| Library / Tipiṭaka / д̇ибидага • Tipiṭaka / милинд̣̇абан̃хабаал̣и • Milindapañhapāḷi |
2. д̇худ̇ан̇г̇абан̃хо
2. Dhutaṅgapañho
‘‘бассад̇ааран̃н̃агз бхигкуу, аж̇жхог̇аал̣хз д̇худ̇з г̇ун̣з;
‘‘Passatāraññake bhikkhū, ajjhogāḷhe dhute guṇe;
буна бассад̇и г̇ихий рааж̇аа, анааг̇аамипалз тид̇з.
Puna passati gihī rājā, anāgāmiphale ṭhite.
‘‘убхоби д̇з вилогзд̇ваа, уббаж̇ж̇и сам̣саяо махаа;
‘‘Ubhopi te viloketvā, uppajji saṃsayo mahā;
б̣уж̇жхзяяа жз г̇ихий д̇хаммз, д̇худ̇ан̇г̇ам̣ нибпалам̣ сияаа.
Bujjheyya ce gihī dhamme, dhutaṅgaṃ nipphalaṃ siyā.
‘‘бараваад̣̇иваад̣̇амат̇анам̣, нибун̣ам̣ бидагад̇д̇аяз;
‘‘Paravādivādamathanaṃ, nipuṇaṃ piṭakattaye;
ханд̣̇а бужчз гат̇исздтам̣, со мз ган̇кам̣ винзссад̇ий’’д̇и.
Handa pucche kathiseṭṭhaṃ, so me kaṅkhaṃ vinessatī’’ti.
ат̇а ко милинд̣̇о рааж̇аа язнааяасмаа нааг̇асзно д̇знубасан̇гами, убасан̇гамид̇ваа ааяасманд̇ам̣ нааг̇асзнам̣ абхиваад̣̇зд̇ваа згаманд̇ам̣ нисийд̣̇и, згаманд̇ам̣ нисинно ко милинд̣̇о рааж̇аа ааяасманд̇ам̣ нааг̇асзнам̣ зд̇ад̣̇авожа ‘‘бханд̇з нааг̇асзна, ад̇т̇и гожи г̇ихий аг̇аариго гаамабхог̇ий буд̇д̇ад̣̇аарасамб̣аад̇хасаяанам̣ аж̇жхаавасанд̇о гаасигажанд̣̇анам̣ бажжанубхонд̇о маалааг̇анд̇хавилзбанам̣ д̇хаараяанд̇о ж̇аад̇аруубараж̇ад̇ам̣ саад̣̇ияанд̇о ман̣имуд̇д̇ааган̃жанавижид̇д̇амол̣иб̣ад̣̇д̇хо язна санд̇ам̣ барамад̇т̇ам̣ ниб̣б̣аанам̣ сажчигад̇а’’нд̇и?
Atha kho milindo rājā yenāyasmā nāgaseno tenupasaṅkami, upasaṅkamitvā āyasmantaṃ nāgasenaṃ abhivādetvā ekamantaṃ nisīdi, ekamantaṃ nisinno kho milindo rājā āyasmantaṃ nāgasenaṃ etadavoca ‘‘bhante nāgasena, atthi koci gihī agāriko kāmabhogī puttadārasambādhasayanaṃ ajjhāvasanto kāsikacandanaṃ paccanubhonto mālāgandhavilepanaṃ dhārayanto jātarūparajataṃ sādiyanto maṇimuttākañcanavicittamoḷibaddho yena santaṃ paramatthaṃ nibbānaṃ sacchikata’’nti?
‘‘на, махаарааж̇а, зган̃н̃зва сад̇ам̣ на д̣̇вз сад̇аани на д̇ийн̣и жад̇д̇аари бан̃жа сад̇аани на сахассам̣ на сад̇асахассам̣ на годисад̇ам̣ на годисахассам̣ на годисад̇асахассам̣, д̇идтад̇у махаарааж̇а д̣̇асаннам̣ вийсад̇ияаа сад̇асса сахассасса абхисамаяо, гад̇амзна д̇з барияааязна ануяог̇ам̣ д̣̇аммий’’д̇и.
‘‘Na, mahārāja, ekaññeva sataṃ na dve satāni na tīṇi cattāri pañca satāni na sahassaṃ na satasahassaṃ na koṭisataṃ na koṭisahassaṃ na koṭisatasahassaṃ, tiṭṭhatu mahārāja dasannaṃ vīsatiyā satassa sahassassa abhisamayo, katamena te pariyāyena anuyogaṃ dammī’’ti.
‘‘д̇вамзвзд̇ам̣ б̣руухий’’д̇и. ‘‘д̇знахи д̇з, махаарааж̇а, гат̇аяиссаами сад̇зна ваа сахассзна ваа сад̇асахассзна ваа годияаа ваа годисад̇зна ваа годисахассзна ваа годисад̇асахассзна ваа, яаа гаажи наван̇г̇з б̣уд̣̇д̇хаважанз саллзкид̇аажаараббадибад̇д̇ид̇худ̇аваран̇г̇аг̇ун̣аниссид̇аа 1 т̇аа, д̇аа саб̣б̣аа ид̇ха самосариссанд̇и. яат̇аа, махаарааж̇а, ниннуннад̇асамависамат̇алаат̇алад̣̇зсабхааг̇з абхивудтам̣ уд̣̇агам̣, саб̣б̣ам̣ д̇ам̣ д̇ад̇о виниг̇ал̣ид̇ваа маход̣̇ад̇хим̣ сааг̇арам̣ самосарад̇и, звамзва ко, махаарааж̇а, самбаад̣̇агз сад̇и яаа гаажи наван̇г̇з б̣уд̣̇д̇хаважанз саллзкид̇аажаараббадибад̇д̇ид̇худ̇ан̇г̇аг̇ун̣ад̇хараниссид̇аа гат̇аа, д̇аа саб̣б̣аа ид̇ха самосариссанд̇и.
‘‘Tvamevetaṃ brūhī’’ti. ‘‘Tenahi te, mahārāja, kathayissāmi satena vā sahassena vā satasahassena vā koṭiyā vā koṭisatena vā koṭisahassena vā koṭisatasahassena vā, yā kāci navaṅge buddhavacane sallekhitācārappaṭipattidhutavaraṅgaguṇanissitā 2 thā, tā sabbā idha samosarissanti. Yathā, mahārāja, ninnunnatasamavisamathalāthaladesabhāge abhivuṭṭhaṃ udakaṃ, sabbaṃ taṃ tato vinigaḷitvā mahodadhiṃ sāgaraṃ samosarati, evameva kho, mahārāja, sampādake sati yā kāci navaṅge buddhavacane sallekhitācārappaṭipattidhutaṅgaguṇadharanissitā kathā, tā sabbā idha samosarissanti.
‘‘маяхамбзд̇т̇а , махаарааж̇а, бариб̣яад̇д̇ад̇ааяа б̣уд̣̇д̇хияаа гааран̣абарид̣̇ийбанам̣ самосариссад̇и, д̇знзсо ад̇т̇о сувибхад̇д̇о вижид̇д̇о барибун̣н̣о барисуд̣̇д̇хо самаанийд̇о бхависсад̇и. яат̇аа, махаарааж̇а, гусало лзкаажарияо анусидто лзкам̣ осаарзнд̇о ад̇д̇ано б̣яад̇д̇ад̇ааяа б̣уд̣̇д̇хияаа гааран̣абарид̣̇ийбанзна лзкам̣ барибуурзд̇и, звам̣ саа лзкаа самад̇д̇аа барибун̣н̣аа ануунигаа бхависсад̇и. звамзва маяхамбзд̇т̇а бариб̣яад̇д̇ад̇ааяа б̣уд̣̇д̇хияаа гааран̣абарид̣̇ийбанам̣ самосариссад̇и, д̇знзсо ад̇т̇о сувибхад̇д̇о вижид̇д̇о барибун̣н̣о барисуд̣̇д̇хо самаанийд̇о бхависсад̇и.
‘‘Mayhampettha , mahārāja, paribyattatāya buddhiyā kāraṇaparidīpanaṃ samosarissati, teneso attho suvibhatto vicitto paripuṇṇo parisuddho samānīto bhavissati. Yathā, mahārāja, kusalo lekhācariyo anusiṭṭho lekhaṃ osārento attano byattatāya buddhiyā kāraṇaparidīpanena lekhaṃ paripūreti, evaṃ sā lekhā samattā paripuṇṇā anūnikā bhavissati. Evameva mayhampettha paribyattatāya buddhiyā kāraṇaparidīpanaṃ samosarissati, teneso attho suvibhatto vicitto paripuṇṇo parisuddho samānīto bhavissati.
‘‘наг̇арз, махаарааж̇а, саавад̇т̇ияаа бан̃жагодимад̇д̇аа арияасаавагаа бхаг̇авад̇о убаасагаубаасигааяо сад̇д̇абан̣н̣аасасахассаани д̇ийн̣и жа сад̇асахассаани анааг̇аамипалз бад̇идтид̇аа, д̇з саб̣б̣зби г̇ихий язва, на баб̣б̣аж̇ид̇аа. буна д̇ад̇т̇зва ган̣д̣амб̣амуулз яамагабаадихаарияз вийсад̇и баан̣агодияо абхисамим̣су, буна жуул̣араахуловаад̣̇з 3, махааман̇г̇аласуд̇д̇анд̇з, самажид̇д̇абарияааяз, бараабхавасуд̇д̇анд̇з, бураабхзд̣̇асуд̇д̇анд̇з, галахавиваад̣̇асуд̇д̇анд̇з, жуул̣аб̣яуухасуд̇д̇анд̇з, махааб̣яуухасуд̇д̇анд̇з, д̇увадагасуд̇д̇анд̇з, саарибуд̇д̇асуд̇д̇анд̇з г̇ан̣анабат̇амад̇ийд̇аанам̣ д̣̇звад̇аанам̣ д̇хаммаабхисамаяо ахоси.
‘‘Nagare, mahārāja, sāvatthiyā pañcakoṭimattā ariyasāvakā bhagavato upāsakaupāsikāyo sattapaṇṇāsasahassāni tīṇi ca satasahassāni anāgāmiphale patiṭṭhitā, te sabbepi gihī yeva, na pabbajitā. Puna tattheva kaṇḍambamūle yamakapāṭihāriye vīsati pāṇakoṭiyo abhisamiṃsu, puna cūḷarāhulovāde 4, mahāmaṅgalasuttante, samacittapariyāye, parābhavasuttante, purābhedasuttante, kalahavivādasuttante, cūḷabyūhasuttante, mahābyūhasuttante, tuvaṭakasuttante, sāriputtasuttante gaṇanapathamatītānaṃ devatānaṃ dhammābhisamayo ahosi.
‘‘наг̇арз рааж̇аг̇ахз бан̃н̃аасасахассаани д̇ийн̣и жа сад̇асахассаани арияасаавагаа бхаг̇авад̇о убаасагаубаасигааяо, буна д̇ад̇т̇зва д̇ханабаалахад̇т̇инааг̇ад̣̇аманз навуд̇и баан̣агодияо, баарааяанасамааг̇амз баасаан̣агажзд̇ияз жуд̣̇д̣̇аса баан̣агодияо, буна инд̣̇асаалаг̇ухааяам̣ асийд̇и д̣̇звад̇аагодияо, буна б̣аараан̣асияам̣ исибад̇анз миг̇ад̣̇ааяз батамз д̇хаммад̣̇зсанз адтаараса б̣рахмагодияо абаримаан̣аа жа д̣̇звад̇ааяо, буна д̇аавад̇им̣сабхаванз бан̣д̣угамб̣аласилааяам̣ абхид̇хаммад̣̇зсанааяа асийд̇и д̣̇звад̇аагодияо, д̣̇зворохан̣з сан̇гассанаг̇арад̣̇ваарз логавиваран̣абаадихаарияз басаннаанам̣ нарамаруунам̣ д̇им̣са годияо абхисамим̣су.
‘‘Nagare rājagahe paññāsasahassāni tīṇi ca satasahassāni ariyasāvakā bhagavato upāsakaupāsikāyo, puna tattheva dhanapālahatthināgadamane navuti pāṇakoṭiyo, pārāyanasamāgame pāsāṇakacetiye cuddasa pāṇakoṭiyo, puna indasālaguhāyaṃ asīti devatākoṭiyo, puna bārāṇasiyaṃ isipatane migadāye paṭhame dhammadesane aṭṭhārasa brahmakoṭiyo aparimāṇā ca devatāyo, puna tāvatiṃsabhavane paṇḍukambalasilāyaṃ abhidhammadesanāya asīti devatākoṭiyo, devorohaṇe saṅkassanagaradvāre lokavivaraṇapāṭihāriye pasannānaṃ naramarūnaṃ tiṃsa koṭiyo abhisamiṃsu.
буна саггзсу габилавад̇т̇усмим̣ ниг̇род̇хаараамз б̣уд̣̇д̇хавам̣сад̣̇зсанааяа махаасамаяасуд̇д̇анд̇ад̣̇зсанааяа жа г̇ан̣анабат̇амад̇ийд̇аанам̣ д̣̇звад̇аанам̣ д̇хаммаабхисамаяо ахоси . буна суманамаалаагаарасамааг̇амз, г̇арахад̣̇иннасамааг̇амз, аананд̣̇асздтисамааг̇амз, ж̇амб̣угааж̇ийвагасамааг̇амз, ман̣д̣угад̣̇звабуд̇д̇асамааг̇амз, мадтагун̣д̣алид̣̇звабуд̇д̇асамааг̇амз, суласаанаг̇арасобхинисамааг̇амз, сиримаанаг̇арасобхинисамааг̇амз, бзсагаарад̇хийд̇усамааг̇амз, жуул̣асубхад̣̇д̣̇аасамааг̇амз, саагзд̇аб̣раахман̣асса аал̣ааханад̣̇ассанасамааг̇амз, суунаабаранд̇агасамааг̇амз, саггабан̃хасамааг̇амз, д̇ирогуддасамааг̇амз 5, рад̇анасуд̇д̇асамааг̇амз бажжзгам̣ жад̇ураасийд̇ияаа баан̣асахассаанам̣ д̇хаммаабхисамаяо ахоси, яаавад̇аа, махаарааж̇а, бхаг̇аваа логз адтааси, д̇аава д̇ийсу ман̣д̣алзсу сол̣асасу махааж̇анабад̣̇зсу яад̇т̇а яад̇т̇а бхаг̇аваа вихааси, д̇ад̇т̇а д̇ад̇т̇а язбхуяязна д̣̇вз д̇аяо жад̇д̇ааро бан̃жа сад̇ам̣ сахассам̣ сад̇асахассам̣ д̣̇зваа жа мануссаа жа санд̇ам̣ барамад̇т̇ам̣ ниб̣б̣аанам̣ сажчигарим̣су. яз д̇з, махаарааж̇а, д̣̇зваа г̇ихий язва, на д̇з баб̣б̣аж̇ид̇аа, зд̇аани жзва, махаарааж̇а, ан̃н̃аани жа анзгаани д̣̇звад̇аагодисад̇асахассаани г̇ихий аг̇ааригаа гаамабхог̇ино санд̇ам̣ барамад̇т̇ам̣ ниб̣б̣аанам̣ сажчигарим̣суу’’д̇и.
Puna sakkesu kapilavatthusmiṃ nigrodhārāme buddhavaṃsadesanāya mahāsamayasuttantadesanāya ca gaṇanapathamatītānaṃ devatānaṃ dhammābhisamayo ahosi . Puna sumanamālākārasamāgame, garahadinnasamāgame, ānandaseṭṭhisamāgame, jambukājīvakasamāgame, maṇḍukadevaputtasamāgame, maṭṭhakuṇḍalidevaputtasamāgame, sulasānagarasobhinisamāgame, sirimānagarasobhinisamāgame, pesakāradhītusamāgame, cūḷasubhaddāsamāgame, sāketabrāhmaṇassa āḷāhanadassanasamāgame, sūnāparantakasamāgame, sakkapañhasamāgame, tirokuṭṭasamāgame 6, ratanasuttasamāgame paccekaṃ caturāsītiyā pāṇasahassānaṃ dhammābhisamayo ahosi, yāvatā, mahārāja, bhagavā loke aṭṭhāsi, tāva tīsu maṇḍalesu soḷasasu mahājanapadesu yattha yattha bhagavā vihāsi, tattha tattha yebhuyyena dve tayo cattāro pañca sataṃ sahassaṃ satasahassaṃ devā ca manussā ca santaṃ paramatthaṃ nibbānaṃ sacchikariṃsu. Ye te, mahārāja, devā gihī yeva, na te pabbajitā, etāni ceva, mahārāja, aññāni ca anekāni devatākoṭisatasahassāni gihī agārikā kāmabhogino santaṃ paramatthaṃ nibbānaṃ sacchikariṃsū’’ti.
‘‘яад̣̇и, бханд̇з нааг̇асзна, г̇ихий аг̇ааригаа гаамабхог̇ино санд̇ам̣ барамад̇т̇ам̣ ниб̣б̣аанам̣ сажчигаронд̇и, ат̇а имаани д̇худ̇ан̇г̇аани гимад̇т̇ам̣ саад̇хзнд̇и, д̇зна гааран̣зна д̇худ̇ан̇г̇аани агижжагараани хонд̇и. яад̣̇и, бханд̇з нааг̇асзна, винаа манд̇осад̇хзхи б̣яаад̇хаяо вуубасаманд̇и, гим̣ ваманавирзжанаад̣̇инаа сарийрад̣̇уб̣б̣алагаран̣зна? яад̣̇и мудтийхи бадисад̇д̇униг̇г̇ахо бхавад̇и, гим̣ асисад̇д̇исарад̇ханугод̣̇ан̣д̣алаг̇ул̣амуг̇г̇арзхи? яад̣̇и г̇ан̣тигудиласусираган̣далад̇аасаакаа ааламб̣ид̇ваа ругкамабхирууханам̣ бхавад̇и, гим̣ д̣̇ийгхад̣̇ал̣ханиссзн̣ибариязсанзна? яад̣̇и т̇ан̣д̣иласзяяааяа д̇хаад̇усамад̇аа бхавад̇и, гим̣ сукасампассамахад̇имахаасирисаяанабариязсанзна? яад̣̇и згаго саасан̇гасаббадибхаяависамаганд̇аарад̇аран̣асамад̇т̇о бхавад̇и, гим̣ саннад̣̇д̇хасаж̇ж̇амахад̇имахаасад̇т̇абариязсанзна? яад̣̇и над̣̇исарам̣ б̣аахунаа д̇арид̇ум̣ самад̇т̇о бхавад̇и, гим̣ д̇хувасзд̇унааваабариязсанзна? яад̣̇и сагасанд̇агзна гхаасажчаад̣̇анам̣ гаад̇ум̣ баход̇и, гим̣ баруубасзванабияасамуллаабабажчаабурзд̇хааванзна? яад̣̇и акаад̇ад̇ал̣аагз уд̣̇агам̣ лабхад̇и, гим̣ уд̣̇абаанад̇ал̣аагабогкаран̣икан̣анзна? звамзва ко, бханд̇з нааг̇асзна, яад̣̇и г̇ихий аг̇ааригаа гаамабхог̇ино санд̇ам̣ барамад̇т̇ам̣ ниб̣б̣аанам̣ сажчигаронд̇и, гим̣ д̇худ̇аг̇ун̣аварасамаад̣̇ияанзнаа’’д̇и?
‘‘Yadi, bhante nāgasena, gihī agārikā kāmabhogino santaṃ paramatthaṃ nibbānaṃ sacchikaronti, atha imāni dhutaṅgāni kimatthaṃ sādhenti, tena kāraṇena dhutaṅgāni akiccakarāni honti. Yadi, bhante nāgasena, vinā mantosadhehi byādhayo vūpasamanti, kiṃ vamanavirecanādinā sarīradubbalakaraṇena? Yadi muṭṭhīhi paṭisattuniggaho bhavati, kiṃ asisattisaradhanukodaṇḍalaguḷamuggarehi? Yadi gaṇṭhikuṭilasusirakaṇṭalatāsākhā ālambitvā rukkhamabhirūhanaṃ bhavati, kiṃ dīghadaḷhanisseṇipariyesanena? Yadi thaṇḍilaseyyāya dhātusamatā bhavati, kiṃ sukhasamphassamahatimahāsirisayanapariyesanena? Yadi ekako sāsaṅkasappaṭibhayavisamakantārataraṇasamattho bhavati, kiṃ sannaddhasajjamahatimahāsatthapariyesanena? Yadi nadisaraṃ bāhunā tarituṃ samattho bhavati, kiṃ dhuvasetunāvāpariyesanena? Yadi sakasantakena ghāsacchādanaṃ kātuṃ pahoti, kiṃ parūpasevanapiyasamullāpapacchāpuredhāvanena? Yadi akhātataḷāke udakaṃ labhati, kiṃ udapānataḷākapokkharaṇikhaṇanena? Evameva kho, bhante nāgasena, yadi gihī agārikā kāmabhogino santaṃ paramatthaṃ nibbānaṃ sacchikaronti, kiṃ dhutaguṇavarasamādiyanenā’’ti?
‘‘адтавийсад̇и ко банимз, махаарааж̇а, д̇худ̇ан̇г̇аг̇ун̣аа яат̇аабхужжаг̇ун̣аа, язхи г̇ун̣зхи д̇худ̇ан̇г̇аани саб̣б̣аб̣уд̣̇д̇хаанам̣ бихаяид̇аани бад̇т̇ид̇аани. гад̇амз адтавийсад̇и? ид̇ха, махаарааж̇а, д̇худ̇ан̇г̇ам̣ суд̣̇д̇хааж̇ийвам̣ сукапалам̣ анаваж̇ж̇ам̣ на барад̣̇угкаабанам̣ абхаяам̣ асамбийл̣анам̣ зганд̇авад̣дхигам̣ абарихаанияам̣ амааяам̣ аарагкаа бад̇т̇ид̇ад̣̇ад̣̇ам̣ саб̣б̣асад̇д̇ад̣̇аманам̣ сам̣варахид̇ам̣ бад̇ируубам̣ аниссид̇ам̣ виббамуд̇д̇ам̣ рааг̇агкаяам̣ д̣̇осагкаяам̣ мохагкаяам̣ маанаббахаанам̣ гувид̇аггажчзд̣̇анам̣ ган̇каавид̇аран̣ам̣ госаж̇ж̇авид̣̇д̇хам̣санам̣ арад̇иббахаанам̣ каманам̣ ад̇улам̣ аббамаан̣ам̣ саб̣б̣ад̣̇угкагкаяаг̇аманам̣, имз ко, махаарааж̇а, адтавийсад̇и д̇худ̇ан̇г̇аг̇ун̣аа яат̇аабхужжаг̇ун̣аа язхи г̇ун̣зхи д̇худ̇ан̇г̇аани саб̣б̣аб̣уд̣̇д̇хаанам̣ бихаяид̇аани бад̇т̇ид̇аани.
‘‘Aṭṭhavīsati kho panime, mahārāja, dhutaṅgaguṇā yathābhuccaguṇā, yehi guṇehi dhutaṅgāni sabbabuddhānaṃ pihayitāni patthitāni. Katame aṭṭhavīsati? Idha, mahārāja, dhutaṅgaṃ suddhājīvaṃ sukhaphalaṃ anavajjaṃ na paradukkhāpanaṃ abhayaṃ asampīḷanaṃ ekantavaḍḍhikaṃ aparihāniyaṃ amāyaṃ ārakkhā patthitadadaṃ sabbasattadamanaṃ saṃvarahitaṃ patirūpaṃ anissitaṃ vippamuttaṃ rāgakkhayaṃ dosakkhayaṃ mohakkhayaṃ mānappahānaṃ kuvitakkacchedanaṃ kaṅkhāvitaraṇaṃ kosajjaviddhaṃsanaṃ aratippahānaṃ khamanaṃ atulaṃ appamāṇaṃ sabbadukkhakkhayagamanaṃ, ime kho, mahārāja, aṭṭhavīsati dhutaṅgaguṇā yathābhuccaguṇā yehi guṇehi dhutaṅgāni sabbabuddhānaṃ pihayitāni patthitāni.
‘‘яз ко д̇з, махаарааж̇а, д̇худ̇аг̇ун̣з саммаа убасзванд̇и, д̇з адтаарасахи г̇ун̣зхи самубзд̇аа бхаванд̇и. гад̇амзхи адтаарасахи? аажааро д̇зсам̣ сувисуд̣̇д̇хо ход̇и, бадибад̣̇аа субуурид̇аа ход̇и, гааяигам̣ ваажасигам̣ сурагкид̇ам̣ ход̇и, маносамаажааро сувисуд̣̇д̇хо ход̇и, вийрияам̣ субаг̇г̇ахид̇ам̣ ход̇и, бхаяам̣ вуубасаммад̇и, ад̇д̇аануд̣̇идтиб̣яабаг̇ад̇аа ход̇и, аагхаад̇о убарад̇о ход̇и, мзд̇д̇аа убадтид̇аа ход̇и, аахааро барин̃н̃аад̇о ход̇и, саб̣б̣асад̇д̇аанам̣ г̇аругад̇о ход̇и, бхож̇анз мад̇д̇ан̃н̃уу ход̇и, ж̇ааг̇арияамануяуд̇д̇о ход̇и, анигзд̇о ход̇и, яад̇т̇а паасу д̇ад̇т̇а вихаарий ход̇и, баабаж̇зг̇ужчий ход̇и, вивзгаараамо ход̇и, сад̇ад̇ам̣ аббамад̇д̇о ход̇и, яз д̇з, махаарааж̇а, д̇худ̇аг̇ун̣з саммаа убасзванд̇и, д̇з имзхи адтаарасахи г̇ун̣зхи самубзд̇аа бхаванд̇и.
‘‘Ye kho te, mahārāja, dhutaguṇe sammā upasevanti, te aṭṭhārasahi guṇehi samupetā bhavanti. Katamehi aṭṭhārasahi? Ācāro tesaṃ suvisuddho hoti, paṭipadā supūritā hoti, kāyikaṃ vācasikaṃ surakkhitaṃ hoti, manosamācāro suvisuddho hoti, vīriyaṃ supaggahitaṃ hoti, bhayaṃ vūpasammati, attānudiṭṭhibyapagatā hoti, āghāto uparato hoti, mettā upaṭṭhitā hoti, āhāro pariññāto hoti, sabbasattānaṃ garukato hoti, bhojane mattaññū hoti, jāgariyamanuyutto hoti, aniketo hoti, yattha phāsu tattha vihārī hoti, pāpajegucchī hoti, vivekārāmo hoti, satataṃ appamatto hoti, ye te, mahārāja, dhutaguṇe sammā upasevanti, te imehi aṭṭhārasahi guṇehi samupetā bhavanti.
‘‘д̣̇аса имз, махаарааж̇а, буг̇г̇алаа д̇худ̇аг̇ун̣аарахаа. гад̇амз д̣̇аса? сад̣̇д̇хо ход̇и хиримаа д̇хид̇имаа агухо ад̇т̇авасий алоло сигкаагаамо д̣̇ал̣хасамаад̣̇аано ануж̇жхаанаб̣ахуло мзд̇д̇аавихаарий, имз ко, махаарааж̇а, д̣̇аса буг̇г̇алаа д̇худ̇аг̇ун̣аарахаа.
‘‘Dasa ime, mahārāja, puggalā dhutaguṇārahā. Katame dasa? Saddho hoti hirimā dhitimā akuho atthavasī alolo sikkhākāmo daḷhasamādāno anujjhānabahulo mettāvihārī, ime kho, mahārāja, dasa puggalā dhutaguṇārahā.
‘‘яз д̇з, махаарааж̇а, г̇ихий аг̇ааригаа гаамабхог̇ино санд̇ам̣ барамад̇т̇ам̣ ниб̣б̣аанам̣ сажчигаронд̇и, саб̣б̣з д̇з буримаасу ж̇аад̇ийсу д̇зрасасу д̇худ̇аг̇ун̣зсу гад̇уубаасанаа гад̇абхуумигаммаа, д̇з д̇ад̇т̇а жааран̃жа бадибад̇д̇ин̃жа сод̇хаяид̇ваа аж̇ж̇зд̇арахи г̇ихий язва санд̇аа санд̇ам̣ барамад̇д̇ам̣ ниб̣б̣аанам̣ сажчигаронд̇и.
‘‘Ye te, mahārāja, gihī agārikā kāmabhogino santaṃ paramatthaṃ nibbānaṃ sacchikaronti, sabbe te purimāsu jātīsu terasasu dhutaguṇesu katūpāsanā katabhūmikammā, te tattha cārañca paṭipattiñca sodhayitvā ajjetarahi gihī yeva santā santaṃ paramattaṃ nibbānaṃ sacchikaronti.
‘‘яат̇аа , махаарааж̇а, гусало иссаасо анд̇зваасигз батамам̣ д̇аава убаасанасаалааяам̣ жаабабхзд̣̇ажаабааробанаг̇г̇ахан̣амудтиббадибийл̣анаан̇г̇уливинааманабаад̣̇атабанасараг̇г̇ахан̣асаннаханааагад̣дхана сад̣̇д̇хааран̣алагканияаманакибанз д̇ин̣абурисагачаган̣а 7 д̇ин̣абалааламад̇д̇игаабун̃ж̇апалагалагкавзд̇хз анусигкаабзд̇ваа ран̃н̃о санд̇игз убаасанам̣ аараад̇хаяид̇ваа ааж̇ан̃н̃арат̇аг̇аж̇ад̇уран̇г̇ад̇ханад̇хан̃н̃ахиран̃н̃асуван̣н̣ад̣̇аасид̣̇аасабхарияаг̇аамаварам̣ лабхад̇и , звамзва ко, махаарааж̇а, яз д̇з г̇ихий аг̇ааригаа гаамабхог̇ино санд̇ам̣ барамад̇т̇ам̣ ниб̣б̣аанам̣ сажчигаронд̇и, д̇з саб̣б̣з буримаасу ж̇аад̇ийсу д̇зрасасу д̇худ̇аг̇ун̣зсу гад̇уубаасанаа гад̇абхуумигаммаа, д̇з д̇ад̇т̇зва жааран̃жа бадибад̇д̇ин̃жа сод̇хаяид̇ваа аж̇ж̇зд̇арахи г̇ихий язва санд̇аа санд̇ам̣ барамад̇т̇ам̣ ниб̣б̣аанам̣ сажчигаронд̇и. на, махаарааж̇а, д̇худ̇аг̇ун̣зсу буб̣б̣аасзванам̣ винаа згиссаа язва ж̇аад̇ияаа арахад̇д̇ам̣ сажчигирияаа ход̇и, уд̇д̇амзна бана вийриязна уд̇д̇амааяа бадибад̇д̇ияаа д̇ат̇ааруубзна аажариязна галяаан̣амид̇д̇зна арахад̇д̇ам̣ сажчигирияаа ход̇и.
‘‘Yathā , mahārāja, kusalo issāso antevāsike paṭhamaṃ tāva upāsanasālāyaṃ cāpabhedacāpāropanaggahaṇamuṭṭhippaṭipīḷanaaṅgulivināmanapādaṭhapanasaraggahaṇasannahanaākaḍḍhana saddhāraṇalakkhaniyamanakhipane tiṇapurisakachakaṇa 8 tiṇapalālamattikāpuñjaphalakalakkhavedhe anusikkhāpetvā rañño santike upāsanaṃ ārādhayitvā ājaññarathagajaturaṅgadhanadhaññahiraññasuvaṇṇadāsidāsabhariyagāmavaraṃ labhati , evameva kho, mahārāja, ye te gihī agārikā kāmabhogino santaṃ paramatthaṃ nibbānaṃ sacchikaronti, te sabbe purimāsu jātīsu terasasu dhutaguṇesu katūpāsanā katabhūmikammā, te tattheva cārañca paṭipattiñca sodhayitvā ajjetarahi gihī yeva santā santaṃ paramatthaṃ nibbānaṃ sacchikaronti. Na, mahārāja, dhutaguṇesu pubbāsevanaṃ vinā ekissā yeva jātiyā arahattaṃ sacchikiriyā hoti, uttamena pana vīriyena uttamāya paṭipattiyā tathārūpena ācariyena kalyāṇamittena arahattaṃ sacchikiriyā hoti.
‘‘яат̇аа ваа бана, махаарааж̇а, бхисагго саллагад̇д̇о аажарияам̣ д̇ханзна ваа вад̇д̇аббадибад̇д̇ияаа ваа аараад̇хзд̇ваа сад̇д̇аг̇г̇ахан̣ачзд̣̇аналзканавзд̇ханасаллуд̣̇д̇харан̣аван̣ад̇хованасосанабхзсаж̇ж̇аанулимбанавамана вирзжанаануваасанагирияаманусигкид̇ваа виж̇ж̇аасу гад̇асигко гад̇уубаасано гад̇ахад̇т̇о аад̇урз убасан̇гамад̇и д̇игижчааяа, звамзва ко, махаарааж̇а, яз д̇з г̇ихий аг̇ааригаа гаамабхог̇ино санд̇ам̣ барамад̇т̇ам̣ ниб̣б̣аанам̣ сажчигаронд̇и, д̇з саб̣б̣з буримаасу ж̇аад̇ийсу д̇зрасасу д̇худ̇аг̇ун̣зсу гад̇уубаасанаа гад̇абхуумигаммаа, д̇з д̇ад̇т̇зва жааран̃жа бадибад̇д̇ин̃жа сод̇хаяид̇ваа аж̇ж̇зд̇арахи г̇ихий язва санд̇аа санд̇ам̣ барамад̇т̇ам̣ ниб̣б̣аанам̣ сажчигаронд̇и, на, махаарааж̇а, д̇худ̇аг̇ун̣зхи ависуд̣̇д̇хаанам̣ д̇хаммаабхисамаяо ход̇и.
‘‘Yathā vā pana, mahārāja, bhisakko sallakatto ācariyaṃ dhanena vā vattappaṭipattiyā vā ārādhetvā sattaggahaṇachedanalekhanavedhanasalluddharaṇavaṇadhovanasosanabhesajjānulimpanavamana virecanānuvāsanakiriyamanusikkhitvā vijjāsu katasikkho katūpāsano katahattho āture upasaṅkamati tikicchāya, evameva kho, mahārāja, ye te gihī agārikā kāmabhogino santaṃ paramatthaṃ nibbānaṃ sacchikaronti, te sabbe purimāsu jātīsu terasasu dhutaguṇesu katūpāsanā katabhūmikammā, te tattheva cārañca paṭipattiñca sodhayitvā ajjetarahi gihī yeva santā santaṃ paramatthaṃ nibbānaṃ sacchikaronti, na, mahārāja, dhutaguṇehi avisuddhānaṃ dhammābhisamayo hoti.
‘‘яат̇аа, махаарааж̇а, уд̣̇агасса асзжанзна б̣ийж̇аанам̣ авирууханам̣ ход̇и, звамзва ко, махаарааж̇а, д̇худ̇аг̇ун̣зхи ависуд̣̇д̇хаанам̣ д̇хаммаабхисамаяо на ход̇и.
‘‘Yathā, mahārāja, udakassa asecanena bījānaṃ avirūhanaṃ hoti, evameva kho, mahārāja, dhutaguṇehi avisuddhānaṃ dhammābhisamayo na hoti.
‘‘яат̇аа ваа бана, махаарааж̇а, агад̇агусалаанам̣ агад̇агаляаан̣аанам̣ суг̇ад̇иг̇аманам̣ на ход̇и, звамзва ко, махаарааж̇а, д̇худ̇аг̇ун̣зхи ависуд̣̇д̇хаанам̣ д̇хаммаабхисамаяо на ход̇и.
‘‘Yathā vā pana, mahārāja, akatakusalānaṃ akatakalyāṇānaṃ sugatigamanaṃ na hoti, evameva kho, mahārāja, dhutaguṇehi avisuddhānaṃ dhammābhisamayo na hoti.
‘‘бат̇ависамам̣ , махаарааж̇а, д̇худ̇аг̇ун̣ам̣ висуд̣̇д̇хигаамаанам̣ бад̇идтаанадтзна. аабосамам̣, махаарааж̇а, д̇худ̇аг̇ун̣ам̣ висуд̣̇д̇хигаамаанам̣ саб̣б̣агилзсамалад̇хованадтзна. д̇зж̇осамам̣, махаарааж̇а, д̇худ̇аг̇ун̣ам̣ висуд̣̇д̇хигаамаанам̣ саб̣б̣агилзсаванаж̇жхаабанадтзна . вааяосамам̣, махаарааж̇а, д̇худ̇аг̇ун̣ам̣ висуд̣̇д̇хигаамаанам̣ саб̣б̣агилзсамалараж̇обавааханадтзна. аг̇ад̣̇асамам̣, махаарааж̇а, д̇худ̇аг̇ун̣ам̣ висуд̣̇д̇хигаамаанам̣ саб̣б̣агилзсаб̣яаад̇хивуубасаманадтзна. амад̇асамам̣, махаарааж̇а, д̇худ̇аг̇ун̣ам̣ висуд̣̇д̇хигаамаанам̣ саб̣б̣агилзсависанаасанадтзна. кзд̇д̇асамам̣, махаарааж̇а, д̇худ̇аг̇ун̣ам̣ висуд̣̇д̇хигаамаанам̣ саб̣б̣асааман̃н̃аг̇ун̣асассавирууханадтзна. манохарасамам̣, махаарааж̇а, д̇худ̇аг̇ун̣ам̣ висуд̣̇д̇хигаамаанам̣ бад̇т̇ид̇ижчид̇асаб̣б̣асамбад̇д̇иварад̣̇ад̣̇адтзна. нааваасамам̣, махаарааж̇а, д̇худ̇аг̇ун̣ам̣ висуд̣̇д̇хигаамаанам̣ сам̣саарамахан̣н̣авабаараг̇аманадтзна. бхийруд̇д̇аан̣асамам̣, махаарааж̇а, д̇худ̇аг̇ун̣ам̣ висуд̣̇д̇хигаамаанам̣ ж̇араамаран̣абхийд̇аанам̣ ассаасагаран̣адтзна. маад̇усамам̣, махаарааж̇а, д̇худ̇аг̇ун̣ам̣ висуд̣̇д̇хигаамаанам̣ гилзсад̣̇угкаббадибийл̣ид̇аанам̣ ануг̇г̇аахагадтзна. бид̇усамам̣, махаарааж̇а, д̇худ̇аг̇ун̣ам̣ висуд̣̇д̇хигаамаанам̣ гусалавад̣дхигаамаанам̣ саб̣б̣асааман̃н̃аг̇ун̣аж̇анагадтзна. мид̇д̇асамам̣, махаарааж̇а, д̇худ̇аг̇ун̣ам̣ висуд̣̇д̇хигаамаанам̣ саб̣б̣асааман̃н̃аг̇ун̣абариязсанаависам̣ваад̣̇агадтзна. бад̣̇умасамам̣, махаарааж̇а, д̇худ̇аг̇ун̣ам̣ висуд̣̇д̇хигаамаанам̣ саб̣б̣агилзсамалзхи анубалид̇д̇адтзна. жад̇уж̇ж̇аад̇ияавараг̇анд̇хасамам̣ , махаарааж̇а, д̇худ̇аг̇ун̣ам̣ висуд̣̇д̇хигаамаанам̣ гилзсад̣̇уг̇г̇анд̇хабадивинод̣̇анадтзна. г̇ирирааж̇аварасамам̣, махаарааж̇а, д̇худ̇аг̇ун̣ам̣ висуд̣̇д̇хигаамаанам̣ адталогад̇хаммаваад̇зхи агамбияадтзна. аагаасасамам̣, махаарааж̇а, д̇худ̇аг̇ун̣ам̣ висуд̣̇д̇хигаамаанам̣ саб̣б̣ад̇т̇а г̇ахан̣аабаг̇ад̇аурувисадавид̇т̇ад̇амаханд̇адтзна. над̣̇ийсамам̣, махаарааж̇а, д̇худ̇аг̇ун̣ам̣ висуд̣̇д̇хигаамаанам̣ гилзсамалабавааханадтзна. суд̣̇зсагасамам̣, махаарааж̇а, д̇худ̇аг̇ун̣ам̣ висуд̣̇д̇хигаамаанам̣ ж̇аад̇иганд̇аарагилзсаванаг̇ахананид̇т̇аран̣адтзна. махаасад̇т̇аваахасамам̣, махаарааж̇а, д̇худ̇аг̇ун̣ам̣ висуд̣̇д̇хигаамаанам̣ саб̣б̣абхаяасун̃н̃акзмаабхаяаварабавараниб̣б̣аананаг̇арасамбаабанадтзна . сумаж̇ж̇ид̇авималаад̣̇аасасамам̣, махаарааж̇а, д̇худ̇аг̇ун̣ам̣ висуд̣̇д̇хигаамаанам̣ сан̇каараанам̣ сабхаавад̣̇ассанадтзна. палагасамам̣, махаарааж̇а, д̇худ̇аг̇ун̣ам̣ висуд̣̇д̇хигаамаанам̣ гилзсалаг̇ул̣асарасад̇д̇ибадиб̣ааханадтзна. чад̇д̇асамам̣, махаарааж̇а, д̇худ̇аг̇ун̣ам̣ висуд̣̇д̇хигаамаанам̣ гилзсавассад̇ивид̇хаг̇г̇исанд̇аабаад̇абабадиб̣ааханадтзна. жанд̣̇асамам̣, махаарааж̇а, д̇худ̇аг̇ун̣ам̣ висуд̣̇д̇хигаамаанам̣ бихаяид̇абад̇т̇ид̇адтзна. суурияасамам̣, махаарааж̇а, д̇худ̇аг̇ун̣ам̣ висуд̣̇д̇хигаамаанам̣ мохад̇амад̇имиранаасанадтзна. сааг̇арасамам̣, махаарааж̇а, д̇худ̇аг̇ун̣ам̣ висуд̣̇д̇хигаамаанам̣ анзгавид̇хасааман̃н̃аг̇ун̣аварарад̇анудтаанадтзна, абаримид̇аасан̇кязяяааббамзяяадтзна жа. звам̣ ко, махаарааж̇а, д̇худ̇аг̇ун̣ам̣ висуд̣̇д̇хигаамаанам̣ б̣ахуубагаарам̣ саб̣б̣ад̣̇арат̇абарил̣аахануд̣̇ам̣ арад̇инуд̣̇ам̣ бхаяануд̣̇ам̣ бхавануд̣̇ам̣ кийлануд̣̇ам̣ малануд̣̇ам̣ согануд̣̇ам̣ д̣̇угкануд̣̇ам̣ рааг̇ануд̣̇ам̣ д̣̇осануд̣̇ам̣ мохануд̣̇ам̣ маанануд̣̇ам̣ д̣̇идтинуд̣̇ам̣ саб̣б̣аагусалад̇хаммануд̣̇ам̣ яасаавахам̣ хид̇аавахам̣ сукаавахам̣ паасугарам̣ бийд̇игарам̣ яог̇агкзмагарам̣ анаваж̇ж̇ам̣ идтасукавибаагам̣ г̇ун̣араасиг̇ун̣абун̃ж̇ам̣ абаримид̇аасан̇кязяяа аббамзяяаг̇ун̣ам̣ варам̣ баварам̣ аг̇г̇ам̣.
‘‘Pathavisamaṃ , mahārāja, dhutaguṇaṃ visuddhikāmānaṃ patiṭṭhānaṭṭhena. Āposamaṃ, mahārāja, dhutaguṇaṃ visuddhikāmānaṃ sabbakilesamaladhovanaṭṭhena. Tejosamaṃ, mahārāja, dhutaguṇaṃ visuddhikāmānaṃ sabbakilesavanajjhāpanaṭṭhena . Vāyosamaṃ, mahārāja, dhutaguṇaṃ visuddhikāmānaṃ sabbakilesamalarajopavāhanaṭṭhena. Agadasamaṃ, mahārāja, dhutaguṇaṃ visuddhikāmānaṃ sabbakilesabyādhivūpasamanaṭṭhena. Amatasamaṃ, mahārāja, dhutaguṇaṃ visuddhikāmānaṃ sabbakilesavisanāsanaṭṭhena. Khettasamaṃ, mahārāja, dhutaguṇaṃ visuddhikāmānaṃ sabbasāmaññaguṇasassavirūhanaṭṭhena. Manoharasamaṃ, mahārāja, dhutaguṇaṃ visuddhikāmānaṃ patthiticchitasabbasampattivaradadaṭṭhena. Nāvāsamaṃ, mahārāja, dhutaguṇaṃ visuddhikāmānaṃ saṃsāramahaṇṇavapāragamanaṭṭhena. Bhīruttāṇasamaṃ, mahārāja, dhutaguṇaṃ visuddhikāmānaṃ jarāmaraṇabhītānaṃ assāsakaraṇaṭṭhena. Mātusamaṃ, mahārāja, dhutaguṇaṃ visuddhikāmānaṃ kilesadukkhappaṭipīḷitānaṃ anuggāhakaṭṭhena. Pitusamaṃ, mahārāja, dhutaguṇaṃ visuddhikāmānaṃ kusalavaḍḍhikāmānaṃ sabbasāmaññaguṇajanakaṭṭhena. Mittasamaṃ, mahārāja, dhutaguṇaṃ visuddhikāmānaṃ sabbasāmaññaguṇapariyesanaavisaṃvādakaṭṭhena. Padumasamaṃ, mahārāja, dhutaguṇaṃ visuddhikāmānaṃ sabbakilesamalehi anupalittaṭṭhena. Catujjātiyavaragandhasamaṃ , mahārāja, dhutaguṇaṃ visuddhikāmānaṃ kilesaduggandhapaṭivinodanaṭṭhena. Girirājavarasamaṃ, mahārāja, dhutaguṇaṃ visuddhikāmānaṃ aṭṭhalokadhammavātehi akampiyaṭṭhena. Ākāsasamaṃ, mahārāja, dhutaguṇaṃ visuddhikāmānaṃ sabbattha gahaṇāpagatauruvisaṭavitthatamahantaṭṭhena. Nadīsamaṃ, mahārāja, dhutaguṇaṃ visuddhikāmānaṃ kilesamalapavāhanaṭṭhena. Sudesakasamaṃ, mahārāja, dhutaguṇaṃ visuddhikāmānaṃ jātikantārakilesavanagahananittharaṇaṭṭhena. Mahāsatthavāhasamaṃ, mahārāja, dhutaguṇaṃ visuddhikāmānaṃ sabbabhayasuññakhemaabhayavarapavaranibbānanagarasampāpanaṭṭhena . Sumajjitavimalādāsasamaṃ, mahārāja, dhutaguṇaṃ visuddhikāmānaṃ saṅkhārānaṃ sabhāvadassanaṭṭhena. Phalakasamaṃ, mahārāja, dhutaguṇaṃ visuddhikāmānaṃ kilesalaguḷasarasattipaṭibāhanaṭṭhena. Chattasamaṃ, mahārāja, dhutaguṇaṃ visuddhikāmānaṃ kilesavassatividhaggisantāpātapapaṭibāhanaṭṭhena. Candasamaṃ, mahārāja, dhutaguṇaṃ visuddhikāmānaṃ pihayitapatthitaṭṭhena. Sūriyasamaṃ, mahārāja, dhutaguṇaṃ visuddhikāmānaṃ mohatamatimiranāsanaṭṭhena. Sāgarasamaṃ, mahārāja, dhutaguṇaṃ visuddhikāmānaṃ anekavidhasāmaññaguṇavararatanuṭṭhānaṭṭhena, aparimitaasaṅkhyeyyaappameyyaṭṭhena ca. Evaṃ kho, mahārāja, dhutaguṇaṃ visuddhikāmānaṃ bahūpakāraṃ sabbadarathapariḷāhanudaṃ aratinudaṃ bhayanudaṃ bhavanudaṃ khīlanudaṃ malanudaṃ sokanudaṃ dukkhanudaṃ rāganudaṃ dosanudaṃ mohanudaṃ mānanudaṃ diṭṭhinudaṃ sabbākusaladhammanudaṃ yasāvahaṃ hitāvahaṃ sukhāvahaṃ phāsukaraṃ pītikaraṃ yogakkhemakaraṃ anavajjaṃ iṭṭhasukhavipākaṃ guṇarāsiguṇapuñjaṃ aparimitaasaṅkhyeyya appameyyaguṇaṃ varaṃ pavaraṃ aggaṃ.
‘‘яат̇аа , махаарааж̇а, мануссаа убад̇т̇амбхавасзна бхож̇анам̣ убасзванд̇и, хид̇авасзна бхзсаж̇ж̇ам̣ убасзванд̇и, убагааравасзна мид̇д̇ам̣ убасзванд̇и, д̇ааран̣авасзна наавам̣ убасзванд̇и, суг̇анд̇хавасзна маалааг̇анд̇хам̣ убасзванд̇и, абхаяавасзна бхийруд̇д̇аан̣ам̣ убасзванд̇и, бад̇идтаавасзна 9 бат̇авим̣ убасзванд̇и, сиббавасзна аажарияам̣ убасзванд̇и, яасавасзна рааж̇аанам̣ убасзванд̇и, гаамад̣̇ад̣̇авасзна ман̣ирад̇анам̣ убасзванд̇и, звамзва ко, махаарааж̇а, саб̣б̣асааман̃н̃аг̇ун̣ад̣̇ад̣̇авасзна арияаа д̇худ̇аг̇ун̣ам̣ убасзванд̇и.
‘‘Yathā , mahārāja, manussā upatthambhavasena bhojanaṃ upasevanti, hitavasena bhesajjaṃ upasevanti, upakāravasena mittaṃ upasevanti, tāraṇavasena nāvaṃ upasevanti, sugandhavasena mālāgandhaṃ upasevanti, abhayavasena bhīruttāṇaṃ upasevanti, patiṭṭhāvasena 10 pathaviṃ upasevanti, sippavasena ācariyaṃ upasevanti, yasavasena rājānaṃ upasevanti, kāmadadavasena maṇiratanaṃ upasevanti, evameva kho, mahārāja, sabbasāmaññaguṇadadavasena ariyā dhutaguṇaṃ upasevanti.
‘‘яат̇аа ваа бана, махаарааж̇а, уд̣̇агам̣ б̣ийж̇авирууханааяа, аг̇г̇и жхаабанааяа, аахааро б̣алаахаран̣ааяа, лад̇аа б̣анд̇ханааяа, сад̇т̇ам̣ чзд̣̇анааяа, баанийяам̣ бибаасаавинаяанааяа, нид̇хи ассаасагаран̣ааяа, нааваа д̇ийрасамбаабанааяа, бхзсаж̇ж̇ам̣ б̣яаад̇хивуубасаманааяа, яаанам̣ сукаг̇аманааяа, бхийруд̇д̇аан̣ам̣ бхаяавинод̣̇анааяа, рааж̇аа аарагкад̇т̇ааяа, палагам̣ д̣̇ан̣д̣алзд̣д̣улаг̇ул̣асарасад̇д̇ибадиб̣ааханааяа, аажарияо анусаасанааяа, маад̇аа босанааяа, аад̣̇аасо ологанааяа, алан̇гааро собханааяа, вад̇т̇ам̣ бадижчаад̣̇анааяа, ниссзн̣ий аароханааяа, д̇улаа висамавигкзбанааяа 11, манд̇ам̣ бариж̇аббанааяа, аавуд̇хам̣ д̇аж̇ж̇анийяабадиб̣ааханааяа , бад̣̇ийбо анд̇хагааравид̇хаманааяа, ваад̇о барил̣ааханиб̣б̣аабанааяа, сиббам̣ вуд̇д̇инибпаад̣̇анааяа, аг̇ад̣̇ам̣ ж̇ийвид̇арагкан̣ааяа, аагаро рад̇ануббаад̣̇анааяа, рад̇анам̣ алан̇гарааяа, аан̣аа анад̇иггаманааяа, иссарияам̣ васавад̇д̇анааяа, звамзва ко, махаарааж̇а, д̇худ̇аг̇ун̣ам̣ сааман̃н̃аб̣ийж̇авирууханааяа, гилзсамалажхаабанааяа, ид̣̇д̇хиб̣алаахаран̣ааяа, сад̇исам̣вараниб̣анд̇ханааяа, вимад̇ивижигижчаасамужчзд̣̇анааяа, д̇ан̣хаабибаасаавинаяанааяа, абхисамаяаассаасагаран̣ааяа, жад̇урогханид̇т̇аран̣ааяа, гилзсаб̣яаад̇хивуубасамааяа, ниб̣б̣аанасукаббадилаабхааяа, ж̇аад̇иж̇арааб̣яаад̇химаран̣асогабарид̣̇звад̣̇угкад̣̇оманассубааяаасабхаяавинод̣̇анааяа, сааман̃н̃аг̇ун̣абарирагкан̣ааяа, арад̇игувид̇аггабадиб̣ааханааяа, сагаласааман̃н̃ад̇т̇аанусаасанааяа, саб̣б̣асааман̃н̃аг̇ун̣абосанааяа, самат̇авибассанаамаг̇г̇апаланиб̣б̣аанад̣̇ассанааяа, сагалалогат̇уд̇ат̇омид̇амахад̇имахаасобханагаран̣ааяа, саб̣б̣аабааяабид̣̇аханааяа, сааман̃н̃ад̇т̇асзласикарамуд̣̇д̇хани абхирууханааяа, ван̇гагудилависамажид̇д̇авигкзбанааяа 12, сзвид̇аб̣б̣аасзвид̇аб̣б̣ад̇хаммз саад̇хусаж̇жхааяагаран̣ааяа, саб̣б̣агилзсабадисад̇д̇уд̇аж̇ж̇анааяа , авиж̇ж̇анд̇хагааравид̇хаманааяа, д̇ивид̇хаг̇г̇исанд̇аабабарил̣ааханиб̣б̣аабанааяа, сан̣хасукумасанд̇асамаабад̇д̇инибпаад̣̇анааяа, сагаласааман̃н̃аг̇ун̣абарирагкан̣ааяа, б̣ож̇жхан̇г̇аварарад̇ануббаад̣̇анааяа, яог̇иж̇анаалан̇гаран̣ааяа, анаваж̇ж̇анибун̣асукумасанд̇исукаманад̇иггаманааяа , сагаласааман̃н̃аарияад̇хаммавасавад̇д̇анааяа. ид̇и, махаарааж̇а, имзсам̣ г̇ун̣аанам̣ ад̇хиг̇амааяа яад̣̇ид̣̇ам̣ згамзгам̣ д̇худ̇аг̇ун̣ам̣, звам̣, махаарааж̇а, ад̇улияам̣ д̇худ̇аг̇ун̣ам̣ аббамзяяам̣ асамам̣ аббадисамам̣ аббадибхааг̇ам̣ аббадисздтам̣ уд̇д̇арам̣ сздтам̣ висидтам̣ ад̇хигам̣ ааяад̇ам̣ бут̇улам̣ висадам̣ вид̇т̇ад̇ам̣ г̇аругам̣ бхаарияам̣ маханд̇ам̣.
‘‘Yathā vā pana, mahārāja, udakaṃ bījavirūhanāya, aggi jhāpanāya, āhāro balāharaṇāya, latā bandhanāya, satthaṃ chedanāya, pānīyaṃ pipāsāvinayanāya, nidhi assāsakaraṇāya, nāvā tīrasampāpanāya, bhesajjaṃ byādhivūpasamanāya, yānaṃ sukhagamanāya, bhīruttāṇaṃ bhayavinodanāya, rājā ārakkhatthāya, phalakaṃ daṇḍaleḍḍulaguḷasarasattipaṭibāhanāya, ācariyo anusāsanāya, mātā posanāya, ādāso olokanāya, alaṅkāro sobhanāya, vatthaṃ paṭicchādanāya, nisseṇī ārohanāya, tulā visamavikkhepanāya 13, mantaṃ parijappanāya, āvudhaṃ tajjanīyapaṭibāhanāya , padīpo andhakāravidhamanāya, vāto pariḷāhanibbāpanāya, sippaṃ vuttinipphādanāya, agadaṃ jīvitarakkhaṇāya, ākaro ratanuppādanāya, ratanaṃ alaṅkarāya, āṇā anatikkamanāya, issariyaṃ vasavattanāya, evameva kho, mahārāja, dhutaguṇaṃ sāmaññabījavirūhanāya, kilesamalajhāpanāya, iddhibalāharaṇāya, satisaṃvaranibandhanāya, vimativicikicchāsamucchedanāya, taṇhāpipāsāvinayanāya, abhisamayaassāsakaraṇāya, caturoghanittharaṇāya, kilesabyādhivūpasamāya, nibbānasukhappaṭilābhāya, jātijarābyādhimaraṇasokaparidevadukkhadomanassupāyāsabhayavinodanāya, sāmaññaguṇaparirakkhaṇāya, aratikuvitakkapaṭibāhanāya, sakalasāmaññatthānusāsanāya, sabbasāmaññaguṇaposanāya, samathavipassanāmaggaphalanibbānadassanāya, sakalalokathutathomitamahatimahāsobhanakaraṇāya, sabbāpāyapidahanāya, sāmaññatthaselasikharamuddhani abhirūhanāya, vaṅkakuṭilavisamacittavikkhepanāya 14, sevitabbāsevitabbadhamme sādhusajjhāyakaraṇāya, sabbakilesapaṭisattutajjanāya , avijjandhakāravidhamanāya, tividhaggisantāpapariḷāhanibbāpanāya, saṇhasukhumasantasamāpattinipphādanāya, sakalasāmaññaguṇaparirakkhaṇāya, bojjhaṅgavararatanuppādanāya, yogijanālaṅkaraṇāya, anavajjanipuṇasukhumasantisukhamanatikkamanāya , sakalasāmaññaariyadhammavasavattanāya. Iti, mahārāja, imesaṃ guṇānaṃ adhigamāya yadidaṃ ekamekaṃ dhutaguṇaṃ, evaṃ, mahārāja, atuliyaṃ dhutaguṇaṃ appameyyaṃ asamaṃ appaṭisamaṃ appaṭibhāgaṃ appaṭiseṭṭhaṃ uttaraṃ seṭṭhaṃ visiṭṭhaṃ adhikaṃ āyataṃ puthulaṃ visaṭaṃ vitthataṃ garukaṃ bhāriyaṃ mahantaṃ.
‘‘яо ко, махаарааж̇а, буг̇г̇ало баабижчо ижчаабагад̇о гухаго луд̣̇д̇хо од̣̇ариго лаабхагаамо яасагаамо гид̇д̇игаамо аяуд̇д̇о аббад̇д̇о ананужчавиго анарахо аббад̇ируубо д̇худ̇ан̇г̇ам̣ 15 самаад̣̇ияад̇и, со д̣̇иг̇ун̣ам̣ д̣̇ан̣д̣амаабаж̇ж̇ад̇и, саб̣б̣аг̇ун̣агхаад̇амаабаж̇ж̇ад̇и, д̣̇идтад̇хаммигам̣ хийл̣анам̣ кийл̣анам̣ г̇араханам̣ уббан̣д̣анам̣ кибанам̣ асамбхог̇ам̣ ниссааран̣ам̣ нижчубханам̣ бавааханам̣ баб̣б̣ааж̇анам̣ бадилабхад̇и, самбарааязби сад̇аяож̇анигз авийжимахаанираяз ун̣хагатид̇ад̇ад̇д̇асанд̇ад̇д̇аажжиж̇аалаамаалагз анзгавассагодисад̇асахассаани уд̣̇д̇хамад̇хо д̇ирияам̣ пзн̣уд̣̇д̣̇зхагам̣ самбаривад̇д̇агам̣ бажжад̇и, д̇ад̇о мужжид̇ваа 16 гисапарусагаал̣ан̇г̇абажжан̇г̇о суунуд̣̇д̇хумаад̇асусируд̇д̇аман̇г̇о 17 чаад̇о бибаасид̇о висамабхиймаруубаван̣н̣о бхаг̇г̇аган̣н̣асод̇о уммийлид̇анимийлид̇анзд̇д̇анаяано аруг̇ад̇д̇абаггаг̇ад̇д̇о бул̣аваагин̣н̣асаб̣б̣агааяо ваад̇амукз ж̇аламаано вияа аг̇г̇игканд̇хо анд̇о ж̇аламаано баж̇ж̇аламаано ад̇аан̣о асаран̣о аарун̣н̣арун̣н̣агаарун̃н̃аравам̣ барид̣̇звамаано ниж̇жхаамад̇ан̣хиго саман̣амахаабзд̇о худ̇ваа аахин̣д̣амаано махияаа аддассарам̣ гарод̇и.
‘‘Yo kho, mahārāja, puggalo pāpiccho icchāpakato kuhako luddho odariko lābhakāmo yasakāmo kittikāmo ayutto appatto ananucchaviko anaraho appatirūpo dhutaṅgaṃ 18 samādiyati, so diguṇaṃ daṇḍamāpajjati, sabbaguṇaghātamāpajjati, diṭṭhadhammikaṃ hīḷanaṃ khīḷanaṃ garahanaṃ uppaṇḍanaṃ khipanaṃ asambhogaṃ nissāraṇaṃ nicchubhanaṃ pavāhanaṃ pabbājanaṃ paṭilabhati, samparāyepi satayojanike avīcimahāniraye uṇhakaṭhitatattasantattaaccijālāmālake anekavassakoṭisatasahassāni uddhamadho tiriyaṃ pheṇuddehakaṃ samparivattakaṃ paccati, tato muccitvā 19 kisapharusakāḷaṅgapaccaṅgo sūnuddhumātasusiruttamaṅgo 20 chāto pipāsito visamabhīmarūpavaṇṇo bhaggakaṇṇasoto ummīlitanimīlitanettanayano arugattapakkagatto puḷavākiṇṇasabbakāyo vātamukhe jalamāno viya aggikkhandho anto jalamāno pajjalamāno atāṇo asaraṇo āruṇṇaruṇṇakāruññaravaṃ paridevamāno nijjhāmataṇhiko samaṇamahāpeto hutvā āhiṇḍamāno mahiyā aṭṭassaraṃ karoti.
‘‘яат̇аа , махаарааж̇а, гожи аяуд̇д̇о аббад̇д̇о ананужчавиго анарахо аббад̇ируубо хийно гуж̇аад̇иго кад̇д̇ияаабхисзгзна абхисин̃жад̇и, со лабхад̇и хад̇т̇ажчзд̣̇ам̣ баад̣̇ажчзд̣̇ам̣ хад̇т̇абаад̣̇ажчзд̣̇ам̣ ган̣н̣ажчзд̣̇ам̣ наасажчзд̣̇ам̣ ган̣н̣анаасажчзд̣̇ам̣ б̣илан̇г̇ат̇аалигам̣ сан̇камун̣д̣игам̣ раахумукам̣ ж̇од̇имаалигам̣ хад̇т̇абаж̇ж̇од̇игам̣ зрагавад̇д̇игам̣ жийрагаваасигам̣ зн̣зяяагам̣ б̣ал̣исамам̣сигам̣ гахаабан̣агам̣ каараабад̇ажчигам̣ балигхабаривад̇д̇игам̣ балаалабийтагам̣ д̇ад̇д̇зна д̇злзна осин̃жанам̣ сунакзхи каад̣̇аабанам̣ ж̇ийвасуулааробанам̣ асинаа сийсажчзд̣̇ам̣ анзгавихид̇амби гаммагааран̣ам̣ анубхавад̇и. гим̣ гааран̣аа? аяуд̇д̇о аббад̇д̇о ананужчавиго анарахо аббад̇ируубо хийно гуж̇аад̇иго маханд̇з иссарияз таанз ад̇д̇аанам̣ табзси, взлам̣ гхаад̇зси, звамзва ко, махаарааж̇а, яо гожи буг̇г̇ало баабижчо…бз… махияаа аддассарам̣ гарод̇и.
‘‘Yathā , mahārāja, koci ayutto appatto ananucchaviko anaraho appatirūpo hīno kujātiko khattiyābhisekena abhisiñcati, so labhati hatthacchedaṃ pādacchedaṃ hatthapādacchedaṃ kaṇṇacchedaṃ nāsacchedaṃ kaṇṇanāsacchedaṃ bilaṅgathālikaṃ saṅkhamuṇḍikaṃ rāhumukhaṃ jotimālikaṃ hatthapajjotikaṃ erakavattikaṃ cīrakavāsikaṃ eṇeyyakaṃ baḷisamaṃsikaṃ kahāpaṇakaṃ khārāpatacchikaṃ palighaparivattikaṃ palālapīṭhakaṃ tattena telena osiñcanaṃ sunakhehi khādāpanaṃ jīvasūlāropanaṃ asinā sīsacchedaṃ anekavihitampi kammakāraṇaṃ anubhavati. Kiṃ kāraṇā? Ayutto appatto ananucchaviko anaraho appatirūpo hīno kujātiko mahante issariye ṭhāne attānaṃ ṭhapesi, velaṃ ghātesi, evameva kho, mahārāja, yo koci puggalo pāpiccho…pe… mahiyā aṭṭassaraṃ karoti.
‘‘яо бана, махаарааж̇а, буг̇г̇ало яуд̇д̇о бад̇д̇о анужчавиго арахо бад̇ируубо аббижчо санд̇удто бавивид̇д̇о асам̣садто аарад̣̇д̇хавийрияо бахид̇ад̇д̇о асато амааяо анод̣̇ариго алаабхагаамо аяасагаамо агид̇д̇игаамо сад̣̇д̇хо сад̣̇д̇хаабаб̣б̣аж̇ид̇о ж̇араамаран̣аа мужжид̇угаамо ‘саасанам̣ баг̇г̇ан̣хиссаамий’д̇и д̇худ̇ан̇г̇ам̣ самаад̣̇ияад̇и, со д̣̇иг̇ун̣ам̣ бууж̇ам̣ арахад̇и д̣̇зваанан̃жа бияо ход̇и манаабо бихаяид̇о бад̇т̇ид̇о, ж̇аад̇исуманамаллигаад̣̇ийнам̣ вияа бубпам̣ нахаад̇аанулид̇д̇асса, ж̇игхажчид̇асса вияа бан̣ийд̇абхож̇анам̣, бибаасид̇асса вияа сийд̇алавималасурабхибаанийяам̣, висаг̇ад̇асса вияа осад̇хаварам̣, сийгхаг̇аманагаамасса вияа ааж̇ан̃н̃арат̇аваруд̇д̇амам̣, ад̇т̇агаамасса вияа манохараман̣ирад̇анам̣, абхисин̃жид̇угаамасса вияа бан̣д̣аравималасзд̇ажчад̇д̇ам̣, д̇хаммагаамасса вияа арахад̇д̇апалаад̇хиг̇амамануд̇д̇арам̣. д̇асса жад̇д̇ааро сад̇ибадтаанаа бхааванаабаарибуурим̣ г̇ажчанд̇и, жад̇д̇ааро саммаббад̇хаанаа жад̇д̇ааро ид̣̇д̇хибаад̣̇аа бан̃жинд̣̇рияаани бан̃жа б̣алаани сад̇д̇а б̣ож̇жхан̇г̇аа арияо адтан̇г̇иго маг̇г̇о бхааванаабаарибуурим̣ г̇ажчад̇и, самат̇авибассанаа ад̇хиг̇ажчад̇и, ад̇хиг̇амаббадибад̇д̇и барин̣амад̇и, жад̇д̇аари сааман̃н̃апалаани жад̇ассо бадисамбхид̣̇аа д̇иссо виж̇ж̇аа чал̣абхин̃н̃аа гзвало жа саман̣ад̇хаммо саб̣б̣з д̇ассаад̇хзяяаа хонд̇и, вимуд̇д̇ибан̣д̣аравималасзд̇ажчад̇д̇зна абхисин̃жад̇и.
‘‘Yo pana, mahārāja, puggalo yutto patto anucchaviko araho patirūpo appiccho santuṭṭho pavivitto asaṃsaṭṭho āraddhavīriyo pahitatto asaṭho amāyo anodariko alābhakāmo ayasakāmo akittikāmo saddho saddhāpabbajito jarāmaraṇā muccitukāmo ‘sāsanaṃ paggaṇhissāmī’ti dhutaṅgaṃ samādiyati, so diguṇaṃ pūjaṃ arahati devānañca piyo hoti manāpo pihayito patthito, jātisumanamallikādīnaṃ viya pupphaṃ nahātānulittassa, jighacchitassa viya paṇītabhojanaṃ, pipāsitassa viya sītalavimalasurabhipānīyaṃ, visagatassa viya osadhavaraṃ, sīghagamanakāmassa viya ājaññarathavaruttamaṃ, atthakāmassa viya manoharamaṇiratanaṃ, abhisiñcitukāmassa viya paṇḍaravimalasetacchattaṃ, dhammakāmassa viya arahattaphalādhigamamanuttaraṃ. Tassa cattāro satipaṭṭhānā bhāvanāpāripūriṃ gacchanti, cattāro sammappadhānā cattāro iddhipādā pañcindriyāni pañca balāni satta bojjhaṅgā ariyo aṭṭhaṅgiko maggo bhāvanāpāripūriṃ gacchati, samathavipassanā adhigacchati, adhigamappaṭipatti pariṇamati, cattāri sāmaññaphalāni catasso paṭisambhidā tisso vijjā chaḷabhiññā kevalo ca samaṇadhammo sabbe tassādheyyā honti, vimuttipaṇḍaravimalasetacchattena abhisiñcati.
‘‘яат̇аа, махаарааж̇а, ран̃н̃о кад̇д̇ияасса абхиж̇аад̇агулагулийнасса кад̇д̇ияаабхисзгзна абхисид̇д̇асса барижаранд̇и сарадтанзг̇амаж̇аанабад̣̇абхадаб̣алаа 21 адтад̇д̇им̣саа жа рааж̇абарисаа наданажжагаа мукаман̇г̇алигаа сод̇т̇иваажагаа саман̣аб̣раахман̣асаб̣б̣абаасан̣д̣аг̇ан̣аа абхиг̇ажчанд̇и, яам̣ гин̃жи бат̇авияаа бадданарад̇анаагаранаг̇арасун̇гадтаанавзраж̇ж̇агачзж̇ж̇абхзж̇ж̇аж̇анаманусаасанам̣ саб̣б̣ад̇т̇а саамиго бхавад̇и, звамзва ко , махаарааж̇а, яо гожи буг̇г̇ало яуд̇д̇о бад̇д̇о…бз… вимуд̇д̇ибан̣д̣аравималасзд̇ажчад̇д̇зна абхисин̃жад̇и.
‘‘Yathā, mahārāja, rañño khattiyassa abhijātakulakulīnassa khattiyābhisekena abhisittassa paricaranti saraṭṭhanegamajānapadabhaṭabalā 22 aṭṭhattiṃsā ca rājaparisā naṭanaccakā mukhamaṅgalikā sotthivācakā samaṇabrāhmaṇasabbapāsaṇḍagaṇā abhigacchanti, yaṃ kiñci pathaviyā paṭṭanaratanākaranagarasuṅkaṭṭhānaverajjakachejjabhejjajanamanusāsanaṃ sabbattha sāmiko bhavati, evameva kho , mahārāja, yo koci puggalo yutto patto…pe… vimuttipaṇḍaravimalasetacchattena abhisiñcati.
‘‘д̇зрасимаани , махаарааж̇а, д̇худ̇ан̇г̇аани, язхи суд̣̇д̇хигад̇о ниб̣б̣аанамахаасамуд̣̇д̣̇ам̣ бависид̇ваа б̣ахувид̇хам̣ д̇хаммагийл̣амабхигийл̣ад̇и, руубааруубаадтасамаабад̇д̇ияо вал̣ан̃ж̇зд̇и, ид̣̇д̇хивид̇хам̣ д̣̇иб̣б̣асод̇ад̇хаад̇ум̣ баражид̇д̇авиж̇аананам̣ буб̣б̣зниваасаануссад̇им̣ д̣̇иб̣б̣ажагкум̣ саб̣б̣аасавагкаяан̃жа баабун̣аад̇и. гад̇амз д̇зраса? бам̣сугуулиган̇г̇ам̣ д̇зжийвариган̇г̇ам̣ бин̣д̣абаад̇иган̇г̇ам̣ сабад̣̇аанажаариган̇г̇ам̣ згаасаниган̇г̇ам̣ бад̇д̇абин̣д̣иган̇г̇ам̣ калубажчаабхад̇д̇иган̇г̇ам̣ ааран̃н̃иган̇г̇ам̣ ругкамуулиган̇г̇ам̣ аб̣бхогаасиган̇г̇ам̣ сосааниган̇г̇ам̣ яат̇аасант̇ад̇иган̇г̇ам̣ нзсаж̇ж̇иган̇г̇ам̣, имзхи ко, махаарааж̇а, д̇зрасахи д̇худ̇аг̇ун̣зхи буб̣б̣з аасзвид̇зхи нисзвид̇зхи жин̣н̣зхи барижин̣н̣зхи жарид̇зхи убажарид̇зхи барибуурид̇зхи гзвалам̣ сааман̃н̃ам̣ бадилабхад̇и, д̇ассаад̇хзяяаа хонд̇и гзвалаа санд̇аа сукаа самаабад̇д̇ияо.
‘‘Terasimāni , mahārāja, dhutaṅgāni, yehi suddhikato nibbānamahāsamuddaṃ pavisitvā bahuvidhaṃ dhammakīḷamabhikīḷati, rūpārūpaaṭṭhasamāpattiyo vaḷañjeti, iddhividhaṃ dibbasotadhātuṃ paracittavijānanaṃ pubbenivāsānussatiṃ dibbacakkhuṃ sabbāsavakkhayañca pāpuṇāti. Katame terasa? Paṃsukūlikaṅgaṃ tecīvarikaṅgaṃ piṇḍapātikaṅgaṃ sapadānacārikaṅgaṃ ekāsanikaṅgaṃ pattapiṇḍikaṅgaṃ khalupacchābhattikaṅgaṃ āraññikaṅgaṃ rukkhamūlikaṅgaṃ abbhokāsikaṅgaṃ sosānikaṅgaṃ yathāsanthatikaṅgaṃ nesajjikaṅgaṃ, imehi kho, mahārāja, terasahi dhutaguṇehi pubbe āsevitehi nisevitehi ciṇṇehi pariciṇṇehi caritehi upacaritehi paripūritehi kevalaṃ sāmaññaṃ paṭilabhati, tassādheyyā honti kevalā santā sukhā samāpattiyo.
‘‘яат̇аа, махаарааж̇а, сад̇хано наавиго бадданз судту гад̇асун̇го махаасамуд̣̇д̣̇ам̣ бависид̇ваа ван̇г̇ам̣ д̇агголам̣ жийнам̣ совийрам̣ сурадтам̣ аласанд̣̇ам̣ голабадданам̣ суван̣н̣абхуумим̣ г̇ажчад̇и ан̃н̃амби яам̣ гин̃жи нааваасан̃жаран̣ам̣, звамзва ко, махаарааж̇а, имзхи д̇зрасахи д̇худ̇аг̇ун̣зхи буб̣б̣з аасзвид̇зхи нисзвид̇зхи жин̣н̣зхи барижин̣н̣зхи жарид̇зхи убажарид̇зхи барибуурид̇зхи гзвалам̣ сааман̃н̃ам̣ бадилабхад̇и, д̇ассаад̇хзяяаа хонд̇и гзвалаа санд̇аа сукаа самаабад̇д̇ияо.
‘‘Yathā, mahārāja, sadhano nāviko paṭṭane suṭṭhu katasuṅko mahāsamuddaṃ pavisitvā vaṅgaṃ takkolaṃ cīnaṃ sovīraṃ suraṭṭhaṃ alasandaṃ kolapaṭṭanaṃ suvaṇṇabhūmiṃ gacchati aññampi yaṃ kiñci nāvāsañcaraṇaṃ, evameva kho, mahārāja, imehi terasahi dhutaguṇehi pubbe āsevitehi nisevitehi ciṇṇehi pariciṇṇehi caritehi upacaritehi paripūritehi kevalaṃ sāmaññaṃ paṭilabhati, tassādheyyā honti kevalā santā sukhā samāpattiyo.
‘‘яат̇аа, махаарааж̇а, гассаго батамам̣ кзд̇д̇ад̣̇осам̣ д̇ин̣агадтабаасаан̣ам̣ абанзд̇ваа гасид̇ваа вабид̇ваа саммаа уд̣̇агам̣ бавзсзд̇ваа рагкид̇ваа г̇обзд̇ваа лаванамад̣̇д̣̇анзна б̣ахуд̇хан̃н̃аго ход̇и, д̇ассаад̇хзяяаа бхаванд̇и яз гзжи ад̇ханаа габан̣аа д̣̇алид̣̇д̣̇аа д̣̇уг̇г̇ад̇аж̇анаа, звамзва ко, махаарааж̇а, имзхи д̇зрасахи д̇худ̇аг̇ун̣зхи буб̣б̣з аасзвид̇зхи…бз… гзвалаа санд̇аа сукаа самаабад̇д̇ияо.
‘‘Yathā, mahārāja, kassako paṭhamaṃ khettadosaṃ tiṇakaṭṭhapāsāṇaṃ apanetvā kasitvā vapitvā sammā udakaṃ pavesetvā rakkhitvā gopetvā lavanamaddanena bahudhaññako hoti, tassādheyyā bhavanti ye keci adhanā kapaṇā daliddā duggatajanā, evameva kho, mahārāja, imehi terasahi dhutaguṇehi pubbe āsevitehi…pe… kevalā santā sukhā samāpattiyo.
‘‘яат̇аа ваа бана, махаарааж̇а, кад̇д̇ияо муд̣̇д̇хаавасид̇д̇о абхиж̇аад̇агулийно чзж̇ж̇абхзж̇ж̇аж̇анаманусаасанз иссаро ход̇и васавад̇д̇ий саамиго ижчаагаран̣о, гзвалаа жа махаабат̇авий д̇ассаад̇хзяяаа ход̇и, звамзва ко, махаарааж̇а, имзхи д̇зрасахи д̇худ̇аг̇ун̣зхи буб̣б̣з аасзвид̇зхи нисзвид̇зхи жин̣н̣зхи барижин̣н̣зхи жарид̇зхи убажарид̇зхи барибуурид̇зхи ж̇инасаасанаварз иссаро ход̇и васавад̇д̇ий саамиго ижчаагаран̣о, гзвалаа жа саман̣аг̇ун̣аа д̇ассаад̇хзяяаа хонд̇и.
‘‘Yathā vā pana, mahārāja, khattiyo muddhāvasitto abhijātakulīno chejjabhejjajanamanusāsane issaro hoti vasavattī sāmiko icchākaraṇo, kevalā ca mahāpathavī tassādheyyā hoti, evameva kho, mahārāja, imehi terasahi dhutaguṇehi pubbe āsevitehi nisevitehi ciṇṇehi pariciṇṇehi caritehi upacaritehi paripūritehi jinasāsanavare issaro hoti vasavattī sāmiko icchākaraṇo, kevalā ca samaṇaguṇā tassādheyyā honti.
‘‘нану , махаарааж̇а, т̇зро убасзно ван̇г̇анд̇абуд̇д̇о саллзкад̇худ̇аг̇ун̣з барибуурагаарид̇ааяа анаад̣̇ияид̇ваа саавад̇т̇ияаа сан̇гхасса гад̇игам̣ сабарисо нарад̣̇аммасаарат̇им̣ бадисаллаанаг̇ад̇ам̣ убасан̇гамид̇ваа бхаг̇авад̇о баад̣̇з сирасаа ванд̣̇ид̇ваа згаманд̇ам̣ нисийд̣̇и, бхаг̇аваа жа д̇ам̣ сувинийд̇ам̣ барисам̣ ологзд̇ваа хадтад̇удто бамуд̣̇ид̇о уд̣̇аг̇г̇о барисааяа сад̣̇д̇хим̣ саллаабам̣ саллабид̇ваа асамбхиннзна б̣рахмассарзна зд̇ад̣̇авожа ‘баасаад̣̇игаа ко бана д̇яааяам̣ убасзна барисаа, гад̇ам̣ д̇вам̣ убасзна барисам̣ винзсий’д̇и. соби саб̣б̣ан̃н̃унаа д̣̇асаб̣алзна д̣̇зваад̇ид̣̇звзна будто яат̇аабхууд̇асабхааваг̇ун̣авасзна бхаг̇аванд̇ам̣ зд̇ад̣̇авожа –
‘‘Nanu , mahārāja, thero upaseno vaṅgantaputto sallekhadhutaguṇe paripūrakāritāya anādiyitvā sāvatthiyā saṅghassa katikaṃ sapariso naradammasārathiṃ paṭisallānagataṃ upasaṅkamitvā bhagavato pāde sirasā vanditvā ekamantaṃ nisīdi, bhagavā ca taṃ suvinītaṃ parisaṃ oloketvā haṭṭhatuṭṭho pamudito udaggo parisāya saddhiṃ sallāpaṃ sallapitvā asambhinnena brahmassarena etadavoca ‘pāsādikā kho pana tyāyaṃ upasena parisā, kataṃ tvaṃ upasena parisaṃ vinesī’ti. Sopi sabbaññunā dasabalena devātidevena puṭṭho yathābhūtasabhāvaguṇavasena bhagavantaṃ etadavoca –
‘‘яо гожи мам̣, бханд̇з, убасан̇гамид̇ваа баб̣б̣аж̇ж̇ам̣ ваа ниссаяам̣ ваа яаажад̇и, д̇амахам̣ звам̣ вад̣̇аами ‘‘ахам̣ ко аавусо ааран̃н̃иго бин̣д̣абаад̇иго бам̣сугуулиго д̇зжийвариго. сажз д̇вамби ааран̃н̃иго бхависсаси бин̣д̣абаад̇иго бам̣сугуулиго д̇зжийвариго, зваахам̣ д̇ам̣ баб̣б̣ааж̇зссаами ниссаяам̣ д̣̇ассаамий’’д̇и, сажз со мз, бханд̇з, бадиссун̣ид̇ваа нанд̣̇ад̇и орамад̇и, зваахам̣ д̇ам̣ баб̣б̣ааж̇зми ниссаяам̣ д̣̇зми, сажз на нанд̣̇ад̇и на орамад̇и, на д̇ам̣ баб̣б̣ааж̇зми, на ниссаяам̣ д̣̇зми, зваахам̣, бханд̇з, барисам̣ винзмий’’д̇и. звам̣ ко 23, махаарааж̇а, д̇худ̇аг̇ун̣аварасамаад̣̇ин̣н̣о ж̇инасаасанаварз иссаро ход̇и. васавад̇д̇ий саамиго ижчаагаран̣о, д̇ассаад̇хзяяаа хонд̇и гзвалаа санд̇аа сукаа самаабад̇д̇ияо.
‘‘Yo koci maṃ, bhante, upasaṅkamitvā pabbajjaṃ vā nissayaṃ vā yācati, tamahaṃ evaṃ vadāmi ‘‘ahaṃ kho āvuso āraññiko piṇḍapātiko paṃsukūliko tecīvariko. Sace tvampi āraññiko bhavissasi piṇḍapātiko paṃsukūliko tecīvariko, evāhaṃ taṃ pabbājessāmi nissayaṃ dassāmī’’ti, sace so me, bhante, paṭissuṇitvā nandati oramati, evāhaṃ taṃ pabbājemi nissayaṃ demi, sace na nandati na oramati, na taṃ pabbājemi, na nissayaṃ demi, evāhaṃ, bhante, parisaṃ vinemī’’ti. Evaṃ kho 24, mahārāja, dhutaguṇavarasamādiṇṇo jinasāsanavare issaro hoti. Vasavattī sāmiko icchākaraṇo, tassādheyyā honti kevalā santā sukhā samāpattiyo.
‘‘яат̇аа, махаарааж̇а, бад̣̇умам̣ абхивуд̣̇д̇хабарисуд̣̇д̇хауд̣̇ижжаж̇аад̇иббабхавам̣ синид̣̇д̇хам̣ муд̣̇у лобханийяам̣ суг̇анд̇хам̣ бияам̣ бад̇т̇ид̇ам̣ басад̇т̇ам̣ ж̇алагад̣̇д̣̇амаманубалид̇д̇ам̣ ан̣убад̇д̇агзсараган̣н̣игаабхиман̣д̣ид̇ам̣ бхамараг̇ан̣асзвид̇ам̣ сийд̇аласалиласам̣вад̣̇д̇хам̣, звамзва ко, махаарааж̇а, имзхи д̇зрасахи д̇худ̇аг̇ун̣зхи буб̣б̣з аасзвид̇зхи нисзвид̇зхи жин̣н̣зхи барижин̣н̣зхи жарид̇зхи убажарид̇зхи барибуурид̇зхи арияасааваго д̇им̣саг̇ун̣аварзхи самубзд̇о ход̇и.
‘‘Yathā, mahārāja, padumaṃ abhivuddhaparisuddhaudiccajātippabhavaṃ siniddhaṃ mudu lobhanīyaṃ sugandhaṃ piyaṃ patthitaṃ pasatthaṃ jalakaddamamanupalittaṃ aṇupattakesarakaṇṇikābhimaṇḍitaṃ bhamaragaṇasevitaṃ sītalasalilasaṃvaddhaṃ, evameva kho, mahārāja, imehi terasahi dhutaguṇehi pubbe āsevitehi nisevitehi ciṇṇehi pariciṇṇehi caritehi upacaritehi paripūritehi ariyasāvako tiṃsaguṇavarehi samupeto hoti.
‘‘гад̇амзхи д̇им̣саг̇ун̣аварзхи? синид̣̇д̇хамуд̣̇умад̣̇д̣̇авамзд̇д̇ажид̇д̇о ход̇и, гхаад̇ид̇ахад̇авихад̇агилзсо ход̇и, хад̇анихад̇амаанад̣̇аб̣б̣о ход̇и, ажалад̣̇ал̣ханивидтаниб̣б̣змад̇игасад̣̇д̇хо ход̇и, барибун̣н̣абийн̣ид̇абахадталобханийяасанд̇асукасамаабад̇д̇илаабхий ход̇и, сийлаварабавараасамасужиг̇анд̇хабарибхаавид̇о ход̇и, д̣̇звамануссаанам̣ бияо ход̇и манаабо, кийн̣аасаваарияаварабуг̇г̇алабад̇т̇ид̇о, д̣̇звамануссаанам̣ ванд̣̇ид̇абууж̇ид̇о, б̣уд̇хавиб̣уд̇хабан̣д̣ид̇аж̇анаанам̣ т̇уд̇ат̇авид̇ат̇омид̇абасад̇т̇о , ид̇ха ваа хурам̣ ваа логзна анубалид̇д̇о, аббат̇огаваж̇ж̇зби 25 бхаяад̣̇ассаавий, вибулаварасамбад̇д̇игаамаанам̣ маг̇г̇апалаварад̇т̇асаад̇хано, ааяаажид̇авибулабан̣ийд̇абажжаяабхааг̇ий, анигзд̇асаяано, жхаанаж̇жхосид̇ад̇аббаваравихаарий , виж̇адид̇агилзсаж̇аалавад̇т̇у, бхиннабхаг̇г̇асан̇гудид̇асан̃чиннаг̇ад̇инийваран̣о, агуббад̇хаммо, абхинийд̇аваасо, анаваж̇ж̇абхог̇ий , г̇ад̇ивимуд̇д̇о, уд̇д̇ин̣н̣асаб̣б̣авижигижчо, вимуд̇д̇иж̇жхосид̇ад̇т̇о 26, д̣̇идтад̇хаммо, ажалад̣̇ал̣хабхийруд̇д̇аан̣амубаг̇ад̇о, самужчиннаанусаяо, саб̣б̣аасавагкаяам̣ бад̇д̇о, санд̇асукасамаабад̇д̇ивихаараб̣ахуло, саб̣б̣асаман̣аг̇ун̣асамубзд̇о, имзхи д̇им̣саг̇ун̣аварзхи самубзд̇о ход̇и.
‘‘Katamehi tiṃsaguṇavarehi? Siniddhamudumaddavamettacitto hoti, ghātitahatavihatakileso hoti, hatanihatamānadabbo hoti, acaladaḷhaniviṭṭhanibbematikasaddho hoti, paripuṇṇapīṇitapahaṭṭhalobhanīyasantasukhasamāpattilābhī hoti, sīlavarapavaraasamasucigandhaparibhāvito hoti, devamanussānaṃ piyo hoti manāpo, khīṇāsavaariyavarapuggalapatthito, devamanussānaṃ vanditapūjito, budhavibudhapaṇḍitajanānaṃ thutathavitathomitapasattho , idha vā huraṃ vā lokena anupalitto, appathokavajjepi 27 bhayadassāvī, vipulavarasampattikāmānaṃ maggaphalavaratthasādhano, āyācitavipulapaṇītapaccayabhāgī, aniketasayano, jhānajjhositatappavaravihārī , vijaṭitakilesajālavatthu, bhinnabhaggasaṅkuṭitasañchinnagatinīvaraṇo, akuppadhammo, abhinītavāso, anavajjabhogī , gativimutto, uttiṇṇasabbavicikiccho, vimuttijjhositattho 28, diṭṭhadhammo, acaladaḷhabhīruttāṇamupagato, samucchinnānusayo, sabbāsavakkhayaṃ patto, santasukhasamāpattivihārabahulo, sabbasamaṇaguṇasamupeto, imehi tiṃsaguṇavarehi samupeto hoti.
‘‘нану, махаарааж̇а, т̇зро саарибуд̇д̇о д̣̇асасахассилогад̇хаад̇уяаа аг̇г̇абурисо табзд̇ваа д̣̇асаб̣алам̣ логаажарияам̣, соби абаримид̇амасан̇кязяяагаббз самаажид̇агусаламууло 29 б̣раахман̣агулагулийно манаабигам̣ гаамарад̇им̣ анзгасад̇асан̇кам̣ д̇ханаваран̃жа охааяа ж̇инасаасанз баб̣б̣аж̇ид̇ваа имзхи д̇зрасахи д̇худ̇аг̇ун̣зхи гааяаважийжид̇д̇ам̣ д̣̇амаяид̇ваа аж̇ж̇зд̇арахи ананд̇аг̇ун̣асаманнааг̇ад̇о г̇од̇амасса бхаг̇авад̇о саасанаварз д̇хаммажаггамануббавад̇д̇аго ж̇аад̇о. бхаасид̇амбзд̇ам̣, махаарааж̇а, бхаг̇авад̇аа д̣̇зваад̇ид̣̇звзна зган̇г̇уд̇д̇аранигааяаваралан̃чагз –
‘‘Nanu, mahārāja, thero sāriputto dasasahassilokadhātuyā aggapuriso ṭhapetvā dasabalaṃ lokācariyaṃ, sopi aparimitamasaṅkhyeyyakappe samācitakusalamūlo 30 brāhmaṇakulakulīno manāpikaṃ kāmaratiṃ anekasatasaṅkhaṃ dhanavarañca ohāya jinasāsane pabbajitvā imehi terasahi dhutaguṇehi kāyavacīcittaṃ damayitvā ajjetarahi anantaguṇasamannāgato gotamassa bhagavato sāsanavare dhammacakkamanuppavattako jāto. Bhāsitampetaṃ, mahārāja, bhagavatā devātidevena ekaṅguttaranikāyavaralañchake –
‘‘наахам̣, бхигкавз, ан̃н̃ам̣ згабуг̇г̇аламби саманубассаами, яо звам̣ д̇ат̇ааг̇ад̇зна ануд̇д̇арам̣ д̇хаммажаггам̣ бавад̇д̇ид̇ам̣ саммад̣̇зва ануббавад̇д̇зд̇и, яат̇аяид̣̇ам̣ бхигкавз, саарибуд̇д̇о, саарибуд̇д̇о. бхигкавз, д̇ат̇ааг̇ад̇зна ануд̇д̇арам̣ д̇хаммажаггам̣ бавад̇д̇ид̇ам̣ саммад̣̇зва ануббавад̇д̇зд̇ий’’’д̇и.
‘‘Nāhaṃ, bhikkhave, aññaṃ ekapuggalampi samanupassāmi, yo evaṃ tathāgatena anuttaraṃ dhammacakkaṃ pavattitaṃ sammadeva anuppavatteti, yathayidaṃ bhikkhave, sāriputto, sāriputto. Bhikkhave, tathāgatena anuttaraṃ dhammacakkaṃ pavattitaṃ sammadeva anuppavattetī’’’ti.
‘‘саад̇ху, бханд̇з нааг̇асзна, яам̣ гин̃жи наван̇г̇ам̣ б̣уд̣̇д̇хаважанам̣, яаа жа логуд̇д̇араа гирияаа, яаа жа логз ад̇хиг̇амавибулаварасамбад̇д̇ияо, саб̣б̣ам̣ д̇ам̣ д̇зрасасу д̇худ̇аг̇ун̣зсу самод̇хаанобаг̇ад̇а’’ 31 нд̇и.
‘‘Sādhu, bhante nāgasena, yaṃ kiñci navaṅgaṃ buddhavacanaṃ, yā ca lokuttarā kiriyā, yā ca loke adhigamavipulavarasampattiyo, sabbaṃ taṃ terasasu dhutaguṇesu samodhānopagata’’ 32 nti.
д̇худ̇ан̇г̇абан̃хо д̣̇уд̇ияо.
Dhutaṅgapañho dutiyo.
анумаанаваг̇г̇о жад̇уд̇т̇о.
Anumānavaggo catuttho.
Footnotes:
