| Library / Tipiṭaka / ತಿಪಿಟಕ • Tipiṭaka / ಅಪದಾನಪಾಳಿ • Apadānapāḷi |
೪. ಧೋತಕತ್ಥೇರಅಪದಾನಂ
4. Dhotakattheraapadānaṃ
೭೨.
72.
ಹಂಸವತಿಯಾ ದ್ವಾರೇನ, ಅನುಸನ್ದತಿ ತಾವದೇ॥
Haṃsavatiyā dvārena, anusandati tāvade.
೭೩.
73.
‘‘ಸೋಭಿತೋ ನಾಮ ಆರಾಮೋ, ಗಙ್ಗಾಕೂಲೇ ಸುಮಾಪಿತೋ।
‘‘Sobhito nāma ārāmo, gaṅgākūle sumāpito;
ತತ್ಥ ಪದುಮುತ್ತರೋ ಬುದ್ಧೋ, ವಸತೇ ಲೋಕನಾಯಕೋ॥
Tattha padumuttaro buddho, vasate lokanāyako.
೭೪.
74.
‘‘ತಿದಸೇಹಿ ಯಥಾ ಇನ್ದೋ, ಮನುಜೇಹಿ ಪುರಕ್ಖತೋ।
‘‘Tidasehi yathā indo, manujehi purakkhato;
ನಿಸೀದಿ ತತ್ಥ ಭಗವಾ, ಅಸಮ್ಭೀತೋವ ಕೇಸರೀ॥
Nisīdi tattha bhagavā, asambhītova kesarī.
೭೫.
75.
ಛಳಙ್ಗೋ ನಾಮ ನಾಮೇನ, ಏವಂನಾಮೋ ಮಹಾಮುನಿ॥
Chaḷaṅgo nāma nāmena, evaṃnāmo mahāmuni.
೭೬.
76.
‘‘ಅಟ್ಠಾರಸ ಸಿಸ್ಸಸತಾ, ಪರಿವಾರೇನ್ತಿ ಮಂ ತದಾ।
‘‘Aṭṭhārasa sissasatā, parivārenti maṃ tadā;
ತೇಹಿ ಸಿಸ್ಸೇಹಿ ಸಮಿತೋ, ಗಙ್ಗಾತೀರಂ ಉಪಾಗಮಿಂ॥
Tehi sissehi samito, gaṅgātīraṃ upāgamiṃ.
೭೭.
77.
‘‘ತತ್ಥದ್ದಸಾಸಿಂ ಸಮಣೇ, ನಿಕ್ಕುಹೇ ಧೋತಪಾಪಕೇ।
‘‘Tatthaddasāsiṃ samaṇe, nikkuhe dhotapāpake;
೭೮.
78.
ವಿಹೇಸಯನ್ತಿ ಅತ್ತಾನಂ, ತೇಸಂ ಅತ್ತಾ ವಿಹಞ್ಞತಿ॥
Vihesayanti attānaṃ, tesaṃ attā vihaññati.
೭೯.
79.
‘‘ಸದೇವಕಸ್ಸ ಲೋಕಸ್ಸ, ಬುದ್ಧೋ ಅಗ್ಗೋ ಪವುಚ್ಚತಿ।
‘‘Sadevakassa lokassa, buddho aggo pavuccati;
ನತ್ಥಿ ಮೇ ದಕ್ಖಿಣೇ ಕಾರಂ, ಗತಿಮಗ್ಗವಿಸೋಧನಂ॥
Natthi me dakkhiṇe kāraṃ, gatimaggavisodhanaṃ.
೮೦.
80.
‘‘ಯಂನೂನ ಬುದ್ಧಸೇಟ್ಠಸ್ಸ, ಸೇತುಂ ಗಙ್ಗಾಯ ಕಾರಯೇ।
‘‘Yaṃnūna buddhaseṭṭhassa, setuṃ gaṅgāya kāraye;
೮೧.
81.
‘‘ಸತಸಹಸ್ಸಂ ದತ್ವಾನ, ಸೇತುಂ ಕಾರಾಪಯಿಂ ಅಹಂ।
‘‘Satasahassaṃ datvāna, setuṃ kārāpayiṃ ahaṃ;
ಸದ್ದಹನ್ತೋ ಕತಂ ಕಾರಂ, ವಿಪುಲಂ ಮೇ ಭವಿಸ್ಸತಿ॥
Saddahanto kataṃ kāraṃ, vipulaṃ me bhavissati.
೮೨.
82.
‘‘ಕಾರಾಪೇತ್ವಾನ ತಂ ಸೇತುಂ, ಉಪೇಸಿಂ ಲೋಕನಾಯಕಂ।
‘‘Kārāpetvāna taṃ setuṃ, upesiṃ lokanāyakaṃ;
ಸಿರಸಿ ಅಞ್ಜಲಿಂ ಕತ್ವಾ, ಇಮಂ ವಚನಮಬ್ರವಿಂ॥
Sirasi añjaliṃ katvā, imaṃ vacanamabraviṃ.
೮೩.
83.
ತವತ್ಥಾಯ ಮಹಾಸೇತು, ಪಟಿಗ್ಗಣ್ಹ ಮಹಾಮುನೇ॥
Tavatthāya mahāsetu, paṭiggaṇha mahāmune.
೮೪.
84.
‘‘‘ಪದುಮುತ್ತರೋ ಲೋಕವಿದೂ, ಆಹುತೀನಂ ಪಟಿಗ್ಗಹೋ।
‘‘‘Padumuttaro lokavidū, āhutīnaṃ paṭiggaho;
ಭಿಕ್ಖುಸಙ್ಘೇ ನಿಸೀದಿತ್ವಾ, ಇಮಾ ಗಾಥಾ ಅಭಾಸಥ॥
Bhikkhusaṅghe nisīditvā, imā gāthā abhāsatha.
೮೫.
85.
‘‘‘ಯೋ ಮೇ ಸೇತುಂ ಅಕಾರೇಸಿ, ಪಸನ್ನೋ ಸೇಹಿ ಪಾಣಿಭಿ।
‘‘‘Yo me setuṃ akāresi, pasanno sehi pāṇibhi;
ತಮಹಂ ಕಿತ್ತಯಿಸ್ಸಾಮಿ, ಸುಣಾಥ ಮಮ ಭಾಸತೋ॥
Tamahaṃ kittayissāmi, suṇātha mama bhāsato.
(ಸೇತುದಾನಆನಿಸಂಸೋ)
(Setudānaānisaṃso)
೮೬.
86.
‘‘‘ದರಿತೋ ಪಬ್ಬತತೋ ವಾ, ರುಕ್ಖತೋ ಪತಿತೋಪಿಯಂ।
‘‘‘Darito pabbatato vā, rukkhato patitopiyaṃ;
ಚುತೋಪಿ ಲಚ್ಛತೀ ಠಾನಂ, ಸೇತುದಾನಸ್ಸಿದಂ ಫಲಂ॥
Cutopi lacchatī ṭhānaṃ, setudānassidaṃ phalaṃ.
೮೭.
87.
‘‘‘ವಿರೂಳ್ಹಮೂಲಸನ್ತಾನಂ, ನಿಗ್ರೋಧಮಿವ ಮಾಲುತೋ।
‘‘‘Virūḷhamūlasantānaṃ, nigrodhamiva māluto;
ಅಮಿತ್ತಾ ನಪ್ಪಸಹನ್ತಿ, ಸೇತುದಾನಸ್ಸಿದಂ ಫಲಂ॥
Amittā nappasahanti, setudānassidaṃ phalaṃ.
೮೮.
88.
‘‘‘ನಾಸ್ಸ ಚೋರಾ ಪಸಹನ್ತಿ, ನಾತಿಮಞ್ಞನ್ತಿ ಖತ್ತಿಯಾ।
‘‘‘Nāssa corā pasahanti, nātimaññanti khattiyā;
ಸಬ್ಬೇ ತರಿಸ್ಸತಾಮಿತ್ತೇ, ಸೇತುದಾನಸ್ಸಿದಂ ಫಲಂ॥
Sabbe tarissatāmitte, setudānassidaṃ phalaṃ.
೮೯.
89.
‘‘‘ಅಬ್ಭೋಕಾಸಗತಂ ಸನ್ತಂ, ಕಠಿನಾತಪತಾಪಿತಂ।
‘‘‘Abbhokāsagataṃ santaṃ, kaṭhinātapatāpitaṃ;
೯೦.
90.
‘‘‘ದೇವಲೋಕೇ ಮನುಸ್ಸೇ ವಾ, ಹತ್ಥಿಯಾನಂ ಸುನಿಮ್ಮಿತಂ।
‘‘‘Devaloke manusse vā, hatthiyānaṃ sunimmitaṃ;
ತಸ್ಸ ಸಙ್ಕಪ್ಪಮಞ್ಞಾಯ, ನಿಬ್ಬತ್ತಿಸ್ಸತಿ ತಾವದೇ॥
Tassa saṅkappamaññāya, nibbattissati tāvade.
೯೧.
91.
‘‘‘ಸಹಸ್ಸಸ್ಸಾ ವಾತಜವಾ, ಸಿನ್ಧವಾ ಸೀಘವಾಹನಾ।
‘‘‘Sahassassā vātajavā, sindhavā sīghavāhanā;
ಸಾಯಂ ಪಾತಂ ಉಪೇಸ್ಸನ್ತಿ, ಸೇತುದಾನಸ್ಸಿದಂ ಫಲಂ॥
Sāyaṃ pātaṃ upessanti, setudānassidaṃ phalaṃ.
೯೨.
92.
‘‘‘ಆಗನ್ತ್ವಾನ ಮನುಸ್ಸತ್ತಂ, ಸುಖಿತೋಯಂ ಭವಿಸ್ಸತಿ।
‘‘‘Āgantvāna manussattaṃ, sukhitoyaṃ bhavissati;
೯೩.
93.
‘‘‘ಕಪ್ಪಸತಸಹಸ್ಸಮ್ಹಿ, ಓಕ್ಕಾಕಕುಲಸಮ್ಭವೋ।
‘‘‘Kappasatasahassamhi, okkākakulasambhavo;
ಗೋತಮೋ ನಾಮ ಗೋತ್ತೇನ, ಸತ್ಥಾ ಲೋಕೇ ಭವಿಸ್ಸತಿ॥
Gotamo nāma gottena, satthā loke bhavissati.
೯೪.
94.
‘‘‘ತಸ್ಸ ಧಮ್ಮೇಸು ದಾಯಾದೋ, ಓರಸೋ ಧಮ್ಮನಿಮ್ಮಿತೋ।
‘‘‘Tassa dhammesu dāyādo, oraso dhammanimmito;
ಸಬ್ಬಾಸವೇ ಪರಿಞ್ಞಾಯ, ನಿಬ್ಬಾಯಿಸ್ಸತಿನಾಸವೋ’॥
Sabbāsave pariññāya, nibbāyissatināsavo’.
೯೫.
95.
‘‘ಅಹೋ ಮೇ ಸುಕತಂ ಕಮ್ಮಂ, ಜಲಜುತ್ತಮನಾಮಕೇ।
‘‘Aho me sukataṃ kammaṃ, jalajuttamanāmake;
ತತ್ಥ ಕಾರಂ ಕರಿತ್ವಾನ, ಪತ್ತೋಹಂ ಆಸವಕ್ಖಯಂ॥
Tattha kāraṃ karitvāna, pattohaṃ āsavakkhayaṃ.
೯೬.
96.
‘‘ಪಧಾನಂ ಪಹಿತತ್ತೋಮ್ಹಿ, ಉಪಸನ್ತೋ ನಿರೂಪಧಿ।
‘‘Padhānaṃ pahitattomhi, upasanto nirūpadhi;
ನಾಗೋವ ಬನ್ಧನಂ ಛೇತ್ವಾ, ವಿಹರಾಮಿ ಅನಾಸವೋ॥
Nāgova bandhanaṃ chetvā, viharāmi anāsavo.
೯೭.
97.
‘‘ಕಿಲೇಸಾ ಝಾಪಿತಾ ಮಯ್ಹಂ…ಪೇ॰… ವಿಹರಾಮಿ ಅನಾಸವೋ॥
‘‘Kilesā jhāpitā mayhaṃ…pe… viharāmi anāsavo.
೯೮.
98.
‘‘ಸ್ವಾಗತಂ ವತ ಮೇ ಆಸಿ…ಪೇ॰… ಕತಂ ಬುದ್ಧಸ್ಸ ಸಾಸನಂ॥
‘‘Svāgataṃ vata me āsi…pe… kataṃ buddhassa sāsanaṃ.
೯೯.
99.
‘‘ಪಟಿಸಮ್ಭಿದಾ ಚತಸ್ಸೋ…ಪೇ॰… ಕತಂ ಬುದ್ಧಸ್ಸ ಸಾಸನಂ’’॥
‘‘Paṭisambhidā catasso…pe… kataṃ buddhassa sāsanaṃ’’.
ಇತ್ಥಂ ಸುದಂ ಆಯಸ್ಮಾ ಧೋತಕೋ ಥೇರೋ ಇಮಾ ಗಾಥಾಯೋ ಅಭಾಸಿತ್ಥಾತಿ।
Itthaṃ sudaṃ āyasmā dhotako thero imā gāthāyo abhāsitthāti.
ಧೋತಕತ್ಥೇರಸ್ಸಾಪದಾನಂ ಚತುತ್ಥಂ।
Dhotakattherassāpadānaṃ catutthaṃ.
Footnotes:
Related texts:
ಅಟ್ಠಕಥಾ • Aṭṭhakathā / ಸುತ್ತಪಿಟಕ (ಅಟ್ಠಕಥಾ) • Suttapiṭaka (aṭṭhakathā) / ಖುದ್ದಕನಿಕಾಯ (ಅಟ್ಠಕಥಾ) • Khuddakanikāya (aṭṭhakathā) / ಅಪದಾನ-ಅಟ್ಠಕಥಾ • Apadāna-aṭṭhakathā / ೨. ಪುಣ್ಣಕತ್ಥೇರಅಪದಾನವಣ್ಣನಾ • 2. Puṇṇakattheraapadānavaṇṇanā
