| Library / Tipiṭaka / ཏིཔིཊཀ • Tipiṭaka / པཉྩཔཀརཎ-ཨཊྛཀཐཱ • Pañcapakaraṇa-aṭṭhakathā |
༤. དྷཱཏུཡམཀཾ
4. Dhātuyamakaṃ
༡-༡༩. ཨིདཱནི ཏེཡེཝ མཱུལཡམཀེ དེསིཏེ ཀུསལཱདིདྷམྨེ དྷཱཏུཝསེན སངྒཎྷིཏྭཱ ཨཱཡཏནཡམཀཱནནྟརཾ དེསིཏསྶ དྷཱཏུཡམཀསྶ ཝཎྞནཱ ཧོཏི། ཏཏྠ ཨཱཡཏནཡམཀེ ཝུཏྟནཡེནེཝ པཱལི༹ཝཝཏྠཱནཾ ཝེཏིདབྦཾ། ཨིདྷཱཔི ཧི པཎྞཏྟིཝཱརཱདཡོ ཏཡོ མཧཱཝཱརཱ, ཨཝསེསཱ ཨནྟརཝཱརཱ ཙ སདྡྷིཾ ཀཱལཔྤབྷེདཱདཱིཧི ཨཱཡཏནཡམཀེ ཨཱགཏསདིསཱཡེཝ། ཨིདྷཱཔི ཙ ཡམཀཔུཙྪཱསུཁཏྠཾ པཊིཔཱཊིཡཱ ཨཛ྄ཛྷཏྟིཀབཱཧིརཱ རཱུཔདྷཱཏུཡོཝ ཝཏྭཱ ཝིཉྙཱཎདྷཱཏུཡོ ཝུཏྟཱ། དྷཱཏཱུནཾ པན བཧུཏྟཱ ཨིདྷ ཨཱཡཏནཡམཀཏོ བཧུཏརཱནི ཡམཀཱནི, ཡམཀདིགུཎཱ པུཙྪཱ, པུཙྪཱདིགུཎཱ ཙ ཨཏྠཱ ཧོནྟི། ཏཏྠ ཙཀྑུདྷཱཏུམཱུལཀཱདཱིསུ ཡམཀེསུ ལབྦྷམཱནཱནཾ ཡམཀཱནཾ ཨཏྠཝིནིཙྪཡོ ཨཱཡཏནཡམཀེ ཝུཏྟནཡེནེཝ ཝེདིཏབྦོ། ཏཾསདིསཱཡེཝ ཧེཏྠ ཨཏྠགཏི, ཏེནེཝ ཙ ཀཱརཎེན པཱལི༹པི སངྑིཏྟཱ། པརིཉྙཱཝཱརོ པཱཀཏིཀོཡེཝཱཏི།
1-19. Idāni teyeva mūlayamake desite kusalādidhamme dhātuvasena saṅgaṇhitvā āyatanayamakānantaraṃ desitassa dhātuyamakassa vaṇṇanā hoti. Tattha āyatanayamake vuttanayeneva pāḷivavatthānaṃ vetidabbaṃ. Idhāpi hi paṇṇattivārādayo tayo mahāvārā, avasesā antaravārā ca saddhiṃ kālappabhedādīhi āyatanayamake āgatasadisāyeva. Idhāpi ca yamakapucchāsukhatthaṃ paṭipāṭiyā ajjhattikabāhirā rūpadhātuyova vatvā viññāṇadhātuyo vuttā. Dhātūnaṃ pana bahuttā idha āyatanayamakato bahutarāni yamakāni, yamakadiguṇā pucchā, pucchādiguṇā ca atthā honti. Tattha cakkhudhātumūlakādīsu yamakesu labbhamānānaṃ yamakānaṃ atthavinicchayo āyatanayamake vuttanayeneva veditabbo. Taṃsadisāyeva hettha atthagati, teneva ca kāraṇena pāḷipi saṅkhittā. Pariññāvāro pākatikoyevāti.
དྷཱཏུཡམཀཝཎྞནཱ ནིཊྛིཏཱ།
Dhātuyamakavaṇṇanā niṭṭhitā.
Related texts:
ཏིཔིཊཀ (མཱུལ) • Tipiṭaka (Mūla) / ཨབྷིདྷམྨཔིཊཀ • Abhidhammapiṭaka / ཡམཀཔཱལི༹ • Yamakapāḷi / ༤. དྷཱཏུཡམཀཾ • 4. Dhātuyamakaṃ
ཊཱིཀཱ • Tīkā / ཨབྷིདྷམྨཔིཊཀ (ཊཱིཀཱ) • Abhidhammapiṭaka (ṭīkā) / པཉྩཔཀརཎ-མཱུལཊཱིཀཱ • Pañcapakaraṇa-mūlaṭīkā / ༤. དྷཱཏུཡམཀཾ • 4. Dhātuyamakaṃ
ཊཱིཀཱ • Tīkā / ཨབྷིདྷམྨཔིཊཀ (ཊཱིཀཱ) • Abhidhammapiṭaka (ṭīkā) / པཉྩཔཀརཎ-ཨནུཊཱིཀཱ • Pañcapakaraṇa-anuṭīkā / ༤. དྷཱཏུཡམཀཾ • 4. Dhātuyamakaṃ
