇabhāvena sukhāya vedanāya hitanti sukhavedaniyaṃ. Tenāha ‘‘sukhavedanāya paccayabhūta’’nti.
360. руубагаммадтаанамби жад̇уд̇хаад̇увавад̇т̇аанавасзна, аруубагаммадтаанамби сукад̣̇угкавзд̣̇анаамукзна баг̇ун̣ам̣ ж̇аад̇ам̣.
360.Rūpakammaṭṭhānampi catudhātuvavatthānavasena, arūpakammaṭṭhānampi sukhadukkhavedanāmukhena paguṇaṃ jātaṃ.
сад̇т̇у гат̇анад̇т̇ам̣язва авасиссад̇ийд̇и, ‘‘гулабуд̇д̇асса бадивиж̇жханад̇т̇а’’нд̇и вуд̇д̇амзвад̇т̇ам̣ нисзд̇хзд̇и, д̇асмаа вуд̇д̇амзвад̇т̇ам̣ самад̇т̇зд̇ум̣, ‘‘имасмим̣ хий’’д̇иаад̣̇и вуд̇д̇ам̣. гулабуд̇д̇асса руубааважараж̇жхаанзд̇и гулабуд̇д̇зна ад̇хиг̇ад̇аруубааважараж̇жхаанз. д̇знааха – ‘‘бхигку баг̇ун̣ам̣ д̇ава ид̣̇ам̣ руубааважаражад̇уд̇т̇аж̇жхаана’’нд̇и. яам̣ гин̃жи суван̣н̣ад̇аабанаяог̇яам̣ ан̇г̇аарабхааж̇анам̣ ид̇ха ‘‘уггаа’’д̇и ад̇хиббзд̇анд̇и ааха ‘‘ан̇г̇аарагабалла’’нд̇и. саж̇ж̇зяяаад̇и яат̇аа д̇ад̇т̇а багкид̇д̇асуван̣н̣ан̃жа д̇аббад̇и, звам̣ бадияаад̣̇иязяяа. нийхадад̣̇осанд̇и виг̇ад̇ийбхууд̇агаал̣агам̣. абанийд̇агасааванд̇и абаг̇ад̇асукумагаал̣агам̣.
Satthu kathanatthaṃyeva avasissatīti, ‘‘kulaputtassa paṭivijjhanattha’’nti vuttamevatthaṃ nisedheti, tasmā vuttamevatthaṃ samatthetuṃ, ‘‘imasmiṃ hī’’tiādi vuttaṃ. Kulaputtassa rūpāvacarajjhāneti kulaputtena adhigatarūpāvacarajjhāne. Tenāha – ‘‘bhikkhu paguṇaṃ tava idaṃ rūpāvacaracatutthajjhāna’’nti. Yaṃ kiñci suvaṇṇatāpanayogyaṃ aṅgārabhājanaṃ idha ‘‘ukkā’’ti adhippetanti āha ‘‘aṅgārakapalla’’nti. Sajjeyyāti yathā tattha pakkhittasuvaṇṇañca tappati, evaṃ paṭiyādiyeyya. Nīhaṭadosanti vigatībhūtakāḷakaṃ. Apanītakasāvanti apagatasukhumakāḷakaṃ.
арияамаг̇г̇з бад̇идтаабзд̇угаамзна наама саб̣б̣асмимби логияад̇хаммз вираж̇ж̇анад̇т̇ааяа д̇хаммо гат̇зд̇аб̣б̣од̇и ад̇хиббааязна, ‘‘гасмаа банаа’’д̇иаад̣̇инаа жод̣̇анаа гад̇аа. винзяяад̣̇аманагусалзна бхаг̇авад̇аа взнзяяаж̇жхаасаяавасзна д̇аава жад̇уд̇т̇аж̇жхаанубзгкааяа ван̣н̣о гат̇ид̇од̇и д̇асса барихаарам̣ вад̣̇анд̇о, ‘‘гулабуд̇д̇ассаа’’д̇иаад̣̇имааха.
Ariyamagge patiṭṭhāpetukāmena nāma sabbasmimpi lokiyadhamme virajjanatthāya dhammo kathetabboti adhippāyena, ‘‘kasmā panā’’tiādinā codanā katā. Vineyyadamanakusalena bhagavatā veneyyajjhāsayavasena tāva catutthajjhānupekkhāya vaṇṇo kathitoti tassa parihāraṃ vadanto, ‘‘kulaputtassā’’tiādimāha.
361. д̇ад̣̇ануд̇хамманд̇и д̇асса аруубааважарасса гусаласса ануруубад̇хаммам̣, яааяа бадибад̣̇ааяа д̇асса ад̇хиг̇амо ход̇и, д̇асса буб̣б̣абхааг̇абадибад̣̇анд̇и ад̇т̇о. д̇знааха ‘‘руубааважараж̇жхаана’’нд̇и. д̇аг̇г̇ахан̣аад̇и д̇асса г̇ахан̣зна д̇ассаа бадибад̇д̇ияаа бадибаж̇ж̇амаанзна. ид̇о уд̇д̇аринд̇и ‘‘вин̃н̃аан̣ан̃жааяад̇ана’’нд̇иаад̣̇ийсу.
361.Tadanudhammanti tassa arūpāvacarassa kusalassa anurūpadhammaṃ, yāya paṭipadāya tassa adhigamo hoti, tassa pubbabhāgapaṭipadanti attho. Tenāha ‘‘rūpāvacarajjhāna’’nti. Taggahaṇāti tassa gahaṇena tassā paṭipattiyā paṭipajjamānena. Ito uttarinti ‘‘viññāṇañcāyatana’’ntiādīsu.
362. д̇ассзваад̇и аруубааважараж̇жхаанасса. зд̇ам̣ бана савибаагам̣ аруубааважараж̇жхаанам̣ самзжжа самбхуяяа бажжаязхи гад̇ад̇д̇аа сан̇кад̇ам̣. багаббид̇анд̇и бажжаяавасзна савихид̇ам̣. ааяуухид̇анд̇и самбин̣д̣ид̇ам̣. гаронд̇зна гарийяад̇ийд̇и бадибаж̇ж̇анагзна бадибаж̇ж̇ийяад̇и сан̇карийяад̇и. ниб̣б̣аанам̣ вияа на нижжам̣ на сассад̇ам̣. ат̇а ко кан̣з кан̣з бхиж̇ж̇анасабхаавад̇ааяа д̇аавагаалигам̣. д̇ад̇о зва жаванаад̣̇исабхааванд̇и саб̣б̣амзд̇ам̣ руубааважарад̇хаммзсу аад̣̇ийнававибхааванам̣. д̣̇угкз бад̇идтид̇анд̇и сан̇каарад̣̇угкз бад̇идтид̇ам̣. ад̇аан̣анд̇и жаванасабхааваад̣̇ид̇ааяа д̇аан̣арахид̇ам̣. алзн̣анд̇и д̇ад̇о арагкад̇д̇аа лийяанадтаанарахид̇ам̣. асаран̣анд̇и аббадисаран̣ам̣. асаран̣ийбхууд̇анд̇и саб̣б̣агааламби аббадисаран̣ам̣.
362.Tassevāti arūpāvacarajjhānassa. Etaṃ pana savipākaṃ arūpāvacarajjhānaṃ samecca sambhuyya paccayehi katattā saṅkhataṃ. Pakappitanti paccayavasena savihitaṃ. Āyūhitanti sampiṇḍitaṃ. Karontena karīyatīti paṭipajjanakena paṭipajjīyati saṅkharīyati. Nibbānaṃ viya na niccaṃ na sassataṃ. Atha kho khaṇe khaṇe bhijjanasabhāvatāya tāvakālikaṃ. Tato eva cavanādisabhāvanti sabbametaṃ rūpāvacaradhammesu ādīnavavibhāvanaṃ. Dukkhe patiṭṭhitanti saṅkhāradukkhe patiṭṭhitaṃ. Atāṇanti cavanasabhāvāditāya tāṇarahitaṃ. Aleṇanti tato arakkhattā līyanaṭṭhānarahitaṃ. Asaraṇanti appaṭisaraṇaṃ. Asaraṇībhūtanti sabbakālampi appaṭisaraṇaṃ.
самад̇д̇абад̇д̇ависз канд̇хаад̣̇ийсу г̇ахид̇з д̣̇уд̇д̇игижчаа сияаад̇и, ‘‘канд̇хам̣ ваа сийсам̣ ваа г̇ахзд̇ум̣ ад̣̇ад̇ваа’’д̇и вуд̇д̇ам̣. звамзваад̇и зд̇т̇ааяам̣ убамаасам̣санд̣̇анаа – чзго бхисагго вияа саммаасамб̣уд̣̇д̇хо. висавигааро вияа гилзсад̣̇угкаануб̣анд̇хо, бхисаггасса висам̣ таанад̇о жаавзд̇ваа убари ааробанам̣ вияа бхаг̇авад̇о д̣̇зсанаанубхаавзна гулабуд̇д̇асса гаамабхавз ниганд̇им̣ барияаад̣̇ааяа аруубаж̇жхаанз бхаванам̣. бхисаггасса висам̣ од̇аарзд̇ваа бат̇авияам̣ баад̇анам̣ вияа гулабуд̇д̇асса орамбхааг̇ияагилзсад̣̇угкаабанаяанам̣.
Samattapattavise khandhādīsu gahite duttikicchā siyāti, ‘‘khandhaṃ vā sīsaṃ vā gahetuṃ adatvā’’ti vuttaṃ. Evamevāti etthāyaṃ upamāsaṃsandanā – cheko bhisakko viya sammāsambuddho. Visavikāro viya kilesadukkhānubandho, bhisakkassa visaṃ ṭhānato cāvetvā upari āropanaṃ viya bhagavato desanānubhāvena kulaputtassa kāmabhave nikantiṃ pariyādāya arūpajjhāne bhavanaṃ. Bhisakkassa visaṃ otāretvā pathaviyaṃ pātanaṃ viya kulaputtassa orambhāgiyakilesadukkhāpanayanaṃ.
асамбад̇д̇ассаад̇и аруубааважараж̇жхаанам̣ анад̇хиг̇ад̇асса. аббадилад̣̇д̇хассзваад̇и д̇асса взважанам̣. саб̣б̣амзд̇анд̇и ‘‘анижжам̣ ад̇хува’’нд̇иаад̣̇инаа вид̇т̇аарад̇о вуд̇д̇ам̣ саб̣б̣амзд̇ам̣ аад̣̇ийнавам̣. згабад̣̇знзва ‘‘сан̇кад̇амзд̇а’’нд̇и гат̇зси сан̇кад̇абад̣̇знзва д̇асса ад̇т̇асса анавасзсад̇о барияаад̣̇иннад̇д̇аа.
Asampattassāti arūpāvacarajjhānaṃ anadhigatassa. Appaṭiladdhassevāti tassa vevacanaṃ. Sabbametanti ‘‘aniccaṃ adhuva’’ntiādinā vitthārato vuttaṃ sabbametaṃ ādīnavaṃ. Ekapadeneva ‘‘saṅkhatameta’’nti kathesi saṅkhatapadeneva tassa atthassa anavasesato pariyādinnattā.
нааяуухад̇ийд̇и бхавагааран̣ажзд̇анаавасзна б̣яаабаарам̣ на самуухзд̇и на самбин̣д̣зд̇и. д̇знааха – ‘‘на раасим̣ гарод̇ий’’д̇и. абхисан̇каран̣ам̣ наама жзд̇анааб̣яаабаарод̇и ааха – ‘‘на абхисан̃жзд̇аяад̇ий’’д̇и. д̇ам̣ бана палуббаад̣̇анасамад̇т̇ад̇ааяа палзна габбананд̇и ааха ‘‘на габбзд̇ий’’д̇и. сажз абхисан̇кааражзд̇анаа ул̣аараа, паламахад̇д̇асан̇каад̇ааяа вуд̣дхияаа ход̇и, анул̣аараа жа авуд̣дхияаад̇и ааха – ‘‘вуд̣дхияаа ваа барихаанияаа ваа’’д̇и. б̣уд̣̇д̇хависаяз тад̇ваад̇и бхаг̇аваа ад̇д̇ано б̣уд̣̇д̇хасуб̣уд̣̇д̇хад̇ааяа сийхасамаанавуд̇д̇ид̇ааяа жа д̣̇зсанам̣ уггам̣сад̇о саавагзхи бад̇д̇аб̣б̣ам̣ висзсам̣ анавасзсзнд̇о д̇ат̇аа вад̣̇ад̇и, на саавагависаяам̣ ад̇иггамид̇ваа ад̇д̇ано б̣уд̣̇д̇хависаяамзва д̣̇зсзнд̇о. д̇знааха – ‘‘арахад̇д̇анигуудам̣ г̇ан̣хий’’д̇и. яад̣̇и гулабуд̇д̇о ад̇д̇ано…бз… бадивиж̇жхи, ат̇а гасмаа бхаг̇аваа д̣̇зсанааяа арахад̇д̇анигуудам̣ г̇ан̣хийд̇и ааха ‘‘яат̇аа наамаа’’д̇иаад̣̇и.
Nāyūhatīti bhavakāraṇacetanāvasena byāpāraṃ na samūheti na sampiṇḍeti. Tenāha – ‘‘na rāsiṃ karotī’’ti. Abhisaṅkharaṇaṃ nāma cetanābyāpāroti āha – ‘‘na abhisañcetayatī’’ti. Taṃ pana phaluppādanasamatthatāya phalena kappananti āha ‘‘na kappetī’’ti. Sace abhisaṅkhāracetanā uḷārā, phalamahattasaṅkhātāya vuḍḍhiyā hoti, anuḷārā ca avuḍḍhiyāti āha – ‘‘vuḍḍhiyā vā parihāniyā vā’’ti. Buddhavisaye ṭhatvāti bhagavā attano buddhasubuddhatāya sīhasamānavuttitāya ca desanaṃ ukkaṃsato sāvakehi pattabbaṃ visesaṃ anavasesento tathā vadati, na sāvakavisayaṃ atikkamitvā attano buddhavisayameva desento. Tenāha – ‘‘arahattanikūṭaṃ gaṇhī’’ti. Yadi kulaputto attano…pe… paṭivijjhi, atha kasmā bhagavā desanāya arahattanikūṭaṃ gaṇhīti āha ‘‘yathā nāmā’’tiādi.
ид̇о буб̣б̣зд̇и ид̇о анааг̇аамипалаад̇хиг̇амад̇о уд̇д̇ари убари. ассаад̇и гулабуд̇д̇асса. гат̇знд̇асса бхаг̇авад̇о д̇хаммз нзва ган̇каа на вимад̇и батамамаг̇г̇знзва ган̇кааяа самужчиннад̇д̇аа. згажжзсу таанзсууд̇и д̇ат̇аа винзяяатаанзсу. д̇ат̇аа хи аяамби гулабуд̇д̇о анааг̇аамипалам̣ бад̇ваа бхаг̇аванд̇ам̣ сан̃ж̇аани. д̇зна вуд̇д̇ам̣ ‘‘яад̇о анзнаа’’д̇иаад̣̇и.
Ito pubbeti ito anāgāmiphalādhigamato uttari upari. Assāti kulaputtassa. Kathentassa bhagavato dhamme neva kaṅkhā na vimati paṭhamamaggeneva kaṅkhāya samucchinnattā. Ekaccesu ṭhānesūti tathā vineyyaṭhānesu. Tathā hi ayampi kulaputto anāgāmiphalaṃ patvā bhagavantaṃ sañjāni. Tena vuttaṃ ‘‘yato anenā’’tiādi.
363. анаж̇жхосид̇аад̇и анаж̇жхосанийяаад̇и аяамад̇т̇од̇и ааха – ‘‘г̇илид̇ваа баринидтаабзд̇ваа г̇ахзд̇ум̣ на яуд̇д̇аа’’д̇и.
363.Anajjhositāti anajjhosanīyāti ayamatthoti āha – ‘‘gilitvā pariniṭṭhāpetvā gahetuṃ na yuttā’’ti.
364. рааг̇ова анусаяо рааг̇аанусаяо, со жа бажжаяасамавааяз уббаж̇ж̇анаараход̇и вад̇д̇аб̣б̣ад̇ам̣ лабхад̇ийд̇и вуд̇д̇ам̣ – ‘‘сукавзд̣̇анам̣ аараб̣бха рааг̇аанусаяо уббаж̇ж̇зяяаа’’д̇и. на бана д̇асса уббаад̣̇анам̣ ад̇т̇и кан̣ад̇д̇аяасамааяог̇аасамбхавад̇о. зса наяо сзсзсуби. ид̇аранд̇и ад̣̇угкамасукавзд̣̇анам̣. висам̣яуд̇д̇од̇и гзнажи сан̃н̃ож̇анзна асам̣яуд̇д̇ад̇ааяа зва нияад̇авиббаяуд̇д̇о. гааяасса годи барамо анд̇о зд̇ассаад̇и гааяагодигам̣. д̣̇уд̇ияабад̣̇зд̇и ‘‘ж̇ийвид̇абарияанд̇ига’’нд̇и имасмим̣ бад̣̇з. висзванассаад̇и убаад̣̇аанасса. сийд̇ийбхависсанд̇ийд̇и бад̣̇асса ‘‘нируж̇жхиссанд̇ий’’д̇и ад̇т̇о вуд̇д̇о, гат̇ам̣ бана взд̣̇аяид̇аанам̣ д̣̇ваад̣̇асасу ааяад̇анзсу нируж̇жханам̣ сийд̇ибхааваббад̇д̇ийд̇и жод̣̇анам̣ санд̇хааяааха – ‘‘гилзсаа хий’’д̇иаад̣̇и. самуд̣̇аяабан̃хзнаад̇и махаасад̇ибадтаанз (д̣̇ий. ни. 2.400; ма. ни. 1.133) самуд̣̇аяасажжанирод̇хабан̃хзна. нану саб̣б̣асо гилзсабарил̣аахавиг̇амз сийд̇ибхааво наама взд̣̇анаанирод̇хамад̇д̇зна ад̇хиббзд̇о; д̇зна ид̇ха взд̣̇аяид̇аани вуд̇д̇аани, на гилзсаад̇и взд̣̇аяид̇аанам̣ ажжанд̇анирод̇хасан̇каад̇о сийд̇ибхаавоби гилзсасамужчзд̣̇знзваад̇и ааха ‘‘взд̣̇аяид̇аанибий’’д̇иаад̣̇и.
364. Rāgova anusayo rāgānusayo, so ca paccayasamavāye uppajjanārahoti vattabbataṃ labhatīti vuttaṃ – ‘‘sukhavedanaṃ ārabbha rāgānusayo uppajjeyyā’’ti. Na pana tassa uppādanaṃ atthi khaṇattayasamāyogāsambhavato. Esa nayo sesesupi. Itaranti adukkhamasukhavedanaṃ. Visaṃyuttoti kenaci saññojanena asaṃyuttatāya eva niyatavippayutto. Kāyassa koṭi paramo anto etassāti kāyakoṭikaṃ. Dutiyapadeti ‘‘jīvitapariyantika’’nti imasmiṃ pade. Visevanassāti upādānassa. Sītībhavissantīti padassa ‘‘nirujjhissantī’’ti attho vutto, kathaṃ pana vedayitānaṃ dvādasasu āyatanesu nirujjhanaṃ sītibhāvappattīti codanaṃ sandhāyāha – ‘‘kilesā hī’’tiādi. Samudayapañhenāti mahāsatipaṭṭhāne (dī. ni. 2.400; ma. ni. 1.133) samudayasaccanirodhapañhena. Nanu sabbaso kilesapariḷāhavigame sītibhāvo nāma vedanānirodhamattena adhippeto; tena idha vedayitāni vuttāni, na kilesāti vedayitānaṃ accantanirodhasaṅkhāto sītibhāvopi kilesasamucchedenevāti āha ‘‘vedayitānipī’’tiādi.
365. ид̣̇ам̣ обаммасам̣санд̣̇ананд̇и зд̇т̇а сан̃н̃ож̇анаа д̣̇ийбасикаа вияа, ад̇хидтаанагабаллигаа вияа взд̣̇анааяа ниссаяабхууд̇аа жад̇д̇ааро канд̇хаа, д̇злам̣ вияа гилзсаа, вадди вияа гаммаваддам̣, убахаран̣агабурисо вияа ваддаг̇аамий бут̇уж̇ж̇ано, д̇асса сийсажчзд̣̇агабурисо вияа арахад̇д̇амаг̇г̇о санд̇аанасса самужчзд̣̇агаран̣ад̇о, анаахаарааяа д̣̇ийбасикааяа ниб̣б̣ааяанам̣ вияа гаммагилзсаанам̣ ананд̇арабажжаяад̇о анаахаарааяа взд̣̇анааяа анубаад̣̇исзсавасзна ниб̣б̣ааяанам̣.
365.Idaṃopammasaṃsandananti ettha saññojanā dīpasikhā viya, adhiṭṭhānakapallikā viya vedanāya nissayabhūtā cattāro khandhā, telaṃ viya kilesā, vaṭṭi viya kammavaṭṭaṃ, upaharaṇakapuriso viya vaṭṭagāmī puthujjano, tassa sīsacchedakapuriso viya arahattamaggo santānassa samucchedakaraṇato, anāhārāya dīpasikhāya nibbāyanaṃ viya kammakilesānaṃ anantarapaccayato anāhārāya vedanāya anupādisesavasena nibbāyanaṃ.
аад̣̇имхи самаад̇хивибассанаабан̃н̃аахийд̇и буб̣б̣абхааг̇абадибад̣̇аабхууд̇аа д̇аяаа баг̇ун̣асамаад̇хид̇о арахад̇д̇асса бад̣̇адтаанабхууд̇авибассанаабан̃н̃аад̇о жа. уд̇д̇арид̇араад̇и висидтад̇араа. звам̣ саманнааг̇ад̇од̇и зд̇т̇а звам̣-сад̣̇д̣̇о ид̣̇ам̣сад̣̇д̣̇ад̇т̇аважанод̇и ааха – ‘‘иминаа уд̇д̇амзна арахад̇д̇апалабан̃н̃аад̇хидтаанзнаа’’д̇и. саб̣б̣ам̣ ваддад̣̇угкам̣ кзбзд̇ийд̇и саб̣б̣ад̣̇угкагкаяо, аг̇г̇амаг̇г̇о, д̇ам̣барияаабаннад̇ааяа д̇ад̇т̇а н̃аан̣анд̇и ааха – ‘‘саб̣б̣ад̣̇угкагкаяз н̃аан̣ам̣ наама арахад̇д̇амаг̇г̇з н̃аан̣а’’нд̇и. арахад̇д̇апалз н̃аан̣ам̣ ад̇хиббзд̇ам̣ вуд̇д̇анаязна саб̣б̣ад̣̇угкагкаяз санд̇з д̇аннимид̇д̇ам̣ ваа уббаннан̃аан̣анд̇и гад̇ваа. д̇ассаад̇и, ‘‘звам̣ саманнааг̇ад̇о бхигку иминаа барамзна бан̃н̃аад̇хидтаанзна саманнааг̇ад̇о ход̇ий’’д̇и вуд̇д̇абхигкуно.
Ādimhi samādhivipassanāpaññāhīti pubbabhāgapaṭipadābhūtā tayā paguṇasamādhito arahattassa padaṭṭhānabhūtavipassanāpaññāto ca. Uttaritarāti visiṭṭhatarā. Evaṃ samannāgatoti ettha evaṃ-saddo idaṃsaddatthavacanoti āha – ‘‘iminā uttamena arahattaphalapaññādhiṭṭhānenā’’ti. Sabbaṃ vaṭṭadukkhaṃ khepetīti sabbadukkhakkhayo, aggamaggo, taṃpariyāpannatāya tattha ñāṇanti āha – ‘‘sabbadukkhakkhaye ñāṇaṃ nāma arahattamagge ñāṇa’’nti. Arahattaphale ñāṇaṃ adhippetaṃ vuttanayena sabbadukkhakkhaye sante tannimittaṃ vā uppannañāṇanti katvā. Tassāti, ‘‘evaṃ samannāgato bhikkhu iminā paramena paññādhiṭṭhānena samannāgato hotī’’ti vuttabhikkhuno.
366. хийд̇и яасмаа. вимуд̇д̇ийд̇и арахад̇д̇апалавимуд̇д̇и, д̇асмаа саб̣б̣ад̣̇угкагкаяз н̃аан̣анд̇и арахад̇д̇апалан̃аан̣ам̣ ад̇хиббзд̇ам̣. сажжанд̇и барамад̇т̇асажжам̣ ниб̣б̣аанам̣, на маг̇г̇асажжам̣. гаамам̣ арахад̇д̇апалавимуд̇д̇и бадибагкзхи агобанийяад̇ааяа агуббаа, ‘‘сажжз тид̇аа’’д̇и бана важанад̇о, ‘‘агуббаарамман̣агаран̣зна агуббаад̇и вуд̇д̇аа’’д̇и ааха. вид̇ат̇анд̇и надтам̣, ж̇арааяа маран̣зна жа вибарин̣аамзд̇аб̣б̣ад̇ааяа яаад̣̇исам̣ уббаад̣̇аавад̇т̇ааяа ж̇аад̇ам̣, д̇ад̇о ан̃н̃аад̣̇исанд̇и ад̇т̇о. д̇ат̇аа хи д̇ам̣ ж̇араамаран̣зхи баримусид̇аб̣б̣аруубад̇ааяа ‘‘мусаа’’д̇и вуд̇д̇ам̣. д̇знааха – ‘‘мосад̇хамманд̇и нассанасабхаава’’нд̇и. д̇ам̣ авид̇ат̇анд̇и д̇ам̣ вуд̇д̇анаязна авид̇ат̇ам̣ наама, д̇ам̣ сабхааво саб̣б̣агаалам̣ д̇знзва лаб̣бханад̇о. самат̇авибассанаавасзна важийсажжад̇од̇и самат̇авибассанаавасзна яам̣ висуд̣̇д̇химад̇д̇ам̣ важийсажжам̣, д̇ад̇о. д̣̇угкасажжасамуд̣̇аяасажжзхи д̇ажчавибаллаасабхууд̇асабхаавзхи. ид̇и нзсам̣ яат̇аасагам̣ сабхаавзна авид̇ат̇абхаавз амосад̇хаммад̇ааяа д̇зхиби авид̇ат̇абхааваа барамад̇т̇асажжам̣ ниб̣б̣аанамзва уд̇д̇арид̇арам̣. д̇асмаад̇и ниб̣б̣аанассзва уд̇д̇арид̇арабхаавад̇о.
366.Hīti yasmā. Vimuttīti arahattaphalavimutti, tasmā sabbadukkhakkhaye ñāṇanti arahattaphalañāṇaṃ adhippetaṃ. Saccanti paramatthasaccaṃ nibbānaṃ, na maggasaccaṃ. Kāmaṃ arahattaphalavimutti paṭipakkhehi akopanīyatāya akuppā, ‘‘sacce ṭhitā’’ti pana vacanato, ‘‘akuppārammaṇakaraṇena akuppāti vuttā’’ti āha. Vitathanti naṭṭhaṃ, jarāya maraṇena ca vipariṇāmetabbatāya yādisaṃ uppādāvatthāya jātaṃ, tato aññādisanti attho. Tathā hi taṃ jarāmaraṇehi parimusitabbarūpatāya ‘‘musā’’ti vuttaṃ. Tenāha – ‘‘mosadhammanti nassanasabhāva’’nti. Taṃ avitathanti taṃ vuttanayena avitathaṃ nāma, taṃ sabhāvo sabbakālaṃ teneva labbhanato. Samathavipassanāvasena vacīsaccatoti samathavipassanāvasena yaṃ visuddhimattaṃ vacīsaccaṃ, tato. Dukkhasaccasamudayasaccehi tacchavipallāsabhūtasabhāvehi. Iti nesaṃ yathāsakaṃ sabhāvena avitathabhāve amosadhammatāya tehipi avitathabhāvā paramatthasaccaṃ nibbānameva uttaritaraṃ. Tasmāti nibbānasseva uttaritarabhāvato.
367. убад̇хийяад̇и зд̇т̇а д̣̇угканд̇и убад̇хий, канд̇хаа гаамаг̇ун̣аа жа. убад̣̇аханд̇и д̣̇угканд̇и убад̇хий, гилзсаабхисан̇каараа. барибуураа г̇ахид̇аа бараамадтаад̇и барияад̇д̇абхаавзна д̇ан̣хааяа г̇ахид̇аа д̣̇идтияаа бараамадтаа. самат̇авибассанаавасзна гилзсабарижжааг̇ад̇од̇и вигкамбханавасзна д̇ад̣̇ан̇г̇аббахаанавасзна жа гилзсаанам̣ барижжаж̇анад̇о. уд̇д̇арид̇аро висидтад̇арасса бахаанаббагаарасса абхаавад̇о.
367. Upadhīyati ettha dukkhanti upadhī, khandhā kāmaguṇā ca. Upadahanti dukkhanti upadhī, kilesābhisaṅkhārā. Paripūrā gahitā parāmaṭṭhāti pariyattabhāvena taṇhāya gahitā diṭṭhiyā parāmaṭṭhā. Samathavipassanāvasena kilesapariccāgatoti vikkhambhanavasena tadaṅgappahānavasena ca kilesānaṃ pariccajanato. Uttaritaro visiṭṭhatarassa pahānappakārassa abhāvato.
368. аагхаад̇агаран̣авасзнаад̇и жзд̇асигаагхаад̇асса уббаж̇ж̇анавасзна. б̣яаабаж̇ж̇анавасзнаад̇и жид̇д̇асса вибад̇д̇ибхаававасзна. самбад̣̇уссанавасзнаад̇и саб̣б̣асо д̣̇уссанавасзна. д̇ийхи бад̣̇зхи яад̣̇и арахад̇д̇амаг̇г̇зна гилзсаанам̣ барижжааг̇о жааг̇аад̇хидтаанам̣, арахад̇д̇амаг̇г̇знзва нзсам̣ вуубасамо убасамаад̇хидтаанам̣ ход̇ийд̇и д̣̇ассзд̇и. зд̇т̇а висзсзна барижжааг̇о самбаж̇аханам̣ ануббад̇д̇ид̇хаммад̇аабаад̣̇анам̣ жааг̇о, д̇ат̇аа бана барижжааг̇зна яо со нзсам̣ д̇ад̣̇аа вуубасанд̇ад̇ааяа абхааво, аяам̣ убасамод̇и аяамзд̇зсам̣ висзсо.
368.Āghātakaraṇavasenāti cetasikāghātassa uppajjanavasena. Byāpajjanavasenāti cittassa vipattibhāvavasena. Sampadussanavasenāti sabbaso dussanavasena. Tīhi padehi yadi arahattamaggena kilesānaṃ pariccāgo cāgādhiṭṭhānaṃ, arahattamaggeneva nesaṃ vūpasamo upasamādhiṭṭhānaṃ hotīti dasseti. Ettha visesena pariccāgo sampajahanaṃ anuppattidhammatāpādanaṃ cāgo, tathā pana pariccāgena yo so nesaṃ tadā vūpasantatāya abhāvo, ayaṃ upasamoti ayametesaṃ viseso.
369. ман̃н̃ид̇анд̇и ман̃н̃анаа, ‘‘зд̇ам̣ мамаа’’д̇иаад̣̇инаа габбанаад̇и ад̇т̇о. авиж̇ж̇аавиб̣анд̇ханад̇ан̣хааг̇аахаад̣̇ийнам̣ саад̇хааран̣абхаавад̇о аяамаханд̇и зд̇т̇а аханд̇и д̣̇идтиман̃н̃анаад̣̇ассанам̣, саа бана д̣̇идти маанаман̃н̃анааяа ад̇д̇анияаг̇аахавасзна ход̇ийд̇и свзва ‘‘аяа’’нд̇и иминаа г̇ахид̇од̇и ааха – ‘‘аяамаханд̇и згам̣ д̇ан̣хааман̃н̃ид̇амзва ваддад̇ий’’д̇и. ааб̣аад̇хадтзнаад̇и бадибийл̣анадтзна. ман̃н̃анаавасзна хи сад̇д̇аанам̣ д̇ат̇аа ход̇и. анд̇од̣̇осадтзнаад̇и аб̣бханд̇арад̣̇удтабхаавзна. ман̃н̃анаад̣̇уусид̇ад̇д̇аа хи сад̇д̇аанам̣ ад̇д̇абхааво д̣̇угкад̇аамуулааяад̇д̇о, гилзсаасужибаг̇гхаран̣ад̇о уббаад̣̇анирод̇хабхан̇г̇зхи уд̣̇д̇хамуд̣̇д̇хам̣ баггабабхинно ход̇ийд̇и палуубажаарзна ‘‘ман̃н̃ид̇ам̣ г̇ан̣д̣о’’д̇и вуд̇д̇о. анубавидтадтзнаад̇и анубависид̇ваа хад̣̇аяамаахажжа ад̇хидтаанзна. ман̃н̃ид̇ан̃хи бийл̣ааж̇ананад̇о анд̇од̇уд̣̇анад̇о д̣̇уруд̣̇д̇харан̣ад̇о саллам̣. кийн̣аасавамуни саб̣б̣асо гилзсаанам̣ санд̇ад̇д̇аа, д̇ад̇о зва барил̣аахаанам̣ бариниб̣б̣уд̇ад̇д̇аа вуубасанд̇ад̇д̇аа санд̇о убасанд̇о ниб̣б̣уд̇од̇и вужжад̇и. яад̇т̇а тид̇анд̇и яасмим̣ асзгкабхуумияам̣ тид̇ам̣. яад̣̇и бхаг̇аваа ад̇д̇ано д̣̇зсанаан̃аан̣аануруубам̣ д̣̇зсанам̣ бавад̇д̇аабзяяа, махаабат̇авим̣ бад̇т̇аранд̇асса вияа, аагаасам̣ басаарзнд̇асса вияа, ананд̇аабаримзяяалогад̇хаад̇уяо бадижжа д̇зсам̣ тид̇аагаарам̣ ануббуурам̣ вижинанд̇асса вияа д̣̇зсанаа барияосаанам̣ на г̇ажчзяяа. яасмаа банасса винзяяаж̇жхаасаяаануруубамзва д̣̇зсанаа бавад̇д̇и, на д̇ад̇о барам̣ ан̣умад̇д̇амби вад̣дхад̇и. д̇асмаа вуд̇д̇ам̣ – ‘‘саб̣б̣ааби д̇хаммад̣̇зсанаа сам̣кид̇д̇аава, вид̇т̇аарад̣̇зсанаа наама над̇т̇ий’’д̇и. нану сад̇д̇абагаран̣ад̣̇зсанаа вид̇т̇аарагат̇аад̇и? на сааби вид̇т̇аарагат̇аад̇и ааха – ‘‘саманд̇абадтаанагат̇ааби сам̣кид̇д̇ааязваа’’д̇и. саннибад̇ид̇ад̣̇звабарисааяа аж̇жхаасаяаануруубамзва хи д̇ассааби бавад̇д̇и, на сад̇т̇уд̣̇зсанаан̃аан̣аануруубанд̇и. яат̇аанусанд̇хим̣ баабзси яат̇аауд̣̇д̣̇идтз анубуб̣б̣зна анавасзсад̇о вибхаж̇анавасзна д̣̇зсанааяа нидтаабид̇ад̇д̇аа. вибан̃жид̇ан̃н̃уу…бз… гат̇зси наад̇исан̇кзбавид̇т̇ааравасзна д̣̇зсид̇ад̇д̇аа.
369.Maññitanti maññanā, ‘‘etaṃ mamā’’tiādinā kappanāti attho. Avijjāvibandhanataṇhāgāhādīnaṃ sādhāraṇabhāvato ayamahanti ettha ahanti diṭṭhimaññanādassanaṃ, sā pana diṭṭhi mānamaññanāya attaniyagāhavasena hotīti sveva ‘‘aya’’nti iminā gahitoti āha – ‘‘ayamahanti ekaṃ taṇhāmaññitameva vaṭṭatī’’ti. Ābādhaṭṭhenāti paṭipīḷanaṭṭhena. Maññanāvasena hi sattānaṃ tathā hoti. Antodosaṭṭhenāti abbhantaraduṭṭhabhāvena. Maññanādūsitattā hi sattānaṃ attabhāvo dukkhatāmūlāyatto, kilesāsucipaggharaṇato uppādanirodhabhaṅgehi uddhamuddhaṃ pakkapabhinno hotīti phalūpacārena ‘‘maññitaṃ gaṇḍo’’ti vutto. Anupaviṭṭhaṭṭhenāti anupavisitvā hadayamāhacca adhiṭṭhānena. Maññitañhi pīḷājananato antotudanato duruddharaṇato sallaṃ. Khīṇāsavamuni sabbaso kilesānaṃ santattā, tato eva pariḷāhānaṃ parinibbutattā vūpasantattā santo upasanto nibbutoti vuccati. Yattha ṭhitanti yasmiṃ asekkhabhūmiyaṃ ṭhitaṃ. Yadi bhagavā attano desanāñāṇānurūpaṃ desanaṃ pavattāpeyya, mahāpathaviṃ pattharantassa viya, ākāsaṃ pasārentassa viya, anantāparimeyyalokadhātuyo paṭicca tesaṃ ṭhitākāraṃ anuppūraṃ vicinantassa viya desanā pariyosānaṃ na gaccheyya. Yasmā panassa vineyyajjhāsayānurūpameva desanā pavatti, na tato paraṃ aṇumattampi vaḍḍhati. Tasmā vuttaṃ – ‘‘sabbāpi dhammadesanā saṃkhittāva, vitthāradesanā nāma natthī’’ti. Nanu sattapakaraṇadesanā vitthārakathāti? Na sāpi vitthārakathāti āha – ‘‘samantapaṭṭhānakathāpi saṃkhittāyevā’’ti. Sannipatitadevaparisāya ajjhāsayānurūpameva hi tassāpi pavatti, na satthudesanāñāṇānurūpanti. Yathānusandhiṃpāpesi yathāuddiṭṭhe anupubbena anavasesato vibhajanavasena desanāya niṭṭhāpitattā. Vipañcitaññū…pe… kathesi nātisaṅkhepavitthāravasena desitattā.
370. адтаннам̣ баригкаараананд̇и наяид̣̇аманавасзсабарияаад̣̇аанам̣, лагкан̣аважанам̣ банзд̇ам̣, ан̃н̃ад̇арассаад̇и важанасзсо. д̇ат̇аа хи, ‘‘маяхам̣ ид̣̇д̇химаяабаригкааралаабхааяа бажжаяо ход̇уу’’д̇и бад̇т̇анам̣ бадтабзд̇ваа бад̇д̇ажийварам̣, бад̇д̇ам̣, жийварамзва ваа д̣̇иннз жаримабхавз ид̣̇д̇химаяабаригкааро ниб̣б̣ад̇д̇ад̇ийд̇и вад̣̇анд̇и. ад̣̇иннад̇д̇аад̇и гзживаад̣̇о, д̇знааха ‘‘гулабуд̇д̇о’’д̇иаад̣̇и. огаасаабхаавад̇од̇и убасамбад̣̇аалагкан̣асса асамбхавад̇о. д̇знааха – ‘‘гулабуд̇д̇асса ааяубаригкийн̣а’’нд̇и. уд̣̇агад̇ид̇т̇а…бз… аарад̣̇д̇хо барамаббижчабхаавад̇о.
370.Aṭṭhannaṃ parikkhārānanti nayidamanavasesapariyādānaṃ, lakkhaṇavacanaṃ panetaṃ, aññatarassāti vacanaseso. Tathā hi, ‘‘mayhaṃ iddhimayaparikkhāralābhāya paccayo hotū’’ti patthanaṃ paṭṭhapetvā pattacīvaraṃ, pattaṃ, cīvarameva vā dinne carimabhave iddhimayaparikkhāro nibbattatīti vadanti. Adinnattāti kecivādo, tenāha ‘‘kulaputto’’tiādi. Okāsābhāvatoti upasampadālakkhaṇassa asambhavato. Tenāha – ‘‘kulaputtassa āyuparikkhīṇa’’nti. Udakatittha…pe… āraddho paramappicchabhāvato.
виб̣бханд̇аад̇и бханд̇ажид̇д̇аа. син̇г̇зна виж̇жхид̇ваа гхаад̇зси буримаж̇аад̇иб̣ад̣̇д̇хаагхаад̇ад̇ааяаад̇и вад̣̇анд̇и.
Vibbhantāti bhantacittā. Siṅgena vijjhitvā ghātesi purimajātibaddhāghātatāyāti vadanti.
маанусам̣ яог̇анд̇и мануссад̇д̇абхаавам̣. ад̇д̇абхааво хи яуж̇ж̇ад̇и гаммагилзсзхийд̇и ‘‘яог̇о’’д̇и вужжад̇и. убажжаг̇унд̇и убаг̇ажчим̣су. убагод̇иаад̣̇и д̇зсам̣ наамаани.
Mānusaṃ yoganti manussattabhāvaṃ. Attabhāvo hi yujjati kammakilesehīti ‘‘yogo’’ti vuccati. Upaccagunti upagacchiṃsu. Upakotiādi tesaṃ nāmāni.
г̇анд̇хагадтзхийд̇и жанд̣̇анааг̇арусал̣алад̣̇звад̣̇ааруаад̣̇ийхи г̇анд̇хад̣̇ааруухи. сзсам̣ сувин̃н̃зяяамзва.
Gandhakaṭṭhehīti candanāgarusaḷaladevadāruādīhi gandhadārūhi. Sesaṃ suviññeyyameva.
д̇хаад̇увибхан̇г̇асуд̇д̇аван̣н̣анааяа лийнад̇т̇аббагаасанаа самад̇д̇аа.
Dhātuvibhaṅgasuttavaṇṇanāya līnatthappakāsanā samattā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / маж̇жхиманигааяа • Majjhimanikāya / 10. д̇хаад̇увибхан̇г̇асуд̇д̇ам̣ • 10. Dhātuvibhaṅgasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / маж̇жхиманигааяа (адтагат̇аа) • Majjhimanikāya (aṭṭhakathā) / 10. д̇хаад̇увибхан̇г̇асуд̇д̇аван̣н̣анаа • 10. Dhātuvibhaṅgasuttavaṇṇanā
