| Library / Tipiṭaka / д̇ибидага • Tipiṭaka / абад̣̇аана-адтагат̇аа • Apadāna-aṭṭhakathā |
6. д̇хуубад̣̇ааяагад̇т̇зраабад̣̇аанаван̣н̣анаа
6. Dhūpadāyakattheraapadānavaṇṇanā
сид̣̇д̇хад̇т̇асса бхаг̇авад̇од̇иаад̣̇игам̣ ааяасмад̇о д̇хуубад̣̇ааяагад̇т̇зрасса абад̣̇аанам̣. аяамби буримаб̣уд̣̇д̇хзсу гад̇аад̇хигааро д̇ад̇т̇а д̇ад̇т̇а бхавз виваддуубаниссаяаани бун̃н̃аани убажинанд̇о сид̣̇д̇хад̇т̇асса бхаг̇авад̇о гаалз гулаг̇зхз ниб̣б̣ад̇д̇о сид̣̇д̇хад̇т̇з бхаг̇авад̇и жид̇д̇ам̣ басаад̣̇зд̇ваа д̇асса бхаг̇авад̇о г̇анд̇хагудияам̣ жанд̣̇анааг̇аругаал̣аанусаариаад̣̇инаа гад̇зхи анзгзхи д̇хуубзхи д̇хуубабууж̇ам̣ агааси. со д̇зна бун̃н̃зна д̣̇звзсу жа мануссзсу жа убхаяасамбад̇д̇ияо анубхаванд̇о ниб̣б̣ад̇д̇аниб̣б̣ад̇д̇абхавз бууж̇анийяо худ̇ваа имасмим̣ б̣уд̣̇д̇хуббаад̣̇з згасмим̣ гулаг̇зхз ниб̣б̣ад̇д̇о бун̃н̃асамбхаараанубхаавзна саасанз баб̣б̣аж̇ид̇ваа вибассанам̣ вад̣дхзд̇ваа арахад̇д̇ам̣ бад̇ваа гад̇ад̇хуубабууж̇аабун̃н̃ад̇д̇аа наамзна д̇хуубад̣̇ааяагад̇т̇зрод̇и саб̣б̣ад̇т̇а баагадо. со бад̇д̇аарахад̇д̇апало ад̇д̇ано буб̣б̣агаммам̣ сарид̇ваа соманассаж̇аад̇о буб̣б̣ажарид̇аабад̣̇аанам̣ д̣̇ассзнд̇о сид̣̇д̇хад̇т̇асса бхаг̇авад̇од̇иаад̣̇имааха. сид̣̇д̇хо барибун̣н̣о саб̣б̣ан̃н̃уд̇ан̃н̃аан̣аад̣̇иг̇ун̣асан̇каад̇о ад̇т̇о баяож̇анам̣ яасса бхаг̇авад̇о сояам̣ сид̣̇д̇хад̇т̇о, д̇асса сид̣̇д̇хад̇т̇асса бхаг̇авад̇о бхаг̇яаад̣̇иг̇ун̣аванд̇асса логаж̇здтасса сагалалогуд̇д̇амасса д̇аад̣̇ино идтаанидтзсу д̇аад̣̇исасса ажаласабхаавассаад̇и ад̇т̇о. сзсам̣ уд̇д̇аанад̇т̇амзваад̇и.
Siddhatthassa bhagavatotiādikaṃ āyasmato dhūpadāyakattherassa apadānaṃ. Ayampi purimabuddhesu katādhikāro tattha tattha bhave vivaṭṭūpanissayāni puññāni upacinanto siddhatthassa bhagavato kāle kulagehe nibbatto siddhatthe bhagavati cittaṃ pasādetvā tassa bhagavato gandhakuṭiyaṃ candanāgarukāḷānusāriādinā katehi anekehi dhūpehi dhūpapūjaṃ akāsi. So tena puññena devesu ca manussesu ca ubhayasampattiyo anubhavanto nibbattanibbattabhave pūjanīyo hutvā imasmiṃ buddhuppāde ekasmiṃ kulagehe nibbatto puññasambhārānubhāvena sāsane pabbajitvā vipassanaṃ vaḍḍhetvā arahattaṃ patvā katadhūpapūjāpuññattā nāmena dhūpadāyakattheroti sabbattha pākaṭo. So pattaarahattaphalo attano pubbakammaṃ saritvā somanassajāto pubbacaritāpadānaṃ dassento siddhatthassa bhagavatotiādimāha. Siddho paripuṇṇo sabbaññutaññāṇādiguṇasaṅkhāto attho payojanaṃ yassa bhagavato soyaṃ siddhattho, tassa siddhatthassa bhagavato bhagyādiguṇavantassa lokajeṭṭhassa sakalalokuttamassa tādino iṭṭhāniṭṭhesu tādisassa acalasabhāvassāti attho. Sesaṃ uttānatthamevāti.
д̇хуубад̣̇ааяагад̇т̇зраабад̣̇аанаван̣н̣анаа самад̇д̇аа.
Dhūpadāyakattheraapadānavaṇṇanā samattā.
