| Library / Tipiṭaka / திபிடக • Tipiṭaka / பஞ்சபகரண-அட்ட²கதா² • Pañcapakaraṇa-aṭṭhakathā |
4. தா⁴துயமகங்
4. Dhātuyamakaṃ
1-19. இதா³னி தேயேவ மூலயமகே தே³ஸிதே குஸலாதி³த⁴ம்மே தா⁴துவஸேன ஸங்க³ண்ஹித்வா ஆயதனயமகானந்தரங் தே³ஸிதஸ்ஸ தா⁴துயமகஸ்ஸ வண்ணனா ஹோதி. தத்த² ஆயதனயமகே வுத்தனயேனேவ பாளிவவத்தா²னங் வேதித³ப்³ப³ங். இதா⁴பி ஹி பண்ணத்திவாராத³யோ தயோ மஹாவாரா, அவஸேஸா அந்தரவாரா ச ஸத்³தி⁴ங் காலப்பபே⁴தா³தீ³ஹி ஆயதனயமகே ஆக³தஸதி³ஸாயேவ. இதா⁴பி ச யமகபுச்சா²ஸுக²த்த²ங் படிபாடியா அஜ்ஜ²த்திகபா³ஹிரா ரூபதா⁴துயோவ வத்வா விஞ்ஞாணதா⁴துயோ வுத்தா. தா⁴தூனங் பன ப³ஹுத்தா இத⁴ ஆயதனயமகதோ ப³ஹுதரானி யமகானி, யமகதி³கு³ணா புச்சா², புச்சா²தி³கு³ணா ச அத்தா² ஹொந்தி. தத்த² சக்கு²தா⁴துமூலகாதீ³ஸு யமகேஸு லப்³ப⁴மானானங் யமகானங் அத்த²வினிச்ச²யோ ஆயதனயமகே வுத்தனயேனேவ வேதி³தப்³போ³. தங்ஸதி³ஸாயேவ ஹெத்த² அத்த²க³தி, தேனேவ ச காரணேன பாளிபி ஸங்கி²த்தா. பரிஞ்ஞாவாரோ பாகதிகோயேவாதி.
1-19. Idāni teyeva mūlayamake desite kusalādidhamme dhātuvasena saṅgaṇhitvā āyatanayamakānantaraṃ desitassa dhātuyamakassa vaṇṇanā hoti. Tattha āyatanayamake vuttanayeneva pāḷivavatthānaṃ vetidabbaṃ. Idhāpi hi paṇṇattivārādayo tayo mahāvārā, avasesā antaravārā ca saddhiṃ kālappabhedādīhi āyatanayamake āgatasadisāyeva. Idhāpi ca yamakapucchāsukhatthaṃ paṭipāṭiyā ajjhattikabāhirā rūpadhātuyova vatvā viññāṇadhātuyo vuttā. Dhātūnaṃ pana bahuttā idha āyatanayamakato bahutarāni yamakāni, yamakadiguṇā pucchā, pucchādiguṇā ca atthā honti. Tattha cakkhudhātumūlakādīsu yamakesu labbhamānānaṃ yamakānaṃ atthavinicchayo āyatanayamake vuttanayeneva veditabbo. Taṃsadisāyeva hettha atthagati, teneva ca kāraṇena pāḷipi saṅkhittā. Pariññāvāro pākatikoyevāti.
தா⁴துயமகவண்ணனா நிட்டி²தா.
Dhātuyamakavaṇṇanā niṭṭhitā.
Related texts:
திபிடக (மூல) • Tipiṭaka (Mūla) / அபி⁴த⁴ம்மபிடக • Abhidhammapiṭaka / யமகபாளி • Yamakapāḷi / 4. தா⁴துயமகங் • 4. Dhātuyamakaṃ
டீகா • Tīkā / அபி⁴த⁴ம்மபிடக (டீகா) • Abhidhammapiṭaka (ṭīkā) / பஞ்சபகரண-மூலடீகா • Pañcapakaraṇa-mūlaṭīkā / 4. தா⁴துயமகங் • 4. Dhātuyamakaṃ
டீகா • Tīkā / அபி⁴த⁴ம்மபிடக (டீகா) • Abhidhammapiṭaka (ṭīkā) / பஞ்சபகரண-அனுடீகா • Pañcapakaraṇa-anuṭīkā / 4. தா⁴துயமகங் • 4. Dhātuyamakaṃ
