| Library / Tipiṭaka / तिपिटक • Tipiṭaka / अपदानपाळि • Apadānapāḷi |
४. धोतकत्थेरअपदानं
4. Dhotakattheraapadānaṃ
७२.
72.
हंसवतिया द्वारेन, अनुसन्दति तावदे॥
Haṃsavatiyā dvārena, anusandati tāvade.
७३.
73.
‘‘सोभितो नाम आरामो, गङ्गाकूले सुमापितो।
‘‘Sobhito nāma ārāmo, gaṅgākūle sumāpito;
तत्थ पदुमुत्तरो बुद्धो, वसते लोकनायको॥
Tattha padumuttaro buddho, vasate lokanāyako.
७४.
74.
‘‘तिदसेहि यथा इन्दो, मनुजेहि पुरक्खतो।
‘‘Tidasehi yathā indo, manujehi purakkhato;
निसीदि तत्थ भगवा, असम्भीतोव केसरी॥
Nisīdi tattha bhagavā, asambhītova kesarī.
७५.
75.
छळङ्गो नाम नामेन, एवंनामो महामुनि॥
Chaḷaṅgo nāma nāmena, evaṃnāmo mahāmuni.
७६.
76.
‘‘अट्ठारस सिस्ससता, परिवारेन्ति मं तदा।
‘‘Aṭṭhārasa sissasatā, parivārenti maṃ tadā;
तेहि सिस्सेहि समितो, गङ्गातीरं उपागमिं॥
Tehi sissehi samito, gaṅgātīraṃ upāgamiṃ.
७७.
77.
‘‘तत्थद्दसासिं समणे, निक्कुहे धोतपापके।
‘‘Tatthaddasāsiṃ samaṇe, nikkuhe dhotapāpake;
७८.
78.
विहेसयन्ति अत्तानं, तेसं अत्ता विहञ्ञति॥
Vihesayanti attānaṃ, tesaṃ attā vihaññati.
७९.
79.
‘‘सदेवकस्स लोकस्स, बुद्धो अग्गो पवुच्चति।
‘‘Sadevakassa lokassa, buddho aggo pavuccati;
नत्थि मे दक्खिणे कारं, गतिमग्गविसोधनं॥
Natthi me dakkhiṇe kāraṃ, gatimaggavisodhanaṃ.
८०.
80.
‘‘यंनून बुद्धसेट्ठस्स, सेतुं गङ्गाय कारये।
‘‘Yaṃnūna buddhaseṭṭhassa, setuṃ gaṅgāya kāraye;
८१.
81.
‘‘सतसहस्सं दत्वान, सेतुं कारापयिं अहं।
‘‘Satasahassaṃ datvāna, setuṃ kārāpayiṃ ahaṃ;
सद्दहन्तो कतं कारं, विपुलं मे भविस्सति॥
Saddahanto kataṃ kāraṃ, vipulaṃ me bhavissati.
८२.
82.
‘‘कारापेत्वान तं सेतुं, उपेसिं लोकनायकं।
‘‘Kārāpetvāna taṃ setuṃ, upesiṃ lokanāyakaṃ;
सिरसि अञ्जलिं कत्वा, इमं वचनमब्रविं॥
Sirasi añjaliṃ katvā, imaṃ vacanamabraviṃ.
८३.
83.
तवत्थाय महासेतु, पटिग्गण्ह महामुने॥
Tavatthāya mahāsetu, paṭiggaṇha mahāmune.
८४.
84.
‘‘‘पदुमुत्तरो लोकविदू, आहुतीनं पटिग्गहो।
‘‘‘Padumuttaro lokavidū, āhutīnaṃ paṭiggaho;
भिक्खुसङ्घे निसीदित्वा, इमा गाथा अभासथ॥
Bhikkhusaṅghe nisīditvā, imā gāthā abhāsatha.
८५.
85.
‘‘‘यो मे सेतुं अकारेसि, पसन्नो सेहि पाणिभि।
‘‘‘Yo me setuṃ akāresi, pasanno sehi pāṇibhi;
तमहं कित्तयिस्सामि, सुणाथ मम भासतो॥
Tamahaṃ kittayissāmi, suṇātha mama bhāsato.
(सेतुदानआनिसंसो)
(Setudānaānisaṃso)
८६.
86.
‘‘‘दरितो पब्बततो वा, रुक्खतो पतितोपियं।
‘‘‘Darito pabbatato vā, rukkhato patitopiyaṃ;
चुतोपि लच्छती ठानं, सेतुदानस्सिदं फलं॥
Cutopi lacchatī ṭhānaṃ, setudānassidaṃ phalaṃ.
८७.
87.
‘‘‘विरूळ्हमूलसन्तानं, निग्रोधमिव मालुतो।
‘‘‘Virūḷhamūlasantānaṃ, nigrodhamiva māluto;
अमित्ता नप्पसहन्ति, सेतुदानस्सिदं फलं॥
Amittā nappasahanti, setudānassidaṃ phalaṃ.
८८.
88.
‘‘‘नास्स चोरा पसहन्ति, नातिमञ्ञन्ति खत्तिया।
‘‘‘Nāssa corā pasahanti, nātimaññanti khattiyā;
सब्बे तरिस्सतामित्ते, सेतुदानस्सिदं फलं॥
Sabbe tarissatāmitte, setudānassidaṃ phalaṃ.
८९.
89.
‘‘‘अब्भोकासगतं सन्तं, कठिनातपतापितं।
‘‘‘Abbhokāsagataṃ santaṃ, kaṭhinātapatāpitaṃ;
९०.
90.
‘‘‘देवलोके मनुस्से वा, हत्थियानं सुनिम्मितं।
‘‘‘Devaloke manusse vā, hatthiyānaṃ sunimmitaṃ;
तस्स सङ्कप्पमञ्ञाय, निब्बत्तिस्सति तावदे॥
Tassa saṅkappamaññāya, nibbattissati tāvade.
९१.
91.
‘‘‘सहस्सस्सा वातजवा, सिन्धवा सीघवाहना।
‘‘‘Sahassassā vātajavā, sindhavā sīghavāhanā;
सायं पातं उपेस्सन्ति, सेतुदानस्सिदं फलं॥
Sāyaṃ pātaṃ upessanti, setudānassidaṃ phalaṃ.
९२.
92.
‘‘‘आगन्त्वान मनुस्सत्तं, सुखितोयं भविस्सति।
‘‘‘Āgantvāna manussattaṃ, sukhitoyaṃ bhavissati;
९३.
93.
‘‘‘कप्पसतसहस्सम्हि, ओक्काककुलसम्भवो।
‘‘‘Kappasatasahassamhi, okkākakulasambhavo;
गोतमो नाम गोत्तेन, सत्था लोके भविस्सति॥
Gotamo nāma gottena, satthā loke bhavissati.
९४.
94.
‘‘‘तस्स धम्मेसु दायादो, ओरसो धम्मनिम्मितो।
‘‘‘Tassa dhammesu dāyādo, oraso dhammanimmito;
सब्बासवे परिञ्ञाय, निब्बायिस्सतिनासवो’॥
Sabbāsave pariññāya, nibbāyissatināsavo’.
९५.
95.
‘‘अहो मे सुकतं कम्मं, जलजुत्तमनामके।
‘‘Aho me sukataṃ kammaṃ, jalajuttamanāmake;
तत्थ कारं करित्वान, पत्तोहं आसवक्खयं॥
Tattha kāraṃ karitvāna, pattohaṃ āsavakkhayaṃ.
९६.
96.
‘‘पधानं पहितत्तोम्हि, उपसन्तो निरूपधि।
‘‘Padhānaṃ pahitattomhi, upasanto nirūpadhi;
नागोव बन्धनं छेत्वा, विहरामि अनासवो॥
Nāgova bandhanaṃ chetvā, viharāmi anāsavo.
९७.
97.
‘‘किलेसा झापिता मय्हं…पे॰… विहरामि अनासवो॥
‘‘Kilesā jhāpitā mayhaṃ…pe… viharāmi anāsavo.
९८.
98.
‘‘स्वागतं वत मे आसि…पे॰… कतं बुद्धस्स सासनं॥
‘‘Svāgataṃ vata me āsi…pe… kataṃ buddhassa sāsanaṃ.
९९.
99.
‘‘पटिसम्भिदा चतस्सो…पे॰… कतं बुद्धस्स सासनं’’॥
‘‘Paṭisambhidā catasso…pe… kataṃ buddhassa sāsanaṃ’’.
इत्थं सुदं आयस्मा धोतको थेरो इमा गाथायो अभासित्थाति।
Itthaṃ sudaṃ āyasmā dhotako thero imā gāthāyo abhāsitthāti.
धोतकत्थेरस्सापदानं चतुत्थं।
Dhotakattherassāpadānaṃ catutthaṃ.
Footnotes:
Related texts:
अट्ठकथा • Aṭṭhakathā / सुत्तपिटक (अट्ठकथा) • Suttapiṭaka (aṭṭhakathā) / खुद्दकनिकाय (अट्ठकथा) • Khuddakanikāya (aṭṭhakathā) / अपदान-अट्ठकथा • Apadāna-aṭṭhakathā / २. पुण्णकत्थेरअपदानवण्णना • 2. Puṇṇakattheraapadānavaṇṇanā
