| Library / Tipiṭaka / তিপিটক • Tipiṭaka / পঞ্চপকরণ-অট্ঠকথা • Pañcapakaraṇa-aṭṭhakathā |
৪. ধাতুযমকং
4. Dhātuyamakaṃ
১-১৯. ইদানি তেযেৰ মূলযমকে দেসিতে কুসলাদিধম্মে ধাতুৰসেন সঙ্গণ্হিত্ৰা আযতনযমকানন্তরং দেসিতস্স ধাতুযমকস্স ৰণ্ণনা হোতি। তত্থ আযতনযমকে ৰুত্তনযেনেৰ পাল়িৰৰত্থানং ৰেতিদব্বং। ইধাপি হি পণ্ণত্তিৰারাদযো তযো মহাৰারা, অৰসেসা অন্তরৰারা চ সদ্ধিং কালপ্পভেদাদীহি আযতনযমকে আগতসদিসাযেৰ। ইধাপি চ যমকপুচ্ছাসুখত্থং পটিপাটিযা অজ্ঝত্তিকবাহিরা রূপধাতুযোৰ ৰত্ৰা ৰিঞ্ঞাণধাতুযো ৰুত্তা। ধাতূনং পন বহুত্তা ইধ আযতনযমকতো বহুতরানি যমকানি, যমকদিগুণা পুচ্ছা, পুচ্ছাদিগুণা চ অত্থা হোন্তি। তত্থ চক্খুধাতুমূলকাদীসু যমকেসু লব্ভমানানং যমকানং অত্থৰিনিচ্ছযো আযতনযমকে ৰুত্তনযেনেৰ ৰেদিতব্বো। তংসদিসাযেৰ হেত্থ অত্থগতি, তেনেৰ চ কারণেন পাল়িপি সঙ্খিত্তা। পরিঞ্ঞাৰারো পাকতিকোযেৰাতি।
1-19. Idāni teyeva mūlayamake desite kusalādidhamme dhātuvasena saṅgaṇhitvā āyatanayamakānantaraṃ desitassa dhātuyamakassa vaṇṇanā hoti. Tattha āyatanayamake vuttanayeneva pāḷivavatthānaṃ vetidabbaṃ. Idhāpi hi paṇṇattivārādayo tayo mahāvārā, avasesā antaravārā ca saddhiṃ kālappabhedādīhi āyatanayamake āgatasadisāyeva. Idhāpi ca yamakapucchāsukhatthaṃ paṭipāṭiyā ajjhattikabāhirā rūpadhātuyova vatvā viññāṇadhātuyo vuttā. Dhātūnaṃ pana bahuttā idha āyatanayamakato bahutarāni yamakāni, yamakadiguṇā pucchā, pucchādiguṇā ca atthā honti. Tattha cakkhudhātumūlakādīsu yamakesu labbhamānānaṃ yamakānaṃ atthavinicchayo āyatanayamake vuttanayeneva veditabbo. Taṃsadisāyeva hettha atthagati, teneva ca kāraṇena pāḷipi saṅkhittā. Pariññāvāro pākatikoyevāti.
ধাতুযমকৰণ্ণনা নিট্ঠিতা।
Dhātuyamakavaṇṇanā niṭṭhitā.
Related texts:
তিপিটক (মূল) • Tipiṭaka (Mūla) / অভিধম্মপিটক • Abhidhammapiṭaka / যমকপাল়ি • Yamakapāḷi / ৪. ধাতুযমকং • 4. Dhātuyamakaṃ
টীকা • Tīkā / অভিধম্মপিটক (টীকা) • Abhidhammapiṭaka (ṭīkā) / পঞ্চপকরণ-মূলটীকা • Pañcapakaraṇa-mūlaṭīkā / ৪. ধাতুযমকং • 4. Dhātuyamakaṃ
টীকা • Tīkā / অভিধম্মপিটক (টীকা) • Abhidhammapiṭaka (ṭīkā) / পঞ্চপকরণ-অনুটীকা • Pañcapakaraṇa-anuṭīkā / ৪. ধাতুযমকং • 4. Dhātuyamakaṃ
