| Library / Tipiṭaka / д̇ибидага • Tipiṭaka / суд̇д̇анибаад̇а-адтагат̇аа • Suttanipāta-aṭṭhakathā |
5. д̇ход̇агасуд̇д̇аван̣н̣анаа
5. Dhotakasuttavaṇṇanā
1068-9. бужчаами д̇анд̇и д̇ход̇агасуд̇д̇ам̣. д̇ад̇т̇а ваажаабхиган̇каамийд̇и ваажам̣ абхиган̇каами. сигкз ниб̣б̣аанамад̇д̇анод̇и ад̇д̇ано рааг̇аад̣̇ийнам̣ ниб̣б̣аанад̇т̇ааяа ад̇хисийлаад̣̇ийни сигкзяяа. ид̇од̇и мама мукад̇о.
1068-9.Pucchāmitanti dhotakasuttaṃ. Tattha vācābhikaṅkhāmīti vācaṃ abhikaṅkhāmi. Sikkhe nibbānamattanoti attano rāgādīnaṃ nibbānatthāya adhisīlādīni sikkheyya. Itoti mama mukhato.
1070. звам̣ вуд̇д̇з ад̇д̇амано д̇ход̇аго бхаг̇аванд̇ам̣ абхид̇т̇авамаано гат̇ам̣гат̇аабамогкам̣ яаажанд̇о ‘‘бассаамаха’’нд̇и г̇аат̇амааха. д̇ад̇т̇а бассаамахам̣ д̣̇звамануссалогзд̇и бассаами ахам̣ д̣̇звамануссалогз. д̇ам̣ д̇ам̣ намассаамийд̇и д̇ам̣ зваруубам̣ намассаами. бамун̃жаад̇и баможзхи.
1070. Evaṃ vutte attamano dhotako bhagavantaṃ abhitthavamāno kathaṃkathāpamokkhaṃ yācanto ‘‘passāmaha’’nti gāthamāha. Tattha passāmahaṃ devamanussaloketi passāmi ahaṃ devamanussaloke. Taṃ taṃ namassāmīti taṃ evarūpaṃ namassāmi. Pamuñcāti pamocehi.
1071. ат̇асса бхаг̇аваа ад̇д̇аад̇хийнамзва гат̇ам̣гат̇аабамогкам̣ огхад̇аран̣амукзна д̣̇ассзнд̇о ‘‘нааха’’нд̇и г̇аат̇амааха. д̇ад̇т̇а наахам̣ сахиссаамийд̇и ахам̣ на сахиссаами на сагкиссаами, на вааяамиссаамийд̇и вуд̇д̇ам̣ ход̇и. баможанааяаад̇и бамаажзд̇ум̣. гат̇ам̣гат̇инд̇и саган̇кам̣. д̇арзсийд̇и д̇арзяяааси.
1071. Athassa bhagavā attādhīnameva kathaṃkathāpamokkhaṃ oghataraṇamukhena dassento ‘‘nāha’’nti gāthamāha. Tattha nāhaṃ sahissāmīti ahaṃ na sahissāmi na sakkhissāmi, na vāyamissāmīti vuttaṃ hoti. Pamocanāyāti pamācetuṃ. Kathaṃkathinti sakaṅkhaṃ. Taresīti tareyyāsi.
1072-5. звам̣ вуд̇д̇з ад̇д̇аманад̇аро д̇ход̇аго бхаг̇аванд̇ам̣ абхид̇т̇авамаано анусаасаним̣ яаажанд̇о ‘‘анусааса б̣рахмз’’д̇и г̇аат̇амааха. д̇ад̇т̇а б̣рахмаад̇и сздтаважанамзд̇ам̣. д̇зна бхаг̇аванд̇ам̣ ааманд̇аяамаано ааха – ‘‘анусааса б̣рахмз’’д̇и . вивзгад̇хамманд̇и саб̣б̣асан̇кааравивзганиб̣б̣аанад̇хаммам̣. аб̣яаабаж̇ж̇амаанод̇и наанаббагаарад̇ам̣ анаабаж̇ж̇амаано. ид̇хзва санд̇од̇и ид̇хзва самаано. асид̇од̇и аниссид̇о. ид̇о бараа д̣̇вз г̇аат̇аа мзд̇д̇аг̇усуд̇д̇з вуд̇д̇анаяаа зва. гзвалан̃хи д̇ад̇т̇а д̇хаммам̣, ид̇ха санд̇инд̇и аяам̣ висзсо. д̇ад̇ияаг̇аат̇ааяаби буб̣б̣ад̣дхам̣ д̇ад̇т̇а вуд̇анаяамзва абарад̣дхз сан̇г̇од̇и саж̇ж̇анадтаанам̣, лаг̇г̇ананд̇и вуд̇д̇ам̣ ход̇и. сзсам̣ саб̣б̣ад̇т̇а баагадамзва.
1072-5. Evaṃ vutte attamanataro dhotako bhagavantaṃ abhitthavamāno anusāsaniṃ yācanto ‘‘anusāsa brahme’’ti gāthamāha. Tattha brahmāti seṭṭhavacanametaṃ. Tena bhagavantaṃ āmantayamāno āha – ‘‘anusāsa brahme’’ti . Vivekadhammanti sabbasaṅkhāravivekanibbānadhammaṃ. Abyāpajjamānoti nānappakārataṃ anāpajjamāno. Idheva santoti idheva samāno. Asitoti anissito. Ito parā dve gāthā mettagusutte vuttanayā eva. Kevalañhi tattha dhammaṃ, idha santinti ayaṃ viseso. Tatiyagāthāyapi pubbaḍḍhaṃ tattha vutanayameva aparaḍḍhe saṅgoti sajjanaṭṭhānaṃ, laggananti vuttaṃ hoti. Sesaṃ sabbattha pākaṭameva.
звам̣ бхаг̇аваа имамби суд̇д̇ам̣ арахад̇д̇анигуудзнзва д̣̇зсзси. д̣̇зсанаабарияосаанз жа вуд̇д̇асад̣̇исо зва д̇хаммаабхисамаяо ахосийд̇и.
Evaṃ bhagavā imampi suttaṃ arahattanikūṭeneva desesi. Desanāpariyosāne ca vuttasadiso eva dhammābhisamayo ahosīti.
барамад̇т̇аж̇од̇игааяа куд̣̇д̣̇ага-адтагат̇ааяа
Paramatthajotikāya khuddaka-aṭṭhakathāya
суд̇д̇анибаад̇а-адтагат̇ааяа д̇ход̇агасуд̇д̇аван̣н̣анаа нидтид̇аа.
Suttanipāta-aṭṭhakathāya dhotakasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / суд̇д̇анибаад̇абаал̣и • Suttanipātapāḷi / 5. д̇ход̇агамаан̣авабужчаа • 5. Dhotakamāṇavapucchā
