Library / Tipiṭaka / д̇ибидага • Tipiṭaka / бзд̇авад̇т̇у-адтагат̇аа • Petavatthu-aṭṭhakathā

13. дхуб̣б̣арибзд̇авад̇т̇уван̣н̣анаа

13. Ḍhubbaripetavatthuvaṇṇanā

аху рааж̇аа б̣рахмад̣̇ад̇д̇од̇и ид̣̇ам̣ уб̣б̣арибзд̇авад̇т̇ум̣ сад̇т̇аа ж̇зд̇аванз вихаранд̇о ан̃н̃ад̇арам̣ убаасигам̣ аараб̣бха гат̇зси . саавад̇т̇ияам̣ гира ан̃н̃ад̇арааяа убаасигааяа саамиго гааламагааси. саа бад̇ивияог̇ад̣̇угкаад̇ураа сожанд̇ий аал̣ааханам̣ г̇анд̇ваа род̣̇ад̇и. бхаг̇аваа д̇ассаа сод̇аабад̇д̇ипаласса убаниссаяасамбад̇д̇им̣ д̣̇исваа гарун̣ааяа сан̃жод̣̇ид̇амаанасо худ̇ваа д̇ассаа г̇зхам̣ г̇анд̇ваа бан̃н̃ад̇д̇з аасанз нисийд̣̇и. убаасигаа сад̇т̇аарам̣ убасан̇гамид̇ваа ванд̣̇ид̇ваа згаманд̇ам̣ нисийд̣̇и. ат̇а нам̣ сад̇т̇аа ‘‘гим̣, убаасигз, сожасий’’д̇и вад̇ваа ‘‘аама, бхаг̇аваа, бияавиббаяог̇зна сожаамий’’д̇и вуд̇д̇з д̇ассаа согам̣ абанзд̇угаамо ад̇ийд̇ам̣ аахари.

Ahu rājā brahmadattoti idaṃ ubbaripetavatthuṃ satthā jetavane viharanto aññataraṃ upāsikaṃ ārabbha kathesi . Sāvatthiyaṃ kira aññatarāya upāsikāya sāmiko kālamakāsi. Sā pativiyogadukkhāturā socantī āḷāhanaṃ gantvā rodati. Bhagavā tassā sotāpattiphalassa upanissayasampattiṃ disvā karuṇāya sañcoditamānaso hutvā tassā gehaṃ gantvā paññatte āsane nisīdi. Upāsikā satthāraṃ upasaṅkamitvā vanditvā ekamantaṃ nisīdi. Atha naṃ satthā ‘‘kiṃ, upāsike, socasī’’ti vatvā ‘‘āma, bhagavā, piyavippayogena socāmī’’ti vutte tassā sokaṃ apanetukāmo atītaṃ āhari.

ад̇ийд̇з бан̃жааларадтз габиланаг̇арз жуул̣анийб̣рахмад̣̇ад̇д̇о наама рааж̇аа ахоси. со аг̇ад̇иг̇аманам̣ бахааяа ад̇д̇ано виж̇ид̇з баж̇ааяа хид̇агаран̣анирад̇о д̣̇аса рааж̇ад̇хаммз агобзд̇ваа раж̇ж̇ам̣ анусаасамаано гад̣̇аажи ‘‘ад̇д̇ано раж̇ж̇з гим̣ вад̣̇анд̇ий’’д̇и сод̇угаамо д̇уннавааяавзсам̣ г̇ахзд̇ваа зго ад̣̇уд̇ияо наг̇арад̇о нигкамид̇ваа г̇аамад̇о г̇аамам̣ ж̇анабад̣̇ад̇о ж̇анабад̣̇ам̣ вижарид̇ваа саб̣б̣араж̇ж̇ам̣ аган̣дагам̣ анубабийл̣ам̣ мануссз саммод̣̇амаанз абааруд̇агхарз ман̃н̃з вихаранд̇з д̣̇исваа соманассаж̇аад̇о нивад̇д̇ид̇ваа наг̇араабхимуко ааг̇ажчанд̇о ан̃н̃ад̇арасмим̣ г̇аамз згиссаа вид̇хавааяа д̣̇уг̇г̇ад̇ид̇т̇ияаа г̇зхам̣ баависи. саа д̇ам̣ д̣̇исваа ааха – ‘‘го ну д̇вам̣, аяяо, гуд̇о ваа ааг̇ад̇осий’’д̇и? ‘‘ахам̣ д̇уннавааяо, бхад̣̇д̣̇з, бхад̇ияаа д̇уннавааяагаммам̣ гаронд̇о вижараами. яад̣̇и д̇умхаагам̣ д̇уннавааяагаммам̣ ад̇т̇и, бхад̇д̇ан̃жа взд̇анан̃жа д̣̇зт̇а, д̇умхаагамби гаммам̣ гаромий’’д̇и. ‘‘над̇т̇амхаагам̣ гаммам̣ бхад̇д̇авзд̇анам̣ ваа, ан̃н̃зсам̣ гарохи, аяяаа’’д̇и. со д̇ад̇т̇а гад̇ибаахам̣ васанд̇о д̇хан̃н̃абун̃н̃алагкан̣асамбаннам̣ д̇ассаа д̇хийд̇арам̣ д̣̇исваа маад̇арам̣ ааха – ‘‘аяам̣ д̣̇ааригаа гим̣ гзнажи гад̇абариг̇г̇ахаа, уд̣̇ааху агад̇абариг̇г̇ахаа. сажз бана гзнажи агад̇абариг̇г̇ахаа, имам̣ маяхам̣ д̣̇зт̇а, ахам̣ д̇умхаагам̣ сукзна ж̇ийвануубааяам̣ гаад̇ум̣ самад̇т̇о’’д̇и. ‘‘саад̇ху, аяяаа’’д̇и саа д̇асса д̇ам̣ ад̣̇ааси.

Atīte pañcālaraṭṭhe kapilanagare cūḷanībrahmadatto nāma rājā ahosi. So agatigamanaṃ pahāya attano vijite pajāya hitakaraṇanirato dasa rājadhamme akopetvā rajjaṃ anusāsamāno kadāci ‘‘attano rajje kiṃ vadantī’’ti sotukāmo tunnavāyavesaṃ gahetvā eko adutiyo nagarato nikkhamitvā gāmato gāmaṃ janapadato janapadaṃ vicaritvā sabbarajjaṃ akaṇṭakaṃ anupapīḷaṃ manusse sammodamāne apārutaghare maññe viharante disvā somanassajāto nivattitvā nagarābhimukho āgacchanto aññatarasmiṃ gāme ekissā vidhavāya duggatitthiyā gehaṃ pāvisi. Sā taṃ disvā āha – ‘‘ko nu tvaṃ, ayyo, kuto vā āgatosī’’ti? ‘‘Ahaṃ tunnavāyo, bhadde, bhatiyā tunnavāyakammaṃ karonto vicarāmi. Yadi tumhākaṃ tunnavāyakammaṃ atthi, bhattañca vetanañca detha, tumhākampi kammaṃ karomī’’ti. ‘‘Natthamhākaṃ kammaṃ bhattavetanaṃ vā, aññesaṃ karohi, ayyā’’ti. So tattha katipāhaṃ vasanto dhaññapuññalakkhaṇasampannaṃ tassā dhītaraṃ disvā mātaraṃ āha – ‘‘ayaṃ dārikā kiṃ kenaci katapariggahā, udāhu akatapariggahā. Sace pana kenaci akatapariggahā, imaṃ mayhaṃ detha, ahaṃ tumhākaṃ sukhena jīvanūpāyaṃ kātuṃ samattho’’ti. ‘‘Sādhu, ayyā’’ti sā tassa taṃ adāsi.

со д̇ааяа сад̣̇д̇хим̣ гад̇ибаахам̣ васид̇ваа д̇ассаа гахаабан̣асахассам̣ д̣̇ад̇ваа ‘‘ахам̣ гад̇ибаахзнзва нивад̇д̇иссаами. бхад̣̇д̣̇з , д̇вам̣ маа угган̣тасий’’д̇и вад̇ваа ад̇д̇ано наг̇арам̣ г̇анд̇ваа, наг̇арасса жа д̇асса г̇аамасса жа анд̇арз маг̇г̇ам̣ самам̣ гаараабзд̇ваа алан̇гаараабзд̇ваа махад̇аа рааж̇аанубхаавзна д̇ад̇т̇а г̇анд̇ваа д̇ам̣ д̣̇ааригам̣ гахаабан̣араасимхи табзд̇ваа суван̣н̣араж̇ад̇агаласзхи нхаабзд̇ваа ‘‘уб̣б̣арий’’д̇и наамам̣ гаараабзд̇ваа аг̇г̇амахзсидтаанз табзд̇ваа д̇ан̃жа г̇аамам̣ д̇ассаа н̃аад̇ийнам̣ д̣̇ад̇ваа махад̇аа рааж̇аанубхаавзна д̇ам̣ наг̇арам̣ аанзд̇ваа д̇ааяа сад̣̇д̇хим̣ абхирамамаано яааваж̇ийвам̣ раж̇ж̇асукам̣ анубхавид̇ваа ааяубарияосаанз гааламагааси. гаалагад̇з жа д̇асмим̣, гад̇з жа сарийрагижжз уб̣б̣арий бад̇ивияог̇зна согасалласамаббид̇ахад̣̇аяаа аал̣ааханам̣ г̇анд̇ваа б̣ахуу д̣̇ивасз г̇анд̇хабубпаад̣̇ийхи бууж̇зд̇ваа ран̃н̃о г̇ун̣з гид̇д̇зд̇ваа уммаад̣̇аббад̇д̇аа вияа ганд̣̇анд̇ий барид̣̇званд̇ий аал̣ааханам̣ бад̣̇агкин̣ам̣ гарод̇и.

So tāya saddhiṃ katipāhaṃ vasitvā tassā kahāpaṇasahassaṃ datvā ‘‘ahaṃ katipāheneva nivattissāmi. Bhadde , tvaṃ mā ukkaṇṭhasī’’ti vatvā attano nagaraṃ gantvā, nagarassa ca tassa gāmassa ca antare maggaṃ samaṃ kārāpetvā alaṅkārāpetvā mahatā rājānubhāvena tattha gantvā taṃ dārikaṃ kahāpaṇarāsimhi ṭhapetvā suvaṇṇarajatakalasehi nhāpetvā ‘‘ubbarī’’ti nāmaṃ kārāpetvā aggamahesiṭṭhāne ṭhapetvā tañca gāmaṃ tassā ñātīnaṃ datvā mahatā rājānubhāvena taṃ nagaraṃ ānetvā tāya saddhiṃ abhiramamāno yāvajīvaṃ rajjasukhaṃ anubhavitvā āyupariyosāne kālamakāsi. Kālakate ca tasmiṃ, kate ca sarīrakicce ubbarī pativiyogena sokasallasamappitahadayā āḷāhanaṃ gantvā bahū divase gandhapupphādīhi pūjetvā rañño guṇe kittetvā ummādappattā viya kandantī paridevantī āḷāhanaṃ padakkhiṇaṃ karoti.

д̇зна жа самаязна амхаагам̣ бхаг̇аваа б̣од̇хисад̇д̇абхууд̇о исибаб̣б̣аж̇ж̇ам̣ баб̣б̣аж̇ид̇ваа ад̇хиг̇ад̇аж̇жхаанаабхин̃н̃о химаванд̇асса сааманд̇аа ан̃н̃ад̇арасмим̣ аран̃н̃ааяад̇анз вихаранд̇о согасалласамаббид̇ам̣ уб̣б̣арим̣ д̣̇иб̣б̣зна жагкунаа д̣̇исваа аагаасзна ааг̇анд̇ваа д̣̇иссамаанаруубо аагаасз тад̇ваа д̇ад̇т̇а тид̇з мануссз бужчи – ‘‘гассид̣̇ам̣ аал̣ааханам̣, гассад̇т̇ааяа жааяам̣ ид̇т̇ий ‘б̣рахмад̣̇ад̇д̇а, б̣рахмад̣̇ад̇д̇аа’д̇и ганд̣̇анд̇ий барид̣̇звад̇ий’’д̇и. д̇ам̣ суд̇ваа мануссаа ‘‘б̣рахмад̣̇ад̇д̇о наама бан̃жаалаанам̣ рааж̇аа, со ааяубарияосаанз гааламагааси, д̇ассид̣̇ам̣ аал̣ааханам̣, д̇асса аяам̣ аг̇г̇амахзсий уб̣б̣арий наама ‘б̣рахмад̣̇ад̇д̇а, б̣рахмад̣̇ад̇д̇аа’д̇и д̇асса наамам̣ г̇ахзд̇ваа ганд̣̇анд̇ий барид̣̇звад̇ий’’д̇и аахам̣су. д̇амад̇т̇ам̣ д̣̇ийбзнд̇аа сан̇г̇ийд̇игаараа –

Tena ca samayena amhākaṃ bhagavā bodhisattabhūto isipabbajjaṃ pabbajitvā adhigatajjhānābhiñño himavantassa sāmantā aññatarasmiṃ araññāyatane viharanto sokasallasamappitaṃ ubbariṃ dibbena cakkhunā disvā ākāsena āgantvā dissamānarūpo ākāse ṭhatvā tattha ṭhite manusse pucchi – ‘‘kassidaṃ āḷāhanaṃ, kassatthāya cāyaṃ itthī ‘brahmadatta, brahmadattā’ti kandantī paridevatī’’ti. Taṃ sutvā manussā ‘‘brahmadatto nāma pañcālānaṃ rājā, so āyupariyosāne kālamakāsi, tassidaṃ āḷāhanaṃ, tassa ayaṃ aggamahesī ubbarī nāma ‘brahmadatta, brahmadattā’ti tassa nāmaṃ gahetvā kandantī paridevatī’’ti āhaṃsu. Tamatthaṃ dīpentā saṅgītikārā –

368.

‘‘аху рааж̇аа б̣рахмад̣̇ад̇д̇о, бан̃жаалаанам̣ рат̇зсабхо;

‘‘Ahu rājā brahmadatto, pañcālānaṃ rathesabho;

ахорад̇д̇аанамажжаяаа, рааж̇аа гааламагруб̣б̣ат̇а.

Ahorattānamaccayā, rājā kālamakrubbatha.

369.

‘‘д̇асса аал̣ааханам̣ г̇анд̇ваа, бхарияаа ганд̣̇ад̇и уб̣б̣ари;

‘‘Tassa āḷāhanaṃ gantvā, bhariyā kandati ubbari;

б̣рахмад̣̇ад̇д̇ам̣ абассанд̇ий, б̣рахмад̣̇ад̇д̇аад̇и ганд̣̇ад̇и.

Brahmadattaṃ apassantī, brahmadattāti kandati.

370.

‘‘иси жа д̇ад̇т̇а ааг̇ажчи, самбаннажаран̣о муни;

‘‘Isi ca tattha āgacchi, sampannacaraṇo muni;

со жа д̇ад̇т̇а абужчид̇т̇а, яз д̇ад̇т̇а су самааг̇ад̇аа.

So ca tattha apucchittha, ye tattha su samāgatā.

371.

‘‘‘гасса ид̣̇ам̣ аал̣ааханам̣, наанааг̇анд̇хасамзрид̇ам̣;

‘‘‘Kassa idaṃ āḷāhanaṃ, nānāgandhasameritaṃ;

гассааяам̣ ганд̣̇ад̇и бхарияаа, ид̇о д̣̇уураг̇ад̇ам̣ бад̇им̣;

Kassāyaṃ kandati bhariyā, ito dūragataṃ patiṃ;

б̣рахмад̣̇ад̇д̇ам̣ абассанд̇ий, б̣рахмад̣̇ад̇д̇аад̇и ганд̣̇ад̇и’.

Brahmadattaṃ apassantī, brahmadattāti kandati’.

372.

‘‘д̇з жа д̇ад̇т̇а вияаагам̣су, яз д̇ад̇т̇а су самааг̇ад̇аа;

‘‘Te ca tattha viyākaṃsu, ye tattha su samāgatā;

б̣рахмад̣̇ад̇д̇асса бхад̣̇д̣̇анд̇з, б̣рахмад̣̇ад̇д̇асса маариса.

Brahmadattassa bhaddante, brahmadattassa mārisa.

373.

‘‘д̇асса ид̣̇ам̣ аал̣ааханам̣, наанааг̇анд̇хасамзрид̇ам̣;

‘‘Tassa idaṃ āḷāhanaṃ, nānāgandhasameritaṃ;

д̇ассааяам̣ ганд̣̇ад̇и бхарияаа, ид̇о д̣̇уураг̇ад̇ам̣ бад̇им̣;

Tassāyaṃ kandati bhariyā, ito dūragataṃ patiṃ;

б̣рахмад̣̇ад̇д̇ам̣ абассанд̇ий, б̣рахмад̣̇ад̇д̇аад̇и ганд̣̇ад̇ий’’д̇и. – ча г̇аат̇аа табзсум̣;

Brahmadattaṃ apassantī, brahmadattāti kandatī’’ti. – cha gāthā ṭhapesuṃ;

368-9. д̇ад̇т̇а ахууд̇и ахоси. бан̃жаалаананд̇и бан̃жааларадтаваасийнам̣, бан̃жааларадтассзва ваа. згоби хи ж̇анабад̣̇о ж̇анабад̣̇игаанам̣ рааж̇агумаараанам̣ васзна рул̣хияаа ‘‘бан̃жаалаана’’нд̇и б̣ахуважанзна нид̣̇д̣̇исийяад̇и. рат̇зсабход̇и рат̇зсу усабхасад̣̇исо, махаарат̇од̇и ад̇т̇о. д̇асса аал̣аахананд̇и д̇асса ран̃н̃о сарийрасса д̣̇ад̣дхадтаанам̣.

368-9. Tattha ahūti ahosi. Pañcālānanti pañcālaraṭṭhavāsīnaṃ, pañcālaraṭṭhasseva vā. Ekopi hi janapado janapadikānaṃ rājakumārānaṃ vasena ruḷhiyā ‘‘pañcālāna’’nti bahuvacanena niddisīyati. Rathesabhoti rathesu usabhasadiso, mahārathoti attho. Tassa āḷāhananti tassa rañño sarīrassa daḍḍhaṭṭhānaṃ.

370. исийд̇и жхаанаад̣̇ийнам̣ г̇ун̣аанам̣ зсанадтзна иси. д̇ад̇т̇аад̇и д̇асмим̣ уб̣б̣арияаа тид̇адтаанз, сусаанзд̇и ад̇т̇о. ааг̇ажчийд̇и аг̇амааси. самбаннажаран̣од̇и сийласамбад̣̇аа, инд̣̇риязсу г̇уд̇д̇ад̣̇ваарад̇аа, бхож̇анз мад̇д̇ан̃н̃уд̇аа, ж̇ааг̇арияаануяог̇о, сад̣̇д̇хаад̣̇аяо сад̇д̇а сад̣̇д̇хаммаа, жад̇д̇аари руубааважаражхаанаанийд̇и имзхи баннарасахи жаран̣асан̇каад̇зхи г̇ун̣зхи самбанно саманнааг̇ад̇о, жаран̣асамбаннод̇и ад̇т̇о. мунийд̇и ад̇д̇ахид̇ан̃жа барахид̇ан̃жа мунаад̇и ж̇аанаад̇ийд̇и муни. со жа д̇ад̇т̇а абужчид̇т̇аад̇и со д̇асмим̣ таанз тид̇з ж̇анз бадибужчи. яз д̇ад̇т̇а су самааг̇ад̇аад̇и яз мануссаа д̇ад̇т̇а сусаанз самааг̇ад̇аа. сууд̇и нибаад̇амад̇д̇ам̣. ‘‘яз д̇ад̇т̇аасум̣ самааг̇ад̇аа’’д̇и ваа баато. аасунд̇и ахзсунд̇и ад̇т̇о.

370.Isīti jhānādīnaṃ guṇānaṃ esanaṭṭhena isi. Tatthāti tasmiṃ ubbariyā ṭhitaṭṭhāne, susāneti attho. Āgacchīti agamāsi. Sampannacaraṇoti sīlasampadā, indriyesu guttadvāratā, bhojane mattaññutā, jāgariyānuyogo, saddhādayo satta saddhammā, cattāri rūpāvacarajhānānīti imehi pannarasahi caraṇasaṅkhātehi guṇehi sampanno samannāgato, caraṇasampannoti attho. Munīti attahitañca parahitañca munāti jānātīti muni. So ca tattha apucchitthāti so tasmiṃ ṭhāne ṭhite jane paṭipucchi. Ye tattha su samāgatāti ye manussā tattha susāne samāgatā. Sūti nipātamattaṃ. ‘‘Ye tatthāsuṃ samāgatā’’ti vā pāṭho. Āsunti ahesunti attho.

371. наанааг̇анд̇хасамзрид̇анд̇и наанаавид̇хзхи г̇анд̇хзхи саманд̇ад̇о зрид̇ам̣ убаваасид̇ам̣. ид̇од̇и мануссалогад̇о. д̣̇уураг̇ад̇анд̇и баралогам̣ г̇ад̇ад̇д̇аа вад̣̇ад̇и. б̣рахмад̣̇ад̇д̇аад̇и ганд̣̇ад̇ийд̇и б̣рахмад̣̇ад̇д̇аад̇и звам̣ наамасам̣гид̇д̇анам̣ гад̇ваа барид̣̇званавасзна авхааяад̇и.

371.Nānāgandhasameritanti nānāvidhehi gandhehi samantato eritaṃ upavāsitaṃ. Itoti manussalokato. Dūragatanti paralokaṃ gatattā vadati. Brahmadattāti kandatīti brahmadattāti evaṃ nāmasaṃkittanaṃ katvā paridevanavasena avhāyati.

372-3. б̣рахмад̣̇ад̇д̇асса бхад̣̇д̣̇анд̇з, б̣рахмад̣̇ад̇д̇асса маарисаад̇и маариса, нираамаяагааяажид̇д̇а махаамуни б̣рахмад̣̇ад̇д̇асса ран̃н̃о ид̣̇ам̣ аал̣ааханам̣, д̇ассзва б̣рахмад̣̇ад̇д̇асса ран̃н̃о аяам̣ бхарияаа, бхад̣̇д̣̇ам̣ д̇з д̇асса жа б̣рахмад̣̇ад̇д̇асса бхад̣̇д̣̇ам̣ ход̇у, д̇аад̣̇исаанам̣ махзсийнам̣ хид̇аанужинд̇анзна баралогз тид̇аанамби хид̇асукам̣ ход̇иязваад̇и ад̇хиббааяо.

372-3.Brahmadattassa bhaddante, brahmadattassa mārisāti mārisa, nirāmayakāyacitta mahāmuni brahmadattassa rañño idaṃ āḷāhanaṃ, tasseva brahmadattassa rañño ayaṃ bhariyā, bhaddaṃ te tassa ca brahmadattassa bhaddaṃ hotu, tādisānaṃ mahesīnaṃ hitānucintanena paraloke ṭhitānampi hitasukhaṃ hotiyevāti adhippāyo.

ат̇а со д̇аабасо д̇зсам̣ важанам̣ суд̇ваа анугамбам̣ убаад̣̇ааяа уб̣б̣арияаа санд̇игам̣ г̇анд̇ваа д̇ассаа согавинод̣̇анад̇т̇ам̣ –

Atha so tāpaso tesaṃ vacanaṃ sutvā anukampaṃ upādāya ubbariyā santikaṃ gantvā tassā sokavinodanatthaṃ –

374.

‘‘чал̣аасийд̇исахассаани, б̣рахмад̣̇ад̇д̇ассанаамагаа;

‘‘Chaḷāsītisahassāni, brahmadattassanāmakā;

имасмим̣ аал̣ааханз д̣̇ад̣дхаа, д̇зсам̣ гаманусожасий’’д̇и. –

Imasmiṃ āḷāhane daḍḍhā, tesaṃ kamanusocasī’’ti. –

г̇аат̇амааха . д̇ад̇т̇а чал̣аасийд̇исахассаанийд̇и часахассаад̇хигаасийд̇исахассасан̇каа. б̣рахмад̣̇ад̇д̇ассанаамагаад̇и б̣рахмад̣̇ад̇д̇од̇и звам̣наамагаа. д̇зсам̣ гаманусожасийд̇и д̇зсам̣ чал̣аасийд̇исахассасан̇каад̇аанам̣ б̣рахмад̣̇ад̇д̇аанам̣ гад̇амам̣ б̣рахмад̣̇ад̇д̇ам̣ д̇вам̣ анусожаси, гад̇амам̣ бадижжа д̇з сого уббаннод̇и бужчи.

Gāthamāha . Tattha chaḷāsītisahassānīti chasahassādhikaasītisahassasaṅkhā. Brahmadattassanāmakāti brahmadattoti evaṃnāmakā. Tesaṃ kamanusocasīti tesaṃ chaḷāsītisahassasaṅkhātānaṃ brahmadattānaṃ katamaṃ brahmadattaṃ tvaṃ anusocasi, katamaṃ paṭicca te soko uppannoti pucchi.

звам̣ бана д̇зна исинаа бужчид̇аа уб̣б̣арий ад̇д̇анаа ад̇хиббзд̇ам̣ б̣рахмад̣̇ад̇д̇ам̣ аажигканд̇ий –

Evaṃ pana tena isinā pucchitā ubbarī attanā adhippetaṃ brahmadattaṃ ācikkhantī –

375.

‘‘яо рааж̇аа жуул̣анийбуд̇д̇о, бан̃жаалаанам̣ рат̇зсабхо;

‘‘Yo rājā cūḷanīputto, pañcālānaṃ rathesabho;

д̇ам̣ бханд̇з анусожаами, бхад̇д̇аарам̣ саб̣б̣агаамад̣̇а’’нд̇и. –

Taṃ bhante anusocāmi, bhattāraṃ sabbakāmada’’nti. –

г̇аат̇амааха. д̇ад̇т̇а жуул̣анийбуд̇д̇од̇и звам̣наамасса ран̃н̃о буд̇д̇о. саб̣б̣агаамад̣̇анд̇и маяхам̣ саб̣б̣асса ижчид̇ижчид̇асса д̣̇аад̇аарам̣, саб̣б̣зсам̣ ваа сад̇д̇аанам̣ ижчид̇ад̣̇ааяагам̣.

Gāthamāha. Tattha cūḷanīputtoti evaṃnāmassa rañño putto. Sabbakāmadanti mayhaṃ sabbassa icchiticchitassa dātāraṃ, sabbesaṃ vā sattānaṃ icchitadāyakaṃ.

звам̣ уб̣б̣арияаа вуд̇д̇з буна д̇аабасо –

Evaṃ ubbariyā vutte puna tāpaso –

376.

‘‘саб̣б̣зваахзсум̣ рааж̇аано, б̣рахмад̣̇ад̇д̇ассанаамагаа;

‘‘Sabbevāhesuṃ rājāno, brahmadattassanāmakā;

саб̣б̣зва жуул̣анийбуд̇д̇аа, бан̃жаалаанам̣ рат̇зсабхаа.

Sabbeva cūḷanīputtā, pañcālānaṃ rathesabhā.

377.

‘‘саб̣б̣зсам̣ анубуб̣б̣зна, махзсид̇д̇амагаараяи;

‘‘Sabbesaṃ anupubbena, mahesittamakārayi;

гасмаа буримагз хид̇ваа, бажчимам̣ анусожасий’’д̇и. – г̇аат̇аад̣̇ваяамааха;

Kasmā purimake hitvā, pacchimaṃ anusocasī’’ti. – gāthādvayamāha;

376. д̇ад̇т̇а саб̣б̣зваахзсунд̇и саб̣б̣зва д̇з чал̣аасийд̇исахассасан̇каа рааж̇аано б̣рахмад̣̇ад̇д̇асса наамагаа жуул̣анийбуд̇д̇аа бан̃жаалаанам̣ рат̇зсабхаава ахзсум̣. имз рааж̇абхааваад̣̇аяо висзсаа д̇зсу згассааби наахзсум̣.

376. Tattha sabbevāhesunti sabbeva te chaḷāsītisahassasaṅkhā rājāno brahmadattassa nāmakā cūḷanīputtā pañcālānaṃ rathesabhāva ahesuṃ. Ime rājabhāvādayo visesā tesu ekassāpi nāhesuṃ.

377. махзсид̇д̇амагаараяийд̇и д̇ван̃жа д̇зсам̣ саб̣б̣зсамби анубуб̣б̣зна аг̇г̇амахзсибхаавам̣ агааси, ануббад̇д̇аад̇и ад̇т̇о. гасмаад̇и г̇ун̣ад̇о жа саамигабхаавад̇о жа ависидтзсу зд̇д̇агзсу ж̇анзсу буримагз рааж̇аано бахааяа бажчимам̣ згам̣мзва гасмаа гзна гааран̣зна анусожасийд̇и бужчи.

377.Mahesittamakārayīti tvañca tesaṃ sabbesampi anupubbena aggamahesibhāvaṃ akāsi, anuppattāti attho. Kasmāti guṇato ca sāmikabhāvato ca avisiṭṭhesu ettakesu janesu purimake rājāno pahāya pacchimaṃ ekaṃmeva kasmā kena kāraṇena anusocasīti pucchi.

д̇ам̣ суд̇ваа уб̣б̣арий сам̣взг̇аж̇аад̇аа буна д̇аабасам̣ –

Taṃ sutvā ubbarī saṃvegajātā puna tāpasaṃ –

378.

‘‘аад̇умз ид̇т̇ибхууд̇ааяа, д̣̇ийгхарад̇д̇ааяа маариса;

‘‘Ātume itthibhūtāya, dīgharattāya mārisa;

яассаа мз ид̇т̇ибхууд̇ааяа, сам̣саарз б̣ахубхаасасий’’д̇и. –

Yassā me itthibhūtāya, saṃsāre bahubhāsasī’’ti. –

г̇аат̇амааха. д̇ад̇т̇а аад̇умзд̇и ад̇д̇ани. ид̇т̇ибхууд̇ааяаад̇и ид̇т̇ибхаавам̣ убаг̇ад̇ааяа. д̣̇ийгхарад̇д̇ааяаад̇и д̣̇ийгхарад̇д̇ам̣. аяан̃хзд̇т̇а ад̇хиббааяо – ид̇т̇ибхууд̇ааяа ад̇д̇ани саб̣б̣агаалам̣ ид̇т̇ийязва ход̇и, уд̣̇ааху бурисабхаавамби убаг̇ажчад̇ийд̇и. яассаа мз ид̇т̇ибхууд̇ааяаад̇и яассаа маяхам̣ ид̇т̇ибхууд̇ааяа звам̣ д̇аава б̣ахусам̣саарз махзсибхаавам̣ махаамуни д̇вам̣ бхаасаси гат̇зсийд̇и ад̇т̇о. ‘‘ааху мз ид̇т̇ибхууд̇ааяаа’’д̇и ваа баато. д̇ад̇т̇а аад̇и ануссаран̣ад̇т̇з нибаад̇о. ааху мзд̇и саяам̣ ануссарид̇ам̣ ан̃н̃аад̇амид̣̇ам̣ маяаа, ид̇т̇ибхууд̇ааяа ид̇т̇ибхаавам̣ убаг̇ад̇ааяа звам̣ маяхам̣ зд̇д̇агам̣ гаалам̣ абараабаруббад̇д̇и ахоси. гасмаа? яасмаа яассаа мз ид̇т̇ибхууд̇ааяа саб̣б̣зсам̣ анубуб̣б̣зна махзсид̇д̇амагаараяи, гим̣ д̇вам̣, махаамуни, сам̣саарз б̣ахум̣ бхаасасийд̇и яож̇анаа.

Gāthamāha. Tattha ātumeti attani. Itthibhūtāyāti itthibhāvaṃ upagatāya. Dīgharattāyāti dīgharattaṃ. Ayañhettha adhippāyo – itthibhūtāya attani sabbakālaṃ itthīyeva hoti, udāhu purisabhāvampi upagacchatīti. Yassā me itthibhūtāyāti yassā mayhaṃ itthibhūtāya evaṃ tāva bahusaṃsāre mahesibhāvaṃ mahāmuni tvaṃ bhāsasi kathesīti attho. ‘‘Āhu me itthibhūtāyā’’ti vā pāṭho. Tattha āti anussaraṇatthe nipāto. Āhu meti sayaṃ anussaritaṃ aññātamidaṃ mayā, itthibhūtāya itthibhāvaṃ upagatāya evaṃ mayhaṃ ettakaṃ kālaṃ aparāparuppatti ahosi. Kasmā? Yasmā yassā me itthibhūtāya sabbesaṃ anupubbena mahesittamakārayi, kiṃ tvaṃ, mahāmuni, saṃsāre bahuṃ bhāsasīti yojanā.

д̇ам̣ суд̇ваа д̇аабасо аяам̣ нияамо сам̣саарз над̇т̇и ‘‘ид̇т̇ий ид̇т̇ийязва ход̇и, бурисо бурисо зваа’’д̇и д̣̇ассзнд̇о –

Taṃ sutvā tāpaso ayaṃ niyamo saṃsāre natthi ‘‘itthī itthīyeva hoti, puriso puriso evā’’ti dassento –

379.

‘‘аху ид̇т̇ий аху бурисо, басуяонимби ааг̇амаа;

‘‘Ahu itthī ahu puriso, pasuyonimpi āgamā;

звамзд̇ам̣ ад̇ийд̇аанам̣, барияанд̇о на д̣̇иссад̇ий’’д̇и. –

Evametaṃ atītānaṃ, pariyanto na dissatī’’ti. –

г̇аат̇амааха. д̇ад̇т̇а аху ид̇т̇ий аху бурисод̇и д̇вам̣ гад̣̇аажи ид̇т̇ийби ахоси, гад̣̇аажи бурисоби ахоси. на гзвалам̣ ид̇т̇ибурисабхаавамзва, ат̇а ко басу яонимби аг̇амааси, гад̣̇аажи басубхаавамби аг̇амааси, д̇иражчаанаяонимби убаг̇ад̇аа ахоси. звамзд̇ам̣ ад̇ийд̇аанам̣, барияанд̇о на д̣̇иссад̇ийд̇и звам̣ яат̇аавуд̇д̇ам̣ зд̇ам̣ ид̇т̇ибхаавам̣ бурисабхаавам̣ д̇иражчаанаад̣̇ибхааван̃жа убаг̇ад̇аанам̣ ад̇ийд̇аанам̣ ад̇д̇абхааваанам̣ барияанд̇о н̃аан̣ажагкунаа махад̇аа уссаахзна бассанд̇аанамби на д̣̇иссад̇и. на гзвалам̣ д̇авзва, ат̇а ко саб̣б̣зсамби сам̣саарз бариб̣бхаманд̇аанам̣ сад̇д̇аанам̣ ад̇д̇абхаавасса барияанд̇о на д̣̇иссад̇зва на бан̃н̃ааяад̇зва. д̇знааха бхаг̇аваа –

Gāthamāha. Tattha ahu itthī ahu purisoti tvaṃ kadāci itthīpi ahosi, kadāci purisopi ahosi. Na kevalaṃ itthipurisabhāvameva, atha kho pasu yonimpi agamāsi, kadāci pasubhāvampi agamāsi, tiracchānayonimpi upagatā ahosi. Evametaṃ atītānaṃ, pariyanto na dissatīti evaṃ yathāvuttaṃ etaṃ itthibhāvaṃ purisabhāvaṃ tiracchānādibhāvañca upagatānaṃ atītānaṃ attabhāvānaṃ pariyanto ñāṇacakkhunā mahatā ussāhena passantānampi na dissati. Na kevalaṃ taveva, atha kho sabbesampi saṃsāre paribbhamantānaṃ sattānaṃ attabhāvassa pariyanto na dissateva na paññāyateva. Tenāha bhagavā –

‘‘анамад̇аг̇г̇ояам̣, бхигкавз, сам̣сааро, буб̣б̣аа годи на бан̃н̃ааяад̇и авиж̇ж̇аанийваран̣аанам̣ сад̇д̇аанам̣ д̇ан̣хаасам̣яож̇анаанам̣ санд̇хаавад̇ам̣ сам̣сарад̇а’’нд̇и (сам̣. ни. 2.124).

‘‘Anamataggoyaṃ, bhikkhave, saṃsāro, pubbā koṭi na paññāyati avijjānīvaraṇānaṃ sattānaṃ taṇhāsaṃyojanānaṃ sandhāvataṃ saṃsarata’’nti (saṃ. ni. 2.124).

звам̣ д̇зна д̇аабасзна сам̣саарасса абарияанд̇ад̇ам̣ гаммассагад̇ан̃жа вибхаавзнд̇зна д̣̇зсид̇ам̣ д̇хаммам̣ суд̇ваа сам̣саарз сам̣виг̇г̇ахад̣̇аяаа д̇хаммз жа басаннамаанасаа виг̇ад̇асогасаллаа худ̇ваа ад̇д̇ано басаад̣̇ам̣ согавиг̇аманан̃жа багаасзнд̇ий –

Evaṃ tena tāpasena saṃsārassa apariyantataṃ kammassakatañca vibhāventena desitaṃ dhammaṃ sutvā saṃsāre saṃviggahadayā dhamme ca pasannamānasā vigatasokasallā hutvā attano pasādaṃ sokavigamanañca pakāsentī –

380.

‘‘аад̣̇ид̇д̇ам̣ вад̇а мам̣ санд̇ам̣, гхад̇асид̇д̇ам̣ва баавагам̣;

‘‘Ādittaṃ vata maṃ santaṃ, ghatasittaṃva pāvakaṃ;

вааринаа вияа осин̃жам̣, саб̣б̣ам̣ ниб̣б̣аабаяз д̣̇арам̣.

Vārinā viya osiñcaṃ, sabbaṃ nibbāpaye daraṃ.

381.

‘‘аб̣б̣ахий вад̇а мз саллам̣, согам̣ хад̣̇аяаниссид̇ам̣;

‘‘Abbahī vata me sallaṃ, sokaṃ hadayanissitaṃ;

яо мз согабарзд̇ааяа, бад̇исогам̣ абаануд̣̇и.

Yo me sokaparetāya, patisokaṃ apānudi.

382.

‘‘саахам̣ аб̣б̣уул̣хасаллаасми, сийд̇ибхууд̇аасми ниб̣б̣уд̇аа;

‘‘Sāhaṃ abbūḷhasallāsmi, sītibhūtāsmi nibbutā;

на сожаами на род̣̇аами, д̇ава суд̇ваа махаамуний’’д̇и. –

Na socāmi na rodāmi, tava sutvā mahāmunī’’ti. –

д̇иссо г̇аат̇аа абхааси. д̇аасам̣ ад̇т̇о хздтаа вуд̇д̇оязва.

Tisso gāthā abhāsi. Tāsaṃ attho heṭṭhā vuttoyeva.

ид̣̇аани сам̣виг̇г̇ахад̣̇аяааяа уб̣б̣арияаа бадибад̇д̇им̣ д̣̇ассзнд̇о сад̇т̇аа –

Idāni saṃviggahadayāya ubbariyā paṭipattiṃ dassento satthā –

383.

‘‘д̇асса д̇ам̣ важанам̣ суд̇ваа, саман̣асса субхаасид̇ам̣;

‘‘Tassa taṃ vacanaṃ sutvā, samaṇassa subhāsitaṃ;

бад̇д̇ажийварамаад̣̇ааяа, баб̣б̣аж̇и анаг̇аарияам̣.

Pattacīvaramādāya, pabbaji anagāriyaṃ.

384.

‘‘саа жа баб̣б̣аж̇ид̇аа санд̇аа, аг̇аарасмаа анаг̇аарияам̣;

‘‘Sā ca pabbajitā santā, agārasmā anagāriyaṃ;

мзд̇д̇ажид̇д̇ам̣ аабхаавзси, б̣рахмалогуубабад̇д̇ияаа.

Mettacittaṃ ābhāvesi, brahmalokūpapattiyā.

385.

‘‘г̇аамаа г̇аамам̣ вижаранд̇ий, ниг̇амз рааж̇ад̇хаанияо;

‘‘Gāmā gāmaṃ vicarantī, nigame rājadhāniyo;

урувзл̣аа наама со г̇аамо, яад̇т̇а гааламагруб̣б̣ат̇а.

Uruveḷā nāma so gāmo, yattha kālamakrubbatha.

386.

‘‘мзд̇д̇ажид̇д̇ам̣ аабхаавзд̇ваа, б̣рахмалогуубабад̇д̇ияаа;

‘‘Mettacittaṃ ābhāvetvā, brahmalokūpapattiyā;

ид̇т̇ижид̇д̇ам̣ вирааж̇зд̇ваа, б̣рахмалогуубаг̇аа ахуу’’д̇и. – жад̇ассо г̇аат̇аа абхааси;

Itthicittaṃ virājetvā, brahmalokūpagā ahū’’ti. – catasso gāthā abhāsi;

383-4. д̇ад̇т̇а д̇ассаад̇и д̇асса д̇аабасасса. субхаасид̇анд̇и судту бхаасид̇ам̣, д̇хамманд̇и ад̇т̇о. баб̣б̣аж̇ид̇аа санд̇аад̇и баб̣б̣аж̇ж̇ам̣ убаг̇ад̇аа самаанаа, баб̣б̣аж̇ид̇ваа ваа худ̇ваа санд̇агааяаваажаа. мзд̇д̇ажид̇д̇анд̇и мзд̇д̇аасахаг̇ад̇ам̣ жид̇д̇ам̣. жид̇д̇асийсзна мзд̇д̇аж̇жхаанам̣ вад̣̇ад̇и. б̣рахмалогуубабад̇д̇ияаад̇и д̇ан̃жа саа мзд̇д̇ажид̇д̇ам̣ бхаавзнд̇ий б̣рахмалогуубабад̇д̇ияаа абхаавзси, на вибассанаабаад̣̇агаад̣̇иад̇т̇ам̣. ануббаннз хи б̣уд̣̇д̇хз б̣рахмавихаараад̣̇игз бхаавзнд̇аа д̇аабасабариб̣б̣ааж̇агаа яаавад̣̇зва бхавасамбад̇д̇иад̇т̇амзва бхаавзсум̣.

383-4. Tattha tassāti tassa tāpasassa. Subhāsitanti suṭṭhu bhāsitaṃ, dhammanti attho. Pabbajitā santāti pabbajjaṃ upagatā samānā, pabbajitvā vā hutvā santakāyavācā. Mettacittanti mettāsahagataṃ cittaṃ. Cittasīsena mettajjhānaṃ vadati. Brahmalokūpapattiyāti tañca sā mettacittaṃ bhāventī brahmalokūpapattiyā abhāvesi, na vipassanāpādakādiatthaṃ. Anuppanne hi buddhe brahmavihārādike bhāventā tāpasaparibbājakā yāvadeva bhavasampattiatthameva bhāvesuṃ.

385-6. г̇аамаа г̇ааманд̇и г̇аамад̇о ан̃н̃ам̣ г̇аамам̣. аабхаавзд̇ваад̇и вад̣дхзд̇ваа б̣руухзд̇ваа. ‘‘абхаавзд̇ваа’’д̇и гзжи батанд̇и, д̇зсам̣ а-гааро нибаад̇амад̇д̇ам̣. ид̇т̇ижид̇д̇ам̣ вирааж̇зд̇ваад̇и ид̇т̇ибхаавз жид̇д̇ам̣ аж̇жхаасаяам̣ абхиружим̣ вирааж̇зд̇ваа ид̇т̇ибхаавз вирад̇д̇ажид̇д̇аа худ̇ваа. б̣рахмалогуубаг̇аад̇и бадисанд̇хиг̇г̇ахан̣авасзна б̣рахмалогам̣ убаг̇аманагаа ахоси. сзсам̣ хздтаа вуд̇д̇анаяад̇д̇аа уд̇д̇аанамзва.

385-6.Gāmāgāmanti gāmato aññaṃ gāmaṃ. Ābhāvetvāti vaḍḍhetvā brūhetvā. ‘‘Abhāvetvā’’ti keci paṭhanti, tesaṃ a-kāro nipātamattaṃ. Itthicittaṃ virājetvāti itthibhāve cittaṃ ajjhāsayaṃ abhiruciṃ virājetvā itthibhāve virattacittā hutvā. Brahmalokūpagāti paṭisandhiggahaṇavasena brahmalokaṃ upagamanakā ahosi. Sesaṃ heṭṭhā vuttanayattā uttānameva.

сад̇т̇аа имам̣ д̇хаммад̣̇зсанам̣ аахарид̇ваа д̇ассаа убаасигааяа согам̣ винод̣̇зд̇ваа убари жад̇усажжад̣̇зсанам̣ агааси. сажжабарияосаанз саа убаасигаа сод̇аабад̇д̇ипалз бад̇идтахи. самбад̇д̇абарисааяа жа д̣̇зсанаа саад̇т̇игаа ахосийд̇и.

Satthā imaṃ dhammadesanaṃ āharitvā tassā upāsikāya sokaṃ vinodetvā upari catusaccadesanaṃ akāsi. Saccapariyosāne sā upāsikā sotāpattiphale patiṭṭhahi. Sampattaparisāya ca desanā sātthikā ahosīti.

уб̣б̣арибзд̇авад̇т̇уван̣н̣анаа нидтид̇аа.

Ubbaripetavatthuvaṇṇanā niṭṭhitā.

ид̇и куд̣̇д̣̇ага-адтагат̇ааяа бзд̇авад̇т̇усмим̣

Iti khuddaka-aṭṭhakathāya petavatthusmiṃ

д̇зрасавад̇т̇убадиман̣д̣ид̇асса

Terasavatthupaṭimaṇḍitassa

д̣̇уд̇ияасса уб̣б̣ариваг̇г̇асса ад̇т̇асам̣ван̣н̣анаа нидтид̇аа.

Dutiyassa ubbarivaggassa atthasaṃvaṇṇanā niṭṭhitā.

Next: 3. жуул̣аваг̇г̇о • 3. Cūḷavaggo

Related texts:

д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / бзд̇авад̇т̇убаал̣и • Petavatthupāḷi / 13. уб̣б̣арибзд̇авад̇т̇у • 13. Ubbaripetavatthu

© 1991-2023 The Titi Tudorancea Bulletin | Titi Tudorancea^® is a Registered Trademark | Terms of use and privacy policy
Contact