| Library / Tipiṭaka / திபிடக • Tipiṭaka / அபதா³ன-அட்ட²கதா² • Apadāna-aṭṭhakathā |
6. தூ⁴பதா³யகத்தே²ரஅபதா³னவண்ணனா
6. Dhūpadāyakattheraapadānavaṇṇanā
ஸித்³த⁴த்த²ஸ்ஸ ப⁴க³வதோதிஆதி³கங் ஆயஸ்மதோ தூ⁴பதா³யகத்தே²ரஸ்ஸ அபதா³னங். அயம்பி புரிமபு³த்³தே⁴ஸு கதாதி⁴காரோ தத்த² தத்த² ப⁴வே விவட்டூபனிஸ்ஸயானி புஞ்ஞானி உபசினந்தோ ஸித்³த⁴த்த²ஸ்ஸ ப⁴க³வதோ காலே குலகே³ஹே நிப்³ப³த்தோ ஸித்³த⁴த்தே² ப⁴க³வதி சித்தங் பஸாதெ³த்வா தஸ்ஸ ப⁴க³வதோ க³ந்த⁴குடியங் சந்த³னாக³ருகாளானுஸாரிஆதி³னா கதேஹி அனேகேஹி தூ⁴பேஹி தூ⁴பபூஜங் அகாஸி. ஸோ தேன புஞ்ஞேன தே³வேஸு ச மனுஸ்ஸேஸு ச உப⁴யஸம்பத்தியோ அனுப⁴வந்தோ நிப்³ப³த்தனிப்³ப³த்தப⁴வே பூஜனீயோ ஹுத்வா இமஸ்மிங் பு³த்³து⁴ப்பாதே³ ஏகஸ்மிங் குலகே³ஹே நிப்³ப³த்தோ புஞ்ஞஸம்பா⁴ரானுபா⁴வேன ஸாஸனே பப்³ப³ஜித்வா விபஸ்ஸனங் வட்³டெ⁴த்வா அரஹத்தங் பத்வா கததூ⁴பபூஜாபுஞ்ஞத்தா நாமேன தூ⁴பதா³யகத்தே²ரோதி ஸப்³ப³த்த² பாகடோ. ஸோ பத்தஅரஹத்தப²லோ அத்தனோ புப்³ப³கம்மங் ஸரித்வா ஸோமனஸ்ஸஜாதோ புப்³ப³சரிதாபதா³னங் த³ஸ்ஸெந்தோ ஸித்³த⁴த்த²ஸ்ஸ ப⁴க³வதோதிஆதி³மாஹ. ஸித்³தோ⁴ பரிபுண்ணோ ஸப்³ப³ஞ்ஞுதஞ்ஞாணாதி³கு³ணஸங்கா²தோ அத்தோ² பயோஜனங் யஸ்ஸ ப⁴க³வதோ ஸோயங் ஸித்³த⁴த்தோ², தஸ்ஸ ஸித்³த⁴த்த²ஸ்ஸ ப⁴க³வதோ ப⁴க்³யாதி³கு³ணவந்தஸ்ஸ லோகஜெட்ட²ஸ்ஸ ஸகலலோகுத்தமஸ்ஸ தாதி³னோ இட்டா²னிட்டே²ஸு தாதி³ஸஸ்ஸ அசலஸபா⁴வஸ்ஸாதி அத்தோ². ஸேஸங் உத்தானத்த²மேவாதி.
Siddhatthassa bhagavatotiādikaṃ āyasmato dhūpadāyakattherassa apadānaṃ. Ayampi purimabuddhesu katādhikāro tattha tattha bhave vivaṭṭūpanissayāni puññāni upacinanto siddhatthassa bhagavato kāle kulagehe nibbatto siddhatthe bhagavati cittaṃ pasādetvā tassa bhagavato gandhakuṭiyaṃ candanāgarukāḷānusāriādinā katehi anekehi dhūpehi dhūpapūjaṃ akāsi. So tena puññena devesu ca manussesu ca ubhayasampattiyo anubhavanto nibbattanibbattabhave pūjanīyo hutvā imasmiṃ buddhuppāde ekasmiṃ kulagehe nibbatto puññasambhārānubhāvena sāsane pabbajitvā vipassanaṃ vaḍḍhetvā arahattaṃ patvā katadhūpapūjāpuññattā nāmena dhūpadāyakattheroti sabbattha pākaṭo. So pattaarahattaphalo attano pubbakammaṃ saritvā somanassajāto pubbacaritāpadānaṃ dassento siddhatthassa bhagavatotiādimāha. Siddho paripuṇṇo sabbaññutaññāṇādiguṇasaṅkhāto attho payojanaṃ yassa bhagavato soyaṃ siddhattho, tassa siddhatthassa bhagavato bhagyādiguṇavantassa lokajeṭṭhassa sakalalokuttamassa tādino iṭṭhāniṭṭhesu tādisassa acalasabhāvassāti attho. Sesaṃ uttānatthamevāti.
தூ⁴பதா³யகத்தே²ரஅபதா³னவண்ணனா ஸமத்தா.
Dhūpadāyakattheraapadānavaṇṇanā samattā.
