| Library / Tipiṭaka / తిపిటక • Tipiṭaka / అపదానపాళి • Apadānapāḷi |
౬. ధూపదాయకత్థేరఅపదానం
6. Dhūpadāyakattheraapadānaṃ
౧౬౧.
161.
‘‘సిద్ధత్థస్స భగవతో, లోకజేట్ఠస్స తాదినో;
‘‘Siddhatthassa bhagavato, lokajeṭṭhassa tādino;
కుటిధూపం మయా దిన్నం, విప్పసన్నేన చేతసా.
Kuṭidhūpaṃ mayā dinnaṃ, vippasannena cetasā.
౧౬౨.
162.
యం యం యోనుపపజ్జామి, దేవత్తం అథ మానుసం;
Yaṃ yaṃ yonupapajjāmi, devattaṃ atha mānusaṃ;
సబ్బేసమ్పి పియో హోమి, ధూపదానస్సిదం ఫలం.
Sabbesampi piyo homi, dhūpadānassidaṃ phalaṃ.
౧౬౩.
163.
దుగ్గతిం నాభిజానామి, ధూపదానస్సిదం ఫలం.
Duggatiṃ nābhijānāmi, dhūpadānassidaṃ phalaṃ.
౧౬౪.
164.
‘‘పటిసమ్భిదా చతస్సో, విమోక్ఖాపి చ అట్ఠిమే;
‘‘Paṭisambhidā catasso, vimokkhāpi ca aṭṭhime;
ఛళభిఞ్ఞా సచ్ఛికతా, కతం బుద్ధస్స సాసనం’’.
Chaḷabhiññā sacchikatā, kataṃ buddhassa sāsanaṃ’’.
ఇత్థం సుదం ఆయస్మా ధూపదాయకో థేరో ఇమా గాథాయో అభాసిత్థాతి.
Itthaṃ sudaṃ āyasmā dhūpadāyako thero imā gāthāyo abhāsitthāti.
ధూపదాయకత్థేరస్సాపదానం ఛట్ఠం.
Dhūpadāyakattherassāpadānaṃ chaṭṭhaṃ.
Footnotes:
