| Library / Tipiṭaka / д̇ибидага • Tipiṭaka / бзд̇авад̇т̇у-адтагат̇аа • Petavatthu-aṭṭhakathā |
10. д̇хаад̇увиван̣н̣абзд̇авад̇т̇уван̣н̣анаа
10. Dhātuvivaṇṇapetavatthuvaṇṇanā
анд̇алигкасмим̣ д̇идтанд̇од̇и ид̣̇ам̣ д̇хаад̇увиван̣н̣абзд̇авад̇т̇у. бхаг̇авад̇и гусинаарааяам̣ убавад̇д̇анз маллаанам̣ саалаванз яамагасаалаанаманд̇арз бариниб̣б̣уд̇з д̇хаад̇увибхааг̇з жа гад̇з рааж̇аа аж̇аад̇асад̇д̇у ад̇д̇анаа лад̣̇д̇хад̇хаад̇убхааг̇ам̣ г̇ахзд̇ваа сад̇д̇а вассаани сад̇д̇а жа маасз сад̇д̇а жа д̣̇ивасз б̣уд̣̇д̇хаг̇ун̣з ануссаранд̇о ул̣аарабууж̇ам̣ бавад̇д̇зси. д̇ад̇т̇а асан̇кзяяаа аббамзяяаа мануссаа жид̇д̇аани басаад̣̇зд̇ваа саг̇г̇уубаг̇аа ахзсум̣, чал̣аасийд̇имад̇д̇аани бана бурисасахассаани жирагаалабхаавид̇зна ассад̣̇д̇хиязна мижчаад̣̇ассанзна жа вибаллад̇т̇ажид̇д̇аа басаад̣̇анийязби таанз ад̇д̇ано жид̇д̇аани бад̣̇осзд̇ваа бзд̇зсу уббаж̇ж̇им̣су. д̇асмим̣язва рааж̇аг̇ахз ан̃н̃ад̇арасса вибхавасамбаннасса гудумб̣игасса бхарияаа д̇хийд̇аа сун̣исаа жа басаннажид̇д̇аа ‘‘д̇хаад̇убууж̇ам̣ гариссаамаа’’д̇и г̇анд̇хабубпаад̣̇ийни г̇ахзд̇ваа д̇хаад̇удтаанам̣ г̇анд̇ум̣ аарад̣̇д̇хаа. со гудумб̣иго ‘‘гим̣ адтигаанам̣ бууж̇анзнаа’’д̇и д̇аа барибхаасзд̇ваа д̇хаад̇убууж̇ам̣ виван̣н̣зси. д̇ааби д̇асса важанам̣ анаад̣̇ияид̇ваа д̇ад̇т̇а г̇анд̇ваа д̇хаад̇убууж̇ам̣ гад̇ваа г̇зхам̣ ааг̇ад̇аа д̇аад̣̇исзна рог̇зна абхибхууд̇аа нажирассзва гаалам̣ гад̇ваа д̣̇звалогз ниб̣б̣ад̇д̇им̣су. со бана год̇хзна абхибхууд̇о нажирассзва гаалам̣ гад̇ваа д̇зна баабагаммзна бзд̇зсу ниб̣б̣ад̇д̇и.
Antalikkhasmiṃtiṭṭhantoti idaṃ dhātuvivaṇṇapetavatthu. Bhagavati kusinārāyaṃ upavattane mallānaṃ sālavane yamakasālānamantare parinibbute dhātuvibhāge ca kate rājā ajātasattu attanā laddhadhātubhāgaṃ gahetvā satta vassāni satta ca māse satta ca divase buddhaguṇe anussaranto uḷārapūjaṃ pavattesi. Tattha asaṅkheyyā appameyyā manussā cittāni pasādetvā saggūpagā ahesuṃ, chaḷāsītimattāni pana purisasahassāni cirakālabhāvitena assaddhiyena micchādassanena ca vipallatthacittā pasādanīyepi ṭhāne attano cittāni padosetvā petesu uppajjiṃsu. Tasmiṃyeva rājagahe aññatarassa vibhavasampannassa kuṭumbikassa bhariyā dhītā suṇisā ca pasannacittā ‘‘dhātupūjaṃ karissāmā’’ti gandhapupphādīni gahetvā dhātuṭṭhānaṃ gantuṃ āraddhā. So kuṭumbiko ‘‘kiṃ aṭṭhikānaṃ pūjanenā’’ti tā paribhāsetvā dhātupūjaṃ vivaṇṇesi. Tāpi tassa vacanaṃ anādiyitvā tattha gantvā dhātupūjaṃ katvā gehaṃ āgatā tādisena rogena abhibhūtā nacirasseva kālaṃ katvā devaloke nibbattiṃsu. So pana kodhena abhibhūto nacirasseva kālaṃ katvā tena pāpakammena petesu nibbatti.
ат̇згад̣̇ивасам̣ ааяасмаа махаагассабо сад̇д̇зсу анугамбааяа д̇ат̇ааруубам̣ ид̣̇д̇хаабхисан̇каарам̣ абхисан̇кааси, яат̇аа мануссаа д̇з бзд̇з д̇аа жа д̣̇звад̇ааяо бассанд̇и. д̇ат̇аа бана гад̇ваа жзд̇ияан̇г̇ан̣з тид̇о д̇ам̣ д̇хаад̇увиван̣н̣агам̣ бзд̇ам̣ д̇ийхи г̇аат̇аахи бужчи. д̇асса со бзд̇о б̣яаагааси –
Athekadivasaṃ āyasmā mahākassapo sattesu anukampāya tathārūpaṃ iddhābhisaṅkhāraṃ abhisaṅkhāsi, yathā manussā te pete tā ca devatāyo passanti. Tathā pana katvā cetiyaṅgaṇe ṭhito taṃ dhātuvivaṇṇakaṃ petaṃ tīhi gāthāhi pucchi. Tassa so peto byākāsi –
507.
507.
‘‘анд̇алигкасмим̣ д̇идтанд̇о, д̣̇уг̇г̇анд̇хо бууд̇и вааяаси;
‘‘Antalikkhasmiṃ tiṭṭhanto, duggandho pūti vāyasi;
мукан̃жа д̇з гимаяо бууд̇иг̇анд̇хам̣, каад̣̇анд̇и гим̣ гаммамагааси буб̣б̣з.
Mukhañca te kimayo pūtigandhaṃ, khādanti kiṃ kammamakāsi pubbe.
508.
508.
‘‘д̇ад̇о сад̇т̇ам̣ г̇ахзд̇ваана, огганд̇анд̇и бунаббунам̣;
‘‘Tato satthaṃ gahetvāna, okkantanti punappunaṃ;
каарзна барибпосид̇ваа, огганд̇анд̇и бунаббунам̣.
Khārena paripphositvā, okkantanti punappunaṃ.
509.
509.
‘‘гим̣ ну гааязна ваажааяа, манасаа д̣̇уггадам̣ гад̇ам̣;
‘‘Kiṃ nu kāyena vācāya, manasā dukkaṭaṃ kataṃ;
гиссагаммавибаагзна, ид̣̇ам̣ д̣̇угкам̣ ниг̇ажчасий’’д̇и.
Kissakammavipākena, idaṃ dukkhaṃ nigacchasī’’ti.
510.
510.
‘‘ахам̣ рааж̇аг̇ахз раммз, раман̣ийяз г̇ириб̣б̣аж̇з;
‘‘Ahaṃ rājagahe ramme, ramaṇīye giribbaje;
иссаро д̇ханад̇хан̃н̃асса, субахууд̇асса маариса.
Issaro dhanadhaññassa, supahūtassa mārisa.
511.
511.
‘‘д̇ассааяам̣ мз бхарияаа жа, д̇хийд̇аа жа сун̣исаа жа мз;
‘‘Tassāyaṃ me bhariyā ca, dhītā ca suṇisā ca me;
д̇аа маалам̣ уббалан̃жааби, бажжаг̇гхан̃жа вилзбанам̣;
Tā mālaṃ uppalañcāpi, paccagghañca vilepanaṃ;
т̇уубам̣ харанд̇ияо ваарзсим̣, д̇ам̣ баабам̣ багад̇ам̣ маяаа.
Thūpaṃ harantiyo vāresiṃ, taṃ pāpaṃ pakataṃ mayā.
512.
512.
‘‘чал̣аасийд̇исахассаани , маяам̣ бажжад̇д̇авзд̣̇анаа;
‘‘Chaḷāsītisahassāni , mayaṃ paccattavedanā;
т̇уубабууж̇ам̣ виван̣н̣зд̇ваа, бажжаама нираяз бхусам̣.
Thūpapūjaṃ vivaṇṇetvā, paccāma niraye bhusaṃ.
513.
513.
‘‘яз жа ко т̇уубабууж̇ааяа, вад̇д̇анд̇з арахад̇о махз;
‘‘Ye ca kho thūpapūjāya, vattante arahato mahe;
аад̣̇ийнавам̣ багаасзнд̇и, вивзжаязт̇а нз д̇ад̇о.
Ādīnavaṃ pakāsenti, vivecayetha ne tato.
514.
514.
‘‘имаа жа басса аяанд̇ияо, маалад̇хаарий алан̇гад̇аа;
‘‘Imā ca passa ayantiyo, māladhārī alaṅkatā;
маалаавибаагам̣нубхонд̇ияо, самид̣̇д̇хаа жа д̇аа яасассинияо.
Mālāvipākaṃnubhontiyo, samiddhā ca tā yasassiniyo.
515.
515.
‘‘д̇ан̃жа д̣̇исваана ажчзрам̣, аб̣бхуд̇ам̣ ломахам̣санам̣;
‘‘Tañca disvāna accheraṃ, abbhutaṃ lomahaṃsanaṃ;
намо гаронд̇и саббан̃н̃аа, ванд̣̇анд̇и д̇ам̣ махаамуним̣.
Namo karonti sappaññā, vandanti taṃ mahāmuniṃ.
516.
516.
‘‘сохам̣ нууна ид̇о г̇анд̇ваа, яоним̣ лад̣̇д̇хаана маанусим̣;
‘‘Sohaṃ nūna ito gantvā, yoniṃ laddhāna mānusiṃ;
т̇уубабууж̇ам̣ гариссаами, аббамад̇д̇о бунаббуна’’нд̇и.
Thūpapūjaṃ karissāmi, appamatto punappuna’’nti.
507-8. д̇ад̇т̇а д̣̇уг̇г̇анд̇ход̇и анидтаг̇анд̇хо, гун̣абаг̇анд̇хаг̇анд̇хийд̇и ад̇т̇о. д̇знааха ‘‘бууд̇и вааяасий’’д̇и. д̇ад̇од̇и д̣̇уг̇г̇анд̇хавааяанад̇о гимийхи кааяид̇аб̣б̣ад̇о жа убари. сад̇д̇ам̣ г̇ахзд̇ваана, огганд̇анд̇и бунаббунанд̇и гаммасан̃жод̣̇ид̇аа сад̇д̇аа нисид̇ад̇хаарам̣ сад̇т̇ам̣ г̇ахзд̇ваа бунаббунам̣ д̇ам̣ ван̣амукам̣ аваганд̇анд̇и. каарзна барибпосид̇ваа, огганд̇анд̇и бунаббунанд̇и аваганд̇ид̇адтаанз каарод̣̇агзна аасин̃жид̇ваа бунаббунамби аваганд̇анд̇и.
507-8. Tattha duggandhoti aniṭṭhagandho, kuṇapagandhagandhīti attho. Tenāha ‘‘pūti vāyasī’’ti. Tatoti duggandhavāyanato kimīhi khāyitabbato ca upari. Sattaṃ gahetvāna, okkantanti punappunanti kammasañcoditā sattā nisitadhāraṃ satthaṃ gahetvā punappunaṃ taṃ vaṇamukhaṃ avakantanti. Khārena paripphositvā, okkantanti punappunanti avakantitaṭṭhāne khārodakena āsiñcitvā punappunampi avakantanti.
510. иссаро д̇ханад̇хан̃н̃асса, субахууд̇ассаад̇и ад̇ивияа бахууд̇асса д̇ханасса д̇хан̃н̃асса жа иссаро саамий, ад̣дхо махад̣̇д̇ханод̇и ад̇т̇о.
510.Issaro dhanadhaññassa, supahūtassāti ativiya pahūtassa dhanassa dhaññassa ca issaro sāmī, aḍḍho mahaddhanoti attho.
511. д̇ассааяам̣ мз бхарияаа жа, д̇хийд̇аа жа сун̣исаа жаад̇и д̇асса маяхам̣ аяам̣ буримад̇д̇абхаавз бхарияаа, аяам̣ д̇хийд̇аа, аяам̣ сун̣исаа. д̇аа д̣̇звабхууд̇аа аагаасз тид̇аад̇и д̣̇ассзнд̇о вад̣̇ад̇и. бажжаг̇гханд̇и абхинавам̣. т̇уубам̣ харанд̇ияо ваарзсинд̇и т̇уубам̣ бууж̇зд̇ум̣ убанзнд̇ияо д̇хаад̇ум̣ виван̣н̣знд̇о бадигкибим̣. д̇ам̣ баабам̣ багад̇ам̣ маяаад̇и д̇ам̣ д̇хаад̇увиван̣н̣анабаабам̣ гад̇ам̣ самаажарид̇ам̣ маяаад̇и виббадисаараббад̇д̇о вад̣̇ад̇и.
511.Tassāyaṃ me bhariyā ca, dhītā ca suṇisā cāti tassa mayhaṃ ayaṃ purimattabhāve bhariyā, ayaṃ dhītā, ayaṃ suṇisā. Tā devabhūtā ākāse ṭhitāti dassento vadati. Paccagghanti abhinavaṃ. Thūpaṃ harantiyo vāresinti thūpaṃ pūjetuṃ upanentiyo dhātuṃ vivaṇṇento paṭikkhipiṃ. Taṃ pāpaṃ pakataṃ mayāti taṃ dhātuvivaṇṇanapāpaṃ kataṃ samācaritaṃ mayāti vippaṭisārappatto vadati.
512. чал̣аасийд̇исахассаанийд̇и часахассаад̇хигаа асийд̇исахассамад̇д̇аа. маяанд̇и д̇з бзд̇з ад̇д̇анаа сад̣̇д̇хим̣ сан̇г̇ахзд̇ваа вад̣̇ад̇и. бажжад̇д̇авзд̣̇анаад̇и висум̣ висум̣ анубхуяяамаанад̣̇угкавзд̣̇анаа. нираязд̇и б̣алад̣̇угкад̇ааяа бзд̇д̇ивисаяам̣ нираяасад̣̇исам̣ гад̇ваа ааха.
512.Chaḷāsītisahassānīti chasahassādhikā asītisahassamattā. Mayanti te pete attanā saddhiṃ saṅgahetvā vadati. Paccattavedanāti visuṃ visuṃ anubhuyyamānadukkhavedanā. Nirayeti baladukkhatāya pettivisayaṃ nirayasadisaṃ katvā āha.
513. яз жа ко т̇уубабууж̇ааяа, вад̇д̇анд̇з арахад̇о махзд̇и арахад̇о саммаасамб̣уд̣̇д̇хасса т̇уубам̣ уд̣̇д̣̇исса бууж̇аамахз бавад̇д̇амаанз ахам̣ вияа яз т̇уубабууж̇ааяа аад̣̇ийнавам̣ д̣̇осам̣ багаасзнд̇и. д̇з буг̇г̇алз д̇ад̇о бун̃н̃ад̇о вивзжаязт̇а вивзжаабаязт̇а, бариб̣аахирз ж̇анаязт̇аад̇и ан̃н̃аабад̣̇зсзна ад̇д̇ано махааж̇аанияад̇ам̣ вибхаавзд̇и.
513.Ye ca kho thūpapūjāya, vattante arahato maheti arahato sammāsambuddhassa thūpaṃ uddissa pūjāmahe pavattamāne ahaṃ viya ye thūpapūjāya ādīnavaṃ dosaṃ pakāsenti. Te puggale tato puññato vivecayetha vivecāpayetha, paribāhire janayethāti aññāpadesena attano mahājāniyataṃ vibhāveti.
514. ааяанд̇ияод̇и аагаасзна ааг̇ажчанд̇ияо. маалаавибааганд̇и т̇уубз гад̇амаалаабууж̇ааяа вибаагам̣ палам̣. самид̣̇д̇хаад̇и д̣̇иб̣б̣асамбад̇д̇ияаа самид̣̇д̇хаа. д̇аа яасассинияод̇и д̇аа бариваараванд̇ияо.
514.Āyantiyoti ākāsena āgacchantiyo. Mālāvipākanti thūpe katamālāpūjāya vipākaṃ phalaṃ. Samiddhāti dibbasampattiyā samiddhā. Tā yasassiniyoti tā parivāravantiyo.
515. д̇ан̃жа д̣̇исваанаад̇и д̇асса ад̇ибарид̇д̇асса бууж̇аабун̃н̃асса ажчарияам̣ аб̣бхуд̇ам̣ ломахам̣санам̣ ад̇иул̣аарам̣ вибаагависзсам̣ д̣̇исваа. намо гаронд̇и саббан̃н̃аа, ванд̣̇анд̇и д̇ам̣ махаамунинд̇и, бханд̇з гассаба, имаа ид̇т̇ияо д̇ам̣ уд̇д̇амабун̃н̃агкзд̇д̇абхууд̇ам̣ ванд̣̇анд̇и абхиваад̣̇знд̇и, намо гаронд̇и намаггааран̃жа гаронд̇ийд̇и ад̇т̇о.
515.Tañca disvānāti tassa atiparittassa pūjāpuññassa acchariyaṃ abbhutaṃ lomahaṃsanaṃ atiuḷāraṃ vipākavisesaṃ disvā. Namo karonti sappaññā, vandanti taṃ mahāmuninti, bhante kassapa, imā itthiyo taṃ uttamapuññakkhettabhūtaṃ vandanti abhivādenti, namo karonti namakkārañca karontīti attho.
516. ат̇а со бзд̇о сам̣виг̇г̇амаанасо сам̣взг̇аануруубам̣ ааяад̇им̣ ад̇д̇анаа гаад̇аб̣б̣ам̣ д̣̇ассзнд̇о ‘‘сохам̣ нуунаа’’д̇и г̇аат̇амааха. д̇ам̣ уд̇д̇аанад̇т̇амзва.
516. Atha so peto saṃviggamānaso saṃvegānurūpaṃ āyatiṃ attanā kātabbaṃ dassento ‘‘sohaṃ nūnā’’ti gāthamāha. Taṃ uttānatthameva.
звам̣ бзд̇зна вуд̇д̇о махаагассабо д̇ам̣ адтуббад̇д̇им̣ гад̇ваа самбад̇д̇абарисааяа д̇хаммам̣ д̣̇зсзси.
Evaṃ petena vutto mahākassapo taṃ aṭṭhuppattiṃ katvā sampattaparisāya dhammaṃ desesi.
д̇хаад̇увиван̣н̣абзд̇авад̇т̇уван̣н̣анаа нидтид̇аа.
Dhātuvivaṇṇapetavatthuvaṇṇanā niṭṭhitā.
ид̇и куд̣̇д̣̇ага-адтагат̇ааяа бзд̇авад̇т̇усмим̣
Iti khuddaka-aṭṭhakathāya petavatthusmiṃ
д̣̇асавад̇т̇убадиман̣д̣ид̇асса
Dasavatthupaṭimaṇḍitassa
д̇ад̇ияасса жуул̣аваг̇г̇асса ад̇т̇асам̣ван̣н̣анаа нидтид̇аа.
Tatiyassa cūḷavaggassa atthasaṃvaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / бзд̇авад̇т̇убаал̣и • Petavatthupāḷi / 10. д̇хаад̇увиван̣н̣абзд̇авад̇т̇у • 10. Dhātuvivaṇṇapetavatthu
