| Library / Tipiṭaka / д̇ибидага • Tipiṭaka / бзд̇авад̇т̇убаал̣и • Petavatthupāḷi |
10. д̇хаад̇увиван̣н̣абзд̇авад̇т̇у
10. Dhātuvivaṇṇapetavatthu
507.
507.
‘‘анд̇алигкасмим̣ д̇идтанд̇о, д̣̇уг̇г̇анд̇хо бууд̇и вааяаси;
‘‘Antalikkhasmiṃ tiṭṭhanto, duggandho pūti vāyasi;
мукан̃жа д̇з гимаяо бууд̇иг̇анд̇хам̣, каад̣̇анд̇и гим̣ гаммамагааси буб̣б̣з.
Mukhañca te kimayo pūtigandhaṃ, khādanti kiṃ kammamakāsi pubbe.
508.
508.
‘‘д̇ад̇о сад̇т̇ам̣ г̇ахзд̇ваана, огганд̇анд̇и бунаббунам̣;
‘‘Tato satthaṃ gahetvāna, okkantanti punappunaṃ;
каарзна барибпосид̇ваа, огганд̇анд̇и бунаббунам̣.
Khārena paripphositvā, okkantanti punappunaṃ.
509.
509.
‘‘гим̣ ну гааязна ваажааяа, манасаа д̣̇уггадам̣ гад̇ам̣;
‘‘Kiṃ nu kāyena vācāya, manasā dukkaṭaṃ kataṃ;
гисса гаммавибаагзна, ид̣̇ам̣ д̣̇угкам̣ ниг̇ажчасий’’д̇и.
Kissa kammavipākena, idaṃ dukkhaṃ nigacchasī’’ti.
510.
510.
‘‘ахам̣ рааж̇аг̇ахз раммз, раман̣ийяз г̇ириб̣б̣аж̇з;
‘‘Ahaṃ rājagahe ramme, ramaṇīye giribbaje;
иссаро д̇ханад̇хан̃н̃асса, субахууд̇асса маариса.
Issaro dhanadhaññassa, supahūtassa mārisa.
511.
511.
‘‘д̇ассааяам̣ мз бхарияаа жа, д̇хийд̇аа жа сун̣исаа жа мз;
‘‘Tassāyaṃ me bhariyā ca, dhītā ca suṇisā ca me;
д̇аа маалам̣ уббалан̃жааби, бажжаг̇гхан̃жа вилзбанам̣;
Tā mālaṃ uppalañcāpi, paccagghañca vilepanaṃ;
т̇уубам̣ харанд̇ияо ваарзсим̣, д̇ам̣ баабам̣ багад̇ам̣ маяаа.
Thūpaṃ harantiyo vāresiṃ, taṃ pāpaṃ pakataṃ mayā.
512.
512.
‘‘чал̣аасийд̇исахассаани , маяам̣ бажжад̇д̇авзд̣̇анаа;
‘‘Chaḷāsītisahassāni , mayaṃ paccattavedanā;
т̇уубабууж̇ам̣ виван̣н̣зд̇ваа, бажжаама нираяз бхусам̣.
Thūpapūjaṃ vivaṇṇetvā, paccāma niraye bhusaṃ.
513.
513.
‘‘яз жа ко т̇уубабууж̇ааяа, вад̇д̇анд̇з арахад̇о махз;
‘‘Ye ca kho thūpapūjāya, vattante arahato mahe;
514.
514.
‘‘имаа жа басса ааяанд̇ияо, маалад̇хаарий алан̇гад̇аа;
‘‘Imā ca passa āyantiyo, māladhārī alaṅkatā;
515.
515.
‘‘д̇ан̃жа д̣̇исваана ажчзрам̣, аб̣бхуд̇ам̣ ломахам̣санам̣;
‘‘Tañca disvāna accheraṃ, abbhutaṃ lomahaṃsanaṃ;
намо гаронд̇и саббан̃н̃аа, ванд̣̇анд̇и д̇ам̣ махаамуним̣.
Namo karonti sappaññā, vandanti taṃ mahāmuniṃ.
516.
516.
‘‘сохам̣ нууна ид̇о г̇анд̇ваа, яоним̣ лад̣̇д̇хаана маанусим̣;
‘‘Sohaṃ nūna ito gantvā, yoniṃ laddhāna mānusiṃ;
т̇уубабууж̇ам̣ гариссаами, аббамад̇д̇о бунаббуна’’нд̇и.
Thūpapūjaṃ karissāmi, appamatto punappuna’’nti.
д̇хаад̇увиван̣н̣абзд̇авад̇т̇у д̣̇асамам̣. жуул̣аваг̇г̇о д̇ад̇ияо нидтид̇о.
Dhātuvivaṇṇapetavatthu dasamaṃ. Cūḷavaggo tatiyo niṭṭhito.
д̇ассуд̣̇д̣̇аанам̣ –
Tassuddānaṃ –
гумааро г̇ан̣игаа жзва, д̣̇вз луд̣̇д̣̇аа бидтибууж̇анаа;
Kumāro gaṇikā ceva, dve luddā piṭṭhipūjanā;
ваг̇г̇о д̇зна бавужжад̇ийд̇и.
Vaggo tena pavuccatīti.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / куд̣̇д̣̇аганигааяа (адтагат̇аа) • Khuddakanikāya (aṭṭhakathā) / бзд̇авад̇т̇у-адтагат̇аа • Petavatthu-aṭṭhakathā / 10. д̇хаад̇увиван̣н̣абзд̇авад̇т̇уван̣н̣анаа • 10. Dhātuvivaṇṇapetavatthuvaṇṇanā
