| Library / Tipiṭaka / д̇ибидага • Tipiṭaka / вибхан̇г̇а-анудийгаа • Vibhaṅga-anuṭīkā |
3. д̇хаад̇увибхан̇г̇о
3. Dhātuvibhaṅgo
1. суд̇д̇анд̇абхааж̇анийяаван̣н̣анаа
1. Suttantabhājanīyavaṇṇanā
172. абхид̇хаммз жа ааг̇ад̇аад̇и имасмим̣ д̇хаад̇увибхан̇г̇з абхид̇хаммабхааж̇анийяабан̃хабужчагзсу, нигкзбаган̣д̣ад̇хаммахад̣̇аяавибхан̇г̇аад̣̇ийсу жа д̣̇зсанаарул̣хаа. яат̇аа бана суд̇д̇анд̇з абхид̇хаммз жа ааг̇ад̇аа канд̇хаад̣̇аяо суд̇д̇анд̇з д̣̇зсид̇анияаамзна канд̇хавибхан̇г̇аад̣̇ийсу суд̇д̇анд̇абхааж̇анийяавасзна вибхад̇д̇аа, звамид̇хааби жагкуд̇хаад̇аад̣̇аяо суд̇д̇анд̇абхааж̇анийяавасзна вибхаж̇ид̇аб̣б̣аа сияум̣. д̇ад̇т̇а канд̇хаад̣̇ийнам̣ саб̣б̣асан̇г̇аахаго абхид̇хаммад̣̇зсанаависидто суд̇д̇анд̇з ааг̇ад̇о ан̃н̃о д̣̇зсзд̇аб̣б̣аагааро над̇т̇ийд̇и д̇з руубагканд̇хаад̣̇ивасзнзва суд̇д̇анд̇абхааж̇анийяз д̣̇зсид̇аа, д̇хаад̇уунам̣ бана со ад̇т̇ийд̇и д̇з д̇ин̣н̣ам̣ д̇хаад̇учаггаанам̣ васзна ид̇ха д̣̇зсид̇аад̇и д̣̇ассзнд̇о ааха ‘‘суд̇д̇анд̇зсвзва…бз… вибхад̇д̇анд̇и взд̣̇ид̇аб̣б̣а’’нд̇и. д̇знааха адтагат̇ааяам̣ ‘‘саб̣б̣аа д̇хаад̇уяо чахи чахи д̇хаад̇уухи сан̇кибид̇ваа’’д̇и.
172. Abhidhammeca āgatāti imasmiṃ dhātuvibhaṅge abhidhammabhājanīyapañhapucchakesu, nikkhepakaṇḍadhammahadayavibhaṅgādīsu ca desanāruḷhā. Yathā pana suttante abhidhamme ca āgatā khandhādayo suttante desitaniyāmena khandhavibhaṅgādīsu suttantabhājanīyavasena vibhattā, evamidhāpi cakkhudhātādayo suttantabhājanīyavasena vibhajitabbā siyuṃ. Tattha khandhādīnaṃ sabbasaṅgāhako abhidhammadesanāvisiṭṭho suttante āgato añño desetabbākāro natthīti te rūpakkhandhādivaseneva suttantabhājanīye desitā, dhātūnaṃ pana so atthīti te tiṇṇaṃ dhātuchakkānaṃ vasena idha desitāti dassento āha ‘‘suttantesveva…pe… vibhattanti veditabba’’nti. Tenāha aṭṭhakathāyaṃ ‘‘sabbā dhātuyo chahi chahi dhātūhi saṅkhipitvā’’ti.
гат̇ам̣ бана часу часу д̇хаад̇уусу адтаарасаннам̣ д̇хаад̇уунам̣ самаварод̇ход̇и? сабхааваниссаяад̣̇ваараарамман̣асамбаяог̇асааман̃н̃ад̇о. д̇ад̇т̇а батамачаггз д̇аава бат̇авийд̇зж̇овааяод̇хаад̇уяо сабхаавад̇о подтаб̣б̣ад̇хаад̇у. аабод̇хаад̇уаагаасад̇хаад̇уяо д̇хаммад̇хаад̇узгад̣̇зсо. вин̃н̃аан̣ад̇хаад̇у сад̇д̇авин̃н̃аан̣ад̇хаад̇уяо. жад̇уд̇хаад̇уг̇г̇ахан̣зна жзд̇т̇а д̇ад̣̇ааяад̇д̇авуд̇д̇игаа ниссаяаабад̣̇зсзна, вин̃н̃аан̣ад̇хаад̇уяаа д̣̇ваараарамман̣абхаавзна ваа авасидтаа руубад̇хаад̇уяо самаваруд̣̇д̇хаа, вин̃н̃аан̣ад̇хаад̇уг̇г̇ахан̣зна д̇ам̣самбаяог̇ад̇о д̇хаммад̇хаад̇узгад̣̇зсод̇и звам̣ саб̣б̣ад̇хаад̇усамаварод̇хо д̣̇адтаб̣б̣о. д̣̇уд̇ияз чаби д̇хаад̇уяо сабхаавад̇о, д̇хаммааяад̇анзгад̣̇зсо, д̇ам̣самбаяог̇ад̇о сад̇д̇авин̃н̃аан̣ад̇хаад̇уяо, яат̇аарахам̣ д̇зсам̣ ниссаяад̣̇ваараарамман̣абхаавад̇о авасидтад̇хаад̇уяо самаваруд̣̇д̇хаа. д̇ад̇ияачаггзби зсзва наяо. звамзд̇т̇а часу часу д̇хаад̇уусу адтаарасаннам̣ д̇хаад̇уунам̣ самаварод̇хо д̣̇адтаб̣б̣о. д̇зна вуд̇д̇ам̣ ‘‘саб̣б̣аа д̇хаад̇уяо чахи чахи д̇хаад̇уухи сан̇кибид̇ваа’’д̇и.
Kathaṃ pana chasu chasu dhātūsu aṭṭhārasannaṃ dhātūnaṃ samavarodhoti? Sabhāvanissayadvārārammaṇasampayogasāmaññato. Tattha paṭhamachakke tāva pathavītejovāyodhātuyo sabhāvato phoṭṭhabbadhātu. Āpodhātuākāsadhātuyo dhammadhātuekadeso. Viññāṇadhātu sattaviññāṇadhātuyo. Catudhātuggahaṇena cettha tadāyattavuttikā nissayāpadesena, viññāṇadhātuyā dvārārammaṇabhāvena vā avasiṭṭhā rūpadhātuyo samavaruddhā, viññāṇadhātuggahaṇena taṃsampayogato dhammadhātuekadesoti evaṃ sabbadhātusamavarodho daṭṭhabbo. Dutiye chapi dhātuyo sabhāvato, dhammāyatanekadeso, taṃsampayogato sattaviññāṇadhātuyo, yathārahaṃ tesaṃ nissayadvārārammaṇabhāvato avasiṭṭhadhātuyo samavaruddhā. Tatiyachakkepi eseva nayo. Evamettha chasu chasu dhātūsu aṭṭhārasannaṃ dhātūnaṃ samavarodho daṭṭhabbo. Tena vuttaṃ ‘‘sabbā dhātuyo chahi chahi dhātūhi saṅkhipitvā’’ti.
сун̃н̃од̇и ад̇д̇асун̃н̃о, д̇зна сасабхаавад̇ааяа жа ид̇ха д̇хаад̇увохаарод̇и ааха ‘‘сун̃н̃з сабхаавамад̇д̇з нирул̣хо д̇хаад̇усад̣̇д̣̇о’’д̇и. д̇ам̣д̇ам̣бхууд̇авивид̇д̇ад̇аа руубабарияанд̇ова аагаасод̇и язхи вивид̇д̇о, язсан̃жа барижчзд̣̇о, д̇зхи асампудтад̇аа д̇зсам̣ б̣яаабагабхаавз сад̇и на ход̇ийд̇и ааха ‘‘жад̇уухи махаабхууд̇зхи аб̣яаабид̇абхааво’’д̇и. барижчиннавуд̇д̇ийни хи бхууд̇аанийд̇и.
Suññoti attasuñño, tena sasabhāvatāya ca idha dhātuvohāroti āha ‘‘suññe sabhāvamatte niruḷho dhātusaddo’’ti. Taṃtaṃbhūtavivittatā rūpapariyantova ākāsoti yehi vivitto, yesañca paricchedo, tehi asamphuṭṭhatā tesaṃ byāpakabhāve sati na hotīti āha ‘‘catūhi mahābhūtehi abyāpitabhāvo’’ti. Paricchinnavuttīni hi bhūtānīti.
173. аваяававинимуд̇д̇о самуд̣̇ааяо наама гожи над̇т̇ийд̇и буримад̇т̇ам̣ асамбхаавзнд̇о ‘‘д̣̇вз зва ваа’’д̇иаад̣̇инаа самуд̣̇ааязна винаа д̣̇уд̇ияад̇т̇амааха. бажжад̇д̇ам̣ ад̇д̇ани ж̇аад̇ад̇анд̇и баадибуг̇г̇алигад̇ам̣.
173. Avayavavinimutto samudāyo nāma koci natthīti purimatthaṃ asambhāvento ‘‘dve eva vā’’tiādinā samudāyena vinā dutiyatthamāha. Paccattaṃ attani jātatanti pāṭipuggalikataṃ.
баадиязгго годтаасод̇и ваа ломаад̣̇иид̇арагодтаасзхи асаммиссо висум̣ зго бат̇авийгодтаасод̇и ад̇т̇о.
Pāṭiyekko koṭṭhāsoti vā lomādiitarakoṭṭhāsehi asammisso visuṃ eko pathavīkoṭṭhāsoti attho.
баяог̇анд̇и бхааванаабаяог̇ам̣. вийрияанд̇и бхааванаанибпаад̣̇агам̣ уссаахам̣. ааяуухананд̇и д̇аад̣̇исам̣ жзд̇анам̣.
Payoganti bhāvanāpayogaṃ. Vīriyanti bhāvanānipphādakaṃ ussāhaṃ. Āyūhananti tādisaṃ cetanaṃ.
д̇хаад̇убадиггуулаван̣н̣аманасигаараананд̇и д̇хаад̇уманасигаарабадиггууламанасигаараван̣н̣аманасигаараанам̣. аб̣яаабаарад̇ааяаад̇и ‘‘ахамзд̇ам̣ нибпаад̣̇зми, мама зсаа нибпаад̣̇анаа’’д̇и жзд̇анаарахид̇ад̇ааяа. гаронд̇ийд̇и аабхог̇абажжавзгкан̣аани уббаад̣̇знд̇и.
Dhātupaṭikkūlavaṇṇamanasikārānanti dhātumanasikārapaṭikkūlamanasikāravaṇṇamanasikārānaṃ. Abyāpāratāyāti ‘‘ahametaṃ nipphādemi, mama esā nipphādanā’’ti cetanārahitatāya. Karontīti ābhogapaccavekkhaṇāni uppādenti.
лагкан̣авасзнаад̇и сабхаававасзна. со бана яасмаа бат̇авийд̇хаад̇уяаа гагкал̣акарад̇аа ход̇ийд̇и ааха ‘‘гагкал̣ам̣ кариг̇ад̇анд̇иаад̣̇иважанам̣ санд̇хааяа вуд̇д̇а’’нд̇и.
Lakkhaṇavasenāti sabhāvavasena. So pana yasmā pathavīdhātuyā kakkhaḷakharatā hotīti āha ‘‘kakkhaḷaṃ kharigatantiādivacanaṃ sandhāya vutta’’nti.
взганд̇агам̣ наама саб̣б̣алохажчзд̣̇анасамад̇т̇ам̣ лохам̣. д̇ат̇аа хи д̇ам̣ виганд̇ад̇и чинд̣̇ад̇ийд̇и виганд̇ам̣, виганд̇амзва взганд̇аганд̇и вужжад̇и. лохасад̣̇исанд̇и лохаагаарам̣ лохамалам̣ вияа гханасахид̇ам̣ худ̇ваа д̇идтад̇и. д̇аабзд̇ваа д̇аал̣ид̇ам̣ бана чиннам̣ чиннам̣ худ̇ваа висарад̇и, муд̣̇у мадтам̣ гамманияам̣ ваа на ход̇и, д̇зна ‘‘лохавиж̇аад̇ий’’д̇и вужжад̇ийд̇и. д̇ибуд̇амб̣аад̣̇ийхийд̇и д̇ибуд̇амб̣з миссзд̇ваа гад̇ам̣ гам̣салохам̣, сийсад̇амб̣з миссзд̇ваа гад̇ам̣ ваддалохам̣, ж̇асад̣̇ад̇амб̣з миссзд̇ваа гад̇ам̣ аарагуудам̣ . яам̣ бана гзвалам̣ ж̇асад̣̇ад̇хаад̇увиниг̇г̇ад̇ам̣, яам̣ ‘‘бид̇д̇ала’’нд̇иби вад̣̇анд̇и, д̇ам̣ ид̇ха наад̇хиббзд̇ам̣, яат̇аавуд̇д̇амиссагамзва бана г̇ахзд̇ваа ‘‘гид̇д̇има’’нд̇и вуд̇д̇ам̣.
Vekantakaṃ nāma sabbalohacchedanasamatthaṃ lohaṃ. Tathā hi taṃ vikantati chindatīti vikantaṃ, vikantameva vekantakanti vuccati. Lohasadisanti lohākāraṃ lohamalaṃ viya ghanasahitaṃ hutvā tiṭṭhati. Tāpetvā tāḷitaṃ pana chinnaṃ chinnaṃ hutvā visarati, mudu maṭṭhaṃ kammaniyaṃ vā na hoti, tena ‘‘lohavijātī’’ti vuccatīti. Tiputambādīhīti tiputambe missetvā kataṃ kaṃsalohaṃ, sīsatambe missetvā kataṃ vaṭṭalohaṃ, jasadatambe missetvā kataṃ ārakūṭaṃ. Yaṃ pana kevalaṃ jasadadhātuviniggataṃ, yaṃ ‘‘pittala’’ntipi vadanti, taṃ idha nādhippetaṃ, yathāvuttamissakameva pana gahetvā ‘‘kittima’’nti vuttaṃ.
нид̣̇ассанамад̇д̇анд̇и муд̇д̇аанам̣ ж̇аад̇ид̇о анзгабхзд̣̇ад̇д̇аа вуд̇д̇ам̣. д̇ат̇аа хи хад̇т̇игумбхам̣ вараахад̣̇аатам̣ бхуж̇ан̇г̇асийсам̣ валаахагуудам̣ взн̣убаб̣б̣ам̣ мажчасиро сан̇ко сиббийд̇и адта муд̇д̇ааяонияо. д̇ад̇т̇а хад̇т̇игумбхаж̇аа бийд̇аван̣н̣аа бабхаахийнаа. вараахад̣̇аатаж̇аа вараахад̣̇аатаван̣н̣аава. бхуж̇ан̇г̇асийсаж̇аа нийлаад̣̇иван̣н̣аа сувисуд̣̇д̇хаа, ваддалаа жа. валаахагаж̇аа бхаасураа д̣̇уб̣б̣ибхааг̇аруубаа рад̇д̇ибхааг̇з анд̇хагаарам̣ вид̇хаманд̇аа д̇идтанд̇и, д̣̇звуубабхог̇аа зва хонд̇и. взн̣убаб̣б̣аж̇аа гаарапаласамаанаван̣н̣аа, на бхаасураа, д̇з жа взл̣аво амануссаг̇ожарз зва бад̣̇зсз ж̇ааяанд̇и. мажчасийсаж̇аа баатийнабидтисамаанаван̣н̣аа, ваддалаа, лагхаво жа хонд̇и бабхаавихийнаа, д̇з жа мажчаа самуд̣̇д̣̇амаж̇жхзязва ж̇ааяанд̇и. сан̇каж̇аа сан̇коражчавиван̣н̣аа, голаббамаан̣ааби хонд̇и бабхаавихийнаава. сиббиж̇аа бана бабхаависзсаяуд̇д̇аава хонд̇и наанаасан̣таанаа. звам̣ ж̇аад̇ид̇о адтавид̇хаасу муд̇д̇аасу яаа мажчасан̇касиббиж̇аа, д̇аа саамуд̣̇д̣̇игаа. бхуж̇ан̇г̇аж̇ааби гаажи саамуд̣̇д̣̇игаад̇и вад̣̇анд̇и, ид̇араа асаамуд̣̇д̣̇игаа. д̇зна вуд̇д̇ам̣ ‘‘саамуд̣̇д̣̇игамуд̇д̇аад̇и нид̣̇ассанамад̇д̇амзд̇ам̣, саб̣б̣ааби бана муд̇д̇аа муд̇д̇аа зваа’’д̇и. б̣ахулад̇о ваа адтагат̇ааяам̣ зд̇ам̣ вуд̇д̇ам̣ ‘‘муд̇д̇аад̇и саамуд̣̇д̣̇игамуд̇д̇аа’’д̇и. б̣ахулан̃хи логз саамуд̣̇д̣̇игаава муд̇д̇аа д̣̇иссанд̇и. д̇ад̇т̇ааби сиббиж̇аава, ид̇араа гад̣̇аажи гаажийд̇и.
Nidassanamattanti muttānaṃ jātito anekabhedattā vuttaṃ. Tathā hi hatthikumbhaṃ varāhadāṭhaṃ bhujaṅgasīsaṃ valāhakūṭaṃ veṇupabbaṃ macchasiro saṅkho sippīti aṭṭha muttāyoniyo. Tattha hatthikumbhajā pītavaṇṇā pabhāhīnā. Varāhadāṭhajā varāhadāṭhavaṇṇāva. Bhujaṅgasīsajā nīlādivaṇṇā suvisuddhā, vaṭṭalā ca. Valāhakajā bhāsurā dubbibhāgarūpā rattibhāge andhakāraṃ vidhamantā tiṭṭhanti, devūpabhogā eva honti. Veṇupabbajā kāraphalasamānavaṇṇā, na bhāsurā, te ca veḷavo amanussagocare eva padese jāyanti. Macchasīsajā pāṭhīnapiṭṭhisamānavaṇṇā, vaṭṭalā, laghavo ca honti pabhāvihīnā, te ca macchā samuddamajjheyeva jāyanti. Saṅkhajā saṅkhoracchavivaṇṇā, kolappamāṇāpi honti pabhāvihīnāva. Sippijā pana pabhāvisesayuttāva honti nānāsaṇṭhānā. Evaṃ jātito aṭṭhavidhāsu muttāsu yā macchasaṅkhasippijā, tā sāmuddikā. Bhujaṅgajāpi kāci sāmuddikāti vadanti, itarā asāmuddikā. Tena vuttaṃ ‘‘sāmuddikamuttāti nidassanamattametaṃ, sabbāpi pana muttā muttā evā’’ti. Bahulato vā aṭṭhakathāyaṃ etaṃ vuttaṃ ‘‘muttāti sāmuddikamuttā’’ti. Bahulañhi loke sāmuddikāva muttā dissanti. Tatthāpi sippijāva, itarā kadāci kācīti.
174. ид̇ха над̇т̇и нияамо гзвалам̣ д̣̇равабхаавассзва ад̇хиббзд̇ад̇д̇аа.
174. Idha natthi niyamo kevalaṃ dravabhāvasseva adhippetattā.
175. нисид̇абхаавзнаад̇и санд̇аабанаад̣̇ивасаббавад̇д̇зна д̇икин̣абхаавзна. усмаагааран̃хи нисаанам̣ ид̇ха нисид̇абхааво. баагад̇игод̇и саабхаавиго гааяусмаад̇и ад̇хиббзд̇о. сад̣̇аад̇и саб̣б̣агаалам̣ яаава ж̇ийвид̇инд̣̇рияам̣ бавад̇д̇ад̇и. бзд̇аг̇г̇и ниж̇жхаамад̇ан̣хигабзд̇аг̇г̇и. ид̇хаад̇и б̣аахирад̇зж̇од̇хаад̇угат̇ааяам̣.
175. Nisitabhāvenāti santāpanādivasappavattena tikhiṇabhāvena. Usmākārañhi nisānaṃ idha nisitabhāvo. Pākatikoti sābhāviko kāyusmāti adhippeto. Sadāti sabbakālaṃ yāva jīvitindriyaṃ pavattati. Petaggi nijjhāmataṇhikapetaggi. Idhāti bāhiratejodhātukathāyaṃ.
176. вааяанам̣ б̣ийж̇анам̣, д̇ам̣ бана т̇аамасаа бавад̇д̇ийд̇и ааха ‘‘савзг̇аг̇аманавасзнаа’’д̇и. самуд̣̇ийран̣ам̣ аллабарисосанам̣, бхууд̇асан̇гхаад̇асса д̣̇зсанд̇аруббад̇д̇ихзд̇убхааво ваа.
176. Vāyanaṃ bījanaṃ, taṃ pana thāmasā pavattīti āha ‘‘savegagamanavasenā’’ti. Samudīraṇaṃ allaparisosanaṃ, bhūtasaṅghātassa desantaruppattihetubhāvo vā.
177. бхид̇д̇ижчид̣̇д̣̇аад̣̇ивасзна лаб̣бхамаанам̣ аж̇адаагаасам̣ ниссааязва барижчзд̣̇аагаасасса баригаммагаран̣анд̇и ааха ‘‘аж̇адаагаасасса жа гат̇ид̇ад̇а’’нд̇и.
177. Bhitticchiddādivasena labbhamānaṃ ajaṭākāsaṃ nissāyeva paricchedākāsassa parikammakaraṇanti āha ‘‘ajaṭākāsassa ca kathitata’’nti.
179. сукад̣̇угкаподтаб̣б̣асамудтаабанабажжаяабхаавзнаад̇и идтаанидтаподтаб̣б̣аанам̣ ниб̣б̣ад̇д̇агабхууд̇зна бажжаяабхаавзна. гасса бана со бажжаяабхаавод̇и ааха ‘‘сарийрадтагауд̇уссаа’’д̇и . бажжаяабхаавзнаад̇и жа хзд̇умхи гаран̣аважанам̣. д̇зна хи гааран̣абхууд̇зна сукад̣̇угкаподтаб̣б̣аанам̣ яат̇аавуд̇д̇асамад̇т̇ад̇аа ход̇ийд̇и. ‘‘д̇ат̇зваа’’д̇и иминаа ‘‘яат̇ааб̣алам̣ сарийрзгад̣̇зсасагаласарийра’’нд̇и ид̣̇ам̣ анугад̣дхад̇и. званд̇и ад̇д̇ано палуубажаарасид̣̇д̇хзна паран̣аббагаарзна. зд̇зсанд̇и сукаад̣̇ийнам̣. ‘‘ол̣ааригаббавад̇д̇и зва ваа паран̣а’’нд̇и иминаа нирубажаарам̣ зд̇зсам̣ паран̣адтам̣ д̣̇ассзд̇и. убхаяавад̇од̇и сукад̣̇угкавад̇о, соманассад̣̇оманассавад̇о жа, паран̣аапаран̣адтаанавад̇о ваа.
179. Sukhadukkhaphoṭṭhabbasamuṭṭhāpanapaccayabhāvenāti iṭṭhāniṭṭhaphoṭṭhabbānaṃ nibbattakabhūtena paccayabhāvena. Kassa pana so paccayabhāvoti āha ‘‘sarīraṭṭhakautussā’’ti . Paccayabhāvenāti ca hetumhi karaṇavacanaṃ. Tena hi kāraṇabhūtena sukhadukkhaphoṭṭhabbānaṃ yathāvuttasamatthatā hotīti. ‘‘Tathevā’’ti iminā ‘‘yathābalaṃ sarīrekadesasakalasarīra’’nti idaṃ anukaḍḍhati. Evanti attano phalūpacārasiddhena pharaṇappakārena. Etesanti sukhādīnaṃ. ‘‘Oḷārikappavatti eva vā pharaṇa’’nti iminā nirupacāraṃ etesaṃ pharaṇaṭṭhaṃ dasseti. Ubhayavatoti sukhadukkhavato, somanassadomanassavato ca, pharaṇāpharaṇaṭṭhānavato vā.
181. зд̇т̇а вуд̇д̇ам̣ сан̇габбанд̇и зд̇асмим̣ ‘‘сан̇габбо гаамо’’д̇иаад̣̇игз (махаани. 1; жуул̣ани. аж̇ид̇амаан̣авабужчаанид̣̇д̣̇зса 8) нид̣̇д̣̇зсабад̣̇зсз вуд̇д̇ам̣ сан̇габбам̣. д̇ад̇т̇а хи гилзсагаамова ‘‘сан̇габбарааг̇о бурисасса гаамо’’д̇иаад̣̇ийсу (а. ни. 6.63; гат̇аа. 513) вияа. вад̇т̇угаамасса д̇ат̇аа д̇ат̇аа сан̇габбанад̇о баригаббанад̇о ‘‘сан̇габбо’’д̇и вуд̇д̇о, на вид̇аггод̇и аяамзд̇т̇а ад̇т̇о вуд̇д̇о. дийгааяам̣ бана вид̇аггавасзна ад̇т̇ам̣ д̣̇ассзд̇ум̣ ‘‘соби хий’’д̇иаад̣̇и вуд̇д̇ам̣. д̇ад̇рааби буримо звад̇т̇о ад̇хиббзд̇од̇и жз, самбин̣д̣анад̇т̇о би-сад̣̇д̣̇о нирад̇т̇аго сияаа, ‘‘гилзсасант̇авасамбхавад̇о’’д̇и жа на вад̇д̇аб̣б̣ам̣ сияаа, барад̇о жа ‘‘б̣яаабаад̣̇аважанзна б̣яаабаад̣̇авид̇аггам̣ д̣̇ассзд̇ий’’д̇и вагкад̇и. гилзсагаамо вибхад̇д̇о гилзсасамбаяуд̇д̇ад̇д̇аад̇и ад̇хиббааяо. гаамабадиб̣ад̣̇д̇хаад̇и зд̇т̇а гаама-сад̣̇д̣̇зна вад̇т̇угаамааби сан̇г̇ахид̇аад̇и д̣̇адтаб̣б̣аа.
181. Ettha vuttaṃ saṅkappanti etasmiṃ ‘‘saṅkappo kāmo’’tiādike (mahāni. 1; cūḷani. ajitamāṇavapucchāniddesa 8) niddesapadese vuttaṃ saṅkappaṃ. Tattha hi kilesakāmova ‘‘saṅkapparāgo purisassa kāmo’’tiādīsu (a. ni. 6.63; kathā. 513) viya. Vatthukāmassa tathā tathā saṅkappanato parikappanato ‘‘saṅkappo’’ti vutto, na vitakkoti ayamettha attho vutto. Ṭīkāyaṃ pana vitakkavasena atthaṃ dassetuṃ ‘‘sopi hī’’tiādi vuttaṃ. Tatrāpi purimo evattho adhippetoti ce, sampiṇḍanattho pi-saddo niratthako siyā, ‘‘kilesasanthavasambhavato’’ti ca na vattabbaṃ siyā, parato ca ‘‘byāpādavacanena byāpādavitakkaṃ dassetī’’ti vakkhati. Kilesakāmo vibhatto kilesasampayuttattāti adhippāyo. Kāmapaṭibaddhāti ettha kāma-saddena vatthukāmāpi saṅgahitāti daṭṭhabbā.
182. убхаяад̇т̇а уббаннод̇и сад̇д̇зсу, сан̇каарзсууд̇и убхаяад̇т̇а уббанно, сад̇д̇аагааро, сан̇каараагаарод̇и ваа аарамман̣асса убхаяаагаараг̇г̇ахан̣авасзна уббанно. гаммабат̇ависзсо, гаммабат̇авинаасаго жа гаммабат̇абхзд̣̇од̇и д̣̇ассзд̇ум̣ ‘‘абхиж̇жхаасам̣яог̇знаа’’д̇иаад̣̇и вуд̇д̇ам̣. д̇ат̇аа вихим̣сааяа вихим̣саавид̇аггам̣ д̣̇ассзд̇ийд̇и яож̇анаа. вихим̣сааяаад̇и жа вихим̣сааважанзнаад̇и ад̇т̇о. яат̇аасамбхавам̣ баан̣аад̇ибаад̇аад̣̇ивасзнаад̇и аад̣̇и-сад̣̇д̣̇зна ад̣̇иннаад̣̇аанамусааваад̣̇абзсун̃н̃апарусаваажаасампаббалаабз сан̇г̇ан̣хаад̇и. саб̣б̣а…бз… сан̇г̇аахагзхи гааманзгкаммад̇хаад̇уухи. д̣̇вз д̣̇взд̇и б̣яаабаад̣̇авихим̣саад̇хаад̇уяо, аб̣яаабаад̣̇аавихим̣саад̇хаад̇уяо жа. ‘‘зд̇т̇аад̇и банаа’’д̇иаад̣̇инаа сам̣гилзсавод̣̇аанаанам̣ сан̇гарабхаавасса анидтаабаж̇ж̇анасса жа д̣̇ассанзна буримам̣язва ад̇т̇ам̣ б̣яад̇ирзгамукзна самбаад̣̇зд̇и.
182. Ubhayattha uppannoti sattesu, saṅkhāresūti ubhayattha uppanno, sattākāro, saṅkhārākāroti vā ārammaṇassa ubhayākāraggahaṇavasena uppanno. Kammapathaviseso, kammapathavināsako ca kammapathabhedoti dassetuṃ ‘‘abhijjhāsaṃyogenā’’tiādi vuttaṃ. Tathā vihiṃsāya vihiṃsāvitakkaṃ dassetīti yojanā. Vihiṃsāyāti ca vihiṃsāvacanenāti attho. Yathāsambhavaṃ pāṇātipātādivasenāti ādi-saddena adinnādānamusāvādapesuññapharusavācāsamphappalāpe saṅgaṇhāti. Sabba…pe… saṅgāhakehi kāmanekkhammadhātūhi. Dve dveti byāpādavihiṃsādhātuyo, abyāpādaavihiṃsādhātuyo ca. ‘‘Etthāti panā’’tiādinā saṃkilesavodānānaṃ saṅkarabhāvassa aniṭṭhāpajjanassa ca dassanena purimaṃyeva atthaṃ byatirekamukhena sampādeti.
суд̇д̇анд̇абхааж̇анийяаван̣н̣анаа нидтид̇аа.
Suttantabhājanīyavaṇṇanā niṭṭhitā.
2. абхид̇хаммабхааж̇анийяаван̣н̣анаа
2. Abhidhammabhājanīyavaṇṇanā
183. аавзн̣игад̇т̇о ад̇исаяад̇т̇о жа висзсасад̣̇д̣̇о ход̇ийд̇и д̇ад̣̇убхаяам̣ д̣̇ассзд̇ум̣ ‘‘буг̇г̇аланд̇араасаад̇хааран̣ам̣, нийлаад̣̇исаб̣б̣аруубасаад̇хааран̣ан̃жаа’’д̇и вуд̇д̇ам̣. асаад̇хааран̣агааран̣знааби хи нид̣̇д̣̇зсо ход̇и яат̇аа ‘‘бхзрисад̣̇д̣̇о, яаван̇гуро’’д̇и. ад̇исаяагааран̣знаби яат̇аа ‘‘ад̇ийд̇аанааг̇ад̇абажжуббаннаанам̣ гаммасамаад̣̇аанаанам̣ таанасо хзд̇усо вибаагам̣ яат̇аабхууд̇ам̣ баж̇аанаад̇ий’’д̇и (гат̇аа. 355; бади. ма. 2.44). д̇хаад̇уад̇т̇о зваад̇и ‘‘д̇хаад̇у’’ид̇и имасса д̇хаад̇усад̣̇д̣̇ассзва ад̇т̇о. д̇хаад̇уважанийяо хи ад̇т̇о убасаг̇г̇зна ж̇од̇ийяад̇и.
183. Āveṇikattho atisayattho ca visesasaddo hotīti tadubhayaṃ dassetuṃ ‘‘puggalantarāsādhāraṇaṃ, nīlādisabbarūpasādhāraṇañcā’’ti vuttaṃ. Asādhāraṇakāraṇenāpi hi niddeso hoti yathā ‘‘bherisaddo, yavaṅkuro’’ti. Atisayakāraṇenapi yathā ‘‘atītānāgatapaccuppannānaṃ kammasamādānānaṃ ṭhānaso hetuso vipākaṃ yathābhūtaṃ pajānātī’’ti (kathā. 355; paṭi. ma. 2.44). Dhātuattho evāti ‘‘dhātu’’iti imassa dhātusaddasseva attho. Dhātuvacanīyo hi attho upasaggena jotīyati.
буримзна асад̣̇исо вид̇хаанад̇хааран̣ад̇т̇аанам̣ баагадо бхзд̣̇од̇и. висабхааг̇алагкан̣аа висад̣̇исасабхааваа аваяаваа бхааг̇аа, д̇зсу.
Purimena asadiso vidhānadhāraṇatthānaṃ pākaṭo bhedoti. Visabhāgalakkhaṇā visadisasabhāvā avayavā bhāgā, tesu.
яат̇аасамбхаванд̇и гирияааманод̇хаад̇у убаниссаяагодияаа, вибаагаманод̇хаад̇у вибаагамановин̃н̃аан̣асса ананд̇араад̣̇инааби, ид̇арасса саб̣б̣ааби убаниссаяагодияаава. д̇хаммад̇хаад̇у бана взд̣̇анаад̣̇игаа сахаж̇аад̇аа сахаж̇аад̇аад̣̇инаа, асахаж̇аад̇аа ананд̇араад̣̇инаа, убаниссаязна аарамман̣аад̣̇инаа жа мановин̃н̃аан̣асса бажжаяод̇и звам̣ манод̇хаад̇уд̇хаммад̇хаад̇уунам̣ мановин̃н̃аан̣асса хзд̇убхааво яат̇аасамбхавам̣ яож̇зд̇аб̣б̣о. д̣̇ваарабхууд̇аманоби суд̇д̇з ‘‘манод̇хаад̇уу’’д̇и вужжад̇ийд̇и ааха ‘‘д̣̇ваарабхууд̇амановасзна ваа’’д̇и. д̇ассаа манод̇хаад̇уяаа мановин̃н̃аан̣асса хзд̇убхааво яат̇аасамбхавам̣ яож̇зд̇аб̣б̣од̇и самб̣анд̇хо.
Yathāsambhavanti kiriyāmanodhātu upanissayakoṭiyā, vipākamanodhātu vipākamanoviññāṇassa anantarādināpi, itarassa sabbāpi upanissayakoṭiyāva. Dhammadhātu pana vedanādikā sahajātā sahajātādinā, asahajātā anantarādinā, upanissayena ārammaṇādinā ca manoviññāṇassa paccayoti evaṃ manodhātudhammadhātūnaṃ manoviññāṇassa hetubhāvo yathāsambhavaṃ yojetabbo. Dvārabhūtamanopi sutte ‘‘manodhātū’’ti vuccatīti āha ‘‘dvārabhūtamanovasena vā’’ti. Tassā manodhātuyā manoviññāṇassa hetubhāvo yathāsambhavaṃ yojetabboti sambandho.
буриманаязнаад̇и висзсанам̣ д̣̇уд̇ияанаяасса хийнад̇д̇игавасзнзва вибхад̇д̇ад̇д̇аа. наанаад̇хаад̇уунан̃жа жагкуд̇хаад̇уаад̣̇ийнанд̇и самб̣анд̇хо.
Purimanayenāti visesanaṃ dutiyanayassa hīnattikavaseneva vibhattattā. Nānādhātūnañca cakkhudhātuādīnanti sambandho.
на хи д̣̇вз мановин̃н̃аан̣ад̇хаад̇уяо санд̇и адтаарасад̇хаад̇увибхааг̇ад̣̇ассанзд̇и ад̇хиббааяо. канд̇хааяад̇анад̇хаад̇инд̣̇рияаанам̣язва васзна сан̇кзбаад̣̇ивибхааг̇ад̣̇ассанам̣ д̇зсам̣ б̣ахулам̣ барин̃н̃зяяад̇хаммасан̇г̇ан̣ханад̇о. сажжад̣̇зсанаа бана ад̇исам̣кид̇д̇абхаавад̇оязвзд̇т̇а б̣ахигад̇аа.
Na hi dve manoviññāṇadhātuyo santi aṭṭhārasadhātuvibhāgadassaneti adhippāyo. Khandhāyatanadhātindriyānaṃyeva vasena saṅkhepādivibhāgadassanaṃ tesaṃ bahulaṃ pariññeyyadhammasaṅgaṇhanato. Saccadesanā pana atisaṃkhittabhāvatoyevettha bahikatā.
ниж̇ж̇ийвассаад̇иаад̣̇и висзсад̇о сад̇д̇асун̃н̃ад̇аад̣̇ийбанад̇т̇аа д̇хаад̇уд̣̇зсанаад̇и гад̇ваа вуд̇д̇ам̣. буриманаяо ан̃н̃зсамби гамавуд̇д̇ийнам̣ д̇хаад̇уунам̣ самбхавад̇ийд̇и ад̇хиббааязна вуд̇д̇од̇и ‘‘манод̇хаад̇уязва ваа’’д̇иаад̣̇инаа д̣̇уд̇ияанаяо вуд̇д̇о. д̇ад̇т̇а авиж̇ж̇амаанзби бурзжараанужарабхаавзд̇и бурзжараанужараабхисанд̇хияаа абхаавзби гзвалам̣ ананд̇арабуб̣б̣агаалаананд̇араабарагаалад̇ааяа манод̇хаад̇у бурзжараанужараа вияа д̣̇адтаб̣б̣аад̇и вуд̇д̇аа.
Nijjīvassātiādi visesato sattasuññatādīpanatthā dhātudesanāti katvā vuttaṃ. Purimanayo aññesampi kamavuttīnaṃ dhātūnaṃ sambhavatīti adhippāyena vuttoti ‘‘manodhātuyeva vā’’tiādinā dutiyanayo vutto. Tattha avijjamānepi purecarānucarabhāveti purecarānucarābhisandhiyā abhāvepi kevalaṃ anantarapubbakālaanantarāparakālatāya manodhātu purecarānucarā viya daṭṭhabbāti vuttā.
‘‘ан̃н̃ам̣ аг̇г̇ахзд̇ваа бавад̇д̇ид̇ум̣ асамад̇т̇ад̇ааяаа’’д̇и зд̇зна вин̃н̃аан̣асса зганд̇асаарамман̣ад̇аад̣̇ассанзна ‘‘аарамман̣зна винаа саяамзва нийлаад̣̇иаабхаасам̣ жид̇д̇ам̣ бавад̇д̇ад̇ий’’д̇и звам̣ бавад̇д̇ид̇ам̣ вин̃н̃аан̣аваад̣̇ам̣ бадисзд̇хзд̇и.
‘‘Aññaṃ aggahetvā pavattituṃ asamatthatāyā’’ti etena viññāṇassa ekantasārammaṇatādassanena ‘‘ārammaṇena vinā sayameva nīlādiābhāsaṃ cittaṃ pavattatī’’ti evaṃ pavattitaṃ viññāṇavādaṃ paṭisedheti.
184. зганаанаасанд̇аанаг̇ад̇аананд̇и згасанд̇аанаг̇ад̇аанам̣ абхиннасанд̇аанаг̇ад̇аанам̣ д̣̇ваараанам̣, наанаасанд̇аанаг̇ад̇аанам̣ бхиннасанд̇аанаг̇ад̇аанам̣ аарамман̣аананд̇и яож̇анаа. зганаанааж̇аад̇игад̇д̇аад̇и жагкаад̣̇изгзгаж̇аад̇игад̇д̇аа д̣̇ваараанам̣, нийлаад̣̇ианзгаж̇аад̇игад̇д̇аа аарамман̣аанам̣.
184. Ekanānāsantānagatānanti ekasantānagatānaṃ abhinnasantānagatānaṃ dvārānaṃ, nānāsantānagatānaṃ bhinnasantānagatānaṃ ārammaṇānanti yojanā. Ekanānājātikattāti cakkhādiekekajātikattā dvārānaṃ, nīlādianekajātikattā ārammaṇānaṃ.
жагкаад̣̇и згамби вин̃н̃аан̣асса бажжаяо ход̇и, руубаад̣̇и бана анзгамзва сам̣хад̇анд̇и имасса ваа ад̇т̇ависзсасса д̣̇ассанад̇т̇ам̣ жагкуруубаад̣̇ийсу важанабхзд̣̇о гад̇о. гим̣ бана гааран̣ам̣ жагкаад̣̇и згамби вин̃н̃аан̣асса бажжаяо ход̇и, руубаад̣̇и бана анзгамзваад̇и? бажжаяабхаавависзсад̇о. жагку хи жагкувин̃н̃аан̣асса ниссаяабурзж̇аад̇аинд̣̇рияавиббаяуд̇д̇абажжаязхи бажжаяо хонд̇ам̣ ад̇т̇ибхаавзнзва ход̇и д̇асмим̣ сад̇и д̇асса бхаавад̇о, асад̇и абхаавад̇о, яад̇о д̇ам̣ ад̇т̇иавиг̇ад̇абажжаязхисса бажжаяо ход̇ийд̇и вужжад̇ийд̇и. д̇ам̣ниссаяад̇аа жасса на згад̣̇зсзна аллийяанавасзна ижчид̇аб̣б̣аа аруубабхаавад̇о, ат̇а ко г̇арурааж̇аад̣̇ийсу сиссарааж̇абурисаад̣̇ийнам̣ вияа д̇аббадиб̣ад̣̇д̇хавуд̇д̇ид̇ааяа. ид̇арз жа бажжаяаа д̇зна д̇зна висзсзна взд̣̇ид̇аб̣б̣аа. свааяам̣ бажжаяабхааво на згасмим̣ на самбхавад̇ийд̇и згамби жагку жагкувин̃н̃аан̣асса бажжаяо ход̇ийд̇и д̣̇ассзд̇ум̣ баал̣ияам̣ ‘‘жагкун̃жа бадижжаа’’д̇и згаважананид̣̇д̣̇зсо гад̇о.
Cakkhādi ekampi viññāṇassa paccayo hoti, rūpādi pana anekameva saṃhatanti imassa vā atthavisesassa dassanatthaṃ cakkhurūpādīsu vacanabhedo kato. Kiṃ pana kāraṇaṃ cakkhādi ekampi viññāṇassa paccayo hoti, rūpādi pana anekamevāti? Paccayabhāvavisesato. Cakkhu hi cakkhuviññāṇassa nissayapurejātaindriyavippayuttapaccayehi paccayo hontaṃ atthibhāveneva hoti tasmiṃ sati tassa bhāvato, asati abhāvato, yato taṃ atthiavigatapaccayehissa paccayo hotīti vuccatīti. Taṃnissayatā cassa na ekadesena allīyanavasena icchitabbā arūpabhāvato, atha kho garurājādīsu sissarājapurisādīnaṃ viya tappaṭibaddhavuttitāya. Itare ca paccayā tena tena visesena veditabbā. Svāyaṃ paccayabhāvo na ekasmiṃ na sambhavatīti ekampi cakkhu cakkhuviññāṇassa paccayo hotīti dassetuṃ pāḷiyaṃ ‘‘cakkhuñca paṭiccā’’ti ekavacananiddeso kato.
руубам̣ бана яад̣̇иби жагку вияа бурзж̇аад̇аад̇т̇иавиг̇ад̇абажжаязхи бажжаяо ход̇и бурзд̇арам̣ уббаннам̣ худ̇ваа виж̇ж̇амаанагкан̣зязва убагаарагад̇д̇аа, д̇ат̇ааби анзгамзва сам̣хад̇ам̣ худ̇ваа бажжаяо ход̇и аарамман̣абхаавад̇о. яан̃хи бажжаяад̇хаммам̣ сабхаавабхууд̇ам̣, баригаббид̇аагаарамад̇д̇ам̣ ваа вин̃н̃аан̣ам̣ вибхаавзнд̇ам̣ бавад̇д̇ад̇и, д̇ад̣̇ан̃н̃зсан̃жа сад̇иби бажжаяабхаавз со д̇асса саарамман̣асабхаавад̇о яам̣ гин̃жи анааламб̣ид̇ваа бавад̇д̇ид̇ум̣ асамад̇т̇асса олуб̣бха бавад̇д̇игааран̣ад̇ааяа ааламб̣анийяад̇о аарамман̣ам̣ наама. д̇асса яасмаа яат̇аа яат̇аа сабхаавуубалад̣̇д̇хи вин̃н̃аан̣асса аарамман̣абажжаяалаабхо, д̇асмаа жагкувин̃н̃аан̣ам̣ руубам̣ аараб̣бха бавад̇д̇амаанам̣ д̇асса сабхаавам̣ вибхаавзнд̇амзва бавад̇д̇ад̇и. саа жасса инд̣̇рияаад̇хийнавуд̇д̇игасса аарамман̣асабхаавуубалад̣̇д̇хи на згад̣̇вигалаабаг̇ад̇аван̣н̣авасзнзва ход̇и, нааби гад̇ибаяагалаабаван̣н̣авасзна, ат̇а ко аабхог̇аануруубам̣ аабаат̇аг̇ад̇аван̣н̣авасзнаад̇и анзгамзва руубам̣ сам̣хажжагаарид̇ааяа вин̃н̃аан̣асса бажжаяо ход̇ийд̇и д̣̇ассзнд̇о бхаг̇аваа ‘‘руубз жаа’’д̇и б̣ахуважанзна нид̣̇д̣̇иси.
Rūpaṃ pana yadipi cakkhu viya purejātaatthiavigatapaccayehi paccayo hoti puretaraṃ uppannaṃ hutvā vijjamānakkhaṇeyeva upakārakattā, tathāpi anekameva saṃhataṃ hutvā paccayo hoti ārammaṇabhāvato. Yañhi paccayadhammaṃ sabhāvabhūtaṃ, parikappitākāramattaṃ vā viññāṇaṃ vibhāventaṃ pavattati, tadaññesañca satipi paccayabhāve so tassa sārammaṇasabhāvato yaṃ kiñci anālambitvā pavattituṃ asamatthassa olubbha pavattikāraṇatāya ālambanīyato ārammaṇaṃ nāma. Tassa yasmā yathā yathā sabhāvūpaladdhi viññāṇassa ārammaṇapaccayalābho, tasmā cakkhuviññāṇaṃ rūpaṃ ārabbha pavattamānaṃ tassa sabhāvaṃ vibhāventameva pavattati. Sā cassa indriyādhīnavuttikassa ārammaṇasabhāvūpaladdhi na ekadvikalāpagatavaṇṇavaseneva hoti, nāpi katipayakalāpavaṇṇavasena, atha kho ābhogānurūpaṃ āpāthagatavaṇṇavasenāti anekameva rūpaṃ saṃhaccakāritāya viññāṇassa paccayo hotīti dassento bhagavā ‘‘rūpe cā’’ti bahuvacanena niddisi.
яам̣ бана ‘‘руубааяад̇анам̣ жагкувин̃н̃аан̣ад̇хаад̇уяаа, д̇ам̣самбаяуд̇д̇агаанан̃жа д̇хаммаанам̣ аарамман̣абажжаязна бажжаяо’’д̇и (бадтаа. 1.1.1) вуд̇д̇ам̣, д̇ам̣ гат̇анд̇и? д̇амби яаад̣̇исам̣ руубааяад̇анам̣ жагкувин̃н̃аан̣асса аарамман̣абажжаяо, д̇аад̣̇исамзва санд̇хааяа вуд̇д̇ам̣. гийд̣̇исам̣ бана д̇анд̇и? самуд̣̇ид̇анд̇и баагадояамад̇т̇о. зван̃жа гад̇ваа яад̣̇згз вад̣̇анд̇и ‘‘ааяад̇анасаллагкан̣авасзна жагкувин̃н̃аан̣аад̣̇аяо саллагкан̣аарамман̣аа, на д̣̇аб̣яасаллагкан̣авасзнаа’’д̇и, д̇ам̣ яуд̇д̇амзва ход̇и. на жзд̇т̇а самуд̣̇ааяаарамман̣ад̇аа аасан̇гид̇аб̣б̣аа самуд̣̇ааяаабхог̇ассзва абхаавад̇о, самуд̣̇ид̇аа бана ван̣н̣ад̇хаммаа аарамман̣абажжаяаа хонд̇и. гат̇ам̣ бана бажжзгам̣ асамад̇т̇аа самуд̣̇ид̇аа аарамман̣аа хонд̇и, на хи бажжзгам̣ д̣̇адтум̣ асаггонд̇аа анд̇хаа самуд̣̇ид̇аа бассанд̇ийд̇и? наяид̣̇амзганд̇игам̣ висум̣ асамад̇т̇аанам̣ сивигааваханаад̣̇ийсу самад̇т̇ад̇ааяа д̣̇ассанад̇о. гзсаад̣̇ийнан̃жа яасмим̣ таанз тид̇аанам̣ бажжзгам̣ ван̣н̣ам̣ г̇ахзд̇ум̣ на саггаа, д̇асмим̣язва таанз самуд̣̇ид̇аанам̣ д̇ам̣ г̇ахзд̇ум̣ саггаад̇и бхияяоби д̇зсам̣ сам̣хажжагаарид̇аа бариб̣яад̇д̇аа. зд̇зна гим̣ жагкувин̃н̃аан̣асса барамаан̣уруубам̣ аарамман̣ам̣, уд̣̇ааху д̇ам̣самуд̣̇ааяод̇иаад̣̇игаа жод̣̇анаа бадигкид̇д̇аа взд̣̇ид̇аб̣б̣аа. ‘‘сод̇ан̃жа бадижжа сад̣̇д̣̇з жаа’’д̇иаад̣̇ийсуби аяамзва наяо.
Yaṃ pana ‘‘rūpāyatanaṃ cakkhuviññāṇadhātuyā, taṃsampayuttakānañca dhammānaṃ ārammaṇapaccayena paccayo’’ti (paṭṭhā. 1.1.1) vuttaṃ, taṃ kathanti? Tampi yādisaṃ rūpāyatanaṃ cakkhuviññāṇassa ārammaṇapaccayo, tādisameva sandhāya vuttaṃ. Kīdisaṃ pana tanti? Samuditanti pākaṭoyamattho. Evañca katvā yadeke vadanti ‘‘āyatanasallakkhaṇavasena cakkhuviññāṇādayo sallakkhaṇārammaṇā, na dabyasallakkhaṇavasenā’’ti, taṃ yuttameva hoti. Na cettha samudāyārammaṇatā āsaṅkitabbā samudāyābhogasseva abhāvato, samuditā pana vaṇṇadhammā ārammaṇapaccayā honti. Kathaṃ pana paccekaṃ asamatthā samuditā ārammaṇā honti, na hi paccekaṃ daṭṭhuṃ asakkontā andhā samuditā passantīti? Nayidamekantikaṃ visuṃ asamatthānaṃ sivikāvahanādīsu samatthatāya dassanato. Kesādīnañca yasmiṃ ṭhāne ṭhitānaṃ paccekaṃ vaṇṇaṃ gahetuṃ na sakkā, tasmiṃyeva ṭhāne samuditānaṃ taṃ gahetuṃ sakkāti bhiyyopi tesaṃ saṃhaccakāritā paribyattā. Etena kiṃ cakkhuviññāṇassa paramāṇurūpaṃ ārammaṇaṃ, udāhu taṃsamudāyotiādikā codanā paṭikkhittā veditabbā. ‘‘Sotañca paṭicca sadde cā’’tiādīsupi ayameva nayo.
звамби ад̇т̇о лаб̣бхад̇ийд̇и ‘‘манод̇хаад̇уяаабий’’д̇и би-сад̣̇д̣̇зна на гзвалам̣ ж̇аванабарияосаанаа мановин̃н̃аан̣ад̇хаад̇уязва самбин̣д̣ийяад̇и, ат̇а ко д̇ад̣̇аарамман̣абхаван̇г̇асан̇каад̇ааби самбин̣д̣ийяад̇ийд̇и звамби ад̇т̇о лаб̣бхад̇и, самбхавад̇ийд̇и ад̇т̇о. звам̣ сад̇ийд̇и звам̣ ан̃н̃аманод̇хаад̇уббавад̇д̇ияаа орам̣ бавад̇д̇ажид̇д̇аанам̣ мановин̃н̃аан̣ад̇хаад̇уд̇аад̣̇ассанз сад̇и. сад̇иби манасо самбхууд̇абхаавз манод̇хаад̇уяаа мановин̃н̃аан̣ад̇хаад̇убхааваббасан̇г̇о на ход̇иязва д̇ам̣сабхаавассзва мановин̃н̃аан̣ад̇хаад̇убхаавзна нид̣̇д̣̇идтад̇д̇аа. ид̣̇аани д̇амзвад̇т̇ам̣ ‘‘бан̃жавин̃н̃аан̣ад̇хаад̇уманод̇хаад̇уу’’д̇иаад̣̇инаа баагадад̇арам̣ гарод̇и. д̇аб̣б̣ид̇хурасабхаавзнаад̇и бан̃жавин̃н̃аан̣ад̇хаад̇уухи висад̣̇исасабхаавзна. уббад̇д̇идтаанзна жаад̇и манод̇хаад̇угирияамановин̃н̃аан̣ад̇хаад̇уаад̣̇ийхи барижчиннзна уббаж̇ж̇анадтаанзна жа. ид̣̇аани згад̇д̇аг̇г̇ахан̣ам̣ винааби яат̇аавуд̇д̇асса ад̇т̇асса самбхавам̣ д̣̇ассзд̇ум̣ ‘‘анубанийд̇збий’’д̇иаад̣̇и вуд̇д̇ам̣. д̇ад̇т̇а сааман̃н̃авасзнаад̇и сад̣̇исад̇аавасзна. д̇ассаад̇и бхаван̇г̇аананд̇арам̣ уббаннажид̇д̇асса. амановин̃н̃аан̣ад̇хаад̇убхааваасид̣̇д̇хид̇од̇и манод̇хаад̇убхааваасид̣̇д̇хид̇о. на хи ‘‘мановин̃н̃аан̣ад̇хаад̇уяааби уббаж̇ж̇ид̇ваа нируд̣̇д̇хасамананд̇арам̣ уббаж̇ж̇ад̇и жид̇д̇ам̣…бз… д̇аж̇ж̇аа мановин̃н̃аан̣ад̇хаад̇уу’’д̇и ид̣̇ам̣ важанам̣ бхаван̇г̇аананд̇арам̣ уббаннажид̇д̇асса манод̇хаад̇убхаавам̣ саад̇хзд̇и. сид̣̇д̇хз хи манод̇хаад̇убхаавз д̇ам̣ д̇асса нивад̇д̇агам̣ сияаад̇и ад̇хиббааяо. мановин̃н̃аан̣ад̇хаад̇уяаа бана уббаннасса жид̇д̇асса мановин̃н̃аан̣ад̇хаад̇убхаавад̣̇ийбагам̣ важанам̣ д̇аад̣̇исааяа манод̇хаад̇уяааби мановин̃н̃аан̣ад̇хаад̇убхаавамзва д̣̇ийбзяяаад̇и гат̇ам̣ д̇ассаа нивад̇д̇агам̣ сияаад̇и ааха ‘‘на хи яам̣ жод̣̇ийяад̇и, д̇ад̣̇зва барихаарааяа ход̇ий’’д̇и.
Evampiattho labbhatīti ‘‘manodhātuyāpī’’ti pi-saddena na kevalaṃ javanapariyosānā manoviññāṇadhātuyeva sampiṇḍīyati, atha kho tadārammaṇabhavaṅgasaṅkhātāpi sampiṇḍīyatīti evampi attho labbhati, sambhavatīti attho. Evaṃ satīti evaṃ aññamanodhātuppavattiyā oraṃ pavattacittānaṃ manoviññāṇadhātutādassane sati. Satipi manaso sambhūtabhāve manodhātuyā manoviññāṇadhātubhāvappasaṅgo na hotiyeva taṃsabhāvasseva manoviññāṇadhātubhāvena niddiṭṭhattā. Idāni tamevatthaṃ ‘‘pañcaviññāṇadhātumanodhātū’’tiādinā pākaṭataraṃ karoti. Tabbidhurasabhāvenāti pañcaviññāṇadhātūhi visadisasabhāvena. Uppattiṭṭhānena cāti manodhātukiriyamanoviññāṇadhātuādīhi paricchinnena uppajjanaṭṭhānena ca. Idāni ekattaggahaṇaṃ vināpi yathāvuttassa atthassa sambhavaṃ dassetuṃ ‘‘anupanītepī’’tiādi vuttaṃ. Tattha sāmaññavasenāti sadisatāvasena. Tassāti bhavaṅgānantaraṃ uppannacittassa. Amanoviññāṇadhātubhāvāsiddhitoti manodhātubhāvāsiddhito. Na hi ‘‘manoviññāṇadhātuyāpi uppajjitvā niruddhasamanantaraṃ uppajjati cittaṃ…pe… tajjā manoviññāṇadhātū’’ti idaṃ vacanaṃ bhavaṅgānantaraṃ uppannacittassa manodhātubhāvaṃ sādheti. Siddhe hi manodhātubhāve taṃ tassa nivattakaṃ siyāti adhippāyo. Manoviññāṇadhātuyā pana uppannassa cittassa manoviññāṇadhātubhāvadīpakaṃ vacanaṃ tādisāya manodhātuyāpi manoviññāṇadhātubhāvameva dīpeyyāti kathaṃ tassā nivattakaṃ siyāti āha ‘‘na hi yaṃ codīyati, tadeva parihārāya hotī’’ti.
яад̣̇и звам̣ бан̃жад̣̇ваарааваж̇ж̇анасса мановин̃н̃аан̣ад̇хаад̇убхааваабад̇д̇и зваад̇и жод̣̇анам̣ манаси гад̇ваа ааха ‘‘манод̇хаад̇уяаабий’’д̇иаад̣̇и. бан̃жавин̃н̃аан̣зхи манод̇хаад̇уухи жа висидто сабхааво бан̃жавин̃н̃аан̣а…бз… сабхааво, д̇асса васзна. жуд̇ибадисанд̇хибхаван̇г̇аананд̇и д̇ад̣̇аарамман̣амби бхаван̇г̇анд̇ог̇ад̇хам̣ гад̇ваа вуд̇д̇ам̣. ж̇аванаавасаанаанийд̇и ваа ж̇аванаарамман̣ад̇д̇аа д̇ад̣̇аарамман̣амби г̇ахид̇ам̣ д̣̇адтаб̣б̣ам̣. д̇знзвааха ‘‘чад̣̇вааригажид̇д̇зхи ваа’’д̇иаад̣̇и.
Yadi evaṃ pañcadvārāvajjanassa manoviññāṇadhātubhāvāpatti evāti codanaṃ manasi katvā āha ‘‘manodhātuyāpī’’tiādi. Pañcaviññāṇehi manodhātūhi ca visiṭṭho sabhāvo pañcaviññāṇa…pe… sabhāvo, tassa vasena. Cutipaṭisandhibhavaṅgānanti tadārammaṇampi bhavaṅgantogadhaṃ katvā vuttaṃ. Javanāvasānānīti vā javanārammaṇattā tadārammaṇampi gahitaṃ daṭṭhabbaṃ. Tenevāha ‘‘chadvārikacittehi vā’’tiādi.
висум̣ гаад̇ум̣ яуд̇д̇анд̇и ааваж̇ж̇анамби яад̣̇иби руубаад̣̇ивисаяам̣ ход̇и, ж̇аванам̣ вияа аарамман̣арасаанубхаванам̣ бана на ход̇ийд̇и зд̣̇исз таанз висум̣ гаад̇аб̣б̣амзва. мано жаад̇и жа-сад̣̇д̣̇о ‘‘манан̃жа бадижжаа’’д̇иаад̣̇ийсу вияа на самбин̣д̣анад̇т̇о, ат̇а ко б̣яад̇ирзгад̇т̇о д̣̇адтаб̣б̣о.
Visuṃ kātuṃ yuttanti āvajjanampi yadipi rūpādivisayaṃ hoti, javanaṃ viya ārammaṇarasānubhavanaṃ pana na hotīti edise ṭhāne visuṃ kātabbameva. Manocāti ca-saddo ‘‘manañca paṭiccā’’tiādīsu viya na sampiṇḍanattho, atha kho byatirekattho daṭṭhabbo.
абхид̇хаммабхааж̇анийяаван̣н̣анаа нидтид̇аа.
Abhidhammabhājanīyavaṇṇanā niṭṭhitā.
3. бан̃хабужчагаван̣н̣анаа
3. Pañhapucchakavaṇṇanā
хздтаа вуд̇д̇анаяад̇д̇аад̇и д̇хаммад̇хаад̇умановин̃н̃аан̣ад̇хаад̇уунам̣ ‘‘бан̃жабан̣н̣ааса гаамааважарад̇хаммз аараб̣бха раж̇ж̇анд̇ассаа’’д̇иаад̣̇инаа (вибха. адта. 150; 168) барид̇д̇аарамман̣аад̣̇ибхаавз д̣̇ассияамаанз ‘‘жид̇д̇уббаад̣̇аруубавасзна д̇ам̣ д̇ам̣ самуд̣̇ааяам̣ згзгам̣ д̇хаммам̣ гад̇ваа’’д̇иаад̣̇инаа (вибха. мууладий. 150) д̇ад̣̇ад̇т̇асса канд̇хавибхан̇г̇аван̣н̣анаад̣̇ийсу вуд̇д̇анаяад̇д̇аа.
Heṭṭhāvuttanayattāti dhammadhātumanoviññāṇadhātūnaṃ ‘‘pañcapaṇṇāsa kāmāvacaradhamme ārabbha rajjantassā’’tiādinā (vibha. aṭṭha. 150; 168) parittārammaṇādibhāve dassiyamāne ‘‘cittuppādarūpavasena taṃ taṃ samudāyaṃ ekekaṃ dhammaṃ katvā’’tiādinā (vibha. mūlaṭī. 150) tadatthassa khandhavibhaṅgavaṇṇanādīsu vuttanayattā.
бан̃хабужчагаван̣н̣анаа нидтид̇аа.
Pañhapucchakavaṇṇanā niṭṭhitā.
д̇хаад̇увибхан̇г̇аван̣н̣анаа нидтид̇аа.
Dhātuvibhaṅgavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / абхид̇хаммабидага • Abhidhammapiṭaka / вибхан̇г̇абаал̣и • Vibhaṅgapāḷi / 3. д̇хаад̇увибхан̇г̇о • 3. Dhātuvibhaṅgo
адтагат̇аа • Aṭṭhakathā / абхид̇хаммабидага (адтагат̇аа) • Abhidhammapiṭaka (aṭṭhakathā) / саммохавинод̣̇аний-адтагат̇аа • Sammohavinodanī-aṭṭhakathā
1. суд̇д̇анд̇абхааж̇анийяаван̣н̣анаа • 1. Suttantabhājanīyavaṇṇanā
2. абхид̇хаммабхааж̇анийяаван̣н̣анаа • 2. Abhidhammabhājanīyavaṇṇanā
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / вибхан̇г̇а-мууладийгаа • Vibhaṅga-mūlaṭīkā / 3. д̇хаад̇увибхан̇г̇о • 3. Dhātuvibhaṅgo
