| Library / Tipiṭaka / д̇ибидага • Tipiṭaka / жуул̣анид̣̇д̣̇зсабаал̣и • Cūḷaniddesapāḷi |
5. д̇ход̇агамаан̣авабужчаанид̣̇д̣̇зсо
5. Dhotakamāṇavapucchāniddeso
30.
30.
бужчаами д̇ам̣ бхаг̇аваа б̣руухи мзд̇ам̣, [ижжааяасмаа д̇ход̇аго]
Pucchāmitaṃ bhagavā brūhi metaṃ, [iccāyasmā dhotako]
ваажаабхиган̇каами махзси д̇уяхам̣;
Vācābhikaṅkhāmi mahesi tuyhaṃ;
д̇ава суд̇ваана ниг̇гхосам̣, сигкз ниб̣б̣аанамад̇д̇ано.
Tava sutvāna nigghosaṃ, sikkhe nibbānamattano.
бужчаами д̇ам̣ бхаг̇аваа б̣руухи мзд̇анд̇и. бужчаамийд̇и д̇иссо бужчаа – ад̣̇идтаж̇од̇анаа бужчаа, д̣̇идтасам̣санд̣̇анаа бужчаа, вимад̇ижчзд̣̇анаа бужчаа…бз… имаа д̇иссо бужчаа…бз… ниб̣б̣аанабужчаа. бужчаами д̇анд̇и бужчаами д̇ам̣ яаажаами д̇ам̣ аж̇жхзсаами д̇ам̣ басаад̣̇зми д̇ам̣, гат̇аяассу мзд̇и – бужчаами д̇ам̣. бхаг̇аваад̇и г̇аараваад̇хиважанамзд̇ам̣…бз… сажчигаа бан̃н̃ад̇д̇и, яад̣̇ид̣̇ам̣ бхаг̇аваад̇и. б̣руухи мзд̇анд̇и б̣руухи аажигкаахи д̣̇зсзхи бан̃н̃абзхи бадтабзхи вивараахи вибхаж̇аахи уд̇д̇аанийгарохи багаасзхийд̇и – бужчаами д̇ам̣ бхаг̇аваа б̣руухи мзд̇ам̣.
Pucchāmi taṃ bhagavā brūhi metanti. Pucchāmīti tisso pucchā – adiṭṭhajotanā pucchā, diṭṭhasaṃsandanā pucchā, vimaticchedanā pucchā…pe… imā tisso pucchā…pe… nibbānapucchā. Pucchāmi tanti pucchāmi taṃ yācāmi taṃ ajjhesāmi taṃ pasādemi taṃ, kathayassu meti – pucchāmi taṃ. Bhagavāti gāravādhivacanametaṃ…pe… sacchikā paññatti, yadidaṃ bhagavāti. Brūhi metanti brūhi ācikkhāhi desehi paññapehi paṭṭhapehi vivarāhi vibhajāhi uttānīkarohi pakāsehīti – pucchāmi taṃ bhagavā brūhi metaṃ.
ижжааяасмаа д̇ход̇агод̇и. ижжаад̇и бад̣̇асанд̇хи…бз… ааяасмаад̇и бияаважанам̣ г̇аруважанам̣ саг̇ааравасаббад̇иссаад̇хиважанамзд̇ам̣ ааяасмаад̇и. д̇ход̇агод̇и д̇асса б̣раахман̣асса наамам̣ сан̇каа саман̃н̃аа бан̃н̃ад̇д̇и вохааро наамам̣ наамагаммам̣ наамад̇хзяяам̣ нируд̇д̇и б̣яан̃ж̇анам̣ абхилаабод̇и – ижжааяасмаа д̇ход̇аго.
Iccāyasmā dhotakoti. Iccāti padasandhi…pe… āyasmāti piyavacanaṃ garuvacanaṃ sagāravasappatissādhivacanametaṃ āyasmāti. Dhotakoti tassa brāhmaṇassa nāmaṃ saṅkhā samaññā paññatti vohāro nāmaṃ nāmakammaṃ nāmadheyyaṃ nirutti byañjanaṃ abhilāpoti – iccāyasmā dhotako.
ваажаабхиган̇каами махзси д̇уяханд̇и д̇уяхам̣ важанам̣ б̣яаббат̇ам̣ д̣̇зсанам̣ анусаасанам̣ анусидтам̣ ган̇каами абхиган̇каами ижчаами саад̣̇ияаами бад̇т̇аяаами бихаяаами абхиж̇аббаами. махзсийд̇и гим̣ махзси бхаг̇аваа? маханд̇ам̣ сийлагканд̇хам̣ зсий г̇авзсий бариязсийд̇и махзси…бз… гахам̣ нараасабход̇и махзсийд̇и – ваажаабхиган̇каами махзси д̇уяхам̣.
Vācābhikaṅkhāmi mahesi tuyhanti tuyhaṃ vacanaṃ byappathaṃ desanaṃ anusāsanaṃ anusiṭṭhaṃ kaṅkhāmi abhikaṅkhāmi icchāmi sādiyāmi patthayāmi pihayāmi abhijappāmi. Mahesīti kiṃ mahesi bhagavā? Mahantaṃ sīlakkhandhaṃ esī gavesī pariyesīti mahesi…pe… kahaṃ narāsabhoti mahesīti – vācābhikaṅkhāmi mahesi tuyhaṃ.
д̇ава суд̇ваана ниг̇гхосанд̇и д̇уяхам̣ важанам̣ б̣яаббат̇ам̣ д̣̇зсанам̣ анусаасанам̣ анусидтам̣ суд̇ваа сун̣ид̇ваа уг̇г̇ахзд̇ваа убад̇хаараяид̇ваа убалагкаяид̇ваад̇и – д̇ава суд̇ваана ниг̇гхосам̣.
Tava sutvāna nigghosanti tuyhaṃ vacanaṃ byappathaṃ desanaṃ anusāsanaṃ anusiṭṭhaṃ sutvā suṇitvā uggahetvā upadhārayitvā upalakkhayitvāti – tava sutvāna nigghosaṃ.
сигкз ниб̣б̣аанамад̇д̇анод̇и. сигкаад̇и д̇иссо сигкаа – ад̇хисийласигкаа, ад̇хижид̇д̇асигкаа, ад̇хибан̃н̃аасигкаа…бз… аяам̣ ад̇хибан̃н̃аасигкаа. ниб̣б̣аанамад̇д̇анод̇и ад̇д̇ано рааг̇асса ниб̣б̣аабанааяа, д̣̇осасса ниб̣б̣аабанааяа, мохасса ниб̣б̣аабанааяа, год̇хасса ниб̣б̣аабанааяа , убанаахасса ниб̣б̣аабанааяа…бз… саб̣б̣аагусалаабхисан̇каараанам̣ самааяа убасамааяа вуубасамааяа ниб̣б̣аабанааяа бадиниссаг̇г̇ааяа бадибассад̣̇д̇хияаа ад̇хисийламби сигкзяяа, ад̇хижид̇д̇амби сигкзяяа, ад̇хибан̃н̃амби сигкзяяа. имаа д̇иссо сигкааяо ааваж̇ж̇анд̇о сигкзяяа, ж̇аананд̇о сигкзяяа, бассанд̇о сигкзяяа, бажжавзгканд̇о сигкзяяа, жид̇д̇ам̣ бад̣̇аханд̇о сигкзяяа, сад̣̇д̇хааяа ад̇химужжанд̇о сигкзяяа, вийрияам̣ баг̇г̇ан̣ханд̇о сигкзяяа, сад̇им̣ убадтабзнд̇о сигкзяяа, жид̇д̇ам̣ самаад̣̇аханд̇о сигкзяяа, бан̃н̃ааяа баж̇аананд̇о сигкзяяа, абхин̃н̃зяяам̣ абхиж̇аананд̇о сигкзяяа, барин̃н̃зяяам̣ бариж̇аананд̇о сигкзяяа, бахаад̇аб̣б̣ам̣ баж̇аханд̇о сигкзяяа, бхаавзд̇аб̣б̣ам̣ бхаавзнд̇о сигкзяяа, сажчигаад̇аб̣б̣ам̣ сажчигаронд̇о сигкзяяа, аажарзяяа самаажарзяяа самаад̣̇ааяа вад̇д̇зяяаад̇и – сигкз ниб̣б̣аанамад̇д̇ано. д̇знааха со б̣раахман̣о –
Sikkhe nibbānamattanoti. Sikkhāti tisso sikkhā – adhisīlasikkhā, adhicittasikkhā, adhipaññāsikkhā…pe… ayaṃ adhipaññāsikkhā. Nibbānamattanoti attano rāgassa nibbāpanāya, dosassa nibbāpanāya, mohassa nibbāpanāya, kodhassa nibbāpanāya , upanāhassa nibbāpanāya…pe… sabbākusalābhisaṅkhārānaṃ samāya upasamāya vūpasamāya nibbāpanāya paṭinissaggāya paṭipassaddhiyā adhisīlampi sikkheyya, adhicittampi sikkheyya, adhipaññampi sikkheyya. Imā tisso sikkhāyo āvajjanto sikkheyya, jānanto sikkheyya, passanto sikkheyya, paccavekkhanto sikkheyya, cittaṃ padahanto sikkheyya, saddhāya adhimuccanto sikkheyya, vīriyaṃ paggaṇhanto sikkheyya, satiṃ upaṭṭhapento sikkheyya, cittaṃ samādahanto sikkheyya, paññāya pajānanto sikkheyya, abhiññeyyaṃ abhijānanto sikkheyya, pariññeyyaṃ parijānanto sikkheyya, pahātabbaṃ pajahanto sikkheyya, bhāvetabbaṃ bhāvento sikkheyya, sacchikātabbaṃ sacchikaronto sikkheyya, ācareyya samācareyya samādāya vatteyyāti – sikkhe nibbānamattano. Tenāha so brāhmaṇo –
‘‘бужчаами д̇ам̣ бхаг̇аваа б̣руухи мзд̇ам̣, [ижжааяасмаа д̇ход̇аго]
‘‘Pucchāmi taṃ bhagavā brūhi metaṃ, [iccāyasmā dhotako]
ваажаабхиган̇каами махзси д̇уяхам̣;
Vācābhikaṅkhāmi mahesi tuyhaṃ;
д̇ава суд̇ваана ниг̇гхосам̣, сигкз ниб̣б̣аанамад̇д̇ано’’д̇и.
Tava sutvāna nigghosaṃ, sikkhe nibbānamattano’’ti.
31.
31.
д̇знахаад̇аббам̣ гарохи, [д̇ход̇агаад̇и бхаг̇аваа]
Tenahātappaṃkarohi, [dhotakāti bhagavā]
ид̇хзва нибаго сад̇о;
Idheva nipako sato;
ид̇о суд̇ваана ниг̇гхосам̣, сигкз ниб̣б̣аанамад̇д̇ано.
Ito sutvāna nigghosaṃ, sikkhe nibbānamattano.
д̇знахаад̇аббам̣ гарохийд̇и аад̇аббам̣ гарохи, уссаахам̣ гарохи, уссол̣хим̣ гарохи, т̇аамам̣ гарохи, д̇хид̇им̣ гарохи, вийрияам̣ гарохи, чанд̣̇ам̣ ж̇анзхи сан̃ж̇анзхи убадтабзхи самудтабзхи ниб̣б̣ад̇д̇зхи абхиниб̣б̣ад̇д̇зхийд̇и – д̇знахаад̇аббам̣ гарохи.
Tenahātappaṃ karohīti ātappaṃ karohi, ussāhaṃ karohi, ussoḷhiṃ karohi, thāmaṃ karohi, dhitiṃ karohi, vīriyaṃ karohi, chandaṃ janehi sañjanehi upaṭṭhapehi samuṭṭhapehi nibbattehi abhinibbattehīti – tenahātappaṃ karohi.
д̇ход̇агаад̇и бхаг̇аваа д̇ам̣ б̣раахман̣ам̣ наамзна аалабад̇и. бхаг̇аваад̇и г̇аараваад̇хиважанамзд̇ам̣…бз… сажчигаа бан̃н̃ад̇д̇и, яад̣̇ид̣̇ам̣ бхаг̇аваад̇и – д̇ход̇агаад̇и бхаг̇аваа.
Dhotakāti bhagavā taṃ brāhmaṇaṃ nāmena ālapati. Bhagavāti gāravādhivacanametaṃ…pe… sacchikā paññatti, yadidaṃ bhagavāti – dhotakāti bhagavā.
ид̇хзва нибаго сад̇од̇и. ид̇хаад̇и имиссаа д̣̇идтияаа имиссаа канд̇ияаа имиссаа ружияаа имасмим̣ аад̣̇ааяз имасмим̣ д̇хаммз имасмим̣ винаяз имасмим̣ д̇хаммавинаяз имасмим̣ бааважанз имасмим̣ б̣рахмажарияз имасмим̣ сад̇т̇усаасанз имасмим̣ ад̇д̇абхаавз имасмим̣ мануссалогз. нибагод̇и нибаго бан̣д̣ид̇о бан̃н̃аваа б̣уд̣̇д̇химаа н̃аан̣ий вибхаавий мзд̇хаавий. сад̇од̇и жад̇уухи гааран̣зхи сад̇о – гааяз гааяаанубассанаасад̇ибадтаанам̣ бхаавзнд̇о сад̇о…бз… со вужжад̇и сад̇од̇и – ид̇хзва нибаго сад̇о.
Idheva nipako satoti. Idhāti imissā diṭṭhiyā imissā khantiyā imissā ruciyā imasmiṃ ādāye imasmiṃ dhamme imasmiṃ vinaye imasmiṃ dhammavinaye imasmiṃ pāvacane imasmiṃ brahmacariye imasmiṃ satthusāsane imasmiṃ attabhāve imasmiṃ manussaloke. Nipakoti nipako paṇḍito paññavā buddhimā ñāṇī vibhāvī medhāvī. Satoti catūhi kāraṇehi sato – kāye kāyānupassanāsatipaṭṭhānaṃ bhāvento sato…pe… so vuccati satoti – idheva nipako sato.
ид̇о суд̇ваана ниг̇гхосанд̇и ид̇о маяхам̣ важанам̣ б̣яаббат̇ам̣ д̣̇зсанам̣ анусаасанам̣ анусидтам̣ суд̇ваа сун̣ид̇ваа уг̇г̇ан̣хид̇ваа убад̇хаараяид̇ваа убалагкаяид̇ваад̇и – ид̇о суд̇ваана ниг̇гхосам̣.
Itosutvāna nigghosanti ito mayhaṃ vacanaṃ byappathaṃ desanaṃ anusāsanaṃ anusiṭṭhaṃ sutvā suṇitvā uggaṇhitvā upadhārayitvā upalakkhayitvāti – ito sutvāna nigghosaṃ.
сигкз ниб̣б̣аанамад̇д̇анод̇и. сигкаад̇и д̇иссо сигкаа – ад̇хисийласигкаа, ад̇хижид̇д̇асигкаа, ад̇хибан̃н̃аасигкаа…бз… аяам̣ ад̇хибан̃н̃аасигкаа. ниб̣б̣аанамад̇д̇анод̇и ад̇д̇ано рааг̇асса ниб̣б̣аабанааяа, д̣̇осасса ниб̣б̣аабанааяа, мохасса ниб̣б̣аабанааяа, год̇хасса ниб̣б̣аабанааяа, убанаахасса ниб̣б̣аабанааяа…бз… саб̣б̣аагусалаабхисан̇каараанам̣ самааяа убасамааяа вуубасамааяа ниб̣б̣аабанааяа бадиниссаг̇г̇ааяа бадибассад̣̇д̇хияаа ад̇хисийламби сигкзяяа, ад̇хижид̇д̇амби сигкзяяа, ад̇хибан̃н̃амби сигкзяяа. имаа д̇иссо сигкааяо ааваж̇ж̇анд̇о сигкзяяа, ж̇аананд̇о сигкзяяа…бз… сажчигаад̇аб̣б̣ам̣ сажчигаронд̇о сигкзяяа, аажарзяяа самаажарзяяа самаад̣̇ааяа вад̇д̇зяяаад̇и – сигкз ниб̣б̣аанамад̇д̇ано. д̇знааха бхаг̇аваа –
Sikkhe nibbānamattanoti. Sikkhāti tisso sikkhā – adhisīlasikkhā, adhicittasikkhā, adhipaññāsikkhā…pe… ayaṃ adhipaññāsikkhā. Nibbānamattanoti attano rāgassa nibbāpanāya, dosassa nibbāpanāya, mohassa nibbāpanāya, kodhassa nibbāpanāya, upanāhassa nibbāpanāya…pe… sabbākusalābhisaṅkhārānaṃ samāya upasamāya vūpasamāya nibbāpanāya paṭinissaggāya paṭipassaddhiyā adhisīlampi sikkheyya, adhicittampi sikkheyya, adhipaññampi sikkheyya. Imā tisso sikkhāyo āvajjanto sikkheyya, jānanto sikkheyya…pe… sacchikātabbaṃ sacchikaronto sikkheyya, ācareyya samācareyya samādāya vatteyyāti – sikkhe nibbānamattano. Tenāha bhagavā –
‘‘д̇знахаад̇аббам̣ гарохи, [д̇ход̇агаад̇и бхаг̇аваа]
‘‘Tenahātappaṃ karohi, [dhotakāti bhagavā]
ид̇хзва нибаго сад̇о;
Idheva nipako sato;
ид̇о суд̇ваана ниг̇гхосам̣, сигкз ниб̣б̣аанамад̇д̇ано’’д̇и.
Ito sutvāna nigghosaṃ, sikkhe nibbānamattano’’ti.
32.
32.
бассаамахам̣ д̣̇звамануссалогз, агин̃жанам̣ б̣раахман̣амирияамаанам̣;
Passāmahaṃ devamanussaloke,akiñcanaṃbrāhmaṇamiriyamānaṃ;
д̇ам̣ д̇ам̣ намассаами саманд̇ажагку, бамун̃жа мам̣ сагга гат̇ам̣гат̇аахи.
Taṃ taṃ namassāmi samantacakkhu, pamuñca maṃ sakka kathaṃkathāhi.
бассаамахам̣ д̣̇звамануссалогзд̇и. д̣̇зваад̇и д̇аяо д̣̇зваа – саммуд̇ид̣̇зваа, убабад̇д̇ид̣̇зваа, висуд̣̇д̇хид̣̇зваа. гад̇амз саммуд̇ид̣̇зваа? саммуд̇ид̣̇зваа вужжанд̇и рааж̇аано жа рааж̇агумаараа жа д̣̇звияо жа. имз вужжанд̇и саммуд̇ид̣̇зваа. гад̇амз убабад̇д̇ид̣̇зваа? убабад̇д̇ид̣̇зваа вужжанд̇и жаад̇умахаарааж̇игаа д̣̇зваа д̇аавад̇им̣саа д̣̇зваа яаамаа д̣̇зваа д̇усид̇аа д̣̇зваа ниммаанарад̇ий д̣̇зваа бараниммид̇авасавад̇д̇ий д̣̇зваа б̣рахмагааяигаа д̣̇зваа яз жа д̣̇зваа д̇ад̣̇уд̇д̇ари 1. имз вужжанд̇и убабад̇д̇ид̣̇зваа. гад̇амз висуд̣̇д̇хид̣̇зваа? висуд̣̇д̇хид̣̇зваа вужжанд̇и д̇ат̇ааг̇ад̇асаавагаа араханд̇о кийн̣аасаваа яз жа бажжзгаб̣уд̣̇д̇хаа. имз вужжанд̇и висуд̣̇д̇хид̣̇зваа. бхаг̇аваа саммуд̇ид̣̇зваанан̃жа убабад̇д̇ид̣̇зваанан̃жа висуд̣̇д̇хид̣̇зваанан̃жа д̣̇зво жа ад̇ид̣̇зво жа д̣̇зваад̇ид̣̇зво жа сийхасийхо нааг̇анааг̇о г̇ан̣иг̇ан̣ий мунимуний рааж̇арааж̇аа. бассаамахам̣ д̣̇звамануссалогзд̇и мануссалогз д̣̇звам̣ бассаами ад̇ид̣̇звам̣ бассаами д̣̇зваад̇ид̣̇звам̣ бассаами д̣̇агкаами ологзми ниж̇жхааяаами убабаригкаамийд̇и – бассаамахам̣ д̣̇звамануссалогз.
Passāmahaṃ devamanussaloketi. Devāti tayo devā – sammutidevā, upapattidevā, visuddhidevā. Katame sammutidevā? Sammutidevā vuccanti rājāno ca rājakumārā ca deviyo ca. Ime vuccanti sammutidevā. Katame upapattidevā? Upapattidevā vuccanti cātumahārājikā devā tāvatiṃsā devā yāmā devā tusitā devā nimmānaratī devā paranimmitavasavattī devā brahmakāyikā devā ye ca devā taduttari 2. Ime vuccanti upapattidevā. Katame visuddhidevā? Visuddhidevā vuccanti tathāgatasāvakā arahanto khīṇāsavā ye ca paccekabuddhā. Ime vuccanti visuddhidevā. Bhagavā sammutidevānañca upapattidevānañca visuddhidevānañca devo ca atidevo ca devātidevo ca sīhasīho nāganāgo gaṇigaṇī munimunī rājarājā. Passāmahaṃ devamanussaloketi manussaloke devaṃ passāmi atidevaṃ passāmi devātidevaṃ passāmi dakkhāmi olokemi nijjhāyāmi upaparikkhāmīti – passāmahaṃ devamanussaloke.
аагин̃жанам̣ б̣раахман̣амирияамаананд̇и. агин̃жананд̇и рааг̇агин̃жанам̣ д̣̇осагин̃жанам̣ мохагин̃жанам̣ маанагин̃жанам̣ д̣̇идтигин̃жанам̣ гилзсагин̃жанам̣ д̣̇ужжарид̇агин̃жанам̣, д̇з гин̃жанаа б̣уд̣̇д̇хасса бхаг̇авад̇о бахийнаа ужчиннамуулаа д̇аалаавад̇т̇угад̇аа анабхаавам̣гад̇аа ааяад̇им̣ ануббаад̣̇ад̇хаммаа, д̇асмаа б̣уд̣̇д̇хо агин̃жано. б̣раахман̣од̇и бхаг̇аваа сад̇д̇аннам̣ д̇хаммаанам̣ б̣аахид̇ад̇д̇аа б̣раахман̣о – саггааяад̣̇идти б̣аахид̇аа ход̇и, вижигижчаа б̣аахид̇аа ход̇и, сийлаб̣б̣ад̇абараамаасо б̣аахид̇о ход̇и, рааг̇о б̣аахид̇о ход̇и, д̣̇осо б̣аахид̇о ход̇и, мохо б̣аахид̇о ход̇и, маано б̣аахид̇о ход̇и, б̣аахид̇аасса хонд̇и баабагаа агусалаа д̇хаммаа сам̣гилзсигаа бонобхавигаа сад̣̇араа д̣̇угкавибаагаа ааяад̇им̣ ж̇аад̇иж̇араамаран̣ияаа.
Ākiñcanaṃbrāhmaṇamiriyamānanti. Akiñcananti rāgakiñcanaṃ dosakiñcanaṃ mohakiñcanaṃ mānakiñcanaṃ diṭṭhikiñcanaṃ kilesakiñcanaṃ duccaritakiñcanaṃ, te kiñcanā buddhassa bhagavato pahīnā ucchinnamūlā tālāvatthukatā anabhāvaṃkatā āyatiṃ anuppādadhammā, tasmā buddho akiñcano. Brāhmaṇoti bhagavā sattannaṃ dhammānaṃ bāhitattā brāhmaṇo – sakkāyadiṭṭhi bāhitā hoti, vicikicchā bāhitā hoti, sīlabbataparāmāso bāhito hoti, rāgo bāhito hoti, doso bāhito hoti, moho bāhito hoti, māno bāhito hoti, bāhitāssa honti pāpakā akusalā dhammā saṃkilesikā ponobhavikā sadarā dukkhavipākā āyatiṃ jātijarāmaraṇiyā.
б̣аахид̇ваа саб̣б̣абаабагаани, [сабхияаад̇и бхаг̇аваа]
Bāhitvā sabbapāpakāni, [sabhiyāti bhagavā]
вимало саад̇хусамаахид̇о тид̇ад̇д̇о;
Vimalo sādhusamāhito ṭhitatto;
сам̣саарамад̇ижжа гзвалий со, асид̇о д̇аад̣̇и бавужжад̇з са б̣рахмаад̇и.
Saṃsāramaticca kevalī so, asito tādi pavuccate sa brahmāti.
ирияамаананд̇и жаранд̇ам̣ вихаранд̇ам̣ ирияанд̇ам̣ вад̇д̇знд̇ам̣ баалзнд̇ам̣ яабзнд̇ам̣ яаабзнд̇анд̇и – агин̃жанам̣ б̣раахман̣амирияамаанам̣.
Iriyamānanti carantaṃ viharantaṃ iriyantaṃ vattentaṃ pālentaṃ yapentaṃ yāpentanti – akiñcanaṃ brāhmaṇamiriyamānaṃ.
д̇ам̣ д̇ам̣ намассаами саманд̇ажагкууд̇и. д̇анд̇и бхаг̇аванд̇ам̣ бхан̣ад̇и. намассаамийд̇и гааязна ваа намассаами, ваажааяа ваа намассаами, жид̇д̇зна ваа намассаами, анвад̇т̇абадибад̇д̇ияаа ваа намассаами, д̇хаммаануд̇хаммабадибад̇д̇ияаа ваа намассаами саггароми г̇арум̣ гароми маанзми бууж̇зми. саманд̇ажагкууд̇и саманд̇ажагку вужжад̇и саб̣б̣ан̃н̃уд̇ан̃аан̣ам̣. бхаг̇аваа саб̣б̣ан̃н̃уд̇ан̃аан̣зна убзд̇о самубзд̇о убааг̇ад̇о самубааг̇ад̇о убабанно самубабанно саманнааг̇ад̇о.
Taṃ taṃ namassāmi samantacakkhūti. Tanti bhagavantaṃ bhaṇati. Namassāmīti kāyena vā namassāmi, vācāya vā namassāmi, cittena vā namassāmi, anvatthapaṭipattiyā vā namassāmi, dhammānudhammapaṭipattiyā vā namassāmi sakkaromi garuṃ karomi mānemi pūjemi. Samantacakkhūti samantacakkhu vuccati sabbaññutañāṇaṃ. Bhagavā sabbaññutañāṇena upeto samupeto upāgato samupāgato upapanno samupapanno samannāgato.
‘‘на д̇асса ад̣̇д̣̇идтамид̇хад̇т̇и 3 гин̃жи, ат̇о авин̃н̃аад̇амаж̇аанид̇аб̣б̣ам̣;
‘‘Na tassa addiṭṭhamidhatthi 4 kiñci, atho aviññātamajānitabbaṃ;
саб̣б̣ам̣ абхин̃н̃ааси яад̣̇ад̇т̇и нзяяам̣, д̇ат̇ааг̇ад̇о д̇зна саманд̇ажагкуу’’д̇и.
Sabbaṃ abhiññāsi yadatthi neyyaṃ, tathāgato tena samantacakkhū’’ti.
д̇ам̣ д̇ам̣ намассаами саманд̇ажагку.
Taṃ taṃ namassāmi samantacakkhu.
бамун̃жа мам̣ сагга гат̇ам̣гат̇аахийд̇и. саггаад̇и сагго бхаг̇аваа сагяагулаа баб̣б̣аж̇ид̇од̇иби сагго. ат̇а ваа, ад̣дхо 5 махад̣̇д̇хано д̇ханаваад̇иби сагго. д̇ассимаани д̇ханаани, сзяяат̇ид̣̇ам̣ – сад̣̇д̇хаад̇ханам̣ сийлад̇ханам̣ хирид̇ханам̣ од̇д̇аббад̇ханам̣ суд̇ад̇ханам̣ жааг̇ад̇ханам̣ бан̃н̃аад̇ханам̣ сад̇ибадтаанад̇ханам̣ саммаббад̇хаанад̇ханам̣ ид̣̇д̇хибаад̣̇ад̇ханам̣ инд̣̇рияад̇ханам̣ б̣алад̇ханам̣ б̣ож̇жхан̇г̇ад̇ханам̣ маг̇г̇ад̇ханам̣ палад̇ханам̣ ниб̣б̣аанад̇ханам̣. имзхи анзгавид̇хзхи д̇ханарад̇анзхи ад̣дхо махад̣̇д̇хано д̇ханаваад̇иби сагго. ат̇а ваа, сагго баху висавий аламад̇д̇о сууро вийро вигганд̇о абхийруу ажчамбхий ануд̇раасий абалааяий бахийнабхаяабхзраво виг̇ад̇аломахам̣сод̇иби сагго . гат̇ам̣гат̇аа вужжад̇и вижигижчаа. д̣̇угкз ган̇каа, д̣̇угкасамуд̣̇аяз ган̇каа, д̣̇угканирод̇хз ган̇каа, д̣̇угканирод̇хаг̇ааминияаа бадибад̣̇ааяа ган̇каа, буб̣б̣анд̇з ган̇каа, абаранд̇з ган̇каа, буб̣б̣анд̇аабаранд̇з ган̇каа, ид̣̇аббажжаяад̇аабадижжасамуббаннзсу д̇хаммзсу ган̇каа. яаа зваруубаа ган̇каа ган̇кааяанаа ган̇кааяид̇ад̇д̇ам̣ вимад̇и вижигижчаа д̣̇взл̣хагам̣ д̣̇взд̇хаабат̇о сам̣саяо анзгам̣саг̇г̇аахо аасаббанаа барисаббанаа абарияог̇ааханаа чамбхид̇ад̇д̇ам̣ жид̇д̇асса мановилзко. бамун̃жа мам̣ сагга гат̇ам̣гат̇аахийд̇и мун̃жа мам̣ бамун̃жа мам̣ можзхи мам̣ баможзхи мам̣ уд̣̇д̇хара мам̣ самуд̣̇д̇хара мам̣ вудтаабзхи мам̣ гат̇ам̣гат̇аасаллад̇од̇и – бамун̃жа мам̣ сагга гат̇ам̣гат̇аахи. д̇знааха со б̣раахман̣о –
Pamuñca maṃ sakka kathaṃkathāhīti. Sakkāti sakko bhagavā sakyakulā pabbajitotipi sakko. Atha vā, aḍḍho 6 mahaddhano dhanavātipi sakko. Tassimāni dhanāni, seyyathidaṃ – saddhādhanaṃ sīladhanaṃ hiridhanaṃ ottappadhanaṃ sutadhanaṃ cāgadhanaṃ paññādhanaṃ satipaṭṭhānadhanaṃ sammappadhānadhanaṃ iddhipādadhanaṃ indriyadhanaṃ baladhanaṃ bojjhaṅgadhanaṃ maggadhanaṃ phaladhanaṃ nibbānadhanaṃ. Imehi anekavidhehi dhanaratanehi aḍḍho mahaddhano dhanavātipi sakko. Atha vā, sakko pahu visavī alamatto sūro vīro vikkanto abhīrū acchambhī anutrāsī apalāyī pahīnabhayabheravo vigatalomahaṃsotipi sakko . Kathaṃkathā vuccati vicikicchā. Dukkhe kaṅkhā, dukkhasamudaye kaṅkhā, dukkhanirodhe kaṅkhā, dukkhanirodhagāminiyā paṭipadāya kaṅkhā, pubbante kaṅkhā, aparante kaṅkhā, pubbantāparante kaṅkhā, idappaccayatāpaṭiccasamuppannesu dhammesu kaṅkhā. Yā evarūpā kaṅkhā kaṅkhāyanā kaṅkhāyitattaṃ vimati vicikicchā dveḷhakaṃ dvedhāpatho saṃsayo anekaṃsaggāho āsappanā parisappanā apariyogāhanā chambhitattaṃ cittassa manovilekho. Pamuñca maṃ sakka kathaṃkathāhīti muñca maṃ pamuñca maṃ mocehi maṃ pamocehi maṃ uddhara maṃ samuddhara maṃ vuṭṭhāpehi maṃ kathaṃkathāsallatoti – pamuñca maṃ sakka kathaṃkathāhi. Tenāha so brāhmaṇo –
‘‘бассаамахам̣ д̣̇звамануссалогз, агин̃жанам̣ б̣раахман̣амирияамаанам̣;
‘‘Passāmahaṃ devamanussaloke, akiñcanaṃ brāhmaṇamiriyamānaṃ;
д̇ам̣ д̇ам̣ намассаами саманд̇ажагку, бамун̃жа мам̣ сагга гат̇ам̣гат̇аахий’’д̇и.
Taṃ taṃ namassāmi samantacakkhu, pamuñca maṃ sakka kathaṃkathāhī’’ti.
33.
33.
наахам̣ сахиссаами баможанааяа, гат̇ам̣гат̇им̣ д̇ход̇ага ган̃жи логз;
Nāhaṃ sahissāmi pamocanāya, kathaṃkathiṃ dhotaka kañci loke;
д̇хамман̃жа сздтам̣ ааж̇аанамаано, звам̣ д̇увам̣ огхамимам̣ д̇арзси.
Dhammañca seṭṭhaṃ ājānamāno, evaṃ tuvaṃ oghamimaṃ taresi.
наахам̣ сахиссаами 7 баможанааяаад̇и наахам̣ д̇ам̣ саггоми мун̃жид̇ум̣ бамун̃жид̇ум̣ можзд̇ум̣ баможзд̇ум̣ уд̣̇д̇харид̇ум̣ самуд̣̇д̇харид̇ум̣ удтаабзд̇ум̣ самудтаабзд̇ум̣ гат̇ам̣гат̇аасаллад̇од̇и. звамби наахам̣ сахиссаами баможанааяа. ат̇а ваа, на ийхаами на самийхаами на уссахаами на вааяамаами на уссаахам̣ гароми на уссол̣хим̣ гароми на т̇аамам̣ гароми на д̇хид̇им̣ гароми на вийрияам̣ гароми на чанд̣̇ам̣ ж̇анзми на сан̃ж̇анзми на ниб̣б̣ад̇д̇зми на абхиниб̣б̣ад̇д̇зми ассад̣̇д̇хз буг̇г̇алз ажчанд̣̇игз гусийд̇з хийнавийрияз аббадибаж̇ж̇амаанз д̇хаммад̣̇зсанааяаад̇и. звамби наахам̣ сахиссаами баможанааяа. ат̇а ваа, над̇т̇ан̃н̃о гожи можзд̇аа. д̇з яад̣̇и можзяяум̣ сагзна т̇аамзна сагзна б̣алзна сагзна вийриязна сагзна бараггамзна сагзна бурисат̇аамзна сагзна бурисаб̣алзна сагзна бурисавийриязна сагзна бурисабараггамзна ад̇д̇анаа саммаабадибад̣̇ам̣ ануломабадибад̣̇ам̣ абажжанийгабадибад̣̇ам̣ анвад̇т̇абадибад̣̇ам̣ д̇хаммаануд̇хаммабадибад̣̇ам̣ бадибаж̇ж̇амаанаа можзяяунд̇и. звамби наахам̣ сахиссаами баможанааяа.
Nāhaṃ sahissāmi8pamocanāyāti nāhaṃ taṃ sakkomi muñcituṃ pamuñcituṃ mocetuṃ pamocetuṃ uddharituṃ samuddharituṃ uṭṭhāpetuṃ samuṭṭhāpetuṃ kathaṃkathāsallatoti. Evampi nāhaṃ sahissāmi pamocanāya. Atha vā, na īhāmi na samīhāmi na ussahāmi na vāyamāmi na ussāhaṃ karomi na ussoḷhiṃ karomi na thāmaṃ karomi na dhitiṃ karomi na vīriyaṃ karomi na chandaṃ janemi na sañjanemi na nibbattemi na abhinibbattemi assaddhe puggale acchandike kusīte hīnavīriye appaṭipajjamāne dhammadesanāyāti. Evampi nāhaṃ sahissāmi pamocanāya. Atha vā, natthañño koci mocetā. Te yadi moceyyuṃ sakena thāmena sakena balena sakena vīriyena sakena parakkamena sakena purisathāmena sakena purisabalena sakena purisavīriyena sakena purisaparakkamena attanā sammāpaṭipadaṃ anulomapaṭipadaṃ apaccanīkapaṭipadaṃ anvatthapaṭipadaṃ dhammānudhammapaṭipadaṃ paṭipajjamānā moceyyunti. Evampi nāhaṃ sahissāmi pamocanāya.
вуд̇д̇ан̃хзд̇ам̣ бхаг̇авад̇аа – ‘‘со вад̇а, жунд̣̇а, ад̇д̇анаа балибабалибанно барам̣ балибабалибаннам̣ уд̣̇д̇хариссад̇ийд̇и нзд̇ам̣ таанам̣ виж̇ж̇ад̇и. со вад̇а, жунд̣̇а, ад̇д̇анаа ад̣̇анд̇о авинийд̇о абариниб̣б̣уд̇о барам̣ д̣̇амзссад̇и винзссад̇и бариниб̣б̣аабзссад̇ийд̇и нзд̇ам̣ таанам̣ виж̇ж̇ад̇ийд̇и. звамби наахам̣ сахиссаами баможанааяа.
Vuttañhetaṃ bhagavatā – ‘‘so vata, cunda, attanā palipapalipanno paraṃ palipapalipannaṃ uddharissatīti netaṃ ṭhānaṃ vijjati. So vata, cunda, attanā adanto avinīto aparinibbuto paraṃ damessati vinessati parinibbāpessatīti netaṃ ṭhānaṃ vijjatīti. Evampi nāhaṃ sahissāmi pamocanāya.
вуд̇д̇ан̃хзд̇ам̣ бхаг̇авад̇аа –
Vuttañhetaṃ bhagavatā –
‘‘ад̇д̇анаа хи 9 гад̇ам̣ баабам̣, ад̇д̇анаа сам̣гилиссад̇и;
‘‘Attanā hi 10 kataṃ pāpaṃ, attanā saṃkilissati;
ад̇д̇анаа агад̇ам̣ баабам̣, ад̇д̇анаава висуж̇жхад̇и;
Attanā akataṃ pāpaṃ, attanāva visujjhati;
суд̣̇д̇хи асуд̣̇д̇хи бажжад̇д̇ам̣, наан̃н̃о ан̃н̃ам̣ висод̇хаяз’’д̇и.
Suddhi asuddhi paccattaṃ, nāñño aññaṃ visodhaye’’ti.
звамби наахам̣ сахиссаами баможанааяа.
Evampi nāhaṃ sahissāmi pamocanāya.
вуд̇д̇ан̃хзд̇ам̣ бхаг̇авад̇аа – ‘‘звамзва ко, б̣раахман̣а, д̇идтад̇зва ниб̣б̣аанам̣ д̇идтад̇и ниб̣б̣аанаг̇аамимаг̇г̇о д̇идтаамахам̣ самаад̣̇абзд̇аа, ат̇а жа бана мама саавагаа маяаа звам̣ овад̣̇ияамаанаа звам̣ анусаасияамаанаа аббзгажжз ажжанд̇анидтам̣ ниб̣б̣аанам̣ аараад̇хзнд̇и згажжз наараад̇хзнд̇ийд̇и. зд̇т̇а гяаахам̣, б̣раахман̣а гароми? маг̇г̇агкааяий, б̣раахман̣а, д̇ат̇ааг̇ад̇о. маг̇г̇ам̣ б̣уд̣̇д̇хо аажигкад̇и. ад̇д̇анаа бадибаж̇ж̇амаанаа мужжзяяунд̇и 11. звамби наахам̣ сахиссаами баможанааяа’’.
Vuttañhetaṃ bhagavatā – ‘‘evameva kho, brāhmaṇa, tiṭṭhateva nibbānaṃ tiṭṭhati nibbānagāmimaggo tiṭṭhāmahaṃ samādapetā, atha ca pana mama sāvakā mayā evaṃ ovadiyamānā evaṃ anusāsiyamānā appekacce accantaniṭṭhaṃ nibbānaṃ ārādhenti ekacce nārādhentīti. Ettha kyāhaṃ, brāhmaṇa karomi? Maggakkhāyī, brāhmaṇa, tathāgato. Maggaṃ buddho ācikkhati. Attanā paṭipajjamānā mucceyyunti 12. Evampi nāhaṃ sahissāmi pamocanāya’’.
гат̇ам̣гат̇им̣ д̇ход̇ага ган̃жи логзд̇и гат̇ам̣гат̇им̣ буг̇г̇алам̣ саган̇кам̣ сакилам̣ сад̣̇взл̣хагам̣ савижигижчам̣. ган̃жийд̇и ган̃жи кад̇д̇ияам̣ ваа б̣раахман̣ам̣ ваа взссам̣ ваа суд̣̇д̣̇ам̣ ваа г̇ахадтам̣ ваа баб̣б̣аж̇ид̇ам̣ ваа д̣̇звам̣ ваа мануссам̣ ваа. логзд̇и абааяалогз…бз… ааяад̇аналогзд̇и – гат̇ам̣гат̇им̣ д̇ход̇ага ган̃жи логз.
Kathaṃkathiṃdhotaka kañci loketi kathaṃkathiṃ puggalaṃ sakaṅkhaṃ sakhilaṃ sadveḷhakaṃ savicikicchaṃ. Kañcīti kañci khattiyaṃ vā brāhmaṇaṃ vā vessaṃ vā suddaṃ vā gahaṭṭhaṃ vā pabbajitaṃ vā devaṃ vā manussaṃ vā. Loketi apāyaloke…pe… āyatanaloketi – kathaṃkathiṃ dhotaka kañci loke.
д̇хамман̃жа сздтам̣ ааж̇аанамаанод̇и д̇хаммам̣ сздтам̣ вужжад̇и амад̇ам̣ ниб̣б̣аанам̣. яо со саб̣б̣асан̇каарасамат̇о саб̣б̣уубад̇хибадиниссаг̇г̇о д̇ан̣хагкаяо вирааг̇о нирод̇хо ниб̣б̣аанам̣. сздтанд̇и аг̇г̇ам̣ сздтам̣ висздтам̣ баамогкам̣ уд̇д̇амам̣ баварам̣ д̇хаммам̣ ааж̇аанамаано виж̇аанамаано бадивиж̇аанамаано бадивиж̇жхамаанод̇и – д̇хамман̃жа сздтам̣ ааж̇аанамаано.
Dhammañca seṭṭhaṃ ājānamānoti dhammaṃ seṭṭhaṃ vuccati amataṃ nibbānaṃ. Yo so sabbasaṅkhārasamatho sabbūpadhipaṭinissaggo taṇhakkhayo virāgo nirodho nibbānaṃ. Seṭṭhanti aggaṃ seṭṭhaṃ viseṭṭhaṃ pāmokkhaṃ uttamaṃ pavaraṃ dhammaṃ ājānamāno vijānamāno paṭivijānamāno paṭivijjhamānoti – dhammañca seṭṭhaṃ ājānamāno.
звам̣ д̇увам̣ огхамимам̣ д̇арзсийд̇и звам̣ гаамогхам̣ бхавогхам̣ д̣̇идтогхам̣ авиж̇ж̇огхам̣ д̇арзяяааси уд̇д̇арзяяааси бад̇арзяяааси самад̇иггамзяяааси вийд̇ивад̇д̇зяяаасийд̇и – звам̣ д̇увам̣ огхамимам̣ д̇арзси. д̇знааха бхаг̇аваа –
Evaṃtuvaṃ oghamimaṃ taresīti evaṃ kāmoghaṃ bhavoghaṃ diṭṭhoghaṃ avijjoghaṃ tareyyāsi uttareyyāsi patareyyāsi samatikkameyyāsi vītivatteyyāsīti – evaṃ tuvaṃ oghamimaṃ taresi. Tenāha bhagavā –
‘‘наахам̣ сахиссаами баможанааяа, гат̇ам̣гат̇им̣ д̇ход̇ага ган̃жи логз;
‘‘Nāhaṃ sahissāmi pamocanāya, kathaṃkathiṃ dhotaka kañci loke;
д̇хамман̃жа сздтам̣ ааж̇аанамаано, звам̣ д̇увам̣ огхамимам̣ д̇арзсий’’д̇и.
Dhammañca seṭṭhaṃ ājānamāno, evaṃ tuvaṃ oghamimaṃ taresī’’ti.
34.
34.
анусааса б̣рахмз гарун̣ааяамаано, вивзгад̇хаммам̣ яамахам̣ виж̇ан̃н̃ам̣;
Anusāsa brahme karuṇāyamāno, vivekadhammaṃ yamahaṃ vijaññaṃ;
анусааса б̣рахмз гарун̣ааяамаанод̇и анусааса б̣рахмз ануг̇г̇ан̣ха б̣рахмз анугамба б̣рахмзд̇и – анусааса б̣рахмз. гарун̣ааяамаанод̇и гарун̣ааяамаано ануд̣̇аяамаано 17 анурагкамаано ануг̇г̇ан̣хамаано анугамбамаанод̇и – анусааса б̣рахмз гарун̣ааяамаано.
Anusāsa brahme karuṇāyamānoti anusāsa brahme anuggaṇha brahme anukampa brahmeti – anusāsa brahme. Karuṇāyamānoti karuṇāyamāno anudayamāno 18 anurakkhamāno anuggaṇhamāno anukampamānoti – anusāsa brahme karuṇāyamāno.
вивзгад̇хаммам̣ яамахам̣ виж̇ан̃н̃анд̇и вивзгад̇хаммам̣ вужжад̇и амад̇ам̣ ниб̣б̣аанам̣. яо со саб̣б̣асан̇каарасамат̇о саб̣б̣уубад̇хибадиниссаг̇г̇о д̇ан̣хагкаяо вирааг̇о нирод̇хо ниб̣б̣аанам̣. яамахам̣ виж̇ан̃н̃анд̇и яамахам̣ ж̇аанзяяам̣ ааж̇аанзяяам̣ виж̇аанзяяам̣ бадивиж̇аанзяяам̣ бадивиж̇жхзяяам̣ ад̇хиг̇ажчзяяам̣ пассзяяам̣ сажчигарзяяанд̇и – вивзгад̇хаммам̣ яамахам̣ виж̇ан̃н̃ам̣.
Vivekadhammaṃ yamahaṃ vijaññanti vivekadhammaṃ vuccati amataṃ nibbānaṃ. Yo so sabbasaṅkhārasamatho sabbūpadhipaṭinissaggo taṇhakkhayo virāgo nirodho nibbānaṃ. Yamahaṃ vijaññanti yamahaṃ jāneyyaṃ ājāneyyaṃ vijāneyyaṃ paṭivijāneyyaṃ paṭivijjheyyaṃ adhigaccheyyaṃ phasseyyaṃ sacchikareyyanti – vivekadhammaṃ yamahaṃ vijaññaṃ.
яат̇аахам̣ аагаасова аб̣яаабаж̇ж̇амаанод̇и яат̇аа аагаасо на баж̇ж̇ад̇и на г̇ан̣хад̇и 19 на б̣аж̇жхад̇и на балиб̣аж̇жхад̇и, звам̣ абаж̇ж̇амаано аг̇ан̣хамаано аб̣аж̇жхамаано абалиб̣аж̇жхамаанод̇и – звамби аагаасова аб̣яаабаж̇ж̇амаано. яат̇аа аагаасо на раж̇ж̇ад̇и лаакааяа ваа халид̣̇д̣̇ияаа 20 ваа нийлияаа 21 ваа ман̃ж̇здтааяа ваа звам̣ араж̇ж̇амаано ад̣̇уссамаано амуяхамаано агилиссамаанод̇и 22 – звамби аагаасова аб̣яаабаж̇ж̇амаано. яат̇аа аагаасо на губбад̇и на б̣яаабаж̇ж̇ад̇и на бад̇илийяад̇и 23 на бадихан̃н̃ад̇и, звам̣ агуббамаано аб̣яаабаж̇ж̇амаано аббад̇илийяамаано аббадихан̃н̃амаано аббадихад̇амаанод̇и – звамби аагаасова аб̣яаабаж̇ж̇амаано.
Yathāhaṃ ākāsova abyāpajjamānoti yathā ākāso na pajjati na gaṇhati 24 na bajjhati na palibajjhati, evaṃ apajjamāno agaṇhamāno abajjhamāno apalibajjhamānoti – evampi ākāsova abyāpajjamāno. Yathā ākāso na rajjati lākhāya vā haliddiyā 25 vā nīliyā 26 vā mañjeṭṭhāya vā evaṃ arajjamāno adussamāno amuyhamāno akilissamānoti 27 – evampi ākāsova abyāpajjamāno. Yathā ākāso na kuppati na byāpajjati na patilīyati 28 na paṭihaññati, evaṃ akuppamāno abyāpajjamāno appatilīyamāno appaṭihaññamāno appaṭihatamānoti – evampi ākāsova abyāpajjamāno.
ид̇хзва санд̇о асид̇о жарзяяанд̇и. ид̇хзва санд̇од̇и ид̇хзва санд̇о ид̇хзва самаано ид̇хзва нисинно самаано имасмим̣язва аасанз нисинно самаано имиссааязва барисааяа нисинно самаанод̇и, звамби – ид̇хзва санд̇о. ат̇а ваа, ид̇хзва санд̇о убасанд̇о вуубасанд̇о ниб̣б̣уд̇о бадиббассад̣̇д̇ход̇и, звамби – ид̇хзва санд̇о. асид̇од̇и д̣̇вз ниссаяаа – д̇ан̣хааниссаяо жа д̣̇идтиниссаяо жа…бз… аяам̣ д̇ан̣хааниссаяо…бз… аяам̣ д̣̇идтиниссаяо… д̇ан̣хааниссаяам̣ бахааяа д̣̇идтиниссаяам̣ бадиниссаж̇ж̇ид̇ваа жагкум̣ аниссид̇о, сод̇ам̣ аниссид̇о, гхаанам̣ аниссид̇о, ж̇ивхам̣ аниссид̇о, гааяам̣ аниссид̇о, манам̣ аниссид̇о, руубз… сад̣̇д̣̇з… г̇анд̇хз … расз… подтаб̣б̣з… д̇хаммз… гулам̣… г̇ан̣ам̣… ааваасам̣… лаабхам̣… яасам̣… басам̣сам̣… сукам̣… жийварам̣… бин̣д̣абаад̇ам̣… сзнаасанам̣… г̇илаанабажжаяабхзсаж̇ж̇абаригкаарам̣… гаамад̇хаад̇ум̣… руубад̇хаад̇ум̣… аруубад̇хаад̇ум̣… гаамабхавам̣… руубабхавам̣… аруубабхавам̣… сан̃н̃аабхавам̣… асан̃н̃аабхавам̣… нзвасан̃н̃аанаасан̃н̃аабхавам̣… згавогаарабхавам̣… жад̇увогаарабхавам̣… бан̃жавогаарабхавам̣… ад̇ийд̇ам̣… анааг̇ад̇ам̣… бажжуббаннам̣… д̣̇идтасуд̇амуд̇авин̃н̃аад̇аб̣б̣з 29 д̇хаммз асид̇о аниссид̇о аналлийно анубаг̇ад̇о анаж̇жхосид̇о анад̇химуд̇д̇о нигканд̇о ниссадо 30 виббамуд̇д̇о висам̣яуд̇д̇о вимарияаад̣̇игад̇зна жзд̇асаа. жарзяяанд̇и жарзяяам̣ вихарзяяам̣ ириязяяам̣ вад̇д̇зяяам̣ яабзяяам̣ яаабзяяанд̇и – ид̇хзва санд̇о асид̇о жарзяяам̣. д̇знааха со б̣раахман̣о –
Idheva santo asito careyyanti. Idheva santoti idheva santo idheva samāno idheva nisinno samāno imasmiṃyeva āsane nisinno samāno imissāyeva parisāya nisinno samānoti, evampi – idheva santo. Atha vā, idheva santo upasanto vūpasanto nibbuto paṭippassaddhoti, evampi – idheva santo. Asitoti dve nissayā – taṇhānissayo ca diṭṭhinissayo ca…pe… ayaṃ taṇhānissayo…pe… ayaṃ diṭṭhinissayo… taṇhānissayaṃ pahāya diṭṭhinissayaṃ paṭinissajjitvā cakkhuṃ anissito, sotaṃ anissito, ghānaṃ anissito, jivhaṃ anissito, kāyaṃ anissito, manaṃ anissito, rūpe… sadde… gandhe … rase… phoṭṭhabbe… dhamme… kulaṃ… gaṇaṃ… āvāsaṃ… lābhaṃ… yasaṃ… pasaṃsaṃ… sukhaṃ… cīvaraṃ… piṇḍapātaṃ… senāsanaṃ… gilānapaccayabhesajjaparikkhāraṃ… kāmadhātuṃ… rūpadhātuṃ… arūpadhātuṃ… kāmabhavaṃ… rūpabhavaṃ… arūpabhavaṃ… saññābhavaṃ… asaññābhavaṃ… nevasaññānāsaññābhavaṃ… ekavokārabhavaṃ… catuvokārabhavaṃ… pañcavokārabhavaṃ… atītaṃ… anāgataṃ… paccuppannaṃ… diṭṭhasutamutaviññātabbe 31 dhamme asito anissito anallīno anupagato anajjhosito anadhimutto nikkhanto nissaṭo 32 vippamutto visaṃyutto vimariyādikatena cetasā. Careyyanti careyyaṃ vihareyyaṃ iriyeyyaṃ vatteyyaṃ yapeyyaṃ yāpeyyanti – idheva santo asito careyyaṃ. Tenāha so brāhmaṇo –
‘‘анусааса б̣рахмз гарун̣ааяамаано, вивзгад̇хаммам̣ яамахам̣ виж̇ан̃н̃ам̣;
‘‘Anusāsa brahme karuṇāyamāno, vivekadhammaṃ yamahaṃ vijaññaṃ;
яат̇аахам̣ аагаасова аб̣яаабаж̇ж̇амаано, ид̇хзва санд̇о асид̇о жарзяяа’’нд̇и.
Yathāhaṃ ākāsova abyāpajjamāno, idheva santo asito careyya’’nti.
35.
35.
гид̇д̇аяиссаами д̇з санд̇им̣, [д̇ход̇агаад̇и бхаг̇аваа]
Kittayissāmi te santiṃ, [dhotakāti bhagavā]
д̣̇идтз д̇хаммз анийд̇ихам̣;
Diṭṭhe dhamme anītihaṃ;
яам̣ вид̣̇ид̇ваа сад̇о жарам̣, д̇арз логз висад̇д̇игам̣.
Yaṃ viditvā sato caraṃ, tare loke visattikaṃ.
гид̇д̇аяиссаами д̇з санд̇инд̇и рааг̇асса санд̇им̣, д̣̇осасса санд̇им̣, мохасса санд̇им̣, год̇хасса санд̇им̣, убанаахасса…бз… магкасса… бал̣аасасса… иссааяа… мажчарияасса… мааяааяа… саатзяяасса… т̇амбхасса… саарамбхасса… маанасса… ад̇имаанасса… мад̣̇асса… бамаад̣̇асса… саб̣б̣агилзсаанам̣… саб̣б̣ад̣̇ужжарид̇аанам̣… саб̣б̣ад̣̇арат̇аанам̣… саб̣б̣абарил̣аахаанам̣… саб̣б̣асанд̇аабаанам̣… саб̣б̣аагусалаабхисан̇каараанам̣ санд̇им̣ убасанд̇им̣ вуубасанд̇им̣ ниб̣б̣уд̇им̣ бадиббассад̣̇д̇хим̣ гид̇д̇аяиссаами багид̇д̇аяиссаами аажигкиссаами д̣̇зсзссаами бан̃н̃абзссаами бадтабзссаами вивариссаами вибхаж̇иссаами уд̇д̇аанийгариссаами багаасиссаамийд̇и – гид̇д̇аяиссаами д̇з санд̇им̣.
Kittayissāmite santinti rāgassa santiṃ, dosassa santiṃ, mohassa santiṃ, kodhassa santiṃ, upanāhassa…pe… makkhassa… paḷāsassa… issāya… macchariyassa… māyāya… sāṭheyyassa… thambhassa… sārambhassa… mānassa… atimānassa… madassa… pamādassa… sabbakilesānaṃ… sabbaduccaritānaṃ… sabbadarathānaṃ… sabbapariḷāhānaṃ… sabbasantāpānaṃ… sabbākusalābhisaṅkhārānaṃ santiṃ upasantiṃ vūpasantiṃ nibbutiṃ paṭippassaddhiṃ kittayissāmi pakittayissāmi ācikkhissāmi desessāmi paññapessāmi paṭṭhapessāmi vivarissāmi vibhajissāmi uttānīkarissāmi pakāsissāmīti – kittayissāmi te santiṃ.
д̇ход̇агаад̇и бхаг̇аваад̇и. д̇ход̇агаад̇и бхаг̇аваа д̇ам̣ б̣раахман̣ам̣ наамзна аалабад̇и. бхаг̇аваад̇и г̇аараваад̇хиважанамзд̇ам̣…бз… сажчигаа бан̃н̃ад̇д̇и, яад̣̇ид̣̇ам̣ бхаг̇аваад̇и – д̇ход̇агаад̇и бхаг̇аваа.
Dhotakāti bhagavāti. Dhotakāti bhagavā taṃ brāhmaṇaṃ nāmena ālapati. Bhagavāti gāravādhivacanametaṃ…pe… sacchikā paññatti, yadidaṃ bhagavāti – dhotakāti bhagavā.
д̣̇идтз д̇хаммз анийд̇иханд̇и. д̣̇идтз д̇хаммзд̇и д̣̇идтз д̇хаммз н̃аад̇з д̇хаммз д̇улид̇з д̇хаммз д̇ийрид̇з д̇хаммз вибхууд̇з д̇хаммз вибхаавид̇з д̇хаммз саб̣б̣з сан̇каараа анижжаад̇и…бз… яам̣ гин̃жи самуд̣̇аяад̇хаммам̣ саб̣б̣ам̣ д̇ам̣ нирод̇хад̇хамманд̇и д̣̇идтз д̇хаммз н̃аад̇з д̇хаммз д̇улид̇з д̇хаммз д̇ийрид̇з д̇хаммз вибхаавид̇з д̇хаммз вибхууд̇з д̇хаммзд̇и, звамби – д̣̇идтз д̇хаммз…бз…. ат̇а ваа, д̣̇угкз д̣̇идтз д̣̇угкам̣ гат̇аяиссаами, самуд̣̇аяз д̣̇идтз самуд̣̇аяам̣ гат̇аяиссаами, маг̇г̇з д̣̇идтз маг̇г̇ам̣ гат̇аяиссаами, нирод̇хз д̣̇идтз нирод̇хам̣ гат̇аяиссаамийд̇и, звамби – д̣̇идтз д̇хаммз…бз…. ат̇а ваа, санд̣̇идтигам̣ агаалигам̣ зхибассигам̣ обанзяяигам̣ 33 бажжад̇д̇ам̣ взд̣̇ид̇аб̣б̣ам̣ вин̃н̃уухийд̇и, звамби – д̣̇идтз д̇хаммз. анийд̇иханд̇и на ид̇ихийд̇ихам̣ на ид̇игирааяа на барамбарааяа на бидагасамбад̣̇ааяа на д̇аггахзд̇у на наяахзд̇у на аагаарабаривид̇аггзна на д̣̇идтиниж̇жхаанагканд̇ияаа саамам̣ саяамабхин̃н̃аад̇ам̣ ад̇д̇абажжагкад̇хаммам̣, д̇ам̣ гат̇аяиссаамийд̇и – д̣̇идтз д̇хаммз анийд̇ихам̣.
Diṭṭhe dhamme anītihanti. Diṭṭhe dhammeti diṭṭhe dhamme ñāte dhamme tulite dhamme tīrite dhamme vibhūte dhamme vibhāvite dhamme sabbe saṅkhārā aniccāti…pe… yaṃ kiñci samudayadhammaṃ sabbaṃ taṃ nirodhadhammanti diṭṭhe dhamme ñāte dhamme tulite dhamme tīrite dhamme vibhāvite dhamme vibhūte dhammeti, evampi – diṭṭhe dhamme…pe…. Atha vā, dukkhe diṭṭhe dukkhaṃ kathayissāmi, samudaye diṭṭhe samudayaṃ kathayissāmi, magge diṭṭhe maggaṃ kathayissāmi, nirodhe diṭṭhe nirodhaṃ kathayissāmīti, evampi – diṭṭhe dhamme…pe…. Atha vā, sandiṭṭhikaṃ akālikaṃ ehipassikaṃ opaneyyikaṃ 34 paccattaṃ veditabbaṃ viññūhīti, evampi – diṭṭhe dhamme. Anītihanti na itihītihaṃ na itikirāya na paramparāya na piṭakasampadāya na takkahetu na nayahetu na ākāraparivitakkena na diṭṭhinijjhānakkhantiyā sāmaṃ sayamabhiññātaṃ attapaccakkhadhammaṃ, taṃ kathayissāmīti – diṭṭhe dhamme anītihaṃ.
яам̣ вид̣̇ид̇ваа сад̇о жаранд̇и яам̣ вид̣̇ид̇ам̣ гад̇ваа д̇улаяид̇ваа д̇ийраяид̇ваа вибхааваяид̇ваа вибхууд̇ам̣ гад̇ваа; ‘‘саб̣б̣з сан̇каараа анижжаа’’д̇и вид̣̇ид̇ам̣ гад̇ваа д̇улаяид̇ваа д̇ийраяид̇ваа вибхааваяид̇ваа вибхууд̇ам̣ гад̇ваа; ‘‘саб̣б̣з сан̇каараа д̣̇угкаа’’д̇и…бз… ‘‘саб̣б̣з д̇хаммаа анад̇д̇аа’’д̇и…бз… ‘‘яам̣ гин̃жи самуд̣̇аяад̇хаммам̣ саб̣б̣ам̣ д̇ам̣ нирод̇хад̇хамма’’нд̇и вид̣̇ид̇ам̣ гад̇ваа д̇улаяид̇ваа д̇ийраяид̇ваа вибхааваяид̇ваа вибхууд̇ам̣ гад̇ваа . сад̇од̇и жад̇уухи гааран̣зхи сад̇о – гааяз гааяаанубассанаасад̇ибадтаанам̣ бхаавзнд̇о сад̇о…бз… со вужжад̇и сад̇о. жаранд̇и жаранд̇о вихаранд̇о ирияанд̇о вад̇д̇знд̇о баалзнд̇о яабзнд̇о яаабзнд̇од̇и – яам̣ вид̣̇ид̇ваа сад̇о жарам̣ .
Yaṃ viditvā sato caranti yaṃ viditaṃ katvā tulayitvā tīrayitvā vibhāvayitvā vibhūtaṃ katvā; ‘‘sabbe saṅkhārā aniccā’’ti viditaṃ katvā tulayitvā tīrayitvā vibhāvayitvā vibhūtaṃ katvā; ‘‘sabbe saṅkhārā dukkhā’’ti…pe… ‘‘sabbe dhammā anattā’’ti…pe… ‘‘yaṃ kiñci samudayadhammaṃ sabbaṃ taṃ nirodhadhamma’’nti viditaṃ katvā tulayitvā tīrayitvā vibhāvayitvā vibhūtaṃ katvā . Satoti catūhi kāraṇehi sato – kāye kāyānupassanāsatipaṭṭhānaṃ bhāvento sato…pe… so vuccati sato. Caranti caranto viharanto iriyanto vattento pālento yapento yāpentoti – yaṃ viditvā sato caraṃ .
д̇арз логз висад̇д̇иганд̇и висад̇д̇игаа вужжад̇и д̇ан̣хаа. яо рааг̇о саарааг̇о…бз… абхиж̇жхаа лобхо агусаламуулам̣. висад̇д̇игаад̇и гзнадтзна висад̇д̇игаа…бз… висадаа вид̇т̇ад̇аад̇и висад̇д̇игаа. логзд̇и абааяалогз…бз… ааяад̇аналогз. д̇арз логз висад̇д̇иганд̇и логз взсаа висад̇д̇игаа, логз взд̇ам̣ висад̇д̇игам̣ сад̇о д̇арзяяа уд̇д̇арзяяа бад̇арзяяа самад̇иггамзяяа вийд̇ивад̇д̇зяяаад̇и – д̇арз логз висад̇д̇игам̣. д̇знааха бхаг̇аваа –
Tare loke visattikanti visattikā vuccati taṇhā. Yo rāgo sārāgo…pe… abhijjhā lobho akusalamūlaṃ. Visattikāti kenaṭṭhena visattikā…pe… visaṭā vitthatāti visattikā. Loketi apāyaloke…pe… āyatanaloke. Tare loke visattikanti loke vesā visattikā, loke vetaṃ visattikaṃ sato tareyya uttareyya patareyya samatikkameyya vītivatteyyāti – tare loke visattikaṃ. Tenāha bhagavā –
‘‘гид̇д̇аяиссаами д̇з санд̇им̣, [д̇ход̇агаад̇и бхаг̇аваа]
‘‘Kittayissāmi te santiṃ, [dhotakāti bhagavā]
д̣̇идтз д̇хаммз анийд̇ихам̣;
Diṭṭhe dhamme anītihaṃ;
яам̣ вид̣̇ид̇ваа сад̇о жарам̣, д̇арз логз висад̇д̇ига’’нд̇и.
Yaṃ viditvā sato caraṃ, tare loke visattika’’nti.
36.
36.
д̇ан̃жаахам̣ абхинанд̣̇аами, махзси санд̇имуд̇д̇амам̣;
Tañcāhaṃ abhinandāmi, mahesi santimuttamaṃ;
яам̣ вид̣̇ид̇ваа сад̇о жарам̣, д̇арз логз висад̇д̇игам̣.
Yaṃ viditvā sato caraṃ, tare loke visattikaṃ.
д̇ан̃жаахам̣ абхинанд̣̇аамийд̇и. д̇анд̇и д̇уяхам̣ важанам̣ б̣яаббат̇ам̣ д̣̇зсанам̣ анусаасанам̣ анусидтам̣ нанд̣̇аами абхинанд̣̇аами мод̣̇аами анумод̣̇аами ижчаами саад̣̇ияаами бад̇т̇аяаами бихаяаами абхиж̇аббаамийд̇и – д̇ан̃жаахам̣ абхинанд̣̇аами.
Tañcāhaṃ abhinandāmīti. Tanti tuyhaṃ vacanaṃ byappathaṃ desanaṃ anusāsanaṃ anusiṭṭhaṃ nandāmi abhinandāmi modāmi anumodāmi icchāmi sādiyāmi patthayāmi pihayāmi abhijappāmīti – tañcāhaṃ abhinandāmi.
махзсисанд̇имуд̇д̇аманд̇и. махзсийд̇и гим̣ махзси бхаг̇аваа? маханд̇ам̣ сийлагканд̇хам̣ зсий г̇авзсий бариязсийд̇и махзси, маханд̇ам̣ самаад̇хигканд̇хам̣…бз… гахам̣ нараасабход̇и махзси. санд̇имуд̇д̇аманд̇и санд̇и вужжад̇и амад̇ам̣ ниб̣б̣аанам̣. яо со саб̣б̣асан̇каарасамат̇о саб̣б̣уубад̇хибадиниссаг̇г̇о д̇ан̣хагкаяо вирааг̇о нирод̇хо ниб̣б̣аанам̣. уд̇д̇аманд̇и аг̇г̇ам̣ сздтам̣ висздтам̣ баамогкам̣ уд̇д̇амам̣ баваранд̇и – махзси санд̇имуд̇д̇амам̣.
Mahesisantimuttamanti. Mahesīti kiṃ mahesi bhagavā? Mahantaṃ sīlakkhandhaṃ esī gavesī pariyesīti mahesi, mahantaṃ samādhikkhandhaṃ…pe… kahaṃ narāsabhoti mahesi. Santimuttamanti santi vuccati amataṃ nibbānaṃ. Yo so sabbasaṅkhārasamatho sabbūpadhipaṭinissaggo taṇhakkhayo virāgo nirodho nibbānaṃ. Uttamanti aggaṃ seṭṭhaṃ viseṭṭhaṃ pāmokkhaṃ uttamaṃ pavaranti – mahesi santimuttamaṃ.
яам̣ вид̣̇ид̇ваа сад̇о жаранд̇и яам̣ вид̣̇ид̇ам̣ гад̇ваа…бз… ‘‘саб̣б̣з сан̇каараа анижжаа’’д̇и вид̣̇ид̇ам̣ гад̇ваа д̇улаяид̇ваа д̇ийраяид̇ваа вибхааваяид̇ваа вибхууд̇ам̣ гад̇ваа; ‘‘саб̣б̣з сан̇каараа д̣̇угкаа’’д̇и… ‘‘саб̣б̣з д̇хаммаа анад̇д̇аа’’д̇и…бз… ‘‘яам̣ гин̃жи самуд̣̇аяад̇хаммам̣ саб̣б̣ам̣ д̇ам̣ нирод̇хад̇хамма’’нд̇и вид̣̇ид̇ам̣ гад̇ваа д̇улаяид̇ваа д̇ийраяид̇ваа вибхааваяид̇ваа вибхууд̇ам̣ гад̇ваа. сад̇од̇и жад̇уухи гааран̣зхи сад̇о – гааяз гааяаанубассанаасад̇ибадтаанам̣ бхаавзнд̇о сад̇о…бз… со вужжад̇и сад̇о. жаранд̇и жаранд̇о…бз… яаабзнд̇од̇и – яам̣ вид̣̇ид̇ваа сад̇о жарам̣.
Yaṃ viditvā sato caranti yaṃ viditaṃ katvā…pe… ‘‘sabbe saṅkhārā aniccā’’ti viditaṃ katvā tulayitvā tīrayitvā vibhāvayitvā vibhūtaṃ katvā; ‘‘sabbe saṅkhārā dukkhā’’ti… ‘‘sabbe dhammā anattā’’ti…pe… ‘‘yaṃ kiñci samudayadhammaṃ sabbaṃ taṃ nirodhadhamma’’nti viditaṃ katvā tulayitvā tīrayitvā vibhāvayitvā vibhūtaṃ katvā. Satoti catūhi kāraṇehi sato – kāye kāyānupassanāsatipaṭṭhānaṃ bhāvento sato…pe… so vuccati sato. Caranti caranto…pe… yāpentoti – yaṃ viditvā sato caraṃ.
д̇арз логз висад̇д̇иганд̇и. висад̇д̇игаа вужжад̇и д̇ан̣хаа. яо рааг̇о саарааг̇о…бз… абхиж̇жхаа лобхо агусаламуулам̣. висад̇д̇игаад̇и гзнадтзна висад̇д̇игаа…бз… висадаа вид̇т̇ад̇аад̇и висад̇д̇игаа. логзд̇и абааяалогз…бз… ааяад̇аналогз. д̇арз логз висад̇д̇иганд̇и логз взсаа висад̇д̇игаа, логз взд̇ам̣ висад̇д̇игам̣ сад̇о д̇арзяяам̣ уд̇д̇арзяяам̣…бз… вийд̇ивад̇д̇зяяанд̇и – д̇арз логз висад̇д̇игам̣. д̇знааха со б̣раахман̣о –
Tare loke visattikanti. Visattikā vuccati taṇhā. Yo rāgo sārāgo…pe… abhijjhā lobho akusalamūlaṃ. Visattikāti kenaṭṭhena visattikā…pe… visaṭā vitthatāti visattikā. Loketi apāyaloke…pe… āyatanaloke. Tare loke visattikanti loke vesā visattikā, loke vetaṃ visattikaṃ sato tareyyaṃ uttareyyaṃ…pe… vītivatteyyanti – tare loke visattikaṃ. Tenāha so brāhmaṇo –
‘‘д̇ан̃жаахам̣ абхинанд̣̇аами, махзси санд̇имуд̇д̇амам̣;
‘‘Tañcāhaṃ abhinandāmi, mahesi santimuttamaṃ;
яам̣ вид̣̇ид̇ваа сад̇о жарам̣, д̇арз логз висад̇д̇ига’’нд̇и.
Yaṃ viditvā sato caraṃ, tare loke visattika’’nti.
37.
37.
яам̣ гин̃жи самбаж̇аанааси, [д̇ход̇агаад̇и бхаг̇аваа]
Yaṃ kiñci sampajānāsi, [dhotakāti bhagavā]
уд̣̇д̇хам̣ ад̇хо д̇ирияан̃жааби маж̇жхз;
Uddhaṃ adho tiriyañcāpi majjhe;
зд̇ам̣ вид̣̇ид̇ваа сан̇г̇од̇и логз, бхаваабхавааяа маагааси д̇ан̣хам̣.
Etaṃ viditvā saṅgoti loke, bhavābhavāya mākāsi taṇhaṃ.
яам̣ гин̃жи самбаж̇аанаасийд̇и яам̣ гин̃жи самбаж̇аанааси ааж̇аанааси бадивиж̇аанааси бадивиж̇жхасийд̇и – яам̣ гин̃жи самбаж̇аанааси. д̇ход̇агаад̇и бхаг̇аваад̇и. д̇ход̇агаад̇и бхаг̇аваа д̇ам̣ б̣раахман̣ам̣ наамзна аалабад̇и. бхаг̇аваад̇и г̇аараваад̇хиважанамзд̇ам̣…бз… сажчигаа бан̃н̃ад̇д̇и, яад̣̇ид̣̇ам̣ бхаг̇аваад̇и – д̇ход̇агаад̇и бхаг̇аваа.
Yaṃ kiñci sampajānāsīti yaṃ kiñci sampajānāsi ājānāsi paṭivijānāsi paṭivijjhasīti – yaṃ kiñci sampajānāsi. Dhotakāti bhagavāti. Dhotakāti bhagavā taṃ brāhmaṇaṃ nāmena ālapati. Bhagavāti gāravādhivacanametaṃ…pe… sacchikā paññatti, yadidaṃ bhagavāti – dhotakāti bhagavā.
уд̣̇д̇хам̣ ад̇хо д̇ирияан̃жааби маж̇жхзд̇и. уд̣̇д̇ханд̇и анааг̇ад̇ам̣; ад̇ход̇и ад̇ийд̇ам̣; д̇ирияан̃жааби маж̇жхзд̇и бажжуббаннам̣. уд̣̇д̇ханд̇и д̣̇звалого; ад̇ход̇и абааяалого; д̇ирияан̃жааби маж̇жхзд̇и мануссалого. ат̇а ваа, уд̣̇д̇ханд̇и гусалаа д̇хаммаа; ад̇ход̇и агусалаа д̇хаммаа; д̇ирияан̃жааби маж̇жхзд̇и аб̣яаагад̇аа д̇хаммаа. уд̣̇д̇ханд̇и аруубад̇хаад̇у; ад̇ход̇и гаамад̇хаад̇у; д̇ирияан̃жааби маж̇жхзд̇и руубад̇хаад̇у. уд̣̇д̇ханд̇и сукаа взд̣̇анаа; ад̇ход̇и д̣̇угкаа взд̣̇анаа; д̇ирияан̃жааби маж̇жхзд̇и ад̣̇угкамасукаа взд̣̇анаа. уд̣̇д̇ханд̇и уд̣̇д̇хам̣ баад̣̇ад̇алаа; ад̇ход̇и ад̇хо гзсамад̇т̇агаа; д̇ирияан̃жааби маж̇жхзд̇и взмаж̇жхзд̇и – уд̣̇д̇хам̣ ад̇хо д̇ирияан̃жааби маж̇жхз.
Uddhaṃ adho tiriyañcāpi majjheti. Uddhanti anāgataṃ; adhoti atītaṃ; tiriyañcāpi majjheti paccuppannaṃ. Uddhanti devaloko; adhoti apāyaloko; tiriyañcāpi majjheti manussaloko. Atha vā, uddhanti kusalā dhammā; adhoti akusalā dhammā; tiriyañcāpi majjheti abyākatā dhammā. Uddhanti arūpadhātu; adhoti kāmadhātu; tiriyañcāpi majjheti rūpadhātu. Uddhanti sukhā vedanā; adhoti dukkhā vedanā; tiriyañcāpi majjheti adukkhamasukhā vedanā. Uddhanti uddhaṃ pādatalā; adhoti adho kesamatthakā; tiriyañcāpi majjheti vemajjheti – uddhaṃ adho tiriyañcāpi majjhe.
зд̇ам̣ вид̣̇ид̇ваа сан̇г̇од̇и логзд̇и сан̇г̇о зсо лаг̇г̇анам̣ зд̇ам̣ б̣анд̇ханам̣ зд̇ам̣ балиб̣од̇хо зсод̇и н̃ад̇ваа ж̇аанид̇ваа д̇улаяид̇ваа д̇ийраяид̇ваа вибхааваяид̇ваа вибхууд̇ам̣ гад̇ваад̇и – зд̇ам̣ вид̣̇ид̇ваа сан̇г̇од̇и логз.
Etaṃviditvā saṅgoti loketi saṅgo eso lagganaṃ etaṃ bandhanaṃ etaṃ palibodho esoti ñatvā jānitvā tulayitvā tīrayitvā vibhāvayitvā vibhūtaṃ katvāti – etaṃ viditvā saṅgoti loke.
бхаваабхавааяа маагааси д̇ан̣ханд̇и. д̇ан̣хаад̇и руубад̇ан̣хаа сад̣̇д̣̇ад̇ан̣хаа…бз… д̇хаммад̇ан̣хаа. бхаваабхавааяаад̇и бхаваабхавааяа гаммабхавааяа бунаб̣бхавааяа гаамабхавааяа, гаммабхавааяа гаамабхавааяа бунаб̣бхавааяа руубабхавааяа, гаммабхавааяа руубабхавааяа бунаб̣бхавааяа аруубабхавааяа, гаммабхавааяа аруубабхавааяа бунаб̣бхавааяа бунаббунаб̣бхавааяа, бунаббунаг̇ад̇ияаа бунаббунаубабад̇д̇ияаа бунаббунабадисанд̇хияаа бунаббунаад̇д̇абхааваабхиниб̣б̣ад̇д̇ияаа д̇ан̣хам̣ маагааси маа ж̇анзси маа сан̃ж̇анзси маа ниб̣б̣ад̇д̇зси маабхиниб̣б̣ад̇д̇зси, баж̇аха винод̣̇зхи б̣яанд̇ийгарохи анабхаавам̣ г̇амзхийд̇и – бхаваабхавааяа маагааси д̇ан̣ханд̇и. д̇знааха бхаг̇аваа –
Bhavābhavāya mākāsi taṇhanti. Taṇhāti rūpataṇhā saddataṇhā…pe… dhammataṇhā. Bhavābhavāyāti bhavābhavāya kammabhavāya punabbhavāya kāmabhavāya, kammabhavāya kāmabhavāya punabbhavāya rūpabhavāya, kammabhavāya rūpabhavāya punabbhavāya arūpabhavāya, kammabhavāya arūpabhavāya punabbhavāya punappunabbhavāya, punappunagatiyā punappunaupapattiyā punappunapaṭisandhiyā punappunaattabhāvābhinibbattiyā taṇhaṃ mākāsi mā janesi mā sañjanesi mā nibbattesi mābhinibbattesi, pajaha vinodehi byantīkarohi anabhāvaṃ gamehīti – bhavābhavāya mākāsi taṇhanti. Tenāha bhagavā –
‘‘яам̣ гин̃жи самбаж̇аанааси, [д̇ход̇агаад̇и бхаг̇аваа]
‘‘Yaṃ kiñci sampajānāsi, [dhotakāti bhagavā]
уд̣̇д̇хам̣ ад̇хо д̇ирияан̃жааби маж̇жхз;
Uddhaṃ adho tiriyañcāpi majjhe;
зд̇ам̣ вид̣̇ид̇ваа сан̇г̇од̇и логз, бхаваабхавааяа маагааси д̇ан̣ха’’нд̇и.
Etaṃ viditvā saṅgoti loke, bhavābhavāya mākāsi taṇha’’nti.
саха г̇аат̇аабарияосаанаа…бз… сад̇т̇аа мз, бханд̇з бхаг̇аваа, саавагохамасмийд̇и.
Saha gāthāpariyosānā…pe… satthā me, bhante bhagavā, sāvakohamasmīti.
д̇ход̇агамаан̣авабужчаанид̣̇д̣̇зсо бан̃жамо.
Dhotakamāṇavapucchāniddeso pañcamo.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / куд̣̇д̣̇аганигааяа (адтагат̇аа) • Khuddakanikāya (aṭṭhakathā) / жуул̣анид̣̇д̣̇зса-адтагат̇аа • Cūḷaniddesa-aṭṭhakathā / 5. д̇ход̇агамаан̣авасуд̇д̇анид̣̇д̣̇зсаван̣н̣анаа • 5. Dhotakamāṇavasuttaniddesavaṇṇanā
